…Ta Emni Le?
Khawvela sualna hrang hrang, inpawngnekna te, diklohna te, hleineihna te, tharum thawhna te, etc. etc. laka mifelte an him theihna tur leh duhsak bik nei hauh lova dik taka ro rel a, thilsual ti tura inthurual țhinte lak atanga mifel leh pawisawi lote chhanchhuak țhin tura beisei Dan lama thuneitute (Law & Force) hian an tih tur dik tak hi an ti ta lo emni? tih chu min tibuaitu leh zawhna ka inzawh fo a ni ve ta tlat mai!
Ava Thi Teuh Ve Le!
Kum 199 February khan, Anthony Porter chu tualthat-a puh a ni a, Chicago Jail-ah kum 16 zet a tan hnu-in, tûr hmanga chiu hlum tura (execution by lethal injection) hruai a ni a, an chiu-hlum hma minute 5 lek awm tawh-ah, dawta puhtu a inpuan avangin a him ta hrâm a ni! “Them crooked cops framed me. They didn’t care for the truth. It hurt me so much. My life is torn apart” tiin a sawichhuak hial a ni.
George Ryan, Republican Governor, Illinois phei chuan, January 31, 2000 khan thusawiin, “Illinois had a shameful record of convicting innocent people…13 inmates on death on death row have been proved innocent, more than have been executed” tiin. Hemi hnu hian uluk tawkin an han chhui chiang tak tak a, kum 1976-1999 chhung ringawt khan, mifel pawisawi lo mi 612 zet chu an lo tihlum hman tawh a, mi 81 te erawhchu an tihhlum hma-in an chhanchhuak hman hrâm a nih chu! An tihhlum tak chhungte tan hian a rilru nat-thlak dan tur hi suangtuah thiam pawh a har. Tam zawk-te hi nupui fanau nei an la ni zui bawk nen! Why God, Why? tih a awl ngawt ang.
Kohhran Hial A Inrawlh Ta!
Khawvela kohhran inzawmkhawm Pawl pakhat, World Alliance of Reformed Churches chuan an Inkhawmpui, the 22nd General Council, 1989, Seoul-a an neih-ah chuan “mi, a sual avanga tihhlum kher hi Pathian duhzawng niin kan hre lova, tihtawp nise tha kan ti” tiin thuchhuah an siam nghe nghe a ni. Â Â Dr. William Schultz, US Director, Amnesty Internation chuan mawi lutuk-in hetiang hian a rawn tlip a (ka lehlin thiamna-in a tlin love!), “Just as we don’t steal from the thief or rape the rapist, we ought not to kill the killer” tiin.
Tichuan, WARC hian Magazine-ah hial chhuah-in, an zawmpui kohhran member zawng zawng hnenah Anthony Porter-a chungchang khi entirna atana la chhuakin, “DEAD MEN WALKING FREE” tih thupuia hmangin, “mifel, pawisawi lote thiamlohchantir an nih thin (wrongful conviction of innocent people) chungchang” chu an campaign ta chur chur a, a hlawhtling hle nghe nghe a ni (ref.Update Magazine, Editor: Paraic Reamonn. WARC, Geneva, March 2000. Vol.10, No.1).
Kumtin Pawisawi Lo 10,000 Convicted Ziah An Ni!
Prof. C. Ronald Huff, Director of the Criminal Justice Research Center and the School of Public Policy and Management, Ohio State University, Prof. Arye Rattner, Sociology Deptt, University of Haifa, Israel, Prof. Edward Sagarin (L), Sociology Deptt, City College & City University, New York, te chuan research nei a, survey uluk taka an neih thlap hnu-ah, lehkhabu 1, “Convicted But Innocent – Wrongful Conviction and Public Policy” (Sage Publications, 1996), tih chu an chhuah ta nghe nghe a ni.
He research-in a thil hmuhchhuah (finding) a tarlan dan chuan, kum 1990 chhung ringawt a, Court-in a convicted mi 1,993,880 zinga 0.5 percent te chu “pawisawi lo” (innocent people) an ni tih a hmuchhuak a ni. Convicted mi 1,993,880 zinga mi 9,969.4 te chu “dik lo taka thiamlohchantir” (wrongly convicted) an ni tihna a nih chu! A râpthlak hle mai!
India-ah Pawh Innocent Conviction Hi A Tam Ve Tho I Ti Elo Maw?
