ISUA NEN A KAN INKAWMNA LEH HNAM THUTHLUNG PHO CHHUAHNA
-Rorelliana; Mizo
ISUA HNENAH : Engtizia nge Israel ho hnenah khan “Keimah hi kâwng leh thutak leh nunna ka ni; Keimaha kal lo chu tumah Pa hnen an thleng ngai lo” i tih mai?
Nangmah ngeiin Israel ho hnenah vêk khan he ti hian i sawi si a. “Tihtakmeuhin tihtakmeuhin ka hrilh a che u, fapain mahniin engmah a ti thei lo” tih leh “Keimahin engmah ka ti thei lo” i ti fel nalh si a.
Mahnia engmah tih theih neih lo hi, Kâwng, Thutak, Nunna a nih theih reng reng loh. Isua chuan ka thusawi awmzia kha hetiang hi a ni; “Pa keimahah a awm renga, thil a ti zawk thin a ni. Keimaha awm Pa leh kei insawi hrang lovin, pumkhat kan nihna atangin thu ka sawi a, ka Pa thil tih chu ka tih a ni mai a ni” a ti a.Isua hnenah chuan; Nang chu Kawng leh Thutak leh Nunna chu i ni lova, nangmaha awm Pathian zawk kha Kawng, thutak leh Nunna chu a ni a, nangmah ngei pawh khan Pathian Khuannu nunna chu i chan leh dawn a ni si a.
Mizoram mipui nangmah ringtu, Kristian ho phei hi chuan Pathian ni ta berah an ngaih phah che a, an mahni hruaitu ber leh Siamtu leh lei leh Van Lalber emaw an tih phah che a, Mary fapa mihring ve tho i ni tih hi an hre phal reng reng lo che a, Pathian ah an be tawp mai che a, nangmah fakna leh chawimawina hlâ hlirin an inawitlei thin a nih tak hi.
Ní leh thla leh Arsi te leh khawmual leh tuipui zau tak leh thil awm zawng zawng mihring te nen vek, a siamtu Pathian Chungkhuanu chuan, Zofate thinlungah hmun a chang tlem êm êm a, mitin thinlungah Isua Krista Lalber rawh se, Zoram dungtluanah Isua Lalber rawh se, Isua chu lei leh van Lalber a ni” tiin an âu rual dual dual mai a, Mizo ni a min siamtu, Zorama min hruai luttu, thil hmuh theih leh hmuh theih loh thil awm zawng zawng siamtu Pathian Khuanu chuan fakna leh chawimawina reng reng a chang zo ta lo a ni.
Tum khat pawh “Isua” nangmah hmu tur chein mi pakhat i lamah a lo tlâna, i hmaah a thingthi a, i hnenah, “Zirtirtutha chatuana nunna ka chan theih nan engtin nge ka tih ang” tiin an zawt che a, nang chuan heti hian i chhânga, “Enga ti nge tha mi ti? Mi pakhat chauh lo chu tumah tha an awm lo, chu chu Pathian a ni” i lo ti hmiah mai a. Mihring dang aia that chung chuanna i neih bik loh leh nangmah siamtu Pathian chauh tha a awm thu i lo hrilh hmiah mai a, thu dik i tan zia i tilanga a ropui hle mai.
Nangmah siamtu Pathian Khuanu thil tihtheihna hmanga, damlo i tihdam te leh thil mak i tih reng reng te hi nangmah zuitu Kristian te reng reng chuan, nangma mimal thil tih emaw an ti zo vek mai a, “Keimahin engmah ka ti thei lo “ i tih leh “Pa nung reng chu keimahah a awm a thil a ti zawk thin a ni” i tih te chu nangmah ringtu ho chuan an harh phah chuang reng reng lo.
I pianna Bethlehem khua leh i chettlatna Israel ram te leh khua-leh-tui zawng zawng leh in hnam pumpui te chu, Zofa Kristian te chuan, in ram leh in hnam chanchin sawi reng reng chuan Pathian thu sawiah an ingngai vek a ni.
