Khawvêl changkâng zêlah Mizote pawh kan khawhawi a zau va, khawvêl tukverhah kan dâk chhuakin thil changkâng kan hmuin kan tawng mek zêl a ni. Information Technology khawvêlah hmasâwnna hi a zuanin a zuang tak meuh meuh a, mit leh beng tihtleina tûr a zawnin kan zawng ruai tawh a ni. He ‘mamawhna’ hi a zual zêl dâwn a, chuvangin a ṭha lama kan her a ṭûlin, naupang nun a ṭha lo zâwnga kaihruai thei leh en tlâk vak loh (Kristian perspective) luahlan tûra kan thiamnate kan hman ṭangkai a ṭûl tawh hle.
Liandovate Unau
Tunlai cartoons hmuhnawm tak tak en tùr a awm laiin Mizo thawnthu ngeia siam cartoon erawh en tùr a la tlem hle. Mizo thawnthu cartoon phei chu a lem lehzual a, en a phûrawm vak lêm loh.
Ben 10
Cartoon ṭhenkhat phei chu power an neiin ringtu tân phei chuan en a ṭha lo tiin mi tam takin an sawi ṭhin a, nu leh pa tam takin fate en atân phal loh chin an nei ṭhin. Mahse, naupang tân hetiang tluka hmuhnawm leh en châkawm hi a awm chuang lo.
Cartoon Network (cartoon tenau)
En lo tûrin khap ṭhin mah ila, kan khap hneh tak tak chuang lo vang. A nih chuan, zirtir nei ṭha bawk si, changkâng lehzual zâwk leh en châkawm zâwka Mizo cartoon kan siam a hun ta! Chuti ang tithei tûr mithiam tak tak pawh kan nei ngeiin a rinawm, mahse tûn thleng pawhin hmasâwnna lian tham hmuh tûr erawh a la awm si lo. A thlâkna tûr Mizo cartoon hmuhnawm tak a awm hma loh chuan kan faten hnam dang cartoon, hmuhnawm tak tak hi an la en zel dâwn niin a lang. Chu chuan an ni tin nun pawh nasa takin a kaihruai zêl dâwn a ni.
Similar Posts:
- Changkang ang aw !
- Cartoon network a kan naupangte thil en hian nghawng thalo a nei thei angem?
- World Cup – 24 June a khel turte
- Hei hi maw khawvêl chu…?
- Mizo Thalaite leh Satanism
March 22nd, 2012 at 9:43 pm
Chhiarin en ila..
Report this comment
March 22nd, 2012 at 9:43 pm
en i la……
Report this comment
March 22nd, 2012 at 9:45 pm
2
ahooma_ Says:
March 22nd, 2012 at 9:43 pm
1st
Report this comment
March 22nd, 2012 at 9:49 pm
hahhah, ka tih ve chhun a sin le, Tuaia!
Report this comment
March 22nd, 2012 at 10:02 pm
Lalruanga & Keichala hi a ‘folktale’ atanga peng bo duaih si lo hian ‘cartoon’ tal paw’n han sawngbawl vel se…. En a chakawm a sin. ’3D Animation’ leh ‘movie’ chuan kan la thei dawn lo chiang si a!
Spiderman, Batman, Werewolf vel ai chuan kei chu keimi (Tigerman) hi pa ka ti zawk :-). A ‘hit’ ve viau thei…. I guess ;-)!
Report this comment
March 22nd, 2012 at 10:26 pm
Tha hle mai a,
mahse kristian perspective zawnga kalpui tumna lutuk ah hian a nihna ang pawh a kal bosan vek mai ang tih hlauhawm lo ti ve ngawt teh ang………..Sakhaw firfiak zawng hian a kal ve vak thei mai a ngem?? tih chu hlauhawm ve tho mai…………
Report this comment
March 22nd, 2012 at 10:26 pm
Spongebob Squirepants!! Ni e, kan pu ber Chhura te pawh han siam teh u!
