Ri nghal pawp pawp…
Tleirawl chhuah tirh ngaihzawng neih ve duh tawh hunlai a nia… vawikhat chu -
Kan la in ngaizawng chiahlo a, ka leng tawh a vawihnih vel chu, mahse kan inkarah chuan engemaw chu a awm tawh, sawi thiam hleih theih siloh hian, a vawithum na tur vel ani mai thei e, inrinni chhunah ka leng a, tlai rawngbawl hun velah hian min thlah chho a, an in a zung ta lo chuan kawng sira vantlang zun in ah chuan ka zung ta a, khua a lum bawk nen…ka t-shirt hak chu ka hlim chho tung mai a, “ti khan hlim suh, nalh lo ka ti ania” a ti a, keilah pek chuan a lum em alawm tiin kawngpui lun lai tak ah mai chuan ka kawr chu ka hlim chho tung reng mai a, vawi hnih khat mai a sawilo ka thiannu chuan, a khat tawk hian a sawi chhen a, kan kal muang bawk a, ti ti pah kan ni bawk nen…kan in ka thleng chu! ka zun zawh khan ka kekawr zipper ka lo zip leh lo chu ni in…ka sa pup pup mai..ka thiannu khan min lo hrilh dawt ngam chiah biklo niin, tleirawl zahzum nen…ka leng leh ta lo..!
College kan kal tan tir, nikhat chu ka thiannu ( bialnu nilo ) nen kan haw rual a, city bus a chuan a duh silo, ke in kan haw, Vanapa Hall bulah sawn ka ek hi chhuak vawrtawpin a chhuak ta anih chu…khatiang reng renga thil rapthlak kha ka la tawng lo in ka hria, ka cheh tak ngial dawnin ka hria a, theitawp piah lamah rilru a tawngtai chungin ka ip char char a, ka thiannu lah chu ala ti ti tui nasa mai si, Zodin zawn kan thlen sawn ka theihna leh a piah lam thlengin ka sawmkhawm zo tawh, theihna leh chakna reng ka nei tawh lo, ka thiannu bulah chuan ka sawi zak bawk si, vawi leh khat ah ka tlan ta phut mai a nih chu! ka thiannu chuan engtin nge a ngaih pawh ka dawn hman tawh lo, tlai mi tam vanglai tak mai in ka tlan haw char char.
Ka pute-a scuter, bajaj seat pawh separate ngat, tar tawh lampang kha ka thianpa nen kan risk alawm le, zanah ka bialnu ve deuh reuh hi kan rim a, helmet kan kenglut rap mai..! kan ti ti pawh zan dang ai chuan kan confi a ni, helmet kan kenglut tlat alawm khami zan kha chuan…haw alo hun ta, kan haw dawn, ka thiannu chuan nidanga min thlah ai thui min thlah a tum ta tlat mai le! an kawmchhak step zawng zawng rawn chhoh a tum, “hei ka thianpa nen kan ni tho alawm, angailo ilo kal thui lutuk” ka tih pawn a duh tlat lo, theihtawpin ka thianpa nen chuan dan kan tum, “aaa kawngpui thleng ka lo thlah ang che u” a ti tlat mai si, ka lum chho pup pup tawh. kan scuter dahna thleng min han thlah mai chu(h)…!
Zankhat chu khawchhe karah taxi hire meuhin ka bialnu ka rim alawm le, inleng dang pawh kha an lo nei ve neuh neuh a, an inleng dangte an haw kim tawh hnu chuan muang marin ka bialnu nu pawh chuan mut a tum tawh, a mu tur insiam vel chuan an inlengte theihnghilh niawm tak torchlight hi a rawn humchhuak nawlh mai a, keini sitting room thlanglama awm chu ka hming ngei mai hian ring tha tawk takin, ” hei hi i torchlight rawn ken em ni” a`n rawn ti mai chu!! bike la neilo, kea leng thin ka nih a chiang si…ka ken niawm tak ania…ka ta ni miahlo mahse hnar chu iskut duh khawp mai.
