«
»

In hlimpui takin tih thuah!

January 17th, 2012 9:00 am by H.Vangchhia

Ngaihzual Nangnen (la chhiarlo tan):

Venghlui lam atangin Chawngthu Sweet neitu Pi Hlimpuii te leh, Durtlang lam atangin Pi Mamawii w/o Dr.Rema te chuan, Mizo movie hmasa ber dawttu ni turin, Rebecca Saimawii chanpui tur atan min rawn sawm ve a. Makuri te nen lo inkawm thin kan ni bawk a, zak deuh reuh chung chuan NGAIHZUAL NANG NEN chang tur chuan ka ‘aw’ ve ta a; hemi kum hi 1986 a ni.

Drama lam ti ngai vaklo tan chuan zam a awlin camera hmachhawn alo har ngei mai. Script chhah tha ve lel lawl tak mai chu min pe a, mahni tawngkam hman thin nen inanna awm heklo le, mihring nunphung anga nunpui atana sawi chhuah ahar kher mai.

Nghilhlova (Otto band) nen chuan script zulzuiin kan han titi dun ta a, alo har hrep mai tih ka hre zual zel a. Tichuan, a thawnthu mil siin mahni tawngkam pangai chuan kan ti danglam ta vel a. A har deuh bawk nen, zak deuh bawk nen kalo meng hnual deuh thin ni ngei tur a ni, directorin meng deuh tura min han signal chuan ka meng leh kuau thin.

Lak nawn leh kha awm vak heklo le, a hnua a movie an hralh hnu pawh chuan ka la meng ta kuau zel a nih chu. Moonlight bar awmlai a ni bawk a, an discotheque chu hmangin kan ri beng bung thin. Aizawl nula leh tlangval tha tha an thlankhawm an han phe siau suau mai thin kha chu thlir an nuam thei deuh doh hle a ni. Hotel Rajj room pakhat chu Makuri chuan a room anga hmangin bathtub ah rimtui nen an inbual phar phar mai te kha, Mizoram tan chuan thil thar ani chiang khawp mai.

Zonunsangi beauty parlour/handlooms neitu, amah Zonunsangi chu Makuri (Rebecca Saimawii) leh hmeichhe dang te cheitu niin, ka thiantha tak anni dun nghe nghe. Tichuan, Tuirial lamah shooting neiin kan chhuk thla a, heta kan makeup erawh a dangdai phian. Swim suit a hmeichhe ho an han inthlak chu, Makuri, a changtu ber mal kha ka mal aiin a lo hang si a, chirh te min chulh sak ta vel a nih kha mawle.

Tuirial atanga kan hawlam chu Tuirial lei atanga thuilo teah chuan Lalhmachhuana (Treasury Sq)leh David (Bungkawn/Khatla) te inphurhna Rajdoot Yamaha (350cc) chuan kawngkawiah truck nen intawk thutin an tleng phei ta vak mai a. Davida ngal dinglam chuan truck ke hmalam chu hlapin, a kephah chuan lehlam a hawi ta thuai mai a nih chu.

Davida te hnung chiaha tlan kan ni bawk a, thlir anuam lo kher asin. Motor ti dingin kan zuang chhuak a, Davida chu kan mut rem tir hnu chuan kawng thlang lamah ka zuang thla a. Mau zuk satin, ka kawr haklai chu kan pawtthler a, a ngalruh tliak chu siam rem sakin, mau leh ka kawr hmang chuan kan cher sak ta a ni.

Damdawiin kan thlenpui chuan, casualty a kawngka hnaih zawk khumah chuan muttirin, mi pahnih awmpui an remti a, Makuri nen chuan kan awmpui lailawk ta a. A ngalruh them, nawalh bawk tiat vel chu an phawrh sak ta a, a khawngaihthlak awm khawp mai. Chutiang chanchin chu Mizoram chanchinbu hrang hrangah te a chhuak ta chuai chuai mai a, heihi Ngaihzual Nang Nen tih film lar zualna chhan pakhat pawh a ni ngeiin ka ring.

