Vai ka chhan!

August 8th, 2011 8:30 pm by kawlhawk

Kar kal ta khan, Bazar hmun kil khatah vai motia (?) leh mizo tlangval zu rui – chawrche ve hmel tak an insual a. Vaipa chuan a lo pe dak ngun deuh nge ni, mizo zawka chu a mit ko a duk a, a hmui a thi bawk a. A thiante pawh ni chuang lo – mizo tlangval pali velin pawt thenin, vaipa chu a awmah an thap ta bawrh bawrh a. Kut an thlak hman tep nghe nghe a!

Ka tlan phei vat a, thil awmzia ka zawt a. Mizo tlangval zu rui chuan vaipa pawisa a dilin kut a lo thlak hmasa a ni awm a. Tlangvala chu ka bulah ka pawt hnai a; a thil tih dik loh zia leh amah mimal tan mai ni lo, hnam tana mualphona thleng thei a nih zia te ka hrilh hrep a.

“A tirah tha deuhin ka dila min pe duh lo a nih kha. Ka haw anga kan veng vaiho ka dil leh tho ang. Min pek loh chuan an chàk lovang, vai mai mai…” a tikhanglang a.

“Thu tha ka hrilh che a, i dik lohnaah ka zilh che a, a pàwng zawng zawnga i la tawng chu le… he vaipa hi tunah hian, hmaichhanah ngaihdam i dil loh chuan Police Station-ah ka hruai dawn che” ka tive ta a.

Chu ve leh, tlangval pali zinga pakhat (an rui miah lo) chuan –
“Hmaichhana vai ngaihdam dil turin hepa hi i phut a maw? Ka pu, em em a che a!…” a rawn ti a. “em em lo ve, he tlangval hi a sual a, an vengah sual leh a la tum a, ngaihdam a dil duh loh chuan police-ah ka hruai ngei dawn a ni” ka ti ta tlat a.

Pakhat dang chuan – “Ka pu, a suala-te chu an sual a ni mai a. Ka ngaihdan chuan he ramah hian, engvang mahin vaiin mizo thisen chhuak khawpin kut a thlak tur a ni lo. ILP lem hmangin duh chen chen an awm a, tih emah chuan Kristian ram kan nih avangin an lakah that pawh kan tha thawkhat viau alawm le…” a rawn ti a.

“Thlamuang taka awm anga in ngaih lai hian, kan rama vaiho hi an thlamuang hauh lo…” ka ti dek dek a, a hmaa mi bawk chuan páwr tawkin – “Thlamuang e… Vairamah kum 7 lehkha zirin ka awm… Kan dikna ngawih ngawihah pawh kutthlak let chu sawi loh, tawngkam vin pawh kan hmang ngam hleinem. Mikhual theuh theuh, kan rama vaiho nen chuan inthlau vet vet tak kan ni. A pawng a takin hmusit ang u… ka tihna a ni lo. Mahse, he ramah, kan khawchhungah hian a dikna pawh niraw sek sek – vaipain zofa kut a thlak ngam tur a ni lo hrim hrim. He tlangval – zu rui hi kan tan a ni lo, kan bazar hmunpui bera mizo kut a thlak ngamtu – vaipa hi nakin zela mikhual awmdan tha zawk a hriat nan ben harh kan tum a ni zawk!”
a rawn tita piap piap a.

“A vawtu èk cheh” an tih ang deuhin, zilh hrep tumtu zawka chu ka dàng a ni ta der a.

An ‘aw ki’ a san chhoh tak em avang leh, an sawi chu dikna chen awm ve tlata ka hriat avangin vaipa chu ka kai chhuak a, a tha a la khur deuh dar dar nghe nghe a. “Nangmah chu sual lo… Nangmah mijoramah om char char du suan, voi 1 poh mijo maar toh suh, sia em…” ka ti a, a lu a bu nghat a, ka kaltir ta a.

Sawi ho atan —

#1. Vairamah chuan kan lo chep deuh pawh a ni thei e. Kan diknaah pawh dikna sawi ngam lo lèka rahbeh pawh kan ni thei e. Chumi avanga an tih ang chiaha lo tih ve hi — a Kristian lo a, anmahni ang leka sualah kan inchhuah tihna a ni. “Pathian hnam thlan” inti ngam ngat ramah hian mikhual leh hnam tlem zawk mah nise, an diknaah an trang ngam ve tur a ni dawn lo’m ni?

Mikhual chuanga that nasa tak chhuah thin kan thlahtute hre rengin leh, Pathianin keimahni ang thova duh taka a siamte annih ve avangin, kan hmusitin kan rapbet tur a ni lo. An dikna pawh engmah sawi ngam lo leka vau beh te ngat phei chu sual lian tak a ni.

#2. Mikhual/ Ramdang miin, engvang mahin a ram neitu kut a thlak tur a ni lo. India ram angah te ngat phei chuan a nunna atana hlauhawm khawp pawh ni lo, misual kuttum satliah mai maiah tan lo khawhin a tawk let tur a ni lo hrim hrim. A sahim nan a tlanchhe zawk mai tur a ni. “Ka diknaah chuan…” tiin an inla pàwr khâng tur a ni lo.

Tun hnaiah pawh vairama mizo zirlaiten kut an tawrh tak zeuh zeuh hi. Buaina a punlun zel loh nan leh an sahim nan, an diknaah pawh tlawm zawkah an tang mai thian ang hian – kan rama vai, burma mi leh mikhualtu pawhin an diknaah tlawm an hreh tur a ni bik lo.

129 Responses to “Vai ka chhan!”

1
Sony Says:
August 8th, 2011 at 8:36 pm
Clap clap clap. Ka tan che, Kawlhawk. Ka racist ve lo.
2
ChhanaPa Says:
August 8th, 2011 at 8:41 pm
Vai hian thi lek lek khop in min sawi sa tawh. Mahse an dik na a nih chuan ka chhan ve tho.. Pu Kawlhawk, ka support che. (Y)
3
century child Says:
August 8th, 2011 at 8:43 pm
Zephenath
4
century child Says:
August 8th, 2011 at 8:45 pm
Khai aaa..(zak chem chem)haha
5
ArnieB Says:
August 8th, 2011 at 8:52 pm
hei chu comment tral lo mai ang chhiar chhuah hi a tok viau (H) (Y)
6
fx hmar Says:
August 8th, 2011 at 8:56 pm
In tan chhan a dik ve2. Vaipa chu a vannei thlot
7
jahauhruaia Says:
August 8th, 2011 at 8:57 pm
Sawiho tur no.1 ka thlawp e.

Vai fel tak, min ṭanpuitu pawh vairamah ka tawng tawh, a sual leh phakhar hi chu a cheknawk ho zing ami an ni deuh ber em aw, chutiang vai sualho tihdan entawn turah Mizo hnam hi ka phal lo. Khawiah pawh dikna hi lal ber rawh se
8
Ozima Says:
August 8th, 2011 at 8:57 pm
Vai rama vai kut ka tuar ti nazawng hi chuan an phutawk, an chi tuh rah an seng a ni mai, an awmdan chiah khan zoram lamah pawh mahni khaw thenawmah va ti se an lo khawih fo tho ang.