Mizo Kristian te hian an hnam ‘Mizo hnam’ leh ram ‘Mizoram’ Chungkhuanuin a pek leh a dahna ngei te chu theihnghilh thakin, Israel ram leh hnam leh khua-leh-tui, lui luang leh tlângte in hnam kalphung dan kikawi zawng zawng nen Pathian thu berah ngaiin an chângthlan tluk tluk a, in ram leh hnam sawi tel lo chuan tuman Pathian thu sawi theiah an inngai hek lo.
I pianna Israel ram fang tur te lah chuan, ramthianghlim kan fang dawn an la ti ta zel a. In ram lah chu indo chawlh ngai reng reng lohna hmun, mihring inthah tawn rengna, ram leh ram inchuh tawn rengna ram, ramthianghlim la nei reng reng lo ram in ni si a.
Engpawh nise, Pathian Chungkhuanuin min hriattir thu pakhat hrilh ve che ka duh a. Pathian thu chhuak reng reng dâwt a awm ngai si lova. Kum 2008 November thla khan, Mizoram Khawruhlian khua ah Pu. Pu. Engliana thi ka vui lai takin he thu hi ka hnenah a rawn sawi a, “Khawvel mihring te hi Sakhuana avanga in indo chhan hi, kei engkimte siamtu Pathian Chungkhuanu chauh be lova, ka siam mihring inbiak tel hlawm avanga ido thi in ni a, Khawvel mihring zawng zawngin keimah engkim siamtu chuah min biak tlan vek hunah, Sakhuana avanga in indo a awm tawh lo ang.
Khawvel hnamtin te chu Sakhaw pakhatah in awm ang, mahni ram leh hnam zawn theuhin min be mai dawn a ni. Kei Chungkhuanu hian khawvel hnamtin te hi ka duh taka ka siam te vek an ni a, tumah indo tawn lovin inchenna ka siam khawvel kha lo luah rawh u” a ti a.
Pathian Khuanu atanga hnam te kaihhruaina tur Sakhuana hmuh chhuah tira awm, a hmuchhuaktu leh khawvela puangchhuaktu te hi an ropui êm êm a, an hlû bawk a, an hmuhchhuah thu chu dinpui mai lova, a hmuchhuaktu mihring kha kan be tel ta tlat mai hlawm hikhawvelin a tihsual lian tak a ni. Pathian Khuanu mi hman mahni insawi Pathian riau mai te hi an awm thin avangin, an thu zawmtu mipui te khan Pathian ang hialin an cheibawl ta mai thin a, an mahni siamtu leh nunna petu Pathian hlaihtu ah an tan thin avang leh biak hrang hrangchawk chhuaktu a a tan thin a avngin a tha lo êm êm a ni.
Amaherawh chu an mahni betu Pathian Khuanu chhâla an sawi chuan an Pathian that nalai chu a awm renga, khawvel mihring zawng zawng hi an Pathian that theihna lai kha zirtir chhuah vek zawk tur a ni a. Mahni insawi Pathian a tawp mai lovin, Pathian Khuanu nihna kan chan tlan za nalai hi pawp haka puanchhuah ngei ngei tur a ni. Chutah chuan Sakhuana hmuchhuaktu te hi an sâng chuang reng reng lo, mihring ngaihah chuan Siamtu Pathian lamah an ropui ngei a, Pathian ang leh Pathian tluka biak tur an ni hauh si lo.
Hei hi khawvel mihring ten hrechiang ila thain ka hria. Engkim siamtu Chungkhuanu chauh hi CHATUAN a ni a, a nunna pawh CHATUAN NUN a ni a, a nunna neitu apiangin chatuan nunna an nei a ni. Hei hian Isua pian hma daih khawvel awm tan tirh atanga thi tawh ta zawng zawng pawh khan, mi tu emaw vang ni hauh lovin NUNNA changin an hringnun fam an lo chang tawh a ni.
He khawvela piang mihring tu emaw rin avanga chatuan nun neih tur emaw tih hi , nunna thu a mihring bumna rapthlâk ber a ni. Mihring piang zingah pialral (Vanram) kai theihna tura rin ngai an awm reng reng lo. (Nunna chu min siamtu atanga dawn leh chan theuh zawk a ni.) Hmeichhe chhul keua lo piang zawng zawng hi angkhat vek kan ni.
