Mizotawnga thu ziah hi thil har tak a ni, tiin an sawi fo thin. Kei ngei pawh hi mizotawng ziak chu thiamlo tak ka ni a. Amaherawhchu mi ziahsa han chhiar hi chuan a dikhlel lai deuh chu ka hmuthei(lo) fu lawi si.
Tuna hetia ka rawn ti ve ngawt pawh hi ka thiam vang leh a dik ka hriat vang ni hauh lovin, hetiang lam hawi post hi a lo awmtawh leh tawhloh pawh ngaihtuah chuang lovin a thiam zawkte cho chhuah nan ka rawn arkhawthimdai ve tawp mai a ni.
Chumai ala nilo cheu, a ziah dan dik pawh sawi ka la tum ta chuanglo lehnghal, ziak tur pawhin ka thiam nahek lova. Thil pakhat erawh chian em em mai ka nei ve tlat, chu chu hei hi a ni. Engkim hi a neitu diktakin a hman chuan uluk tak leh hmanthiamtum takin a hmang thin.
Chutiang chiah chuan mizotawng hi a neitu nihna diktak rilrupuin tawngnan te, ziahnan te hmang ila, kan hnam tan mitangkaitak kan lo ni mai dawn a ni. Thiam tum taka kan hman chuan kan hmangthiam ngei bawk ang.
( Post zirnan ka rawn mualphopui ve chawm mai, in duh duhin lo chinglet teh un. OT pawh phal vek a ni)
Similar Posts:
- Mizotawng chungchâng bawk!!!
- Kristian nge Khristian?
- Mizo class
- Mizotawng chungchâng bawk!!
- Mizo Tawng
hairehai
August 8th, 2011 at 7:18 pm
Hehe. I post inzir dan mai mai chuh! Mizo tawng i rawn sawisa a ni ringawt alawm le.. Hmanhmawh deuhva rap i ang!
August 8th, 2011 at 7:18 pm
Keimah bawk kan first dawn chhin.
August 8th, 2011 at 7:21 pm
Mizotawng ziah dan tur kawng min rawn kawhhmuh dawn amaw ka ti a– phur tak in kalo chhiar ve a, mahse ka beisei loh ang deuh in i ti tawp daih-
A tha tho e-
August 8th, 2011 at 7:22 pm
Kan first loh chu le! A pa ts keipawn a diklo ka hmu teuh mai hahaha… a lova har ve mizotawng hi.
August 8th, 2011 at 7:25 pm
Min BUM chu le!
August 8th, 2011 at 7:25 pm
3 Zephyruss, ka lawm e, keimah zawk khi a nih khi zirtir ngai zawk.
August 8th, 2011 at 7:29 pm
A ‘message’ a ṭhat ang huin a ‘presentation’ chu a chau deuh a nih hi maw le! “Neitu nihna dik tak rilru puin” dik thlapin a la ziak thei thuai turah i ngai phawt ang u.
August 8th, 2011 at 7:32 pm
Sap ṭawng hi chu ziahzawm tur leh tur lo hi a hlawm hian a awm nghal tawp a, Mizo ṭawng erawh hi chu zawm tur leh tur loh hi hriat hran hi a har ṭhin khawp mai.
August 8th, 2011 at 7:41 pm
intithiam ve deuh ka nia… Tunlai chu fone ka hman avangin ka fimkhur peih lo deuh mai pawh a. Ziak leh ziah i chianglo nghal phawt.. aaa! I ziak thang vak lo a nih hi ti ila’ng; i haw em lovang chu maw..!
August 8th, 2011 at 7:47 pm
‘hmanthiamtum’ tih te, ‘rilrupuin’ tih te, ‘mitangkaitak’ tih te i ziah zawm vek khi chu i tilui ve deuh em ni le aww?
August 8th, 2011 at 7:50 pm
OT phal bawk a, kan ti lawk. ‘inkhawmpuina a mi tur naupang ‘chang’ ka zirtir dawn a, coma nge semi colon chawlh rei zawk tur?. Ka hriatdan hnialtu an awm tlat mai..
August 8th, 2011 at 7:52 pm
Mizo tawng tluk a ziah har hi chu a tam vak ka ring bik lo.
August 8th, 2011 at 7:59 pm
Comma-ah chawlh rei zawk tur tih hi ka hriat dan chu a nia.
August 8th, 2011 at 8:01 pm
‘ZIAK’ tih tur nge ‘ZIAH’ tih tur tih velah pawh inhnialna tenau hmanah a awm tawh kha..heh. Pu Muantea teho lo che sela.