Vai nen chuan ka tih ni hauh lovah kan buai tawh, mah€se a tawpah chuan ngaihdam min dil zawk tho tho.
9
Zephyruss Says:
August 8th, 2011 at 8:59 pm
Tha khawp mai, nimin ah Vaipa nen kan in tibuaia, Traffic lun lutuk ah, Ka BIke arawn tai a, min puh let ta daih mai– Ka sa khawp mai. mahse, an tawng khan a au ta vak vak a, an rawn pung ta tual tual mai sia, ka sa him nan ka ti a, athiam zawk ni tho mah ila, kan ram ani si lova ti in engmah sawi hran lo chuan ka bike ka ti nung a, ka tlan leh ta mai a..Bike ka tlan pah chuan Tawngkam chhe tak F*** U chu kan tih ve hram kha. ( He tawngkam hi ka hmang khat khawp a sin)

Ka bike chhia ai mah khan ka nunna ahlu zawk tih ka hriat avang in, Dawihzawk nih ka thlang ta zawk a.
10
H.Vangchhia Says:
August 8th, 2011 at 8:59 pm
kawlhawk, i tih tur i ti niin ka hria. Keipawhin chutiang chu hmu ila ka inrawlh tho ka ring. Good job (Y)

Mizoram a lo pawr vak hi awmzia a awm vaklo. Kan pawrh dan lah hi a mualpho thlak zawngin ani fo lehnghal a. Dik leh diklo thliar hrang thin ila, chuta tang chuan hmalak dan ngaihtuah thin zawk tur a ni ngai.
11
Teatak2 Says:
August 8th, 2011 at 9:01 pm
Vai ramah vaiho hi ka um hrep toh. Mahni rama intih huai vak hi a trul hran lo. Diklohnaah chuan huai a har khop. Diknaah chuan mizopa hi vairamah pon huai tak tak an tam mai. Zuruipa hian mizo min ti mualpho hle a ni. Rui lo se chuan a dil bik kher lo mai thei. Pu Kawlhawk, hetiang ho vai hian thlawk kual vel thei la chuan kan ram hi a nuam sawt in ka ring asin. Kan thinlunga vai huat tlatna hi kan dah bo chu a hun ve tawhin ka hria.
12
ChhanaPa Says:
August 8th, 2011 at 9:03 pm
Ozima, i tawngkam hman fimkhur deuh hlek rawh. Duh reng vang ni lo hian buaina hi a tawh theih a nia.. #7, ka support e.
13
century child Says:
August 8th, 2011 at 9:03 pm
Pu Kawlhawk kei pawh ka tran che.
Inla pa deuha vai mixture(vaipa mix) an tham sak thin te hi ka lo ngei thin khawp mai..mizo hmel an tibâl.
14
century child Says:
August 8th, 2011 at 9:04 pm
Pu Kawlhawk kei pawh ka tran che.
Inla pa deuha vai mixture(vaipa mix) an tham sak thin te hi ka lo ngei thin khawp mai..mizo hmel an ti bâl.
15
century child Says:
August 8th, 2011 at 9:04 pm
Pu Kawlhawk kei pawh ka tran che.
Inla pa deuha vai mixture(vaipa mix) an thamsak thinte hi ka lo ngei thin khawp mai..mizo hmel an ti bâl.
16
puipuia pa Says:
August 8th, 2011 at 9:04 pm
Pakhatna. Mizoram hi hnamdang ho tan (low class , labour class ni lo) tan cuan a hreom ngot ang. Vai kan ti vek a, oficer lian ho poh. Local ho hian kan melh sang lo viau zel. Andhra a lehkha kan zir lai a nalh tawk a kan in chei pawh a bhutan/nepali kawrlum zuar ang a min ngai thin te kha kan va thinrim thei tak (kan thianpa pakhat in kan bawnghnutepu an ni tiin a sermon khum chiam te poh min ti hre chhuak). Pahnihna, kawng leh lamah chuan kan state pon ah mizote kan dikna reng ah poh talbuai ta chiam hi kan va tam em.kan experience deuh vek ka ring. Mizoram a an lo kal huna velhba nei hi kan tam om e. Mahse tam tak hi cu tawng thiam loh vang poh a niang. Mahse a tlangpui in kan hmel leh nundan a dan deuh vang hian vai ram ah kan chep tlangpui
17
Pc-a Says:
August 8th, 2011 at 9:04 pm
kan khaw pa, vai haw thin deuh minti hre chhuak zawk mai. An ramah chuan naupangte pawh puitling tiat an ni. Bel zuar te hi chawi her sak hram zel rawh u a ti.

Vawikhat pawh, tlangval pakhatin vai chhang zuar alo ei sak a, nu ho in an hau laih laih a, an rama an sual zia in hria a mi, tlangval va ei sak leh rawh a ti ngat. A haw tawh tan zawng insum a har ve hle turah ka ngai hmiah mai.

I Post tha e (Y)
18
mr.Duhlova Says:
August 8th, 2011 at 9:12 pm
Pu Hawkte a, ka tan tlat… (Y)

Diklo takin ti lo ila,…a khawlo leh ngampa deuh ho hi chu an ram a nih lohzia an theihnghilh tawh lohnan hriattir zauh pawh a pawi lem em ni?

Overstay lah hi an awm nual niawm tak a ni..awmze nei leh zahawm deuh zawnga tanrual ve deuh hi chu a tha.

An ni ho hi (F) (L) (F) (L) (F) (F) hetiang lam hi hlan an har deuh nge…kan tum lo ve hrim hrim le ?

