kum khat zet a liam ta, ka in up rei ta bawk a. Vanglaini ah ka chhuah dawn nge dawn lo tih te pawh ka in ngaihtuah rei thawkhat tawh bawk. Vanglaini ah ka chhuah leh chhuah loh chu comment awmdan azir aniang chu.
Awle sawi tan ang le…
Aizawl veng laili lai taka awm kan ni a. Ka pa hi sorkar hna thawk ani a, pa te lam, zuan zang em em mai, tuan tha bawk si ani. Ka hriat theih tirh ata na a sawi hi ka la hre lo. A tuar chhel ve thawkhat. Mahse kum 5/6 kalta vel atang khan a pile a sawisel ve tan a, ngawirengin a in enkawl mai a. keini a chhungte ngei pawn kan ngaihthah phah ve bawk a ni a tuar chhel lutuk hi. Amaherawh chu 2008 vel atang khan a thi tan a. Aizawl doctor a rawn kual hnu ah 2010 kum tir lam khan Civil doctor a rawn a.
Chu pa(Dr.) chuan a pile chu biopsy te la in, a cancer tih a hmuchhuak a, mahse a tantir te ala nia, phai lam panga refer pawh ngai a ti lova, chemo pawh lak angai dawn mi ti hialin a sawi a. Ngaihtha takin kan awm a, kan zai anga, i ril tlemte kan paih anga i tha leh mai ang tih chu kan thu lawmawm dawn a ni. kan thla a muang khawp mai.
Ka pa pawh an zai hma thlengin office a kala, chawlh a uih awm tiin. ding chung na tak meuh meuh ani.
AN ZAI TA LE…
Aizawl Civil Hospital ah khian a vawikhat nan ka pa pile chu nikum March thla khan an zai ta a…kan lawm khawp mai a. mahse in a kan haw chu kar hnih vel inah kan awm tih chuan ka pa chu a nuam thei ta reng reng lo mai a..! nachhawkna satliahin a chhawk lo, ka pa tawrhchhel zia hrechiangtu tan chuan a mangan thlak tak zet tawh.
Zing leh tlaiah nachhawkna chak deuh hlekin kan chiu angai ta ziah mai a, karthumna ah chuan ka mangang chuan a zaitu doctor chu ka phone ta a, damdawi in dangah luh mai kan duh thu te thlengin ka sawi a, mahse damdawi in danga kan luh kha a hlau khawp mai a, civil hospital khum indaih lohna em em ah chuan atukah min admit leh ta nghal a, ka pa chu an xray a, engmah an sawi tha duh lo, zai leh angai an ti ringawt..!
Thla khat pawh aral hma in a vawi hnih nan an zai leh ta a…a tha chho tawh viau ang chu tih nak alaiin a chau ta telh telh mai si a,a pum te chu a puar lung mai a, an vawikhat zaina atang khan cabin kan book ve a, kan chang ve ta hlauh maia, mahse ka pa chu a chauh em avangin cabin duty nurse te chu kan ko zing hle a, an ning tih hai rual ani lo. an in zep peih ta ngang lo aniang, ngati nge hetiang te chu cabin ah in rawn awm, ward ah awm ta che u, min ti thlawt anih kha, ava na tak em!
An vawihnih zai na ah chuan thisen an pe lova, a HB min check sak ru ka tia, alo hniam reng a, mahse thisen an pe chuanglo, nurse ho khan doctor an lo hrilh theihnghilh vel ani awm e..chuan cabin ah chuan kan awm ve ta ran mai a, ka pa lah chu a hniam tawlh tawh mai si a, a thih em hi chu ka ring pha lo hrim hrim a ni.
A nak sir bawlh hlawh an drain na atang chuan thil bawlhhlawh a chhuah hnem em avang chuan ka complain leh ta a, chutah chuan a zaitu doctor chuan a ril kan ti pawp palh anih dawn hi, a ti ta mai a…
Hnimhlum doctor pawn ka insure ngam tawh lo, a ti thlawt tawh a, ka pa chu a chauh tawh em vangin, in duh thlan na angai, nangmah nin in risk ngam leh ngam loh ani mai a ti ta a, keini tan chuan duh thlan tur a vang ani. in enhlum ringawt ai chuan risk laka alo damchhuah leh tak mialin kan ti ta a, ka pa nen ngei mai chuan thu kan han ti tlu chu e…rapthlak tak a ni!
An in veng thiam khawp mai. ka hming ka sign thlap a, ka pa chu an zai tha ta lo anih pawn kan duh thu a ni ta deih anih chu..!! mumang hi a ang ka ti tawp.
A vawithum nan ka pa chu an zai leh ta a, beiseina nung nen thisen ka pe a, midang pawh pe thei tur ka zawng bawk a… an zai zawh veleh ICU ah an dah lut nghal a, a harhchhuak leh ta lo ani…
Rilru mangang leh angaihna hre lo in rei tak chhung ka awm a, a fair lo ka ti em em a, a zaitu doctor chu khin ka chak ngawih ngawih a, mahse ka nu in a phal silo, ka hnenah ngei a ril hi kan ti pawp palh aniang a tih te kha ka hre thar fo anilo, a reh thei lo zawk ani…
Tichuan ka pa thih chhanah chuan CANCER tiin an lo tar a, an puanzar dan pawh a ni. Mahse ka pa kha cancer natna khan ala eichhe hman reng reng lova, zai hlum nge ril pawp nge thisen tlakchham vang ni ang…a engemaw ber hi chu a ni. keichuan zaihlum ka ti lo thei lo.
