Hyderabad Zin (Trial version) Part II

March 10th, 2012 10:30 pm by chhingdailova

Trial version III: CU lamah – nula rim

Sawi tawh ang in ka zin chhan pakhat chu ran ngo zawn a nih kha. Ka zin chhan pahnih chu ka zo ta a, University of Hyderabad (CU tiin an sawi lar zawk a ni awm e) lamah ka in sawn phei a. Eng vang teh kher nge maw ni CU ah hian khaw dang sial ah pawh ka in ngai vak lo a, ka tlangnel nghal khawp mai a. Ka zir pui thian thenkhat chu awm se min zahpui hial ang chu. Ka cham chhungin an puipate; an lehkha thiam chhuanvawr tawlawl te nen a inkawmna hunte, an diplomacy thiam hmingthang hruaina hnuaiah campus fanna hun te, pawl hruaitu hlun nen inpawh taka titi na hun tha tak te, nula lamah forever young badminton khel tlan kual vel lai te ka zuk hmu in, kha tih hun lai a CU in pui ber Room no 421MH-C ah tlangnel takin ka zuk tal ve hman a, ropui ka tiin hlawk thlak ka ti tak zet a. Mahse sawi tawh angin CU lama ka hun hman pawh hi a tu tak tak mah ka zuk bel chiang kuang hmang lova, a rei lo lulai em a, a trial version a ni leh deuh ber in ka hria.

CU ah hian Mizo zirlai 50 dawn an awm thu leh an in lungrual thu te ka ngaithla a. Sawmnga (50) rual zinga chuan nula 20 /25 tha lam chu an awm ngei chu a rinawm, 25 vel zingah chuan a ‘mel hawih’ deuh te pawh an awm ngei an tih chu ka ring a. Mi 2, ka thiannu thin leh ka unaunu (second cousin) an awm a, an ni paih pawhin 23 an awm a. Chung zinga 5 chuan campus tlangval emaw khawtual mi(Hyderabad a Mizo tlangval) pawh lo ngaizawng sela 15 tha lam chu beisei awm an awm ngeitur a beisei a ni a.

CU hmun chhuanvawr Shopcom (shopping complex) lam hi kan thlawh awl lova, chhun chaw eiin tlai lamah lah kan inhnawh puar thin a. Mahse, nula kha kut zungchal a han thliah nghauh nghauh pawhin 8 vel chu ka hmu chauh mai a, Trial version nih dawn hi ka ti leh mai…. A dang 7/8 vel khawi lam ah nge an awm ang le tih chu ka chhut chhuak thiam tawk bik lo.

Social Science ho chuan Mathematics kan chawk thiam lova, mahse, Game theory hi kan chawk ve thin a. Awle, Game theory chuan CU ka cham tawp ber ni kha in chhut ve teh ang aw.. ka thlen in pa in hla zir a tum a, ka kal ve duh leh duh lo min zawt a, tin, chu tih lai chuan Campus a fan theih bawk a. Le..i chawk dawn ila… Hla kha lo zir ila, mi thar leh melhawih deuh pawh tawnna hun ka nei ang a, hmasawn in ka ho thei a, mahse academic lamah chuan ti ti tur ka nei tlem deuh ang. Campus fang ila Academic lamah chuan ka hmingtha ang a, ti ti tur a awm deuh ang, mahse kawng thenkhatah chuan hmasawn lo in ka haw leh thei tlat. Aw, hetiang hian lo chhut ila..thlan tur a a chiang a sin mawle…

Social science ah chuan Zeldin theory hi a tangkai em em a. Khawnge zeldin theory in hmang leh lawk teh ang. CU a ka thlenni khan globally Khatla South nula te nen campus fang tur kan ni a, ka nghak reng a, ka thlenin pa pawh in hruai tir lovin ka nghak a, mahse campus fang turin an lo lang leh di de si lova. Kha mi ni khan campus kha fang ila chhuan lam tur a tlem anga hla zirna lamah khan ka kal ang em le….zawhna hlir zawhna hlir a ni….zeldin thoery mai mai ..hui ha

