Money Lullaby

February 17th, 2012 1:45 pm by lr hlonchhing

Sual chu súal rawh u…

*Tangka avangin ka tâng,
Pawisa hla ka sa ang.

*Sum lamah ka in sûm fova,
Cheng tam takah ngur zai sa-te an chêng a.

*A paa pakhat mah pai lovin,
A sawma sawmah min sáwm lungawi thin.

*A zaa za-ah han zà chung teh u,
A sanga sang-ah, sáng lo nafam chu.

*A singa sing-ah, sing ka lam fo;
A nuaia nuai-in min nuai chuang si lo.

*A maka maktaduai-ah ka dúai fia,
A vaia vaibelchhia-ah ka chhia.

*A tluka tluk-leh-dingawn chu nei ila,
Money Lullaby ka ti awm si lova.

Tui a tùi hle…

***Tlar hniha ka dahte khi, a tawp a thute in rhyme thei tur ang bera dah ve chu a nia. Pawisa kan chhiar dân bi – pa, sawm, za, sang, sing… (chutiang zelin) kaihlek kual mai mai a ni e.

(Chawngkhum dan tlang huat loh)

Hnial hrat chemtatrawta’n a dik lohna lai lo sél zat zat se, sheldon lo khak keuh keuh sela. Mi fak peih êm êm Pkfanai khan fak thung sela. Action song thiam chungchuang ReMpY khan naupang fel TuaiSialA leh Lamea25 action in a zirtir ang a.

H. Vangchhia thung chuan “Hairehai” tih bak a sawi a rinawm loh a, Kawl Hawk khan “Awke” a tih ngei a rinawm a. Mipa chu ni lose, ka bem ngei ngei tur chhuaklinga’n “Tren tren” a ti ngei bawk ang.

Mahminga Sailo ten an zawn mek lai hian, ka thinlung bathlara nilum ai pahin, nula fel leh hmeltha Tete-i ka lo chhai ang e. A chhan chu Ignatia engti zawngin nge a rawn chet dawn a hriat si lova.

17 Responses to “Money Lullaby”

1
Dr Mahminga Sailo Says:
February 17th, 2012 at 2:45 pm
I hla phuah kawi dan vel chu(h), a kal dik zaih mai a. Thu leh hla i thiam e…

Tuaisiala ka fak ang deuhin (ka fakna a la pawm duh chiah lo vel.. ), thu hi i pawtfan a, i hrualmum thul; a chang leh i vawmsawt vel ni maiin ka hria. Kei ni ang padarben tan pawha hriatthiam awlsam ni bawk si in. Lanu tleitiri pawisawilo haw paw pheu hmel ka thlir dan iangin, ka ang phuauin ka chhiar thla ve mual mual a. A tawpah ka hming a lo lang khut a…
Report this comment
2
Lamji Says:
February 17th, 2012 at 3:14 pm
Midang chai ah dah ang…sipai bo ka bang e… tho e.
Report this comment
3
TuaiSialA Says:
February 17th, 2012 at 3:32 pm
Khaih! Mahming…kan pawm rual zu ni hauh lo va!

Comment close vangin ka first loh phah…hehe. I ziak kikawi bengberek thiam e.
Report this comment
4
Levi Says:
February 17th, 2012 at 3:33 pm
A in rhyme dan ve mai mai chuh…mieow
Report this comment
5
muansakhi Says:
February 17th, 2012 at 3:35 pm
Rap chi emi aw? Staff notation han telh thei la comment a nuam tur. A thu hrim hrim chu a tha in a inman fuh char char kawp mai.
Report this comment
6
Hriatpuia pa Says:
February 17th, 2012 at 3:37 pm
Kawmen khar a nih lai khan ka kawmen chak khawp a a!

Rhyme tih vel hi ka hrethiam ve chiah lova. Pawisa chungchangah pawh ‘Sang’ ka thlen hi chuan ka buai titih zel tawh a. I thil post hi han chai vak ngaihna ka hre lo tlat

Post tha tak a ni chuan ka hria. Thu hi i thiam em em ringawt mai a. Tuiah pawh tla la i insawi chhuak thei hrim hrim ang.. Tin, post-a midang hming dah vak hian kawmen a tam duh deuh maithei a ni
Report this comment
7
lr hlonchhing Says:
February 17th, 2012 at 3:57 pm
Ka nghatebaka hlana an rawn published keuh chu le.
Kawmenter te ka lawm e ti thlarawk teh ang.
Report this comment
8
Dr Mahminga Sailo Says:
February 17th, 2012 at 4:16 pm
# 6… Thu hi i thiam em em ringawt mai a. Tuiah pawh tla la i insawi chhuak thei hrim hrim ang…
Report this comment
9
lr hlonchhing Says:
February 17th, 2012 at 4:34 pm
@Mahminga, mi fak tlak loh hi infak thin a ni. Thu erawh ka thiam chuang hauh love.
Report this comment
10
century child Says:
February 17th, 2012 at 4:39 pm

Report this comment
11
Dr Mahminga Sailo Says:
February 17th, 2012 at 4:41 pm
@ lr.. tak tak a lom. Kan ngaihtuah chhuah thiam loh hi lungkuai deuh hian in phuah chhuak thiam a..

Pawl 11/12 kan zirlai kha chuan (ti ve khanglang te’ng)hlahril tih vel hi phak tawkah ka tui ve thin. KF Thuamluai ziak Zothhlifim ka chhiar atangte khan Eng eng pentamar emaw te kha ka hre ve nial nual a.
Mahse.., Ui/zawhte/bawng/sakawr/lawi/ar/varak/hauhuk/sakei/sangha, adt., rhyme han zir tak ah chuan, ka hriat ve chhun chhun pawh ka theihnghilh ta vek…
Report this comment
12
sheldon Says:
February 17th, 2012 at 5:59 pm
I va phuah thiam reuh tak. A solfa han dah tel phei la chuh..haha
Report this comment
13
thachianga Says:
February 17th, 2012 at 6:01 pm
A tangka zawngin, a sum leh pai zawngin, a cheng zawngin a rawn in post a nih hi

rhyme tih lamah hi chu ka bo khawp mai.

‘Mai a lum e huiah,
Thangsirapa’n mai a lum e huiah’ tih aia thuk hi kala thleng lo a ni e.
Report this comment
14
Chhuaklinga Says:
February 17th, 2012 at 6:38 pm
A ni teh tak e a..
tren tren
Report this comment
15
haleluii Says:
February 17th, 2012 at 7:13 pm
hei chu thra hle mai, rhyme poh dik thlap lom, a sum zawnga ngaihtuahna hmang chu dangdai nalh hle mai
Report this comment
16
kilung Says:
February 17th, 2012 at 7:21 pm
He post chu ka va ngei tak!!! ka comment tum lai in COMMENT CLOSED a in tia… In hawng leh tho sia…
Report this comment
17
chawnghilh Says:
February 18th, 2012 at 9:25 am
Sanghal hi figure of 8-in a tlan phe vuai vuai thei … he multi-million figure poetry (parallelism) hi a tlan chak zawk hial awm e … “vatelubeu” han kai ngam law law lo deuh em ni?

Anna khat, anna ruk, dere, siki, duli nawi lam chu i melh chhin eih lo a ni maw? COINS a tel loh chuan … NO CHANGE!
Report this comment