Hmanzan chu zan dar 12.30 velah ka thiannu, kan thenawm mai ami a damlo thut a, damlo han ti ila amah hi Anxiety Disorder nei ani a, Anxiety Attack a neih hian a manganthlak thei viau a. A thawk a hah a, thi dawn in a inhria, awmngaihna a hre thin lova. A nasat tum phei chuan Hospital pan pui a Diazepam emaw te a an lo chiu a ngai thin a. Hmanzan chuan a nasa ta deuh si, awmngaihna a hrelo mangang kha a chhungte’n Aizawl a Hospital pakhat ah hian an hruai a, kei phei chuan an hruai tih pawh ka lo hre lova, amah a that hnuah min hrilh a ka hre ve chauh a. Tihian a sawi alawm –
‘Khatia ka nuamlo awmngaihna hrelo kha ka chhungte hnenah Damdawiin ah min hruai mai ru ka tia, kan han thleng a, ka thawk hnawh/hah nen dawhkan bawhin ka kun a, keimah ka thau bawk si, kawrfual ka ha hnuk mai bawk sia, Nurse duty te’n doctor an va kaitho chawp a, Doctor in min hmu chu ‘A na viau tawh em?’ a rawn ti a, kei lah tawng pawh ka harsat si a, ‘Na lo’ ka lo ti ringawt a, chutah Doctor chu a ngawi vang vang a ‘Tui a put tawh em?’ a ti leh a, ka thau bawk sia, nau nei turah min lo ngai chu niin. A hunlai kha chuan ka hrehawm em vang khan ka nuih pawh a za lova, a hnu ah hian a za thar leh chauh’ a ti a.
A sawi zawm zel a ‘Ka chhungte khan ka natna te pawh an sawi a, Anxiety Attack anih thu te pawh an sawi tho a, mahse min hrethiamlo nge ni Deriphyllin (Thawhah damdawi) in min chiu ta a, ka duhlo han tih dawt ka hreh si, mangang a an hnen pan ka ni bawk si a, min han chiu zo chiah chu ka lung (heart) in a duhlo a, a phu ta zawih zawih a, kei lah ka pum in ka khur bawk a, ka thawk a hah bawk si, chuan Nurse a rawn kal leh a, Asthalin min rawn pe leh a, engmah pawh ka sawi buai peih tawhlo, hip ang deuh khan ka keng vel ta mai mai a. Tihngaihna awm heklo, Doctor lah hmuhtur awm tawh bawk silo, Damdawiin atang chuan kan haw ta ringawt a” tiin a sawi a.
Ka ngaihtuah zawm ta a. Psychiatrist ni lo mahse Doctor chuan Anxiety Attack awmzia te chu hriat awm tak, khatiang treatment a lo pe mai kha mak ka tia. Mental problem nei tan chuan Doctor ka atanga thlamuanna tawngkam khat pawh a hlut dawn tehreng nen, ka thiannu chu ka khawngaih khawp mai a. Doctor thenkhat hi chuan ‘damna’ an nih hi an hrelo thin em ni aw ka tih phah. Nang enge I ngaih ve dan?
Similar Posts:
- Negro ho intih sexy ve dan, Mawng tih len!
- Football player vannei!
- Doctor, Nurse leh a chhehvel
- Mitthi tholeh
- Rilru doctor rawn kan ngai em?
. hairehai
March 25th, 2012 at 9:04 pm
Ngaihdan sawi hmain chhiar phawt ang.
March 25th, 2012 at 9:08 pm
I hi! Khawnge doc_lib?!
