Kum 2006 March thla khan Serkawn ka chhuahsan tak tak dawn nia ka hriat avangin mi chhuanawm china ka ngaih- Rev Dr HS Luaia, Rev Dr CL Hminga, Rev KT Chungnunga, ldt., thlalak pui ka duh tlat mai a.
Aizawla ka phei dawn zanah Pu Luaia chenna ‘Little Haven’, Ramzotlang, Serkawnah ka thiante leh Sir Manunmawiate chhungkua nen kan va leng a. A tute chuan(ka hmelhriat anni) min lo hmuh chuan “Ka pu inleng i nei” tiin an hrilh vat a.
Min hmuh chuan a ding deuh uai a, “Takam(chakma) i ni em?” min ti a. A tute vek chuan “Ni love, Ignatia… Vanlalignatia a nih hi..” an ti a. Ka hming a hriat thu leh a rin ai daihin ka nuapan thu min hrilh a; ka khi vur vur mai a ni. Thlate kan lakpui hnuin kan hawsan leh ta a.
Tun thleng hian a la dam a. Kum 103 chuang Pathianin kan zingah a la awm tir a ni. A damlai ngei hian amah ngaihhlut nan leh ‘ka happy birth day to you’ nan a chanchin tlem ka lo thai lang ange.
Pathian chhiahhlawh, a theihna zawng zawng Lalpa petu hi midang tan a tangkai em em a. A chanchin hi zirtu pawh an tam. A ngaihdan, a thu leh hla hi kan zoram kalsiam nan hian mi remhriate’n an hmang nasa em em a ni. Amah avanga PhD nei ta pawh hi an kat ve nawk tawh ang le.
Kum 1909, setember ni 15 khan Tawipui ‘S’ ah a piang a. A hming tak chu Sawiluaia a ni a. Hrahsel hnam a ni. Kum 1924 chho khan Serkawnah Middle sikul a kal a. A pass hnuin kum 9 chhung Khuanghlumah zirtirtuah a tang.
Van lam kohna a chhan hnuin kum 1935 Pathian thu zirturin Cherra Theological College lamah a liam ta a. Kum 3 chhung a zir hnuin kum 1938 khan Pro. Pastor atana lak nghal a ni a. A kum lehah Pastor atan nemngheh a ni.
Baptist Church of Mizoramah Church Secretary(Tuna General Secretary ang hi) chu kum 1946 atang khan a ni tan a. Kum 5 dan zelah an thlang nawn thin a, vawi 5 a zawnin an thlang nawn leh a ni. Tin, ZBM Secretary a ni leh bawk a. Hemi mai bakah Pastor bial enkawlte, Hospital Chaplain nih thlengin a chelh chho vek a ni.
A pension hnu khan Bible Society Lunglei branch-ah kum 11 zet President a ni leh a. Tin, a pension hnu tho hian kohhran tirhin Bible lehlinna lamah kum 11 bawk a thawk a ni. Zai a thei hle bawk a. Tonic Solfa-ah Intermediate Certificate a la bawk. A tonic solfa thiam hi Baptistin an chhawr hle.
Pathian thusawi a thiam em em a. Kraws thu hi a sawi duh bik hle a. Uar takin a sawi thin. A sermon hi vawi tamtak ka ngaithla tawh a. A hlawkthlak thin khawp mai. Hlimna(Harhna) ngaina mi a ni a. Baptist hruaitu a nih hma khan hotute’n Hlimsang kha an duh lo thin hle a. Mahse amah hian apawng ataka khatia han do ngawt kha dikin a hre lova. A zarah Baptistin hlimsang kan pawmthiam phah ta a. Harhna pawh zing deuhin a thleng ve ta zel a ni.
Lehkhabu hi 10 chuang a ziak tawh a. Kum 102 a pelh tawh hnu pawh hian ala ziak reng a ni. Mizo Upa Pawl president te a ni bawk a. Tin, Mizo Academy of Letters ah PATRON a ni a. Lok Adalat Member a ni bawk.
