He post hi nizan-ah khan Champion’s League nghah pahin post ka tum a, inleng ka nei leh si a, ka post hman ta lova! Mahse ka tan an chak tho e.
Mizo In (hmanlai) hi a hre lo a tam zawk kan nih ka ring a, FLR-a (Frank Loyd Wright) style sawi thei teuh mah ila, ‘Dawhthleng’ pawh kan hriat si loh chuan…..te ka ti ve niah nuah a.
He post hi kan tui pui viau chuan Mizo In sak dan in rawn chhunzawm leh kan tum ang. In sak nan a a chak hrang hrang… Khanchhuk, Tlung, Sut, Kaldung, Kalte, Liang, thawmawl, chum, tukrawp, adt., a lem nen rawn siam kan tum ang.
He drawing hi Acad-a ka ziah a ni a, A in dung hi hlam 5 chhungtla a ni a, Sumhmun hi hlam 2 ka dah a, a vang hi hlam 2 leh tangphel a ni a. Ka hlam hi Ft 5 leh 7inches (5′ 7″) a ni a, he mi scale hian ka ziak a ni.
Hmanlai kan unit of measurement kha….Hlam, tangphel, kochhuak, tawng, khap, sum, adt., te kha a ni deuh nuai a….heng hi sawifiah a tul chuan comment lamah kan sawi dawn nia.
click pic for larger size
[ Source: The Lushei-Kuki Clans by Lt. Colonel J.Shakespear (Tarmita)]
Similar Posts:
- Hmanlai Mizo In Sak Dan.
- Biakin len zawng?
- Pixel Attack!
- He Rul hi a hlauhawm em?
- Mizo thawnthu leh novel internet hmanga chhiar theih tura dah
:-D
April 26th, 2012 at 6:15 pm
Ka first e…
Report this comment
April 26th, 2012 at 6:42 pm
ka mit leh beng ver chi post. tha lutuk
Report this comment
April 26th, 2012 at 6:42 pm
Good Post.
Report this comment
April 26th, 2012 at 6:52 pm
Post bvt. Hlam 5 chhungtla – hlam 5 a lian tihna niang chu ka ti mai a.
Report this comment
April 26th, 2012 at 7:07 pm
#4 A chhung lamah hlam nga tihna ni mai a lawm.
Bengvar thlak hle mai, Tukverh ava nei love, thangchhuah pa in chu a nilo a nih hmel.
Report this comment
April 26th, 2012 at 7:12 pm
A tha lutuk, thangtharte hian hriat zel tum a tha ka ti.
Report this comment
April 26th, 2012 at 7:42 pm
Save keuh. Kei poh ka bo khop mai. Khum hi a in pingdang lo mi? Khum khat ah chhungkua an mu tlar ve tih na mi?
Report this comment
April 26th, 2012 at 7:43 pm
#5, @Ruata PC comment ang hi added value/value added emaw an tih ang hi ka lawm khawp mai.
@Ruata sawi ang hian Mizopa In-ah chuan tukverh a awm ngai lo!
Report this comment
April 26th, 2012 at 7:46 pm
Report this comment
April 26th, 2012 at 7:56 pm
A va sin neuh neuh em! Ka chhiar thei mang tlat lo mai zoom pawn. ‘Tukrawp’ khi ka hre lo tawp mai, han sawi fiah mai teh.
Post hlu tak a ni.
Report this comment
April 26th, 2012 at 7:56 pm
Nia, a lem nen han post the. Keipawh ka hre mang hauh lo a nia. Chuan tet laia khanchhuk ka hlauh thin zia kha, chung hun lai chuan enge a nih k hre loa, ramhuai chi khatah ngaiin khairek nen hian ka hlau thei top.
Report this comment
April 26th, 2012 at 8:03 pm
Post tha leh hlu tak a nih hi. Ka rin ai daihin sum hmun hi a lo zau. Tin, Tap leh khum pui inkarah hian bang awm turah ka lo ngai a, a lo awm lo a ni maw. Tlangval tan chance a lo va tlem duh awm ve hman lai khan he he
Report this comment
April 26th, 2012 at 8:08 pm
a bengvarthlak e.
Report this comment
April 26th, 2012 at 8:17 pm
Lushai-er, a interesting e, a thlalak nen dah thei la a va tha dawn em. Mizo in sak dan pawh a lem nen drawing nen rawn dah ngei ngei ang che. Hetiang hi a hlawk thlak a nia.
Chuan Inchar/inchar sut khi ka va hre ngai lo ve aw, kawnchar chu ka hria…. explain plizzzz………..
Report this comment
April 26th, 2012 at 8:25 pm
Post tha leh hlu tak a ni.
Report this comment
April 26th, 2012 at 8:38 pm
‘Inchar/inchar sut’ nilovi ‘charsut’ niin ka hre thin. Charsut chu kawmchar lama a lai taka ban an phun thin ‘tlung’ an chhuanna hi a nia. He ban hi alawm ‘charsut phawi’ tih tawngkam lo chhuahna chu. In an thiah hian he ban hi a hnuhnung bera phawi tura ngaih a ni deuh thina chuvangin unau hmichhia zinga a naupang zawkin pasal an neih hmasak hian a pasal chuan ‘char sut a phawi’ an ti thin.
