Japan Zawngtah bawk aw !

March 20th, 2012 2:00 pm by lushai_er

[Source : MUP Tlangau Jan 2012]

Tunlai chu bathroom rim a tui loh chang a awm zeuh zeuh nen, post awm nual tawh mahse a season lai kan chuh ve ange

Hmanni kan thiannu facebook-a thlalak pakhatah chuan zawngtah pics a rawn post teuh a, han en chian chuan Japan zawngtah lek hi a lo ni a. Ka en liam thuak a, mahse kan comment leh zauh pek a..…”..’Japan Zawngtah’ an ti” tiin

Nia, kan thiannu hi a pa vai a ni nen, phaiah an seilian bawk nen Mizo tawngin an tawng thei chu a lawmawm tih tawh mai ang. Mahse zawngtah han tih liam ngawt zawng, ka lai a dam thei si lo, hei post siam ka tum ka puitlin theih loh chu ka siam phahna chhan a lo ni ta reng mai

A thlalak kan zawng (google) a, hei a lo tam mai a. Kan hre deuh vek turah kan ngai ringawt a :-

https://misual.life/?p=70120&cp=all#comments

https://www.lawrkhawm.com/index.php?page=4112

https://www.lawrkhawm.com/index.php?page=6163

Pu Duhlova khan WWII laia Japan atanga a tiak, a pa rawn hawn ang khan a sawi a (https://misual.life/?p=70120&cp=all#comments) ; mahse hei source dang a awm ve leh tat lat mai. Hetiangin

“Indopui II-na 1939-1945 khan Mizo tlangval thahnem tham tak sipaiah an kal a. Chung zingah chuan I.A.M.C (Ruangla) kan tih mai Lucknow-a training ho kha tum khata kal tam tham deuh an ni a. Nitinin lawmnute nena feh ho thin kha an reh ta vung vung mai si a, dama inhmuh leh pawh an beisei lo a ni mai thei a ni. Chuvangin nulate kha an lung a leng thei em em mai a, an inchhuih/bah palh changte hian “Awi ka nu Lucknow” an lo ti thin a ni awm e. An demawm lova.

Khang sipai zingah khan Tv.Lalringliana, Durtlang Melriat khua pawh a tel ve a. Java khua ami Zawngtah te chi chu a chi chang a rawn hawn a. Durtlanga an huanah chingin a tipung a. Chu chu miten ching darhin an tipung zel a, tunah chuan Zoram khawtinah kan nei ta fer fur mai anih hi.”

Indopui I-naah pawh khan kan pute khan French antam chite, Jerusalem ser chite an rawn hawn tawh bawk a. French antam hi kan antam neih tawh zingah hian a tui ber a niawm e. Ar pawhin a chuk duh ber.

Jerusalem ser pawh hi a thur nasa lova, tui a ngah a, ser tui tak a ni. A tui sawr atan a tha em em bawk, kawthalo damdawi tha tak a ni.

Kan hnam la naupang tak hi hmasawnna kawng tinrengah nasa takin hma kan sawn a, hetih rual hian kan history hi kan hriat nawn fova, kan thil hriatte ziaka dah uar hi thangtharte hian kan bat a ni tih hre nawnin a inchuh lam ni lovin, thil dik zawk a chian theih nan theihtawp I han chhuah tlang leh teh ang u.

41 Responses to “Japan Zawngtah bawk aw !”

1
lr hlonchhing Says:
March 20th, 2012 at 2:16 pm
Ei ang aw..
Report this comment
2
vakul Says:
March 20th, 2012 at 2:27 pm
vai ho hian an ei ngai si lo a a tam bawk si, chhungkuain tui kan ti bawk si, kan lo ru leh deuh tu tu thin.
Report this comment
3
rfahauhnar Says:
March 20th, 2012 at 2:34 pm
@lushai_er : @Duhlova pa hi Pu Lalringliana hi a lo ni reng ang e ??
Report this comment
4
Lamji Says:
March 20th, 2012 at 2:45 pm
Sentence tawp dan chu ka duh hle mai. Jerusalem ser…ka vawi khat hriatna.
Report this comment
5
roseparvul Says:
March 20th, 2012 at 2:54 pm
Nula inla zawngtah duhlo deuh hi a heh heh an ni duh an ti
Report this comment
6
CFL Says:
March 20th, 2012 at 2:58 pm
Post bengvarthlak tak a va ni em.
Tun hnuah chuan Japan Zawngtah sawi rik apiangin Tv.Lalringliana, Durtlang Melriat khua chu lo hriat chhuah thin tawh tur a nih chu.
Report this comment
7
blackmagicwoman Says:
March 20th, 2012 at 3:05 pm
A scientific name chu Leucaena leucocephala ni awm tak a ni…ka google chhuah hi a dik chuan. Hei a thlalak ah chuan mizo in japan zawngtah kan tih chu ni ngei in ka hria. Tui ka ti vak lo….zawngtah pangngai ka duh zawk daih.