March 25th, 2012 at 9:09 pm
khaia ka hlau e a :-O
March 25th, 2012 at 9:23 pm
Fimkhur a ngai khawp mai- Doctor ho khan sawi teh u! (N)
March 25th, 2012 at 9:25 pm
Hei chu! HOT thei dinhmun ah a ding anih hi 😀
March 25th, 2012 at 9:28 pm
sheldoni hian min khak fawk tawh a,,ha.ha.ha.. mahse hei ka boss sheldoni hian arawn post bengvarthlak khawp mai. . . chu doctor chuan in tuai thar amamawh hle in ka hria. chuan @sheldon ka thu type dan bawk hi..han comment leh sak teh. hman ni khan ka lunghnur tep a. ka nopan mawl, suahsual tukhumpawn i ti chhuak tep ani.he2 NOI 😛
March 25th, 2012 at 9:44 pm
gastric ulcer ka neih hi chu ka inhria, mahnia damdawi lo inchawh ve ngawt chu a fuh love tiin civil hospital-ah doctor ka han rawn a, ka awm dan ka sawi tan dek dek a, kha doctor kha a thiam bawk a niang damdawi chi hnih a ziak nghal a, chutah ka kut ala a road map a ziak ta a, he dawrah hian zuk lei la a ei dan tur pawh an lo hrilh ang che min ti nghal ngawt a. Ka haw thla ta a, a dawr min kawhhmuh pawh en ta lem lo chuan MR ho ka zawt a, chumi hnuah ka doctor hmelhriat ka hmu fuh hlauh a ka zawt leh a, dawr dangah a tlukpui ka lei keuh. 😀 …………. Doctor thenkhat hi chuan an hna an la serious tawk lo deuh bawk thin a ni.
March 25th, 2012 at 9:55 pm
E! A lo chhuak tawh ani maw? Ka thil post hi tak tak, tunhnai lawka thleng ania. Ka thiannu hian Misual ah ka post tih hria se chu min ngei khawp ang. Mahse a hming ka ziak lang chuang lova 😀
March 25th, 2012 at 9:58 pm
Doctor thenkhat hi chuan ‘damna’ an nih hi an hrelo thin em ni aw ka tih phah
Damna post pawh anih deuh roh hi! 😀
March 25th, 2012 at 9:59 pm
@lhpa, haha…NOI kan tih kha 😀 Hei pui, tunah pawh i tiduhdah leh tawh. Hawrawppui hmanna turah i hmang lova, i duh duhna ah comma, full stop i dah bawk a.
Naupang fel i nih kha lunghnur suh. Keipawh ka luh tirh chuan min khak fawk fawk ve tho ania 😀
March 25th, 2012 at 10:11 pm
ha.ha.ha ka va buai ru ve. newayz ima tryin’. thank you , madam (sidney)Sheldon. Master of The Game ka hre chhuak zawk mai, a ngaihnwm ka ti thar thut
March 25th, 2012 at 10:12 pm
Doctor chu chhun lamah a chau deuh ang a, tui taka a mut hahdam siai siai lai takin an rawn kaitho thut ang a. Patient natna leh a symptoms an sawi pawh mumang nena inchawhpawlh nak chungin a ngaithla a ni ve thei tho mai. Doctor te hi mihring ve tho an ni miau mai si a le. An mawhphurhna hi a lo va sang bik tak em.
March 25th, 2012 at 10:16 pm
@caribou, a nih duh hmel viau ani. Mumang nen kha Doctor kha a rawn tho chhuak a ni ngei ngei ang. Anxiety Attack ti na na a Asthalin han hip tir chu.
@Ruata Pachuau, ka ring reng ah 😀 Ulcer neih hian a thau theihloh an ti.
March 25th, 2012 at 10:24 pm
OT:@sheldon, vawikhat bak a tlang thei biklo reng reng! (a hrethiam tho ang chu maw!!) 😀 😛
March 25th, 2012 at 10:31 pm
#13 vin sual rauh tak 😀
March 25th, 2012 at 10:34 pm
@Saitawk, post tu hi OT chhunzawm lawk teh ang. Chuvang a BSNL nen a neih kawp a tul reng 😀
Soberboy chuan a eng ber chu nge maw a hlauh aw :-O
March 25th, 2012 at 10:36 pm
Ruata Pachuau hi palianpui, thau meng mung ni thin ka lo hre ve ngawt a……….. 😀
March 25th, 2012 at 10:42 pm
@sheldon, BSNL = Bad Signal & Network Limited. Lo tuar hram hram rawh! a zia ve leh mai ang!
March 25th, 2012 at 10:43 pm
Naaaaaaaaaaa…………….. insual hlawm si ka mu daih dawn…. mangtha u.