Ngaihzual Nang Nen tih movie kan chan lai hian Makuri chu a thawnthu ang deuhin Bombay (Mumbai a la nilo) a kal thlak a hun tawh avangin min liam san tasi. Movie shooting kan la zo silo mahse, a mah tiat thuak, Zonunsangi chuan a ai aawh ta a nih kha;Mizo film ah hetianga mi ai channa hmasa ber anih ka ring!

Tuirial airfield a Vayodoot thlawhna thlawk chhuak lai kan thlir zawh chuan Zonunsangi chu ka bike chuan Makuri phurhin ka phur hawng ta vang vang a ni. He movie poster hi Pu Tlangrokhuma chuan lian puiin a ziak a, Aizawl hospital Rd. ah, kawngpui chungah an khaikang vu mai a, sen tawn tawnin ka kaltlang thin.

Tlipna: he movie siam lai hian kan la naupang bawk nen, Vangchhia nih kha ka zak thin a, Vangchhe nau, Khawlhring ka hmang a. Ka ngaihtuah let chang hian ka zakin pawi ka ti takzet a ni. Ka Vangchhe unau ten min ngaihdam ka ngaiin ka dil bawk e.

Similar Posts:

Recent Posts:

This entry was posted on Tuesday, January 17th, 2012 at 9:00 am and is filed under Information, Mizoram, Movies and Videos. You can follow any responses to this entry through the RSS 2.0 feed. You can leave a response, or trackback from your own site.

98 Responses to “In hlimpui takin tih thuah!”

Pages: « 1 [2] Show All

  1. 51
    рдпģŤіСHAЩЯ Says:
    January 17th, 2012 at 11:29 am

    Facebook a ka friendlist ah filmstar pakhat a awm ah (Y)

    Report this comment

  2. 52
    Maisek Says:
    January 17th, 2012 at 11:50 am

    en ve chak khups mai… ka nui chak alawm mawleee… :-P

    Report this comment

  3. 53
    thachianga Says:
    January 17th, 2012 at 12:00 pm

    Release nawn khi a pawimawh tlats.
    Release nawn ni chuan,
    ‘Pu HV-a hi Mizo film industry-a a sulsutu a nia……’
    te an ti ang a..Hairehai ;-)

    Report this comment

  4. 54
    Dr Mahminga Sailo Says:
    January 17th, 2012 at 12:01 pm

    Post a romantic (hmel) bawk a, banner pawh a morantic hle mai… :-P

    Release leh thuai ila ni mai… :-P

    Report this comment

  5. 55
    xotea Says:
    January 17th, 2012 at 12:04 pm

    en a va chakawm ve, a vedio chu han post tel theih lawm ni

    Report this comment

  6. 56
    mr.Duhlova Says:
    January 17th, 2012 at 12:34 pm

    My dear Pu Hva chu, kha Henry a kha ilo nih daih tak chu le…Mizo film en theih hmasak ber te a ni bawk a, hmuhnawm kan lo ti ve in..Lalremmuana rawn commentna pawh ka chhiar nghe nghe.

    En leh a chakawm thar kher mai, a copy nei te inla awm mial lo maw? Pu Hv…. (Y)

    Film Star hmasa ilo nih chu… (Y) (Y)

    Report this comment

  7. 57
    mr.Duhlova Says:
    January 17th, 2012 at 12:40 pm

    26
    PKfanai # Thanpuia khi, Pu Lalmama fapa Chhinga Veng kha a ni em aw ?

    Report this comment

  8. 58
    PKfanai Says:
    January 17th, 2012 at 12:50 pm

    @Pu Duhlova, aw ni e. 1985 & 86 khan kan inkawp tlat thin. Tunhnu hian ka hre zui ta vak lo.

    Report this comment

  9. 59
    Kawnga Says:
    January 17th, 2012 at 12:53 pm

    Re-Release ngei ang u. Misual hovin organise ila..