Tin,ngai teh,heti hi a ni a,’LO’ tih chu a hranga ziak/ziah tur niin ka hria..
August 8th, 2011 at 8:04 pm
Post tupa, I ti tha lutuk. Keipawh Mizotawng ziah dan hi zir that leh te ani ka duh ni.. a har ka ti khawp mai.
August 8th, 2011 at 8:06 pm
#11: ka hriatdan chuan semi colon chawlh a rei zawk..a dik leh dik loh phei chu ka hre law..hehe
August 8th, 2011 at 8:09 pm
Han sawi zel teh u, ka lo ngaithla reng a nia, ka lo ralkhat ngaisan risk ve tawp hlirin comment in rawn pe a, ka lawm e.
August 8th, 2011 at 8:13 pm
saint sammoo @11 fullstop, comma, semicolon……… ka hriat ve dan chuan.
August 8th, 2011 at 8:25 pm
@ozi: kan hriatdan a inang. mahse century #16 khian ti khian a rawn ti ve bawk sia…
August 8th, 2011 at 8:30 pm
A tlangpui chuan a chhiar tu tur ten an chhiar fuh leh chhiar awlsam theih dan tur ber niawm a ka hriat hian ka ziak mai thin
August 8th, 2011 at 8:31 pm
@sain: a hresual ve thei tho a, hre awm deuh an va rawn dikdak love aw!
ZIAH/ZIAK chungchangah @terema chhakchhuak ngaih dan sawi ve tur in ka request e.
August 8th, 2011 at 8:37 pm
Ka tihpalh..#18 khi ka pawm leh si e.
August 8th, 2011 at 8:44 pm
Mizo sikulah khan (pawl 6 vel ni tain ka hria) mizo(tawng) grammar kan zir thin. A hunlai khan ‘mark’ hmuh nan mai mai kan lo zir a, kha zirlaibu kha ka duh leh ta ngawt mai.
August 8th, 2011 at 8:45 pm
@xaia: i ngaihdan khi ka zah viau nachungin, tuna i ziah dan khi chu keichuan chhiar har ka ti. Sufix ‘tu’ leh ‘a’ hi a hma ami nen zawm ngei2 tur. adt..
August 8th, 2011 at 8:47 pm
Chhuaklinga post a nia ka comment hrim hrim. Keipawh mizo tawng ziak thiam pawl tak tur a ka lo hual i nia. Ziah sual awl lai i rawn tisual luiah ka ngai. Rempy paw’n a rawn point out chaih khi. Sentence hmasa berah pawh khian, inverted comma hmanna tura awm. Keipawh ka thiam lo. A chhiar nuam thei ang ber tur ka zawng chawp a, ka risk kual ve mai mai thin. Chuan, Full stop, comma, semi colon.
August 8th, 2011 at 8:54 pm
Comma-rei lo te chawlh
semi colon,comma ai a rei deuh
Fullstop=Rei leh deuh tiin kan zir thin.
Semi colon hi chu thu hlawm hrang deuh hlek ziak nan an hmang thin
August 8th, 2011 at 8:56 pm
coma, Semi colon, Colon, Full Stop.
August 8th, 2011 at 8:56 pm
Ka thiamlo ani e, keimah vang vek a ni.
August 8th, 2011 at 9:04 pm
Ni e, a har a ni.
Second para-ah ‘chhuah nan’ i ti a, last para-ah chuan ‘tawngnan’, ‘ziahnan’ tiin i ziak zawm leh bawk si a. ‘Chhuah nan’ tih a ziak hran khi a dik zawk ang.
Ka hriat ve dan chuan, diminishing order in:- . : ; ,
August 8th, 2011 at 9:17 pm
semi colon-ah a rei lo zawk, coma-ah cuan rei zawk hetiang mai maiah kan va buai tam ve ka sawi hi a dik chiah e, ka chiang e.
August 8th, 2011 at 9:19 pm
Chawlhrei zawng hi chu thawk lak huna zir a ni deuh mai alom. Thu hlawm khat zelah full stop. Thu kallai a sei lutuk dawn chuan coma. Thu kallai kha a danga kan pensan zawk dawnin semi colon. A hnuaia mi ang hi a ni e: tihah te hian colon ka hmang thrin. Ka thiam lo tih hi ka hriat vang hian article leh thu ziah hi ka hrat lo khawp mai. Thiam hi chu a chakawm khop mai. Hawrawp thar leh zawm dan tur thar siam zel hi ka pawiti mang hauh lo. Kan ziak zawm duhdan atrangin awmze hrang a awm thei bawk: Monu tih leh Mo nu tih hi mo leh a nu sawina ni awm tak a ni. ziah hran hian awmze hrang a nei tlat.