Vai min sual ngam ka la tawng lo…Mizoram pawnah pawh…
19
Saitawk Says:
August 8th, 2011 at 9:13 pm
Police : “Vaite, Lalngheta chuan engtinnge a tih che?”
Vai : “keima in ah lokal a, jawnga pawisa pe rawh ti a, keiman pe lovang ti a, min nek a, a tukah lokal leh a, jawnga pawisa pe rawh ti leh a, pe a, nek leh a” 😛 🙂
20
levodopa Says:
August 8th, 2011 at 9:14 pm
(Y)
21
ChhanaPa Says:
August 8th, 2011 at 9:22 pm
Van lal nau ang a tahna Kalvary tlang ah chuan an dang chuang love……. Mizo te hi chu kan racist lutuk deuh hlek chuan ka hria.
22
Ozima Says:
August 8th, 2011 at 9:22 pm
ChhanaPa@12: Tawhsual chu khawi hmunah pawh tawh theih teh meuh mai, kei pawh ka tawk tawh, chungchu sawi tam ngai lo se. Amarawhchu engamah a hmaa pawr fe fe, mahni ngaih dana mi society a khawsak tum tlat………..harsatna an tawh a mizo anga tanpui ngai leh si ang te hi chu tawngkam hman fimkhur sak pawh ka lo tum em em hlei nem.
23
Bawngtlaia Says:
August 8th, 2011 at 9:23 pm
(@) Nakina min la chimraltu turte an ni a, tharum ni lovin finna, rinawmna leh taihmakna hmanga um chhuah tur chi an nih hmel zawk. Vai pawisa dil te chu, a chauh-thu-ba-rawh e mai a ! 😀
24
loneeagle26016 Says:
August 8th, 2011 at 9:26 pm
Pu Kawlhawk, i ti tha khawp mai, mizo tlangval chhan tlak ngang loh hi an awm ve bawk ania !
Vairamah buaina tawh palh erawh chuan thiamthu sawi thei dinhmunah kan ding ngai lo chu ani…tunhma deuh, Silchar-a riah ziah a ngaih laia silchar vai sual phakar theih zia kha aw…Dawrah te khan kan lut tha ngam ngai hlei nem…kan melh deuh hlek kha an hawlh chim rum2 mai a, tum loh2 kha min leitir hlommai thin kha ania…Rickshaw pu ho te khu…An airport ve lah khu engahmah hma khuan OK ticket kha a zo nghal zel a, black chuan lei tur a awm teuh zel bawk sia… Delhi/kolkotta velah pawh buaina tawhpalh chuan chuti hlauh….tunhma deuh khan Kol phei chu zana vahchhuah a him lo zual, Gunda ho thah/sawisak kha va hmuh palh hlauh chuan mi frame let daih an ching thin, hei hi chu, an mahni vai chungah pawh an tihdan ni tho mai….Suitcase leh pawisa tihbo/ruksak chu ni ve tawh chiah ila chuan tul mang miah lo hian ka vel ve duh tho mai thei e… vai ho hian kan intih Indian ve tawhziate hi an hre mang tak si lova… 😛
25
ChhanaPa Says:
August 8th, 2011 at 9:29 pm
#23 (Y)
26
utupi Says:
August 8th, 2011 at 9:29 pm
(Y) . Nikhat bandh vanga economic buai nghal thei ram kan ni tih i hre reng ang u. Kan tlawn tur tihna a ni lova,thianthaah kan siam tur a ni. Mahse kan ramah kan tlangnel tir tur a ni lo.
1) Phalna nei lo a rawn lut/ILP tawp tawh tih hre reng si eng vangin nge thuneitute hnenah kan thlen loh..?.
2) Vai ning viau si engvangin nge mitiri kan zir loh..? Damchhung a helper nih kan thlang zawk em ni..?
3) Vai sumdawn phal ni si lo, eng vangin nge vai sumdawng an tam em2…? Hming hawh tir tu te hi kan chhuichhuak (kan hriat chuan report) ngam tur a ni lawm ni..?
Min hmangaih vang ni lo, sumdawn/ram an duh vanga nupui/pasal a neih mai2 kan chin te hi kan sim tur a ni. Heng hian tunah mai rah a chhuah dawn lo, mahse kan thlah kal zel turah pawi a khawih nasa dawn. vai ho chuan tun hun ni lo, nakin kum 100 hnu a thil thleng tur an ngaih tuah zawk a ni tih kan hre reng tur a ni… :-O
27
shailendra Says:
August 8th, 2011 at 9:33 pm
A nazawngin Vairamah Mizo in vai kut kan tuar ngawt lo. Chutiang bawk in Vaiin Mizoramah kut an tuar ngawt bawk hek lo.Vairam emaw Mizoram emaw a kut tuar tur hian thil eng emaw a awm a ngai tihna chu a ni ngei a. Chumi thil awm chu tuar lo tur a a ram neitute zah thiam hi a ngai khawp mai. Mahse a ram neitu zawk a thawh at tlat hi chuan a buaithlak ta thin a ni. Kawlhawk i ti tha ka ti khawp mai. Khatianga chhantu kha Vairamah hmuh zen tur hi an awm lo a nia.
28
phawkars Says:
August 8th, 2011 at 9:34 pm
South Indian hi an fel tlangpui in ka hria, haryana leh rajashthan lam hi an chapo deuh, central lam an che trawp…vai nen a intih buai a mahni thiamna a nih chuan hnek pawp tur, tih buai leh a hnekin an kawm ngeih tawh em2 ang che..
29
ZerO Says:
August 8th, 2011 at 9:36 pm
College kan kal ve lai khan Hotelah Arunachal pa’n a senior a hnek a. Hmar chhak atangin zirlai 7 vel kan awm ve a, khawih min tum a. Min chhantute chungah ka va lawm em….
30
Bawngtlaia Says:
August 8th, 2011 at 9:38 pm
(@) #26 (Y) (Y) (Y)
31
kawlhawk Says:
August 8th, 2011 at 9:39 pm
Kawmen a ngaihnawmin suangtuahna a va tikalthui hlawm tehlul em! Kan misual/mi ril dangte pawh an rawn lang zel turah ngai ila…

In invawthlu tawp dawn te a nih loh chuan inhnial ula, inkawk sawk2 rawh u! (Y)
32
Maisek Says:
August 8th, 2011 at 9:42 pm
Vai ka thawhpui teuh..Mizo min hlauh vangin that an chuh tlangpui, an dawih viau bawk. An chunga kan sual loh na na na chuan an sual hranpa in ka hre lo..Phakar ve deuh te chu khawi hnamah pawh an awm vek…. chu chu a ni mei… (Y)
33
Grey_RM Says:
August 8th, 2011 at 9:48 pm
Tumkhat kan veng(vairam) ah hian mizo Tv in vai (mi ang manglo, mi pawisawi si lo)a hnek a, tah hian Vai vang chauh in Mizo in kut kan tuar lo. A hnektu Mizo Tv vangin vai pakhat in kut a tuar zawk… i ti tha e.. (Y)
34
MamiPa Says:
August 8th, 2011 at 9:49 pm
kum 5 kalta ah khan Silchar train station ah Arsarep ka ken avang in vai police in cheng zahnih min chawi tir a kar hmasa khan Silchar Rel station ah bawk meizial ka pai avang in cheng 2000 min chawi tir an tum a khawngaihna ka dil a cheng 300 ka pe thei hram station chhung ah ka zu lo chung pawh in min tibuai phet a tawng thiam vak lo ta chu kan tlawm ngawi ngawih mai ani ka thin a rim ngawih ngawih mahse engmah ka ti thei si lo
35
MamiPa Says:
August 8th, 2011 at 9:53 pm
Vairam han tih pawh hian Silchar vai ho bak chu sual an awm pawh ka hre vak lo,Tripura Bengali ho te khu an fel phian,south Indian lam ho phei chu fel tak an ni in ka hria
36
utupi Says:
August 8th, 2011 at 9:57 pm
Mitin hian mahni chan tawk kan hmu zel zawng a nih hi, he khawvel ah hian…. ;-(
37
saint sammoo Says:
August 8th, 2011 at 9:58 pm
Ghy ah khuan thiamthu sawi thei miah lovin ‘bar’ atangin min thehchhuak a, pawnah min raphrual nek tawh. Silchar ah pawh thiam lohna nei hauh lovin kan bike auto-in an hnuk hrep tawh.. phuba lak chu ka tum hauh lo. mahse vai kut tuar hrep tawhin phuba an la duh a nih chuan ka dang lo maithei..kei chu.
38
Saitawk Says:
August 8th, 2011 at 9:58 pm
A pawng atakin vai hi ka haw lemlo a, mahse Vai mizia a ka ngaihtheihloh em em chu an Pu/hotute an tlawn hneh em em mai leh an tlaktlum phahna tur a nih phawt chuan thriante hek an hreh miahlo hi a ni. Thamna hmuchhuaktu hnam niawm tak in thamna leklam lah hi an han uar laileng khawp bawk a.
39
chhangteval Says:
August 8th, 2011 at 9:58 pm
khing tlangval zinga pakhat khi chu ni ve ila kawlhawka hian a chak lo ngawt ang..mai mai saala..dawihzep ho!!
40
saint sammoo Says:
August 8th, 2011 at 10:12 pm
@utupi: #36. Silchar vai kut ka tuar kha ‘ka chan tawk’ a nihna ka hre lo. tun thleng hian.
41
chhangteval Says:
August 8th, 2011 at 10:14 pm
khi mizo tlangval khi ka tlawmngaih pui tlat zu nia kei chu, post hi vawi 3 vel ka chhiar nawn leh a, vai laka tih luihna a ngaihdam a han dil vel tur hmel khi…ka lainat lutuk!!
42
ReMpYâ„ Says:
August 8th, 2011 at 10:16 pm
Chu tlangval chu a va lainatom em!! A hmuhsit em2 vaiho poisa awt ngoih2 in a awm chu ania… Chuti taka vai mamoh chu vaiho tana hma la a au pup2 om zok khan kut thlak ve phet a tum a, kutthlak letin a la om zui chu ania…harhfim takin zanrei ah inngaihtuah neuh2 se, inawhhlum na tham a ni.. 😀
43
kawlhawk Says:
August 8th, 2011 at 10:16 pm
Iau!!! (Y)
Tren tren…

