Tunah ve thung chuan ngatinge vai dawrkai te hi an hlawhtling in an loon theih em em bik? Tih hi ilo khel ve thung teh ang. Ram ang te, hnam ang te, society leh politics zawng a thlir chuan Vai sumdawng, a bikin diklo taka Mizorama sumdawng te hi Mizo te mai bakah India (Vai ram) sawrkar tan pawh a hlohna leh chhiatna nasa tak thlen tu an ni ( Vai sumdawng mizo hming te, Mizo nupui neia sumdawng te hian Tribal an nih loh vangin income tax pe vek tur an ni, mahse an pek i ring em?)
Mahse Aizawla tinreng dawr ho hi thilman han zawt lawr la Mizo dawr ah ai chuan Vai dawrah thilman a tlawm zawk deuh zel ani. Chu bakah vai ho hi dawr an nuam zawk a, in tlawm tur a in nawr pawh a nuam zawk bawk.
Thil zawrh a tlawm zawk miau chuan Rs hnih khat leka inthlau pawh ni se Mizo mipui te hi a tam zawk mirethei in nih avangin thawhlawm tur leh kutdawh pek tur Rs hnih khat lo save pawh kha a tu a te tan a phur awm em em a, hei vang hian mipuiten a tlawm zawk nge nge chu an pan nge nge thin.
Mizo dawrkai te hi mi induh khum an hrat hle a, hawihhawm taka an customer te lo chhawnchhaih peih lo hi a tam zawk an ni awm e. Sunflower ho dawr hrehawm ti leh he website a rawn complaint thin in tam zia te kha! Example han siam ta i la, motor ke 4 an lei dawna, dawr hrang hrang ah an kal kuala a tlawm theihna ber eng zat nge an ti a, Mizo dawr thenkhat chuan “in lei tak tak dawn loh chuan a man kan sawi duh lo” Zuk ti a!
Chutiang bawkin P & Sons (TATA) te dawr hrehawm tih vangin hreh chung chung in Mizo motor lei duh te pawn Guwahati ah Vai ho hnenah an zuk lei thin ( motor man leh tax pawh a in ang reng tho a).
Heng vang hian hnamdang, dik tak emaw dik lo tak emaw a sumdawng te hi Mizo mipui tam tak tan an tangkai ve em em thung si anih hi. Ni khat a hah taka thawk a sa KG 1 man pawh hlawh chhuak zo lo Mizo mipui tam zawk (sawrkar hnathawk ve lo te) te hian Mizo dawr a tel (cooking oil) litre khat Rs 80 a lei ai chuan Vai dawra Rs 75 a lei kha an thlang lo thei lo.
Mihring kan nih chhung chuan product in ang reng, in zat reng ah a tlawm zawk kan lei zel dawn. Ram leh hnam ai chuan mahni nupui fanau te chaw khamkhawp a puar taka an ei theihna kha a pawimawh zawk miau si a!
Similar Posts:
- Kekawr aiah 2 GB RAM
- Mizo hminga sumdawng Vai ho
- Khawchhak mobile fimkhur nan
- Kan invenna kulh ILP lungphum a nghing?
- Mizo Award hi Award dik ni thei dawn tak maw?
Woman ~ pantieless kher2a haha mizo...
October 3rd, 2011 at 2:34 pm
Chhiar phawt ang………………… Vawiin chu @Aryan a luangliam a nih ber hi maw!!! (Y)
October 3rd, 2011 at 2:40 pm
Vai ho hi an phakar alom lolzz Sumdawn an thiam bik alom ti mai tengz!! a ni reng bawk 😛
October 3rd, 2011 at 2:41 pm
Aryan hian a lo addict ber a nih hi. 😛
October 3rd, 2011 at 2:42 pm
Aryana hi PP.John-a fapa turah ka lo ngai ve char char a, mahse, a post hmasa (Mizo hminga vai sumdawng ho) ka han chhiar khan a nih hmel ta loh riau si a!! noi. I sawi dik khawp mai.Itanagar atanga km 30, Naharlagun atanga km 17, Nirjuli atang phei chuan km 10 chauh ahlaah hian Bandardewa leh Harmuty khua a awm a,Assam ram chhung chiah chiah a ni a. Thil a tlawm em avangin Heng khawpui 3 leh Doimukh khua atang tein an dawr nasa thin hle. Arunachal sum chu rut tak an ni.
