A thupui hi ka’n ti teh hluai a, ka phak loh thil chu a ni reng mai bawk si a. Mihring khawsak danin kan theology thleng hian a lo nghawng thui thei hle a ni ti zawng pawhin sawi ila a awm zawk ang. A hre zawkte sawi belhah khek ila tun tumah hian a hauhuk kaiin kan sawi mai chauh dawn a ni – a sei loh nan.
1)ORTHODOXY
Apostolic & Patristic Period(Kohhran din tirh atanga or 8th Century vel bawr thleng): Apostol-te hun kha kohhran din tan tirh lai a ni a, an thu lak pawh a urhsun(orthodox) hle, Kristianna huang chhung leh pawnah pawh hian a bul tan lai bawr velah hi chuan engkim hi kan la urhsun emaw tih mai tur a ni a. Orthodoxy-in a ken tel chu zirtir leh pawm dan baka kalte hnawl leh mausam hmiah kha a ni kan ti thei bawk ang.
Apostolte an liam a, kohhran pa-ho an lo chhuak a, chung mite chuan theology leh secular lam atanga kohhran beihna chu lu chum ban chum huamin an hum tang tang a, an ngaihsanawm hle. Tin, Bible(Thu Thlung Thar) rem khawm hna te, thurin duan te, Juda sakhua laka Kristianna sawifiahte kha an hna kipui berte zinga mi a ni.
An hun chhungah hian Rome lalte atanga tihduhdahna nasa tak kristianten an tuar a, kohhran pate hna hi a rip hle; an mite zirtirna dik lo laka veng chungin tihduhdahna lakah an thlamuan a, an hnathawh ropui tak hi sawisen rual a ni lo. An hming kan lam sen dawn loh avangin tuma hming tarlang bik lo mai ang. Philosophy hrang hrang behchhanin theology zam mahse an thulak erawh a orthodox hle reng.
Medieval & Scholastic Period(590-1517) : Islam Sakhua a lo ding a, a thang chak hle. Kohhran hmun hnihah an inthen a, khaw chhak leh khaw thlang. Monasticism a lo chhuak a, theology lama rilru put dan thang viau mahse an la orthodox hle. Pope thuneihna a lo chhuak a, Christendom(Christian lal ram an inzawmkhawm) a lo awm a, kohhran chhunga zirtirna dik lo do chu theologian-te hna ber a ni reng. He hunah hian Pathian biak(worship) leh Doctrine-ah pawh kohhranin nasa takin hmasawnna a nei a ni.
Scholastic hunah erawh chuan theology sukthlek a lo danglam hret a, amaherawhchu orthodoxy huangah la khung theih a ni. Greek Philosophy hmanga theology tihhmasawn a ni a, ‘ngaihtuahna(Reason)’ an chawilar hle (Reason is the test of all truth an ti hial). Theology hmanga inhnialna leh insawiril siak hun lai a ni ber awm e. Mi thiam hrang hrangin philosophy behchhanin theology an duang a, chutihlai chuan Kohhran thuneihna pawh a lian tial tial thung.
Reformation Period(1517-1648 : Kohhran thuneihna leh Pope thuneihna chuan san lam a pan zel a, kohhran huang chhungah ngei chuan chumi do zawng chuan theology a lo chhuak a, a hruaitu ber chu Martin Luther-a a ni. Kohhran atanga lungawi lohna leh siam that tumna chuan vahchap hal ang maiin a tuam duai duai a, German ramah intanin Swiss Reformation-in a zui a, chumi hnuah Switzerland lamah a hliau phei zel a. Hemi chhung zawng hian Orthodox theology hian hmun laili a chang reng tho va, Vanram chuan hmun laili tak a chang reng thin.
2)LIBERAL THEOLOGY: Urhsun taka theology an lo vawn thin chu khawvel lama hmasawnna leh harhtharna, hun inthlakthleng nasa tak ‘Industrial Revolution’ chuan Europe khawmualpui chu a tuam ta hlup mai a. Hmasawnna chuan kohhran a ngaihthahtir a, sum leh pai ringawt umin an hmanhlel a Pathian thu an lak dan pawh an tana pawm nuam tur zawkin an her rem a Liberal Theology(Classical Liberal an ti deuh kher thin) a lo chhuak ta a ni.
Liberal Theology chuan van lam ngaihna zawng zawng a rawn paih bo va, ‘lei hi nuam takin siam ila vanram a ni mai, a hranpain vanram a awm chuang lo’ tiin an zirtir a, tifuh an inti hle. Chu Liberalism chuan ringtuteah nasa takin a nghawng a, kohhran pawhin a tuar hle.
