I kawtkai i chhuat phat ang a, thil a awm lohna tura awm hmuh tur i nei nghal ang, motor i chuang ang a, driver emaw passenger emaw chuan zial a lo zu nghal put put ang a, motora i chuang reng lai chuan mahni inngaihtuah mi si lovin dan bawhchhia in hmuh te chu insawi tui hle ang.
Kawng sirah chuan ‘No Parking’ tih a lo in tar ang a, traffic duty an awm hnaih loh chuan chu hmunah chuan lirthei ding a lo awm ngei ang. Sawrkarin kawngsira inzawrh a phal lo a, mahse, remchang lai apiangah thil zuar an lo thu ang a, an thil zawrh erawh a inang lo hlawm hle ang. Thenkhatin Vaimin rawh an zuar ang a, thenkhatin electronic thil chi hrang hrang an zuar ang a, chawhmeh zuar i hmu ang a, puanthan zuar an awm ang a, second hand thawmhnaw zuar an tel deuh zel bawk.
Zirna In atanga meter 100 chhungah ruihtheih thil zawrh phal loh tih sawrkar thuchhuah kha zawm a ni em tih chian i duh a, mahse, a hranpa a chian tum vak pawh a ngai lo – an zuar. Damdawiin-ah kal la chutiang bawk, a kawta meizial an lo zu khu tulh tulh i hmu ang a, dam lo kan hun lova kan tum talh an lo thu nghuk ang a, damdawiin chhungah chuan dam lo kan an lo awm nual bawk ang.
Office dawr i duh a, i hmanhmawh hle mai a, chuvangin a theihtawpa hma in i chhuak a, mahse, office tan hunah chuan dawr tur mumal an lo awm tlat lo, rei ngial i nghak ang a, hmanhmawh lo takin an rawn kal ang a, hna tan hmain thingpui hang an in phawt ang. Sawrkar thuchhuakah chuan office chhungah thil zawrh phal a ni lo, mahse, chung thil zuar ho chu a khat tawkin hmuh tur an awm reng a, hnathawk te lahin an hnathawh aiin chung ho thil zawrh en chu an phur zawk emaw i ti hial ang.
Zu zawrh khap a ni, mahse, zu in mi hmelhriat i hmu a, zu awmna awm ngaihtuahsak turin chein ngen la, i pawisa neih dan a zirin a sen pawh, a fim pawh a hmuhsak thei mai ang che. An office bawrah khan zu zuar pawh i hmelhriat nghal nual maithei. Forest department in ramsa zawrh a khap a, mahse, chung ramsa zuar pawh chu hmuh tur an awm tho a, ka nupuiin nau a pai a, zawng sa min rawn ngaihtuah te i tih pawhin ngaihtuahpui dan an hria ang a, naute kan nei tep a, sakuh sa min lo ngaihtuahsak teh i tih pawhin a tihdan kawng an la hre tho.
LAD leh UD&PA ten khawpui theihtawpa vawn fai duhin hma an la a, kawng sir hmun hrang hrangah hetiang zawng mipui fuihna thuziak an tar fer fur a, kal pahin kan chhiar zuah zuah a, kan chhiar lai mekin kan kuhva eina kan pik zuai a, meizial bung kan paih a, intichangkang takin motor atangin kan thil eina kawr kan paih zui bawk.
Kan kawngpui chhiat kan sawisel a, kan road tax te lah chu kan pe tha chuang hlei lo a, kan motor a bo a, kan iak kan iak a, state dang atanga a ruka motor lakluh lah chu kan lei hreh chuang der si lo. A ruka registered kan tum a, Aizawl-ah chuan a harsa kan ti a, a awlsamna lam chu kan pan ang vawng vawng zel a.
Mizo te hian Dan (Law) hi kan ngaipawimawh lo hle tih a chiang a, kan entawn leh kan ngaihsan ram te hi dan avang hetiang dinhmuna an ding a ni tih kan ngaihtuah tel ngai lo. Thu hi zawm tur a siam a ni a, a kengkawhtu te avanga zawm tur a ni lo, anni hi chu a endiktu tur te an ni. Kan rilru-ah hi chuan a kengkawhtu te hi emaw dan kan ti niin a lang a, heng ho hi an awm loh chuan kan palzut nghal mai thin a, chu chu kan traffic duty leh kan police ho kan ngaihdan hian a tichiang hle.
(Y) 
September 9th, 2008 at 2:14 am
Mipui hian kan ram kan hmangaih lo em a ni e. Tawngkam kan thiam a, kan lalber ho hian kan tlak duah hlawm ringawt a. Kan ram midang in hmun mawi leh tlawh fo tlak a an ngaih na tur kan ngaihtuah phalo. Aryan sawi ang deuh khan Ruahtui harvest mumal dan pawh kan la nei lo, Isirael, thlaler ram pawn thlai a export thei a nia…. Tawngkam lova ram hmangaih tu diktak kan mamawh a ni…. party ruih na nen a kan kal chhung erawh zawng, ram hmangaih tu pawh awmse kan chhawr miah lo bawk ang.