Mizoram buai tum khan Kohhranin Peace Accord leh Citizen Committe a din a, chutah chuan Chairman a ni. Remna leh Muanna zawn chungchangah khan BCM leh Presbyteriante kha an thawk ho a. Christian Peace Committee-ah khan Rev Zairema leh Rev. Lalngurauva Ralte te nen khan a pawimawh leh phusa pawlah an tang a nih kha.
Rambuai hun laia an hnathawh avang hian mihring nun tamtak chan tur kha kan chan loh phah a ni. A hlutzia hrethiam tan chuan lawmthu sawi mawlh mawlh na tur a ni. He an hnathawhna avang hian nekchep leh sawichhiat pawh an tuar nasa hle. Hruaitu lar leh ziaktu ni bawk- A. Thanglura phei chuan ‘Sazu mitdel pathum‘ tiin an hming a phuah sak hial a nih kha.
Tin, Rev Dr Zairema nen hian an inthiantha hle a. An pahniha lehkha an inthawnna pawh lehkhabuin an chhuah hial a ni.
Social work lama a thawhthatna avang hian kum 2002 khan Padma Shree hlan a ni bawk. Tin, kum 2000 khan Seraptore College senate chuan Doctor of Divinity a hlan bawk a ni.
A chanchin hi sawi tur a tam. Kumin June thla khan a nupui Pi Lalengi(90) chu a sun a. A lainatawm hle. Mizoram kohhran hruaitu hmasa leh milar Rev.Dr HS Luaia hi tunah hian kum 103 mi niin Serkawnah a tu leh fate nen an cheng mek a, tar chak lo tak ni tawh mah sela mit lawngin lehkha erawh a la chhiar thei.
Inleng leh kawmtu mi pawimawh tak tak a la nei reng thin a. Medical doctor lamin in leng nei tlem tura an ti reng a mahse amah hian a rawngbawlnaah ngaiin thatakin a lo chhawn thin.
Pathian hnena lawmthu sawi nan Thingpui in hona hun vawiin hian hian an hmang dawn a ni awm e. Lawmthu sawipui pahin i tel ve theih chuan an lawm hle ang.
Tunlai khawtlang nun zirna lam mai ni lo hmanlai hun thlengin ama ngaih dan hi tunlaia kan mi zirmite hian an la nasa em em a ni. Pathian mi hman hian Mizo Kristiante minla dampui hi Pathian malsawmna a ni e.
Similar Posts:
- Rev Dr HS Luaia’n Rihsang Min Lo Kaisan A Lawm Le!
- Mahni hming bula ‘Reverend’ dah hi
- Lawmthu sawi teh
- Tv. N. Ezekiela hmuhlehna chanchin chungchanga lawmthu sawina
- Suicide
(G) 
September 15th, 2011 at 2:31 pm
kan first ngat teh ang
Report this comment
September 15th, 2011 at 2:36 pm
pa ropui tak a ni..A zirtirtu nih lai atang tawh hian chanchin a ngah lutuk..
Report this comment
September 15th, 2011 at 2:42 pm
A va lawmawm em. Hetiang miropui in min la dam pui hi a lawmawm tak zet zet a ni. Dam reng ang che.
Report this comment
September 15th, 2011 at 2:43 pm
Happy birthday to pu Luaia. Pa ropui leh ngaihsanawm tak a ni.
Report this comment
September 15th, 2011 at 2:45 pm
Euss.. Rev Dr HS Luaia
Ka rin aiin a senior.
@Ignatia (33-115 AD), i mi ngaihsante hnung zui tur hian duhsakna ka’n hlan teh ang che.. i thei tih hi ka hre chiang a ni. Scientific leh philosophical Apologetics lamah hian i la turu dawnin ka hre tlat mai. Tun kum reilote chhunga helam zawnga i transformation hi ka hmu tlat a ni. I nick thlak hi i ngeih tlat. Apologetics thlarauin a man che niin ka hre deuh ber mai
Juda ang deuhin, “I felt I had to write and urge you to contend for the faith that was once for all entrusted to the saints. For certain men whose condemnation was written about long ago have secretly slipped in among you. They are godless men, who change the grace of our God into a license for immorality and deny Jesus Christ our only Sovereign and Lord” ka’n ti ve khanglang teh ang.
God Bless !!