Report this comment
March 22nd, 2012 at 10:29 pm
Chhota Bheem en tui lai lai a..
Report this comment
March 22nd, 2012 at 10:29 pm
Cartoon en that lohna tih hi tu rawn sawi chhuah leh tu Survey Result nge aw?
Report this comment
March 22nd, 2012 at 10:46 pm
#9 tv lamah leh khawi hmun2ah chuan cartoon power nei tam tak hi naupang tan en a him lo tiin an sawi ka hre nual mai. A bikin kristian thlirna atanga sawi an ni. Naupangin power neih ve an duh chuan Pathian hawisanin thil tha lo an ti palh thei an ti thin, a dikna chen tam tak a awm
Report this comment
March 22nd, 2012 at 11:00 pm
Helai sentence bik, “chuvangin a ṭha lama kan her a ṭûlin, naupang nun a ṭha lo zâwnga kaihruai thei leh en tlâk vak loh (Kristian perspective) luahlan tûra kan thiamnate kan hman ṭangkai a ṭûl tawh hle”
i tih tak hi chu… Sentence construction hi i tum loh lam a hawi thei dawn tlatin ka hria a nih chu? Tawngkam kim lo a awm nge? Bracket chhunga mi “Kristian Perspective” tih tak hi a awm lohna turah a awm a, tawngkam belh hlek a ngai em aw… ka ti hial?
Hei hi i sawi tum a ni zawk em aw? “chuvangin a ṭha lama kan her a ṭûlin, naupang nun a ṭha lo zâwnga kaihruai thei leh en tlâk vak loh luahlan tûra (Kristian perspective HMANGA/KALTLANGA)kan thiamnate kan hman ṭangkai a ṭûl tawh hle” tih ni ta se, i sawi tum hi a phawk zawk ang em aw, te ka ti (in thlahrung chung chungin…
)
Keimah hi ka fiah loh vang zawk nge?
_________________________
I added cool smileys to this message… if you don’t see them go to: https://s.exps.me
Report this comment
March 22nd, 2012 at 11:05 pm
Cartoon en hi khap leh bur mai ang u..haha.. kan hneh loh chu a hman thiam dan inzirtir mai tur. eg. En hun, en tur chi, naupang tana him chin..etc. Mizo ten engtikahmah kan thiam lovang tih leh ngawt thin hi a zahthlak.. Khap bur hi a solution a ni lo. U kno wat i mean!
Report this comment
March 22nd, 2012 at 11:07 pm
A awmzia chu Kristian perspective atanga cartoon en tlak vak loh ka tihna. eg. power nei leh thiltithei, insual leh inthat vak2 awmna ang chi. Ka sentence khi a fuh chiah lo nge, a fiah tho chuan ka hria maw le.
Report this comment
March 22nd, 2012 at 11:36 pm
Ok, ka ring deuh reng a ni. Ka lo chhiar fuh lo zawk a nih khi. I sawitum chu ka hrethiam ta e. Mahse, “Kristian Perspective” tih i kual-khung tak khi chu, a awmna ala fuh lo deuhvin ka hria, (a pawimawh ber phei chu a ni lova) i tum loh lam kan hawi thei dawn ka tihna mai a nia,
“chuvangin a ṭha lama kan her a ṭûlin, (Kristian perspective atanga thlir a)naupang nun a ṭha lo zâwnga kaihruai thei leh en tlâk vak loh luahlan tûra kan thiamnate kan hman ṭangkai a ṭûl tawh hle”
ti ta ila, i sawitum-ah ka fiah zawk, ka lawm e.
Report this comment
March 23rd, 2012 at 1:22 am
A hmuhnawm em a ni
Report this comment
March 23rd, 2012 at 2:06 am
Cartoon post mai mai a, khit zat zat a thui comment han pek mai chuh! In va han ril thin awm bik tak em… a boring duh awm!