October 3rd, 2011 at 2:53 pm
“Thil zawrh a tlawm zawk miau chuan Rs hnih khat leka inthlau pawh ni se Mizo mipui te hi a tam zawk mirethei ‘in’ nih avangin..” hahaha…Aryan hausapa…fiamthu loin Aryan bawihtuai,Mizo hian tawngkam hman dan bik kan nei ve a,rethei ve miah lo pawhin,Mizo te hi chu rethei ‘kan’ la tam a tih ang chi te hi Mizo tang kal dan phung a ni ve hrim hrim…mahse Mizo ni ve tawhlo tan chuan ‘in’ tih pawh a dik tho mai….Anyway,good post,vawiin chu i luangliam hle tak mai a
October 3rd, 2011 at 2:59 pm
vai sumdawng ho netwrokign that avangin an supply chain te atha a chuan mizo sumdawng supply chain mumallo (a tam zawk) ai chuan an thil zawrh tur te tlawm zawkin an la lut thin , mizorma pawn atang…secondly, mizo chu siki leh duli margin a sumdawng thiamlo kan nia, margin kan belh teuh zel thil man ti sangin…
thirdly,, kum 100 tam tak lo sumdawng tawh chu keini hmanni lawka thlam chhuak ho chuan busines s intelligence ah chuan ka la tlin lo deuh anih hi….
kan inzir ve mai ang…keini khampat chhuak chu kan develop chak emai.. (Y)
October 3rd, 2011 at 3:06 pm
I thil sawi hi indem nghal ngawt lova ngun taka ngaihtuah tul tak a ni. Sumdawnna hi vai nena kan inthlauhna nasa ber a ni hial ang, kan tluk lo a, kan tluk mai mai lovang.
Chuvangin, kan ram ngeiah pawh a derthawng zawk kan ni a, humhalh ngai zawk kan ni.
October 3rd, 2011 at 3:07 pm
Ni e, zir tur kan la ngah khawp mai. Solfa kan thiam ang hian business hi thiam i la chuh 😛
October 3rd, 2011 at 3:08 pm
Ka lo ziah tum ran ran Aryan in min rawn ziah khalh chu..a thupui pawh a inang thuak mawle.. 😉
good post.. (Y) (Y)
October 3rd, 2011 at 3:14 pm
Cheng hnih khat leka thil titlawm thei vai sumdawng ho chuan Silchar atangin bungrua an la lut tlangpui a, Silchar maruari sumdawng phakar em em ho khu contact an nei tlangpui bawk a, chuvangin mizo ho ai chuan bungrua an la tlawm thei phawts…
A tirah chuan thil man an ti tlawm ngei a, mizo dawrkai dangte nek chep nan..mipui in kan dawr ta chur chur a, bungrua pakhat man hmun dang aia an tih tlawm chuan bungrua dang i lei tel khan chumi ah chuan a rukin i hriat leh tawh lem loh ah an ti to zeuh thiam lutuk..
