Naupang te emaw ka intih laiin upa lam kani ve tan dawn ta der mai! Engpawh nise tuntum chu nupui/pasal neih hun nia ka ngaih keima lo tawn chhoh atang leh midang te nun atanga ka hmuhdan atangin kan sawi ve niah nuah ang e.
Ka hriatthiam tirh atangin tun thleng mai hian Mizo te hi nupui/pasal neih kan hma hle thinin ka hria, han ti nghal tawl mai teh ang! Kei ngei pawh hi ngaihtuah thui viaua inhre siin nupui hi ka nei hma khawp mai a. Thui takin keimah leh ka chhungteleh mi chhungte pawi ka sawi nite hian tun thlengin kala inhre thin.
Nupui/pasal nitur chuan hna fumfe neih hmasak a pawimawh hmasa hle awm e. Hna fumfe neih lemloh pawhin tul ang ang thawk hrehlo mi tak tak nih atha in ka ring.
Hna fumfe tak neih ngawt erawh nupui/pasal neih hun ani chuang hauhlo thung. Nupui/pasal nei tur chuan nakin thleng ngaihtuahin, “Nei ta ila, nulat/tlangval lai ka ngai ang em,” tih te, “Ka nupui/pasal chauh hi rinawm takin ka nei thei ang em,” tih ang te pawh ngun taka ngaihtuah a tul hle awm e. Nupui/pasala insiam hnu hian mi tamtak chuan nulat tlangval an khamlo ru duh riau mai a, chumi chuan a ruka kawppui neih te leh nupa inkara buaina nasa takin a siam thin niin ka hria.
Fa neih chungchang etc.:
Mizo te hi nupaa kan insiam tawh hi chuan reilo teah chhungte leh thiante hian, “Fa in/an nei tawh em?” an ti nghal deuh sek mai thin niin ka hria. Ka ngaihdan chuan fa neih ngawt hi tha taka kan enkawl theih emaw loh chuan a pawimawh hmasa berlo ka ti thin. Ngun taka ngaihtuah hnuin nupa inthurual takin, mipa thu ngawt nilo vin ngaihtuah thin a pawimawh ka ring.
Ka hmuh dan chuan Mizorama kan fa neih dan leh kan nunphung hi nu leh pa te hian hma kan sial lutuk nite hian ka hmu thin. Kan fate hi an hlimna lam aiin keimahni duh zawng leh keimahni hlim theihna tura kaihhruai kan tum thin lutuk em aw, ka ti thin.
Han ngaihtuah chet chet mah ula, naupang hlimna tur ngaihtuah emaw kan intih hian keimahni hlimna tur, kan rilru mil tur hlir kan ngaihtuah fo lo maw? Naupang rilru hi kan hria emaw ti hian keimahni rilru hi naupang te put tir kan tum thin nite hian ka hria. An rilru ngaihtuahnate zah sak a pawimawh hlein ka hre bawk.
Ka hriat naupang pakhat chu a chhungten khawpui lamah sikul tha zawk a lehkha zirtir an tum a. Chu naupang pi leh pu te chuan, “Anu (thi tawh) hmel kan hmuh theihna chhun ania,” tiin rem zuk ti hauh lova mawle. Anni kha tar (old age) anni tawh a, an khawvel hun a zo lampang ani tawh. Kha naupang te nakin hun tur ngaihtuah pha miahlo vin, mahni hmasial takin an mahni rilru hlimna tur an la ngaihven hram hram tihna a ni awm e.
Mihring pangai kan nih chuan nupui/pasal neiin fa kan la nei duh ang. Chutiang tur chuan upat lam hret emaw, rilru puitling tak nih hunah chauh fa neih hi alo tha khawpin ka hre ta. Keimahah ngei pawh chiang takin ka inhria a ni. Ka ngaihtuah kir leh thin a, hman leh tuna fa enkawl leh hmangaih dan te leh an hlutzia ka hriat sawt zia hi dang tak ani ringawt.