Report this comment
September 15th, 2011 at 2:46 pm
lawmpui awm e, thlalak hmuh tel ka inbeisei deuh a…
mahse 
tho e
Report this comment
September 15th, 2011 at 2:47 pm
Tuna Serkawn Baptist biakin ah hian ka nu leh pa an innei hmasa bera, Rev. HS Luaia hi ala ni zui innei tir tu
Report this comment
September 15th, 2011 at 2:57 pm
Happy birthday to Rev HS Luaia
Report this comment
September 15th, 2011 at 3:00 pm
Happy Bday Pu Luaia… Ignatia chu i blog lamah khan ka lo chhiar tawh a, mahse ka chhiar chhuak leh vek tho e..
Report this comment
September 15th, 2011 at 3:01 pm
A lo ni maw, khawchhakpa inchhiar zau vaklo tan chuan a bengvarthlak leh pek e.
Happy birthday Pu HS Luaia.
Report this comment
September 15th, 2011 at 3:10 pm
“Happy birthday to Rev.Dr.H.S.Luaia”. World Record break khawpin han damrei se ka va ti em. I Pastor sawi hovin Serkawn an la thut khap mai hi chu, Baptist Kohhran an chawimawiin, an tiropui thin hian ka hria.Rev.KT.Chungnunga pawhin Doctorate degree a neih tawh kha.
Report this comment
September 15th, 2011 at 3:19 pm
Pu Sawiluaia heti chen a dam hi a lawmawm ngawt mai. Mi chhuanawm, hruaitu ropui a ni.
2006 August thla khan Lunglei ka zin ṭumin an inah ka leng a, ka han kawm ve ngat. A hriatna pawh chutih lai chuan a la ṭha hle. A fapa naupang ber hian kan in aṭangin matric a rawn exam (Aizawl-ah).
Mi ṭhenkhat, a tlangpuiin Baptist ni lote hian “Mizoram Baptist-ho Pope” an tifiam ṭhin.
Report this comment
September 15th, 2011 at 3:38 pm
A ngaihnawm khawp mai. I blog lamah ka lo chhiar thuak thuak tawh a, a ngaihnawm dangdai ve hrim hrim. Anyway, happy birthday to Hrahsel Sawiluaia han ti hluai te’ng.
Report this comment
September 15th, 2011 at 4:09 pm
Mi ngaihsan awm ani kati. Amah sawi rual rual tel ve ta ziah chu PU CLhminga poh hi an ni 2 hian Zoram tan chuan Rambuai lai vel khan an hlu. Lalpa an chawimawia anin a chawisang ve ta thung ani. Lalpan malsawm che sela Zoram tan leh Pathian ram tan Dam zel teh..
Report this comment
September 15th, 2011 at 4:22 pm
Rev HS Luaia, a lawmpui awm hle mai. Tunhma, Baptist leh Presbyterian kohhran, Mizorama an inthen hma kha chuan, Aizawl lama Khawmpui palaia an lo kal tum hian Rev CL Hminga te nen hian kan lo mikhual ve tawh thin. Khang hunlai khan naupang chumchiap mai la ni mah ila, ka mitthla in ka la hmu reng mai…
Report this comment
September 15th, 2011 at 4:25 pm
Pu Sawiluaia te hian rambuai lai khan remna zawng in palai hna an thawk nasa khawp tak asin. CL Hming hi keipawh ka mi ngaisan tak ani, mi rinawm rut mai ania.
Report this comment
September 15th, 2011 at 4:58 pm
Rev H S Luaia – Mizo ah chuan ka ngaihsan ber pawl a ni a, a thiltih that sawi tur a tam em em. Mi chhuanawm ani e. Happy birthday to Pu Luaia.
Report this comment
September 15th, 2011 at 5:03 pm
“Min hmuh chuan a ding deuh uai a, “Takam(chakma) i ni em?” min ti a.”
In Sir Manunmawia khi Rev. C.L.Hminga makpa (Nute-i) pasal kha a nih ngei ka ring!
“Ka hming a hriat thu leh a rin ai daihin ka nuapan thu min hrilh a; ka khi vur vur mai a ni.”
Report this comment
September 15th, 2011 at 5:09 pm
Rev Dr HS Luaia, piancham chibai le.