Khawvel dangah chauh emaw hetiang harsatna hi an lo tawh kan tih laiin, kan ram Hamara-desh ah pawh hian Innocent Conviction hi a lo tam alawm le! High Court leh Supreme Court tih loh phei chu, Lower Court thutlukna-te hi duhthu a sam lo hle ni tur a ni. High Court leh Supreme Court te lah senso a tam avangin mirethei leh harsa te tan thlen mai a harsa bawk nen, thudik leh dikna hi a ngawi reng ta mai țhin ni-awm tak a ni!
Court hniam zawk-in, kut man (direct evidence) awm lovin, rinhlelh thu (circumstantial evidence) ringawt hmangin an lo convicted-te chu High Court leh Supreme Court ah chuan an lo ngaimawh hle ni tur a ni. Heng bakah, F.I.R thehluttute leh Police-te tanrual dan fuh tawk lo awm te, Case Investigating Officer-in F.I.R. thehluttuten an complaint chu a dik leh dik loh a chhui miah loh te, an mi man inpuanna (accused confession) tam tak rintlak tawk lo te, thuhretu dér (false witness) hman chungchang te, Arrest warrant awm miah lova mi man te, Court-a inlan miah lohva convicted te thlengin a awm ni-awm tak a ni, sawi tur a tam mai, rek-bung tawh mai ila…
Lal Isua Pawh Kha Dik Lo Taka Thiamloh Chan tir A Ni Ve!
Lal Isua pawh kha thiamlohna a nei lo. Mahse, Judaten an haw ém ém ringawt a, Bible (Torah) zirtirna leh Juda-te dan leh Rome sorkar dan bawhchhe vekin, dawt phuahchawpin, dik lo takin, inthurualin Lal Isua kha thiamloh an chan tir ve bawk a ni (Luk.20:19-26, John 7:1, 11:53-54, 1Thes.2:14-16, etc).
…Tichuan…Engtin Maw?
Nia, kan khawvel hi hetiang hi a ni. Hetianga thil a kal daih a nih chuan, engtia tih tur nge ni ta ang? Sorkar, Kohhran, NGO, chhungkua leh mimal-te hian kan ramah hian Dikna hi a lal theih nan engtiang in nge hma kan lâk ve ang?
Hawh u, I ngaihtuah tlang teh ang u…
(Web-link ka dah-ah hian detail takin ka ziak a, original web-link pawh a awm nual bawk. http://drjohnhamlethlychho.blogspot.in/2011/12/wrongful-conviction-of-jesus-christ.html,)
February 17th, 2012 at 10:31 am
Awke 1 😛
February 17th, 2012 at 10:39 am
ka hre bik lau post tupa 🙂
February 17th, 2012 at 11:23 am
Kum 199 ah Chicago jail a lo awm hman ani maw? (ka tifiam, kei hi nia type sual ching hlei hlei chu ni)
Hetianga conviction dik lo an awm thin vang hian alawm death sentance (execution) hi an dodal nasat em em thin. Awm deuh asin.
February 17th, 2012 at 11:31 am
(Y)
February 17th, 2012 at 11:40 am
Post tha tak leh ropui tak a va ni em! A dik thawkhat viau ang. Justice hi mihringte leh thilsiam dangte pawhin, kan mamawh tlang tak meuh a ni. Ni e, Lal Isua khan thiltha a ti a, mi dangte damna turin thu a sawi a, tu pawi mah a sawi lo a, mahse a rapthlak thei ang bera tihhlum an duh tlat si! Khawvela kan awm chhung chuan dikna hi a suala kan sual chhuah a tul fo dawn a nih tak ber hi! Pathian Thu dik taka sawitu emaw, thu hrim hrim, eng thu pawh dik taka sawi a, thil dik taka titute hian huat leh rel phar an hlawh zel dawn. Chu chu khawvel dàn zu ni tlat a! Kristian rama inchhal Mizoramah ngei pawh hian chu chu a kalphung a ni tho mai nia!
February 17th, 2012 at 11:40 am
#3 Borat, 😀 Thanks! Kum “1999” tih zawk tur a ni. “Tawng suar hi a awr em a, ziak suar pawh hi a awr bawk” a nih hi, Admin-te khan min lo tih-dik sak hram teh mai u..mmm. (Y)
February 17th, 2012 at 11:51 am
Famkim lohna khawvel anih zia a chiang viau thin mai.
Post tha tak ani e.
