Tun September ni 11 hi World Trade Center (Twin Tower) chim kum, Al Qaeda ten United States thlawhna hmanga an rawn beih tum, mi pawisawilo 2,998 an thah kum 10na alo ni leh der tawh mai.
Kum 2001 ani a, September ni 11 ah pawh chuan nidang ang thovin Greenbelt Plaza bul, College Park khua atanga bus chuangin metro station ka thleng a, metro rail in Washington, DC lam chu hnathawk turin ka pan leh ta a. Ka hna tan hun zing dar 7 hmain Foggy Bottom station ah chhukin ka thawhna lam ka pan phei leh hnak hnak. Tuna ka thawhpui (co-worker) nita, Greg Rohrer hnadang (contruction/remodeling) ka puih thin lai, a hnuaia ka inhlawh thin lai ani nghe nghe.
Tichuan, nidang ang bawkin bawkin 97.1FM station (Slow Rock) chu ka herhchhuak leh a, thawhtur tul chu kan thawk leh ta mawlh mawlh mai a. Zing dar 9 ala rilo tihah engineer ho office ah Grega zuk kal lawk chu hmanhmawh phelengin alo kir ta pek a. Thaw chham lo chauhin, thlawhnain North Tower (WTC 1) a su tih a rawn sawi ta roh anih kha.
Kan pahnih chuan engineer officeah chhukthlain TV chu kan en zui ta a. Dar 8:46 ah flight no. 11 chuan WTC chu alo su hi alo ni a a rapthlak ngei mai. American Airlines Flight 11 hi Boeing 767-223ER niin, Boston atanga Los Angeles thlawk tur, passenger 81, flight attendants 9 leh pilot 2 chuanna a ni.
Chutia TV kan thlir reng lai chuan thlawhna pakhat chuan zing dar 9:03:02 ah South Tower (WTC 2) chu a rawn su leh thuai ta mai a. Chutah zet zawng, ka pu Greg chuan dawhkan chum burin “We’re being attacked… sons of b..tches,” atih kha ka la hre reng. Thlawhna sutu chu Flight 175 niin, South Tower chhawng 77 leh 85 inkarah a thlawklut hi alo ni a.
Chutia TV lama mipui phili buai kan en mek lai chuan zing dar 9:37:46 ah chiah mai chuan kan thawhna atanga langpha reng, Pentagon chu thlawhna dangin a su an rawn ti leh ta. Chutah zet zawng, inchung lamah ka tlan chho ta thung a. Inchung atang chuan Pentagon chu chiang takin a lang vuah mai a, a khu ngiai nguai te pawh chu a lang chiang ngei mai.
Kan hnathawhna in kiang kawngpuiah te chuan mipui an tlanchhe sung sung mai te nen chuan cinema vela khawvel buai mup mup te pawh a ang duh hle zawk mai. Dar 10:03:11 a Pittsburg, PA piah maia United Airlines Flight 93 a tla leh tih han hriat phei chuan rilru a bing deuh mup mup thei mai nia mawle!
Inchung atang hian Pu Saithangpuia Sailo te nen Pentagon hi kan thlir reng a, a camera khan thla kan la nual ania, a copy ka neih ve ka hmuzo ta tlatlo mai. Kan thawhna lo lam atanga midang lak hi kan tar reng reng ang e:
Flight no. 93 a chuangte hian hijack tu te an sual vanga an tum ram an thlenglo tih ahnua han hriat chuan an huaisen zia a chhuanawm khawp mai. Tunkum September ni 9 chhun khan TV lamah khami thlawhna chhunga an authawm vel an rawn tichhuak a, a rapthlak ngei mai. Ri nuai nuai karah khan chiang deuh ber nia ka hriat theih chu mi pakhatin, “So we’re going to die…” ti niawm taka a authawm kha a ni.
WTC chhe sawm nuaih karah khan kum 2001 October thla chuan thingkung pakhat (Callery Pear tree) an haichhuak nawlh mai a. He thingkung, “Survivor Tree” hi Van Cortlandt Nursery, Bronx ah enkawl nun leh niin nikum khan NY Mayor Michael Bloomberg leh official dang ten Memorial Plaza bulah chuan urhsun takin an phun tha leh ta a ni.
