Hemi kawngah hian thalaite bâkah nu leh pate kan fîmkhur a ngai ta hle a. Kan rin loh deuh deuh te, kohhran-a inhmang tak takte zîngah pawh setana be thîn an awm thu, zaithiam Joseph-a chuan a rawngbâwlna lama a hmuhchhuah thu a sawi nghe nghe a ni. A râpthlâk ngawt mai.
He’ng ho zînga thenkhat chu a lang a pauvin setana betu-ah inchhâl lêm lo mah se, an hlathu leh an chêt dân atangin hai rual a ni lo. Thenkhat erawh chuan an inzêp lêm lo va, chu’ng zîngah chuan rocker inchei maksak tak, Marilyn Manson hi a langsâr pâwl a ni ngei ang. Ani phei hi chu setana kohhrana hruaitute zînga mi ngat a ni a, a tawngkam rârthlâk tak takte hi fate hriat atan a va thlanawm loh tehlul êm!
Eagles-ho Hotel California-te kha a nalh teh e, tûn thlengin khawvêl mipuite ngainat a hlawh a, chuai thei pawhin a rinawm tawh lo. Kan ramah pawh a hlathu by-heart vek, an bûk ruala lo bu ve nghauh nghauh thei pawh kan tam ang. Mahse, kha hla kha setana tâna hlan a ni a, a satute pawh setana kohhran-ah nasa takin an inrawlh bawk a ni tih tal hi chu i hre tel ang u.
Rolling Stone-ho Sympathy for the devil-te kha i by-heart a nih chuan setana kohhran official anthem i by-heart tihna a ni mai.
A nei deuhvin an nei changkàng a, a harsa deuhvin an nei tlâwm a; a zak lo deuh an inchei parh a, a zakzum deuhte taksa erawh hmuh tur a tam lo thung tih chu a chiang a; mahse, incheina buzâwl kan kai ta tak tak tawh a ni tih erawh phat rual a ni lo vang.
Kan t-shirt hâk thin, a hma leh hnung lama inziak leh chuang kelh kulh thînte ngaihtuah miah lovin khawlai bâkah Pathian biakin hung chhûngah kan tei luhpui a. A awmzia leh nihna hria ila chuan kan ha duh bîk kher lo vang. Hriat a va pawimawh êm! Kan t-shirt-a 666 chuang kuau mai te, swastika inchhu kulh mai te, pentagram sign hmuh tur a awm ta fer fur mai te hi a hatu ai mahin a zuartute an demawm a, an fîmkhur a ngai a ni. Kan hriat loh laiin setan thawmhnaw kan zuar a, kan hriat loh avângin vëkin setana thawmhnaw kan pudarh a, kan thehdarh a ni. A pawi teh e.
T-shirt mai ni lovin pheikhawk-ah te pawh hmuh tur tam tak a awm. Setana betute, rock band chi hrang hrangte hian anmahni intheh-lâr nan t-shirt leh pheikhawk leh thil dang dang an design thîn a, hetah hian anmahni logo bâkah a phêna hmuh tur thil dang an zep tel zauh thîn.
Nu leh paten fate thil kan leisak dâwnin i fîmkhur hmasa ang u; thalaite pawh Pathian tâna nasa lehzuala kan tangkai theih nan thil lei leh zawrhah i fîmkhur lehzual ang u. Kan incheina leh duhzâwngte hian kan muthilh laiin sual kawngah min hruai mêk zêl a ni.
Kha film kha a bu-a siam a ni a, Mizo tawng pawhin chhiar tur kan nei ta! Chu chuan film leh lehkhabu dang tam tak a rawn hring a, hetiang lam hawi lehkhabu chhuak tawh pawh chhiar tham fé a ni tawh ang. Kum 5 lawk liam tâ-ah khân lehkhabu lâr zet mai, Harry Potter chu JK Rowling chuan a rawn ziak a, kha kha a hausakpui ta dêr mai. Bu chi hrang hrang tam tak a chhuak a, tawng chi hrang hranga lehlin niin, film-ah pawh siam hial a ni a, a changtute pawhin an hausakpui ta vek mai!