3) NEO-ORTHODOXY: Chutia Liberalism zun zama an inawihtlei mup mup lai chuan Khawvel Indopui Pakhatna leh Pahnihna a lo chhuak ta a, hei hian an lo beisei em em ‘lei, vanram atana din’ chu a rawn chhu chhe ta vek a. Beisei leh chuan tur nei lo ang maia ringtu tam tak an awm lai chuan neo-orthodoxy a lo chhuak ta a.
He theology hian van lam a rawm focus ta chat mai a. Lei lam thil ngaihthahin van lam chauh min thlirpui leh ta a ni. Chutia rau deuh ri riai a kal chu an zirtir tlat avangin lei lam nun chu an lo uluk tawk lo ta deuh a, lei tlang innawt te pawh an ti ve a ni mahna. Van lam chauh dah pawimawhna khan lei nun a tikhaw lo ta a, sawiselna a lo chhuak thuai a.
4) EXISTENTIALISM: Neo-Orthodoxy theology rawn siamthat tumtute chu exixtentialist-ho an ni daih. Anni hian mimal nun an rawn dah pawimawh a, hun hmalam zawng a philosopher hoin an generalize vak vak ang ni lo. Thil reng reng hi mimala a thawh dan a inang lo ti zawngin an rawn sawi a. He khawvela kan nun hian nakin a hril a, chuvangin kan uluk tur a ni tiin an tlangau va; he theology hian nasa takin rah a chhuah a, chutih rualin tunlaia a tha zawng leh chhe zawnga kan tawn mek ‘individualism’ pawh hi he theology/philosophy rah hi a ni-ka ti ve tlat.
5) Modern World theology: Hetih chhung zawng hian theological & philosophical development a awm reng a, modern theology hrang hrang a lo chhuak a, liberalism ringawt pawh a chi hrang a tling khawm hnem hman hle. Kan la hriat ngai loh Liberation theology(zalenna theology) hrang hrang a lo chhuak bawk a sawisen a ni lo; a thui dawn ta.
6) Post modern culture/theology: A hming ringawt pawh a tharlam hle a, he culture-ah hi chuan theology chhuak thar chu awm bawk mahse a chhuak hlui leh chhuak mek pawh a hmun leh hun a zira hman tur zawng(contextualization)in hma an la ber. Huap zo theology lam ai mahin hmun bik atana theology-in ngaihdan a hruai thui hle. Zalenna leh dikna a ngai pawimawh a, social lam a hrut na bawk; tunah phei chuan holistic approach hian hmun laili tak a chang chho mek zel a, khawvel inher dan ang zela theology pawh her rem a ni thui khawp mai.
Engpawhnise, Danglamna khawvelah hian danglam ve ngai lo Isua Krista ringtute kan ni tih hi kan thupui ni reng rawh se.
Similar Posts:
- BNEI MANASIA – MIZO JUDA-TE
- Krista leh Mizo Literature
- Puan thui khawl
- Bible Hi …
- Zu chungchang ka hmuh ve dan tlem:-)
November 10th, 2011 at 12:36 pm
nih tak hi
Report this comment
November 10th, 2011 at 12:36 pm
comment ila
Report this comment
November 10th, 2011 at 12:46 pm
comment chi tak anih hi
Report this comment
November 10th, 2011 at 1:08 pm
Tha hle mai. I inthlahrung mah mah anih hi. Hetiang thil hlu leh thu tak pai te chu inthlahrun duh tur ani hlei nem. Point no.2.ka chhiar lai khian Hnam Sakhuaa leh tu tu amawni ka rilruah an rawn lang ringawt.Post Modern culture/Theology hi, tunlaia Theological Colege a an zirtir ber hi niin a lang. Good Post.
Report this comment
November 10th, 2011 at 1:20 pm
Thil dang tih loh, Pathian thuah hi chuan “Thing” nih hi ka hreh lem lo khawp mai.Egpawhnise, “bible zirtirna nen a inmil/inkalh em?” tih hi a pawimawh ber maiin ka hria. Chutih laiin thil thar zir leh thudik hai chhuak tura chhui zau tim chuang lo i la.Amaherawhchu, engemaw hlek a, thil/theory thar proof-na awm tak tak si lo, mipui rilru ti chiai thei tura lo au chhuah pui ve chiam chiam erawh ka thlawp lem lo. Chutiang ching chu an mualpho duh phian bawk.
Report this comment
November 10th, 2011 at 1:42 pm
Pkfanai kum sang bi inkar kan sawi a, a thui awk deuh va..inthlahrunawm duh khawp mai.
Khawi lai hun emaw sawi hlut hi hetianga chronological development sawi aiin a awl zawk tih ka hre ta. Ril vak lo pawha han lawr den den pawh hi a sei duh khawp mai.
