Bible Hi …

August 17th, 2012 8:55 am by Art-a

Kristiante chauh nilo, sakhaw dang betu leh Pathian awm ring lo te pawh an lungrualna pakhat chu Bible hi khawvela lehkhabu tha ber leh hlu ber te zinga mi a ni tih hi a ni. Amaherawhchu Bible kan ngaihdan erawh a inang lo hle hlawm; Kristiana inchhal te zingah pawh a ni tho mai.  Bible chungchanga pawmdan hrang hrangte chu:

1) Rationalism: Extreme leh moderate rationalism a awm a; Extreme rationalism chuan Bible hi Pathian inpuannaah a ngai lo hulhual a, a hnawl hmiah. Atheists and agnostics-te hi extreme rationalist an ni. . Moderate rationalism chuan Bible hi eng emaw chen chu a pawm ve a, mahse a pawm chin chu mimal finna leh ngaihtuahna-in a pawm theih chin chauh a ni thung. A duh duh lai a pawm a, a duh lo lai a hnawl hmiah mai a ni. Chuvangin rationalism chuan Bible thuneihna hi a pawm lova, mihring rilru leh ngaihtuahna chu thuneitu sang ber a ni.

2) Mysticism: Hei pawh false mysticism and a true mysticismahte thenhran a ni leh a. False mysticism chuan Bible hi pawm ve mahse  Bible chauh hi Pathian inpuannaah a pawm lova, mimal hriatna/finna leh tawnhriat a dah chungnung zawk. Evanglical-te zingah pawh ‘tiang hi an pung chak hle. True mysticism chuan mimal hriatna leh tawnhriat reng reng Bible nen a khaikhin a, Bible chu thuneitu zawk a ni.

3) Romanism: Bible hi Kohhran thil a ni a, hriatthiam harsa tak tak a awm bawk a, chuvangin rinna leh thiltih chungchanga a hrilhfiah theitu chu Roman Kohhran chauh a ni tih hi Romanism ngaihdan a ni. Kohhran chu Bible chunga leng niin a ngai bawk.

4) Neo-orthodoxy: chuan Bible hi Pathian thu a ni lo a ti; Bible chhungah hian Pathian thu a awm a ni chauh zawk tih hi a pawmdan a ni. A awmzia chu Bible-a thute hi a khawi chin nge Pathian thu tih chu mimal ngaihdanah a innghat tihna a ni – khawi chin nge Pathian thu tih a sawifiah leh chuan si loh avangin.

5) Cultism: Bible hi Pathian thu tia an pawm rualin, lehkhabu dang/thuziak dang Bible tluk hiala pawm an nei thin. Hei vang hian Bible chu thuneitu tawpkhawkah an pawm lo tihna a ni.

6) Conservative Protestantism (the Orthodox Position): Bible hi Pathian thu, thiltih tehna dik lo thei lovah a pawm a, Bible-a bu 66 te chauh hi Pathian thawkkhum an ni a, hengte chauh hi ringtu tan rinna leh zirtirna kawnga thuneihna tawpkhawk neitu a ni tiin a pawm.

Paula chuan chiang takin tihian a sawi a,Pathian Lehkha Thu zawng zawng hi Pathian thawk khuma pek a ni a, zirtir kawngah te, thiam loh chantir kawngah te, zilh kawngah te, felna zirtir kawngah te a sawt bawk a ni – II Tim 3:16″. Bible-a thuziak zawng zawng hi Pathian thaw atanga lo chhuak tihna a ni. Pathian thaw chu Adam hnara lut nunna thlarau ang kha a nih avangin Bible hi Pathian thu nung a ni. Pathian thlarau chuan Bible ziaktu mihringte chu, Pathianin puang tura a tih kha an mizia ang theuh zela dik taka ziak turin a kaihruai tihna a ni. Sam ziaktu pawhin “I thu zawng zawng a dik a ni” (All Your Words are true — Ps 119:160) tiin a lo sawi bawk a.

Zirtirna leh rinna chungchangah reng reng a dik leh dik lo tehna awmchhun chu Bible hi a ni. Mihring finna, hriatna leh thiamna hmanga zirtirna reng reng Bible nena INKALH anga a lan phawt chuan Thlarau Thianghlimin ralkhel dar a rawn vua a ni tih pawm ila, kan tisual tam lo khawp ang.  Bible-in mawl leh fiah taka a sawi, engtin tin emaw her kuala thurin danglam leh maksak pui pui thehdarh tute hi hun hnuhnungah hian an tam ta khawp mai.

“Chuvangin, ni tha lovah chuan in do zawhna tur leh, in tih zawh vek  hnu pawha in din theihna turin, Pathian ralthuam famkim chu la rawh u … chhandamna lukhum leh Thlarau ngunhnam (Pathian Thu chu) la ula,  tawngtaina leh dilna tinrengin eng hun pawha Thlarauva tawngtaiin … thahnemngai tak leh dil tlatin ngaihven rawh u” — Efesi 6:13-18

Similar Posts:

Recent Posts:

102 Responses to “Bible Hi …”

Pages: « 1 2 [3] Show All

  1. 101
    Lalramchhana Says:

    malsta27 .. hahaji. Eng pathian emaw chu i be ve maithei e, kan Pathian biak erawh a inang lo deuh a ni ang e. Lal Isua leh tirhkohte khan heretics leh zirtirtu der te kha an dim lo ang reng sak sak khawp a sin. Mahse chutiang pawh i hre lovang.. Bible i chhiar khat hmel em mai :-)

    Bible leh a zirtirna sawi nep char char hian Isua Krista an ring tak takin ka ring lo ve.

    @100 ɪ̣uɪ̣pnoɥ.. nanga thusawite chu huat en-ah tu’n an en lovang :-D ngaihnawm i tia i rawn dak di de reng a nih kha le. I post ‘Mizo ṭawng.. (kan hnam ṭawng!)’-a ka comment no. 21 kha i lo chhiar em ? eng nge i ngaihdan.. nang inti fingah :-P

    Report this comment

  2. 102
    donald Says:

    Tha khawp mai (Y)

    Pu Vakul sawi ang khian ni e, duh ai chuan a tawi deuh a nih hi (NOI). Detail deuha chhiar a chakawm. Mahse i kaitawi thiam.

    Malsta chu a dinhmun tak sawi chiang law law se a va tha ve. Ambiguous deuh deuha hetiang subject-a comment hi a tha ka ti lo. An sawi hriatthiam a har tlat zel. Sola Scriptura leh Bible hi ‘rinna leh thiltih tehna diklo thei lo-ah’ a pawm nge pawm lo tih sawi chiang se, chuta tang chuan a argument pawh hriatthiam a awl zawk ngei ang.

    Chuan a ngaite bawkin kan dawithiam pa (houdini) chu a hriatthiam ve hauh loh thilah a lo inrawlh leh pek a ni maw..! judge-ah ka tang e te chu alo ti ve a ni awm a (N)

    A AW B leh hnam sakhua thil buaipui vel mai mai se a tawk.

    Report this comment

Pages: « 1 2 [3] Show All

Leave a Reply

You must be logged in to post a comment.