Doctor dinhmunah palh hi a awm tur em ni, thlawhna pilot te hian palh hi nei ve ta fo sela nunna engzat nge nitin kan chan ang?
Similar Posts:
- HAHAHA
- Daktor dawt sawi hrat? (Thu dik nge i duh dawt?)
- Doctor te hi an duham ta lutuk a ni em?
- Thih hnu ah kalna tur chiang.
- Enge I ngaih ve dan??
(B) 
sorkar in sum...
Lo ngo ta...
October 21st, 2011 at 10:28 pm
chhiar phot ang
October 21st, 2011 at 10:30 pm
A va mak ve
October 21st, 2011 at 10:32 pm
E a vawikhatna reng reng hi chu mizoram doctor fimkhurlo thin lutuk hi han khing ve reng reng teh u…(tlanchhe nal nal)
October 21st, 2011 at 10:40 pm
Ava zialo ve o. . . .
October 21st, 2011 at 10:41 pm
I rilru damna tur ngaihtuah rawh, mi dang care suh
October 21st, 2011 at 10:42 pm
A zaitu pawh chu rawn sawi law law la. Han khing chhin la, thudik chu a hriat deuh mahna. Ti ringawt khi chuan ni thei a tam lutuk a, tan zawk tur pawh ka hrelo.
October 21st, 2011 at 10:43 pm
Hm….. Dr. te pawh hian mahni thiam bak hi risk an la ve thin bawk a nia, a ril kan ti pawp palh anih dawn hi, a tih lai tak khi i lo record kher awm silova ….. khin a chakawm khawp ang, post tupa i rilru ka hriatthiam pui khawp mai che….Dr leh nurse te inthlahdah vang hian kan thi ta fo mai a, kan la thi zel dawn zawng a nih hi…. ;-( ;-(
October 21st, 2011 at 10:43 pm
Ka chhiar chhuak a, rilru a khawih khawp mai. Doctor fel tak tak an tam karah hian fimkhur lo tak te hi an lo awm ve bawk a. Doctor te hi mipuite hian kan mamawh em avang hian kan khing ngam lova, an chungah kan lungawilohna pawh kan lantir ngam heklo.
October 21st, 2011 at 10:46 pm
palh chu awm ve thei meuh mai,mahse fimkhur loh vang leh chet phuailuai vanga patient ten an tuar hi chu doctor tamtak hi chu in en fiah chu ngai khopmai. Mizote hi chu kan tha a,kan torh deuh pon kan ngoi hmiah thei zel a,vairam ang ah te chuan unconcious a awm,critical condition ngoih2 poh thi ta se soibuai theihna tur leh leh claim theihtur hi an zong ngoih2 zel.
# an dik loh miau cuan,nakin zelah poh,i khing hreh lo ang u. Kan tan vek a nia….NOI
#ipa chu ka khongaih hle mai…
October 21st, 2011 at 10:47 pm
A na khawp ang. Ka chhiar zawng pawhin ka mittui a tla tep.
Hei hi chu midang sawi chi ah ka ngai lem lo, decision fel tak nangmah ngeiin siam la a that ka van ring em. Mi decision-ah innghat suh. He thil hi thil ho mai mai a ni lem lo.
October 21st, 2011 at 10:49 pm
#6…renghangmana (Y)
October 21st, 2011 at 10:51 pm
A va na em!
Post tupa, ka hrethiam che. Sawi tur erawh ka hre mai lo. Ka bing mup. ;-(
October 21st, 2011 at 10:58 pm
rapthlak khawp mai. I rilru damna tur nia i hriat anga i tih a pawimawh. Cancer kan tih tam tak hi chu anih loh te ka lo ring thin. Tin, Doctor leh Nurse te hian zep hauh lovin sawi ta se an tihsual avanga nunna chan ta hi sawi tur an nei nual hlawmin ka ring. Fimkhur nan hmang thei se a duhawm. (F)
October 21st, 2011 at 10:59 pm
An zai hlum anih ber hi a.
doctor record hi check la, a that loh phei chuan a hming nen lam ah vanglaini ah chhuah chi anih hi! Tichuan miin a enkawl an ngam lo anga, midang te an him hlauh dawn zuk nia.
October 21st, 2011 at 10:59 pm
Doctor khin hi a harsat khawp ka ring a. Diktak chuan profession inang ho hi chu, a bikin Doctor te, mihring nunna innghat thil a ni a, an tangrual tlat mai a. A buaithlak mai thei e. Phuba lak duh vang hrim hrim nilo vin tunhnu ah an damlo te an enkawl danah an lo fimkhur lehzual theihnan mipuite hian an diklohna a khin let ngam chu a hun ta khawp mai.
Kumin kumtir lam kha a ni ta em, ka chiang lova, mi pakhat chuan New Life Hospital kha a khing a, thiam a chang ngei anih kha. Tunge a hming, khawi veng nge, etc. pawh ka hre tawh lo.
October 21st, 2011 at 11:01 pm
Doctor hming hre chak tak tak kan va tam ve @post tupa.
sorry for your father.. ;-(
October 21st, 2011 at 11:02 pm
Han sawi mai tur ka van hrelo ve, a nat dan tur ka ngaihruat thiam ve hram hram inka inhria.
Dr. leh Nurse te chuan ‘deficiency in service’ an apply a, khin theih an ni. Mahse i Pa ang bawk a nu chang leh tuarchhel i la nei a, lawmna tur em em awm hrihlo mahse lawm phawt rawh i nu rilru thatna avangin.