entirnan, alu man i lo zawt ta a, alu chu hmun dang aia KG a cheng hnih in an lo ti tlawm a, chuvang chuan purun sen, aieng, chi, chini, dal, chana, i dawr ta treuh a, a man dik thlap chu i chhut si se seng ta vak si lo va,,purun sen emaw ah khan cheng hnih emaw an han belh zeuh a, i sawisel chuan an chhut that sak ang che anga, i sawisel loh chuan i senso a tam tho tho, a hlawk tho tho…
October 3rd, 2011 at 3:16 pm
step 1 ho te chu government hian preferential procurement to domestic manufacturing units target te siam se ( anti tawh mai thei)…chuan an thil mamawh eg. office papers (manufacturing unit din har lo) te ang hi chu mizo unit ngei atang han source bawk se…..activity viability studies /project reports te hi siam se chuan mizo ten hetiang base a unit kan setup duh chuan support tam thei ang ber (facilitating support) min pe bawk se a zia deuh ang
October 3rd, 2011 at 3:18 pm
Alu/potatoes wholesale a la thei in hria em awww….mizoram pawn atang truck trip duh duh zat lak theihna a awm (mitzim hnen atang)….. 😀
October 3rd, 2011 at 3:21 pm
Nia, mizo sumdawngte pawh in enfiah i la.
Vaiho rate aia to a thil zawrh khap ni rawh se,dawr hrehawm leh induh deuh chu an dawr kharsak hmak tur,te ti ila:D : pil nghal :
October 3rd, 2011 at 3:21 pm
A solution awm chhun chu Kuhva zuar ho thil buaipui ang chi hi a ni mai…Hnamdang sumdawng ve thei lo se, mizo chauh hi sumdawng thei ila…anih loh chuan Sumdawnna ah hian chuan kan tluk lo hrim hrim…an thiam em mai…reilo te a hlawk phut ni loin, kum tam tak hnua hlawk em em an duh zawk si a, an tlo tlat zel….
Mahse vai dawrkai ho hian dawrtu an hmuh that loh chuan an inhawng rei thei miah lo..Ramhlun South Bus Stand thlenhma ah sawn Vai dawr siam tum hnih tum thum vel hlawhchham a, insawn ta ka hre ve tawh..tun kum 15 vel kalta chhung hian….
October 3rd, 2011 at 3:28 pm
Mizo te hian dawrkai dan kan thiam a pawimawh khawp mai. Duhamah bak vai ho kan thluk hlawl lo.
October 3rd, 2011 at 3:28 pm
Mizo in vai hming a hoh ve m le silchar velah te….akeke
October 3rd, 2011 at 3:34 pm
Malaysia velah chuan malaysian citizens tan pawn companies vel a din ve theih mai mai lo,,,chinese/indian emaw hnam dang emaw malaysian citizen pawh ninmhse an partner te zingah Malay (orginial malaysian) an tel ngei ngei angai….he policy vang hian anni ho pawh khuan dummy partner/malay himng hawh hi an tam ve tho 😛
October 3rd, 2011 at 4:06 pm
Good post. Mizo dawr nghak, induh larh mai ka tawng fo tawh thin.
October 3rd, 2011 at 4:12 pm
zualbon, #17 tualthat an awm vangin midangin tual kan that ve kher tur tihna ani ngai love tet tawt mai 😛
caribou kan phakar bawk a Mizo te chu sumdawn thiam tak kan ni. Dawr nghah/ dawrtu lo chhawn dan erawh nasa taka kan inzir angai. 🙂
October 3rd, 2011 at 4:14 pm
“NB: He opinion piece hi a duh apiang te chhuah chhawn ka phalsak bawk e!”
Hei hi a dah tel theihnghilh a, admin lam khan han vawmbei sak leh mai teh u. 😛
October 3rd, 2011 at 4:14 pm
eivh vee lo zin teh…kan white water rafting dawn ania ..class 7 /grade 7 rapids chhim teh ang 😛
October 3rd, 2011 at 4:20 pm
@Aryan, he thil zirchian hi chu atha khop mai, NE a maruaris/vai sumdawng an lenna chhan leh local mi an chet that theihloh na chhan hi chu, Price war hi chu a ni teh meuh mai. Silchar a bness permission nei tam tak hian, tax pawh pe lemlo in aizawl ah an zuar thei tlat mai a, chu chuan nasa takin an thil zawrh a ti tlawm thei a, Mizo sumdawngten VAT nasa tak an pek tauh tauh laiin vai sumdawng ten VAT pawh pe lo leh, Income Tax poh pe chuang loin an bness an operate thei tlat mai hi sawrkhar chu a harhchhuah a hun tawh khop mai.