Pathian Khuanu hian a mihring siam te hnenah tumah thlei hrang hauh lovin, Amaha nunnung a thlawnin min pe vek a, tu emaw kaltlanga pek ngai a awm hek lo. Leilung pian tirh atanga khawvela mihring lo piang tawh zawng zawng leh lo la piang leh tur zawng zawng pawhin an mahni hun theuhah Pathian Khuanu nunna chu chantirin an awm zel mai a ni.
Isua ring ho Khristian te hian, Hindu te, Budish te, Mosolman te leh Sakhaw dang reng reng chu ringlo mi Pathian hrelo, hremhmun a kal tur an ti mai a. Mari fapa Isua hi an rinpui hauh lo renga, Isua zirtirna leh kaihhruaina ah an kal lo reng reng a, Hindu Sakhaw vuantu te chuan, Isua aiin Rama an ring zawk daih a, a zirtirna pawh an pawm zawk a, Rama chu Pathianin a kaihhruaina leh a hmanna te chu Hindu Sakhaw vuantu te tan chuan an pawm thlap a ni. Kristian chuan Rama hnena Pathian thu thlun chu an pawm sak CHUNGKHUANU BE HNAM KAN NI
Hmasâng atanga engkim siamtu Chungkhuanu (Pathian) be thian hnam kan ni a. Ramhuai, thingbul, lungbul kan be ngai reng reng lo. Kum 1894-a Christian Missionary lo kal Sap ho khan, Isua Juda mi kha mi biaktir an tum em avang khan, Ramhuai bia, Thingbul lungbul bia in ni min rawn ti a. Chu chu Kristian a inpe apiangin an awih nghal a.
Kan pi leh pu te hi Sakhuana ah hian an ríl em em mai a, an thil tih kawngtin rengah hian an biaka chhâlin thil an ti zel thin a.
Awmna hmun an din reng rengin an biaka chhhâlin, Aizawl an ti mai lova, Aizawl ‘khua’, Lunglei ‘khua’, Biate ‘khua’, chutiang zel chuan an biak khuanu hming an chhal zel a. Innei an awmin, ‘Khuanu samsuih’ an ti a, pangti-a dum lo awm chu ‘Khuavangchhinchhiah’ an ti a. Awm ho nikhua ah an tawng mam mam an ngawih thap chuan, ‘Khuavang kallai’ an ti a. Ní lang lo lêka chhum dum a lo awm mup chuan, ‘Khua a dur’ an ti a, Ní a sat val val chuan ‘Khua a tha’ an ti a, Ruahsur dawna chhum kara lo ri dur dur lah chu, ‘Khawpui a ri’ an ti a, khawhar chhungte chu, ‘Khuareiin a hnem ang che’ an ti a.
‘Khuain zah a ngai anga kan thil tih kan tluang mai ang’ ‘Khuanuin inchhungkua malsawm che u rawh se’ chutiang zel chuan engkim siamtu an biak Khuanu an lam tel zel a ni.
Ramhuai, thingbul, lungbul bia lo ni se chuan, Aizawl khua ti lovin, Aizawl thingbul lungbul, Biate thingbul lungbul, chuting zelin an ti ngei ang. Tuman Aizawl thingbul lungbul an ti ngai love.
Chuvangin Zofate u, Leilung piantirha hnam nia kan lo awm tan tirh atangin min siamtu, Chungkhuanu hi kan biak leh kan dinna a ni a, tuna kan luah ram Zorama min hruai luttu pawh hi (Isua Juda mi ni lovin) Chungkhuanu chu a ni. Isua kan biak hi bansanin, min siamtu Khuanu, Zorama min hruai luttu, chatuana kan nun theihna tura a ma nuna min petu Chungkhuanu chu biain amah ah i ding nghet zawk ang u.