    Report this comment

  10. 60
    Phivawk Says:
    January 17th, 2012 at 1:09 pm

    He film lar thin zia kha aw, hmuhnawm kan ti thei raas.

    Report this comment

  11. 61
    Levi Says:
    January 17th, 2012 at 1:10 pm

    Arre yarrr…. Pu. HV chu film star lo ni reng che a….haha. I fans :p

    Report this comment

  12. 62
    century child Says:
    January 17th, 2012 at 1:18 pm

    Eheu, mizo Big H tih ve mai chi inih hi a (Y)

    Report this comment

  13. 63
    lrpa Says:
    January 17th, 2012 at 1:55 pm

    Bike a in inphur lai leh moonlight vel a in lam kha ka hriatreng chu ani mai :-D

    Report this comment

  14. 64
    lushai_er Says:
    January 17th, 2012 at 2:18 pm

    Zarkawt nula Hmingthanite paw’n film an siam ve bawk kh maw le, Zoliana(Patea U, Electrict Veng kha misual-ah atang khan ka hria…! H.V-a te film hi a hmasa ber in tia mi?

    Report this comment

  15. 65
    hnarliana Says:
    January 17th, 2012 at 2:29 pm

    LPS Mali channa niawm tak pawh hmanlai tawk a awm kha…

    Report this comment

  16. 66
    ChhanaPa Says:
    January 17th, 2012 at 2:55 pm

    En i la!

    Report this comment

  17. 67
    roseparvul Says:
    January 17th, 2012 at 3:23 pm

    re-release hi a va’n pawimawh tak em!

    Report this comment

  18. 68
    chhangte_ll Says:
    January 17th, 2012 at 3:26 pm

    I sam tihkhawngnan khian SIMCO Hair Fixer, hmanlai chhuak kha, i hmang hial lo maw Hairehai :-$

    Report this comment

  19. 69
    ReMpY_ScisSoR Says:
    January 17th, 2012 at 3:39 pm

    He film poster hi hmanah tawh zualbonez an comment a a rawn paste ka hmuh khan ka save nghal a, picture ka duh zual ka dahna drive ah a la awm ve reng, in short, ka ngaisang a ni e. A hun ngaihtuahin in ngaihsanawm takzet a, tun hun heti zat kum a liam hnu pawha mizo film industry in hma a la sawn em em lo erawh a zialo angreng.

    Report this comment

  20. 70
    mr.Duhlova Says:
    January 17th, 2012 at 3:52 pm

    58
    PKfanai # A nih tak chu, ’90,91,92 vel khan rawng kan bawl ho thin…a zaithiam ve fu kha..ti raw !! (8) (8)

    Report this comment

  21. 71
    PKfanai Says:
    January 17th, 2012 at 4:02 pm

    @mr.Duhlova, nia ka hre deuh a. Kan zaidun nasa thin a lawm. Rainbow, Scorpion, Bryan Adams, Queen & Twisted Sisters ho hla kha Hostel kawtah kan sa nasa thin. Insual pawh a huai ang reng, ka him phah thin khawp mai. haha

    Report this comment

  22. 72
    dingtea Says:
    January 17th, 2012 at 4:30 pm

    van rei tawh hmel em em ve!!Ka la en lo reng reng, ka en ve chak hle mai a…

    Report this comment

  23. 73
    hnarliana Says:
    January 17th, 2012 at 6:57 pm

    haha,Pu Hv, vangchhe ho hi hnam nihna zahpui inching ve hrim2, kan nu pawh a naupan deuh lai chuan vangchhe nih azak a,anu hnam Ralte a tawmpui thin… ;-) ….a patea fate pawh athen khawlhring, athen vangchhia…Ralte nih ai chuan vangchhe nih ka thlang daih.. :-P :-D

    Report this comment

  24. 74
    H.Vangchhia Says:
    January 17th, 2012 at 6:58 pm

    hnarlian, a atthlak ngawt asin.

