mi(sual).com

-     Ch.Aikima, Dawrpui, Aizawl.

Kum 1942 November thlaah Japan ral lo lenthlak, Burma ram Chin Hills an rawn lak tan lai khan, British Sorkarin kum 1942 August thlaah Pasaltha B 5 “V” Force Mizoramah a din a. Hotu atan sipai bang leh Pension tawhte leh Burma sipai lo tlanchhiate Group  Commandera lak an ni a.

Chung hunlai chuan pasaltha B 5 “V” Force-a kan tanpui Lalauva, Thentlang khua an thenawm pa thi hlim thlahrang a hlauhawm rapthlak avanga chhungkua a an inpui ber rauhsan bakah an in chu an pembo/rauh sana,  Indo zira kan training hahchawl ramhnuai thingbuk hlima kan thut lai in, kan hotu Pu Lalzapa AR N/K chuan an in thlahrang ma a sawisak dan a sawi tir thin a.

Lalauva chuan a tir lai chuan ka pain ka zan leng hawn hun vela kan pawn lam bang rinchhuak thin chu keima tih fiamthuah ngaiin min hau thin a, mahse Silcharah Ketli zawrh  tur ka zuk phurh leh zawrh leh nan thlahnih ka thang ho chhungin kan in bang rintu chu in chhungah lo lutin a che nasa tial tial a.

He thlahrang hi kan thenawmpa thi hlim thiahrang hnathawh a ni tih chu tlang hriat a ni a. Kan ina lo leng thin, an in ang bawka a chet tlatna a ni a. Kapain lehkha min rawn thawna, hei i zin hma thil thleng thin kha a zual zela.

Kan inchhungahte lo lutin, tuium hunna a tuium a tuite a leihbua hawk hawka, zan menlaite hian kan vawk chaw chhum a so tan tihah a suantu hmuh silohvin, a phevuai kan hmu hman chauha, vawk chaw bel chu pathlang tuium hunna bulah a hung khu luai a.

Vawk chaw pawh hmin hman lovin min suan khalh zela, a puansinah kan thenawm pa chiah a ni a, kan hmu vuaia a ral leh a, tlangbana kan puan bante a banna hruite a ti phe der dera an tla fai leh vek thin a. I remchan chuan lo hawng thuai la ro i rel teh ang a rawn ti a.

Ka pa lehkha chu  Aizawlah ka hmu a, Paikhai khualbukah riak pheiin a tukah zing taka chhuakin tlai  thim  dawnah kan khua Thentlang chu ka bana, ka hah teh reng nen ka thlen zan chuan, Lal leh Upate’n tumin khawtlang mipuite nen, pawn lamah tlangvalho kan in hualin an thu khat.

In chhungah Lal leh Upate’n nunau an hova, kei pawh inchhungah ka thu ve a, khua a tha vak  lova, khawlai  lei hul awm si lovin, inchhung liang leh di chih inkarah lungte hulphiang a rawn vawm lut ur ur mai a, rapthlak tak chu a lo ni reng a ni.

Arbawma arpui khung chhin tlatte a pawt chhuaka, a rekhluma a paih vur vur mai a. A chang chuan inchhung bungrua a sawisa a, man hman lohin a phe vuaia a bo leh thin a.

Tichuan ka pa hnenah ka ketli leituten pawisa min la pek kim loh lam pahin Ieh ka hralh bangte zawrh pahin  Chhingchhipah ka zuk kal anga, ka hralh ban ka hralh zawli hma loh chu lo hawng lailawk tawh rih lo ila kati a. Ka pa chuan i thangrei leh palh ang e hei kan in chhunga thlahrang chet chu i rawn hmu ve a, Upaten tiang chu pemsanin a reh mai an ti a, khawiah nge kan pem ang ? a ti a.

 Hnaiteah Sialhau khawper Kawnzarah lo va pemsan ula, thlahrang reh hunah Thentlangah bawk kan kir leh mai tur alawm ka ti a, tiang chuan Chhingchhipah ka riah thlak san ta a ni, a ti a.

Thlahrang nasa hetiang hi chu, Inchhungah leh sumhmunah an che bera, hmuh chian theih si loh thawm nei reng sumhmuna ar reh hlum hmang, hmuh vuaia bo leh mai mihring chhungkua in han hrawn ziazang an ni lo.

Pasal tha B “5″ Force Lalauva’n an thenawmpa thi hlim thlahrang hi Ramhnuaia Indo zira kan Training hah hmun remchanga chawl khawm zinga a sawi thin chuan kan hah a tidam sawng sawn g thin a ni.

Pu Lalauva te thenawm pa thlahrang hi, tlai tlai khawthim hmain feh hawng a rawn zui hawng  ve chu, naupang Nu leh pa losul hawng hmuakin thlahrang chuchiang em emin a damlaia mi ang thlapin an hmuh thu naupangte’n an sawi a, tlangval hovin an han hriat chuan thlahrang pa chu an hmu chiang ve ta mai a.