Tunah hian Pakistan lam atanga an thu dawn angin NYC leh Washington, DC lam chu venhimna khirh taka kenkawh mek ani leh ta! Mi 3 an thlalak pawh TV thlenga an tih chhuah te chuan US khawpuiah car bomb emaw hmanga lei (bridge) emaw hmun pawimawh emaw tih chhiat an tum niin thu an dawng leh ta a. NYC lamah phei chuan mel 3 kal nan darkar 3 leh a chanve te hun an hman phah ta hlawm. Khawlaiah police ho pawh automatic silai nen an vei suau suau mai.
Hetiang lam zirmi pakhatin a sawi dan chuan, ” Cold war nen khan a dan a dangin a inlet thawk a ni. Cold war lai kha chuan hmelma te hmuh an awl a, thah an har viau thin. Tunah chuan hmelma thah an awl a, hmuh an harsa thung,” a ti a ni. Ni e, misual te hi theih tawpin dan tum mah ila, tam tak kan dan theih laiin anni tan chuan vawikhat lek chet fuh a tawk der mai thin si a a pawi a ni e!
September 11, 2001 a terrorists te vanga thi zat:
https://wiki.answers.com/Q/How_many_people_died_in_the_September_11_attacks
Similar Posts:
- 9/11
- Aizawl-Guwahati Indian airlines AC chhia
- Azl-Cal flight ticket is now Rs 1,150
- Flight cancel thin hi, tihtheih kan nei em?
- Twin tower thirin indo lawng siam a ni
September 10th, 2011 at 4:35 pm
happy 9/11 lah chu tih chi si loh a, al keida pawh hi thur-keida ni ve tawh se π
September 10th, 2011 at 4:39 pm
Kan tlangval lai min ti hre chhuak π
September 10th, 2011 at 4:48 pm
Jai ho… :-S
September 10th, 2011 at 4:56 pm
Kan la naupang mawle kha tih lai kha chuan π π π
September 10th, 2011 at 5:02 pm
Kristian ram ve si in a mahni khua leh tui te thih na tur khawp a hetiang lemchan na rapthlak an han phochhuak mai hi chu a mak ka ti tawp thei lo.
Khawiah mah he thil hi Al Qaeda tih zuk ni suh.
September 10th, 2011 at 5:05 pm
#5 : Thla (moon) a an lawn pawh kha i awih loh duh hmel e..!!! π
September 10th, 2011 at 5:05 pm
Post tupa, a hmun a thil hmu a rawn ziak i ni, i thil hmuh te khi a tak vek a ni. ka rawn sawi tum zawk chu, a titu tak tak zawk lam kha a ni, min lo hrethiam dawn nia.
September 10th, 2011 at 5:06 pm
Thla lawn kha chu evidence tha tak ka nei a ka awih tlat thung.
September 10th, 2011 at 5:08 pm
#piangmama : Eng documentry emaw i en anga, huai tak hian i rawn sawi chu ni lo maw..?? Thla lawn chungchang evidence pawh chu ka va hre chak e…. π
September 10th, 2011 at 5:11 pm
Kum 10 maw lo ni leh ta reng? Hriat loh kar hian kan lo va upa chak tak em.. tleirawlho lah chu an ti-tuaiin an twin tower(?) lah chu a mum nalh tulh2 mai si a.. It taka kan thlir dauh2 ten kapu min ti ta zel mai si..
September 10th, 2011 at 5:16 pm
#5 piangmama teh daih chu, ege i rin lohna chhan le? Kum 10 a ni tawh a hei, vwiin thlengin al qaida ho hian kan tih a ni lo e an la ti lo reng2 a, hei an pu ber pawn a thih phah tawh chu anih si hi le..US sorkar hian ama mi te a tihlum a, al qaida ho thamna pe in anmahni tih angin a sawitir daih π π tihna ami?