    Report this comment

  25. 75
    chhangteval Says:
    January 17th, 2012 at 7:07 pm

    Pi Makuri nulat lai hi ka hmu ve chak ngawt mai, a hmeltha bik ngawtin ka ring :-) Pu Hv chu vannei bik hle mai film te i lo chanpui bik a!!

    khawngaihthlak awm (Y)

    Report this comment

  26. 76
    sheldon Says:
    January 17th, 2012 at 7:32 pm

    Pu Hv, i film hi ka la en ve miahlo. En a va chakawm ve aw. Han dah mai teh please (ngen ngawih ngawih)Ka en chak teh mai ania.

    Report this comment

  27. 77
    H.Vangchhia Says:
    January 17th, 2012 at 7:48 pm

    sheldon #76, ka neilo alawm. A awm tawhlo an ti… tih chi mai mai angreng phian. Neih that atan mai mai pakhat chu ka duh ngawt mai.

    Report this comment

  28. 78
    sheldon Says:
    January 17th, 2012 at 7:53 pm

    E! Pu Hv, a va mak awm ve. Thil hlu alawm, nakinah i fate leh i tute ho in an la en duh dawn asin. Tinge chutia a copy zawng zawng a riral theih? Tunlai angin hmanrua changkanglo mahse a Video Cassette ang zawng te pawhin nei an la awmlo maw? Ka en ve chak teh ania.

    Keini te chu thlalak leh video a kan hmel a lan zeuh pawn kan capture a kan save hmak hmak ania :-D

    Report this comment

  29. 79
    Soberboy Says:
    January 17th, 2012 at 7:59 pm

    Dr Sheldon naktukah Vcd library hluiah zawng hmiah rawh lolz

    Report this comment

  30. 80
    sheldon Says:
    January 17th, 2012 at 8:02 pm

    @Soberboy, a cassette chu hmu ta tehreng pawh ni ila a player lam te? Pu Hv-a khian a neih ka ring tlat kei chu, a rawn dah duhlo mai mai anih khi, tet tawt mai

    OT: Nizan City an chak leh ta khut mai. A pawi lutuksss

    Report this comment

  31. 81
    H.Vangchhia Says:
    January 17th, 2012 at 8:09 pm

    sheldon #80 ka duh lutuk kawlthat atan. A copy min pek ve kha thingtlang lamah chhungten min dil a ka thawn daih bawk si. Nei ila chu a scene zialo lai lai la khawmin ka rawn dah tawh hrim hrim ang mawle hairehai :-P

    Report this comment

  32. 82
    Soberboy Says:
    January 17th, 2012 at 8:11 pm

    Dr Sheldon! nia SHITTY ho an chak ve khanglang saaalaa! ka hmuh vaih chuan Pu HV rawn sit set loin YOUTUBE ah ka dah ang :-P ;-)

    Report this comment

  33. 83
    sheldon Says:
    January 17th, 2012 at 8:20 pm

    He film hi khawiah emaw chuan a awm ang, haichhuah tum teh aw Sober :-D

    Makurin Pu Hv-a dar a a kuahlai pic khi ka duh tawp, an ding kak vel te, an sam buk dan vel te khi..hairehai :-D

    Report this comment

  34. 84
    mamboihi Says:
    January 17th, 2012 at 8:20 pm

    @81 HV, thingtlanga i chhungte chuan an la nei lo maw?..Ka en chak teh mai ania.. In hairstyle ho khi va changkang ve!!

    Report this comment

  35. 85
    sheldon Says:
    January 17th, 2012 at 8:22 pm

    mamboih, i dam maw? Kan tlar dun leh tuarh tawhin ka hria. Kan chawl lailawk teh ang :-D

    Report this comment

  36. 86
    mamboihi Says:
    January 17th, 2012 at 8:29 pm

    Sheldie dam e, in tha zel maw?. Tlar tuarh hi ka ching tlat tawh ha ha!!