Tin, Mizo te hian fa kan neih vat duh chhan thin chu, nakin a min chawm atan tih te, nupa inneih tinghettu atan tih te etc. ani fo mai. Nupa nun hi fate hian an ti nghet tak tak lo, chhuanlam mai niin ka hria. Rilru puitling taka nupa insiam hian chhungkua a nghet mai thin zawk a ni.
Chutah zet zawng, fate hi kan mawlsawmna dawn annih zia pawh a chiang tawh ngang mai. Upat hi puitlinna ani chuang lova kumin a tlin vang ngawtin nupui/pasal neih a tha kher lova, hna nghet/thawh chhuah neih emaw nu leh pa ten min nawr vang ngawt pawhin nupui/pasal neih ngawt hi thil tul leh tha ber anilo fo.
Similar Posts:
- Nupa Hlimna
- Kawppui neite tan
- Nupui/pasal virgin in i nei dawn em?
- Zirlaite leh Sex!!
- Love marriage aiin Arranged marriage kan thatpui zawk ang..!!
September 30th, 2011 at 12:47 pm
Alo sei hrep chu a, sermon thiamlo sermon chen zet lah zuk ni a mawle.
Thuhlawm tawp ber dawttu lah khi, “Mizo te hian fa kan neih vat duh chhan thin chu,” kala ti zui. A lai deuh hu mai hairehai
[Report abuse]
September 30th, 2011 at 1:02 pm
Hmanlai atang tawh khan Mizote hian nupui pasal an nei hma reng ani, “Chawbel a no khat thlakbelh” tih thupui hi a zialo deuh. Then leh mai tur a nupui neih hi a tihchi loh em avangin mipa/hmeichhia puitlin hmasak phawt a ngai a. Mahni pianpui unaute nen pawh rilru inan loh chang a tam chuan, mihrang fa nen lek phei chuan pumkhat a insiam tum hi rilru puitling hna ani tih hriat a tha.
Fa neih chungchangah thu ah chuan inngaihtuah hmasak phawt chu ngai tehreng mai, khawvelah hreawm ti tur ringawta fa neih hian awmzia a nei hlawl lo. Mizote, a bik takin Aizawl mihausa te, fa enkawl dan chungchangah ngat phei hichuan sawitur a tam teh meuh mai. Fa te duhzawng chu sawiloh, an ngaihsak hman meuh lo hlawm chu anih hi. Awmpui berh ve te te te kutah an dah ringawta, eng anga neinung pawh lo ni mahse ‘Class’ nei ve tak fa chu an neilo nghal pang tih a chiang sa a. ‘Emotional Bonding’ insiam hunlaia midang kuta an dah a nih si chuan le an lo upat hnuah nu leh pa te hmangaihna leh lainatna an nei lo ngei anga. Mi tamtakin chu chu sum leh thil a lei an tum leh si a……. (Ka chhu peih tawh lo ve)…
[Report abuse]
September 30th, 2011 at 1:13 pm
Pu HV-a post ang lo takin a sei reuh phian chu aa.. Engpawhnise, a tang ulh ve tlat…a tha riau…MZP lam khan lo hrereng teh u, MUP lam chuan kan lo chhiar mai mai tawh ange..
good post.
[Report abuse]
September 30th, 2011 at 1:20 pm
oT loks..Tukinah sairangah hmeichhe bawp ni awm tak an chhar an ti a. Tak tak a ni em aw??
[Report abuse]
September 30th, 2011 at 1:32 pm
[Report abuse]
September 30th, 2011 at 2:07 pm
Atha hle mai..
Mahse NUPUI neih hmain NULA zawn fe phawt angai dawn sia, ngaihtuah ngai itih hi chu ka la ngaihtuah phalo. Nula chhaithluk dan ngaihtuah phawt angai.. 
[Report abuse]
September 30th, 2011 at 2:22 pm
[Report abuse]
September 30th, 2011 at 2:32 pm
Tha khop mai…….I tang ulh deuh a maw ni chu le nang leh nang lo ang in……..