September 10th, 2011 at 5:21 pm
he thil hi k la ringhlel tlat,terrorist ho lo in hnam hnoih po ni se US sorkar poh in in rolhna a neih ka la ring fan! WTC chim thlak lai a video a a hnuai thil puak lo om zel te kha tu plan nge? building chung lam kha chu puak darh vek mahse ka la oih ang.a chim kher kha mithiam ten entirna nen a mak an tih zia an lantir k hmuh khan mak k tih ve na a ti zual
September 10th, 2011 at 5:23 pm
beethugs2, xela engahmah ngai suh u… conspiracy theory a hre ve anih kha. π Thlawhnaah khan alo chuang velo hlauh a a hre talo a ni e. π
Ti daih ila, a hijack tu Mohamed Atta aw nimin lam khan an rawn tichhuak a, a tenawm khawp mai. Thlawhna an hijack hnu khan, passenger te kha an chiai loh chuan engtin mah an awm lovang ti ang zawng te khan a tawng vel zawrh zawrh. A hnu minute 5 emaw lekah North Tower an su. Chumi pah chuan Pittsburg bula tla ta zawk thlawhna chhunga mihring au teng tung aw te pawh an tichhuak. An insual nasat hmel khawp mai.
September ni 10, 2001, an tih chhiat hma ni chiah khan kan nu te a chhip thleng an lawn. Ni 11 ni sela chuan fanu duhawm tak kan nei kher lovang π
September 10th, 2011 at 5:24 pm
alo rei ve leh ta hle mai maw…good post (Y)
September 10th, 2011 at 5:27 pm
A tuartu tan chuan rapthlak hle mahse keini tan chuan thu ngaihnawm tak ani. Hmanlai an lo chang zo ta.
September 10th, 2011 at 5:27 pm
Kha documentary kha in lo en ve hlawm a ni maw.. mahni a ngaihdan fumfe nei lo, a sawi hnuhnung apiang awi mai pawl hi awm a ni ve a..
September 10th, 2011 at 5:27 pm
US chhiat tawhna hi ka tawrhpui ve thin khawp mai.
Piangmama evidence hmuh khi hmana LPS-a an tihchhuah thin kha a nih ka’n ring ngawt a, khata an tarlan dan kha chuan a awihawm ve rum rum tho asin.
Thlaa an lawn leh lawn loh chungchanga Armstrong-ate an rinhlelh chhan ber ‘hlim pakhat aia tam an neih vang’ tih kha chu planet dang leh kan chenna khawvelin satellite kan neih ang hian thla pawh khan satellite a nei ve thova; chuta an hlim chu a nih hmel. Khawvelah pawh ni leh thla ina min chhun hlim neih rual chang a awm fo hi.
September 10th, 2011 at 5:30 pm
#13 @HV sept 10 zanah chuan fanu chu insiam tihna mi hahaha :-
September 10th, 2011 at 5:31 pm
Khang hunlai khan bialnu 4/5 neih vangin ka buai a. Tunah erawh zawng, naupang vangin ka buai ta. Lung a leng mange.
September 10th, 2011 at 5:31 pm
Kum 10 la tling lo deuh. (H)
September 10th, 2011 at 5:32 pm
Min ti ringhlel tu ber chu a tun hma a khovel hmun danga skyscrapers thlohna in a sut chim ve lo te,leh nasa taka building kang chim kher lo te nen an han compare khan a mak em a ni,a chim dan khan a ti mak leh zual…..demolition team in uluk taka plan a ang k ti,fire fighter pakhat a chhunga tangin bomb in kam a hmuh thu te a radio recording ah hriat a ni an t leh zel…..ngpo ni se rorelna ni ah kan la hrechiang vek ang,hriat loh tura zep a om lo an th kha mo….
September 10th, 2011 at 5:33 pm
13@ innu chu a khur a khur tlai khawhnu dawn a ni maw? Kha hmelmate chetna rapthlak tak kha ni khatin sawn hma selang chuan……
September 10th, 2011 at 5:34 pm
Documentary!! ha ha.
US hi a inrawlh lohna turah a inrawlh tam lutuk a, a zawh loh a phur thin vang a harsatna chhuak tam tak a awm tih hi in awih theuh a ni lawm ni. 9/11 tluka US chet na tenawm hi a awm kher awm lo ve.
September 10th, 2011 at 5:35 pm
Kan nu te pawh hi australia kal tumin an in ti fel thawkhat tawh a, kha thil avang khan an cancel leh vek, a ui raps…foreign kal teuh ve pawl tak chu ka niang te a ti ta vel mai mai.