Tum khat chu short sermon ( 30 minutes vel ) hun ka chang ve hlauh mai a, Biak inah ngei mai hian ( a hmun hmingte chu sawilo mai ila, Pathian pawi pawh kan sawilo turah ngai ang) ka inbuatsaih awlsam hle mai a, ka sermon tur chu ka ziak zung zung a, tichuan ka pawt thla a, ka ziak zela, ka sermon ta lawm le, ka ziah sa chu ka in chhawp a, ka sawi zawh apiang ka dahsawn zel ang ka ti a, 5mins vel ka sawi chauh tih ah chuan ka sermon ziahsa note book atanga ka pawh thlak diat diat chu vawi leh khat ah thli in a rawn chhem leng darh ta chuai mai, ka bing mup mup a, 20mins vel ala awm si…engtin nge ka sawi chhunzawm zela, engtin nge a tawp te kha ka khar tak ni.
Vawi khat chu ka bialnu nen sunday tlai ah Hotel Ritz ah khian dinner ei ila kan tia, chawhnu inkhawm banah K.V Paradise han tlawh hmasa ang kan tia, programme kan set ve thlap ani. Khatih laia ka bike kha Karizma dum ania, chawhma inkhawm ban veleh fai takin ka hru tle ve a, a hma ni (inrinni) ah ka cousin in nilengin min kenchhuah sak a, tlai thim thet thet a ngawi renga a rawn dah tawp kha ani mai a. Tichuan ka tlanchhuak ta alawm le..a clutch plate alo kang chu niin, sunday ah Aizawl khawiah mah han thlak na tur awm heklo, han thulh leh em chu tiin ka tlanchhuak lui ta tho a, kawngchho deuh euh euh tawh phawt ah kha chuan 1st gear lak zel angai a, ka thiannu chu ka hrilh zak bawk si, durtlang chho kan han tlan chiah mai chu! durtlang leitan thlen hma kawngsir chho ah khian Aizawl tleirawl ho bike kawngtluan deuh thaw in an lo ding chho thluah maia, tlanchhung kha ava rei duh tak em! min thlir zui vawng vawng hlawm mai a, ka thiannu kha ka khawngaih letling zawk, nula te an ni ve si, ka tlanchak thei der mai si lova, engemaw chang zeuha 2nd gear ka la tih loh kha chu 1st gear hlir in kan thleng hmui chho rum rum…hnar chu iskut ve khawp mai.
Kan thianpa motor a kan lenchhuah ve tuma kawng tluan deuh thaw a kan nawr chanchin kha chu sawi tawh lo mai ang…A lo chet chhiat theih thin rem rem khawp mai…chetfuh hun zawng ala awm ve ngei ang le.
Similar Posts:
- Mizo nulaten hnamdang an ngaihzawn chhan
- Serchhip lama thil khir deuh deuh thenkhat!
- Vanlalperfect-i
- Valentine’s Day
- “I âw-ah a âw ka hre thei asin!”
November 16th, 2011 at 12:04 pm
1st ve tlat.. 😉 Chhiar tan ang..
November 16th, 2011 at 12:10 pm
Tha khawp mai. (Y)
November 16th, 2011 at 12:13 pm
chiar chhuah dap chu… che chhe ve hle mai 😀
November 16th, 2011 at 12:15 pm
Tal buai chi ve reng reng inih chu, Pathlawi Virgin. Ka girlfriend hmasa ber nen kan intawnna chu mi innneihna ah ani a, accident kan tawng lo chiang asin.
November 16th, 2011 at 12:17 pm
hahahahaha….. Ka nui nasa lutuk. Ek chhuak khi a hit. Voikhat nula ka thlah a chumi tum chuan ka kua a fel zan lo nen…insum re2 in zawi te in ka kal dem2 a..thawk leh khat ah mi rawn thing chu thlanfim a far zawih2 thei mawle. Lo thu zawk rawh tia e tur a chhas te han tlansan vang vang chu… (Y) XD
November 16th, 2011 at 12:21 pm
Hahahaha (y) :d :d
tren tren.
