Vai ram awm tan hian Mizo lehkhabu chhiar tur a vang duh hle mai a. a bik takin mizo tamna ni lo (entir nan Visakhapatnam) khuaah phei chuan khua a har zual niin a lang. Sap tawng lah en hi chuan an fairy tales te, novel leh thil chi tinreng mai hi internet lama chhiar tur a tam thei hle mai a. Kan Mizo article hmasa te, novel hmasa te leh lehkhabu lehlin ang chite hi internet lama chhiar theiha post theitu hi awm tam deuh se ka ti hle mai.
A bu a chhuah khan hralhna a tihnawng deuh ang tih kan hlauh vangin kan post lo ani thei a. mahse a dik chiahin ka hre lo. A nihna takah chuan a bu ngei hi a soft copy hi chuan eng tik lai mahin a tluk ngai lova. Chuvangin a tibuai chuang lovang. English website tam takah hian lehkhabu tha turu lutuk, a bua kan lei zawh hauh loh tur tam tak download theihin a awm a. Hengte hi a hard copy nei thei lote tan a tangkai kher mai a. A hard copy neih a ti chakawm tak meuh meuh thin.
Hetiang hian mizo thuziak hi ka zawng thin a, hmuh tur ka hre ngai lo. Ka awt thei hle mai thin. Entirna han pe ila: C. Thuamluaia ziah ‘Engtin awm ta zel ang maw?’ tih te, H. Thangkhuma ziah ‘Lallianvunga vanglai’ tih te, Lalzuithanga Colney ziah ‘Phira leh Ngurthanpari’ tih te leh a tam mai…heng ang chite hi a post chi loh em ni? Rawn post teh u a…..Mizoram chhung atang lo pawh hian hetiang hi kan chhiar chak em em reng a, a bu hi hmuh mai tur a vang si a. Sapram leh ram dang atang te phei chuan a hlu dawn viau a nia!
Similar Posts:
- Lehkhabu chhiar tur tha
- Mizo Lehkhabu Online in lei theih ta
- Every Battle is Won before it is even fought (Thawh khatna)
- “Operation Global Blackout” ! Internet a buai dawn em?
- MISUAL dot com a THUZIAK TE HI!
October 10th, 2011 at 4:16 pm
Lehkhabu/Thawnthu bu Upload tur chuan ka type peih lo chhia va…
Report this comment
October 10th, 2011 at 4:25 pm
An siam tawh i tihna tur emaw kan tih hman chu le. Ni e awm thei sela chuan a lawmawm khawp ang.
Mahse, Amazon Kindle te anga man neia lei ve theih (hlawk tak2 turin) zel anih loh chuan siam a phurawm loh khawp ang.
Report this comment
October 10th, 2011 at 4:29 pm
keipawh an siam tawh ni turah ka lo ngai a a Post Title en mai chuan hi2
Report this comment
October 10th, 2011 at 4:51 pm
Type a peihawm lo lutuk a, lo post peih an awm mai thei a nia.
Report this comment
October 10th, 2011 at 5:02 pm
ka tum tak jawk hi chu misual.com lama post ai mah hian net a kan browse a hmuh tur lo lang ve mai thin ang deuh hian mawle….an tihdan phei chu ka hre ve chuang lova…download theiha a lo awm leh thin ang hi ka awt ve khawp a…kawng hmang hre deuh ten a tih ngaihna an lo hriat ka beisei deuh va…chu mai bakah a lo awm reng tawh anga, ka hmu lo mai2 a nih te ka ring a.man tlawm deuh zawka lei theih/tur te emawa dah ve dante hi a awm lo emaw ni le….
Report this comment
October 10th, 2011 at 5:11 pm
Chu’ngte chu pdf file-ah convert se, a soft copy hi a ziaktute hnenah an phal chuan dil se, khawi emaw lai blog velah upload mai se.. Mahse, kan Mizo writer-te hi mi kherkhiap takte an ni hlawm a, an phal ngût hlawm ang emaw chu.
Report this comment
October 10th, 2011 at 5:16 pm
Lehkhabu lei thei tur tur ten internet atang a in chhiar zel chuan ziak peih an awmlo dawn emaw ni le.. Tak taka, keipawh ka lo ngaihtuah ve thin a, awm thei se atha ngawt ang.
Report this comment
October 10th, 2011 at 5:48 pm
chutiang ani ringawt lo a nia….for example…library.nu website ah te hian han kal mah teh u….lehkhabu download theih a tha hlawm triap2 a nia….free vek lehnghal…mahse a hard copy chuan hlutna a nei nasa jawk teh meuh mai…chhan loh aiah Jakob-i tih ang vel a ni.inhlut hleih tak a ni. net atanga kan chhiar khan a bu min neihtir chak leh zual dawn a sin
Report this comment
October 10th, 2011 at 6:21 pm
Internet a dah chu a tha ngawt tak ang. Mahse, kei chu a hard copy ngei mai mu chunga chhiar hi nuam ka tia. Internet atanga ka download ve eng bu bu emaw ni te pawh hi ka la chhiar miahlo nia. Site ah hi chuan article leh comments chhiar hi ka peih tawk vel ani.
Mahse, awmna hmun a zirin kan mamawh in kan mamawh lovang chu. Entirnan, Lengzem magazine te hi Aizawla awm tan chuan a hard copy ngei chhiar a nuam a, mahse Mizoram pawna awmte tan chuan Internet atanga chhiar a ngai thung ang a. Tin, kan ziakmi te hian internet a dah chu an ui ka ringlo. A hlutna bo dawn heklo. Chutih ahnekin advertise na thatak a ni pah dawn sia.