(keimah lam tlem) Dr. chu a In ah ka panchilh a, ka Pa condition chiang tak hriat ka duh thu ka hrilh a, beisei a awm tawh vak loh thu leh kan duh chuan inla chhuak mai turin min rawn a, a chuap function a chhiat tawh thu min hrilh tel bawk. Chuan kan In lamah kan inla thla ta a, a unaute ho an lo pungkhawm a, Aizawl zemabawk Hospital lam an rawn tinzawn ta teu mai a, ka hnial dawn nge dawnlo, keimah chiah a dinhmun diktak hretu awm chhun ka ni si.. manganthlak tak a ni. Mahse nangmah PV iangin ‘bei nge sei rundung’ ti tak meuhin Aizawl zemabawk lam ah kan inphur phei ta a. X-Ray leh a tul dang an tih hnu in Dr.C.Lalthanmawia (Tuna Health Director) leh Dr.Muantea te chu ka be leh a, anni chuan ka Pa chu Chuap Cancer ni a an hriat thu a sawi bawk. Kan luh fel atanga karkhat a liam chiah tihin min kalsan. A hnukchah dawn darkar ah hian Dr.Muantea chuan a tawngtai thlap. Min lo dawn sawn dan leh min enkawl zui dan ah ka lawm hle a ni
Nupui/Pasal/thian te hi chu kan dam chuan kan neih belh zel ang, mahse Nu leh Pa te hi chu khawvel-ah hian engtikahmah kan neih belh tawh dawnlo. Theihtawpin kan Nu leh Pa te i duat thiam in hmangaih hram hram ang u.
October 21st, 2011 at 11:05 pm
A hmasain ka tawrh pui takzet che.
A lungchhiat thlakin a thinrim thlak hle mai. I rilruna a dam theilo a nih chuan eng nge maw tak chu tih a ngai a nih hmel. Chuan court-a i zualko dawn a nih chuan, he Dr. hnenah hian palai tir hmasa la ka ti khawp mai. Rilru a inthiamlo em em sawi lang ngam si lo pawhin a lo awm ru reng maithei. A thil tih sual chu a hre chiang dawn si a.
October 21st, 2011 at 11:30 pm
Tunah hian Ka PA hian Nghalpui bu3 lai an hual damlohna (cancer ve tho) avang a rawn kalsanin ,zai hmabakin a awm a. Inentir zawng zawng CTscan, x-ray adt. kan ti zo tawh a, puk chawp tak meuh meuh a inzai tur lehnghal tan chuan i thil post chuan min barakhaih hle mai.. Mahse, Engkim tithei Pathian a awm a, in chunga thil thleng ang hi kan chungah thleng ve lo hram se ka va`n ti em. Ka misual pui te minlo tawngtaipui dawn nia… Ka Pa hming chu Lalremmawia a ni e…
October 21st, 2011 at 11:36 pm
I thil tawnah ka tuarpui hle mai che.A thih chhan tur chu ka hre thiam ruai ruai mai.mahse i khin dawn chuan a proof na tha tak i neih ngei a ngai maithei a ni.
October 21st, 2011 at 11:37 pm
19@, Pathianin awmpui che u rawh se.
October 21st, 2011 at 11:46 pm
khin leh khinloh chu i thu2,mahse, publicity chu a tha ka ti.doctor te ph mihring ve tho an nia,an tisual palh thei,mahse fimkhur lo hi an ngeiawm..a pawi khawp mai
October 21st, 2011 at 11:52 pm
An ti ,kher lo leh angem column 😛
1. Misual.com hi anti-doctor site a ni tawh an ti
2.Misual.com a doctor te thiam loh tia rawn puh na zawngin an khing tak tak ngam kher lo.
3.An chhungte boral avanga doctor dem luai luai ho hi, an chhungte doctor leh nurse ten an enkawl dam changa ‘rinna chak tak’ an neih a vanga dama sawi ching te an ni duh bik angem?
( Bo vang vang teh ang. Ni 3 chhung vel kan bo leh teh ang 😛 )
October 22nd, 2011 at 12:00 am
Tihsual palh hi chu a awm thei a, mihring famkimlo kan nih avangin. Mahse inthlahdah vang leh fimkhur loh vanga damlo ten an tuar thin hi chu a thinrimthlak teh meuh mai. Kan doctorte pawh hian an hriatloh hi chu hrelo ngam se la, ran nilovin mihring an deal ani tih poh hi an hriatthar a, an patient te an respect hi an mawhphurhna a ni tih an hriatthar a tul tak meuh in ka hria.
October 22nd, 2011 at 12:09 am
@post tupa, ka tawrh pui takzet che.
#23 (N) (N)
a post tupa dinhmun ah khian ding ta la hetiang hian i rawn tih kher ka ring lo..
October 22nd, 2011 at 12:10 am
A va pawi ve aw. Mizoram ah hi chuan a theih hram chuan in zai hi chu tih loh a tha ka ti. Ka nu pawh kum 4/5 kal ta khan a chhul an paihna a khuh avangin a phelh a a kawchhung a lang vek tih a zaitu doctor phone in an hrilh a, a private clinic lamah a ko phei phawt a, chumi hnu ah a civil ah a lo tir chho leh. Tullovin ka nu khan na a tuar rei phah a, exposure avanga infection risk nasa takin a tih pun sak bawk. Phai a ka awm lai ani a, ka thin a rim hle mai.