November 16th, 2011 at 12:28 pm
Ka chet chhiatna ka la post ve ang. Nang aiin ka che chhe hial hlawm ta ve ang. 😛
November 16th, 2011 at 12:36 pm
Good chetchhiat post.. Hetiang hi chu han a hnua han sawi leh vel kha a nuam a..mahse a hun lai chuan Rapthlak duh tak a ni..
November 16th, 2011 at 12:36 pm
vancharlova chu tawngkam i thiam hmel hle mai a. Ziak mawlh teh khai.
November 16th, 2011 at 12:38 pm
Lr, nia vawiin atangin ka kawmen tan ve chiah a.
November 16th, 2011 at 12:43 pm
Mipa ho hi in lo chet chhiat theih hlawm hi maw le..
November 16th, 2011 at 12:44 pm
Ka hman veleh ka chhiarchhuak dap ang.
tren tren
November 16th, 2011 at 12:49 pm
A va ngaihnawm tehlul ve.., ka chhiarchhuak dap e.. (Y)
Bialnu ka neih ve chhun ( 😛 ) bulah chuan ka che chhe lo ve tlat, chet chhiatna tur dang lah ka hmu leh tawh hek lo.. 😛 😀
Kum 2004 ni ta in ka hria. Dinthar veng, Aizawl atang a ka ek chhuak, Ramhlun North ah ka e chauh kha. In ka thleng chiah, chhungte’n, ‘I lo va haw hma ve? min ti a. ‘Aw, ka ek a chhuak lutuk’ ti a chhangin, ekin pan ding nghal. Zingkar karah, thlansa hap khawp a ka’n ip kha 😉
November 16th, 2011 at 12:52 pm
inpuang sup sup ang u
November 16th, 2011 at 1:03 pm
Kan pa awmloh hlan hian a chetchhiatna ka lo puansak teh ang…tuk khat a walk chu a rawn haw lamah a ek a chhuak ta,kan uipa nen a chhuak kha an nia, patling ekchhuak meuh chuan Alsatian pa pawh a rawn tlan lehpel fua fua mai a nih awm chu (H)
November 16th, 2011 at 1:14 pm
Hahaaa..Ngaihnawm hlawm phian mai.Tum khat ka bialnu ka thlah tumin ka ek chhuak lutuk chu Electric Transformer hung chhungah ka lut a,mawng thiar nan a romol ka dil a, ka mawng hruk fai nan ka hman sak hmeks,zah sawi na chi ni tawh miah lo,chhuak thei teu teu em a ni.. haha .. hahaaaa… 😀
November 16th, 2011 at 1:17 pm
sawitur ka ngah lutuk a sawi lo mai ang 🙂
November 16th, 2011 at 1:19 pm
#15,,ha…ha…!