Report this comment
September 9th, 2008 at 7:58 am
@fela-fanai:I thil rawn ziah chu a vei awm hle mai,kei mahni theuh hi kan in bihchian a ngai ka ti khawp mai,sawrkar leh ramhruaitu lam te hian dan hi an lekkawh lo hle mai hi a buaithlak a,tin,dan hi han lekkawh pawh chu ni ta tehreng se,chhung leh khat,party pui te inhriatthiam na leh in ngaihdam tawnna hian dan hi a nih tur ang in kan ram ah chuan kan apply thei thin lo hi a pawi a ni.
Chhungkaw tin ah hian thil hi in zirtir ila,a sawt tur chu a ni,kan naupan laiin ka nu leh pa ten electrict hi in hman loh apiang chu off tur tih hi an sawi zing,kan than hnan vek mai kan unau chuan,khawi ah pawh awm ila.tul lova light on te kan ching lo.ka nu in bawlhhlawh hi a bawm ah chauh paih tur a tih thin avangin choclate kan ei pawhin a kawr hi kan bag ah emaw kan ak reng a,Dustbin kan hmuh hunah kan paih mai thin.
Thil chi hrang2 sawrkarin khap thin mahse,dan lam an kenkawh leh si loh chuan sawtna engmah a awm thei lo a ni.
Report this comment
September 9th, 2008 at 8:14 am
Off topic, MIzo class kan neih hnu khan ka mizo tawng ka uluk ve tan a, tin tih te pawh ka hmang ve, a mi?? tih ai ah em ni? te ka ti zel tawh,hma ka sawn khawp mai
Report this comment
September 9th, 2008 at 9:16 am
Fela_fanai good work. A hahthlak thrin ani kan mizoram neih chhun hi chu. Ron trang zel roh, kan chenna ram chhiat tohzia ka ngaihtuah chang phei chuan ka tot up up zel. Kan soi kan soi cuan a solution kan hre ve mai ang. Inthlan a hnai alom mipui aw an ngaihpawimawh hun lai a nih hi.
Report this comment
September 9th, 2008 at 9:25 am
Hmani a Pi Irre in a a rawn post Manmohan Singh a speech kha ,
YOU say that our government is inefficient. YOU say that our laws are too old. YOU say that the municipality does not pick up the garbage. YOU say that the phones don’t work, the railways are a joke, the airline is the worst in the world, mails never reach their destination. YOU say that our country has been fed to the dogs and is the absolute pits. YOU say, say and say. What do YOU do about it?”
“Everybody is out to abuse the country. Nobody thinks of feeding the system. Our conscience is mortgaged to money.”
Hei hi ka chhiar nawn leh thin a ka pawm pui khawp mai?
Public place a chhun eng lai a light in on vu vu te in hmu ve ngei tawh anga,off a maw kan tum ngai em?Sawi dawn chuan sawi tur hi a tam lutuk.
Foreign ah i zin a eg.Singapore an ram fai zia leh law and order an ngaihhlut zia i hria a,i han zin chuan i han zawm ve mai a,garbage leh waste te a dispose na hmun ah i dispose,car i khalh in hron pek vak vak a sawt lo tih i hria a i ti lo mai,India ram ah i rawn let a,i ram zin na a an system tha tak kha i apply theih na chin ah i apply ve em?nge kan system sawisel rengg ang kha i rawn zawm ve leh ringawt.Keimahni theuh hi kan va pawipawh tak em!!!Kan tih theih lian ber leh effective ber chu kan chhungkua leh kan thenrual hnai te hnen ah theuh kan in zirtir hi a hlawk ber in ka hria.Sorkar ah in nghah vekk hian ram ropui min thlen dawn lo tih kan hriat theuh tawh hi.
*Trawngkam hi kan thiam lo khawp a mahse ka rilru ah a awm na hi a rei lutuk tawh a,min lo hre thiam dawn nia.:)
Report this comment
September 9th, 2008 at 9:26 am
nghal pang pang a, Dr. APJ Abdul Kalam’s speech zawk a lawm,sorry!!
Report this comment
September 9th, 2008 at 9:34 am
Hmm. “Tlawmngai Pawl” ( NGO) kan ngah telhlul nen, dan bawhchhiatna khawpui han tih theiha awm tlat mai chu leh.
Report this comment
September 9th, 2008 at 9:43 am
@dumput
irre hi chu ngaihsam awm deuh a sin
Report this comment
September 9th, 2008 at 9:48 am
wonder nia tiro:)In inhmeh sawt riau mai seriously!
