Mizoramah chanchintha a lo luhna hi a rei ve ta hle mai a, hmun dang ngaihtuah chuan a la rei lo hle mahse. Ram dangte ang bawkin, Chanchintha a lo lut a, kohhran din a lo ni a. Hun engemaw chen hnuah Pathian Lehkhabu Thianghlim lehlin a lo ni ta a. Mizo ten mahni tawng ngeiin Pathian thu kan chhiar a, kan ngaithla a, kan hrilhfiah ve ta. A va ropui tehlul em!
Pathian Lehkhabu Thianghlim tawng hrang hranga lehlin hian awmze thu tak a nei. English hovin King James Version tiin an tawngin Pathian Lehkhabu Thianghlim an lehlin hnuah Pathian thu ziak mi leh Pathian thu lama miril an lo nei tan a. Chu chuan an literature nasa takin a ti hausa ani. Chutiang bawkin, Wales-ah te, Germany-ah te, France-ah leh Europe khawmualpui ram hrang hrangah Pathian thu ziakmi an lo pung a.
Kan thurin hrang hrangte hrilhfiah a lo nih bakah, rinnaa kan kal dan tur te, chhandam kan nihna dinhmun te, Kristian kan nihna anga kan mawhphurhna te lehkhabu hrang tam tak chhut a ni ta a. Heng lehkhabu te hi khawvel hmun hrang hrangah a lo darh zauva, chumi atanga ngaihtuahna thar miten an hmuh chu lehkhabuah te siamin a lo darh zau zel ani. Hemi rual vek hian, Pathian thu chhuina (theology) lo intan dan te, Pathian Lehkhabu Thianghlim a lo awm tan dan te ziah a lo ni ta zel a.
Lehlamah a tui zual deuhin Pathian lehkhabu chhunga Pathian hmanrua ni thin te leh chanvo nei hrang hrangte chanchin ziahna a lo chhuak bawk a. Vawiinah pawh kawng hrang hrangin keini ngei pawhin mahni kutchhuak Pathian thu ziakmi leh Pathian thu hrilhfiahna lehkhabu hrang hrang kan lo nei ve tan ta. Kan tawnga Pathian thu lehlin a nih hnua kan hmasawn dan hi ropui tak a ni, Kristianna angchhunga kan chenna a la rei lo tehreng nen!
Tuna kan tawng ngeia Pathian thu ziahna lehkhabu hrang hrang kan neih te hi Kohhran atanga lo chhuak deuh vek a ni ti ila kan sawi sual awm lo ve. Kan kohhran hrang hrang publication board kaltlangin tam tak chhut leh hralhchhuah a lo ni ve ta. Mahse, hmabak kan nei tlat mai. Mizoram kutchhuak, Isua Krista kan hmuhdan leh kan thlirdan ziahna hi sawitham a la awm meuh lo. Mizo kan nihna atanga kan hriatthiam dan tura ziah a awm mang lo hian, hemi kawnga kan hnufualna a tarlang chiang hle ani.
Europe hi Kristian hmunpui a ni kan tih lain, mithiam te chuan he nihna hi Africa in a la luahlan thuai ang an ti. A chhan ber ni a lang chu, Africa mite chuan Pathian an hmuh dan leh Isua an hmuh dan hi an mahni mi leh sa angin a pawm a, an tana Pathian hnathawh ah an ngai a, chumi hawi zawngin ziakmite pawhin tan an la a. Khawvel hmun hrang hrangah thehdarh a ni bawk.
Keini mizo te hian engtin nge kan chhan ve tak ang le? Mizo kristian te hi engtin nge kan kal zel dawn? Isua Krista hi hnamdang ta nilovin keini Mizo hote tan ngei a nihna te leh Mizo tana lo kal a nihna hi kan ziah lan ve tan a hun tawh em?
Similar Posts:
- “Hnam Sakhua bihchianna” chhanna
- Kristian Châr-Tîn – Mi(sual) Sermon Part II
- I Phatsan thin em ? (Pathian Ni pual)
- GENESIS 6:1-6:2
- The Oneness of God
(Y)
December 12th, 2008 at 8:58 am
Ka chhiar vek lo na a, a ropui lutuk
Report this comment
December 12th, 2008 at 10:27 am
I ti kual vak a, ka hrethiam lo dawn a. A dik hle mai. Isua hi Juda pachal a nihnaah hian kan chiang lutuk a, hei hian kan rinnaah min tidal i tihna a ni thei em? Engpawh nise Pathian hi kan Pathian a ni tih rinna nghet tak neih hi a tha ber mai. Chumi nei tura min pui tur erawh chuan thil hrang hrang a tangkai thei ang.