October 3rd, 2011 at 4:21 pm
zualbon, Rafting, Kayaking chu ka chak lutuk bawn tawp tawp. Aizawl lamah pawh dam chuan kalo haw hun awm vela program lo duang turin ka fuih/nawr char char. Indiaah class 6 bak a awm ka hrelo. Class 6 chin hi killer rapid (nick name) extreme kayakers ho ledge sang tak2 an inkhawhthlak zawk zawkna thin hi class 6.
India ah chuan “Three Blind Mice”, “Crossfire”, “Bodysurfing”, “Return to Sender”, “Roller Coaster”, “Golf Course” tih te kha a nasa pawla ngaih an ni.
October 3rd, 2011 at 4:44 pm
Rafting!! ka chak ve zawng tak….. kan tleirawl chhuah tirhin Tuichang luiah changel tlawn 4/5 vel kilh khawmin kan in len tir ve nawl nawl thin, suar khauh laia thlah palh vaih chuan min len thla nawl nawl zel 😀 , a thlang Liah kan hleuh kei ve leh mai zel a, nuam ve thei rupsss 🙂
October 3rd, 2011 at 4:56 pm
kapu (vai) hi tihian a fiamthu thin. ” in pi leh pu ten thawmhnaw hak nachang an la hria t hma khan kei ni chu culcat rail station ah glas no in thingpui paw kan dawm khu vang2 tawh..inthlau em em tur hi kan ni ringawt..” a ti thin… Kapa hian sikul chawlh leh hunawl kan neih apiangah kapu (vai) te inah min tir chho ziah. “vai changkang chin bulah awm tam ula, in changkang a ni mai” a ti thin. Tun thleng hian dik ka la ti.
October 3rd, 2011 at 5:03 pm
” Mizo mipuite hi atam zawk mirethei in ni a” tih lai khi ka helh, i tawngkam hman duhdan khi ka ngainat loh zawng tak a ni.
October 3rd, 2011 at 5:26 pm
saint sammoo, thuamhnaw hak nachang an hriatna kha a rei ve leh tawh a sin. I pu (Vai) chu a dam rei awm mang e. Keipawh ka pu (Mizo) khan Rambuai hma khan Calcutta ah sumdawn nan Ar la in a kal daih tawh a sin. Rambuai hma vek khan Laipuitlang tuikhuah pawh khi a lo sa tawh a.
October 3rd, 2011 at 5:44 pm
Tunhma chuan AR Canteen hi ka dawr ve fo va, he mi rilru pu hian tunah chuan ka dawr ngai ta lo.
Vai dawr a nih vanga nei tha riau tura ngaihna te hi kan nei deuh em aw ka ti.
Hnamdang,Mizo nupui nei tena min chim dan hi chu bengsika kan ngaihtuah vat a tha ang, hma la mektute hi mipui hian i thlawp zel ang u.
October 3rd, 2011 at 6:27 pm
‘mi rethei in nih avangin..’hahai!! 😀 😀 😀 Post tha khawp mai.Nia Mizo te hi thil lei a indawr chungchang ah hian inzir kan va ngai em! Nepal Dhulabari te khi awww…thil engvak mah hi an display ve silo a…han phawrh tir teuh a kan duh leh loh te hian keimahni zawk a inthlahrun rum2 theih alawm…Mizo pa dawhtheihna hian a tlin ve reng,kan tih duh loh fo na chu pawisa vang mai2 niin ka hre thin…customer neih apianga pawisa hmuh…a theih si loh..’aa! saw pawishaaaa…’ !! 😛
October 3rd, 2011 at 7:05 pm
Australia atangin Mizoram chhung i rawn hre vek a ni maw.. 😛
October 3rd, 2011 at 7:07 pm
26@, kei pawh ka ti deuh.
Tha viau tho e.