A dik a ni. Sawiho tur — #1-na khi tun thlenga ka rilru leh ka dinna a la ni bur! A ni zel bawk ang! Mahse, #2-na anga rilrupu hi chhiar zen loh an awm ve tlat a ni; an tam zawk zawmah maithei. An thil thlirdan khi anmahni anga inchanin han ngaihtuah chiang ve mah u, a dikna chen a awm ve tlat si a ni. Mi nunrawng, dikna ngaina lo leh mi sual tak anga chhuah ngawt chi anni bik em ni?… In ti ve em?
44
awmawmpuia Says:
August 8th, 2011 at 10:18 pm
Sawihona tur point 2 hi ka thlang e. I ti duhdah ila kut i thlak fo ang u chu ka ti lo. Mahse mizo kutthlak ngam khawp chuan khawingam loh tur. Kawlhawka te ang hi an awm leh thin vang a lawm kut min thlak ngam tak fo ni. Mi ramah chuan awmdan chintawk an hriat ve a ngai. Vai thingpui dawr a an tirhkah thenkhat mit nghal em em mai, mizo nula/nu te mawilo khawp a enreng ching te hi ka hua ania, ka beng mai hreh lo. Awmdan mawi an zirthiam hma chu ben zeuh zeuh an ngai.
45
utupi Says:
August 8th, 2011 at 10:21 pm
@saint sammoo: Nia silchar vai zawng, a ngaihna a awm thlawt lo a ni. Mihring tu pawh hian common sense kan nei vek a…mahse silchar vai (bangladeshi) ho hi zawng, mihring han tih dawn in common sense an nei bawk si lo, mihring nilo ti dawn ila an ni bawk si… (Fiamthu… 😀 )..
46
chhangteval Says:
August 8th, 2011 at 10:21 pm
a chi pui te chu rawn tran REM rem e!!
47
ninja Says:
August 8th, 2011 at 10:23 pm
Vai+lence hi ka ngaina lo a ni tawp mai :-[
48
RTPA Says:
August 8th, 2011 at 10:23 pm
Khoi hmun ah pawh (Vairam/Mizoram) i insual pui tur te i ngam dawn chuan dingla sual rawh, i ngam dawnloh (an tam) chuan tlan chhiata, ni dang a insual leh atan rilruk kha fin thlak zawk 😀

It’s wiser to be a coward then to be annihilated.
49
saint sammoo Says:
August 8th, 2011 at 10:28 pm
@ozi: #8. A hma zana naga pa zurui emaw min tih vanga ka thusawi ve pawh ngaithla duh lova min raphrual kha ‘ka chantawk, ka tuhrah’ maw ni a?.. I komen avang khian ka hnungzang ser hi darthlalangah ka va en leh ngat. Ka rilru i tina thar hle mai.
50
XaiA Says:
August 8th, 2011 at 10:30 pm
I vai chhan pa chu vai huai pawl tak a nih dawn chu,Mizoram-ah Mizo kut a thlak ngam a tih te ka mgaihtuah mai mai a (H)

51
kawlhawk Says:
August 8th, 2011 at 10:30 pm
Chhangtevak, mizoramah mizo tlangvalin vai motia – hmaichhana ngaihdam a dil tur kha I tlawmlakpui satliah mai ni lovin, i lak natpui a ni tiraw…
Miin, hah tak leh thlantui far kauh2 a a thawchhuah, dam loh hritlan pawh sawi lova, thahnem ngai taka hah thikula a thawhchhuah ve kha – tu emawin ruih nan, nuamtawl nan tharum hmangin chhuhsak tum ta sela, chumi chu I lainat ang maw? A thlavang I hauh ang maw?

Mihring hi a sap ang zawng te, a vai ang zawng te, a burma mi ang zawng te, mikhual mai2 tih ang zawng tea in en lovin, mihring kan nihna ang taka in en tur kan ni a sin. Mi tu pawh, mi te ber leh tlawm ber nia kan hriat lakah pawh diknaa huaisen a, dik lohnaa tlawm ngam tur kan ni a sin. Han inchhut chiang leh deuh teh a…
52
ruatruatapa Says:
August 8th, 2011 at 10:32 pm
Vai hi ka hnek tawh… Zemabawk Kawn vengah Vai zurui in Mizo nula 2 kawng kal mai mai lai hi an hnute-ah a lo khawih sak a, Nula 2 chu an auva, Bus tlan lai tidingin Mizo nula chhan nan Vaipa chu ka hnek hrep tawh…. Chu vaipa chu an Veng Welfare kutah kan pe a, kan tlansan.

Tun thleng hian ka inchhir chhin lo.

Mahse, an diknaah chuan Vai hi ka tan zawk fo thin….
53
kawlhawk Says:
August 8th, 2011 at 10:32 pm
Sorry for “chhangtevak”… =>> chhangteval
54
Teatak2 Says:
August 8th, 2011 at 10:35 pm
@44 awmawmpuia; Vai thingpui dawr a an tirhkah thenkhat mit nghal em em mai, mizo nula/nu te mawilo khawp a enreng ching te hi ka hua ania, ka beng mai hreh loi’… Nia, hetiang ho hi kei pawh ben mai ka pawiti lo, Mizoram chhung leh pawnah poh. Mizo tv. pawhnise, hetia nula melh kur ching ho hi ka huat zawng tak an ni. Kei poh hian nula hmelthra deuh chu thlir zui douh douh ka ching viau lehnghal a, insum ka mamawh khop mai.
55
ThaiBoy Says:
August 8th, 2011 at 10:35 pm
Vai huat hi ram hmangaihna emaw kan ti fo; hei hi a diklo ram intodelhna tur a mahni hna theuh taima leh rin awm tak a thawh hi ram hmangaih tuten kan tih tur ani.
Vairamah Vai nen vawihnih khat chu kan insual ve tawh Vawikhat chu Nagpur Rel Station ah ani, chu chu Vainu ka chhan vangin ani, Vawikhat chu Silcharah Auto Driverin min Sahlum a tum vangin kan insual tawh bawk, Ka thiamna ve ve ani bawk a ka huai khawpmai, Vawikhat Cachari Kawlbahra hmun a ka e zet chu, an pa berin Chemkawm nen min um tak tak mai a; e kham mumal lova tlan chhia kani bawk a, Chapal bo vek khawpin ka tlan chhe tawh 🙂

Silchar hi kan hnaih a; ka kal zing bawk a, mahse India ram hmun dang angin ka tlangnel tak tak theilo, ka Hriatdan ah chuan Mizo bum hrim hrim an in lak Hero vena ni tawp hian ka hre thin, Mizo an bum ni a an inhriat chuan a hek zawkah pawh tang mahse an lawm tho 🙂

Kan ramah hian hnamdang hian kan chanvo min chuhpuiin kan ram hausakna min ruhsak nasa ta hle mai; a huaisen vang ani lova keini aiin hreawm tawrh an chak a, an taimak zawk fo thin vang ani.