Takam anna tlem i nei alawm
Report this comment
September 15th, 2011 at 5:38 pm
“Kum 2006 March thlaa Serkawn chhuahsan” + “Sir Manunmawia” + “Takam(chakma) i ni em?” . Heng zawng zawng belhkhawm hian a post tupa hi ka hre deuh uar in ka hria……Patling pui emaw tih nak laiin
Report this comment
September 15th, 2011 at 5:39 pm
Happy Birthday to Rev. Dr, H.S Luaia
Report this comment
September 15th, 2011 at 5:56 pm
A thusawi thiamzia High School a kan Headmaster in a sawi dan chuan, Sap Upa nena London Tower an fan chanchin an sawi mai chu a sawi ngaihnawm thiam lutuk a, nu ho pawh an ‘hallelui’ thrawt thrawt mai ani a ti. Rawngbawltu hlawhtling leh chhinchhiah tlak tak niin ka hria, kan Mizo Bible lehlinna kawngah pawh hian a thawhhlawk fu awm e. Kum 103 lai alo ni ve ta mai…. Piancham chibai mawlh mawlh le !
Report this comment
September 15th, 2011 at 7:08 pm
19. Pu Hv, Pu Luaia hi a tar tawh nen, a mit hi a la fing teh mai a nia. (fth)
Report this comment
September 15th, 2011 at 7:12 pm
PK, anih tak chu mawle. Mit tha i sawi takah chuan ka pu minti hrechhuak e. Ani pawh kha May ni 14 1890 a pianga ania, a thih dawn hnaih thleng khan tarmit tello vin Bible ziak sin chi hi ala chhiar thei asin. A ha leh a mit original a hmang tluan parh.
Report this comment
September 15th, 2011 at 7:17 pm
Baptist-ah Pu Luaia, Presbyterian-ah Pu Zairema tih a ni thin.
Lifetime achievement award kan pek dawn tumin ka han kawm uluk viau tawh a, hranghlui ngaihsanawm tak chu a ni ngei e. Tun thlenga min la dampui hi a lawmawmin a hlu takzet a ni.
Report this comment
September 15th, 2011 at 7:18 pm
Report this comment
September 15th, 2011 at 7:51 pm
Rev HS Luaia, eng chen nge min la dampui dawn kan hre lo. Kum 103 lai mai i tlo tling ta reng mai hi kan lawmpui che. Thangtharten mizote tana i thiltih hi an lo la ngaihlu zel ngei ang.
Report this comment
September 15th, 2011 at 8:03 pm
PKfanai: In pahnihin tukhum bari then phawk khawpin MI hunah ka keuh tlu dawn che u.
Tin, Rev KT Chungnunga hi a Dr ve tawh e. Enge mawni avangin ka ziak lo deuh mai mai a ni. Tu leh fa Dr a nei teuh bawk. I lo sawichhuak a ka lawm khawp mai.
Lushai_er: Pu Luaia i wish ve miah lo…ka man che.
A post tuin a ngaihtuahna la peng leh tlat. Mahse heng hi kan tuar ngam tur niin ka hria. A thenin, ” Kawlpui i thluak hi a va tha em! Ka duh ve, i post tha” an tih laiin a then chuan a letling thawkin an lo comment ve thei bawk. A ziak/post tu hi sawi lan loh theih lohna chen a awm thin.
Art-a: I mi beiseina a KO hle mai. Ka lawm hle bawk. Misualah i lo tel hian a awmzia a nia. Lo lang zeuh zeuh thin ang che…pawimawhna i nei.
hlatekhua: Masena i tihna a ni ang maw? A boral tawh thu kha i hria ang chu maw.
siamlawma77: Ka chhuichuak thei che. I lo commenta i ti hlu leh zual e.
Rev Dr CL Hminga pawh nakinah a remchan veleh ka lo post ang. Ani nen phei hi chuan kan inhnim hnai khawp mai. Pa ropui dangdai tak a ni.