Ron post mawlh mawlh teh khai.
August 8th, 2011 at 9:28 pm
A har viau reng a ni, ka han ziah ve pawh hian thu thenkhat inzawm dan dik leh dik loh hi ka ngaituah rei thin khawp mai. Hman dan leh hriat dan a inang vek lo bawk nen. Nia, fimkhur leh uluk hi a tul khawp mai. Hman dan tlanglawn hi chu a awm ve a, Mizo Bible hi entawn atan a tha an tih thin kha maw…
Full stop, semi colon, comma hi ka hriat ve dan chu a nia, colon hi a chawlhna tur chhinchhiahna a nih pawh ka hre law, chawlh loh tur a nih pawh ka hre chuang law….
August 8th, 2011 at 9:29 pm
Ka thu ziah buai tak mai in lo comment a ka lawm e.
Chhuah lawk ka ngai tlat mai min lo hrethiam teh u. Ka lo lut leh thuai ang.
August 8th, 2011 at 9:33 pm
August 8th, 2011 at 9:41 pm
Ozima chu ka hming thianghlim ka phalna la lovin a lo lam a ni maw..
Ziak modified form chu ziah tih hi tun thlenga ka pawm dan a ni! Kan hranghlui thenkhat leh Mizo Bible keu zing deuhte ngaihdan chu a ni lo thin reng a ni. Hla rua(Poetical word) kan neih pakhat pawh “Ziahtial” tih hi a ni a, thenkhat chuan “ziatial” tih pawh hi “ziahtial” tih ai chuan an hmang thin tho va, mahse ka hriat dan chuan “ziatial” tih hi chu sakei sawi nan an hmang deuh zawk mahin ka hria. Laltluangliana Khiangte pawh hian ziak tih hi a hmang ngar ngar thin a, mahse a hlaphuah pakhatah chuan “ziahtial” tih ngei hi a hmang tawh. Hranghlui mualliam ta Pu R. Vanlawma pawh khan “ziak” tih hi a dik zawk tiin a tang ngar ngar tho va, mahse Siamkima Khawlhring(Fam) khan a thuziah pakhatah(Shiboleth or siboleth tih a ni tain ka hria) khan an inkawm chhunga tum 3 lai Pu R. Vanlawma’n “ziah” tih a hman thu a sawi. Ziah tih hi kan hman than leh kan hman thin ngei a ni a, Zosapte hriat sual palh liau liau avangin ziak tih hi thenkhat hian an sahuai thing vawn tlut tawh a ni ber awm e. Hei vang hian a lawm JF-a pawh khan Bible thlirna hial a lo ziah ni(“A lo ziak ni” ni lovin). “Lehkhathawn min lo ziah teh” tih te hi “lehkhathawn min lo ziak teh” tih nen chuan awmzia inpersan deuh a nia.
August 8th, 2011 at 9:50 pm
1. Full Stop ( . ) : Sentence tawpah leh jamtawiah hman a ni ber. Chawlhna rei ber a ni. 2. Comma ( , ) : Comma chu chawlh rei lohna ber a ni. 3. Semi colon ( ; ) : Comma aia rei deuh hlek chawlh ngaiah hman a ni. 4. Colon ( : ) : Colon hi chawlh chhin chhiahna a ni hran lo. A hma thu awm kha a hnung lama thu chuan a hrilhfiah dawnin an hmang ber. Tul intih chuan Post hranin a entirnate nen tìh lan kan tum dawn nia.
August 8th, 2011 at 10:07 pm
Comma hi cu a rei lo ber chawlhna ah ka lo hre thin. Semi colon hi chu thil dang sawi kaina or sawfiah na in a zui tlangpui.(a sentence kha a chhumbung deuh nuai/a tluangtlam lo tihna). Eg. An thil tih dan a dik loh vangin Lala chu a thinrim hle a; a hma pawh in a tih dan a hrilh fo tawh thin a. Tin, mizo tawng harna cu kan lam dan ang a ziah tur tih a ni tlangpui or tläng pui a.’mahse’ han tih poh hi kan mizo aw phoi muang fån ah chuan ‘mah se’ tih a dik thei tho lo mo? Ka sawi thin, mizo tawng/mizotawng hi cu a dik ber a ka hriat cu a chhiar awlsam ber /chhiar a dik ber hi a ni mai.
