Hmanlai kan pi leh pute atang tawha intodelh tum tlat thin kan ni a. Mi tute mai pawh hian mahni theihtawk tete theuh tiin an bung sang sang thin a. Amaherawhchu, rambuai a lo thleng a, Mizoram pawh India sawrkar hnuaiah kan lo awm ve ta a.
India sawrkar hnuaia kan lo awm chu, sawrkar hnathawk te kan lo tam chho tial tial a, kut hnathawh kan bansan hret hret a, sawrkar hnathawk ve lo te pawhin kutthemthiamna leh mahni tuizawng hmangin sum leh pai kan huilut chho tan ta a.
Kan ramah chuan pawisa a luanglut tam telh telh a, amaherawhchu mirethei kan pung tulh tulh a, chhuanchham leh fahrah kan ngah tulh tulh a, mi hausate erawh an hausa tulh tulh thung si.
Kan ram hmun thenkhatah hmasawnna a zuana a zuan laiin, hmun tamzawkah erawh chuan hmasawnna chu a thu hnur mai si. Kan zonunzemawi “ Sem sem dam dam, ei bil thi thi” ti pawh chu thehmeh ang hlauh a ni ta.
Hetiang hi kan nih tak si avangin engtin nge khawvelin a buai pui mup mup “ Inclusive development” hi kan ramah hian a lo thlen ve anga, mi zawng zawngte, mirethei leh hausate pawh angkhatin kan lo thanlen theih ang??? Kan rama mihausa leh rethei kar zau zel hi a la tihreh theih angem? Theih ta se engtin nge kan tihreh tak ang??
Mi zawng zawng hnukkhawih “ Sumdawnna” atang hian I han sawi teh ang. Mirethei hnen atanga sumdawngten an thil neih an kharchhawn hian an hahna leh an thawhrimna hrechang leh lo hian kan dawn hniam vak vak thin. Chung thilte chu mipui vantlang hman theih tura sumdawngten an chhawpchhuah erawh chuan to tak maiin an hralh ta thin a.
Hei hian mirethei rahbehna, mipui bumna leh mimal hlemhletna a entir fiah hle a ni. Sumdawngte chu hlep um a sumdawng an ni nameuh mai; amaherawhchu mipui rawng an bawlna chu an sumdawnna hi a ni tih an hriat a pawimawh hle a ni.
Mizoramah hian engvangin nge phailam atanga kan thil lakluh pawh ni se, “Maximum Retail Price (MRP)” aia tlawm hian thil kan lei theih miah loh, kan ram hi tax tam lohna state a ni chung hian??? Sumdawngte hian an bungraw lakluhna hi a sang bik em ni?? “Maximum retail Price(inclusive of all taxes) “A hralh theihna man sang ber (tax zawng zawng chhutin) tih intar kuau bula a man inziak aia sanga hralh phet tum kan la tam chhung hi chu miretheite hi kan pung tulh tulh ang.
Mihausate thil lei phak chin thawmhnaw changkang leh inchhungkhur bungrua tam takte phei hi chu a man thlep hnih pawh duhtawk lova, thlep thum thawka hralh te pawh an awm. Chhurbura thlah, a thlum a al ei za thinte hi kan lo va duham ta em!!!!
Kan ram hi kan la chhan thei e. Mihausa leh mirethei kar zau lutuk hi mi ramte angin a la nghet ve love, a la siamthat theih reng e. Sumdawngtuten midangte tana an rawngbawlna atana Pathian malsawmna an dawn tih hrerengin sumdawng se la, tin a leitute pawhin kan thil lei man zat leh a hlutna chhutin i tang tlang ang.
Tichuan, kan rama retheite leh kuthnathawktute chawisanin an awm ang, rethei leh hausa kar a lo zim anga, ram changkang te pawhin an tih theihloh leh an awm em em “Inclusive Development” hi he kan Zoramah hian a lo thleng ngei ang.
Similar Posts:
- Chawlhna
- Ka rilru a awm tlat hi…
- Eiruk hmangte u, in chung a pik e!
- MGNREGS (Engvangin nge kan hotu te hian…..)
- Motor i hlau ang u
Pathian thu...
September 9th, 2011 at 4:04 pm
Kan zavaia kan tan tlan a ngai a ni.
Report this comment
September 9th, 2011 at 4:07 pm
Chhiar ang hmiang..
Report this comment
September 9th, 2011 at 4:18 pm
A tha hle mai,a thim zawng ringot a thlir lo in kan ram hi chhan tlak ala awm ani tih hre thar leh teh ang..
Report this comment
September 9th, 2011 at 4:44 pm
sumdawng ho dawn vak2 a tlawm te a lei tum ho hian thil an zawrh ve in an ti to in in dawn tlawm an har duh phian….