Report this comment
December 12th, 2008 at 10:46 am
I chhiar vek loh in entinge a ropui leh ropui loh i hriat?
Report this comment
December 12th, 2008 at 11:19 am
ka chhiar vek, tha khawp mai. pu sekibuhchhuak ten han sawi hmasa teh se.
Report this comment
December 12th, 2008 at 11:24 am
Kristianna leh western culture kan lakzawm vang ani lawng maw ? Isua kha middle eastern mi ani na a, Leonardo daVinci khan Italian (Caucasian) hmel pu angin a ziak mauh mai a. Khata tanga kal sual kan nih hmel. Sacrament hman nana chhang leh wine (lem) kan hmang ngawt te hi. Mizoho hi chaw (rice) ei mi kan ni a, bread kha kan nitin chaw (staple food)ani lo. Isua pawh khan dik tak chuan baked wheat ai mahin flat bread, Naan emaw Puri emaw ang deuh zawk a phel hmel (chhangper 5 leh sangha 2, nge sangha 5 leh chhangper 2 zawk a tihpun pawh khan sliced bread anih miah loh kha) . Isua pian hun lah kha northern hemisphere a nipui lai ani zawk hmel ta deuh deuh va. Anni ram vawt lutuka awm hovin thlasik vawrtawp (winter equinox) an lawmna Christmas ang an puan tak kan lo tuipui ve em em a.
Report this comment
December 12th, 2008 at 1:38 pm
Ngaihnawm phian mai. Kan lo zawt lawk, Ngetinge Bible hi version hrang hranga kan lehlin le ? hei hian a takna, a hlutna a tibo ve in ka hre mai mai.
Tin, Missionary mizorama lo kal hmasate khan min lo zirtir vak lo aniang. ISUA mizo anga en tur lam in.
Report this comment
December 12th, 2008 at 6:23 pm
Hatiang lamah hian thalai te pawh kan thangharh zel niin a hriat a, a lawmawm khawp mai. DingaChinzah sawi ang khian, Krista / Kristian-na avang a literature lama kan hmasawnna hi hmuh hmaih phal chi a ni lo vang.
A bikin Ramthim/ Ramthara rawngbawltu te tan phei chuan, contextualization hi a pawimawh tak zet a. A pawimawh zia hi kan Mizo rawngbawltute zingah pawh hian kan la hre tawk lo em ni chu aw a tih theih. Chutihrual chuan, kan hriat reng tur chu, contextualization hi a kal thuk lutuk chuan syncretism a hlauhawm ve leh thung.
Mizo kan nihna mil or Mizote hriat thiam theih deuh tur in Isua chanchin hi engtia ziah leh chuan chi nge ni ang aw, tih chu zawhna awm thei tak leh inhnial theih taka ni ang. Isua kha han ti MIZO viau dawn ila, Israel a piang ani tlat mai bawk si a. ( ISUA ( Truth ) anih na kha a represent zo loh a hlauhawm si a)
Hei aia ka lo vei ve deuh chu. Isua ( person ) tih Mizo viau ai mah chuan, A zirtirna erawh hi chu kan ti Mizo viau thei ang. Tin, Mizo culture leh Isua culture / zirtirna kha in rem tak tak a tam khawp mai.
Report this comment
December 12th, 2008 at 8:37 pm
Isua hi Bible thu atang chuan Juda hnam zingah Juda ang a rawn piang a ni na a, Thlarau Thanghlima Mari puma pai tir a ni a ENG HNAM MAH A NI LO A, ENG HNAM PAWH A NI kan ti thei awm e. Khawvel chhandam tur a lo kal a ni a khawvel mi zawng2 hnam chitinte tan a nih vangin A HNAM bik hi chu a nei lo a ni lawm ni?
Christian-na avang hian trible hnam ziak leh chiar neilo ten ziak leh chiar kan lo nei phah hi chu Pathian ropuina leh hnathawh a ni kan ti lo thei lo. Ka Pathian thu lo hriat hmasa Isua chanchin kha Juda angin ka lo hrehmasa tawh Mizopa ang a han ziah leh dawn chuan tuna Mizo ho hi chuan kan pai rem thei tawh meuh lo vang. Trhang-3(chhuan-3) vel liam hnuah erawh an lo pawm thei mana.