Vai kan velh angzat hi an ramah min velve se,an ramah hian kan awm peih miah lovang 🙂

Vairam ah chhungte chawmin Hostel nuam deuh ah kan awm a Vainen kan han in sual dek dek a ” Kan Sawrkar in kan thlavang a hauhlo de de dei dei….. ” kan ti leh ngawt thin. Kan ngamlo anih chuan ngamlo nih zah loh tur. Wardha a kan awmlaiin Mizo pahnih chauh kan awm a ka thianpa chuan vaiho kha a fuihpawrh tawn a a duh duh a in sual tir thei 🙂 CHAKZAWK NI TUR HIAN KUT TUM AIIN THLUAK A PAWIMAWH FO.
56
jemi Says:
August 8th, 2011 at 10:37 pm
kawlhawk i ti tha hle mai (Y) , vai e, sap e, ba le, DIKNA hian rorel se, chu chu a pawimawh ber chu a ni mai.Dikna ah kan tang anih chuan tuar mah ila tuar man a awm tho tho.
57
chhangteval Says:
August 8th, 2011 at 10:44 pm
vai ram ah vaiin kut thlak ve ta che u sela chhan tu in nei angem aw ka ti?? officer lian deuh emaw, daktawr emaw, mi pawimawh deuh te in nih chuan vai thian chhan tu in nei maithei 🙁
58
ReMpYâ„ Says:
August 8th, 2011 at 10:44 pm
@chhangteval, #48, keima min tihchhan anih k lo ring REM rem a, haha.. Ka chipui te vek alom, khovel mihringte hi…
59
loneeagle26016 Says:
August 8th, 2011 at 10:48 pm
Rin aiin komen a ngaihnawm phian mai… Pu Kawlhawka moral hi mi pangai moral tur chu ani…amaherawh chu, background hrang2 nei, vanduaina hrang2 tawk te pawh kan ni a, vai avanga buaina tawk tawh tamtak tan chuan vai huatna hi an thinlungah a riak tlat thin… kum tam fe a ni ta reng mai, Tripura a mizoram quota a pharmacist zirlaite puja donation an pek duh loh vanga an sawisak rawn vak mai kha…chhingchhip tlangval phei chu a atphah hlauh mai leh nghal…khata telve zirlai 1 chuan Bengali hi 1 tal hi chu ka that hrim2 dawn ani a ti thin a, sawlama an post naah khan Bengali police zu man pek tum miah lova in thin alo awm kher2 bawk si a…a thih phah ta anih kha…subject a related bawk a , kan sawi lang ve mai mai..!
60
lushai_er Says:
August 8th, 2011 at 10:48 pm
A ni leh thla ka chiang ta lo, kum 1994 vel khan ka zing excer-la kha Pu J.Hminga Gym (Tuikual A) ka pan ve a……Solomon’s Cave zawnah khian Vai (Mutia) hian tap chungin ka banah min rawn pawt a…! A sawi kan tin zawn chuan Mizo Tv.pa-3 te khan a pawisa an laksak chu lo niin.

Thil awmzia kan zawh khan kan fiamthu mai mai a lawm an tih siah chuan, “Pe leh ta che u…” ka tih chuan tha takin an pe ve leh mai a.

Pu Hawk, nang pawh i dem awm hran loh e….! Thudang alai chuan Agartala Engg chhuak pakhat chuan ‘Vai chhang kawt’ hi a vel ringawt a, a chhan an han zawh chuan, ” An khuaah an sual lutuk alawm,” a ti ve thung. 😉

In ngaih dial diala awm hi ava’n thain a va’n hlu em…tih min ngaihtuah tir!
61
RTPA Says:
August 8th, 2011 at 10:49 pm
58 hi ka nuih a ti za top…
62
jemi Says:
August 8th, 2011 at 10:49 pm
Delhi a Satia motibag Bus stand ah khuan 2008 kum khan bus atanga ka chhuah dawn in vai sikkk palian zet in mi rawn zen a tum a, chhan tu chu ka lo ngai lo hle mai bus chhung tawt karah thei leh thei lo in kut ka thlak nual. Vai ho pawh in keimah min tan vekkkkkkkkk.
63
Ozima Says:
August 8th, 2011 at 10:52 pm
@saint sammoo: Ava pawi ve! Accident zawng accident a ni e, ngaidam rawh an thiltih an hrelo a nih dawn chu. Mi society a khawsa kan nih chuan chumi mila awm ve mai tur, zu ruih pawn an ruih dana ruih ve mai tur, kan duh zawng leh kan huat zawng pawh a inang lo…….chutiang pawisa lo, an tana ban ka phar sak avanga miten ka hming an hriat reng dan tur ka ngaihtuah hian ka rilru a na ve bawk e. “Mi bengtla lo kawngah chuan hling te, thang te a awm a, a nunna vawng tha chuan a hlat daih ang”.
64
eL Says:
August 8th, 2011 at 10:57 pm
ka sawi ve dawn…keizawng..tharum ngaina mi ka ni a…ka dikna a nih chuan chak emaw chak lo emaw…ka tang ral raih ngam…kan college-ah keimah chiah mizo ka awm a..northeast tlem te…1st year ka nih laiin vawi hnih ka insual a..ka diknaah…ka hlau chuang lo…amaherawh chu…ka awmna Dehradun-a vai awmte hi ka vai hriata vai fel ber an ni ngei ang…keimah avangin auto atangin vainu a chhuk tawp tawh a…ka thianpain auto driver a tihbuai tum pawhin tharum thawh a..chet lak a tum chuang lo…vai hi an sual vek lo…chu vai..mizo tlangval lo sawisatu pawh chua huaisen a, thiam loh ka chantir phal lo..keimah thiamloh ka inchantir phal si lova…
65
caribou Says:
August 8th, 2011 at 10:59 pm
Mizoram pawnah chuan nasatakin chi inthliarna lo thleng thinin dikna in rorel thei lo pawh ni se, Mizoramah hi chuan dikna in rorel ni hram rawh se. Eng chi pawh, eng mi pawh, zalen takin awmin khawsa se, thilsual an ti anih chuan, thlei bik awm hauh lovin an chungah dan lekkawh ni rawh se.

Mimal tin hian rights kan nei theuh va. An vun a han avang ngawta mahni rights humhim thei lo tura vaubeh te hi chu a tha lo. Harsa taka thawh chhuahsa pawisa indil a, inhnehchhuh phei hi chu a tha lo lehzual. Thih huamin tan lo khawh ve pawh nise, an tihtur diktak ani.

“Khawvel kristian zawng zawng zingah, Mizo kristiante kuttum ka dawng zing ber,” an tih mai chuan a fuh lo hle ang.
66
bauhbauh Says:
August 8th, 2011 at 11:00 pm
Vai tih avanga huat tum vek leh an ramah an sual em a tih avanga ringawta Mizorama vai lo huat ve ringawt hi dik thei in ka hre lem lo
Mi chunga tha apiang an chungah pawh mi in that an chhuah tih hi a dik reng fo
67
DuatDuat Says:
August 8th, 2011 at 11:01 pm
Kan bazar kal ka thiannu nen vai pakhat in ka mawng vawihnih a rawn kawm,ka hawi let a a hmaiah vawihnih kan beng hawi sawk mai a,a rawn pawr ve khang lang,ih e, i kawm hi ka mawng a ni ka hrechiang khawp mai,midang mawng chu nise sawitheih ka neilo ka tia…a dang der 😀

kan hnung a vaidang kal ve te khan min lo hmuchiang bawk aniang an tham deuh nak2 a kan kalsan daih
68
ThaiBoy Says:
August 8th, 2011 at 11:02 pm
Vaiho nen a awm ho chuan Camera neih tur; an thla lak sak ila; kan Print sak loh hlau reng reng hian Kum khat vel chu kan Kid leh nge nge thin 🙂
69
jahauhruaia Says:
August 8th, 2011 at 11:04 pm
Mizorama hnamdang awmte hi Mizote min hmuh dan hi sawi ve ta se an inhnial ve luih luih ngei ang tih a chiang reng in ka hria; hnamdang aiin ka ṭha bik lo tihna a ni thei em?