March 25th, 2012 at 10:45 pm
Khai aw… A va’n zia lo thin ve le… 🙁
Doctor kan pan reng rengin, zep nei miah lova kan natna chanchin sawi kelh thin tur. Tin, intihria ni lo vin, dilchhut ve pawh hi a tul chang a awm. Engatinge ui/zawhte neitu zawk pawn damdawi chungchangah pawh min hnial chang a awm zauh zauh tawh laiin, mihring nuna pawi thei turah kan la dawih tlat le..? ka ti. Kan dikna/chanvo hi hriat tur asin.
Kar hnih lawk kalta khan, ka u fapa (thla 7 mi) a tap bang thei lo va, kan mangang in zan dar 10 velah Lunglei Civil Hospital Casualty kan pan a. Ka u te nupa an lut tho tiin ka luhpui lem lo. Minute 15 hnua an lo chhuah chuan, nachhawkna an pe an ti ngawt a. Kei chuan, “Doctor-in a en em?” ka ti a. Anni chuan, “Doctor duty lai hi a raipuar a, naute natna a serious hmel vak bawk si lo nen, Nurse duty lai te’n Doctor an ko ngam lo” an ti! :-O Pan man an awm lo khawp mai.. 🙁
March 25th, 2012 at 10:47 pm
#19: 😀 (H)
#20: Naute tap bang thei lo chu a serious lo anih chuan lehhhhhhh………
March 25th, 2012 at 10:54 pm
Mental Health Awareness Week anih vang te, ka thiannu thil tawn nen a inrem bawk si avanga rawn post ka nia. Mental problem hriatthiam hi a har sia.
Depression, anxiety and panic attacks are not a sign of weakness. They are signs of having tried to remain strong for too long. Did you know that 1 in 3 of us go through this at some point in our lives? Would you post this on your wall at least for one day? Most people won’t but it’s Mental Health Awareness Week. Share the support. Let those who struggle know they are not alone
March 25th, 2012 at 11:07 pm
Awi thaw, lal sheldon hetiang lam bawk, doclib-a i hlau lo mi?
Doctor-te hi kan mamawh ber an ni hial ang, chutih rual chuan a pumhuapa Professional Pride nei nasa ber an ni hial bawk ang. Fel tak tak an awm, fel lo ve tak tak hian an hmai a tibal khawp mai. Thalai chhuak thar hi an ziaawm chho zel chuan ka hre zawk mah. Thiante pawh an lo ni ve ta nual a, ka hrilh ve fo thin chu hek thei lo an thiamna hi ma dangte tan a tam thei ang pe se tih hi a ni, mi dang puihna tura hman mang lohva thlana liampui tur chuan a pamhmai e.
March 25th, 2012 at 11:15 pm
@vakul, kan doc-lib zawk hian hei a hlau aniang, han phat mar dantur a hrelo nge ni a reh daih mai.
Doctor hi mamawhlo kan awm lovang a, kei hi a mamawh pawl tak ka ni mai thei a, chuvang chuan an laka ka beiseina pawh hi a sang a, an mawhphurhna a san ang bawkin. Misual chhungkua ah ka rawn phunchhuak leh mai anih hi.
March 25th, 2012 at 11:24 pm
nichin khan Tuaisiala nen sawi fel tur an nei a, an inzui chhuakin ka hria 😛
March 25th, 2012 at 11:27 pm
Pi Sheldon, Tribal Quota vela pass ve tawk tawk ho atang chuan beisei san vak chi a ni lo reng a ni. 😉 Tunlai thangthar ho hi chu an zia deuh ang chu.
March 25th, 2012 at 11:36 pm
hmmm.anxiety attack chu ka nei ve thin…psychiatrist hmu rawh se :-O
March 25th, 2012 at 11:44 pm
anxiety hi ka attack thin a, a tlan chhe duai duai zel..! 🙂
March 26th, 2012 at 12:28 am
A va hot lo e!!!!!! :-O :-O . ka ngaihdan chuan anxiety hi hot deuh a khel awm tak 😀 😀 . chu2 anxiety ni em aw????