https://farm2.static.flickr.com.....b6a4f8.jpg
Report this comment
8
Dr Mahminga Sailo Says:
March 20th, 2012 at 3:15 pm
# 7…

A hnah khi ranchaw tha tak a ni a, a rah lah chawhmeh tui a ni bawk si…

Zawngtah pangngai aiin a rim a na lo va, siam a awlsam bawk si. Kei chuan ka duh zawk daih…
Report this comment
9
rfahauhnar Says:
March 20th, 2012 at 3:19 pm
Zawngtah te chi ti lova Japan Zawngtah kan tihna chhan hi @Duhlova sawi ang hian a pa’n Japan ram atanga a rawn hawn vang nge niang, Japan thil siam sleek leh compact vang zawka tehkhin nan kan la zawk? Japan theite tih te pawh kha a awm kha maw le !
Report this comment
10
Ruata Pachuau Says:
March 20th, 2012 at 3:21 pm
OT te’ng MI atangin
Report this comment
11
rfahauhnar Says:
March 20th, 2012 at 3:30 pm
Kei pawh Pi Black-i sawi ang khian Japan Zawngtah hi tui ka ti ve miah lo !

Tahlim chhuah chhawng kung ngei, pum tha theh thawh, chaw bar khat bar paha a mu pum khat han thei siah siah mai ka chak khawp mai. A pum tha tak tak hi chu a thlum suk thei

Saum tho thar leh hmarcha hmui nen han bawl ila, thaw rim leh pum lam ngaihtuah reng reng lovin han vam pawp pawp ila!

A no deuh lai chuan Tomato leh nghathu rawtah zawngtah han telh ila, a duh zual tan bekang telh tur awm bawk se. Nghathu-ah pawh Shillong tumtap ni thei ngei se…Japan Zawngtah hian a tuina chanve pawh a pha lovang Pu Mahming.
Report this comment
12
blackmagicwoman Says:
March 20th, 2012 at 3:40 pm
@rfahauhnar, awi i sawi ang khian ka duh dan tak…chaw ei turin min lo sawm…please!!! saum nen a bawl phei hi chu e….awi, ka sawi hlei thei lo!!
Report this comment
13
Hriatpuia pa Says:
March 20th, 2012 at 3:47 pm
Japan zawngtah ngei chu a nih hi. Engpawh chu ni se, Japan zawngtah tui lo tihte chu, a zawngtah duh loh thlak e mai ..
Report this comment
14
lushai_er Says:
March 20th, 2012 at 3:51 pm
E khai mi concrete chhun lai laiin zawngtah in lo sep rawtui e lo…..!

@bmw: I dam thin maw ? hmanni chu zawngtah pum tawk ka dawng a, ka pum a nuam lo (tun thleng hian), a ni tun mai. @rfahauhnar sawi ang deuh khian saum leh hmarcha bawl nen kan pawlh a, pum a dik thei reng reng lo mai

Japan Zawngtah hi WWII hnu a kan ram a awm a ni tih chu an sawi hre mah ila, Japan ram atanga an hawn ti zawng hian ka hre ngai lo. Japan-ho thilsiam hi te fel ren rawn, tha tak si anih thin avangin Zawngtah miniature size hi Japan Zawngtah vuah kan ni mai em te ka ti ve mai mai.

@Duhlova i lo ngai chang phawt teh ang.
Report this comment
15
Dr Mahminga Sailo Says:
March 20th, 2012 at 3:53 pm
#11… Chil i va tiput mai mai e…

Kan upa ber phei chuan, zawngtah no (a mu pum hma) hi chuan a a char-tin ngat lo chu tiin, chaw barkhatah lep 5/6 te a thuah thin A mupum tawh hnuah, a mu zai phel a phal miah lo bawk..