August 8th, 2011 at 10:26 pm
a ngaihnawm hlawm hle mai…
August 8th, 2011 at 10:32 pm
#Teatak2. ‘Monu’ leh ‘Mo nu’ i rawn sawi ang khian hman deuh khan ka post tawh a. Mizotawng dik pangngai chu ani lo nain ‘Monu’ tih hian tam takin kan hmang tho si a, zotawng tih hausak nan a tha ka ti deuh a. Chutiang bawkin ‘Mopa’ leh ‘Mo pa’ pawh.
August 8th, 2011 at 10:34 pm
Mizotawng ziak min zirtir dawn emaw tiin phur takin post ka chhiar a, hrilhhaithlak ang reng hle mai.
August 8th, 2011 at 10:46 pm
#Mawia Pachuau: A dik alom. Mawia pa poh hi kawmchhakpa a lo ni daih thei a, pa tih hi ziah zawm hun hi a awm ve tlat a ni, a awmzia a hrang daih thei sia. Ka rawn sawi ve duh mai mai chu: Hei hi ziak zawm tur tih ngot theih a ni lo. Kan ziak zawm loh avang hian lam thuhmun reng hi a tum a dang daih thei tlat a ni. Gramar tibo si lo hian a litereture lam zawk hi ngaihpawimawh tel theih a ni tih hi. Type writer awmhmaa kan hawrawp lo neihsa kha tunlai Keyboard ah te a lo tel si lova. Chiang lo leh kim lo ruaia ‘tri’ kan hman luih tlat te pawh hi uptodate hi a pawina a awmin ka hre lo.
August 8th, 2011 at 10:51 pm
chawlh rei leh rei loh hi chu a tehna tak tak awm thei in ka hre lo, naupang sunday school inkhawmpuiah hian chang sawi leh thuinchhang sawiah hian he tehna hi hman a ni fo thin. Endiktu rilru mai mai leh duh dan mai mai ah a in nghat berin ka hria
August 8th, 2011 at 10:55 pm
#36 khi ka hriat ve dan chu a nia…100% support cu ka pe ngam bik lo. A thu hrimah ziak mite tan- sentence sei tak tak pumpelh a sentence tawi te te hman hi a tha mai awm e. Saptawng pawh hi sentence tawi te te ni se ka hrethiam thei zawk. Fullstop awm zut mai se.
August 8th, 2011 at 11:25 pm
Ka lo edit ve khanglang teh ang, a tawngkam tidanglam chuang si lovin.
‘Mizotawnga thu ziah hi thil har tak a ni’ tiin an sawi fo thin. Kei ngei pawh hi Mizotawng ziak chu thiam lo tak ka ni. Amaherawhchu, mi ziah sa han chhiar hi chuan a dik hlel lai deuh chu ka hmu thei(lo) fu lawi si.
Tuna hetia ka rawn ti ve ngawt pawh hi ka thiam vang leh a dik ka hriat vang ni hauh lovin, hetiang lam hawi post hi a lo awm tawh leh tawh loh pawh ngaihtuah chuang lovin a thiam zawkte cho chhuah nan ka rawn arkhawthimdai ve tawp mai a ni.
Chu mai a la ni lo cheu, a ziah dan dik pawh sawi ka la tum ta chuang lo lehnghal, ziak tur pawhin ka thiam na hek lo. Thil pakhat erawh chian em em mai ka nei ve tlat, chu chu hei hi a ni – Engkim hi a neitu dik takin a hman chuan uluk tak leh hman thiam tum takin a hmang thin.
Chutiang chiah chuan Mizotawng hi a neitu nihna dik tak rilru puin tawng nan te, ziah nan te hmang ila, kan hnam tan mi tangkai tak kan lo ni mai dawn a ni. Thiam tum taka kan hman chuan kan hmang thiam ngei bawk ang.
August 8th, 2011 at 11:27 pm
#36 khi ka thlawp e.
August 8th, 2011 at 11:42 pm
#36 PKfanai Says: “Full Stop ( . ) : Sentence tawpah leh jamtawiah hman a ni ber”
Engnge a awmzia ‘JAMTAWIAH’ tih hi
August 8th, 2011 at 11:55 pm
#36 khi ka thlawp full thak lo deuh.