Post tha khups mai,kan khi vur2 mai alawm,kan chetchhiatna ve te a rawn lang uar2 mai…
Kan tleirawl chhuah hiam bialnu hi nei ve ngei a,xmas dawnah Mr.Duhlova te ramah ka zin san dawn sia ka thiante xmas card min lo pek sak tur khan ka hnutchhiah ve ngei a. Ani tleirawl zakzum khan alo la duhlo ngei,an chhungkaw kim thep thawp laiin an sitting room ventilator ah an han thlak mai chu(h)…haw leh hi a chakawm loh asin. 😀 😀
Ngaihzawng ah na na na chuan chetchhiatna sawi tur ka ngah mai,a tlachawp zelin aw. 🙂
November 16th, 2011 at 1:23 pm
16 hi…hahahahha
November 16th, 2011 at 1:28 pm
#16… 😀 😀
Ka chetchhiatna em em pawh nilo in, chaw ei a min sawmtu chiangkuan loh vang zawk hi ka’n sawi ang e…
Thingtlang a kan awm laiin, laina hnai te’n vawk an talh ni khua in chaw ei ah kan insawm liam liam thin. Vawikhat chu kan chhungte’n chaw ei ah min sawm a. Min sawmtu ber khan a hun min hrilh chiang silo a. Zanriah ei tur a min sawm si kha, an chhungkaw dang zawngin, tukthuan a ei tur zawk an lo ti si. Ka u nen chawfun (hnahthial hnah ngei a fun) kengin kan kal a. Chaw ei a min sawmtu te in kan thleng chu, a sa an lo la chan mawl mawlh chauh lo niin :-O Khami tlai ka zah zia kha. Ka zahzel in ka chawfun ken kha ka u pek ka tum, ani’n a lo keng duh der bawk silo. A tuk a chaw ei tur paw’n kan kal ta miah lo. Khatiang a zak em em a min siamtu vawksa ei kha ka phur thlawt lo … 😉
November 16th, 2011 at 1:29 pm
hahaha: in va han chiangkuanglo hlawm e aw. kei kan chet romeo theih vet vet nen. 😀
badboy#17: an pawh thlak che kha sawi ve la. 😛
November 16th, 2011 at 1:45 pm
Ka thianpa pakhatin nula pakhat tha a tih ve deuh rim pui turin min sawm a,tlemin kan kai deuh chhawlh a.An inah kan lut mai ngam silo,an kawmchhak pangpar chinna atangin an ventilation ah bik thlak hmasak a tum a,a hmu chiang theilo kha an pangpar khawina chungah a lawn kai a,a lawnna lai chu an chim ta a le,khuuutah an in hnuaiah a tla thla,a ri thla rum rum,anni light nen an rawn tlan chhuak,a ni lah inhnuai atangin a rawn de chho kar,a van zialo tak e aw.Hahahaaa…ka mitthla ah a la cham..ka nuih a la za ngawih2..Kei chu kawng chhak lamah ka la ding daih a,min hmu ve mai lova,kei lahin ka hmu chiang ropui si.Haw hunah chuan tuma hnenah sawi chhuak miahlo turin min ngen ngat ngat a,tun hi ka sawi chhuah hmasak ber a ni ta mai awm e…hahahaaa
November 16th, 2011 at 1:45 pm
Râwlthar leh tleirâwl hi kan hman pawlh ta fo mai.. 🙂
November 16th, 2011 at 1:52 pm
Hahaha! Tum khat ka bialnu te an lo leng a, Sunday tlai a nia,ka nu leh pa te an leng a,ka bialnu chu bike a thlah ka tum a,ka in khalh chhuak ve a,ka pa te nen chuan kawng lakah kan in tawk a,ka pa chuan ‘ Chaw ei a hun,haw tawh rawh’ an ti mai chu…. Zahthlak ve duh khawp mai!
November 16th, 2011 at 1:54 pm
OT lawks. HV-a fanu chanchin hi hria kan awm em aw? ICU-ah a awm niawm tak khan nizanah khan tu emaw khan rawn sawi zauh khan ka hria a, ka mut dawnah ka phak ang tawk tein ka’n tawngtai sak ve thlangawt a. Amah HV-a lah chu ani leh ni lo angin a reh veng veng mai bawk si! Khangaih takin an chanchin hria kan awm hlauh em le? I tawngtai pui teh ang u hmiang tiin ka’n rawt thlangawt mai teh ang.
November 16th, 2011 at 2:17 pm
boihapa,
hei nizan dar 11 : 30 a HVa Msg. ka dawn, hei bak hriat ka la nei lo.
ICU (Intensive care Unit) ah kan
la awm a, mahse hma a sawn
deuh chuan kan hria e.
November 16th, 2011 at 2:24 pm
Mahniin kan thu nui vur vur mai alawm le, kei hi ka che chhe ve thei teh ania, a hnua ngaihtuah let a zah veng vengna ka ngah mai
November 16th, 2011 at 2:37 pm
Ngaihnawm mai mai ve le!