March 26th, 2012 at 12:30 am
malsta27, a in tawng tur te an la in tawng lo a, a HOT lo mai mai anih hi! 😛
March 26th, 2012 at 12:40 am
Lrpa an va rawn lawr har ve, anxiety te chu free your mind ti se a tha mai lom 😛 …….(Hot intended 😀 )
March 26th, 2012 at 12:43 am
malsta27, Doc-Lib a hi a buai hle ani mai thei (hrilhru ser ser 😛 😛 )
March 26th, 2012 at 12:55 am
Lrpa hot lovin cold ve zawk mai ang, anxiety kan vei palh ang a doc_lib thinrim in mentally challenge ah min chhuah palh ang( phun se se 😛 😀 )
March 26th, 2012 at 12:58 am
haha..tleirawl deuh an in rawlh loh hi chuan a HOT tak tak thei lo e.. 😀
March 26th, 2012 at 1:44 am
Anxiety attack = Phur thak. Inven dan tha ber chu kawm karah kal2 loh tur. 😛 😛
Anxiety attack,depression te hi eng natna nge tih hrelo hian vei a engatanmah ngailo kan tam viau ang. A sap tawnga kan hriat hnu phei chuan vei kan tam sawt. FACT.
March 26th, 2012 at 1:49 am
http://www.medicinenet.com
March 26th, 2012 at 1:52 am
Lamji (Y) (Y)
dik chiah! a hming hi hre lo ila..kan vei lo ani mai 😀
March 26th, 2012 at 2:02 am
Tak tak a, mihring nun ti chau thin hi chu ‘natna’ kan vei emaw kan tih te hi zuk nia! Ka tha, ka dam, ka hrisel tih theihna rilru put hian positive effect a nei an tia nih chu. Self Healing power te hi an lo chhui nasa ve viau ani awm e.
Thianpa pakhat, medical insurance ti hi a awm a (kei pawn ka nei tho a, pahnih hnih!!), a pawisa sen kha hmuh let tum em em mai hi ani reuh a, nikum a a in sawiselna a neih loh kha a nei thar a..ka kut hi a khur thin a!! te a rawn tia, sawi tur ka hre lo. Kan physical health hi chu aware chu a tha chu ka ti tho mai, mahse anxiety level sang lutuk hi a tha kher lo, metal a strong hian awmze thui tak anei ani. HOT phah em aw..!!
March 26th, 2012 at 2:15 am
Sypmtomatic treatment an pe ani ve mai lawmni. A thawhah chhawk turin..
March 26th, 2012 at 2:23 am
Ka tah an tichhuak…Doctor hi kan la nei tlem deuh a ni e, Damlo ( an Customer ) te min tlawn ngai zawk khawp hian Doctor nei tam ila, hetiang thil thleng hi a ziaawm ka ring deuh. Nursing Home/Private Hospital ho ah hian an ia awm deuh in ka hria.
March 26th, 2012 at 7:21 am
Good Morning….
Doctor zir chhuak tamtak hi, an mahni tui reng vang leh, mihring nun chhan duh vang a zir ni lemlo,chhungten doctor ni ve se an tih avanga an nawr luih, rawn Doctor ve ta hi an awm nual ka ring. Doctor anlo nih ve tak tak avanga, an mahni rawn dawrtu te, lo tir liam ve mai mai te pawh an awm ka ring. A lungchhiat thlak viau in ka hria.
Mimal tinte hian, doctor dang dangte rawn lawr lem lovin, kan natna a zirin, Doctor bik neih a tha khawpin ka hria. Hmel hriat tawh sa leh, kan diagnose lo hre tawhsa tan chuan, hmalak dan tur anlo hre mai thin.(Mahse hrisel tha leh damdawiin pan khat te tan chuan a harsa mai thei a).
Nurse ho lakah lah hian an lal hlur mai bawk si a…an first priority chu an patient te an ni tih hi tamtak chuan an hre lemlo niin a lang, patient te tan a lung chhiat thlak khawp ang.
An fel a, damlo te an ngaihsak that a, (tihsual ve zauh lo nei ve thin mahse) mi tamtak tidamtu an nih chuan Doctor hna hi business tha leh ropui lutuk a ni. doctor tamtak chu hausak pawh an hausa chak hle reng a.