Report this comment
December 12th, 2008 at 9:28 pm
https://www.dingachinzah.blogspot.com/ ah zau zawkin ka hria, in lo en ve mai mai dawn nia
Report this comment
December 13th, 2008 at 1:13 am
Keini mizo te hian engtin nge kan chhan ve tak ang le? – Chhan a har , a general lutuk i zawhna hi.
Mizo kristian te hi engtin nge kan kal zel dawn? – Hei pawh hi a general lutuk chhan a har. Specific deuh takin zawhna han zawt la.
Isua Krista hi hnamdang ta nilovin keini Mizo hote tan ngei a nihna te leh Mizo tana lo kal a nihna hi kan ziah lan ve tan a hun tawh em?
– Heipawh hi chuti tho chu ani.. a general mah mah. Specific deuh tak a zawhna zawh i zir a ngai a ni hmel … te kan ti ve vel anih chu
Report this comment
December 13th, 2008 at 7:46 am
Zo veh veh tak ka ni, Samdala thlah kal zela mi ka ni a; Kawrdumbela pawh kha kan khaw thenawma mi a nih ka ring.
Zofaten “ISUA” kan tih hi Juda-hote chuan YAH-SHUA an ti a; “Pathian Chhandamna” tihna a ni; YAH hi Pathian hming a ni a, Hallelu-Yah tih pawh “YAH Fak rawh u” tihna a ni; Juda-te Pathian hming hi YAHWEH a nih vangin. SHUA tih hi Henrai tawngin ‘Chhandamna’ tihna a ni bawk e.
Hnam lamah chuan Matthaia Bung 1-a chhui a nih dan ang diakin Abrahama … Isaaka … Jakoba (Israel-a) … Davida … thlah kal zela mi; JUDA hnam, ROYAL TRIBE-a mi ngei a ni. “Kan Lalpa chu Juda hnam zinga lo chhuak a ni tih a lang fiah si a … (Hebrai 7:14).
Isua hi sawi Mizo vak a ngai lo; Mizo-te Tlantu, Chhandamtu a ni chiang ngei hi lawm ila. Kan Mizo-tawng hi a hrethiam a; kan tawngtaina pawh a chhang thin. Kan ram pawh mal a sawm a; ISUA lakah hian beisei tur engkim a awm.
Khawvel mihringte aiawha PUITHIAM LALBER a ni a, Hebrai 7 – 10 inkar thu kan zir chianin Pathian leh mihringte inkarah thawkpalai, Puithiam Lalber a nihzia a lang chiang a; Mizo-te hian KROSS chin hi kan hril tlangpui a; Puithiam lalber a nihna anga rawng min bawlsakna INREMNA (Atonement) hi kan hlamchhiah lek lek a ang. Kan hla phuahtute pawh hian PUITHIAM LALBER a nihna lam hi an phuah ngai lo hle. Pu Patea nge R. Kamlala zawk, “Kan Puithiam lalber leh …” tih an lantir ve zauh, a lawmawm hle. Puithiam Lalber a nihna anga kan chhandamna atana rawng a bawlna hi Hebrai lehkhathawn ziaktu chuan “a pawimawh ber” a ti zawk a; “kan thu sawite zingah hian, a pawimawh ber chu hei hi a ni … chutiang Puithiam Lalber, vanahte khian Ropuibera lalthutphah ding lama han thu a; Hmun Thianghlim leh biakbuk tak tak, mihring sak ni lo, Lalpa sak zawka rawngbawltu chu kan nei, tih hi” (Hebrai 8:1-2).
Old Testament Bible hi atira Hebrai tawnga ziak, a then lai lai Chaldean-a ziak a ni a; New Testament hi Greek-a ziak a ni thung a; chuvangin MIZO LITERATURE a ni hauh lo mai a; an CULTURE pawh Mizo Culture a ni lo va, zir ngun pawh a ngaih phah a ni; Zonu leh Zopa dawlh nuam tih zawng chuan sawi chu tum ta pawh ni ila, a pawi hran lo. Biblical Culture zahpah lova kan tah zawm chiam a nih teh chuan KALSUALNA a tam belh khawp ang. Mizo tawnga Bible kan neih pawh hi LEHLIN DIK LO a tam viau aleiah Denomination 100 chuang kan awm phah tawh e, an ti nia. King James Version pawh hi lehlin dik lo ERROR a tam tham bawk a; Internet en thiam in ni bawk a, lo thlir ve chiah teh u.