Tin, tunah Rheumatoid Arthritis a nei a, ( a neihna a rei tawh) doctor chi hrang hrang hnenah diagnosis mumal nen lo nachhawkna tam tak an lo chawh ringawt a, Ka awmna ah ka hruai thla a Ortho doctor in “Damdawi an chawh hnem lutuk che anih hi” a ti a, RF test leh Blood test dang dang leh X ray a tih hnu ah chauh Rheumatoid Arthritis ani tih kan hria a, damdawi 3 simple leh effective deuh min chawh chauh.
A theih hram chuan in diagnosis dik nei chauhva in treat tir hi tum ila, zai chin hi chu phai lam pan dan kawng i zawng hram hram ang u.
October 22nd, 2011 at 12:13 am
@25 K, ni e, Doctor anih phei chuan in sympathise mai na hun ni awm ah ka ngai. Hei hian a general a an attitude a sawi chiang hle in ka hre ve.
October 22nd, 2011 at 12:16 am
Uluk lo deuhva zai an neih ka ring lemlo. Civil-a surgeon kan neihte hi zoramah na na na chuan an tha berin ka ring, civil anih vanga hmu tleu laklawh hi ka hre ta nual mai. Ka tuarpui hle mai che, ka ngaihdan ka rawn sawi ve mai a ni e.
October 22nd, 2011 at 12:18 am
Het het….khai a…kei ni ila ‘a ril kan ti pawp palh anih dawn hi’ a tih rual hian bomb ka hmuam puah tir nghal ang…ka sa zak mai a..
October 22nd, 2011 at 12:18 am
Het het….khai a…kei ni ila ‘a ril kan ti pawp palh anih dawn hi’ a tih rual hian bomb ka hmuam puah tir nghal ang…ka sa zak mai a..a ngaithla tu tan ava na dawn em!
October 22nd, 2011 at 12:19 am
Post a va la hot lo ve, hetiang chuan century vuak chhuah a har ang. defensive game hi a hmuhnawm ngai loh. Civil Hospital a doctor ho an nep si, Durtlang ho pawh an tluk lo han ti vel ta che u 😛 ( khawnge six run vaw thiam lal funny hi.. 😛 )
October 22nd, 2011 at 12:31 am
#26,, Sea-tone hi lei sak ve chhin teh a,keipawh ka nu hian a nei ve tho a ka thawn thin a a ngeih phian asin…New Zealand atanga import niin ka hria,pharmacy lian deuh hlek chuan an nei deuh fur ang. (Y)
October 22nd, 2011 at 12:31 am
doc_lib chu ni iva chhiar rang ve! 🙂
Dam lohna ani emaw, engang pawh ah, kan dikna leh kan chanvo dik lo taka nghaisak anih chuan court ah kal hmiah hmiah tur..!
October 22nd, 2011 at 12:31 am
@doc_lib, FB ah khan sangtea ralte tih kha lo add ta la indahhniamna a ni em lawng chu maw! 😀
October 22nd, 2011 at 12:36 am
Ku Saitawk, ka add dawn chiang lutuk. @33 lrp, post hian century a vuak chhuah loh kan hlau a, batting thiam kan cho chhuah a ngai a lawm 😛
October 22nd, 2011 at 12:39 am
‘E! Chhul cancer a ni e, a rang lamin Guwahati pan vat rawh u’ tiin Civil Hostital doctor pakhat chuan min hrilh. Chhungkua kan manganga, damin kan inhmu leh a ngem? Kan rilru a na ngawih ngawih a, cancer stage sang tawh chu a dam chhuah kan beisei tawh lo.
Guwahati ah chuan an han en nawn leh a, T.B a lo ni zawk hlauh mai! Tun thlengin duat tur nu ka la nei. Phai kalpui ta lo ila, mamawh ka nei a pianga ‘ka nu’ ti koh tur ka nei ka ring tawh lo. Kha Civil Hospital doctor khan a rilru a hliam nasa em mai.
October 22nd, 2011 at 12:39 am
Ku Saitawk han add mai ka tum a, Sangtea ralte tih a tam lutuk. Arnold a bike khalh lai ber hi em ni ka add tur 😛 . A then N.Vanlaiphai, a then Aizawl 😛
October 22nd, 2011 at 12:39 am
ka nghak e @doc
October 22nd, 2011 at 12:41 am
Professional ah chuan PALH tih hi a awm tur em ni ?An mawhphurhna a san avang reng hian an uluk tur reng a ni a, an hnathawhna bungruain a zirloh vang emaw, supply lam chianloh vang emaw a an tisual a nih chuan PALH chu a awm thei ngei tur a ni. Mahse an mahni pual liau liau dikloh avanga an tisual a nih chuan an thiamlo hulhual a, an diklo hulhual bawk tihna. A eng vang pawh chu nise, thil an tipalh/tisual a nih hrim hrim chuan chiang kuang takin an sawifiah tur a ni a, chiangkuanglo leh mumallo taka an khawsak a thiang velo bur. An insawifiahna chu chhan mumal tak nei a nihloh phei chuan court in an pawmlo bawk ang a, hremna pawh a NEP vaklo ang. Mahni thiamloh/dikloh avanga ‘TIHPALH’ hi professional ah hian phalin/ngaihdam zel nise chuan professional kan tam lutuk ang a, kan indaihlo PALH ang tih a hlauhawm hial.