(;) hi a hrilhfiah danah ka la khamkhawp lo deuh. Semi colon hi hman dan berah chuan kan thusawi lai thil dang deuh dawrha kan zawm dawnin an hmang thin para leh hlawm danga dah tul em si lo deuhah. Chutih lai chuan a bul tanna erawh capital ni lo small letter-a tan tur a ni lawi si. Entirnan:
Post erawh sawi tur ka haihchham deuh Pastor leelo ang deuhin a fuihtu zawk a nikhua lo deuha ka hriat; kei pawh ka thiam bik chuang lo zir tlan erawh a tul khawp mai.
August 9th, 2011 at 12:21 am
‘Ziak leh ziah’ah chuan ka la ziak a, 36-na khi ka thlawp mai ni lovin ka pawm a, ka pua a: a puakin ka pua a nih chu, ka chawi bawk: mahse ka rap lo. Chuti ang chu ni tho mah se mut a hun tawh em avangin ui tak chungin mangtha vek u le.
August 9th, 2011 at 12:41 am
@eL, Pu Rozama khan Synod HSS-a inluh lai khan engtin nge ziah/ziak chungchang hi a zirtir thin che u le? Hla thu bikah chuan “Ziahtial” tih te kha kan hun lai kha chuan kan zir thin ngei maiah! “Ziaktial” tih hi chu ka tan chuan khawdang sial a ni. Comma leh semicolon leh colon chungchang vel khi chu #36 khi ka thlawp khawp mai; mahse a hmanna hun hriat hi a pawimawh ber zawk awm e. Colon hi chu thil hrilhfiahna atan an hmang ber a; semicolon hi chu clause 2 sentence 1 siam si daidanna atan an hmang ber. Heng conjunction: mahse, amaherawhchu etc hma-ah hian a tlangpuiin semicolon hi chu an dah thin. Clause leh phrase pawh hi dik tak chuan Mizo Grammar-ah hian dah ve tawh awm asin le aw, phrase leh clause hi hrilhfiah a har vak bik loh tehreng nen amaw..
August 9th, 2011 at 12:42 am
34 Bawngtlaia, hehe ka lo lut leh e, dai dak in.
40 Caribou, kha daih kha asin.
44 Muantea, ka lawm e, i edit khi ka post thlak nan ka pawm e.
47 vakul, dik chiah, tih leh hunah chuan pangai ve deuh a rawn tih ka tum tawh ang.
August 9th, 2011 at 12:47 am
48 eL, mangtha deuh mang ang ce.
August 9th, 2011 at 12:47 am
Zanin net a chhe lutuk a, Tawngtaina post pawh tum 2 ka comment hlawh chham. 36 a Lamtawi tih tur jamtawi ti a ka ziak palh pawh khì ka edit thei mai tlat lo. Ngaidam. & Semi colon hmanna then khat; 1) Sentence-ah thu hlawm hrang, mahni pawha awmze nei kimchang nei tho (co-ordinate clause) tihrangtu atan. e.g. Tihsual hi mihring lam chan a ni a; ngaihdam erawh Pathian chanpual. 2) Entirna pek dawna, ‘viz’ ang chi hmaah. e.g. Zawl tih tel khaw hming pathum an awm; viz. Aizawl, Khawzawl leh Zawlnuam te. 3) Clause 2 conjunction thenkhatin a zawm dawnin. e.g. Min kalpui duh lova; chuvangin ka pe ve lovang che.
August 9th, 2011 at 1:05 am
@Terema: nia, RZC mai lo..midang zawng zawng bakah ka pa khan ziak a ti tlat a, ka chhawm ve ta zel a ni..bakah ‘ziakfung’ kan lo nei hian min tinghet zual amaherawhchu, ka vuan bur lem lo…
Heti a kan ziah kan ziah chuan kan ziat tla vat mai ang
Heti a kan ziah kan ziah chuan kan ziak zo vat mai ang..
Ka ziahdan hi a dik em?
Ka ziakdan hi a dik em?
A ziahdan dikin ziat ta che.
A ziahdan dikin ziak ta che.
A ziakdan dikin ziak ta che.
August 9th, 2011 at 1:06 am
ka chhawm tih aiah ka ziak …edit theih loh…:D
August 9th, 2011 at 1:14 am
PKfanai, comma leh semicolon chungchang i sawi khi ka lo hriat dan chu a nilo na a, a dik hmel riauin ka hria.
Ka post a nih vanga comment i duh hrim hrim khi thinlung takin i chungah ka lawm e.
August 9th, 2011 at 1:20 am
Ziah tih leh ziak tih hi chu a thu kal dan a zirin hman hun a awm mai amaw ka lo ti ve char char a.