ISUA hi JUDA hnam, Bethlehem-a piang ngei tura ruat thlap, LAL HNAM a ni. “Lal tiang chu Juda lakah a bo lo vang a, Roreltu tiang chu a ke kar ata a bo hek lo vang… (Genesis 49:10a)” tih a nih kha. ISUA THISEN HLU-a lei tawh kan ni a; LAL THISENA LEI kan ni. Hnam bo inti Manase leh Ephraim-te aia hlu kan ni tawh. Bo lo, Lal thisen thianghlima lei tawh kan ni zawk e.
Chuvang tak chuan Thu Puan Bung 5:10-ah kan chanchin, lawmawm takin a inziak, “…Talhin (ISUA) i awm tawh a, chi tina mi te, hnam tina mi te, Pathian tan i thisenin i lei a, Kan Pathian tan khua leh tuiah leh Puithiamahte i siam ta si a, tin, leiah chuan ro an rel a,” tiin. King James Version-ah phei chuan, “kings and priests (lalte leh puithiamah te)” a ti hial. Hnam tin, chi tin zingah ZOFA-te kan tel ve a; kei chu ka lungawi tawk khawp. Sawi MIZO chiam tum ai chuan, MIZO-te kan tel ve chiang, “Rinna azara khawngaihnaa chhandam, KRISTA vangin …”
Report this comment
December 13th, 2008 at 10:29 pm
Kei chuan ka hnam pui ni mai lovin kan inchhungah, ka thinlung chhungril ber chang turin ka duh. LAI ISUA HI.
Report this comment
December 13th, 2008 at 11:11 pm
Lal Isua mizo ani tih hi chu a ri a mawi hle laiin mihring tawng kan hmang a, mihring ngaihtuahnain kan ngaihtuah a mihrng hnamzia (culture) lipui atanga sawi kan nih bawk si chuan a realisitic lo ka ti. Juda mi a ni a, Palestinaah a piang a, a thi bawk a. Mahse Pathian fapa anih bawk avang erawh chuan hnam tin ai a awh a, hnamtin mite nun a tawmpui a, a chenchilh bawk chu kan ti thei ang.
Amaherawh chu a nun leh inpekna pumpui en hian mizote tan chuan, “Pasaltha chungchuang, mite tana a nun pe a midangte dam nana tuar, thiamthu pawh sawi lova ngawireng thei, engmah hlau lawi si lo leh mahni sahimna aia midangte himan ngaihtuah, thuawiha a tihtur tak hlenchhuahna kawngah chuan dan rual loh, hmangaihna leh khwngaihnaa khat ni bawk si a ni” ti ila a dik khawp ang. Isua nunah hian Mizote hian zirtur kan va ngah em. Mahni hma kan sial em em mai te, mahni hlawknaa chuan midangte tawrh pwh kan pawi ti lo thin te, mahni thiamthu kan sawi nasa lutuk te, kan tum a ruh tawk lo fo te, kan dawihzepna te, thlemna kan di zo thin lo fo te hi inenlet a pawimawh khawp ang.
Report this comment
December 14th, 2008 at 6:03 pm
Black theologian ropui James Cone-a thukhawchang hi ka’n lo tarlang ve hrim hrim teh ang:
“Christ is black, therefore, not because of some cultural or psychological need of black people, but because and only because Christ really enters into our world where the poor, the despised, and the black are, disclosing that he is with them, enduring their humiliation and pain and transforming oppressed slaves into liberated servants. Indeed, if Christ is not truly black, then the historical Jesus lied.”
Contextualization/inculturation lam zirmi te hian an sawi tum ber chu Isua Krista/Chanchintha hi keimahni culture ah, keimahni context-ah ngei hian tuhin a awm tur a ni tih hi a ni a. Hmun danga kui tiah sa, a pot chawpa lo dawng ringawt lovin, kan leilungah ngei hian a chi chu tuhin a awm ang a, a tiak ang a, a thanglian tur a ni tih lampang a ni. S.J. Samartha te’n “helicopter theology” ni lovin “Bullockcart thelology” an lo tih ang kha… Sawi fe tham a awm!
Report this comment