Kha dawi chungchâng ziahna kha Mizo tawng pawhin an ziah atanga rei lo tê-ah chhiar tur a awm ve nghâl zat mai. A bu dang a chhuah pawhin Mizo tawngin a hnu lawkah kan hmu nghâl zêl! Mi rilru tihnat kan tum vâng a ni lo; setana hma lâk chakzia kan ziak mai a ni. Kha film kha naupangin an làwm hle a, thenkhat phei chuan an âtchilh hial a. A film-a hmanrua chi hrang hrangte chu naupang lawm a lo ni ta zêl a, an chezia zawng zawng nen naupang rilru thianghlimah a intuh tlat a, chu chu an thanlenpui dâwn ta chu a ni a. An nunah eng tak nghawng nei ang maw? Nu leh pate kan fîmkhur a va tûl êm!
He’ng kan ziah tâk pathum te hi a lâr zual tak takte chauh an ni a, a dang pawh tam tak a awm a ni tih kan hre theuhvin a rinawm. Setana hian thalaite chauh a bei lo va, naupang të të atangin a bei a. Toys chi hrang hrang te, computer games chi hrang hrang te, thil lem chi hrang hrang bâkah thil dang dang hmanrua-ah hmangin ram a la mêk zêl a, naupang enkawltu nu leh pate nasa lehzuala kan fîmkhur a hun ta tak zet e.
Vawiin nia kan rama setanic, setana bia kan tihte hi zirlai naupang, kum pawh la tling thathum lo an ni. An nu leh paten hostel-ah an dah a, an nu leh pate hmuh phâk lohvah an awm hnuah zalên ta riauvin an inhria a. An zirlai exam a lo hun a, kumtluana zir tha lo na ná nâ chu thiam an nei lo. An chhûngte hauh an hlauh avângin fail an duh bîk si lo. Pathianin thawk lo chu hlawh a pe ngai lo tih an hre ve kur si a. Chutah chuan setana lam an pan leh nge nge a. Chuti ang naupang chu tûna Aizawl hostel tam takah an awm.
Tûn hmaa mumangah pawh kan man phâk loh chu duh lo chunga kan tih a lo ngai ta a. Setana betu kan lo ni ta..
Nu leh pate mawhphurhna a va sáng êm! Rorèlna ni-ah kan fate thisen mawh kan phur ngam dâwn em ni?
Similar Posts:
- Rock Music leh Satanism
- Thalaite leh eizawnna
- TUNLAI TECHNOLOGY LEH THALAITE
- Diabolus in Musica (Tritone)
- Film Ratings
August 8th, 2010 at 6:35 pm
Satanic tih khan Pathian thu oih lo tihna nilovin ka hria, hindu pa kha Satanic a ni bik miah lo. Kan thriannu chuan Mizorama ho hian khawvel a top hnaih hmel bik a ti. dikna chhen poh awm ang, thil kan soi uar thrin ltk a, keimahni ngei poh kan buai phah thrin
Report this comment
August 9th, 2010 at 7:52 pm
Tiang Post tha tak2 te hi chhiar avahan nuam thin em!!sakhaw zalenna rama awm kan nia..sakhua angah kan pawm lo nih pawnh inkhawvel sualna in akengtel hi kan khap daih thei awm si lo ani hi..Sualna a pun tur thu lah kan hre vek lawi si..chan tur lah kan hria…setana biak vanga kan neih theih chuan,Krista hnung zui tu te kan nih chuan kan duh chu kan va hmu dawn teh lul em!!tih hi hre ve thin tak ang maw!!Sualah sual bik awm lo sin..setana bia leh khulai Hindu pa fel tak2 kha an chan tur dang chuang lo reng2…Hmm Hremhmun tla tur chuan i pa tawk lo ngam theuh mai ang u!!Chhuanlam fahrah te2 vanga sual kawng zawh ai chuan,chhuanlam fahrah te2 vanga krista hnung zui hi that zawk deih lo mawle!!ka lo ti ve mai2a
Report this comment
August 10th, 2010 at 10:56 pm
A dik na chen chu a awm. But kei chu 80’s, 70’s rock ka ngaina lem lo. Punk rock tih vel hi ka duh a. That’s why thil tha lo kan tih kan sawi dawn in a tur tak chauh zuk kher thiam ila. chuti lo chu rock ngainatu te rilru in tina thin alom mawle.
Report this comment