Ka bialnu ve deuh te nen zanah á¹hiante ina kan leng haw lam, kan kalho á¹ham á¹ham laiin ka’n tawlhthlu thal tawp mai a…ka tho leh rang rura. Thui fe kan kal leh hnuin ka sana ka bun tawh lo tih ka hrechhuak a, a zawng turin kan let leh ham ham! (Ka sawi chhuah vawi khatna).
November 16th, 2011 at 2:47 pm
Kawlhawk,
Ka lawm e. HV-a a reh vung vung mai hi chuan mi(sual).com hi a kim tawh lo tlatin ka hre thin. A fanu pawh a tha ve leh turah ngai ila, kan phak tawk tetein i tawngtaipui teh ang u.
November 16th, 2011 at 2:53 pm
computer hma ah kan thu nui vur2 mai lawm le,post tha lutuk e.Bajaj scooter chanchin hi hit ka ti eee.. (Y)
November 16th, 2011 at 2:54 pm
Boihapa rawtna ang khian Pu Hv-a te chu a thei thei in i tawngtaipui ang u. Tawngtaina in thil a tihtheihzia a taka tawngtu ka ni. Mihring tihtheihloh hi Pathian chuan tih theihloh a nei silo a.
@hlatekhua: i bialnu ni lovin i ‘bialnu ve deuh’ chauh ania, a la zia alawm 😛
November 16th, 2011 at 3:15 pm
sheldon@31, Ha2! Mizo-in ‘thu khuh’ an tih á¹hin ang hi i hre ve tawh ngai em? Chutiang chu a ni ka tihna chiah phei chu a ni chuang kher lo maithei.
A hnu fe-ah ka ‘bialnu ve deuh’ dang leh pawh kan á¹hian pakhat dang nen kan pathuma kan kalho á¹ham á¹ham laiin a tawlhthlu zawt. A hrilhhaithlak duh ve khawp mai.
November 16th, 2011 at 3:22 pm
@hlatekhua : Awi ha!! Bialnu ve deuh i va ngah hmel 😀 Bialnu tak tak nena chetsualna rawn ziak ve teh.
Kei chu ka haihawt khawp a, ka chetchhiatna te hi ka theihnghilh zo vek tawh nia 😛
November 16th, 2011 at 3:25 pm
Post chu…Hahahaha….:-) chuan
@ Pu HV te chu va pawi ve o… tawngtainaah i hre theuh ang u.
November 16th, 2011 at 3:31 pm
@sheldon, a pawimawh zawk mah chu khangho khan min ‘bialpa’ ve em tih kha a ni. Ka chiang lutuk tlat lo, ka luck lo ve ang reng á¹hin riau a. ;-(
I theihnghilh bik ka ring miah lo, i sawi duh ve hun lo nghak ang.
November 16th, 2011 at 3:39 pm
Ka che á¹ha deuh zat zat 😀
November 16th, 2011 at 3:47 pm
Ka Furlough hmasak ber tumin, Lunglei kohhram pakhatah ‘Mission Convention’ ah Speaker ka ni ve a. Min duat khawp mai a. Sunday tukah Vawksa leh Arpui tuilai chhum kan hmeh dawn a. Satuihang ngaina mi ngang kha ka ni a. Satuihang khu miah lo kha kan hawp pawp mai a leh. A lo sa kher mai a, ka thle lawl lawl mai a, thlenin nu leh pa te nuihza lutuk insum kha ka hmu ru reng mai si a, ka la patuai ve bawk si, zialo ve ang reng khawp mai. A tui em mai a, puar tak chuan ka ei ta tho a.
November 16th, 2011 at 3:58 pm
# 37… Chawhmeh tuina erawh a kiam deuh dawn a ni maw? 😛
Manipuri kut (Thabalchawmba?) an lawm tum paw’n, ka riltam lutuk in vawksa tui mawm, khu miah lo ka’n dawt khawlh mai chu. Vanneihthlak takin tuma’n min hmu lo hlauh! A rang a rang in ka chhakchhuak na’ng a, vawksa tuisa in a tih tur a tifel diam 😛
Lei a kan tawh hi chuan thil ei reng reng hi a ti hlo (luap?) tawh thin.