Hetiang post hi a tha khawp mai, doctor tamtak te hian chhiar ve ngei se, ‘cho na’ atan ngai hial sela ka ti khawp mai.
Good post (Y) (C)
March 26th, 2012 at 7:39 am
I thiannu chu nau vei a ang dawn em tak anih chu!! NOI 🙂
Doctor chuan a Stethoscope awrh nel nel khan han ngaithla zeuh se chuan Asthma leh ma lo chu a hre mai tur! Thawhah apiang hi Deryphylline emaw Asthaline emaw pek nghal ngawt tur a ni lo. Thawhah chhan a zirin a tizual zawk mah thei.
Psychiatry lama zir bik lem lo Doctor tam tak hian Mental health lam hi an hre lutuk lo ve bawk á¹hin a, Anxiety Attack ang chite phei chu thil dang emaw tih a awl ngawt ang. Amaherawhchu, chu ti chung pawh chuan damlo chanchin (history) chipchiar zawkin zawt phawt peih se chuan tih sual tam tak chu a pumpelh theih fo.
I á¹hiannu lungphu zawih zawiha a haw leh ringawt chu a khawngaihthlak hle mai.
March 26th, 2012 at 7:40 am
Good Morning vek u (C)
Mr.Duhlova leh midang zawng zawng, in comment ah lawmthu ka sawi e. Ka thiannu hian Psychiatrist chu a rawn reng a, mahse emergency thilah Hospital pan a tul thin a, Psychiatrist hmuhtur an awm remchan lohin a buaithlak deuh thin ani.
Mental Health chungchangah hian Mizo nawlpui hi chuan rilru natna, ngaihruat natna anga kan la puh deuh tlat in ka hria 🙂
March 26th, 2012 at 7:41 am
1996 khan hrawkna a vangin ENT specialist Dr.s******* ka rawn a. Hrawk a en dawn emaw tia, ka beng a kher a kher mai a. Damdawi chu min chawh teuh tho. 2002 khan khawsik vangin ghty ah dòctor ka rawn a, min xray vel chiam hnu ah damdawi min chawh chauh
March 26th, 2012 at 7:44 am
@keimah, thanks. A ni ngawt tak mai. Doctor te chuan in Stethoscope in hman thiam vei nen, kha Doctor inthlahdah lutuk kha a ngeiawm thar leh ta. Doctor theuh theuh hi in lo inanglo mange. Tawngkama Anxiety Attack anih thu an sawi mai bakah Doctor a inentirna lehkha te pawh an keng tel tak asin.
March 26th, 2012 at 8:45 am
Keipawh kan training laiin health check up turin Civil hospitalah kan kal a, CMO roomah min check hlawm a, kei kha doctor hmeichhia, la naupang ve deuh hian min check a, min check zawh khan family medical history questionaire ang reng deuh hi min fill up tir a, ka pa Type II diabetic a nih thu ka sawi kha inthlahchhawn theih natna awm angin a ziak ta mai a, “Ngawi teh, Type II hi inthlahchhawn chi a nih ka la hre ngai lo, kan chhungkuaah diabetes nei kan la awm ngailoh avangin ka pa an diagnose tirh atangin diabetes chungchang hi chu ka study ve nasa a sin” ka han ti chu a tum hmak a,”Doctor i ni mi”a ti hmak.Kei lah inhnialna remchang tlansan ngailo chi ka lo ni si! “Doctor chu ka ni lo na a, Diabetes chungchang erawh chu nang aiin ka hre tam hret a va nih hmel ve” ka ti ve leh hram!!
March 26th, 2012 at 9:54 am
inhnialna remchang tlansan ngai lo..@jacka pi: ka nui chhuak tep.
Ka awmna bial velah hi chuan Keimah hi min ei lo hrim2 a nih loh chuan ka hna ah hi chuan min fak ve khawp a sin maw le.. Kan in ang lo thin teh e..