Report this comment
September 9th, 2011 at 5:09 pm
Ramhmangaihna aw ani ngei mai a…
Report this comment
September 9th, 2011 at 5:12 pm
Tha hle mai…
Sumdawng dawn hi chu a pawi lem lo, hlep awm sa ranin an thil zawrh man an chhiar bawk a..
Mahni kutkawih ngei zuar a, inthlahrung tak a khawpui a thlai ilo zuar te, khawpui mi in an dawn ngawng ngawng zel hi chu(h), ka ngai thei der lo
Report this comment
September 9th, 2011 at 5:13 pm
Theih chu a theih ngei ang,mahse a harsat viau ka ring.
Report this comment
September 9th, 2011 at 5:16 pm
I zawhna pakhat: “Mizoramah hian engvangin nge phailam atanga kan thil lakluh pawh ni se, “Maximum Retail Price (MRP)” aia tlawm hian thil kan lei theih miah loh, kan ram hi tax tam lohna state a ni chung hian”
Chhanna niawma lang chu: CYMA huaihawtin hnam dang sumdawng kan hnawtchhuak a, trading lamah competition a awm tak tak lo ani. Competition tak tak a awm hunah, Mizorama super market leh shopping mall tam tawk a awm hunah MRP aia TLEM in kan la lei ang.
Report this comment
September 9th, 2011 at 5:20 pm
sony..dik viau mai… Bible in sum tam tak aiin hmingthat hi thlan zawk tur a ni a, a tih kha a apply chi a niin a lang..
Report this comment
September 9th, 2011 at 5:30 pm
Tungding tur chuan thalai ten tan kan lak a ngai khawp ang.
Report this comment
September 9th, 2011 at 5:31 pm
Vai sumdawng an hnawhchhuah then phei chuan, thil man a to lehzual lo’ng maw.??!!
(fiamthu)
Report this comment
September 9th, 2011 at 5:40 pm
Mizo hlir dawr neitu an nih cvhuan thil man chu khitah a ni mai ang. Kan Mizo zia chu, vawi lehkhata hlawk thut policy hi a ni deuh a. hairehaiiiii Pu HV-a awm se, han sawi teh se.
Report this comment
September 9th, 2011 at 5:41 pm
Mizoram economic siam tha tur chuan a bul kan tan that a ngai.
Kalphung thar kan mamawh.
Sorkhar deptment tam lutuk office hna thawk tam lutuk privatise a tul.
Dept tin deuhthaw kha privatise niseng tin heng Agri,Soil,Vety,Horti,Secriculture te hi dept khatah awm vek seng Office bawr luai lovin a field lam buk zawka thawk a ngai.
BSc Agri kan neih te officeah an thu kiar huar a building tha tak tak an neih chhung chuan eng rual kan chan lo tawp ang.
Mizoram a Agricalture Khawilai Sub Division stats ang zat vel kha Israel ram Agri office staff nei ve ta seng khawvel mipui zawng ei leh in tur hi an thar chhuak theih hial ka ring.
Report this comment
September 9th, 2011 at 5:52 pm
13…hi ka like e. Kan engineer te, agriculture leh horticulture lama expert te office ah an thu dulkiar luah a, Babel insang an sak chhung ah an khuk thum dum dum a,an hnathawh hmuh tur awm si lo. Horiculture officer ho hian huan an nei tha hlawm a nia. Equipment lah department atangin a tha tha an nei thei bawk. Mak deuh chu, horti-officer pakhat phei chuan Zawlaidi ah hian a ma hlawkna turin a inrawlh thuk hle, a hming chu ka sawi lo ang, sap hming te a tel nuaih mai.
Report this comment
September 9th, 2011 at 6:30 pm
Agri,Horti,Soil,Fishery, etc., hi tunhma ang khan Dept. khatah inchhung khawm leh se. P&E Dept., PHE te hi Revenue generate thei turin siam ila. Loss hlir a kan kal hian hma kan sawn lovang.
PWD pawh hian kan ram hmasawn zawk nan Construction Corporation siam se, maintenance lam phei hi chu Sector-wise in corporation lam hian chang ta se.
Tourism lam hian Tourist-ho hip tumin tan la se, Infrastructure lam hi chu private/company lam pe ta zawk se.
Administration lam kan uar lutuk te hi maw le…District then tam hian development a tih chak phahin kan hria em? DC/SP post tam tak create belh bak a tangkaina pawh ka hre lo!
Leilet nei enkawl peih si lo te hi an leilet chhuhsak theihna dan awm se…te han ti ve mai mai ila engmah phei chu a sawt ka ring lem hlei law……..!