Ka chanah ka dah a, a ruang phawrh leh a, postmortem a ngai ngei dawn a, chu ringawt pawh chu huphurhawm ka ti. (NOI)
October 22nd, 2011 at 12:44 am
39 Post mortem nge ngai ang post mortem examination 😛 PME pawh chu ti dawn se, an mahni doctor ho tho in an ti leh dawn sia, an in tan leh them anga, Mizoram doctor ho hi chu an van ngei awm tak. Lal funny style in an ek a uih si..( post a tih hot phah zual angem aw 😛 )
October 22nd, 2011 at 12:54 am
#40. Mizoram Doctor i rinloh chuan nangman ilo ti anga ni mai lawm, Misual Doctor Detective (MDD) First Class…. 😛 (fmth)
October 22nd, 2011 at 1:04 am
Mizoram doctor ho te hi an ek a uih hlawm si a.. 🙂
October 22nd, 2011 at 1:21 am
He post cho doc_lib hian ama ta amaw a ti leh dawn chiang… 😉
October 22nd, 2011 at 1:52 am
Rilru a khawih hle mai ! Hnahthialnu pakhat kha a pum civil hospital, Aizawl ah an zai a, a pum chhungah chuan an glove leh bandage tih vel an lo theihnghilh hem maia. Tha leh mai tura in ngaiin an haw a, that ni anei thei ta lo, thla engemawzat hnu ah Aizawl rawn pan lehin an rawn inentir leh a, Durtlang hospital lam an pan ta thung a, mahse chhan theih loh khawpin alo pan chhe vek tawh a. A ruang kha kan thenawmah an la a, ka theihnghilh thei miah lo.Hnahthial lamah anin phur chho ta nih kha.
Damlo em em pawh ni miah lo, tonsil an paih mai tur kha hnimhlum an pe hnem lutuk a, thi ta daih pawh kha lainatawm tak ani, Ramhlun veng ami kha… :-S
October 22nd, 2011 at 1:58 am
Mihring an nia, palh chu awm thei tehlul mai. Amaherawhchu, tun ṭuma in thil tawn erawh hi chu fimkhur tawk loh vang niin a langa; a zialo khawp mai. Civil-a staff ho dem ngawt tur an nilova; chutiangbawkin Durtlang etc. ho lah pawng dem ngawt tur anni hek lo. A tuartu tan erawh a nat dan tur ka suangtuah thiamlo.
October 22nd, 2011 at 2:21 am
Inzai hma a i hming sign vang khan,evidence i neihloh chuan court a inkhin har mai thei..mahse, publicise ava tha ve..tihpalh thu ah ril anlo tipawp ani thei, mahse ega tinge a hriat nghal loh..enge tinge a tihpalh mila secondary treatment a pek loh, a tipawp palh tih hrelo khawpin a careles ania..a hnu a, pum a rawn puar a,ka tipawp aniang a tih pawh kha a risk niin ka ngai..a tipalh thei,mahse tinge a mistake kha a hriat loh
October 22nd, 2011 at 2:33 am
Michael Jackson case (in lo chhiar toh vek maithei ) http://www.bbc.co.uk/news/world-us-canada-15398159
The expert in anaesthesiology added Dr Murray should have refused the star’s requests for propofol.
“Saying ‘yes’ is not what doctors do,” said Dr Shafer. “A competent doctor would know you do not do this.”
“chutah chuan a zaitu doctor chuan a ril kan ti pawp palh anih dawn hi, a ti ta mai a…??????
October 22nd, 2011 at 2:46 am
pathlawi virgin, avan pawi vele aw. Lehkha ziaka i dah chu i tan chuan court kal dangtu che ani ngei awm si ale! Mahse, ipa dam i duh vangin risk i la ngam ani a, nunna game han khelh hi chu vanduai leh vanneih a awm thin si, avan pawi vawng vawng tak em. Thlamuang takin chawl mawlh rawh se. :-S ;-(
Ka thianpa, unau anga ka en pawh hi han chhiar chhin ta che:
http://www.misual.com/2011/03/28/dawn-a-sei-lenrual-an-kim-talo/
October 22nd, 2011 at 2:55 am
#doc_lib : manganna i tawk ve tawh ngai em ??
October 22nd, 2011 at 3:02 am
Mihring han nih hi chuan tihsual hi chu a awm fo thin. Nunna an nih tawh erawh hi chuan a pawi thui duh khawp mai. :-S
October 22nd, 2011 at 6:38 am
Ka van khawngaih che ve..mahse hming in lo sign ve miau sia,court kal chu a ti khawlhkham ve deuh lo’ng maw?
October 22nd, 2011 at 6:48 am
a va poi ve. Khing ngei la ka ti hle mai. Doctor ho hi an hna hi a zahawm rual rual in fimkhurna an tlak chham chuan an zahawm bik lo a nia. Chuan hming i signna kha chu hnim hlum hman leh hman loh chauh kha a niin ka hria. I khing a nih pawn kha kha chuan a dan che ka ring lo
October 22nd, 2011 at 7:02 am
Ka tawrhpui lutuk che. RTI hmangin i pa an enkawl dan zawng zawng hi a hai chhuah dan a awm ka ring ve tlat nia, chumi hnuah duh leh court leh chanchinbu lamah kal mai.
October 22nd, 2011 at 7:42 am
khaia!!!! a van pawi ve le ka chhungte chungah a thleng ve ang tih ka van hlau em!!
October 22nd, 2011 at 7:52 am
Uluk deuhin ka chhiar nawn leh a, a posttu tan hian a hreawm/rilru nat thlak ngawt ang le!