rfahauhnar… Ka inlachangkang velin, zawngtah ka’n duhlo fiam vel a nih khi…, misual nula te an awm ve si a
Report this comment
16
PKfanai Says:
March 20th, 2012 at 4:03 pm
NE Games RG stadium mualpui ami opening ceremony Live in kan en mek a(DD Sports ah). A chhuanawm ve khawp mai. Cheraw kan a mawi e.
Report this comment
17
century child Says:
March 20th, 2012 at 4:15 pm
Post BVT tak a ni
#11 mai2 chuh mi riltam lutuk lai2 in saaala
Report this comment
18
lushai_er Says:
March 20th, 2012 at 4:24 pm
#16: MNF kawngzawh chuan a bumro deuh lo maw? Tluang takin nei thei se !
Report this comment
19
lushai_er Says:
March 20th, 2012 at 4:37 pm
Ka pa hian zawngtah hi kum tluanin a nghei lo tih theih a ni. A kung huan-ah kan ngah bawk a, a mu hi a khawl nghek mai a. A duh hun hunah a chiahpuam a, a siam thin!! Vitamin A-Z a awm a tih chu…
Report this comment
20
Pluto Says:
March 20th, 2012 at 4:38 pm
zapan zawngtah hi vairamah hian a tam ngawt mai,ka hriat sual loh chuan Northeast ah chuan manipuri leh naga ho hian an ei ve
Report this comment
21
ulawng Says:
March 20th, 2012 at 4:40 pm
Kan naupan lai hian kan ekin(mizo ekin ngei) bulah khan a awm thin a, naupang kamhlei a thuchang kan lo ru a, a hlangin kan ei vel thin.

Vai hmarcha te kan tihte hi helai vai ho hi chuan Mizo hmarcha an ti deuh tlat. Nei ve miau hek lo!

Tuikuk vawk kan tihte hi ‘Zo-vawk’ a ni zawk e, a ti a ni lo’m ni kha le
Report this comment
22
Dr Mahminga Sailo Says:
March 20th, 2012 at 4:46 pm
# 20… Manipuri chuan zawngtah hi an chhum thin. Mizo tawng nen pawh a inhrul khawp mai ZAWNGCHAH an ti. Mizo tawng an hre thawi te pawh a ang viau…
Report this comment
23
maawma Says:
March 20th, 2012 at 5:34 pm
Japan zawngtah kan koh na chhan an sawi pakhat ka hriat chu, II world war lai khan Japan sipai rawn chhuk thla ho khan ram hnuaiah in Camouflage nan an rawn hmang a ni awm e, chuta tang chuan Japan Zawngtah tiin kan sawi an ti.
Source: Upa ho ti ti ka ngaihthlak na atang in.
Report this comment
24
Awmtea Khiangte Says:
March 20th, 2012 at 5:37 pm
Post maipawl putna a ni e
Report this comment
25
lushai_er Says:
March 20th, 2012 at 5:45 pm
@23: Japan Zawngtah hi camouflage nan an hmang tih chu ka vawikhat hriatna a ni ka ti ! Japan Hlo erawh a chi an theh a, fur lai phei chuan kar lovah a zam nasa hman an tih chu ka hria a, camouflage nan em a han hman chi a ni dawn em ni?

A kung hi i hmu tawh ang a, thil han hliahkhuh tham a hnah hlai leh kung lian pawh a ni zeng si lova, Japan-Hlo nen hian i ngaih fin a ni thei em?
Report this comment
26
funny™ Says:
March 20th, 2012 at 5:52 pm
Tui deuha siam dan hria in awm em ka awmna ah hian lawh mai theihin a awma hmanni chu ka lova a hel in ka’n ei hram pek a.

manipuri ho pawh hian an ei thin (Japan atanga an lak ani ve angem phei chu ka hrelo a) hmanni ah pawh manipuri pakhat in alo lo a.
Report this comment
27
Dr Mahminga Sailo Says:
March 20th, 2012 at 6:06 pm
funny™ … A awlsam ber chu, i lawh kha tuiin silfai la, keih hmek hmek rawh, a tui em em a nia. A aia tui i duh chuan Saum nen bawl rawh, i lei i lem lo chauh ang…
Report this comment
28
Levi Says:
March 20th, 2012 at 6:26 pm
@11 I van ngeiawm zawt zawt tak…pum i ti ri ruk ruk alawm le Japan zawngtah hi chuan Zawngtah te hi chu a ne pawh a ek pha lo…mahse a siam thiam in an siam hi chuan a tui khawp mai. Post tha tak a ni…Japan ral lianin min chim buai laia rawn lut a nia…kan ti Japan zawngtah ta mai a va nih hmel ve..
Report this comment
29
sheldon170 Says:
March 20th, 2012 at 6:47 pm
Zawngtah hi a tui, mahse a uih!! Japan zawngtah hi chu a uih ve lutuk lo deuh in ka hria.
Report this comment
30
maawma Says:
March 20th, 2012 at 7:04 pm
@Lushai_er: Vawi khat an sawi ka hre ve tlat lawm. An sawi dan chuan, Japanese ho kha ramhnuai atanga an rawn chhuak kha, an lukhum (helmet) ah hnim dang nen an rawn thiat fur an tia(camouflage), keini Mizo ho lah Ramhnuai a hnim/thlai hmuh thar apiang ei chhin vek kan lo ni bawk nen