February 17th, 2012 at 12:53 pm
Helai sentence “Illinois had a shameful record of convicting innocent people…13 inmates on death on death row have been proved innocent, more than have been executed” pawh hi a kimloh hmel ka ti. ‘On death’ double bakah ‘more than’ leh ‘have been’ inkarah hian figure a awm duh hmel ka ti mai mai.
Post thatak a ni (Y)
February 17th, 2012 at 1:07 pm
ehe post tha tak anih hi a! sawi belh tur ka hre ve lo 🙂
February 17th, 2012 at 1:15 pm
A ngaihnawmin a bengvarthlak cher cher ngei mai! Engtin nge hma kan lak tak ang le!?
February 17th, 2012 at 1:23 pm
Machine changkang tawk convict ho thil tisualtu an nih leh nih loh ‘yes or no’ chat2 thei siamchhuak se :-S :-O
February 17th, 2012 at 1:31 pm
Eng judgement ber nge ka hrechhuak zo ta lo. “Mi fel pakhat diklo taka thiamloh chantir hi Mi sual 100 dik lo taka chhuah aiin a hlauhawm zawk” tih hi a ril hle. Fimkhur chu a ngai. Mizoram lam erawh chu mi kan tlem a, kan inthur nalh nalh thei a, Police te an fakawm hle bawk.
February 17th, 2012 at 2:26 pm
Tunlai khawvelah thiamna a sang tawh a, thiamlo thiama chantir te, thiam thiamloa chantir te hi kan nitin thil thleng pangai a ni zo ta. Chutih laia thil hlauhawm em em chu Mifing leh Lehkhathiam awm tha duhlo, mi te tana harsatna siam zawng hlira khawsa te hi an lo awm leh pek thin a. Heng ho bawk hian in mifel te chu dan eng engemaw tlawhchhanin, document diklo leh lem(fake) te hmangin, puh theina awm zawn zawng dapin mi an hekin an bei thin a, hemi vang te pawh hi a ni ang mifel leh mitha, awm pangaia awm te pawn trul lo deuha buaina an tawh thin ni………. (@)
February 17th, 2012 at 3:30 pm
(Y) 2
February 17th, 2012 at 3:36 pm
Ka chhiar laiin nizan ka movie en ka hrechhuak zawk mai..Sean Penn channa ‘Dead man walking’ kha. A lainatawm in a hmuhnawm khawp mai.
A hmasa ber leh a tawp berah chuan mipui hian dan hi zah in zawm ila,kan ta ani tih hria ila a tawk mai. Dan a corrupt chuan a ti corrupt tu te mipui bak kan ni chuang law,thuneitute puh hi I sim hlauh tawh teh ang u. Post tha tak anih hi mawle..MI leh huna zir ho ah a that dawn hi!!
February 17th, 2012 at 3:44 pm
He lei hi zawng misual leh vertherte dinchanna anih hi. Midik hrem leh misual hrem lohva chhuah zung zung hi a pawiin a thalo ve ve. Pathian hian Sual hi hrem lohin a chhuah mai mai ngailo tih i hre nawn leh ang u. Kan sualna avangin Pathianin a fapa rapthlak lutukin a hrem te kha a makin a Ropui asin.
February 17th, 2012 at 3:48 pm
A dik hle mai.. judgement dikloh avanga mifel misual a in let ta te pawh an awm ngei ang.. Fimkhur a tul khawp mai. Spelling diklo hi chu ‘Human Mind Power’ teh chhuah nan a tha ve hranpa a nia.. eg: a resaehcr in one univarseti revaeled that human raed with mind not with eyes..” Kan chhiar dik thei tho tiraw…?? :-$
February 17th, 2012 at 4:26 pm
“Just as we don’t steal from the thief or rape the rapist, we ought not to kill the killer” (Rukru thil ruk kan ruk ngai loh va, pawngsualtu kan pawngsual ve kher lo ang bawk hian tual thattu pawh kan that ve kher tur a ni lo) hehe.. :-$
:Intithiam:
OT: Tunlai chu, ‘…a pa’ tih kan tam thar thut a nih hi :-$
February 17th, 2012 at 7:35 pm
Ziak ngaihnawm khawp mai… Mahse kan ti tlat teh ang, mizoram te ang tualthattute thla thum vel hnu leka an bail chhuah leh mai theih thinna, naupang pawngsualtute rei lo te tanga an lo chhuah leh mai thinna hmun, eiru chiang kuang takte pawhin thiamloh an chan ve ngai meuh lohna hmunah hi chuan ‘Capital punishment’ ngei mai hi hman ve chhin ka duh riau mai…. 😉 (Y)
February 17th, 2012 at 7:54 pm
Sawi tur a va tam tak em ti raw maw! Ti mai teh ang.