Man an tum lai in kawt kaia Daptel tun khawm belin a tawrn ta a, an manin an dawmbet hman tep tihah a phevuaia inhnuaiah tlan lutin kawmkar chepa a tawm chu an hual bet a, mahse a hualtute hmuh laiin a riral ta a.

Tiang chuan thenawm in bulah thlahrang nasa tak chu an limn thin a ni ti in Lalauva thian pa Darzika’n a sawi a. Pu Lalauvate chhung mai pawhin buaipui lovin khawtlangin an buaipui hle a, “Rih lipui khi thlafam leng kaina,” ti zawnga kan rin la reh fel hma khan thlahrang tih vel leh thla ai tihte chhawihfa thlawk tihte, Tau meichherchhi tihte hi hmuh tur a tam hle mai a, tun hnuah heng thilte hi an bo ta duaka, sawi tur a vang ta, enge a chhan ni ang le ?

Thlahrang chu ala awm chiang a. Ramhuai a la awm chiang bawk. Khawbel khua kan awmlai 1943-ah khawhar kan riahpuina ah thlahrang bawh beh ka tawka, pathlang tlangban hnuai chu lulam innghah nan kan hmanga, ka la muthilh ve hmain,  pawn kawngkhar zawitein a rawn hawng phat a, tah chuan a rawn zep lut a, ka en renga, tapchhaka mei thuk chu thelh mih tawh a niin a eng lang riai ruaiah ka thiante mu a rawn kan thauh thauh a.

kei ngei mai mi han bawh ta peka, a tawrh hlelhawm ngei mai, a tho chu kawngkaah bawk a chhuak leh a. Ka thiante ka hrilh chuan hei kan riak tir chauh a ni a, an hlau anga an riak rau ang tih ka hlau si a, ka sawi lo hlen ta a ni.

Kum 1943 kum bawk khan kan khua Khawbelah khawhar kan riahpuinaah thlahrang hmutute hmuh dan an sawi an sawi mai a, leng hawng pawh a rual zelin kan hawnga, mut hnua zun nan pawn lam Sumhmun thim kal pelha luhkaa va zun chu kan ngam lo deuh theuh a, kawmchar luhka phulrua pum phel phawk phah dul chungah kan zung bera.

Vawikhat chu Hranglawta thlahrang lemah alo chang pek a, a huhova kavanchar luhka a va zungho hmuh iarah huana Kawlthei kungah lawnin a su kul dulh dulh an va hmu a, zung zo hman lovin an rawn tlan chhe nasa ta mai a, engmah an sawi ri ngam lo theuh chu mahni puan thuahah in lukhupin an mu ta a.

 Hranglawta chu zan darkhat rik dawn awm velah kawmchar kawngka zawitea rawn hawngin char bang sutah lawnin thehlanah vaimim ro zarna chungah rawn vak pheiin, muhil lo tan chuan a hlauhawm zia mai chu, a thawmah kan riahna in nula hlau lutuk tal velah, Hranglawta chu a insum zo lovin a nuih a za ta em em a, ring takin a nuita  leh nghala, a lo chhuk chu kan riah in pitar chuan i chimawm mai mai mange, a ti a. Thlahrang hlauhna tea ti reh zo ta a. Sumhmun lamah luhka pumthilah kan zun ngam phah a, a ti tha hle a ni.

Thentlang khua Pu Lalauva sawi zei danin, ka thurawn angin ka pate chu thlahrang hlauhawm a reh nan Sialhau khawper Kawnzarah kum khat an va awm chu kan in chhunga kan thenawmpa thlahrang chu a reh hlen vang vang ta a ni, a ti a. Hetia a sawi lai hian kawn zarah kumkhat an va awm hnu Japan ral tlawm hnua a sawi a ni.

 [MUP Gen. Hq siam 'RAMHUAI' atanga lak a ni]

Similar Posts:

• Damlai thla!
• Thlahrang
• Thlahrang Aw nge Thlarau Aw
• Ramhuai vs thlahrang
• Thlahrang!!(a ni em?)

Recent Posts:

• Comedian Search 2012 Fiamthu-2 (Link dik leh thei thei tawh lo veeeee!)
• Ka Mit Laa, Ka Rilru Khawihtute
• mi(sual) member piancham!
• Kal dem dem.
• Nova’n Anchhia A Lawh Sual Emni? {:Sunday Pual:}

This entry was posted on Sunday, April 8th, 2012 at 8:00 pm and is filed under Copy Paste, Mizo Society & Culture. You can follow any responses to this entry through the RSS 2.0 feed. You can leave a response, or trackback from your own site.