Similar Posts:
- Isua Pathian a ni lo
- Kristian sakhua leh Mizo hnam sakhua danglamna
- Chungkhuanu (Pathian)
- Ram leh, hnam leh sakhua
- HNAM ROLUNG
June 22nd, 2012 at 11:51 pm
Hnam Sakhua te pawl an rawn thawk leh e!
Report this comment
June 23rd, 2012 at 12:00 am
Sei emai..chhiar puat puat a, rilru a tangin ka paih bo nghal puat puat bawk
Report this comment
June 23rd, 2012 at 12:03 am
A thui mah mah inkhel en duh tawh bawk nen ka chhiar liam puat
A ho vei reuh e 
Report this comment
June 23rd, 2012 at 12:07 am
Isua te hial han kawm phak ve ta lem chuan Eng thu Ropui mah zu han thlen lem chuang hlei lo ia
Report this comment
June 23rd, 2012 at 12:12 am
‘Isua kan biak hi bansanin, min siamtu Khuanu, Zorama min hruai luttu, chatuana kan nun theihna tura a ma nuna min petu Chungkhuanu chu biain amah ah i ding nghet zawk ang u’. He Isua lo hi Kristiante hian Chhandamtu dang in nei pek em ni?!
Report this comment
June 23rd, 2012 at 12:20 am
Heiha huiha…UPC lam thu-hla ngaichang phawt te’ng!
Report this comment
June 23rd, 2012 at 12:32 am
Pathian, chungkhuanu, khuanu, Isua, tih leh khuavang tih hi i hriatpawlh vek mai a ni maw, i sawipawlh vek mai alawm mawle.
Mizote Kristian kan nih hma chuan sapin ‘God’ an tih hi tunge anih chiah kan hrefiah lova, our ancestors were uncertain as to the exact nature (or identity) of God, whether god is definite, endless, finite or infinite, chuvangin duh duh danin an address thin, Pu Vana, Khuanu or Chungkhuanu etc.. Khuavang erawh ramhuai fel, mihring malsawmtu ah ngaih a ni. Khuanu an ngaih dan nen chuan a danga, khuanu nen an thliar hrang bawk.
Chiang tak chuan ka hre lo na a, Bible an lehlin hmasak ber tum khan ‘God’ tih hi mizo tawng thumal a tlukpui hman tur an hre mai lova, a letling tu zinga pakhatin ‘Pathian’ tih a rawta, an pawm tlanga, tun thlengin kan hmang zui ta a ni. Tin, khuanu tih leh lunglei khua, Biate khua tih hian inzawmna an nei lo. Mizo tawng i thiam lo hle mai. Khuanu chuan Superbeing (mihring te aia thil ti thei) tihna lam a kawka, Biate khua tih te chu village/town tihna a ni zawk. kan mizo tawng thumal beitham luatah thumal pakhat thil 2/3 sawinan kan hmang thin, lo buai phah vak tur a ni lo.
kan pi leh pu te khan direct takin thingbul/lungbul be lo mahse a kaihhnawih serh leh sang an ngah em ema, tin ramhuai hlau reng rengin hun an hmang thin. Kawng tinrengin ramhuai kha an tlawna, ramhuai lakah pawh an inthawi thin a ni.
Tin, i hriat hmaih lian tak chu Isua kha Mari fapa a ni satliah lova, mihring a ni bawk heklo, Pathian, mihring fapa anga min chhandam tura lo piang a ni zawk.
Report this comment
June 23rd, 2012 at 12:36 am
thlirdan kawng khat chauh a han thlir chuan pawm awm ve thlup mai mi te hi chuan an rilru hi an van seng peih mai mai ve aw.
Report this comment
June 23rd, 2012 at 12:37 am
Chhiar hmain
phawt.
Report this comment
June 23rd, 2012 at 1:02 am
Aw nangni hnam sakhaw betute u, zäm rëng rëng suh u!
A ril bîk emaw tia sâp ṭawnga dak naran hnial mai mai hi engah mah ngai suh u.