February 18th, 2012 at 9:38 am
Pawisawi/pawikhawih map lo MESSIA …
Boney M hla mawi leh lungkuai EL LUTE min tihrechhuak pah bawk!
February 18th, 2012 at 9:42 am
Sheldon & Hriatpuia Pa ka (Y) (Y)
February 18th, 2012 at 1:15 pm
Good post. Ngaihtuahna a tikal thui hle mai
February 18th, 2012 at 9:48 pm
🙂 Thanks,
1.Comment țha tak tak petu zawng zawngte hnenah lawmthu ka sawi e.
2.Duh aiin a rawn chhuak hma thut a, ka edit hman ta lova pawi ka ti hle.
4.#3 Borat sawi “Kum 199” tih hi “Kum 1999” tih zawk tur a ni.
5.#8 sheldon sawi, “on death row on death row” tih tak hi chu double entry a ni, thanks sheldon. Mahse, “‘more than’ leh ‘have been’ inkarah hian figure a awm duh hmel” tih tak hi chu figure ni lovin, sentence hi ka rekbung a, a pawimawh chin chauh ka zawm vang a ni. Blog reference ka pekah a en theih bawk e.
6.#12 Chemtatrawta’n, “Mi fel pakhat diklo taka thiamloh chantir hi Mi sual 100 dik lo taka chhuah aiin a hlauhawm zawk” tih hi a ril hle. Fimkhur chu a ngai” a tih hi Judge, Magistrate & Lawyers te thuvawn atana Supreme Court thuchhuah niin ka hria. Kum 2011 Vanglaini-ah ka chhiar.
7.#13 Orchidz-an, “A thiamlo thiam chantir te, thiam thiam lo chantir te hi kan nitin thil thleng pangai a ni zo ta” a tih hi ka rilru a khawih khawp mai, kan hmabak niin ka hria.
8.#16 PKfanai -an, “He lei hi zawng misual leh vertherte dinchanna anih hi…Kan sualna avangin Pathianin a fapa rapthlak lutukin a hrem te kha a makin a Ropui asin” a tih hian min khawih khawp mai. Lalthutthleng var hma-a insawifiah tur hi an va tam dawn em?
9.#17 junior-a_pa ‘n “Judgement dikloh avanga mifel misual-a inlet ta te pawh an awm ngei ang” a tih hi, a dik lutuk, a taka thleng ka hre tawh. Dik lo taka Jail-a khung “Pathian ringlo lehnghal mipafa rilru dik tak chu phuba lak mai hi a ni” tih hi ka bengin ka hria a, ka mit ngeiin ka hmu bawk a ni. Chuvangin, dik lo taka rorel hi a pawithui khawp mai.
10.Ka zawhna 2 “Dan lama thuneitute hian an tih tur dik tak hi an ti ta lo emni?” tih leh “Kan ramah hian Dikna hi a lal theih nan engtiang in nge hma kan lâk ve ang?” tih te hi ataka kan chhan a ngaih hun a awm ngei ang.
11.Achunga kan sawi ang khian, dikna te, zalenna te, duhsakna-te tellova dik lo taka ro relsak kan nih a, harsatna, beidawnna leh mualphona-ten min chim huna kan innghahna ni thei se ka duh chu :–
“He dam chhung buaithlak takah hian,
Ka phunnawi lo, phur rit mah se;
Ka hmaah chawlhna a awm a,
Luipui mawi tak piah lamah chuan”
tih hi a ni,,,
February 18th, 2012 at 10:08 pm
@Dr John, i rilru a puitling hle mai. Helai ah hian in ngam tak takin tu post pawh mai hi duh dan dan in kan comment a, hre ber emaw te pawh kan inti ta ve ang. I rawn hrethiam thlap mai a, i ngaihsanawm khawp mai.
Khitia a engemaw lai kan rawn ziaklang te khi i post kan chhiarchhuak ngei ani tih lantirtu a nia, a tha ve riau a nia.
February 20th, 2012 at 1:14 am
😀 #25 sheldon, i anka nemah ka tawlh tlu mai dawn alawm le! Million Thanks, (Y)
“Flatter me, I may not listen to you,
Criticize me, I may not hear you,
But,
Encourage me, I will never ever forget you”