Dawt nge thutak pawh ka hre tawh bik lo…… Ka hmuh ni ve tawh hek lo le
Report this comment
31
TuaiSialA Says:
March 20th, 2012 at 7:09 pm
A bengvarthlak teh nuaih e!
Report this comment
32
lushai_er Says:
March 20th, 2012 at 7:28 pm
#30,@maawma: In sawi chuan a awm viau tho mai.

Camouflage han tih khan an bunker, motor, dump vel hlir kha rilru-ah a lut pek a lawm le. Nia, Delhi velah pawh hian a tam khawp mai. Tropical hnim erawh a nih hmel ka ti ve mai mai.
Report this comment
33
mr.Duhlova Says:
March 20th, 2012 at 8:16 pm
lushai_er

Tv.Lalringliana, Durtlang Melriat, ngei khi a lawm KA PA duhtak chu, kum 1990 khan chatuan ram min pansan ta a ni.

I sourse dang khian a rawn nemnghet sauh a nih zawk khi..
Report this comment
34
mr.Duhlova Says:
March 20th, 2012 at 8:37 pm
Tv.Lalringliana hi, Durtlang Melriat khawchhuak a ni a, Thanchhingi Durtlang, Hrangzuali U nen innei in, Chaltlangah awm hmun an khuar ta a….Chaltlangah hian..mr Duhlova(nick name) pawh hi, unau zinga anaupang ber atan alo piang ve a ni.
Report this comment
35
rfahauhnar Says:
March 20th, 2012 at 9:49 pm
@mr.Dulova: I pa chu a damlai hmuh ve hman a chakawm hle mai. Ka comment #3 na khi ka fiamthu mai mai a nia, thil i rawn hai lang kuarh a. A post tupa lah hi a ngawi reng bawk si a. I pa chu a chhuanawm hle mai
Report this comment
36
Dr John Says:
March 20th, 2012 at 10:06 pm
Very Informative and Delicious Post
Report this comment
37
lushai_er Says:
March 20th, 2012 at 10:27 pm
Chhingdailovate’n an post a, keini a tak ramah kan cheng a ! Srilanka leh Bangladesh match ka lo en tui lutuk a, rin ang ngeiin India an tla dawn e. V.Kohli khel hmu chak hle mah ila, Pakistan nen an final hmel ta si a

#33, @mr.Duhlova: E khai tlem a tlemah “curiosity kills the cat” kan ti tep a lawm le. I pa a lo ni kher chu ka va han lawm tak em! A thlalak misual.commer te min hlui thei ang em le??

@rfa hian a risk fuh teuh hle mai, “Chhura umpui mu hriat” an tih ang kha chu a ni lem lo’ng chu maw ?

Japan Zawngtah hi a tiak a hawn nilovin, a mu chang a hawn a ni zawk tihna a ni dawn maw Pu Duhlo ?

Ti hi chuan Feren Antam hawntu pawh chhui a phhur awm ta deuh a lawm
Report this comment
38
mr.Duhlova Says:
March 21st, 2012 at 7:27 am
3
rfahauhnar # fiamthu mahnise, i intelligent na a lang hle…i ngaihtuah zawn thiam viau..fianthu huatthlalalo tak a ni
Report this comment
39
mr.Duhlova Says:
March 21st, 2012 at 7:36 am
37
lushai_er # Hei aw, thlalak chu, hmanlai kan pian hma a mi tawh a ni – hman deuh a Mizoram kan lo haw khan tlem ka hawn thla hlauh a, ka rawn show theih phah a ni e.

https://i.imgur.com/DWRZB.jpg

Ka pa nau hi, Robuaia Lushai, Indopui pahnihna a, Kohima a Japan in an kah hlum ve, a thlan pawh Kohima war cemetry a awm ve ta khi a ni bawk.
Report this comment
40
XaiA Says:
March 21st, 2012 at 9:17 am
A mu pickle hi a tui sin aw!
Report this comment
41
lushai_er Says:
March 21st, 2012 at 10:19 am
Pu XaiA chu pickle siam dan rawn post la a tha dawn ve!

@mr.Duhlo: Thanks for the pic; a thar deuh pawh kan hmu chak tho a nia.
Report this comment