#48 a ka link dah pawh khi
October 22nd, 2011 at 7:59 am
.
October 22nd, 2011 at 8:00 am
nia han khing teh!! mizoram doctor ho hi chu ka haw teh mai ania.. ka nu a boral dawn te khan oxgen te anlo nei toh lo vel mole, ka luak hi an tichhuak… helam america nen chuan inthlau tak anni.. mihring na kan tam si, doctor leh damdawi in tha kan neih bawk silo hi thleng vat a tul a ni!!
October 22nd, 2011 at 8:24 am
Doctor te hian a thi ngei dawn tih hre chungin risk an lak tir che a ni thei angem?
October 22nd, 2011 at 8:32 am
Ka tih awmzia chu a nih tur ang ang anih zawh tawh avangin in rilru dam nan an zai leh mai mai a ni thei angem?
October 22nd, 2011 at 8:32 am
A tuartu tan chuan a na dawn em a nih hi. A tha ber a ka rin ve mai mai dan chu, a doctor zai tupa hnenah khan a thihchhan dik tak va zawt chiang ta la. A explanation in i rilru a la tidam lo a nih chuan khin te chu ngaihtuah zawk ta la. Mi inkh`i
October 22nd, 2011 at 8:34 am
Ka fanu in min tibuai zel!! Comment tum ve lo mai teng
October 22nd, 2011 at 8:39 am
Ka van khawngaih tak che em!!! tiang hi tun hnuah thleng tawh lo se aw!!! ka tah i ti chhuak ltk.
October 22nd, 2011 at 8:49 am
Tihpalh thil hi chu a awm thei ngei mai. Fimkhur loh vanga thihna hial thleng hi ka hre ve ta nual mai. Fimkhur loh vanga thil thleng tam tak tihpalh anga kan pawmzam mai thin erawh a thalo ka ti. Khing ngei ngei rawh.
October 22nd, 2011 at 8:52 am
A va runthlak deuh ve! Ka tawrh tura ka dah chhinin lung a tizing khawp mai!
Mizote hi kan Kristianna vang nge kan society vang ni ang? Hetiang hunah hian doctor khin hi kan hreh em em mai hi siam that chu a ngai ka ti a ni.
October 22nd, 2011 at 9:04 am
Ni e, rilru dam nan tal han khing teh, an thu chalrem dan i rawn post leh dawn nia. Kan lo ngaichang e.
October 22nd, 2011 at 9:12 am
Ka sawi zing tawh. Thil diklo liantham leh pawi tham tak tak titute hi chu kut thlak lam ni lovin, sum leh pai seng ve deuh leh rilru hah ve deuha siam ve hi chu a tul ka ti khawp mai. Tichuan, Kan tim phahin kan fimkhur phah deuh ngei ang. Mihring nunna chung chang thil a ni a, risk lak lutuk loh a tha khawpin ka hria. Hriat chian loh chuan,”Hmanrua kan nei chau si a, tìhsual palh a hlauhawm e, hmunpui zawk pan mai teh u” tih hi tlawm a lak loh a tha khawp mai. Chuti chung chung pawh a, a damlo ten, “Hmunpui pan a buaithlak si a, hetah min tìhsak mai rawh u, a mawh chu kan la ang e” an tih chuan, a tha. Engpawh thleng se khin buai chi a ni lo vang.
October 22nd, 2011 at 9:51 am
Khing ngei ngei rawh, a zaitu doctor hming pawh rawn tar lang teh, tun hnu ah damlo dang ten he doctor laktlak loh in a khawih chhiat tawh loh na tur in.
October 22nd, 2011 at 9:59 am
Keini chhungkaw rethei ve të mai pawh hian doctor vangin harsatna lian tham tak kan tawk tawh.
October 22nd, 2011 at 10:06 am
A va zia lo ve a,pawi hle mai,a thihchhan tak khi chu a sawi kual vak theihin ka ring.
October 22nd, 2011 at 10:57 am
Post-tupa : I thil tawn hi a pawi ka tihpui lutuk che. A nat dan tur zia hi kan hriatthiampui tawk zolo ang che tih ka hria. Lalpa’n awmpui mawlh che rawh se.
October 22nd, 2011 at 11:26 am
doc_lib i comment hi a thing lutuk… mi harsatna hrethiam ve ta che..
October 22nd, 2011 at 11:28 am
Va poi thin em o.. A nghet a thok an nih vang nge civil nurse ho feloh xia k lo hre ve toh thin a, hmana ka pate-a thih chunchangah poh rinhlelom a om. Kan torhpui takzet che. God be with you…
October 22nd, 2011 at 12:56 pm
a va zia lo tak em!
October 22nd, 2011 at 1:34 pm
Ka tawrhpui rual che in ka thinrim pui hle mai che. Mizo te hi kan diknaah poh mi khin kan hreh tlat zel hi chu kan hnam tan bawk a pawi thin a nih hi! Khing ngei la ka va ti em, fimkhur phah nan te poh an hmang ve ang chu.
October 22nd, 2011 at 1:45 pm
min tawrhpuitu te zawng zawng chungah lawmthu ka sawi e.ka pa zaitu Dr. chu Dr.Ruatfela ani e. Civil doctor
October 22nd, 2011 at 1:58 pm
A pawi hle mai. In chhungkuain Pathianin thlamuanin vengin awmpui che u rawh se.
19 @rohlupuia Chalrang, Ka phak ang tawk zelin Pathian hnenah ka lo tawngtaipui ngei ang che u.