Orthodox taka rin hi a tha ber ka la ti fan …kei pawh.
He post hian mi a ko lo ngawt ang chu. Sheldon min rawn chilhna tur ka lo inveng lawk dawn mi aw..
Report this comment
November 10th, 2011 at 1:46 pm
A va tha kher em. I inthlahrung mah mah. Khi aia chipchiar hret khian kan la duh a nia, kan lo nghak reng ang che.
Theology hrang hrang hian min nuai vel mahse, ‘Isua chauh’ hi han ti ve fan phawt mai ila..
Report this comment
November 10th, 2011 at 1:50 pm
tha hle mai a
Report this comment
November 10th, 2011 at 1:54 pm
angaihnawm e
Report this comment
November 10th, 2011 at 2:16 pm
Ngaihnawm ve, i kaitawi thiam bawk si, chhiar atana ka duh ve reng, a thui lutuk avanga ka inchhiar bo map thin kha tawi fel deuh, hriat awl deuhin I rawn dah thliam a, a mimal takin ka lawm hle mai. Yesterday, today, forever Jesus is the same
Report this comment
November 10th, 2011 at 2:31 pm
Report this comment
November 10th, 2011 at 3:07 pm
Hriatreng a tan a tha e..
Report this comment
November 10th, 2011 at 3:13 pm
‘Engpawhnise, Danglamna khawvelah hian danglam ve ngai lo Isua Krista ringtute kan ni tih hi kan thupui ni reng rawh se’
A va tha tak em.
Report this comment
November 10th, 2011 at 3:41 pm
Khawvel hi Pathianin a Adama hma aṭanga a lo din tirh khan finna tinrengin a thuam sa a, chu chu Adama hnenah hriattira awmin Pathian nen an inkawm ṭhin a ni. Adama bawhchhiatna chuan finna leh ropuina zawng zawng kar lovah a hloh ta vek maia (Mitinin thil an ti sual tawh veka Pathian ropuina an chang zo ta lo a ni). Adama thil hriat leh Pathian ropuina khawvel din tirh ata awm sa chu thup a ni fai ta vek a nih kha.
Chumi aṭang chuan mihring hi siam chhan anih leh siam dan anih anglo pui in hmasawnna leh finna haichhuak turin Pathianin a ko ah a nghata, “Min zawng ula min hmu ang” a ti duh ta lek chauh a ni. Pathian ropuina leh Finna min bosan tawh tu chu kan han chhui chho tak tak ṭan taa(finna tello leh haichhuak lovin in kan awm thei silo). Generation leh period adang angin kan thil hmuhchhuah tepawh chu alo dang zela, Pathian kan hriat dan pawh chu chuan a rawn ti danglam ve zel bawk a. A hmaa Pathian kan hriatdan kha consistent taka vawn reng theih loh alo awm a….rinna leh hriatfiah thiamna chu kan haichhuah alo ngai ta a ni.
Amah Isua ngei pawhin “I piang nawn leh tur a ni” ti a Nikodema a hrilh khan a ngaihna a hre lo hle a nih kha. Hmana Adama din tirh anih laia Pathian nen an lendunna ah khan i piang nawn leh tur a ni a tihna lek kha lo niin, kha tih lai huna Pathianin a ngaihpawimawh leh siam anih chhan te kha i vawng thar leh tur a ni a tihna a ni bawk. Chumi chu ringtute chuan man thiam lovin Adama bawhchhiatna avanga serh leh sang, Pathianin din kan nih tirha a duanglawk pawh nilo kan bawhchhiat avanga lo tla chawp a chu nghet taka vawn tumin Pathian tih lawm nan hman kan tuma hun in her danglamah Pathian chibaibuk dan kan thiam ta lo a ni. Hun inher mil zela Rinna nghet taka vawnga hrethiam tur chuan Mihring siama alo awm chhan hi enge tih ngaihtuah hi a ngai khawp mai, chu nuna kan inhnimphum tawh chuan Piangthar dik ta(born again) Isuan a tih chu kan man phak chauh dawn a ni. Chu hriatfiah thiamna chu hun inherin a khawihbuai lovang.
Report this comment
November 10th, 2011 at 3:54 pm
“Salvation is the same in every dispensation.” tih a ni a, chuvangin hmana Mosia te, Abrahama te, Davida te pawh kha lo tho leh se Pathian biak leh a duhzawng hriatna ah hian tunlai hunah hian an buai chuang lovang tih ka ring.