October 3rd, 2011 at 7:08 pm
Nu-ho hian thlai anhnah Rs.10 man te hi an dawn hniam tang tang a, Pa-ho hian a blackin Zu kan ngam huai fu thung si a…an ti 😉
October 3rd, 2011 at 7:36 pm
@alesantro: kan hnam in upat hleihzia a sawi fiamthuna mai a ni e. Naupangte kan nih kan nih lai paw’n keini chuan a fiamthu a ni tih kan hrethiam a nia(h)..haha..
October 3rd, 2011 at 8:10 pm
Kan mineinung hote hi intelkhawm ve thiamin super market te hi han din ve ta thluah se invenna kawng tha a ni thei lawng maw?
October 3rd, 2011 at 8:20 pm
Kei chuan a post tu sawi hi a dik ka ti… helaiah 24/7 deuh thaw a internet hmang hovin kan ngaihdan kan sawi kan sawi a, mahse a reality a Mizo mipui majority (abikin sumdawngte) rilru ah hian national level angin an la harh lo khawpin ka hria. Aizawl ka haw apiang hian sumdawng dawr har deuh deuh ka hre zing mai. Dik taka sawi chuan khawi hmunah pawh kal ila, Aizawl nen kan khaikhina, rate a decent tawk leh tawk loh pawh kan ngaihtuah ngai lo. Tin, thil man to lei huai em em te hi intih changkanna emaw te kan ti a ang ka ti. Mi, Hotel room rent thlenga kan dawn (bargain) laiin. A dang leh chu, Aizawl product ni ta na na na chu hmun danga kalin vai sumdawng level hniam te te ho te hian engtin nge an business hi an kalpui reng peih le tih hi ka ngaihtuah fo mai. Hemi chungchang ah hi chuan zirtur kan ngah khawp mai……… (Y)
October 3rd, 2011 at 8:37 pm
Mizo dawrkai pawh, khual chhawnah chuan hma an sawn ve tawh khawp mai. Mahse kannu hian tam tham deuh a a bazar duh hian Bazar Bungkawn bul a Mosque bul vel dawr leh Upper Bazaar a Maranatha dawr bul vel Vai dawr saw a la dawr a, Tennis Court opposite dawr nen sawn. A rate-ah a la duhtawk rih turah ka ngai ve tawp…
#4, PKfanai, Aryan chu a pa ka hre rin ran, mahse amah tak hi a hmaichhanah ka la kawk fak thei lo… 😀
October 3rd, 2011 at 8:54 pm
Dik reng . (Y)
October 3rd, 2011 at 9:13 pm
Mizo dawr ka nghak tawh a, Vai dawr ka nghak tawh bawk.. I thilsawi hi adik khawp mai.. Vai chuan re 1 an dah pawimawh khawp mai. Intlawm hranpa a awm lo. Mizo chuan tlawm hisapin thilzawrh aman kan chhiar thung. A chiang viau in ka hria..
October 3rd, 2011 at 9:13 pm
dik khawp mai,ka like e….. tawngkam helh tur a awm loh chuan a post tupa hi aryan a ni nang le.. :p
October 3rd, 2011 at 9:29 pm
Cheng 2/3 leka tlawm mizovin kan pan peih tak2 lo. Kawng kam, a panna hnai apiang zo emaw, vai emaw kan dawr vel mai2. Tin, David’s kitchen te, curry pot te an larna chhan chu : anni awm hma khan Azl-ah rampawn lam thian changkang deuhte chawlhpuinatur restaurant chk leh fai a awm meuh lo.
Chu2 hriain, cheng nuai tel sengin risk an la a, an tifuh a mm a. Vai dawrah mah kan chawlh duh chuan khatiang kha mizopa hausaho hian tih nachang lo hria se, engvangin nge kan dawr loh tehlul ang. Thluak a ni… Thluak! Kan mi hausaho hian electronic leh thawmhnaw dawr tih vel bak an ngaihtuah phak lo. Chutah, lehkha zir peih lo, an duat sual, sumdawnna awmzia kawi khat pawh hrethiam lo, eitur tui leh thil changkang hre mm ringawt satliahte dawr an nghahtir a. Rinai takin kan indawr thei zawk ngawt alawm le.