November 16th, 2011 at 4:26 pm
Hman kum, Kolkatta pawh Calcutta a la nih lai khan Mizo IAS officer senior leh zahawm ber pakhat, Pu Rualzakhuma te inah ka u nen kan zu thleng a. Chakai lian chi, tuipui chakai tui tak hi min hmehpui a. Duhsak takin a bawppui lian á¹ha lenglawng chu min pe nghe nghe a. Ka’n kuai bung tur chu a lo á¹ang ve tlat mai a, chutah thapui thawhin kan bei leh nghek mai chu ka kuai bung hmawk, a lian lam chu ka kut atangin a thlawk chhuak ta…a piah deuh fea á¹hu kan thlenin pa thleng sirah a va tla dawt. A zahthlak si, nuihzatthlak bawk si. Kham nghal daih a chakawm duh khawp mai.
November 16th, 2011 at 5:20 pm
ot lawks, Pu Hv fanu chu a eng na nge le, a hria khan han sawi chiang deuh teh u’n
November 16th, 2011 at 5:26 pm
@40,keichuan ka hre miah lo…comment ho chu nuizatthlak hlawm hle mai, hei ka hnathawk haw chiah a,ka chhiar nui vur vur hlawm mai…han contri zel teh u..chhiar nuam lawm le hetiang lampang hi
November 16th, 2011 at 5:28 pm
Pathlawi Virgin, kawlhawk Awke-a kha va zawt teh
November 16th, 2011 at 5:48 pm
Awke… Littlete, ti nge Awke-a min tih, ka hralh hunah ka khilai ve nguar ang che. Awke 5, 500 grm tling thah ka nei tawh. Pawisa… Sum.. Cheng… Tangka… Money…
Mei mei… :p
November 16th, 2011 at 5:54 pm
Hman zanah Holiday palace ah a hram ri ka hria a ka beng ka tun hru hru mai male…he2
November 16th, 2011 at 5:57 pm
Pu kawlhawk, Pu HV fanu chu a eng na nge a? a fanu Janis i kha mi, tawngtaitpui tur an tia. min lo hrilh theih chuan ka lawm khawp ang.
Nia I AWKE man chu i lo save dawn nia, hun lo la kal tur a chen tur in lo 🙂
November 16th, 2011 at 5:57 pm
E..
November 16th, 2011 at 6:04 pm
@45, ICU a awm ngai khawp khawp chu a serious ve thawkhat ang chu maw…zialo hle mai, ka pa damloh laia ICU kawta kan thu tlaivar kha chu beisei hi a tawi duh khawp mai…
November 16th, 2011 at 6:37 pm
47 Pathlawi virgin, a serious khawp angle. iCU a awm ngai khawp chu, a natna a nia ka zawh chu ICU awm kha chu an sawi tawh a, a natna kha an sawi silo a, ka’n zawt mawle
November 16th, 2011 at 6:39 pm
Bialnu ka neih hmasak ber hian keimahin zanah ka leng dawn a, ka len vawi hnihna chauh a ni nghe nghe, a ute khan naute an nei tawh a, naute chu kawngka atanga a chhuah loh nan an kawngka ah chuan kan mai theih tur hian an kham a, ” lo lut rawh” an ti chiah..ka lut tur chu an thil khamah ka inpal palh a, an chhuat laiah kan bawk lut thlawp mai ah…hnar a lian duh a sin aw…..reilo te chauh ka leng..he he
November 16th, 2011 at 6:40 pm
sawm nga law law tengssss
November 16th, 2011 at 6:42 pm
Phek thar hawng i la
Report this comment
November 16th, 2011 at 6:42 pm
Little & pathlawi,
Eich Vee
Kan khuaah khan an beidawnga khaw dangah helicopterin an phur phei alawm. Insurance in a cover loh vaih chuan helicopter hire man ringawt kha $15,000.00 lek mawle hahahaha (sssshhhh)Rs. 720,000.00 lek lol
Hei vawiin chu ICU atangin kan chhuak ve maithei, a harh tha ta hrep a, a lawmawm khawp mai.