Khawvel hi zawng a dam tha apiangte inngaihsakna khawvel a ni tlat mai si a, damlo natna khirh zawk leh harsa zawkte tanpui hi he post avang tal pawh hian, doctor leh tor lote pawhin kan tihtur a ni tih i hre thar leh theuh teh ang u.
Doctor fel leh damlo tana inpe tak tak an awm laiin, fimkhur tawk lo pawh an awm ve bawk. Engpawh nise thih leh dam piah lamah hian mi rilru tihhliam palh theih a nih dan leh, mi rilru damna pawh an chungah a innghat thui hle a ni tih hi kan doctor-te hian an hriatsa mah nise, he post avang tal pawh hian lo hre nawn thar leh teh se ka’n ti deuh duah teh ang.
October 22nd, 2011 at 2:46 pm
Dr Ruatfela hi chu ka hriat ve chinah chuan doctor thiam leh fel tak a ni asin. Kan surgeon senior ho- Dr.Saia, Dr Thomas leh Dr Ruatfela hi chu zai ngai pawh ni i la ka pan tur an nia. In rilru hi tlang takin a hnenah sawi la chuan thil tam tak a lo hrilhfiah theih che pawh ka ring. Hetia rilru na tak a inawm tih pawh hi a hre kher lo ang a, hria se chuan pawi pawh a tih em em ka ring. Insawifiahna (insawithiamna ni lovin) in pek loh chuan a dik bik lo. Nurse te pawhin an sawi thin. Damlo doctor hnenah an inentir a, doctor engmah an zawt chik ngam lova, an inentir zawhah nurse te an zawt chiam leh si a. Inhriatthiam loh kha inzawh loh chuan doctor khan sawifiah nachang a hre kher lovang. A thiam lo/fimkhur lo a nih chuan civil/criminal negligence case in khing ula. Chuti lova a ma hriat lova helamah lo sel vak vak hi awmzia awm ka ti vak lo.
October 22nd, 2011 at 3:28 pm
Dr. te poimohzia leh mohphurhna a lenzia hi khovelah eng hna hian tluk ang maw…..
October 22nd, 2011 at 3:35 pm
A va zia lo ve aw, ka pa ang ah ka chan hian mi a khawih dan tur ka hre thiam. Mihring kan nia, thil tih sual palh hi awmthei chu ani. Amaherawhchu tihsual palh a awm loh nan a theihtawp a fimkhur chu surgeon tih tur ania, tihsual palh awm lo tak a tisual anih chuan thil pawm theih loh(gross negligience) a ngaih a ni.
Mak ka tih deuh chu pu ruatfela hi ka surgeon rin ve ber a nia, a surgical skill thatzia an sawi thin pawh hi ka hre tam viau. Zanlai pelh hnu a va rawn pawhin dam thlap hian min lo chhang thei tho thin. Tawngthu chhe lo ah, zai tawk dawn pawh ni ila ka pan tho chuan ka ring.
October 22nd, 2011 at 4:18 pm
Dr te hi rin zawng n rin loh zawng hi an awm ve a…Ka thianpa pawh hi a mu lai a thawk a hah a..Hosp an pan pui a. Drip an khai tawp a..a thawk a buai nghal a..a pum a puar nghal vak a..Drip kha a paih a. an hau a an vuah sak leh a..Helei hrehawm kalsan turin an drip khai a vang chuan mual min liamsan ta!!! A nu rilru dam thei thlawt lo..Dr tam tak hi fimkhur lo hi chu an awm ve khop mai..
October 22nd, 2011 at 4:45 pm
Ni e, a fel ang, misual hlawm tawp ani e, ka ti lova. Damlo tamtak pawh a ti dam tawh ngei ang. Mahse a tihsual kha chiang takin a sawi a, a ril kan ti pawp palh aniang a ti ngei a, chuan thupha chawina kan dawng reng reng lova, a thih chhan diktak min hrilh hek lo. A tir atang an zai fuh lo nghal hrim hrim bawk ani.
A hlim chhawnah kha chuan kan hamhaih em a, kan chi ai a, rilru fim kan pu thei lova. Thurawn min petu kan nei bawk silova, mahse tunah chuan khing dawn ila emaw thubuai ah la leh dawn pawh niila a tlai tawh. a thih atanga thla 6 ral tawh hnu ah a sawibuai theih tawh loh an ti ani awm e. ka rawn chhuah nachhan chu rilru ipik lutuk ziaawm nan leh midang ten hlawkpuina an lo hmuh phah ve tak mialin ani e.
Ka hmuh chhuah tak chu hetiang anga zai fuhloh tawk ve in awm chuan phai ah a ranglama tlanthlak tur. Pathian zarah kalna neilo pawh kan ni bik lo. Min refer duh tlat silova. an vawikhat zai fuh lohna ah te khan min refer sela he thu hi ziah angai lo tur. Chuvangin doctor te min enkawl dana kan lungawi loh emaw kan duhthu a sam loh emaw chuan an remtihna lak angai lo, mahni thu a hmun dang, (phai a tha ber) pan mai tur a rang rang in.
October 22nd, 2011 at 5:13 pm
Ngun takin ka chhiar chhuak dap a,commentte nen….. in chhungkaw thil tuar chu a namai lo hle mai.
I nu hi mi rilru tluang tak ani ngei ang….a fakawmthlawt mai, a rilru a puitling ka ti.
I pa chunga thleng ang deuh mi chhungkaw chunga thleng hi ka hre ve zauh zauh tawh. an rilru a na ve thei thin khawp mai.
