Kum kua kum sawm vel ka nih laiin kan sikul kal pah hian hmeichhe pakhat high school zirlai lukhum dum khum hi kan hmu thina, mak ti deuh hian kan en liam thina. An sawi dan chuan a sam a pawh kawlh vanga khum ani awm e. Ava han pawt nasa aawm em em kan ti liam ve mai zela. Khatih hunlai khan naupang sam phawkphaw hraw ve tak, sampui ngah tak mai ka ni a. Ka cousin hian min man betin ka sampui min pawh luih sak thina. Nin deuh chang leh nuam tih chang te pawh a awm fo. Sikul lamah lah ka thiannu pakhat hian min pawh sak thin bawka. Sampui hian a chang hi chuan lu hi a tithak ve thina hriatna hi a awm tlata, han pawh thlak hian a nuam sawng sawng thin ani.
Kum thum kum li vel a liam hnu chuan a hmaa hmeichhe pakhat lukhum dum khum thin chu kalo theihnghilh ve ta a, ka sampui chu midang ni tawh lovin keimah ngei chuan ka pawt ta thina. Sam alo puk hrisel tha bawk nen, ka sampui pawh bak kha chu sam tla tur hi ka nei mang ngai lo a. Hun alo liam zela, hun engemawni chen chu ka sam pawh nasat zualpui pawh chu alo reh ve a. Khatih hunlai te kha chuan ka sam kha ala tamam han pawt pawt mah ila kawlh tham em kha chu ala nilo.
College ka han rap ve a, Mizoram han chhuahsan meuh chuan thil zawng zawng alo danglam ta. Sik leh sa, mihring, chaw, tui thlengin a lo danglam vek ta. Tui chu ka sam chuan ngeih ta lovin a han tla ve tan ta a; amaherawhchu ka sampui hraw tak tak ho chu pawh kher loh chuan a tla ve duh miah lo mai. Ka sam ngil neih ve chhun ho chiah chu a tla ta a, thin hi a rim lek lek thin zawk ani. Hun eng emaw chen chu ka sam pawt manglo chuan ka han awm leh ta a. Sap thufinga “Old habits die hard†an tih ang deuh khan, a hnu lawkah chuan a khat mawi tawkin ka han pawt leh ta a. Sampui pawt thin hi chuan min hriatthiam pui ngei ang. Kutin a dap fuh tawh han phawi hi chuan a nawm dan hi sawifiah thiam a har.
La upa lemlo mah ila, ka naupan lai ai kha chuan tun hnuah hian ka sam pawh alo tlem ve ta deuha. Tun kum hnih khat kalta atang khan ka sam pawh chu ka uar leh thar ta a. A chang phei chuan ka thiante pawhin ka kut min ben thlak sak hial te pawh a awm. Ngaihtuah miahlo hian ka lu hi kalo dap leh mial mial thin maia. A hahthlak ve pangai e! A takin lehkha chhiar lai leh thil ngaihtuah ngut ngut lai hian beng sika ngaituah lovin sam pawtin kalo ngaihtuah zawk thin a ni.
Trichotillomania hi natna chi khat, psychology a OCD (obsessive compulsive disorder) an tih ang hi ani a. Hmeichhe zingah hian a hluar zawk a, sam sei zawk nge nge chu pawh paw halo awlsam zawk ani e. Hre reng chung pawha pawh ngai tlata in hriatna hi a awm thina. Keima sam mai pawh nilo, midang sampui ngei pawh hi ka hmuh fuh chuan pawhsak chakna ka nei et et thin a ni. Ngawlveina chi khat a ni a, harchhuah hi ka tum thina mahse thlemna lian ve tak chu a ni.
Ka lu hmun hran hran a mi hi sam ka pawt kual thina, mahse favourite spot ka nei ve ngeia. Ka chhipvir bul deuh lawk tukhum a mi hi ka pawt ka pawt bik mai zela. A dang dap kualin pawt mah ila, a ngaiah bawk hian ka let leh thin. Ka han harchhuah tak tak meuh chuan alo kawng ti tih tawha, chumi chung pawh chuan pawh chang chu kala nei thin, sampui kher lo pawh. He ngawlveina hi mahni leh mahnia in tuhluh a ni ve a, talchhuah pawh a awlsam biklo. Zuk leh hmuam, ruihhlo te chu lei tur a awm miah loh chuan tihngaihna vak a awmlo. Amaherawhchu, sam pawh erawh chu mahni lu ngeiah a to thut tih hriat reng chuan insum chu harsa ve tak ani.