September 10th, 2011 at 5:35 pm
drake, September ni 11, 2001 (9/11) zawk khan lawn chho nita sela chuan nupa kan ni kher lovang. Therefore, no marriage = no daughter…. π
piangmama, Sawi tur awmze nei i hriat loh chuan ngawi ve mai mai la, i mawl hmel loh zawk ang. Anih loh chuan i proof na han phawrh rawh.
saint sammoo avan zialo vele, tun hnuah kal leh ta mai sela hehehee
September 10th, 2011 at 5:40 pm
USA leh Israel ho hi chuan Pathian anna tak hi an nei tlat. Anmahni pawikhawih hmasatute hrem lohva chhuah an tum tlat lo. Lucifer ti a koh khawp a ropui leh hmeltha/mawi ni thin pa (Setana) leh a thuihhruai te tan pawh Chatuan Hremhmun a buatsaih a, a Hrem dawn khawp. Keini mihringte pawh min hmangaih teh mah se, kan sual man chu min hrem tho tho a ngai. Nimahse, keimahni min hrem ta lo chuan, kan aiawhin A Fapa mal neihchhun a hrem ta daih hi a thukin a va ropui em.
September 10th, 2011 at 5:40 pm
Piangmama chu i va thawi mawi ve ….
September 10th, 2011 at 5:41 pm
kum 10 lai a lo liam ta ani maw. A lo rei ta ve. Kan thianpa chuan lehkhabu siam nan a hmang hleuh mai a, world trade centre sut chhiat hlawk pui pawlah a tel daih a sin le π
September 10th, 2011 at 5:42 pm
PK #26 (Y)
doc_lib i thianpa chu tuna lehkhabu release thar, “Survivor Tree” hi letling turin fuih teh a, ngaihnawm tak a ni. π
September 10th, 2011 at 5:48 pm
Pu HV ka lo hrilh ange. Mahse a ni pui hi tunah hian khawiah nge a awm aw. Tanzania ah amo ni kha le. A buai thei vei viau ani awm e.
Ka awm loh chhungin post dang dangah inhnialna alo tam hle mai. Tunlai chu Misual news lo tak ka ni ringawt π
September 10th, 2011 at 5:48 pm
pu Hv nge nge, ava ngaihnawm thin ve… :-O chalrangah cl-vi ka zir lai…
September 10th, 2011 at 5:52 pm
Kum 10 a lo ni ta der mai a
September 10th, 2011 at 6:00 pm
USA hi tan rum rut loh tur.
September 10th, 2011 at 6:03 pm
Pu Hv nge nge, ava ngaihnawm thin ve… :-O chalrangah cl-vi ka zir lai.
September 10th, 2011 at 6:04 pm
Kumin chu khawilai nge ka bomb leh ang aw, hehe
September 10th, 2011 at 6:09 pm
SaNgpuiipa, i pawlte em ni hei tunah mi 3 an zawng mek ania. Arab lam mi niin Arabic leh English an thiam an ti. 2 te chu US citizen an ni nghe nghe awm e, an thlalak pawh an ti chhuak reng mai. Rail, truck, van etc. an dap uluk hle.
September 10th, 2011 at 6:09 pm
Sangpuiipa chu a lo awm ani maw.kei pawh bom tur kan ngaihtuah lawk teh ang π
September 10th, 2011 at 6:11 pm
Ka bomb tur ber ReMpy awm lo ani maw.. Sangpuiipa, ReMpy hi bomb ila, a fuh mai lo maw.. π
September 10th, 2011 at 6:15 pm
Pitar pakhat pawhin TV-ah a thlir ve reng mai a, an rawn repeat zing nasa mai si a. Pitar khan a lainat ve lutuk a, “Awi karei, chhantu an awm thlawt lo em ni aw? Ka thlir chhung ringawt pawhin vawi sarih a rawn su hman hman tawh,” a ti vel!
Khami hnu chiah khan Asia-Pacific Conference-ah Indian delegates zingah ka tel ve a. Thailand tawih-ho khan min chhaih an duh ve ha ha bawk si a, “Osama …” tiin min ko vek hlawm maw le! Nuam thei thin!
September 10th, 2011 at 6:18 pm
ka tel ve ang tih ka van hlau..hehe
Pu HV in nu chu i va chan teuh ve ooo!! π
September 10th, 2011 at 6:20 pm
WTC hmunhma hi 2008 May khan kan va tlawh a, an hung vek a, NY kawtthler a zim ve chiang si a, car park-na a buaithlak lutuk a, ninawm tak a ni lawi!