Report this comment
October 10th, 2011 at 6:29 pm
Thil thui deuh chu chhiar a peih awm thin lo. Thawnthute hi chu a chhiar in chhiar ri se , kei ni thatchhe deuh chuan mu chung in kan ngaithla der der mai dawn nia..
Report this comment
October 10th, 2011 at 6:35 pm
A Ziaktute hian ebook hian hralh turin siam se maw le. Copyright lamah hian a buai theih ang em?
Report this comment
October 10th, 2011 at 6:40 pm
A ni viau mai. Blog velah dah ta mai ila, a tihzia viau tak ang a.. A then a zar chu ngaihtuah âwm a ni. Download theihin blog-ah dah ta mai ila, a ziaktute dil hmasak erawh chu a ngai dawn a.
Report this comment
October 10th, 2011 at 6:48 pm
A tha ve pah reng tho mai. E-book erawh ka chhiar peih zawng a ni chiah lem lo. Ka article tha tih leh reference atana ka duh pawh hi ka save phawt a. Font size vel siksawi hnuah office waste paper in ka print thin. (Phek lehlam bang hi chu eiru ah pawh ka in chhiar chiah lo
)
A post-tu hian type phei se chuan chhiar ngaihna a awm lo ang. I post ah khian hawrawppui pakhat mah i dah tello va. Tin, Admin te khan hmanni lawk ah pawh an chhuah leh kha; comma, full stop, exclamation piah ah hian space han dah zeuh te hian chhiar a ti nuam leh zual thin. I comment ah pawh i la rawn chhunzawm zel tho mai. Hawrawppui ziah lo zir tha leh teh khai. Edit tu an khawngaihthlak e mai.
Report this comment
October 10th, 2011 at 7:08 pm
Tlem a zawng chu Zotuithiang ah hian chhiar tur a awm a, mahse, a tam vak lova, a dang hi awm sela chuan a duhawm khawp mai, novel lampang erawh a awm lovin ka hria
Report this comment
October 10th, 2011 at 7:10 pm
Tlem a zawng chu Zotuithiang ah hian chhiar tur a awm a, mahse, a tam vak lova, a dang hi awm sela chuan a duhawm khawp mai, novel lampang erawh a awm lovin ka hria. Kei pawh post ka hmuh tirh hi chuan a awm tawh a, chumi chanchin chu a rawn sawi dawn emaw ka ti a, ka lo phur tawh teh reng nen.
Report this comment
October 10th, 2011 at 7:52 pm
Nizan khan post tupa hian a hairil ka ti reng a, 2007 vela Mizo thawnthu chhiar theihna tur ang deuhva an rawn post a website tuna nung tawh si lovah hian a lo ang bui bui a, ka phawk chiang khawp mai.
Report this comment
October 10th, 2011 at 9:08 pm
Ka lo ngaihtuah dawn chhin ang e. Blog vela download theih turin.
Report this comment
October 10th, 2011 at 10:03 pm
download site a awm a maw ka tia, phur fain ka hawng a… a ṭha reng2 e. Kei pawh Mizo lehkhabu eng engemaw chu internet-ah chhiar theih turin awm ta se, ka hmang ṭangkai duh viau mai thei a ni.
Report this comment
October 10th, 2011 at 10:23 pm
Rawtna tha tak ani
.
Type chhuah vek kher loh pawhin tih dan chu a awm mawle.
Report this comment
October 10th, 2011 at 10:23 pm
Khai a, thiante u, in va lu duhtui phian ve. Ka beisei aiin in lo duhtui…hehe… Mizo ziakah hian ka duhtuiin grammar pawh hi hre ve fuin ka lo inhre thin a (a bik takin English grammar lamah). Mahse hetiang lamah (website) hi chuan in lo duhtui vakin ka lo ring pek lo a lawm mawle…. Internet lamah hian ka update teh ual lova, ka inchhuang lo khawp mai, hlui pui puite ka lo dap vel a….hehehe…. ka type hi a chhiar tlak leh mial thin a nia, 2006 kuma MAL book of the year thlannaa top 10 zinga lang ve ‘Duhthlanna leh Rinna’ tih kha ka ziah a ni ve khanglang a nia… hehe… In lo duhtui phian tih ka hriat hian hlimawm ka ti ngei mai. Thangtharte hi tawng thu-ah hian an pawlawh viau tawh emaw ka ti a, ka lo ngai sual deuh viau a lo nih hi. Maian te hi an ‘bei’ tawh a, saptawng thumal an telh nghek nghek ringawt tawh emaw ka lo ti thla ngawt a law mawle. Tak tak ana, a thiam leh thei deuh khan mizo thawnthute pawh hi upload belh zel ila, novel leh thil dangte pawh hi chhawpchhuah dan dap zel teh ang u a. A thlawn teh tawp lova download tur pawh lo ni ta se a la tha reng reng ang. Uiawm lam ai chuan advertisement atan a tha riau a nia.
Report this comment
November 25th, 2011 at 9:56 pm
TuaiSialA kha khawnge a awm tak aw????? Hehe… blog lama download-na tur chu i lo hre tawh/siam tawh mial em le? Nghahhlelh a va na duh ve le. Ziaktute hi han hmin kual thei ula ka ti hle mai. Advertisement atan a tha dawn bawk si. A bik takin Mizo novel lam hi upload theih se kan ti hle mai
Report this comment