Post tupa hian Mizo te chu ṭha bik turin min duh niin ka hria
70
Teatak2 Says:
August 8th, 2011 at 11:04 pm
Viramah hian mizo kan nih vanga kut min thlak hreh lo tlem te an awm, kut min thlak duh lo tur mi tam tak an awm. Mizoramah hian zu ruih vanga vai kutthlak duh hi mi tlemte an awm, vai an nih vang ringota kutthlak trul ti lo mizo tam tak kan awm bawk. Hnam feeling hi thil diklo min tih tirtu ni lo thei se kan ram hi a nuam zawk daih hian ka ring. Thilthra lo hi chu bansan ngam ila, thilthra tih hi i uar deuh deuh ang u. Zu ruih vanga vai kutthlak chingtute chu hlobet angin ah thlukin an la awm dawn si a. Dikna hi kan ramah chuan i lal tir hram hram ang u.
71
chhangteval Says:
August 8th, 2011 at 11:05 pm
Bawlin ka awm peih ve lo ve 😛
72
eL Says:
August 8th, 2011 at 11:08 pm
@chhangteval : vaipa chan khi i chanah han indah teh le…i tuarlaia hrehawm i tihzia leh i rilru natzia kha ngaihtuah leh la..i tuar ang tuar chu…i khawngaih thei lo maw??!
73
Ozima Says:
August 8th, 2011 at 11:10 pm
Hetih kawngah hi chuan mizo kristian inti thenkhat ai chuan sardar ho hian kristian an ang zawk mah in ka hria. Tin, ILP te hi kan vei tak tak a nih chuan zu man tur thing ringawt lo hian thuneitu te hnenah thlen ta zawk ila. Khawlai zurui zawr kawi kawhmawhbawl mai mai avanga hnam dang laka hnar hmuh len fo pawh hi kham awm e.
74
jemi Says:
August 8th, 2011 at 11:10 pm
@Chhangteval, keini ho hi bawlin kan awm i tihna a mi???
75
buh-duha Says:
August 8th, 2011 at 11:12 pm
Kei pawh Silcharah vai pakhatin pawisa min chhuhsak a tum a, ka pe duh lova, min vih a tuma, ka thhinrim ta deuh nge ni, min vit rawh ka ti a, ka dul ka hlim a, min vit leh ngam ta lem lo. A dawih deuh a niang. Vaiah hian sual ve tak tak an awm laiin fel ve tak tak pawh an awm. Silchar velah chuan vaiin an tihbuai che chuan tlema milian deuh dawrah tlan lut rawh, NUN khawchhuah zel nan a tha.
76
bauhbauh Says:
August 8th, 2011 at 11:12 pm
haha LalThaiBoy-a mai mai chu a….vai kid no. 1 i ngah awm (Y)
77
DuatDuat Says:
August 8th, 2011 at 11:15 pm
Ka kebab leithin na ah an lo neih tawh loh vangin dawr dangah ka va lei dawn a

Counter a aman ka pek laiin waiter khan tipalh ang takin min kal pelh pahin ka mawng a rawn piai(ka mawng hi a nalh a niang 🙂 )kitchen lam a pan nghal..ka va kal nal2 a kan beng chawrh mai a,vai dang awm zawng2 in min en thup…

An manager in engtizia nge rawn tia ka hrilh chu a hauh ve hlak kha…khatiangin vawikhatmah ti leh tawh suh te ka ti vel…kan menrum belh vel nih kha 😀

Kan dikna ah chuan chutiangin an in tawngpawng tan em2 bik pawh ka hre lo,a bik in hmeichhe tan
78
kawlhawk Says:
August 8th, 2011 at 11:15 pm
Chhangte, inbawlna a awm lo… kut I sil mai dawn em ni? A boruak vaw hottu ber leh ngaihdan a ruh langa sawi pop ngam – nang ber i leave daih te chuan va’n khawharthlak dawn ve… 🙁
79
ReMpYâ„ Says:
August 8th, 2011 at 11:15 pm
Thil diklo deuha soi i duh chuan generalised takin sawi la, a dik lo nge nge thin. 😀
Vai ho, burma ho, st.paul’s ho, Sorkar hnathok ho..etc..
80
loneeagle26016 Says:
August 8th, 2011 at 11:18 pm
Bawl tihah hi chuan kan thianpa 1 hian vaiho hi a bawl nasa thei khawp a, bengali ho hi bawl an nuam ber e zu ti tlat a….khanglai khan mithun-a hair style emaw Amitabh-a hair style emaw hi an copy ngei a, a chhe berah thingpui hi chu an khilai ngei2 mai ani…. 😀
81
RTPA Says:
August 8th, 2011 at 11:20 pm
Post danga ka comment tawh ang in, Vairama i awm chuan i awm na hmun ah khan vaithian neih tum rawh.. Vai Mizoram a awm chuan Mizo thian tha neih tum ve rawh se…

Insual hi chu hlawklo..Free a nat tuar ai chuan tlom zawk nih a kal san mei hi tha zawk fo..
82
Teatak2 Says:
August 8th, 2011 at 11:21 pm
@ chhangte. Dik chiah alom, nang anghi mi tlemte an awm ve a, i inthiarfihlim daih phei chuan i huaisenna anga rawn trang zui tur an awm nang mawle. i la sawiho zau deuh ila a nuam ve mai2 alom.
83
kawlhawk Says:
August 8th, 2011 at 11:21 pm
#67, 77 DuatDuat, I mawng khal tha lutuk an hmuh khan vaiho an insum zo lo a nih dawn chu! An sualin an va DuatDuat lo che ve mawle… :p
84
muantea Says:
August 8th, 2011 at 11:35 pm
Dikna chu khawi hmunah pawh a lal tur a ni.
85
eL Says:
August 8th, 2011 at 11:36 pm
kan chak…in ka hria..
86
Saitawk Says:
August 8th, 2011 at 11:36 pm
Vai hi ka la hneklo, 3 ka beng tawh a, 2 chu an awmna atangin ka nawr chhuak tawh a, 10 aia tam fe chu thrian angin ka kawm tawh thrin.
87
vakul Says:
August 8th, 2011 at 11:38 pm
Kawlhawk (Y) Dikna sahal kan khai hi a hnam leh chi hmangin kan teh tur a ni lo reng reng. Ka tawng ve fo mai-ka blog-ah hial pawh ka ziak tawh.

Hnam leh chi leh kuang vang ni lovin dik chu dik dik lo chu dik lo ni se a tha ber. vai hi ka tipalh fo mai an ramah ka awm miau a-ka su thlu thul-an dik loh chuan tha takin min kaltir mai-ka dik loh chuan ka chawi mai thin. An ni vek lo maithei -mahse kan ni phawt mai tur a ni. Mizoramah hian vai leh mizo inkarah vaiin thiam an chang thei lo a ni ber a- a pawi ka ti.