Tan ulh deuh palh tak in, meizial zuk vang2 hi tiang ah chuan a tha hahahahaha……(Fiamthu)
[Report abuse]
September 30th, 2011 at 2:35 pm
A dik alawm,tunah rih chuan tlangval hle rih phawt mai teh ang..:D
[Report abuse]
September 30th, 2011 at 2:38 pm
mirage_isme #7 tum loh vangin a har hmel thin mai2 alawm.
chemtatrawta #4 “Pawngsen tlaivar” post a comment #9na en mai chi
Ka tang ulh lo ania, hnathawh paha type ka nia. Comment hmasa ber khi in chhiar tel ka beisei.
[Report abuse]
September 30th, 2011 at 2:44 pm
Chhangte_ll #2 chu avan tha vele. I chhungkua hmangaih tak i ni bawk a, i uanglo hle mai he thilah kher kher chuan. A lawmawm
[Report abuse]
September 30th, 2011 at 2:52 pm
[Report abuse]
September 30th, 2011 at 3:06 pm
A engti kawng zawng pawh khian neih ava huphurh awm duh awm ve..
zas kiddin’ .Tak2 a..awareness tha tak ani. 
[Report abuse]
September 30th, 2011 at 3:06 pm
He post chu a va tha mai mai ve le! Nula tha chi hi nupui atan ka duh mai.Ka zawn vek vek chuan ka uluk ngawt ang.
[Report abuse]
September 30th, 2011 at 3:12 pm
tha khawp mai, hei vang hi a nia kei pawh tun thlenga ka la mal tlat reng. A chawmna tur lam ngaihtuah miah lova an neih thin vang hian tam tak chu rei lo teah an inthen leh thin. Good post
[Report abuse]
September 30th, 2011 at 3:15 pm
“Senior/A si tawh” tih tawngkam te leh naupang lam hnehsawhna tawngkam hrang2 kan neih te hi hman loh tawp thain ka hre bawk. Fuihna thalo tak anni thei tlatin ka hria.
[Report abuse]
September 30th, 2011 at 3:18 pm
#16
@H.Vangchhia
Agreed. Nula upa ve lam tawh tamtakin Mizorama awm nuamlo an tih phah.
[Report abuse]
September 30th, 2011 at 3:41 pm
Tha khawp mai, puitlinna hi kum lama teh chi a ni hauh lo. Senior chungchang chu ka post ve tawh a…tawngkam fimkhur a tul.khawp mai.
[Report abuse]
September 30th, 2011 at 3:45 pm
Tha khawp mai.
[Report abuse]
September 30th, 2011 at 3:48 pm
dik khawp mai….iaheriah
[Report abuse]
September 30th, 2011 at 4:16 pm
Faneih ngawt te hi thalo tak a ni. Ngaihtuah nasat pauh leh a pawi zia a hriat tulh tulh mai asin. Mizo tenb naupang kan chhawnchaih thin dan te, kan ngaihdan te hi a thalo thin ngawt mai. Eg: naupang chhia mai mai etc.
[Report abuse]
September 30th, 2011 at 4:24 pm
Fa kan han nei ve bawk a, mi kiangah chuan, “Pathian zarah kan dam tlang e..” kan han ti ve thin bawk tak a. Kan fate rilru hi a dam ve thin angem le aw, ka ti vawng vawng thin.
Engemaw an khawih a emaw, kan han tawngpawng hrawk vak mai thin te hi ka tim chawih chawih ta mai. An khawih chi anih loh chuan tha takin, enga tinge an khawih chi anih loh tih te an hriat thiam theih turin kan hrilh hmasa fo thin turah ka ngai.
[Report abuse]
September 30th, 2011 at 4:32 pm
I guess what I’m trying to say
is that now that I’m married,
I’m definitely feeling
a little freaked out about the fact
that I’m gonna have sex
with only one person
for the rest of my life.
https://www.script-o-rama.com/movie_scripts/o/old-school-script-transcript.html
[Report abuse]
September 30th, 2011 at 4:57 pm
“Ka hmuh dan chuan Mizorama kan fa neih dan leh kan nunphung hi nu leh pa te hian hma kan sial lutuk nite hian ka hmu thin. Kan fate hi an hlimna lam aiin keimahni duh zawng leh keimahni hlim theihna tura kaihhruai kan tum thin lutuk em aw, ka ti thin.”