Trichotillomania hi tleirawl tan tirh vel atanga in tan ani tlangpuia. Pianpui thil a nilo a, kuthlei vang leh  inkhawhmuh thil avanga lo awm tan ani zawk. Lukhum/samlem khum ngai leh lulei kawng lai thil danga khuhmawi ngai em chuan kala awm lo a. Ka tihve a ngaihloh nan tan ka la thar mek bawk ani. He natna hi ka insiam chawpa, a damna chu keimahah tho a in nghat ani. Sam pawh hrat dang mi tam tak hnena ka chah ve duh chu – kan sam neihte hi a hlut zia hi hre thar ila, pawh tawhloh i tum hram ang u tih hi a ni e.
** Trichotillomania hi sam pawh hrat leh pawh chak ngut ngutna sawina term ani. (A type of psychological condition that involves strong urges to pull out one’s own hair)
November 16th, 2011 at 10:33 am
F1rst keuh ila, chhiar nghal ang
November 16th, 2011 at 10:37 am
Bengvarthlak angreng.
November 16th, 2011 at 10:37 am
Trichotillomania ka vawi 1 hriatna 🙂 . He post hi chu hmeichhe lam chan deuh a nih hi le, a huap zau zawngin sam tuak pawh te pawh rawn sawi tel la tha tur.. 😀
November 16th, 2011 at 10:53 am
‘Samtuak pawh hi a pung duh’, an ti a; tak tak ani em? Ka pawh thin vang nge, ka ngah sawt riau mai. Ka hmuigmul hi a tuak a tam avangin hmeichhe zak ang maiin ka pawt kawng mal reng bawk.
November 16th, 2011 at 10:54 am
*hmuihmul*
November 16th, 2011 at 10:55 am
Silent reader nih reng ka ning ve ta. Vawikhat nan ka rawn inziak lut ve e.
November 16th, 2011 at 11:12 am
A bengvarthlak hle mai. Tun thleng hian sam pawh hi chu ka insum ve theihna zawng tak a ni 🙂
November 16th, 2011 at 11:21 am
In sam in lo pawt thin a ni mo? Kei chu ka sam hi 1/2 inch. lek lek a nia,pawh a harsa kher mai
November 16th, 2011 at 11:21 am
Vancharlo. Welcome.
A term hi ka vawikhat hriatna. Dual ni ta se?
Bengvarthlak tak a ni e.
November 16th, 2011 at 11:24 am
Natna mak tak a nih chu maw le. Ka hlau ve vak lo e 🙂
November 16th, 2011 at 11:25 am
Bengvarthlak e.. (Y) ka chhip, luvir vel hi ka pawt ve nual hman 😛
November 16th, 2011 at 11:32 am
Trichotillomania – OCD huangchhunga mi a lo ni maw. Mi pakhat ka hmelhriat, hmanni ah Dawr pakhatah ka hmu a, a sam kha a danglam riau a, engmah ngaihtuahlo khan ‘E he, i sam chu i va tidanglam nasa ve’ tih pahin kan khawih a, a sam kan feel chiah kha sam lem tih ka hre ta. A hrehawm duh ve khawp mai. Ani pawh hi Trichotillomania nei ania. Sam lem vuah ngai khawpin a luchhip a mi a sam a lo pawt kawlh tawh lo niin.
November 16th, 2011 at 11:39 am
Sam tuak pawh hi a pung thei tak tak nia, ka lo awih ngai lo a,mahse keimahah a thleng dik tlat mai sia,a mak ka ti leh hnuhnawh khawp mai
November 16th, 2011 at 11:47 am
Kan nu nen in thil chin a inang, i hmel pawh a tha ve viau ang tih ka ring? Kan nu nen in inan chuan hehe…
4 @PK- a, samtuak pawh a pung duh tih hi chu tute emaw sawi vel mai mai niin ka hria, thiamna tak tak nena finfiahna erawh ka hre chuang lem hlei law. Kum a lo upa hret hreta samtuak pawh a tam ve hret hret zel ni maw ka lo ti mai asin. Khabehmul emaw hmuihmul emaw pawh chin hian mit hrui a tichak lo thei tia an sawi pawh ka hre tawh thin. Mahse mithiam zawkte finfiahna erawh ka hre leh pek tlat lo 😛 😀 🙂
November 16th, 2011 at 11:57 am
4 @ PK-a, keima ngaihdan ah chuan a pung phah lo chuan ka hria mahse samtuak ka ngah ve vang hrim hrim nge pawh ka hre lo. Keichu kum 20 ka tlin hma in a tuak khat deuh vek toh, chuan ka samtuak chu ka pawt ngai lo hrim hrim bawk. 🙂
November 16th, 2011 at 11:59 am
Bengvarthlak ngawt mai. Misuala ka lo silent rei lutuk hi a pawi a ni. Commenta nuam hle mai. Ka phur e. V-3 na.