Thliarkar rilru hi paih a hun khawp mai.
88
DuatDuat Says:
August 8th, 2011 at 11:45 pm
@ 83 an hur khawp mawle 😛
89
Teatak2 Says:
August 8th, 2011 at 11:47 pm
Mizo zurui hian chhantu tur a va mamawh ta si ve o!Chhangteval chu kawlhawka thla hawhin a thlawk bo ta daih emaw ni le? Misual ah pawh dikna a lal zawk a nih chuan Kristian ram, tlawm a ngaih hun pawha tlawmngaihna chawisangtute ramah phei chuan dikna chu a lal zawk tur a ni ngei ang. eL-a#85 hian i ham dik riau vin ka hria.
90
zodaifim Says:
August 8th, 2011 at 11:47 pm
Mizo hnam nih vanga kut inthlak zen,insual duhna in hnek mai,in ben mai duhna hi pathian nung ringtute thil tih chi ani em tih hi ka ngaituah fo thin..kungfu chu ka thiama tumah ka puitlin hnu hian ka la hnek/beng lo in insualpui lo bawka,tuman min la khawih lo bawk..Vai rukru an phuar poh ka la hnek ve lemlo..atul ahriatna zu nei tlat lova mawle,dan in rorel teh se..Danin ro arel theih loh pawn vengtin kil khawr tinah incharge ten chingfel zel mai teh se buaina hi chu….
Thahrum thawhna hrim2 hi ka haw tawp… (N) 😛
91
loneeagle26016 Says:
August 8th, 2011 at 11:50 pm
#79 ‘We generalised only to be called fools’ -Rudyard Kipling.
92
Pluto Says:
August 8th, 2011 at 11:57 pm
Bawngtlaia Says:
August 8th, 2011 at 9:23 pm
Nakina min la chimraltu turte an ni a, tharum ni lovin finna, rinawmna leh taihmakna hmanga um chhuah tur chi an nih hmel zawk. Vai pawisa dil te chu, a chauh-thu-ba-rawh e mai a

(Y) (Y) (Y)
93
misuala Says:
August 8th, 2011 at 11:58 pm
Vai tih hian Silchar vai thenkhatte hi an lo phakar in an lo sual ve ema,kan thenawmte an ni sia,Vai kan hmuh dan a dik loh phah ve hian ka hria, alehlamah keini lam lah kan dik bik lo deuh bawk thina min ring thei vak bik lo te pawh a ni in ka hria. Thate te indawr kan zir loh chuan kan inngeih lo kumkhua ang
94
Pluto Says:
August 9th, 2011 at 12:01 am
vai ramah vai ho dik loh zawk vang a kan intihbuai tumin vai bawkin puitling takin min chhan.Misual deuh hlek hi chu khawi ramah/hnamah pawh an awm vek.I thil tih hi ka tih hi ka thlawp zawng tak a ni e
#2 sawi hotur..huaisen taka tlanchhiat ngam hi a ngai reng asin.
95
ReMpYâ„ Says:
August 9th, 2011 at 12:06 am
#91, (Y)
96
Teatak2 Says:
August 9th, 2011 at 12:14 am
Huat tum ta ila, vaiho huatna chhan tur hi chu ka ngah ve khop chuan ka hria. Ka haw ve tawh thrin bawk a. Mahse, huat loh hian ka hlim zawk tlat a nih chu. Ka ruih ve thrin lai ka ngaihtuah a, mizo aiin vaiin ka kut an tuar hnem. Vai kut aiin mizo kut ka tuar hnem zawk niin ka hria. Mizo kut ka tawrh vangin mizo ka haw lo. Misualin misual kut ka tuar ve mai mai a lo ni. Mizo leh vai an intihbuai poh hian Vai leh mizo an inti buai ti lo hian, ‘misual 2 an intibuai e,’ tiin remna siam sak tum mai i la a thra mai, kan hlim zawk daih ang.
97
Formerly Known as Fonz. Says:
August 9th, 2011 at 12:27 am
Vai hi fel pawh ka ti lo e a. lol
98
Teatak2 Says:
August 9th, 2011 at 12:32 am
Sap ho poh hi fel lo tih ka ngah mai a. Mizo ho poh hi kan fel bik em em pon ka hre chuang hlei law! Mizo fel nuaih khat kan hmuh chuan vai fel hi nuaih 50 chu kan hmu hrim hrimin ka ring. Ka ngaisang em em lem hleilova.
99
Teatak2 Says:
August 9th, 2011 at 12:35 am
Sava dang ai hian kawlhawk hian an thla an zap muang a, an thlazap ri erawh a ring zawk daih, ti ta ila, rinthu sawi mai ka ni ang. Kawlhawk hansawi hrim2 ka duh vang mai mai a ni e.
100
Teatak2 Says:
August 9th, 2011 at 12:36 am
Zaa na
101
Teatak2 Says:
August 9th, 2011 at 12:36 am
101 na
102
Teatak2 Says:
August 9th, 2011 at 12:38 am
Zurui tih mualpho nan 102 teh ang.
103
Saitawk Says:
August 9th, 2011 at 12:39 am
Press F1 to continue!
104
pathlawi virgin Says:
August 9th, 2011 at 12:39 am
reilo te vairamah ka awm vea, a hmingin 2wheeler ka nei bawka,motor dangin vawi 2 ka hnunglam atang min su thlu tawpa, traffic police pawn min chhan lo,ka hmel a hmuh chian veleh a kalbo deih. ngaihdam dil tir i tum kher chu tul ka tilo khawp mai. thelh la, vaipa chu tlanbo/tlansawn tir la a tawk viau ani THIL THA TIH I TUM VE anih pawn. a tha thawkhat viau ani. a bak chu ka sawi thui lo mai ang
105
hlatekhua Says:
August 9th, 2011 at 12:39 am
Vai mutia emaw Mizo zurui emaw khian an thiam leh thiam loh lam ni lo-in an intibuai lai va hmutu chuan an inkara roreltua tan i va tum ringawt hi a dik ka ti ve miah lo tlat.

Thil tha lo leh dik lo i hmuh chuan thuneitu hnena thlen mai kha i tih tur dik leh tha ber niin ka hria.
106
Fonz Says:
August 9th, 2011 at 12:43 am
Mihring hi kan fel tak tak lo alawm.
107
Atom c Says:
August 9th, 2011 at 12:55 am
Vairam thlawh kanin ramdangahte hian kan tu leh fate zawng zawng hian lehkha zirtir thei vek se tha tur a nia.. Vairam atanga vai naupang Mizorama lehkhazir an awm mang bawk silo. Vai nazawng pawisa lo dil ve sek chu zawhloh nghawngkawlah kan inbat kual vel lek lo’ng maw ? …an diknaah chuan kan ram pawh nise a lang tala an thlavang hauh ngam a tha ka ti, diklohna ah leh a langlo lamahte chuan mahni Mizo puite chu kan tan vek ang chu….. Mahni nulate chawn chen chauh ngaihtuahna neih hi chu sim vang vang a hun tawh… He thilah phei hi chuan kei pawh a langa thlavang hauh ngam a post tu hi ka tan tlat, chhunzawm zel chi ah ka ngai ….. (noi)
108
L0nely^C0wboy Says:
August 9th, 2011 at 12:58 am
@kawlhawk .. #19 #42
109
TuaiSialA Says:
August 9th, 2011 at 4:05 am
A pawm dan zawk tur ka hre lo! Ngaihnawm ka ti hle a a ni mai!
110
ChhawnBura Says:
August 9th, 2011 at 6:07 am
Full support
111
nghasih Says:
August 9th, 2011 at 6:15 am
Hmanlai Lunglei vai dawrkai ho kha chu Bazar tlangval ho khan an chhan thei khawp mai.