August 9th, 2011 at 1:32 am
ziahkur: zawngtah ziahna kan la nei..
August 9th, 2011 at 1:37 am
@Chhuaklinga, awm e. Ziak tih hman hun a awm a, ziah tih hman hun a awm bawk.
@eL,”Milem min lo ziah teh a”. Awh! Ka tihpawlh, “Milem min lo ziak teh a”..
August 9th, 2011 at 1:44 am
@Terema milem ka lo ziaksak dawn che em ni??
August 9th, 2011 at 1:54 am
“Thaikawi ziahtial hmangin suihlunglen biahthu i hril za ang u”. Khaih! Heti tur zawk hi a ni,” Thaikawi ziaktial hmangin suihlunglen biahthu i hril za ang u”. A la dik ta chuang lo. “Bia” hi “be” tih leh “biak” tih bak hian kan modify ngai si lova; heti hian a dik hmel zawkin ka hria,” Thaikawi ziaktial hmangin suihlunglen biathu i hril za ang u”. A aw a ze mah mah em aw..
August 9th, 2011 at 2:08 am
kan khuaah chuan O kan ti tho tho…
August 9th, 2011 at 2:14 am
Kore fim ka’n en te’ng (OT)
August 9th, 2011 at 6:48 am
‘ziak’ leh ‘ziah’ hman hun a awm e. Modified form/ mood a ni bakah ‘part of speech’ a keng tel. ‘Ziak’ hi verb a ni a, ‘ziah’ hi noun a ni a, kan hman dan azirin adjective a poh a ni thei. ‘Lem ziak’ han tih mai leh ‘lem ziah’ han tih mai hi a dik ve ve nachungin a chiang lo. ‘Pangpar lem ziak rawh.’ ‘i pangpar lem ziah chu a mawi hle mai’. Etc,etc
August 9th, 2011 at 9:29 am
Comment theih loh kha; an lo hawng phal leh tawh a ni maw? Mizo tawng ziak dan hi chu Mizo tawng ngeia ziak ni phawt mai se, a dik ber. Vai tawng hian Mizo tawng pawh a ziak ve theih tho va. English tawnga chhiar turin, devnagiri script hmang si khan Baden Powell-a khan indona hmuna thu an inthawn ruk thin thu a ziak. Hmelmaten lo man pawh ni se, an hrethiam mai lo va, advantage a awm khawp mai.
Tin, Zoram buai khirh zual lai khan, MNF leh tualchhung nulate khan alphabet an chher chawp thar a, thu pawimawh an inthawn ve chawk thin bawk. Khang alphabet-te kha a riral ta mai mai awm si a, chhawm nun tlak a nih vei nen!
Lehkha zir sang, Mizo tawng ziak dan kalphung punctuation uluk hauh lo, ziak ve mai mai hi an tam khawp mai. Tin, kan rama lehkhabu ziaktu thenkhatte hi punctuation lama ngawng ve tak tak ka hre hnem, kawk fawk fawk dawn ta ila, an zak ve ngawt ang.
Keini, tlai lam um pawng par hian kan thiam duh za-lel! Kan zir chiang ngun alawm! Tih tak takin kan zir a. Tin, lehkhabu chhutna hmun Printing Press neitute athuin punctuation hi chu a dang duh khawp mai! Punctuation-ah hi chuan thiam inti leh thiam intite meuh pawh an duh dan a la inchen (uniformity) lem lo va, uniformity hi chu kan hmang tlang thei dawn chuang hek lo.
August 9th, 2011 at 2:06 pm
I thuchah ken a tha hle mai. Ni e, kan tawng hi keini’n kan uluk lohvin tu’n nge min uluk sak chuang ang le… Mizo tawng hi a har a niang, thiam inti fe fete lakah pawh ngaih dan a phir nuaih zel. Kan thiam angtawk hian uluk ila, kan thiam lohte thiam belh zel tum bawk ila…
August 9th, 2011 at 6:00 pm
Mizotawng hi a tawnga tawng chu a har vak lo maithei, mahse a ziakah chuan tawng har ber pawl a ni ngei ang. Ziak dan dik chungchang pawh kan sawi hnem na rawh e. Kan theih tawka uluk taka kan ziak theuh chuan hma kan sawn zel ang.
ZIAK/ZIAH chungchang hi chu ka sawi peih tawh lo, ka sawi hre duh talh chuan post hlui lamah kan debate-na kha hai mai teh se.