Ringtu hmasa te kha an damrei em em a, khawvel hmasawnna hrang hrang in an nun pawh kha a paltlang kawkalh ve nuaih in ka ring mahse Pathian an hriatna zepui(an Theology) erawh a in thlak ve duai duai lo (neither orthodox nor Liberal)
Hun in a tihdanglam chu Adama hloh tawh Pathian finna leh ropuina kan hriatna a ni a, rinna a khawih danglam ve lo. Chumi hre tur chuan “Mi au la ka chhang angche thil ropui leh inthup ila hriat ngai loh chu ka en tir ang che” a tih kha. Chuvangin hun avanga rinna danglam chu Pathian rinna leh hriatna dik tak a ni lo tihna nimai.
Report this comment
November 10th, 2011 at 6:00 pm
Pa pakhat pawh hian Pathian Thu a hriat zia ti hian a sawi a lawm- “Tih tak takah chuan Pathian Thute chu Eden huana Evi leh Adama hun lai atanga tun hun thleng hian, kan han sawi tak tak dawn em ni?” tia a sawi fiamthu min ngaihtuah chhuah tir tlat mai ka ti.
A ngaihnawmna piah lamah a ngaihhlutawm khawpin ka hria. Post tha takah ka puang e.
Report this comment
November 10th, 2011 at 9:11 pm
Kum 2000 huamchhung ami- Theology chihrang hrang, Church histry nen inpolh nawk bawk si tawitea i sawi kauh kauh thei hi, i fak awm thlawt, i taima bawk. Charismatic Movement lam te hi lo ziak teh, lo khel ho luih luih te’ng u….
Report this comment
November 10th, 2011 at 9:52 pm
Fiah tak tawi kim tak siin i rawn ziak a, keini ang hre lo chhah ve tak tan chuan tran chhana hman tham a nih ve hi. Post tha tak a ni e
Report this comment
November 10th, 2011 at 10:08 pm
Tunlaiin Mizoramah Liberal leh Liberation sawi pawlh nawk nawk, thil intihre tak kan awm thin a, a danglamna chiang lehzualin rawn la post la a va duhawm em!
I post hi ka
e
Report this comment
November 10th, 2011 at 10:10 pm
Tha ve
Report this comment
November 10th, 2011 at 10:48 pm
I in thlahrung mah2 a nih hi, chhiar a nuam e, a hlawk thlak e, lo ti zel rawh in thlahrung miahlo in, kan lo chhiar zel ang…
Report this comment
November 10th, 2011 at 11:25 pm
Lay man tan chuan Theologian ten Pathian thu zirna kawng hrang hranga an then hi hriatthiam vek theih a nilo va, hei tak hi mipui te ah harsatna siamtu a ni thin. Lal Isua chauh hi chhandamna kawng awm chhun a ni tih hi Kohhran pangngai a lawite tan chuan sawi loh va lum a thudik awmsa a ni. Kan buaina fo chu Pathian thu zir chikna ah hian a ni. Mi ten ” chutiang kha tiang chu a ni thei e” an tih hi kan ngaih dan a nih loh vangin a sawitu thlarau lam nun thlenga teh sakin Van kailo tur a in puh sak ta nawk nawk lah kan awm phah a ni. Hun hmasa lam ah chuan Ni khian kan awmna lei hel zawka ngaih a ni a, chu chu Kohhran ngaih dan pawh a ni. Tun ah erawh chuan Lei( Earth) hian a hel zawk a ni tih kan hria a mahrawh chu ringtu hmasa te Leiin Ni a hel ringtu te kha Bible hmang dik lo leh Kal sual ah kan ngai lem lo. Mithenkhat chuan Science leh Bible hi an in do tir tlat thin. Finna leh thiamna te hi Mihring ban chakna ring ta riau ah an puh thin. Chiang tak a Bible kalh zirtirna erawh hai rual a ni lo ve. A seita hle.
mai.
Report this comment
November 10th, 2011 at 11:50 pm
#15 Asteric, ram leh khawtlang dinhmun hian kan khawthlir hi a nghawng nasa em a, theology inthlak thin pawh hi a mawh hranah ka ngai lo. Nia, Pathian hriatna tak takah chuan a pen bo theih lo vang.
#17 Thangchhuahpa, Charismatic movement hi sawi ka chak asin aw!! Sawiho kan la tum dawn nia, hetah hian.
#19jahauhruaia, i he fe zawkin ka ring a, ka lo nghak ang che.
#21 Alfred, thanks.
#22 critic, Creeds, Doctrine, Confession of Faith-a an seng lut dawn a nih hran loh chuan a chhuizauna ringawtah hian thikthu tihchhiat vak a tul ka ti lo va, mahse mite mil tawk ngaihtuah erawh a tul tho chuan ka hria.
Report this comment
November 11th, 2011 at 12:43 am
Bengvarthlak e.
Report this comment