Report this comment
March 23rd, 2012 at 4:45 am
rawtna tha tak a ni. Mithiamte u, tan han la tak2 teh u. Bible-a mi te pawh han siam teh u khai.
Report this comment
March 23rd, 2012 at 6:08 am
#14 A dik khawp mai, ka sentence khi a rualrem zan lo a ni.
Report this comment
March 23rd, 2012 at 8:47 am
Rawtna tha tak a ni
Tom and Jerry leh Looney Tunes en hi ka sim thei lo…haha That’s all folks…. 
Report this comment
March 23rd, 2012 at 9:40 am
Tom & Jerry hi chu ka en peih reng, Ponio nen
Report this comment
March 23rd, 2012 at 10:45 am
Post tha tak a ni. Nia, awlsam takin kan en in ka hmetchhuak zung zung thai ta si a. Nu leh pa te mawhphurhna hi a sang ngawt mai..
K’u sheldy, i ni ve tho elo? Tom & Jerry hi kei pawn ka la en reng peih.
Report this comment
March 23rd, 2012 at 11:18 am
Hmanah toh khan tom&jerry poh hi an in sawisa nasa lutuk an tih toh kha mole
. Mahse thil zong2 hi tih danglam tum vek erawh in tih hah na mai niin a lang, chumi ai chuan a lakluh dan tur awm tawk in zirtir mai leh thlir dan thiam in zirtir kha a fin thlak zawk hmel lo ti ve ngot mai teh ang. Dan siam te hi an lo tum leh ringot a nge 
. Duhthusam te hian dan hi siam a ni leh pawp mai thin ah. 
Report this comment
March 23rd, 2012 at 11:19 am
Post tupa i fing fal! I thu vuak vel dan hi a tawk thawtkhat viau mai a. Naupang cartoon en hrat tak tak sual bik viau anga an inngaih theihna turin KHAP lam hi kan awn palh hlauh ang tih hi ka hlau thin teh a sin.
Mit leh beng hmanga kan thil hriatte hian min kaihruai nasa em em a. Chutih rual chuan kan chunga dan awm – sual nihna min hriatchhuahtirtu hian mi a vaw na thei viau bawk. Mi chhia leh tha hriatna kalh rawp khawpin a thawk thei a ni.
Christian Apologist turu tak CS Lewis-a kutchhuak: The Chronicle of Narnia pawh hi naupang tan liau liau-a buatsaih a ni bawk. He Novel tha lutukah pawh hian MAGIC a tam khawp mai. Power hmanna pawh tam ve haih haih e. Mahse CHRISTIAN TRADITIONAL THEMES tamtak a rawn pe chhuak tlat a ni. Puitling lam thlengin kan hlut viau a nih hi maw!
Mi thinlungah a chhe zawnga impact nei miah lo hi sual lian tak angin kan ti vawng vak thei a nia. Fimkhur a tha hle mai!
Report this comment
March 23rd, 2012 at 11:30 am
@ Ignatia (33-115 AD), nizanah SMS min rawn thawn sual
Report this comment
March 23rd, 2012 at 12:01 pm
@23
Report this comment
March 23rd, 2012 at 12:17 pm
@mahminga, ni ve chiang e. Tom & Jerry hi chu ka en vek tawh ka ring. Patling pui pui pawh hian an en peih ve lutuk.
Report this comment
March 23rd, 2012 at 1:28 pm
Cartoon hi chu ka en ve nasa khawp mai…Pokemon phei kha chu ka nau te mipa naupang ho aiin ka en hrat zawk..Kristian kal firfiak ho hian sawisel loh leh hlauh loh an neih pawh hi ka hre lo e, Pathian thiltihtheihna hian ring tak tak lo emaw ni ka ti thin…hetiang tur te hi chu Mormon ho ang hian khawsa vek se, an lung a awi thei ber awm e
Report this comment
March 23rd, 2012 at 2:23 pm
Tom n jerry, ponyo, totoro, etc. hmuhnawm hi ka ti tawp thei lo! Naupang tana impack awm thei hi ven fimkhur a ngai hlein ka hria. An tet laia an rilrua cham chu a cham reng duh thin. Eng cartoon pawh ni se, a tha zawnga impack neihtir dan hi kan thiam a hun ta.