Khi khian ka ngaihtuahna a kal thui tir khawp mai. A dik viau in ka hre deuh bawk. Post tha tak a nih hi. Mizoram siam tha tur chuan chhungkua a fuh a ngai ka lo ti tawh thin a. Nupa inhmangaih thiam, uluk taka fate enkawl thin chhungkua atang hian mi hnawksak an chhuak khat viau in ka ring. Ngaihtuah chiang mang hlei lova innei hi Mizoram ah hian an tam hle in ka ring a. Chung mite chuan an fate tha tak in an enkawl thei ka ring hek lo. Puitling taka ngaihtuahna kan sen thin chu a ngai a ni.
[Report abuse]
September 30th, 2011 at 4:58 pm
[Report abuse]
September 30th, 2011 at 5:01 pm
A bo a bang awmloin ka pawm thlap.
Experience nei tawh ten in share hi a hlawk thlak.
Apply ngei teh ang
[Report abuse]
September 30th, 2011 at 5:22 pm
Tha hle mai…
. Hriat reng chi…. 
[Report abuse]
September 30th, 2011 at 5:47 pm
Fate hnenah inkhwm tur ten, thil tha tha ti turin kan nawrin kan fuih thin. A fuihtu, an enkawl tura te entawn tlakin kan nung em tih inennawn fo a pawimawh viau bawk awm e.
Fa neih leh nupui/pasal neih hi tih ngawt chi anilo tawp a ni.
[Report abuse]
September 30th, 2011 at 5:56 pm
Post tha tak ani e. Ngaihtuah a ti thui hle. Engpawhnise, hmangaihna hi a pawimawh ber mai a, hmangaihna nen lo chuan chhungkaw diktak a din theihloh vangin, in hmangaih phawt mai ila a fel mai ang. Chhungkaw din hi suangtuah ang thlap thlap a lo ni theilo a, a buaithlak anih hi. Mahse kan ti teh ang Pu HV, kan thalai fel tak tak nupui /pasal la neilo te i ti tim palh ang e..he he!!
[Report abuse]
September 30th, 2011 at 6:57 pm
A tha hle mai a!
Rukru tura fa neih pawh hi a awmzia lo hle. Thingtlang khaw tamtakah nuapangte hi an la chep hle. Naupang harsatna- zirlai, natna, ldt., an nu leh pa te’n an la ngaihthah thin.
Tin, chhungkaw lam a ni bawk a. Nupuite avanga u leh naute hlat ta viaute pawh hi hriat a nuam lo thin khawp mai! Thenkhatte phei chu an u te’n lehkha pawh zir ve hman lovin an chawm rawn a. Lehkha an lo thiam a, an kamding ta a. Aizawl, Lungleiahte an khawsa a mahse tunhmaa lo enkawltu an nu leh pa emaw unaute emaw thingtlanga awm mekte kha an thlauhthla hmak thin mai nia mawle. Hmeichhiaiin mawh an phur mai bakah; patling pui si rualawh avanga pawisa duhawm avangin chhungte hmuh hmaih theih tlat a ni……
[Report abuse]
September 30th, 2011 at 7:01 pm
Wow Perfect post
[Report abuse]
September 30th, 2011 at 8:05 pm
Ignatia,i sawi hlawm hnihna hi ka vei em em ka sawi ve fo thin a nia. An tluang tak tak ngai lo bawk a sin. Chhungkuaa a hlawhtling awm chhun chuan adangte a chhawmdawl tur a ni…dik taka sum lalutin…
Nupuite avanga chhungte dang thlauhthlatu chuan malsawmna a dawn thui ka ring ngai lo.i
[Report abuse]
September 30th, 2011 at 8:12 pm
A tawpa ‘i’ khi chu type palh mai mai…mobile zawng a lo har deuh.
Pastor pakhat pawh a pro.pastor laiin (non mizo) ktp sportah an refere tir a…ball an inchuh buai lai takin a rawn ham ri tuar a, a chhan an han zawh chuan ‘ ham mai mai’ zo tawng pai tawkin a lo ti e…an tih kha
[Report abuse]
September 30th, 2011 at 8:50 pm
Thu tha tak ani
Good POST
[Report abuse]