Doctorte tan fimkhur a ngai khawp mai… damdawi chawh sual tepawh a thleng fo thin si a.
I pa zaitu doctor hming te hial i sawi chhuak ta a,alo chhiar ve mai thei a,a rilru a hrehawm ve viau mai thei ani..He doctor hi mi sual lo tak niin ka lo hre ve a, i pa chungah hian a tih palh liau liau anih ngei ka ring
A har em em ang tih chu ka hria ,mahse Khawngaihin ngaidam hram tawh mai teh.
October 22nd, 2011 at 7:02 pm
Ka khawngaih che, kan chhungkua chunga thil lo thleng tawh kum 24 zet kan pai tawh kan sawichhuah duh loh kan theihnghilh tak tak theihloh min ti hrechhuak a. I tana ka tawngtaina tur chu amah dr-a chu ngaidam thei la tichuan nangmah pawh inngaidam thei bawk la tih hi a ni. “To err is human; to forgive, divine”
October 22nd, 2011 at 7:20 pm
Pathlawivirgin, i tawrhna hi ka khawngaih lutuk che. Keima tawrh nise chuan nang ai hian ka thin a rim ka ring, ka react dan tur pawh ka ring lawk thiam lo.
Mak ve deuh an sawi chu, senior tak tawh doctor fapa hi a mit (gallbladder)ah lungte a nei a. Surgeon thiam ber a a hriat zaisak turin a request a. A ni pawh chuan uluk takin a lo zaisak a. Mit paih te chu an tih than leh har an tih em em pawh a ni lova. Tha tak a zaiah a inngai a, an ban hnu a thingpui inlai chu doctor duty dang an lokal a, Pu…a fapa kha a thi, an rawn ti chu a zaitu doctor chu a dang sawp swap an ti.
Ka sawi tum chu, chutiang uncomplicated case, an pu te fapa, special case ve ngawih ngawih, uluk tak a a zai, hrisel lohna dang pawh nei lo, chungah pawh thihna hial a thleng a. I pa ah pawh hian uluk takin, a tan a tha ber turin action an la ni chuan ka ring ve a. A boral ta mai hi a pawi hle a ni. Mahse a chang hi chuan thil ai lo ve hrim hrim, Pathian remruat (??) te hi a awm ve theiin ka hria. I chung a thil thleng ka sawi hohna ah i ngaih loh hram ka beisei.
October 22nd, 2011 at 7:39 pm
Khawinge comment tur awm chin chuan an comment vek tawhin ka ring a, a post tupa in a phal lo bur anih loh chuan a hmawr kan bawk dawn a nge aw. Nia Mizoramah hian doctor fimkhur loh vanga boral ni awm tak damlo chhungte a tangin a ri fo mai. Zoram doctor ten tan in lak a ngai e. Kawng engkimah fimkhur theih tawpin aw..Damlo condition reng reng a kim chang thei ang bera hrilh a tha ber. A that chhuah a beisei awm tawh lo anih pawn tlang taka in hrilh a tha ber, tunlai ah thukhuh vakin awmzia a nei tawh lo.
Tin mipui lam pawhin doctor te harsatna hi hriat thiam pui ve ang aw. Duh ang tawka hmanraw tha awm lohna hmun, investigation pawh a kim changa tih theih lohna hmunah kan doctor te hian, clinical a a natna an diagnose ringawt hmanga treatment an pek hi a tam. State khat pum ve riang ruangin MRI scanning tak ngial pawh kan la tih theih lohna ram ah kan awm. MRI chu sawi loh aizawl tih lohah phei chuan, tunlaia routine investigation a an ngaihtawh ultrasound leh endoscopy tak ngial pawh tih theih lohna hmun hi a tam zawk mizoramah chuan a la ni.
Chuvang chuan kan doctor te hi tawngkai inkhawm ah te an hnathawh ah uluk tak leh tisual lova an thawh theih nan i tawngtai pui thin ang u.
A tawp berah chuan, mipui leh doctor hi in support tawn ila, Mizoram a kan doctor ten an mamawh dik tak an neih theih nan mipui hian i thawhpui ang u.
Doctor te leh mipui hi a thawk ho lova, a inkhing zawnga an kal anih ngat chuan, a tuar tu chu zoram mipui, mirethei te tho kan ni leh dawn. Chuvangin a theihna zawn zawnah i in pui tlang dial dial ang u.
Post tupa in chhungkaw vanduaina ah kan tawrhpui a che. In chhungkaw vanduaina hi a thlawnin kal ral mai lo se, kan doctor te pawhin fimkhur leh phah zual nan hmangin, he vanduaina hi midang natna tuar mek te tan ‘Malsawmna’ ah lo chang mawlh rawh se.
October 22nd, 2011 at 7:42 pm
A nia sin.
October 22nd, 2011 at 8:42 pm
He post leh comment chu chhiar a manhla ngei mai.
October 23rd, 2011 at 12:33 am
Doctor ho ve mai mai tih awmtawk lek hi chu an awm mawle….
A private clinic ah a rilru a awm lutuk avangin i pa a zai lai khian a rilru a pe miah lo ka ti duh..vawi engzat nge a zai sual khi..a na duh khawp ang le…
Mihring nunna aia corruption ngai pawimawh ho khan han chhang ve ta che u?
October 23rd, 2011 at 12:35 am
Doctor mai mai chu aa..ka sa pup pup mai a..shallaaa…
October 23rd, 2011 at 2:11 pm
RIP