September 10th, 2011 at 6:21 pm
chawnghilh leh “Sawadee khrap” i ti deuh reng mai dawn ani maw telh tawlh mai dawn a hairehai π (Y)
LadyPinkPunk π
September 10th, 2011 at 6:42 pm
Ground ZerO hi ka hmu ve chak khawp mai!
September 10th, 2011 at 6:43 pm
Pawisawilo tam tak in nunna an chan phah na. Hetiang thil hi thleng nawn tawh lo se la ka va ti em…RIP
September 10th, 2011 at 6:50 pm
2001 kha Sangpuiipa iang in tlangval ka la ni. Hostelah kan awm a, zingah kan sir Radio-ah kan ngaithla fur mai!!! Afghanistan an ni ang te kan ti vel!! He Twin tower ka hmuh ve hma a an lo bomb chhe thawt2 hi chu ka thin a rim khop mai!! π … Conspiracy theory pawh chu chhiar a chakawm khawp mai.. Pu Hv, link lo dah la.. (Y)
September 10th, 2011 at 7:15 pm
Good post, pu HV
September 10th, 2011 at 9:36 pm
Ka chhiar ning thei lo (Y)
September 10th, 2011 at 9:43 pm
Ni e..Mihring 3000 zet Nunna lakna a ni a..Dam khawchhuak tan pawh..’hriatrengna Chimawm’ a ni reng dawn a..a sual thlak e lawm…
Chuan..Damlai khawvel hi chu…’Luaithli-Nul Inthenna’ a ni miau si a.. ;-(
September 10th, 2011 at 9:52 pm
911 leh Osama hi chuan hriat a hlawh reng tawh dawn a nih hi,
The fatman te pawh.
September 10th, 2011 at 9:57 pm
Al qaeda, khovela terrorist rapthlak ber pawn sense of humour an nei ve tho a ni, 911 (emergency call) kher a an han che kha
goodbye to osama, you were one hell of a guy, i might add, one hell of a guy
September 10th, 2011 at 10:14 pm
Rempy, i thlunzawm nalh kher mai.
Mizo, a hmuna witness ngeiin a ziak vawikhat ka chhiarna. Thumps up to Pu HV. Conspiracy te an lo ti vel a maw! A nih chuan Al qaida pawh hi conspiracy! Ka va’n awih lo best.
September 10th, 2011 at 11:20 pm
Terrorist ho tak hi chuan nunphung an tibuai mang tak e.
September 11th, 2011 at 12:58 am
misual member ngeiin a hmuna a lo tawn a ziak a ni bawka a ngaihnawm dangdai hle mai.
Kha mi zan khan inkhawm hmain TV ah ka hmu hman a, Beihrual inkhawm a trul ta sia ka han inkhawm a, ban veleh a hria hria chuan kan sawiho nak nak a, ‘tunah hian US chuan khawi ram emaw chu a bomb ve nasa tawh mai thei a ni’ kan tih te chu kan sawi zinga ka la hriat reng a ni.
September 11th, 2011 at 1:44 am
A lo ni reng mai tak a…
September 11th, 2011 at 4:43 am
CNN BREAKING NEWS: tunah mai khan Dulles airport an khar vek. Police uisathiam, bomb hre thei tura an zirtir te chuan bag thenkhat rinhlelhawm terminal B ah an hmuh chhuah vang ani awm e.
Tunah 7:13pm local time a ni e.
September 11th, 2011 at 7:29 am
β”Terminal B area evacuated as sniffer dogs trained to sniff pout bombs smell something in the cargo area..we’ll bring more updates” —CNN
September 11th, 2011 at 7:31 am
Ground zero bul ami truck 3 rukbo ani a, an zawng ngawrh hle bawk —- CNN
September 11th, 2011 at 7:31 am
Leh pekchuan a
September 11th, 2011 at 7:42 am
E heeee!
September 11th, 2011 at 7:44 am
Mahni ram chhung ngei mai a mahni khua leh tui te han suasam tak mai chu. Pathian pawhin a thluakpuipu te chu a ngaihdam ka ring lo, an nunkawng chhui chho zel ta ila.
September 11th, 2011 at 7:50 am
piangmama, ENGMAH I HRELO, NGAWI TEH
September 11th, 2011 at 7:56 am
Pathian tihna te hi an nei lo em ni le te ka ti thin, kristian a inchhal ve si ah chuan!