November 16th, 2011 at 12:11 pm
Kei hi ka sam hi pawhthlak a awl lutuk hi a nih dan tur a ni em aw.. Bit chu a bit tha khawp mai a. Engtik lai emaw kha chuan ka pawt ka pawt thin..a eng emaw nawm riau ve tlat.. Good bengvarthlak Post
November 16th, 2011 at 12:16 pm
OCD nei hi a nasa phei chu an hospitalised fo. Chu em a ngaih loh pawn psychologist or psychiatrist panpui a tha e te ka tia
November 16th, 2011 at 12:57 pm
A va mak leh zel ve mawle, ka vawikhat hriatna. A bengvarthlak e. (f)
tren tren.
November 16th, 2011 at 1:16 pm
A bengvarthlak e… (Y)
Samtuak pawh a pung tih hi ka finfiah lo na’ng in, pawh zawh erawh a har khawp mai. Pawl 10 ka nih atang in ka sam a tuak tan a, Ka u hian min pawhsak thin, mutthilh a chhuak duh em em lehnghal 🙂 Nikum atang khan ka tihdan ka thlak ta a. Thla tin lu ka meh apiangin, ka sam hi rawng (hair color)ka tah tir thin a. Samtuak leh tuak lo pawh a rawng a in ang vek thin a, a tih chi phian 😀
November 16th, 2011 at 1:28 pm
Thil thar ka hriat phah hlauh e.
November 16th, 2011 at 1:32 pm
A bengvar thlak khawp mai. (Y) nang sampui pawh,kei kut tin seh.!!
@vancharlemlova,,ualkham. Han tal ve hiit2 teh. 🙂
November 16th, 2011 at 1:42 pm
(Y) tha khawp mai.. I room a rawn luh a i sam i zut neuh neuh thin kha ka mitthlain ka la hmu thei… 😀
November 16th, 2011 at 1:46 pm
(Y)
dinky chu sam pawh ngawl i vei tih ka lo hre lo re2 a… 😀 ..tunah khan pawh tham pawh i nei tawh awm lo e te ka tia…. 😛
November 16th, 2011 at 2:02 pm
14.boihapa & 15.remo te ‘Thank u’. 20.Dr.mahminga, ka dye ve zeuh zeuh. Mahse Thlatina sam met tan chuan, dye zin a ngai lutuk a. Ka meh hlim hian a lo par var deuh chuai thin a, kan nu ka pawh tir thin a, nuam thei raass. Ka sam hi a bit tha em mai a, 100 vel zet pawh pawh hian, a hriat ngai chuang lem lo.
November 16th, 2011 at 2:05 pm
Va bengvar thlak ve.Twngtaipui i ngai viau nih hi.
November 16th, 2011 at 2:51 pm
Post tunu, mi zingah sam khawih chak tlat chuan a hrehawm duh viau ang tih ka lo ngaihtuah pui che. Mahse nang chu i la zia alawm 🙂
OCD nei pakhat ka hriat chu maw, a kut (hand) hi bal in a hre tlat reng a, a kut hi a sil reng ringawt mai a, a sil no chuk mai a, a chenpui, a pasal leh a fate tan pawh a buaithlak lutuk, engmah hi a khawih tha ngamlo, engpawh khawih se a kut kha bawlhhlawh ta viau ah a ngai a, a ngaihna kha a awm thlawt lova, chaw pawh a ei tha ngam lova. Aizawl atangin hmundang an refer a, a chanchin ka hrezui ta lo.
November 16th, 2011 at 3:44 pm
Word thar ka hriat belh leh e.
Lo sim hlen thei la ka va ti em.
(I)
November 16th, 2011 at 4:03 pm
@sheldon: Kutbalsillomania tihna?
November 16th, 2011 at 5:03 pm
@ sheldon, nia keini ang case chu ala zia khawp mai. Mizo hmeichhe zingah hian an tam deuh bik a mawni te ka ti deuha sam pawh uar hi. Vai tam tak hostel-a kalo awmpui thin tawh te ho hian an tih ve ngai pawh kala hmu miahlo
November 16th, 2011 at 6:00 pm
bengvarthlak phian mai…sam pawt thin ho hian sim har an ti thin reng ani, skul thenkhat ah te phei chuan hmeichhe sam pawt thin ho hi an khap sak tawp tih ka hria
November 16th, 2011 at 6:07 pm
@29, hahahahahiiii :d
tren tren.
November 16th, 2011 at 8:51 pm
a va ho e aw 😛