March 26th, 2012 at 9:57 am
Doc chu a la harh chiang lo a ni thei angem
March 26th, 2012 at 10:03 am
@saint sammoo, nang ni la chu ti mai mai khian i lo ti hauh lovang mawle. Doctor hi an fel in an caring tlangpui tawh a, tlem azawng inthlahdah hi an awm chauh tawh. Kei tak hi chuan ka tawng fel thei khawp.
March 26th, 2012 at 10:04 am
Ka nih tum ve ran ran a nia doctor hi, ka ni ta lemlo a
March 26th, 2012 at 10:05 am
Phek thar hawng ang u
March 26th, 2012 at 10:12 am
@littlerascal, han doctor la tha tur.
March 26th, 2012 at 10:19 am
Nia mawle, chung lamin rem dang a lo ruat zawk a
March 26th, 2012 at 10:31 am
#46… Jacka pi… I tih tur dik tak i ti e, i huaisen ka ti…
Mihring doctor ni lo mah ila, tawnhriat sawi tur ka nei ve tlat.
Khawpui lian ah hi chuan Ui/zawhte doctor (Peterinarian an ti ta..
) nih hi a hahthlak chang a awm. Mahse, min tat hriam thung.
Mi thenkhat, an ui/zawhte natna leh damdawi chungchangah internet an rawn hrep hnuah min han rawn a. “Doctor he damdawi hi a tha an ti a, India ramah a awm em?” ti tawk te. “He damdawi kan pek atang hian chaw a ei tha lo vin ka hria, eng vang nge?” … Drip/iv khai laiin, “minute khatah vawi engzat far tur nge?”
Zawhna a tam poh leh chhanna kan inrin/hriat a tul thin, kan hre vek thei lo a nih pawn huai takin ka hriat bik loh thu sawi mai a pawilo zawk in ka hria. Doctor thiam ni tur chuan inthlahdul chi a ni miah lo..
March 26th, 2012 at 12:22 pm
@Jacka Pi
Dr Mahminga, Doctor nih hi nia a buaithlak ngawt ang. Ran Doctor pawh mawhphurhna a sang tho. Tunlaiah kan ui leh zawhte, kan ranvulh te mihring ang maiin kan duat tawh vek hlawm si a.
March 26th, 2012 at 1:13 pm
Dr Mahming, ‘internet rawn hrep hnuah’ tih takah khian keimah pawh hi ka thiamlo hul hual! Engemaw insawiselna deuh ka neih emaw, kan ui nungchang/health danglam deuh hian internet hi ka rawn nasa thei lutuk a….thil sim daih chi a ni! Dr Google hmanga in enkawl tum hi a fuhlo! LOLzzz
March 26th, 2012 at 1:25 pm
# 56.. blackmagicwoman… Internet rawn hi a thatna lai a awm a, a thatlohna lai a awm bawkin ka hria. Ka sawi tawh ang khian, kan practice-a kan hman lem loh, kan hman thar te pawh a awm thei a. Tin, Doctor hnialna kher ni lo vin, damdawi/natna chungchang kan hriat erawh a tul ve thin.
Treatment tha leh dik pe tur chuan damlo leh Doctor an pawimawh ve ve. Intihria ni lo va, kan hriatna te kan sawi ve hian, a lo dawngsawngtu tan pawh a hlu thin.
An google information min pek a tha lai leh zawm tur ka zawm chang a awm a, a theih loh leh kan condition bika a tihtheih loh dan emaw te ka hrilh thin. Dilchhut deuh phei chuan treatment pek hma hauh vin minute 15-20 te ka sawipui fo. Nula chhelo deuh leh dilchhut (an dilchhut chhan ka hre vek lo a..
) te phei chu, hei aia a rei chang a awm zeuh zeuh … 
March 26th, 2012 at 1:46 pm
Dr mahming, i sawi hi a dik khawp mai. Thil ka hrechhuak zuai mai…hmanah dentist ka visit in, root canal treatment tih ka ngai a…enge a chhan tih vel ka hre duh a, Dr ( zarkawta clinic nei) khan hapui lem min draw sak a, min explain sak vel! A fel khawp mai
Khatih lai kha ka nulat lai a ni ve hrim² bawk a….einch!! lol Nula ho zawhna chu dawhthei takin lo chhang zel ang che! 