    Report this comment

  37. 87
    H.Vangchhia Says:
    January 17th, 2012 at 8:29 pm

    sheldon, lo fuihpawrh kher suh :P

    mamboih, a awm tawh lovang :D

    Report this comment

  38. 88
    mamboihi Says:
    January 17th, 2012 at 8:38 pm

    HV hi i tawk fair lo ee… Copy hmuh tur awm tawh loh hnua rawn sawi leh vel si!!! TS a te khan lo hai chhuak teh se.

    Report this comment

  39. 89
    mr.Duhlova Says:
    January 17th, 2012 at 8:50 pm

    71
    PKfanai # A u LZa pawh kha tianghawl chung khan ‘PA’ ve tak a ni…. :-D

    Report this comment

  40. 90
    sheldon Says:
    January 17th, 2012 at 8:52 pm

    @mamboihi, kan tha ve zel e. Khua hi a vawt lutuk a, misual a luh pawh a peihawmloh thin. A chang chuan heater te ka hnuk hnai a, ka misual hram hram ani. Zanin chu khawvawt a ziaawm deuh a, ka thu char char mai.

    Report this comment

  41. 91
    ma-a Says:
    January 17th, 2012 at 9:21 pm

    Ka ngai hle mai! A lo rei ta viau mai leh nghal!Naupang mai ka(n) la ni!Ngaihzual nangnen! tih vullai kha!Kum 37 ka ni ve ta,ka damrei dawnin ka in hre lo!bye2 vek ule! :-D

    Report this comment

  42. 92
    H.Vangchhia Says:
    January 17th, 2012 at 9:22 pm

    PK-a leh mr.Duhlova te, Thanpuia te nen kan bawih (cowboy) lai chanchin kala rawn dah chhuak maithei ;-)

    Report this comment

  43. 93
    PKfanai Says:
    January 17th, 2012 at 9:37 pm

    mr.Duhlova, Lza kha a kawlh zia an sawi thin a, tiang kha a hawl reng bawk si a, a mak ka ti deuh thin. Pu Hv, keipawh ka hre nual mai. Mahse amah a la awm si a, Aizawl chuan chhuah hunah min lo vel palh ang, nang i huai deuh han dah chhuak teh.

    Report this comment

  44. 94
    caribou Says:
    January 17th, 2012 at 11:17 pm

    Download theih turin upload la, a link lo dah chhuak teh a.

    Report this comment

  45. 95
    aduhi Says:
    January 17th, 2012 at 11:21 pm

    remake/sequel chuuuuuu…. siam ilaaa??????

    Report this comment

  46. 96
    mr.Duhlova Says:
    January 18th, 2012 at 10:02 am

    92
    Pu Hv # Rawn ti tak tak teh… (Y) ‘Ngaihzual Nangnen’ pawh kha, a changtu pa Henry kha nangmah ilo ni tih hriat chhuah hnu hian en leh a chak awm thar hle mai…en na a rei tawh a, mumang pawh a tluk tawh lo.

    93
    PK # LZa chu pianthar hnu chauh a inkawp chho kan nia..kan in ngaina tlang thin khawp..ram -tla – man – khawm kha kan ni tlang a…. khuarei an chang zo ta, a thenin mual minlo liamsan ta bawk nen,lunglen thlak thin ta khawp mai. ;-(

    Nangnen pawh hian in hmu ta ila chu kan inhre vuai vuai a ngem aw te ka ti deuh… (I)

    Report this comment

  47. 97
    H.Vangchhia Says:
    January 18th, 2012 at 10:40 am

    mr.Duhlova #96 heta para 4 naa ‘Chhingaveng ami’ :P

    http://henryvangchhia.blogspot.....-hmun.html

    Report this comment

  48. 98
    PKfanai Says:
    January 18th, 2012 at 10:46 am

    Pu Duhlova, nia kan inhre riai ruai maithei.
    Pu Hv, i rawn dah chhuah chuan ka rawn belh ve hlek hlek ang(a pawilo chin ni a ka ngaih).

    Report this comment

Pages: « 1 [2] Show All

Leave a Reply

You must be logged in to post a comment.