Report this comment
September 9th, 2011 at 7:00 pm
Report this comment
September 9th, 2011 at 7:06 pm
Kan mamawh aia tam kan thawk chhuak anih pawn Society-ah hian pek let leh hi kan bat ani tih hi kan hriat nawn fo ava’n tha em!
Basic needs nei phak lo tam tak kan la awm tih hi hriat a tha!
Report this comment
September 9th, 2011 at 7:26 pm
1990 chho vela Indian Economics Reform chungchang ka zir ve tuma ka rilru la pengtu ber chu- ‘What would be the use of the reforms if the rich become richer and the poor poorer’ tih hi a ni. Tun thleng hian Hamara Deshah hian kan harsatna lian tak pakhat a ni. Kan economy hi sang mah se kan neih hi a in balance lo zel a ni awm e.
Mizoram chhung ngaihtuah chuan kan zia viau zawkin ka hria. Mahse keimahniah pawh mirethei leh hausa inkar a zau ve zel chu a nih hi maw…
Good Post. Welcome back….
Report this comment
September 9th, 2011 at 8:11 pm
Comment ve ka duh, tha ka ti si, thahnem ka ngai ve si,engmah lah chu sawi tur ka hre mang si lo……. hui ha… Intodelh tih hi college kan kal laiin article ka ziak ve vak tawh. Economy han sawi hi chuan a bul thut tak tak hi chu ei leh bara intodelh a ni. Mizote hian pawisa ngah viau ila, khawl ropui tak tak leh luxury items pawh ngah viau ila, kan ei tur kan thawhchhuah peih a ngai tho tho… khitiang thil khi nei lo mahila, ei tur kan thawhtchhuah theih chhung chu tuma bawih kan ni lo ang, mahse kan thawhchhuah theih lo chuan chutihlauh chu kan ni ang, tuna kan dinhmunte hi a ropui lem lo khawp a nia kan hriat theuh angin.Cold war laia inel pahnih USA leh Russia pawh kha han ngaihtuah ila, ei leh bara dinhmun tha zawk chu an dingchhuak ta zawk anih kha… Russia ho khan an khawl ropui kha ei thei bik hek lo… ha ha
Report this comment
September 9th, 2011 at 8:28 pm
Post tha tak a ni.
Mahse, thuamhnaw ilo zuar ho hi chuan an hlep uchuak ka ti ve tlat thung. Lungleng vel ang atanga chawhmeh rawn zuar ho erawh hi chu dawn miah lova pek belh chakawm an ni thung.
Report this comment
September 9th, 2011 at 8:45 pm
eureka kan ngai anih hi…
Report this comment
September 9th, 2011 at 9:24 pm
@chtr: misual.commer hian thil tak tak kan chai peih lo ! Lo ngai reng rawh comment a tlem pharh mai ang. Online zat tal comment a awm pawh ka ring lo
Report this comment
September 9th, 2011 at 9:29 pm
Zoram Economy tungding tur chuan Sorkar a ngai. Mass media in tihtheih kan nei tak tak lo. Kan ram hi mi rinawm te ai a mi hlemhle te an dingchan zar zar na ram anih hi.
@lushai Chuti em em chu ni love!! Thutak/thu tha tak tak pawh a awm ve thin hi.
Report this comment
September 9th, 2011 at 9:39 pm
civil lu mum tan hi chuan effect tak2 neih phakloh bok nen chuan hetiang chai leh vak thin hi peih loh chang hi a awm thin ani …
Report this comment
September 9th, 2011 at 9:51 pm
@hmingtea I sawi ang khian State Govt Deptt ah te hian excess staff an tam lutuk. Office tinah hian an kal loh pawha lang miahlo tur khawpa mihring tangkailo, thlatin hlawh la ve si an kat nuk vek. Sorkar hian privatise deuh vek se ka duh!! Kan budget tam zawk sorkar hnathawk hlawhah a kal tlat alawm. Central/Semi-Central Office te hi han en ila, staff tangkailo an awm ve tlurh lo.
Internet speed hi a va muang tak em! Page hawn pawh harsa nia. Mut a chhuak bawk silo.
Report this comment
September 9th, 2011 at 9:54 pm
Kan economy, development te hi sawi a tha thei nise chu a tha nasa tawh ngawt ang chu! Sawi sawi mah ila, a hmawr bawkna chu kan leaderte ah a innghat leh tlat thin. Pu Hawla leh Pu Rama te hi chuan min hruai tha dawn lo tih hi keimah leh keimahah hian a chiang ta khawp mai. An sual e, an fel lo e ka ti lo a, an taima tawk lo ani ber mai. Ram development dan tur ngaihtuah hian zan khat tal an in ngaihtuah tlaivar tawh angem? Lalna leh ropuina bak ngaihtuah lo hotu kan neih chhung chu kan heti reng mai dawn niin a lang.