March 26th, 2012 at 1:55 pm
A mak ngawt mai I ṭawngkam khat chauh pawh kan tan damna a ni si tih hla kha ka hre chhuak war war
March 26th, 2012 at 2:38 pm
In sawi takah chuan @ BMW & Mahminga, Internet a natna leh damdawi chungchang en hi chu a hlau tawk vel hian kan hria a, a tihchi miahloh, zir ve lo tan chuan. Damdawi te ngat phei hi chu adverse effect hi phek tam a intlar put mai a, eng damdawi mah hi ei ngam a ram a awm lo mawle.
Doctor in damdawi mi chawh pakhat pawh a common lo ang reng sia, internet ah ka en ngawt a, side effect fatal tak tak a intlar thup a, ni 2 vel ka ei tawh hnu khan kan ei zawm ngamlo ta ngawt pek anih kha.
March 26th, 2012 at 5:30 pm
Post vuak hot in chak bawk a, FB lamah ka pakai tawh nangin ka rawn vuak hot sak ang che u..
Post tu nu hian aizawl hospital pakhat a ti ringawt, a hospital hming rawn sawi mai awm. Doctor pakhat a ti leh ngawt a, ti chuan doctor zawng zawng chu mi zawmthaw leh hna ngai pawimawh lovin chhuah an ni leh ta vek a..
Hetiang reng reng a professional line khat a pawngsual tawk leh sawisel nasat line hi misual.com ah hian doctor te chauh zu nia.
( Connstructive critism ni lo destructive critism hi chu hlauhawm deuh ania..khawnge FB lam pang group hovah mizoram tana hlawk pui tak tak an sawi khawm ho va thli thlai leh teh ang, hetia sawiselna dawn reng ai chuan 
). Tikhan a hot angem aw..hot in chak bawk a.. Taka, hmanni ah kan thianpa in Mizo nula ho hi an easy an ti..phaia ka thianpa pakhat pawn a lo mut pui tawh a tia..Mizo nula zawng zawng hi in lo easy ani maw..kan generalized ve chhin 
Chuan hetianga in generalised zel dawn tho chuan, engvangin nge mirethei hi a thlawna kan puih anga, a thlawna zan reiah damlo tan kan tlan fo bik ang..Misual.com a doctor online thin te khan ngun takin ngaihtuah chiang mah teh u..Eng ang pawn dam lo tan thawkin tang mah ula, engemaw hlekah an rawn generalised leh zel ang..CHuvang chuan mahni tang hma ngai tak khan han thawk ve tawh mai teh u..Sum in lak luh hnem chuan, khawtlangah zah in kai tho tho ang..Hei Services dang ho ei ruk a vanga tuarna thlengah pawh He kan misual.com hi a ngawih kar zel hi..In la hausa ve tawk lova an kher an kher che u anih kha
March 26th, 2012 at 5:40 pm
SSA sum lapse leh lapse lohah kan mithiam ho an in hnial luai luai a, khawnge kan thlir san leh daih teh ang che u..Tikhan lo in hnial hot ru..Hma sawnna a awm lo emai ti lai hmun zawng
March 26th, 2012 at 5:44 pm
A va’n hot ta ve…
Nikuma ka doctor rawn anga fel kha an tam e. Tlema zelthel leh awmtha duhlo hi chu khawi hmunah hian an awm vek a, mi tha dang pawh an al hneh hle thin.
Tin, man chawiin kan inentir a ni tih hre rengin, an nihna leh thiamna zah bawk ila.
March 26th, 2012 at 5:48 pm
I thiannu aphun chiar lo a nih chu…tiangah chuan sawi pawp pawp hi atha ber. Doctor te pawh mihring ve tho an nia an famkim bik lo a…mahni ngaihdan sawi ve bawl bawl te hi a ngai thin.
Civil ah naupang ward ah ka kal a,thingtlang nu berh ve tak hi an rawn awm thar ve a,a ti deuh dek a…doctor chuan a ti tlangnel vat mai.
“Hei syrine hi in ta a mi?”
“Aw”
“In van hosa em em!”
“Heng damdawi zawng zawng hi in ta vek maw?”