Amaherawhchu, Campus min fan pui tu khan mi tlawhpui chipchiar a, a hneh sawh khawp mai a, a nuam phian a. Mahse tun hnu hian ka thlir let hian eng vangin nge campus ka fan vel aw..tinge hla ka zir loh aw tih hi zawhna ka chhan theih loh tura ni kumkhua dawn ta. hui ha…

Trial version IV: Vai tawng

Vai tawng hi kei aia thiam lo an awm chauh hian ka thiam a. Campus kan fanna bike chu khual pawimawh a phur tih a hre lo nge ni a chik tut tut reng mai a, a siam tir turin kan kal a. A bike neitupa hi kei aiin vai tawng a lo thiam lo kher emaw ni. Ka thiam thar deuh thut lo na a, a tawng ka leh sak vel… trial vek a nih hi. Mechanic pa lah kha chiang hek suh. A chik chhan kha thil hran theuh vawi 3 a sawi kual a. A hawng vel a, mahse eng a mah kan ti lo vek a pawisa neih loh chhuan lamin a hawn sa te pawh kan vuah tir leh a, mahse kan sil tir hram a, Kan han sil zo chu bike chik a reh daih mai ….bike a bal vang hian chik thei tih hi sawi ila mawl min ti fe fe an tam ngawt ang…. mahse an sil hnu in a reh miau si a, eng tin nge kan tih ang…ka vaitawng thiam tak vang em ni ang le……

Beef biriany ei lo a ka haw chuan ka thian ten min nuih nasa dawn lutuk a. Beef biryani ei turin kan han chhuak te lah chuan a sam sei tel lo ngat in a pa rual thiau mai kha dawrzawn chanve aia tam, TMB pawh nawr lum zo tur khawp, pasarih lai mai kan han chhuak leh nghal a. District hran daihah biryani kan ei a ve vang vanga, mahse a tui pawh ka ti neng lo e a. Kan chaw ei zo haw lah chu ka thlen in pa mut chhuak hma vangin ka haw hma teh vut a.. thinrim ngawt ila a sawt chuang der silo. Hun a kal zel a, a tuk ka haw a ni tawh mai si a, rilruin ar bo a zawng a, kei mikhual, khual ah pawh khual pang zin mai mai khan eng tin nge ka zin a ka kal chhan pakhat hi ka tih hlawhtlin ang tiin ka in zawt ve melh melh a, engtia tih tur nge tih lah chu India leh Pakistan in kar buai chinfel a huphurhawm tluk zetin a huphurh awm si a.

Hyderabad a ka zin tuma mak ka tih deuh chu an zu dawr hming kha a ni a. India ram hmun then khatah hia chuan zu dawr reng reng hi Wine and Beer Shop tih hian an tar ni mai hian ka lo hria a. Vawi khat kan kan bus atang hian Liqour bank tih in tar kuau mai kan hmu chu mak ka ti khawp mai. Anni chuan zep leh ih a awm hran lo hmel hle mai ka ti a. A hminga pu chhuak dik hmel hle hian ka hre bawk a. Motor cycle leh scooter khalh in lukhum (Helmet) an khum miah lo mai kha mak ka ti em em bawk a. India ram hmun dangah pawh a awm ve zauh zauh a, mahse a khawpui hulum lai berah pawh an khum miah lo kha chu a mak ka ti ve khawp mai.(South India lama chuan lukhum (Helmet) hi an lo khum ngai vak lo a ni awm tak a ni.)

Kan khawmpui kha Ninga (5) lai mai a ni a, a rei deuh bawka dawhtheihna hian a tlin mang lo lek lek thin. Hmeltha deuh lah kha an vang ve khawp mai a, keimah tel in. Khawmpuia kal ve ta lema an lehkha mawi (certificate) pawh hawn lo a haw pawh ka pawi ti lova. Mahse, Moreh (Manipur) khaw Lal (chief) fapa, khawmpui naa ka thian chhar thar khan mi nawr vangin Mizo inkhawm a tel thulh thakin ka certificate ka nghak a. Inkhawm thulh thaka ka nghah chhuah ka certificate hian zirna lam mai nilo hian a changtu nu tur zawnna kawngah min pui loh vaih chuan, CU lamah lah chuan eng ruai ka va nita bawk silo nen Hyderabad zin chu hlawhtling tih a sawi a har mai thei a ni.