Rev Dr HS Luaia lawmpuina Birthday chibai lo buktu leh commenttute in chungah lawmthu ka sawi e. Mi diktak ni bawk, hrezau bawk, thluak tha leh rorel thiam, taima si Pathian tih em em tu hi hun tha ka neih tan ve dawn chauha a lo upa viau hman hi ka ui hnuhnawh hle thin. Tunlai huna kohhran leh khawtlang hi amah bawk hian kaihruai leh se ka tih chang a tam thin. Lalpa’n malsawm zel rawh se!
Report this comment
September 15th, 2011 at 8:29 pm
Ozima: Patling ni e aaaa…. Hei lo liam le..
Serkawna awm laiin an hlutzia leh ngaihsanawmzia kha tamtak chuan an ngaihtuah thiam lova. Hmun danga awm chhuah chiah hian an sawi chawk asin. Serkawn tluka natural, built, intangible HERITAGE ngah hi a vang viau ang le! Pu Luaiate leh midang tamtak avang hian Serkawn hi khaw dangdai tak a ni a chuan keini hi Serkawna kan awm khan kan DANGDAI ve turah ka ngai thin…….
Report this comment
September 15th, 2011 at 9:15 pm
Nu leh pa thuawih chu damreina an ti ami kha`h??? Nu leh pa thu i awih aniang… Dam mawlh rawh…
Report this comment
September 15th, 2011 at 10:33 pm
Khawvela mihring in Pathian hnen atang a thil ROPUI leh HLU kan dawn theih ropui ber chu DAMREINA hi a ni.Pu Luaia hi he malsawmna ropui tak dawng thei zinga mi a ni.
Kan naupan lai Lemonvale P/S a ka kal laiin a DIL ah kan cheng ru thin…
Report this comment
September 15th, 2011 at 11:08 pm
tu blog-ah nge ka chhiar tawh kha aw??? einchh
Rev HS Luaia, Lalpan vengin awmpui zel rawh se.
Report this comment
September 15th, 2011 at 11:21 pm
Report this comment
September 15th, 2011 at 11:37 pm
Ka like e
Pu Luaia Wish u a very Happy Birth Day..comment tu tam tak khi chuan inhming pangai dah ula chuan ka hriat mi intam dawn nen ooo..!!A post tu pa nen pawh khian serkawn kan chhuah san kum khi a in ang chiah mai leh nghal a.
Report this comment
September 16th, 2011 at 12:56 am
Lawmpuina leh duhsakna ka hlan ve e. Tin, a post-tu pawh a fakawm takzet e.
Report this comment
September 16th, 2011 at 4:50 am
Nikum mai khan a chenna inah ka han tlawh ve thei hlauh mai a, thla te kan la dun a, ka lawm khawp mai. Kan inhmuh lohna a rei tawh nen min lo hre nghal mai a, a hriatna a la tha hle. “Hei hi Rev. Zairema min present a nih hi” tiin chhuang takin Blanket nem tha tak hi a lo sin nghe nghe a. Lehkha te pawh a chhiarin a la ziak malh malh reng bawk.
Ka hlut em em chu ka lu chungah kut nghat meuhin min tawngtaisak kha a ni! Thiam ang angin a tan pawh tawngtaina ka han hman sak ve a, kan tinsan ta a, tun thleng hian rilruah a cham reng thin.
Rev. HS Luaia hi Pathian mi ropui a tlingin ka hria. Baptist kohhran mai ni lo, Zoram kohhran ho leh mipui zawng zawng tana mi tangkai leh ngaihsanawm a ni.
Ka pu, i pianchamah hian chibai ka buk a che.
Thubelh: A nupui, kum 90 chuang zet pawh khi a la dam a, tar zang kul kheu kheua kal awm tak khi a la kal ngil at at a sin! ” Ka pi, i zang a va la kul lo ve” ka han tih chuan, “A, kei ni te chu kan te a, zang kul tham pawh kan ni lo a niang” a ti zaih. An nupain Lalpan malsawm zel rawh se.
Report this comment
September 16th, 2011 at 7:11 am
June 13, 2011 tlai lama Pu Sawiluaia leh a chenna In thla ka laksak chu —
https://img204.imageshack.us/im.....iahome.jpg
Happy Birthday!
An chenna In LITTLE HAVEN kan zawn chhung a rei hle.
Report this comment