Vairam ah chuti ngawtin buaina hi a tawn ngawt theih em aw ka ti. Vairamah kum 25 chuang ka khawsa ve tawh a, mizo buaina tawk, chhan leh ngai hi an mahni cho chhuah ani tlangpui thin in ka hria.Sichar vai hi chu an sual hrim hrim.

Tawngthiam loh hi buaina tawhna ani duh khawpmai, Tawngthiam si lo pawr si hian a ti buai duh bawk
112
LR_rengsi Says:
August 9th, 2011 at 7:54 am
Post leh comment a ngaihnawm. Vaipa in vairamah Mizo ka chhan a tih ve hunah chuan o…
113
D_auaChwngthu Says:
August 9th, 2011 at 8:01 am
Comment thren khat khi chu a nuih loh theih loh…hahahhaa —- Ku Thaiboy leh Duat Duat comment ho khi…lolzzzzzzzz
114
Chhuaklinga Says:
August 9th, 2011 at 8:53 am
A pahnihin kan khaikhawm mai teh ang, i dinhmun angah khian ding ve ila chu rei vak lo chu kuangkuahin ka thlir phawt ka ring, piansualna emaw thihna hial a thleng dawna a lan lem loh chuan.

Ka mikhual chu tha takin ka enkawl tur a ni. Tin, ani pawhin thlenin pa kut a thlak a nih chuan ka ngaizam mai mai lovang. Mikhual chuan a thlenin chu nuam a tih vak loh chuan thlenin dang a zawng mai tur lah ni. ( vaidawr awm loh na champhai pawh khi vaiin dawr siam nuam an ti vak lo a nih ka ring ve mai mai a)
115
saint sammoo Says:
August 9th, 2011 at 9:21 am
a tawp ka’n khar ange.. Tute emaw anga mahni kuta thuneihna i in pe ngawt khi i thiam lo hulhual.. MOB RULE i la kalsan hla vak lo.
116
Pc-a Says:
August 9th, 2011 at 9:21 am
Kawlhawk hian vai nilovin, mizo zurui a chhan pawh ti ila a dik ve thei tho.
117
ChhanaPa Says:
August 9th, 2011 at 9:27 am
Vai ram a vai sual kan tih ho hi chu a tlangpuiin lower class lampang an ni duh khop mai. Chutiang deuh chiah chuan vai ho pawh hian mizo te hi min ngai ve tho ang em le? N0I
118
mr.Duhlova Says:
August 9th, 2011 at 9:34 am
115 # I khar hma in…..

“..he tlangval hi a sual a, an vengah sual leh a la tum a, ngaihdam a dil duh loh chuan police-ah ka hruai ngei dawn a ni”

a tih khi…thu neihna a inpe hlei nem..thuneitu te kut a pekah a vau mai chauh a nih khi….
119
chawnghilh Says:
August 9th, 2011 at 9:40 am
Thelh ve dawn ila chu, Mizo zurui kha na vak lovin ka hnek ang a, ka pawt then ang a.

Vaipa khan amah tan ta riauvah mi ngaih lai takin, Vai Mutia kha theihpatawpa nain ka hnek leh ang a, ka nam kat hlawk hlawk ang. “BHAG … (tlan rawh) ka ti ang.
120
ChhanaPa Says:
August 9th, 2011 at 10:53 am
Comments closed nan: Zurui pa khian zu a in vang hrim2 in MLTP Act a bawhchhia a,dan hma ah thiam a chang lo. Vaipa pawh khi a huaisen! Kan dikna ah chuan a tawp thleng a tan tur. Dawt sawi ching ho hi chu mi Dawihzep an ni.
121
Lily_parmawia Says:
August 9th, 2011 at 1:01 pm
Vaipa mawl deuhin Mizo kut alo thlak ani maw!! Kutthlak kher lo khian tlan sawn/ tlanbo san ve mai bawk sela..

A tawpa i tlanbo(?) tir khi ka support, a hma mi khi chu 50-50 vel ninin ka hria hehe

Ka tih ve dan tur. Mizo zurui nilo ho khi chu ka hnial lovang. Zurui pa erawh a thiltih zahthlak anih zia ka hrilh ang. Vaipa khi vawi 2/1 hnek pawp pahin a sahim nan ka tlanchhiat tir ang. A tlan hma in Pu Kawlhawk sawi ang deuh khian mahni ram ni lovah kutthlak chin toh lo tur tih ka hrilh ngei bawk ang..
122
Fonz Says:
August 9th, 2011 at 1:07 pm
117
ChhanaPa Says:
August 9th, 2011 at 9:27 am
Vai ram a vai sual kan tih ho hi chu a tlangpuiin lower class lampang an ni duh khop mai.

KA AWIH LO.
123
Benny Says:
August 9th, 2011 at 1:18 pm
Zurui chuan a tizahthlaka vaipa chu a vannei hle mai…a nuih ver ver dawn chu
124
mate ainawn Says:
August 9th, 2011 at 1:21 pm
Thil tha hi a ler a thuai lovin a Bul atanga in zirtir hi chu kan la ngai maw le…Vai a maw, tupawh nise..diklo taka mi neih laksak tum lovin, kan hma theuhah tha zawk kawng zawh tur a Nun nghet intuh hi hnam leh Ram changkanna tur a ni.

Mr.Zika chu i huai ka ti..a free a hnar hnek i hnaih a nih chu..Mipa tihawm takah ka ngai e..We..the People of India…..
125
kawlhawk Says:
August 9th, 2011 at 1:41 pm
122 Fonz, kei pawh!

He paws hi kawmen ngaihnawm tlang ber awf da year ah ka puang e!
126
Ignatia (33-115 AD) Says:
August 9th, 2011 at 2:17 pm
I va ti tha ve!

Hmun tamtakah chuan Dikna hian ruhrel nei miah hek lo! Hnamdang thlavang hauh avang hian vengkhat YMA ka tawng tawh, ka taksaah hian ser a awm phah bawk, Missionary PACHALin min chhan lo sela piallei thuahriat hnuaiah khuan ka thamral ve tawh mai awm e!

Kan inhmuhchhuah emaw inhmuhluh emaw a tul thin khawp mai!
127
R.L.Chhanhima Says:
August 9th, 2011 at 2:42 pm
Vai ramah min ti hrehawm em tih avanga helaia a dum nazawng kut thlak kan tum thin hi chu ava tha lo tak em! H.Vangchhia hian vai hetah vel sela Kawlhawka zin thlak veleh min lo ti duhdah em mai tiin lo vel se fair kan ti dawn em ni? Kan ngaihdan hi chu thlak a hun tawh a ni.
128
mifela Says:
August 11th, 2011 at 3:46 pm
vairama kum7 om pa khi ka tan fee… kristian ram kan nia tih vangin vaiho hi lo duat hluau2 ta ila,.. min chimral hlauhom tlat..
129
chahbi Says:
August 11th, 2011 at 6:58 pm
in tih dik tum, in tih vai tan tum, in tih fel tum, in tih thulai lak tum hi kan lo tam mange…in ti vai kawm-ngeih tum tlat te pawh ka hmu hnem mai Aizawl ah hian.Mizo kan ni tlat a lawm le… mahni dikna leh chanvo pawh vawnghim zolo, eiruk hluarna state, sorkar hna lak chungchang ah pawh a minister leh officer hmelhriat neilo tan hna hmuh a har zia hrevek, se mahni dikna leh chanvo leh chhungte leh fa te unau te leh mahni hnampui te dikna leh chanvo pawh humhalh a hailang zolo te hian vai pa dikna humhim in tum tlat a, ka lawmpui a che u.THIS IS MIZORAM…WELLCOME TO MIZORAM….