Report this comment
March 23rd, 2012 at 2:29 pm
Pu Ignatia comment khi ka
Report this comment
March 23rd, 2012 at 4:02 pm
Courage the cowardly dog zanreia en kha a nuam thei
Report this comment
March 23rd, 2012 at 4:19 pm
Cartoon chu Tom&Jerry leh Popeye The Sailor hi hmuhnawm ka ti hle. Animation hi a hmuhnawm deuh vek bawk, Nemo a’n “Daaaeeeed, daaaaeeeed” an ti te, Dory i’n “Eee-sa-ka-peee” an ti lai hmel te, Despecable Me a an bazar toys leitur “Its sooooo fluffy” expression te leh Ice Ace 3 a Sid a’n yak hnute sawr tum “I thought it was a femaleeeeee” an ti liam thla vawn vawn te hian mahni chauh a awm pawh hian ka nuihpui leh chiam thin.
Mizo thawnthu cartoon han siam pawh tha viau mahse, market lam ngaihtuah in a la hautak deuh a ni. Mahse, a lawmawm tawp han ti chur chur mai se la
Report this comment
March 23rd, 2012 at 5:02 pm
Captain Planet te, Centurions te kha kan va en nasa thei tak e aw….
Ti daih ila kan Bible pawh hi naupang zir awma kan ngaih ho hi chu Power ve tak tak te a nia, thu tak leh rinna thu anla chai pha lo hrim hrim a chuvangin hetiang cartoon te luahlan tura Pathian thu un tak tak zawm tir kan tum chuan an beng a lut chuang in ka ring lo. Hetiang power lam hi chu an puitling chhova a theihloh zia an hre ve mai.
Naupang engtinnge kan kaihruai ang tih laiah erawh chuan, nu leh pa ten an Pathian thu zirlai kan tuipui leh sawi ngaihnawm thiam a ngai hle a ni. Bible character ah pawh powerful lam a awm tho a ni e.g. Samsona te, David & Goliath te, Mosia te, hemite thawnthu hi naupangte bengkhawn ber a ni fo bawka. A chhan chu thu mai nilovin a langa Pathian chakna chawpchilha a lan mai thin vang a ni. Chutah chuan kan zirtir ngun ber tur chu Pathian vang a ni tih lai hi an thinlunga kan tuh theih awm chhun chu a ni. Tichuan Pathian vanga thil awm thei leh thei lo hi chu an thangliana an hre chho ve maiin ka hria. Tin, kan inchhung ah Pathian thu ri tam hrim hrim se, chu chu an lo bengkhawn ve kiau thin a ni. Chuti anih chuan si loh chuan Cartoon hi mawhpuh chawt theih niin ka hre lo.
Thawkkhat lai kha chuan Hindu ve tak, Chhota Bheem tihte an rawn chhuah thin a(tunah pawh la chhuak maithei). Hei pawh hi ka ngaihtuah chianga, naupang pahnih, pawl 1 zirlai leh pawl 4 zirlai kan neia. Pawl 4 zirlai chuan lem a tia a en peih miahlo. Naupang theuh theuh ah pawh an upat dan a zirin cartoon series a an enduh zawng a in anglo hle hlawm a ni.
Cartoon a ni emaw nilo emaw Pathian thu hi kan hrilh tam lo hrim hrim hi a pawi zawk chu niin ka hria. Cartoon hi awm miahlo mahse Pathian thu kan hrilh ngai chuan si loh chuan an that vak hi ka ring chuanglo. Chuvangin an tui zawng atanga her rem dan te kan thiam hi a pawimawh zawk a ni.