Mahni nûte ṭawng hman ngei, mahni nûte’n hnutë an pêk laia an ṭawng chhuahna ṭawng ngei hmusita sâp ṭawng ngaisángho hian vànram (a lo awm palh a nih pawhin) an kái chatuan chamàng lo vang. Hnam mäwl zia hnam mäwl zia
. Hnam mäwl bengtlalo zia… Hnam mäwl zinga mäwl chènbeh lehzual zia. 
.
Hriat chian loh rîsi vak vak…
.
Report this comment
June 23rd, 2012 at 1:14 am
sei em mai ka chhiar peih leh lo
Report this comment
June 23rd, 2012 at 1:45 am
Hei chu naktuk lam a chhiar atan khek rih teh ang
Report this comment
June 23rd, 2012 at 2:28 am
hahaha
Report this comment
June 23rd, 2012 at 2:35 am
Ekhai.. Post thar a lo awm a ni maw?
Mu phawt teh ang.
tren tren
Report this comment
June 23rd, 2012 at 2:42 am
Ram I lak zel loh nan nasa takin ka LALPA ISUA KRISTA, PATHIAN MIHRING A LO CHANGA hnenah ka lo tawngtai ange.
Report this comment
June 23rd, 2012 at 2:55 am
Hei, Juda pa naran nen an inkawm a, a thusawi chu a awih hle mai si a ni maw? Pathian anih si loh chuan Kum 2000 vel zet kal tawh a mi nen engtin nge an inkawm theih le. Juda pa chu a lo dah ropui ber zawk a nih hi a.
Tin, he ngaihdan hi liberal theih tawp a ni. Religiou pluralism kan tih duhthusam a ni.
Isua hi Pathianin min chhandam tura, keini mihringte tana chhandamna fiah ber kan chan theihna tura mihring famkima a lo channa a ni. Khawvel finna hmanga he Pathian mihringa a channa leh chhandamna (kraws thu) hi chhui fiah chi a ni lova, a neitute erawh chu an fiah em em lawi si a ni.
Report this comment
June 23rd, 2012 at 3:39 am
Report this comment
June 23rd, 2012 at 6:44 am
Hotupa ber thleng a thil ni theilo hulhual rawn phawrh tak mai chuh, a nawi hle mai a…. Inzuihral tep tawh a member thar in lo zawng ni lo maw hehe.
Report this comment
June 23rd, 2012 at 7:31 am
ta mai mai thin chuan a..
Report this comment
June 23rd, 2012 at 8:13 am
Kristian hi ala tâm vek dawn.
Report this comment
June 23rd, 2012 at 9:51 am
risk. huai ve
Report this comment
June 23rd, 2012 at 11:17 am
Post tupa, Highway to hell kha ring deuh in sa mai rawh.
Report this comment
June 23rd, 2012 at 11:20 am
Eng lampang nge
Report this comment
June 23rd, 2012 at 11:30 am
i mimal ngaihdan a ni ve mai..midang i mimal ngaihdan tawmpui tur a sawm kher a tul lo ka ti. min share hi a tawk.
Report this comment
June 23rd, 2012 at 12:01 pm
A thing e, tunlaiah a betu tan paawh thlarau thianghlim lo chu beisei tur a awm lo a nia. Chutihlai a Kristian lo lehnghal in ka kawm e lo tih te chu a.
Report this comment
June 23rd, 2012 at 12:07 pm
Heipawh
…………hun rei tak tih than leh dan anga kan pi leh pu ten an lo neih tawh culture emaw tradition an tih mai(Long hold conviction) leh kristianna kalpui dan i hre chiang lo deuh in a lang e…….
Report this comment
June 23rd, 2012 at 12:12 pm
A va rapthlak em!
Report this comment
June 23rd, 2012 at 12:13 pm
Tawmpui turin ka sawm lo che u a, thudik zawkah hruai luh che u kan tum zawk ani. Mahse Bible hian khawdang hawi thei miahloin a siam tlat si che u anih rih hi.