Report this comment
April 26th, 2012 at 8:39 pm
Kan kudam ropui ber ‘buhzem’ awmna i tar lang tel lo tlat. Tap leh khumai inkarah hian nge a awm tap leh khumpui inkarah hian tih te pawh hi han tilang tel hram la mawle. Tin, banglai hi tap leh khumpui inkarah a awm emaw ka lo ti ve ringawt a, a lo ni lo a ni maw.
Tin, ‘kawm’ tih hi ‘In’ tihna a ni thei em, kawmchar, kawmchhak, kawmthlang leh kawmhnuai te kan nei si a. Lo ni ta sela zo hnahthlak zingah hian tute nge la hmang tih hriat a va chakawm ve.
Report this comment
April 26th, 2012 at 9:44 pm
Post tha leh bengvarthlak tak a ni…
Kawmchar leh tukverhah, leikapui i tih ang, dawhsan khi kan nei thin a. Buh leh insuk pho nan a remchang thin khawp mai. Tin, thla en zana ukulele nena zai nan…
Chuan, sumhmunah khian, chhung thenkhat chuan rahbuk (buh denna) an nei ve leh zauh thin bawk. (Thingtlang mi tih takah, ka’n sawi ve chiam tak chu a..
)
Report this comment
April 26th, 2012 at 11:26 pm
Ka post duh chi, hmuh tùr vang bawk si a ni e.
A lem tak phei chu ka vawi khat hmuhna.
Report this comment
April 27th, 2012 at 12:05 am
FLW hi chu a lar khawp mai, amaherawh chu mahni hnamzia pholang thei hian thil design a hun tawh khawp mai. NOI forms follows function tih vel hi a fuh chiahlo mai thei Mizoramah hi chuan, earthquake design ah hian form hi a pawimawh bawk sia…..
Report this comment
April 27th, 2012 at 12:55 am
Post tupa chu ka mi ngaihsan zawng tak i ni. A lem awm chi pawh chu rawn post leh hram teh, kan lo hlut thei teh a nia.
Report this comment
April 27th, 2012 at 1:10 am
a picture a tang ringawt chuan in ropui tak a ang ve tho mai a..
Report this comment
April 27th, 2012 at 3:00 am
BVTTT (Bengvarthlak tiah tiah!) ve…
Report this comment
April 27th, 2012 at 7:16 am
A va tha ve. A lem nen thlap lehnghal!
Report this comment
April 27th, 2012 at 8:11 am
Report this comment
April 27th, 2012 at 10:57 am
Khumai awmna lai khi Buhzem awmna ni se, tap leh banglai inkarah khumai awm bawk ta se, banglai chhunglamah khian khumpui awm ta se…..a dik zawk ang em?
Report this comment
April 27th, 2012 at 11:15 am
NE tribal ho hi kan hnam in an loh ang hian in sak dan te pawh hi a lo in ang lo zel chu a nih hi, hmanlai Mizopa insak ah Lei chhuat hmang lo a, Dap chhuat hmanga an lo ti kang zel kha a lo hrisel zawk e an tih chu….
Solar bottle light hi hman tangkai na kan neih ve ka ring tlat, lo en ve chhin teh u.
https://www.youtube.com/watch?v=SBWi3NtND68
Report this comment
April 27th, 2012 at 11:28 am
Maawm, a va tha reuh tak ve a
Report this comment
April 27th, 2012 at 2:29 pm
A hrisel chu ka ring lem lo khawp mai. A chhan hrang hrang te hi han en ila.
1. Kawngka bulah kaiten a awm a chutah chuan naupang ho an e mai thin am chu chu vawk, ar leh uiten an lo ei thin.
2. A thim em avang hian a ni ang naupang an hrisel theihloh.
3. Inhnuai hi ranvulhna hmun ah an hmang ber a, chuvang chuan a rimchhe thei hle. Hetiang atang hian mei alh thlawk te a awm thin kha. Hmanla chuan chutiang chhuahna chu vanuaina tawk turah an ngai thin a nih kha.
A thatna turte
1. A upthat avangin thli leh ruah lakah a him tha ang.
2. An in ah khan hmundang pan buai ngai lovin tthil engkim a awmsa, zingah sumhmunah buh an deng a, an thleifai nghal thin a nih kha.
3. Thlasik lai chuan a nuam ngawtin ka ring a, tap bul ah khum an dah nghal a, hak tur ha nei lo tan chuan hei hi a finthlak hle a ni.
Hmanlai Mizo nun a thilpakhat ka hriat chu, khum pakhatah an mu vek a, zingah mutui deuh pawh nise pa ber a harh tawh chuan chhungkua thawh vek a ngai tawh thin. An pawnpui a thawhpui a, a lenpui nghal tin niawm e
Report this comment
April 27th, 2012 at 3:02 pm
#29, i chhut ngaihnawm thiam khawp mai, khatih hun lai ang chiah a la nun tur ni ta se, Dap chhuat ah lei si miah lo a chen kha nge hrisel anga LEI chhuat ah chen tawp, tih te pawh chhui zau theih ni ta se, ngaihnawm leh khawp ang. Khatiang hun lai ang chiah a nun leh tur ni ta se, LEI chhuat a chen chu BERH leh zual a awl ka lo ring ve ringawt a. Hrisel lo rau rau ah DAP chhuat ai chuan LEI chhuat chu a la hrisel loh lehzual ka ring deuh.
Report this comment
April 30th, 2012 at 1:19 pm
#Berh aiin dampness kha hriselna atan a pawi thei zawk ang.
Report this comment