Post tu pawhin i rawn thawh tha e, hmuhnawm hi naupang chuan an duh a ni. Thu tak an chai pha lo, mahse a chhan chu tih tal kan hriattir a ngai a ni. Cartoon pawhin Bible character hi siam mah ila power deuh deuh lo chu an hrethiam chuang lovang, hmuhnawm an ti chuangin ka ring lo. Prince of Egypt tepawh naupangin chuti takin hmuhnawm an tih ka hre lo. Puitling lamin hmuhnawm kan ti zawmah in ka hria.
Report this comment
March 23rd, 2012 at 5:30 pm
Cartoon hi en nasat ka nei lo va, hmuhnawm tih pawh ka nei lo. Tom & Jerry leh Mr. Bean hi ka en zeuh zeuh.
Report this comment
March 23rd, 2012 at 5:31 pm
Hnam changkang apiangin naupang te an ngaihsakin an chawimawi thiam thin. Puitling chauh en tura kan ngaih Arnold a film te, Rambo te, pa kan ti em em. Chutih rualin heta a changtute vek hi naupang film ah an telve a, naupang chhia ang maiin an let ve leh tual tual tho.
Generation thar lah kan beisei ve reng bawk si a.
Mizo pa/nu chuan tuipui nachang kan hre lova, kan ngaihsak lova. Cartoon hmaah an ṭhu a, kan tir dawn a an kal duh lova, kan in vela, an thil en kan huatpui a, thunun harsat phahna a ni e kan tihsaka kan khap sak vak vak ṭhin. Chu chu naupang thuawihna a ni chuang miahlo.
Mipa nauapang 2 ka u fate hi an awma, min ngaina bera, a chhan chu an tuina ah ka titi pui peih ṭhin vang a ni. Chutih rualin min hlau ber a, ka hmuh laiin an ṭap ngam ngai lo. An nu leh paten an tirh theihlohnaah hian ka tir kal fo ṭhin, ka thu an hnial ngailo. TV hmaah ka hman changin ka ṭhut puia, an hriatthiamloh ka leh sak a. “En hrih suh u” ka tih chuan min zawm leh mai ṭhin. Ka inkhawm dawn pawhin “Apate i bul ah ka inkhawm ve duh” an ti leh maia. Pathian thu ka sawiin ngaihnawm an ti em em zel bawk. Hetiang hian naupang rilru lut tur chuan tuipui a ngaiin ka hria. Hnampui leh fing zawk rengin an hrethiam mai.
Chuti nilova pawngpaw khap bur na hian tumah a siam ṭha in ka ring lo. Mizoram khapna tam tawh nak alaia naupang lehzel tan pawh a chep lutuk hi chu a ipik thlak a ni
Report this comment
March 23rd, 2012 at 5:36 pm
Dexter leh Swat cats kha hmuhnawm ka ti thin a. a dang pawh ka en thin tho. “Captain planet… is the Hero…” tih hla tepawh a awm kha mawle.
Report this comment
March 23rd, 2012 at 5:41 pm
Swatcats facebook page ka va tlawh a, “facebook has stopped our publishing rights, help us” alo in ti mawle.
Report this comment
March 23rd, 2012 at 6:15 pm
@funny™ i type sual aniang Swat Kats tih tur a nih hmel. A lem ka draw ṭhin a naupang in an duh thei khawp mai, Razor kha ka draw thiam zawk a
Report this comment
March 23rd, 2012 at 6:23 pm
#34 Asteric i thil sawi hi a tha hle mai. Heti ang mi hi naupangin an ngainain an thu pawh an zawm thin. Hmangaih taka an duhzawng tuipui theitu leh an nuam tih zawng tihpui zel thei mi hi an bula awm nuam an tiin an thu pawh an zawm thin. Nu leh pa tam takin hei hi kan tlakchham a ni fo. Kei pawh naupang bula awm hi nuam ka tiin ka thlahlel fo thin
Report this comment