Report this comment
June 23rd, 2012 at 12:31 pm
@rinzova#28: Nangmah leh bible inzawmdan i hre lo ang riau mai a………..a lehlam atanga thlir chuan hnam sakhua i ni a, a dang atanga tir leh chuan multiple god nei ang i ni leh daih anga, a kal kawp dan hi han chhui han chhui ve phawt la chuan a nihna zawk ah chuan i lut mai ang. How do you relate? tih lam zawk a hi a pawimawh, a khawi a mah zawm tir thiam loh chuan a kal vung nasa thei ve2.
Report this comment
June 23rd, 2012 at 12:33 pm
@ Rinzova Lalhnam, heng Babulon mi ho hian engmah lah hi an hre tha duh mang si lova ti r’aw…theihtawp han chhuah zel rawh Lalhnam kan dinchhuah a, Khuanu ram a zauh zel nan
Vanglainiah ka chhuahchhawn tir dawn, i phal em? He he he
Report this comment
June 23rd, 2012 at 12:44 pm
A ngaihnawm angreng phian mai, kawng eng emaw zawng takin mihring suangtuahna atang chuan awmang tak pawh a ni awm e. Muslim leh Kristian pawl thenkhat (cult) ngaihdante nen pawh a in zulzui khawp mai.
Isua Krista Pathianna hi mihring finna atang hriatfiah chi leh pawm theih chi a ni lo reng a; Pathian thuruk inthup, thlarau thianghlim thiltihtheihna atang chauha hmufiah leh pawm theih a nih avangin mihring sual bawiha tangte tan hriatthiam ngaihna a awm lo reng a ni.
Hei tak hi Juda ten Isua Krista an khenbeh nachhan pawh kha a ni. Pathian fapaa inchhal chu Pathiana inchhal tluka an ngaih avangin an tihlum a nih kha. Tin, Isua ‘kawng leh thutak leh nunna’ a nihzia hi heti zawng hian sawi ila:
Mihring chu bawhchhiatna avangin Pathian laka mihrang, thihna in a fanchhuah vek a ni a. Pathian nunna chang zo tawh lo a ni. Isua chuan mihring ai rawn awhin chu thihna ngei chu a rawn hmachhawn ta a – kros-a thihna khan. Tisualtu leh thi tur kha mihring a nih tlat avangin aiawhtu tur chu mihring bawk anih a tul a ni. Pathian remruatna fing tak mai chuan Amah leh Amah inti tlawmin mihring anga lo piangin khawvelah hringfate sualna tlan tur leh an thih aia rawn thia, nunna an chan leh theihna turin kros kawng a rawn zawh ta a ni. Isua chu khawvela mihringte zinga lo piang a nih avangin Pathian Fapa tih a ni ta bawk a.
A thihnaah hian mi zawng zawng an thi ni mai lovin a thawhlehnaah pawh mi zawng zawng an tho leh a, chumi ringa, pawma, Isua thuawih tu apiang te chuan Pathian Fa nihna an chang thei a ni. Hei hi Isua ‘kawng leh thutak leh nunna’ a nihna chu a ni.
‘Fapain mahniin engmah a ti thei lo’ a tih awmzia pawh hi Kristian thurin man thiam lo tan chuan a buaithlak duh viau reng a ni. Pa leh Fapa inpumkhatna hi theological term-ah chuan ‘hypostatic union’ an ti a, Isua mihring a nihna te, Pathian a nihna te, thlarau thianghlim nena an inlaichinna zirna lam a ni. Tichuan Isuan, ‘Fapain mahniin engmah a ti thei lo’ a tih awmzia chu mihring anga alo pian a, fapa (a mihring mihrinna) a nihna kha chuan thiltihtheihna a nei lo a tihna a ni. A Pathian nihna erawh kha chuan engkim a ti thei si. Mitthi a kai tho thei a, Pathian chauhin a tih theih sual pawh a ngaidam thei a nih kha.