35 minutes ago
A fanu Jenis kha. An tha deuh tawh a niang e, a tawngkam leh thuchhuak a zang deuh vah tawh tlat.
Report this comment
November 16th, 2011 at 6:43 pm
phek thar kai law law tengs…he he
Report this comment
November 16th, 2011 at 6:48 pm
Pu Hv-a tello a, misual.com chu a kalh kim tlat lo. Fb a post thei tho si a, misual a a reh hmak erawh hriatthiam a har ka ti deuh. Thik thu ka pe chhe khawp mai. A in sawifiah deuh a ngai ang.
Report this comment
November 16th, 2011 at 6:51 pm
Kawlhawks thnks
Report this comment
November 16th, 2011 at 6:52 pm
Pu Hva fanu chu lo dam thuai2 teh se. Kan lo tawngtai pui e.
Report this comment
November 16th, 2011 at 7:01 pm
haha, nuihzatthlak hlawm ve
ka lo sawi ve, zankhat chu ka thianpa nen zan rei tawh lampangah a nupui scooty in a rukin kan RV alawm le, boruak kha a nuam bawk a haw lam pawh kan hlim nasa, leitlahniam (four lane an ti emawni) kan pel chho a ke hnung a inpaih deuh nawk2 a kan ding, kan han enchiang chu a ke hnung chu alo thep nasa, kan riah ngam si lo, bawngkawn PS thleng kan nawr chho mai chuh hahthlak tak a ni. PS kawtah chuan kan riah a.
a tuka ka va leng chu annu chuan min lo be tha peih vak lo
Report this comment
November 16th, 2011 at 7:02 pm
Phek thar kai law law te’ng.
Report this comment
November 16th, 2011 at 7:40 pm
Pathlawi Virgin chu i lo hetih vang anih hi!! Pathlawi hnu pawha i la virgin.. (I nick hi ka lawm tawp
). I ziak ngaihnawm in min ti nui nasa bawk 
Report this comment
November 16th, 2011 at 8:20 pm
Kei chu ka che chhe ve ngai lo re re.
Report this comment
November 16th, 2011 at 9:09 pm
Mamboih, ka lawm e…
Report this comment
November 16th, 2011 at 9:10 pm
bialnu te hma ah hnap puar pawp khawpin in hahchhiau ve th m..rang lutukin a rawn hru nghal.engmah a sawilo..mahse Zak tak ka ni
Report this comment
November 16th, 2011 at 9:15 pm
@52 kawlhawk, van bon ve le…insurance chuan cover hram sela that chu,chuan Pu Hv a fanu chu dam takin lo chhuak ngei rawh se…
Report this comment
November 16th, 2011 at 9:16 pm
@62, Ha9… mahse bialnu che rang tak i nei a, i vannei nih chu..
Report this comment
November 16th, 2011 at 9:20 pm
mi khawngaih aniang, a nui miahlo a,a tawng zawm char2,zahthlak telh2
Report this comment
November 16th, 2011 at 9:26 pm
sawi tur i van ve viau dawn nih chu a….i ni up up em? he2
Report this comment
November 16th, 2011 at 9:44 pm
Ka chhiar chhung zawngi ka nui dir chir chir mai. Part 2 han siam leh thuai teh
Report this comment
November 16th, 2011 at 10:23 pm
@67, nia kan tum dawn nia…sawichhuah ngam miah loh te pawh phawrh hun ala awm mai thei sin…he2
Report this comment
November 17th, 2011 at 12:53 am
“I zipper I zip love..” tih fiamthu pawh min ti hre chhuak e a..
Report this comment
November 17th, 2011 at 1:05 am
tunlai i va che tha awm ve..tleirawl lai thil i lo phawrh chu
Report this comment
November 17th, 2011 at 5:30 pm
Nia(h)…chet that thu ka la rawn post ange…
Report this comment