“Aw”
“In van hosa em em!”
An in ti tlangnel rang khawp mai. Ka lawm em a ka rawn tial phah ve mai mai…
March 26th, 2012 at 5:56 pm
@61 docte haha…vaw hawt thiam e
March 26th, 2012 at 6:05 pm
Nikum hmasaa doctor (Dermatologist) ka rawn phei kha chuan ka zirlai te min zawt a. Veterinary Medicine hnuaia clinical work kan neih dan ka hrilh a, mak a ti thei rap. Hmeichhe doctor hi ka tawng thei viau lehnghal a, kan innel viau zel…
Mihring an ni a, hah chang leh nawm loh chang an nei ve thei. Mi reng reng, kan inbiak dan a zir te’n mizia hi a inthlak fo bawk a nia. Harsatna kan tawh tam tak pawh hi kan chapo vang te pawh a ni chawk (ka tawng ve fo tlat a..
)
March 26th, 2012 at 6:25 pm
A tu a te pawh hian kan hna hi kan eizawn nan chauh a hmang lovin, Pathian lak a kan rawngbawlnaah ngaiin theihtawp chhuahin rinawm tak leh taima takin thawk vek ila aw.. tih hi ka ngaihdan a ni e. Tin, eng ang mi pawh nise, fimkhur lo leh thatchhia hi ka hnim hnai peih teh chiam lo, fiamthu thiam deuh te an nih loh chuan, ka thatchhiat tehreng nen
tren tren
March 26th, 2012 at 7:01 pm
Ka ngaihdan chuan doctor ni tlak a ni lo a nih chu.
March 26th, 2012 at 9:46 pm
@ puipuia pa
I beng a kher a kher khi i hrawk a en tho anih chuan thilmak ani lem lo. ENT ah chuan beng, hnar leh hrawk te hi thil inzawm tlat anni, a eng ber emaw ah hian sawisel miin a neih chuan ENT doctor chuan heng pathum hi a examine ngei ngei ang. Eg, naupang awmna enkawl loh ah chuan bengkherh a lo awm fo thin, hrawk leh hnar a inzawm tih kan hria, heng pahnih hi eustachian tube hmangin beng nen a inpawh leh ani. Hrawkna, sinusitis etc rawn kalpui an beng kan lo en a bengek khal khat tlat kan lo tihfaisak hi an tam ania, a then te phei chu wax softener hman hmasak loh chuan tihfai theih miah loh, bengdar lo pawp maithei bawk. Chuvangin i bengdar a hmu thei lova a kher a kher ani mahna, bengdar pawp huau hnai chhuak fo ilo nei tel anih phei chuan thluak thleng a khawih thei enkawl loh chuan.
Tin, doctor te hi mize hrang hrang nei kan ni ve a, a then tawngtlem deuh a then tawng mawlh mawlh mai, hriatchian loh neih chuan zawt phawng hreh lo ila tuman an hrilh hreh lovang che tih ka ring e.
March 26th, 2012 at 10:43 pm
#69 thanks. Nia kei ni tan chuan hriat thiam a har bok a ni. Khang lai khan dr leh engr. Zir tur a selèct ka ni ve ve a, ka thil tawn hian rilru poh min siam tir nasa mahse a dr. Line lam ka thlang ta lo, mahni tawk a privacy duh mi ka ni a.ka tlin ka ring ta lo a ni. Dr. Line chu a ngaihsanawm thlawt. Mawhphurhna a sang em mai
March 26th, 2012 at 11:00 pm
#69 thanks. A hun lai kha chuan hriat thiam a har bok a ni. Mahse han ti hram teh ang, ka doctor rawn khan min diaognise fuh lo ka ti hram teh ang. Duh ai chuan min namnul deuh in ka hria. Sawi ta mai2 ila Khang lai khan dr leh engr. Zir tur a selèct ka ni ve ve a, ka thil tawn hian rilru poh min siam tir fu mahse a dr. Line lam ka thlang ta lo, mahni tawk a privacy duh mi ka ni a.ka tlin ka ring ta lo a ni. Dr. Line chu a ngaihsanawm thlawt. Mawhphurhna a sang em mai