A tawp berah chuan i rawn sawi dang pakhat, Isua’n, “Enga ti nge tha mi tih? Mi pakhat chauh lo chu tumah tha an awm lo, chu chu Pathian a ni” i lo ti hmiah mai a. Mihring dang aia that chung chuanna i neih bik loh leh nangmah siamtu Pathian chauh tha a awm thu i lo hrilh hmiah mai a, thu dik i tan zia i tilanga a ropui hle mai’ i tih pawh hi heti zawng hian lo thlir ve teh:
Isua rawn bel tu khan Isua kha (nangmah ang thovin) mihring satliah ve maiah a ngai a, ‘zirtirtu tha’ tiin a rawn ko a ni. Helaiah hian Isua’n tarlan a duh chu Adama thlah hringfa tungchhova kal zingah tha pakhat mah an awm lo, thil ti sual tawh vek an nih zia a ni. Amah ngei pawh mihringte sualna phurtu tur a ni a, a mihrinna ringawt kha chu A Pathianna tel lo chuan a turu em em hran awm lo ve. Chuti rual erawh chuan Pathian nihna leh mihring nihna kha inzawm tlat a nih avangin mihring famkim, sual kai lo a nih miau avangin thihna meuh pawhin a ngam lova, a tholeh a ni. Chu a thawhlehna ngei chu a thihna tawmpuitu misualte hian kan lo chang ve ta a ni.
Hei hi i thupui ‘Khuanu nunna’ mi zawng zawngin kan chang tih chu a ni zawk. Isua thihna leh thawlehna tel lo hian misual riangvai te hian engtikawng mahin Khuanu nunna hi kan nei thei lo. Isua Krista kaltlanga nunna hi pek kan ni a, chuvangin Isua chu ‘KAWNG LEH THUTAK LEH NUNNA’ a ni tih hi a chiang em em a ni.
Report this comment
June 23rd, 2012 at 1:23 pm
16 mimipa leh 31 donald te chhanna khi a tha tawkin ka hria e. Kan naupanlaia Religious pluralism leh Liberalism kan lo insawithaìh thin kha kan Zoramah hi chuan a rawn inlar ngam tak tak dawnlo amaw ka tia, a inlar chhuak ta fo mai. 20 a “Kristian hi ala tam vek dawn” i han ti ngawt phei khi chu, a mizotawng hrim hrim pawh khi a diklo anih khi. Khawvelah hian Isua krista hming tana a tawp thlenga tang ngam tur leh nunna pawh leihbuak phal hi kan la tam lutuk. Pathian Lalram he leia mihring thinlunga lo indin tan hi, a mang dawn lova, a thanglian zel anga, vanramah chhawmluh(kohhran leh Isua krista inneihna) ala ni dawn asin ka unau.
Report this comment
June 23rd, 2012 at 1:29 pm
Kum 2008 November thlaa Chungkhuanu’n a rawn biak che chuan i lo be ve lo em ni? Thu eng emaw tal lo zawh ve tur che alawm
In chungkhuannu leh kan chungkhuanu hi an in ang lo a ni maithei a nia. Kan Pathian biak hi chuan heti hian a ti asin:
‘Tin, A Fa tira (Isua) chu khawvela a tirh dawn lai khan heti hian a ti bawk; “Pathian vantirhkohte zawng zawng pawhin Amah chibai buk (worship) rawh se” — Heb 1:6
Vantirhkohte mahin chibai an buk chu, mihringte chuan kan va buk nasa lehzual dawn em! Thlarau engpawh Isua Krista chawimawi lo chu Pathian thlarau a ni lo tih kan biak Pathian hian chiang takin min hrilh bawk si. A rawn betu che chuan Isua chanchin engmah a sawi bawk si lo a maw? Setana zawk hi in lo be dum dum ang tih ka hlauhpui hle mai che u.
Report this comment
June 23rd, 2012 at 2:05 pm
Daw daw lo mai teh…inla inhmachhawn tak dawn, Chutih hunah chuan zawhna chhan harsa i tih em em tur ala zawt zawk ang che. Fimkhur rawh..
Report this comment
June 23rd, 2012 at 2:39 pm
Nizan inkhel kha a va’n hmuhnawm em ve le. germany kan che na tulh tulh dawn niin a lang. zanin pawh en leh keuh teh ang.
Report this comment
June 23rd, 2012 at 3:09 pm
@ ninja, an tihchhuah duh phawt chuan khawiah pawh chhuan phal ani e.