Report this comment
September 9th, 2011 at 10:05 pm
@lrpa
Change tak tak kan mamawh alawm. Theory ngawt lo a practical in. Tin, kan ram hruaitute hi an tar lutuk tawh a, thlalai kan mamawh. Thlai, a market awm miah lo te loneitute an han chin tir ngawt a. Hralhna hrelo in an dah tawih a, mi pa ni ila, an dinhmuna ding ni bawk ila chu ka ‘hel’ tawh ang!!
Report this comment
September 9th, 2011 at 10:05 pm
MRP chungchangah chuan supply chain management hrim hrim hi kan sumdawngte hian an la man fuh tawk lo. Chumai bakah,kan trade and commerce department hian eng tak thawk maw tih hi ka la ngaihtuah chhuak zo lo fo mai! Direct-in company te hi dawrin Bengali sumdawngho kaltlang kher lova kan tih thiam hunah MRP ang hian thil kan lei ve thei tawh ngei ang. Wholesale trade ziarang dik tak hi kan ram sumdawnnaah hian a la lang chhuak meuh lo chu a nih hi.
Tin, NE States bik tak hian Transportation Allowance te pawh a awm tak kha (Pu MZ Vision niin ka hria rawn ziak vak tawh kha.
Companies atanga direct Mizorama thil min rawn thawn thlen ve pap pap hun chuan kan zia mai ang.
Report this comment
September 9th, 2011 at 10:21 pm
chawmhlawm economy
Report this comment
September 9th, 2011 at 10:22 pm
Nia, kan economy tungding tur hi chuan mut mawh hnar mawh a nei, a ngaihna hre bawh hruaitu kan neih phawt chu a tul ang.
Kan sorkar department te pawh hi a establishment lam ringawt kan uar a, a efficiency lam kan ngaihthah leh si a.
Hmasawnna a kal rual zawk theih nan tun aia nasa in corruption do ila. Mitinin kan hna theuh, a lian emaw, a te emaw, dik tak leh rinawm taka thawh theuh tum bawk ila.
Tin, tunlai kan economic system hian hausate neih belhna, retheite retheih zualna a ken tel tlat tawh avangin – hausak nge retheih? Nge mahni dinhmuna lungawi taka awm mai (to cultivate generosity, simplicity and contentment) tih mai te pawh a ngaihna chin a awm chho telh telh dawn a nih hi.
Report this comment
September 9th, 2011 at 11:44 pm
Tha khawp mai, rilru senna tur tak a ni e. Han thawhkhawm liam liam teh un.
I va reh rei ve.
Report this comment
September 10th, 2011 at 12:24 am
mrp chungchang kha, Mizoram mipui in kan mamawh ber chu organized retail, india khawpui lian ah chuan big bazar, spencer, nillgiri, reliance fresh etc . US ah chuan walmart, cosco, target etc. Heng dawr lian hian wholesale rate in thil an zuar thei a chhan chu middle man tam tak tel lo in, direct in a siamtu te atangin an lei thei. Mahse heng retaiiler lliann te hi Mizoram an rawn luh chuan mipui consumer te kan hlawk ang mahse dawr te ho chu an inkhar hial a ngai maithei. Chawhmeh zuartu thenkhat middleman hmang a thil zuar pawh an hlawk zawk ang, middleman ho an tuar deuh a ni ber mai.
Report this comment
September 10th, 2011 at 12:54 am
Sorkar departmment leh sorkar hnathawk thawk hlawk lo tam lutuk mizoram development budget 50% ai a tam kan hmang ral hi chu a pawi khawp mai. Ka rawt ve duh chu-
1. Sorkar hnathawk tha lo, file ti tang ho hi nitin file delay penalty chawi an hlawh atang in cut se.
2. PWD, Sanitation, Power etc te hi Implementaton ti lo in, monitoring & evaluation chauh ti se, hna thawh tak chu company thawh tir mai se.
3, Sorkar hna tam thei ang ber hi contract in pe se, a thawk tha lo chu website ah blacklist se.
4 Sorkar hna thawk tha lo te hi tranfet emaw suspend ringawt lo in ban theiih ni se, Supervisor tin in hnathhawk tha lo, a hnui a thawk 2% tall ban thei se.
5.. Sorkar hnathawk hna nei lo (exess staff) te hi ban ngam se .
Report this comment
September 10th, 2011 at 12:59 am
Vakul..nia, ka Mizoram chuang chhuak ka buai ve det alawm mawle…in lo ngaihawm khawp mai..
Report this comment