October 3rd, 2011 at 9:40 pm
Champhaiah vai sumdawng an awm rei thei lo an ti, a dik em? engtinnge an tih bik?
Hmanlai deuh tawh khan Mizo doctor pakhatin Silcharah damdawi dawr a hawng ve a, vaiho chuan an dawr duh manglo an ti bawk. Hrechiang zawk in awm ang a?
October 3rd, 2011 at 9:42 pm
Khirha #41, Champhaiah chuan hmun an siam duhlo tlat alawm.
October 3rd, 2011 at 10:02 pm
41@, Ka hriat phak ve chinah pawh vaiho chuan hotelte pawh an rawn siam ve a, tlangval pali nga rual velin a bain a khat tawkin an dawr zeuh zeuh a, an siam rei peih meuh lo, an tawp leh mai thin.
October 3rd, 2011 at 10:44 pm
Sumdawn thiam tur chuan sum hlutna kan hriat phawt a tul. Sum kan hmuh dan leh kan leklam danah hian kan thanharh a tul khawpin ka hria. Vai hian an thiam khawpin ka hria a..
Tin, sumdawn dawn chuan kan mamawh kan hre tur a ni-engahmah hma hian kan dawr kan chei vak ringawt zel a, kan sumdawnnain a mamawh leh a kentel erawh kan nei lo leh tut zel thin.
Hlawkna kan chhiar danah pawh a capital senso lo haw let hmaa hlawk inti ta pawh an thahnem awm a sin mawle. Hnampui motor lei thei chuan an leina zat kha an la nei ru reng a, neih zawng zawng senga lei thin hnam nen chuan kan inang chiah lo…mahse Mizo kan ni kan hmel a tha ;-(
October 3rd, 2011 at 11:01 pm
khirha@41: Doctor chu a ni chiah lo, Pu Hrangchhuana a ni e, Silchara a hlawhchham hnuah mizoramah bul a tan tha leh a, a tan fuh ta hlauh a, tunah bazar bungkawnah a dawr chu ‘Hrangchhuan Pharmacy’ tiin ala awm reng khi.
October 4th, 2011 at 12:06 am
1. Hnam ang in kan in upat hleih – gene pawh a in develop hleih tawh lutuk.
2. Kan fighting spirit leh survival game a inthlau – caste system leh social class system an neih avang khuan an scope hi a limited riau a, an hlawhchham chuan ralthakna ang hial a ni, eichawp dawr siamtu fapa chuan a zawng zawng a a pa sumdawnna chu a rawn thlawp loh chuan an chhungkua an ralthum hial thei a, a nawlpui in vai hi creativity ah an sang lo, an belsa kawngtum bak an zawh thiam tak tak lo, chu chu an hmang tangkai a, an maximum an pe ta thin a ni.
3. An sakhuana ah hian an hma a lum chu pre-destined ah an ngai hmiah mai a, an tikual ve chhin in an dream ve vak vak lo, chu chuan a lehling in an hma a lum a job satisfaction a pe a, zawng zawng in an thawk theih phah tlat a ni. Mizo chu thenawm ten an tihfuh chuan kan zuan ve leh nghal mai zel, kan rilru hi a la settle lo, kan la transit, pem kual rilru tlat a ni.