September 11th, 2011 at 8:09 am
Admin te kha he mi a pa “piangmama” comment hi moderate zel teh u. Thuthlung mawl lutukin keini rilru thar leh lai a ti chingpen zo
piangmama, AL Qaeda an awm i rin chuan khitiang thil khi ring rawh. Pathian awm i ring anih chuan khitiang khi thleng tak takah ring bawk rawh.
September 11th, 2011 at 8:10 am
Piangmam nei lem nang mawle
September 11th, 2011 at 8:16 am
littlerascal lo fuih suh hairehai
September 11th, 2011 at 8:17 am
A khaih khaih khaih, Ka ring vek, a thleng tih pawh ka hria, TVah live in a hun lai khan ka lo hmu ve ngei a lawm, a tak a ni lo ka ti hleinem.
MIDANG KUT A RULKAW ZEN A MAHNI KHUA LEH TUI TE HAN SUASAM MAI CHU KAN TI ZAWK A NI.
#64: ni ngawt mai, an nei lo chu a ni cheu aniang chu.
September 11th, 2011 at 8:18 am
piangmama, i tanfung chiang takin han phawrh law law teh. Kan lo nui vun vun ange
September 11th, 2011 at 8:21 am
piangmama, nangmah biakna lam a dang ka sawi tawh lovang. I sawi te khi ka thiamlo leh silo che. False rumor thutaka khukpui thei leh peih zing ami i nih ka ngaihtuah chhuak lo palh ani e, ka thiamlo tawp.
Tikhan i rilru chu lo sawh nghet ve mai mai teh. Mahse khawngaihin KA POST AH hian rawn sawi tawhlo hram la ka lawm khawp ang.
September 11th, 2011 at 8:43 am
I piang mam leh ltk anih kha
September 11th, 2011 at 8:53 am
9/11 zanriah eikham khan ka αΉhianpa in mi rawn phone a, “TV live kha i en em? a rapthlak lutuk” tiin. Kei chuan,”Aw en e, αΉan pawh an la αΉan loh hi, enge rapthlak tur awm a?”ka lo tia. (Hetih lai hian Pu Faktea’n Zarkawt biakin ah rawngbawlna a nei a, chu zawk chu ka lo en a
) Ka αΉhiana chuan, I Mawl lutuk, BBC/CNN maw le”a rawn tih lai kha kum 10 liamta a lo ni ta reng mai a…..
)
(terrorist ho chetna hi chu
September 11th, 2011 at 9:19 am
Zing ka tho TV ka en a, CNN khan thlawhna hnuhnung zawkin WTC a su chhe lai kha an lo live mek a…, engah vak ngai lovin class kal turin ka chhuahsan a, a rei ta hle mai
September 11th, 2011 at 6:57 pm
Memorial service an nei mek…a lungchhiat thlak mange a…
September 11th, 2011 at 10:03 pm
President Obama in 9/11 memorial service ah Sam 46 urhsun takin a chhiar a. Chutih lai chuan rimawi zawi tein alo ri riai riai mai nen chuan min khawih hle mai.
“…leilung hi lo danglamin Tlangte hi tuifinriat chhung daiah insawn mah sela kan hlau lo vang…Jacoba Pathian chu kan kulhbing sang a ni. (selah)”
September 11th, 2011 at 11:23 pm
Helen lowry ka thawh lai. Tlat mai a.hna ka la hmuh hma.TV ka lo en miah lo a, Miss atein min lo hrilh. Khawvela ka building ngaihsan ber pawl ka ring thei lo. Khawvel thil thleng (fly ni lo) ah chuan min khawih ber pawl, mother teresa thih nen khan. Mother teresa boral Tv a kan hmu kha chu dan rual lo in ka mittui a luang.
September 11th, 2011 at 11:37 pm
A lo rei ta hle mai . khawvel thil thleng ah chuan ka thinthawng pawl tak a ni . a hun lai a min barakhaih zia kha aw . tun ah chuan thawnthu ngaihnawm chhiar in kan chhiar ta mai mai chu a ni sia ,
September 12th, 2011 at 2:44 am
Obama Sam chhiar:
https://www.youtube.com/watch?v=13aTWulSMPE