Report this comment
June 23rd, 2012 at 3:23 pm
Chungkhuanu malsawmna zarah…. han tih hian a ropui hmel bik a, khuavang chhinchhiah han nih bik te hian a vanneih hmel leh zual a… mahse, Lalhnam han nih hnâp mai chu… Khuanu leh Lalhnam inzawmna erawh ka hre lo
Report this comment
June 24th, 2012 at 5:47 am
Charice_Mizo, Bible-a God tih hi Mizotawnga Pathian tia an dah dan hi kan hriat dan ava inang lo tehnuai ve le. Tin, serh leh sang an ngah khan an nun kawng kha a hruai tha hle reng a ni. Khang serh leh sang te kha kan palpeh nasa lutka tun hi kan thleng ta a ni mai lo maw le. Kan pipute kha ramhuai lakah pawh an lo inthawi thin a ni ang e; mahse kha an inthawi avang khan an bia tihna reng reng a kawk lo. Tun laiah pawh natna te chu kan hlau a ni lawm mi, dam kan duh avangin Dawktawr te kan pan a ni lawm mi;dawktawr kan va pan avanga khan kha dawktawr kha kan Pathianah kan be chuang lem em mi le? Kan pipute khan an thiam ang tawkin natna te kha umbo an tum ve mai a ni.Mizo sakhua betu te hian Kan pipute tih dan zawng zawng hi a kip a kawin kan ti leh vek dawn kan ti lo a, tihchhun zawm zel chi leh chi loh te a awm ve tih hriat tur. Kan ram Kristiante pawh hian Tunhma a in duh loh, in duh leh taksi a tam em hi. Khuang te pawh tunhma chuan In Biak in-ah in lalut duh hlei nem, mahse tunah chuan a lohin in awm theih tawh loh hi. Mahni thlahtute thil tih that hre duh mang si lo a, a chhe zawng hlir mai sawi duh hi chu Kristian tih awm lek a ni e.
Report this comment
June 24th, 2012 at 5:55 am
Pathian atang chhuak, nunna nei te chu Lalhnam te kan ni mai. A inzawmin,A huap zau fu lo maw.
Report this comment
June 24th, 2012 at 6:02 am
Khawvela mihring zawng zawng hi mi pakhat thlah kan nih loh angin, thihna pawh hi chumite bawhchhiatna avanga lo awm a ni lo. Pathianin a remruat sa a ni e.
Report this comment
June 24th, 2012 at 10:03 am
Hnam sakhua Says:
June 24th, 2012 at 6:02 am
“Khawvela mihring zawng zawng hi mi pakhat thlah kan nih loh angin, thihna pawh hi chumite bawhchhiatna avanga lo awm a ni lo. Pathianin a remruat sa a ni e”
He ngaihdan hi engtia nei thei nge in nih khawngaihin I han sawifiah thei em? Chungkhuanu intih chuan kum 2008 November thla khan a rawn hrilh che u emni? Nge a hma zawkin? A hrilh lai che u chuan hretu dang an awm ve em? Chhinchhiahna leh thilmaktein a rawn tinghet ve em? In hotupa ber hi khengbet sela ni 3 niah a tho ve leh ang em?
A thu hrimah in khuanu chuan ‘lalhnam’ ho chu a tir atangin a huhovin a siam che u a ni ang maw!! Tutu-te nge an nih hlawm le? A hrilh ve che u em? A siam te te che u a, tihsual engmah pawh in nei lo chung kha a tihlum leh ta den den mai che a nia maw? Chuan a duh duh hunah a siam leh mai dawn che u a, a va ti khawngaihthlak em em che u ve mawle. Nun dan tur leh awmdan tur inkaihhruaina mumal engmah pawh siam lem lo che u khan, inti zawlnei apiang khan duh duh inphuahchawp mai a nih hmel ber a; Khuanu’n chuti chuan a ti tiin, in bum theih tur in zawng ruai mai a ni ang tir’u?
Midang in bum emaw intih lai khan mahni leh mahni in inbum a ni tih in hre der silova leh..!!
Report this comment