4. An sakhuana leh pawisa hi a inhal vaklo, sum hi pathian an hreh lo a, an pathian miau chuan an taihmakna/duhamna mutthlu an kaiharh a, pawisa hi an um miah miah mai a ni, Mizo te chu kan thlarau chan hi lei a ro khawl lam hi a ni vaklo a, kan sub-conscious mind hian pawisa hi a pathian ve tlat lo, pawisa hian kan taihmakna leh mutthlu hi a bengharh ve zo hrihlo. Easy money chiah kan duh, hard earned ai chuan grep a thur kan ti leh daih thung si, kan laklawk hrih a ni e.
ka peih tawh hrihlo e, hlawkna awm mang si lo…. hehe 😉
October 4th, 2011 at 12:27 am
A lan dan chuan Mizote hmelma chu Mizo tho kan nih hmel anih hi a :-[
October 4th, 2011 at 12:51 am
I Post a thra a, i entirna pek bak khi sawi tur ka hre fur kei pawn, mizo sumdawng leh dawrkai mai bak ah a mimir tan in enletna’n a tha khawp mai.
Mahse thu leikuai deuh, i thu ziah lo chhiar fo tute tana thu helh awm tak i han sawi tel kher thin hi sim la chu ngai i awh leh thuai ang. Mi anglo zia a nih hi.
October 4th, 2011 at 1:25 am
Aryan a hi kei chu ka tan tlat..sawi bawl bawl mai ila..pehhel kual dun dun lo hian!
Mizote tan a tha leh Mizoram tan a tha hi chu rik miah miah hi a tha zawk em aw te ka ti thin.
Tu emaw zahawm tak, chak tak etc,. tih fo te pawh hi a nep thlak ve deuh in ka hre thin..
Hausa leh thil ti thei deuhte kan hlauh zia hi comment hrang hrang atang hian a hriat theih rei ruai bawk thin. A dik tho, a chhan chu thil hi kan hre chiang mumal thin lo a.
Ram hmangaitu tak tak hruaitu hi kan mamawh ngawih ngawih ani e.
October 4th, 2011 at 7:07 am
36.Pu Shai, ka hre ve chak hle mai a. A character hi a interesting tlat. Pure mizo a nih ka lo ring chiah lo deuh thin a. ‘Pehhel miah lo leh mi rilru ka hliam palh ang’ tih lam thlúk miah lova a ngaihdan (thudik) a thlasik mau puah pui pawp pawp thin hian misual.com hi a ti hlu tlat a ni. He is One of a kind.
October 4th, 2011 at 9:52 am
MIZOTE KAN DANGLAM NA Mizo te hian Vai sumdawng ti tlawm deuh chu kan dawr in….Mizo dawrkaite pawh a ti tlawm deuh chu kan pan duh bik deuh ngei chuan a lang mahse.. Kan ei leh bar kan lei dawn a a tlawmna kan pan peih ang ai hian kan hmawmsawm leina ext..Kuhva,Sahdah,Meizial leh thildangah hian kan insum leh peih chuang si lova, a tlawm zawk ti a vai kan dawrna khan awmze nei lutuk lovin kan in sengral leh thin a ni tih hi ka comment ve na a ni e
October 4th, 2011 at 10:34 am
51 dik khop mai
October 4th, 2011 at 2:02 pm
1. Mizo aiin vai dawr an nuam zawk, man in ang rau rauah
2. Thil man tito zawk mahse, vai chuan mizo(titlawm zawk) aiin a vaipui a dawr zawk zel ang. Mizo chuan mizo aiin vai dawr kan duh zawk tlangpui.
3. Mizoin vai dawr nuam kan tih chhan thenkhatte:
i) kan duh angin kan be chhawhchhi thei.
ii) an dawh thei
iii) kan duh ang kan tihtir thei
iv) biak an nuam
v) ladt
October 4th, 2011 at 4:41 pm
“Mizo mipui te hi atam zawk mirethei in nih avangin” mizo i ni ve lo mi aw,mizo tawng i va thiam phian ve…anyway i thawh tha tho to e…
October 5th, 2011 at 10:56 pm
Hlep teuh teuh kan tum chhung chu eng kan ang lovang. Mizo hi a tlangpui in sumdawn kan thiam lo. Contact nei tha tak tak te pawh an awm ve tho. Mahse maw… Chhiahpuam a kan buaina ang tho kha… Easy Money kan duh !!