Report this comment
September 9th, 2008 at 11:16 am
self-responsibility kan neih loh vang a ni. self-responsibility kan neihloh nachhan pakhat chu formal education hi a nia.
Entirnan:
1) home work min pek avang in ka ti a, ti loh a hrem kan hlauh vangin
Steve Jobs a chuan pawimawh a tih loh chu home work pawh a ti ngai lo (ref Steve Jobs, Icon)
2) exam a awm dawn avangin kan zir bawk. exam hi awm ta lo se tu takin maw zir tum ang
Hei hi kan sei len dan a nia, tirawh tih chiah kha tih kan tum a. Kan mawhphurhna a ni tih inzirtirna kha a awm vak lo.
Tin dan hi DAN deuh a promote aiin responsibility zawnga promote tur a ni. two wheeler khal tan dan awm lo mahse helmet khum ngei ngei tur a nia, accident in thlu ta i la, G Force tam tak a reduce a.
Mahni inah bawlhlawh chhuatah kan paih mai mai lo, mahni in tihfai hi kan responsibility a kan ngaih vang a ni.
Dan a ni tih bur ai hian kan mawhphurhna a ni tih lam awareness hi uar zawk nise,a hlawhtling zawk ang.
Report this comment
September 9th, 2008 at 11:49 am
@fela fanai: a tha khop mai..misual.commers te hian i tan ang u.khawlaiah bawlhlawh k paih tawh lovang,kuhva eina sen k chhak toh lovang(kuhva k ei toh lovang ti hial zok teh ang),k hnathawhnaah k tlai toh lovang,traffic rules k bawhchhe toh lovang etc etc th tun atang i intiam nghal ang u..midik ngaihsanna chang kan hre chho ve zel toh a nia..
Report this comment
September 9th, 2008 at 11:55 am
fela_fanai: please check your mail.
Report this comment
September 9th, 2008 at 1:36 pm
#10- two wheeler khal????tan dan awm lo mahse helmet khum ngei ngei tur a nia, accident in thlu??? ta i la,…
Report this comment
September 9th, 2008 at 2:08 pm
@fela_fanai, i rawn khawrh chhuak tha hle mai. I rawn khawrh chhuak teuh tawhnaa chu kha aia tam pawh sawi belh tur i la hre thoin ka ring, zoram zim teah hian.
Dan kengkawhtute hi chu muthlu vek mah se, mi tin hian pawisa ila, habit-ah nei vek mai ila tha tur.
Report this comment
September 9th, 2008 at 5:16 pm
Ho mai mai tih hian kan in hnem tlang ani deuh ber. Keichu fines hi awm se, khauh takin kengkawh bawk se a effective ber in ka hria. Parking fines te kha Rs 1000 ni se, fine tir hmak hmak mai se tunge Rs 1000 chawi sek duh ang? Fine sang tak, khauh taka kenkawh hi mizoramin a mamawh ber, chtui anih loh chuan endless awareness concert, drama, faina week tih velin awmzia a nei tak tak chuang lo.
Report this comment
September 9th, 2008 at 9:50 pm
Unaupa chu i va ziak tha dup2 ve. Phne ah a te viau nangin ka chhiar chhuak peih tho mai. Traffic police om loha dan an bohchhiat nasat avang hian zana k tlan hi k fimkhur zok mah om e.
Road protection squad hian metal road-a rod chhu thin ho hi a hrem tak poh k la hrelo.
Ka experience atanga k hriat pa1 chu kn engineering deptt a mr vela lo thok toh engineer ho hi roih tlak an vang khop, mit ngeiin k hmu.
Parking hi dorpui phei bik hi hmanah k soi toh. Mi 1 in public parking a hmang reng so a dik lo. A bul vela cheng leh dorkai ten an hmang reng hi dan a nilo. Garage neilo ho hian road tax bak motor kongpui a zan an riah man hi choi ve rohse
soi tur a tam phne atang chuan kutzungpui a lian bik dawn tlat lol
Report this comment
September 10th, 2008 at 5:26 am
Dan siamtu (Government kan tih ber MLA leh Minister ho) in dan zawm rawh se. Dan kengkawhtu te pawh hian zawm rawh se. Kan dan siamtu leh kengkawhtu te hian an zawm loh avangin mipui pawh hian a siamtu mahin zawm lo chu engahnge ka zawm bik ang ti kan ang.
Govt of Mizoram chu Gove of Monopoliser tihna te antih tawh hi chuan Dan chu vaivutah a tal mai mai a ni ta ber mai. Kan ram nawm lohna ber chu DAN a LAL lo lutuk hi a ni. Ram nuam ah i siak ang u. Tihtur a va tam em
Report this comment
September 10th, 2008 at 7:12 am
Ka thu rawn ziak tupa ziah khi ka chhiar ta lo mai. A title khi chu ka duh bawnnnnnnn
Diknessss hi ni ringawt
Report this comment