Zanin hian Euro 2012 game hnihna chu champion tura rinkai ber zinga mi leh champion ngun ber Germany leh vanneih(?) vanga group stage pal tlang ve tawk tawk, Greece in an khel dawn a, he match hi tun tum Euro Quarter-finals zinga match in khan lo ber ani hial awm e, mahse tu te emaw tih dan tak ah ‘game a nia, a hriat miah loh’ an tih ang deuh khan hei phei chu ‘game tak tak’ a nia, a hriat miah loh ‘tak tak’!
Quarter-final zinkawng..
Germany
Germany hi ‘Group of Death’ an tih mai, Fifa World Ranking pawh a top 10 a lang pha thiau awm khawmna, Group B atang rawn in pet tling thei kha an ni a, chu mai ni lovin an tumpuite an la hneh kim vek zui! An game hmasa berah Portugal chu (1-0) in an hneh nghal phawt a, an game 2na ah Netherlands chu (2-1) in an hneh leh a, an game hnuhnung berah Denmark chu (2-1) bawka hneh leh in point awm thei zawng zawng hmu fai vekin Quarter-final an thleng chiang hle.
Greece
Anni hi Group A atanga rawn in hlangkai hram kha an ni a, an game hmasa berah a thlengtu Poland nen 1-1 in an indraw phawt a, an game 2na ah Czech Rep. lakah (1-2) in an tlawm avangin quarter-final khel pha lova an haw kan lo rin thup laiin an game hnuhnung berah thih tha in Russia an khel a, chak lo tura rin zawk khan (1-0) in Russia an hneh daih avangin russia nen hian point inang hmu mahse head-to-head ah an chungnun zawk avangin an ni hi an tlang ta zawk anih kha.
Team bihchiang ang..
Germany
Germany hi chu engtik lai maha chhe ngai tak tak lo an ni a, chumai bakah Euro a champion ngun ber an ni mek a tin, fifa world ranking ah 3na anni mek bawk. An coach Joachim Loew a hnuai ah hian germany hian 4-2-3-1 formation an hmang tlangpui a, tuna an team ngat phei hi chu a khawi lai mah hi han sawisel em em tur awm lo khawpin an tha rual a. A hnung ber ah goalkeeper nopang, confi em em lawi si, che rang zet mai Neuer a ding run a, defence line ah Boateng, Hummels, Badstuber leh captian Lahm an ding tlar a, tin, defender leh midfilder ho chawm tawn zak zak turin an Khedira leh Schweinsteiger te an awm anga, right midfield ah muller a awm anga, left ah tlanchak hmingthang, arsenal(nopang team) a luh tum tlat lawi si Podolski a awm bawk a, tin alaiah attacking siam tupa ber Ozil a awm bawk ang a, khawi ram mah hian hetianga midfielder duhthusam hi an nei bikin ka ring lo! Tin, an hma ah tun Euro a top scorer ni mek Gomez ala awm dawn zui!
Greece
Anni hian Portuguese coach Fernando Santos an nei a, an game pawh kum 2004 a champion puitu Otto Rehhgel a hun lai ai chuan tlem chuan a dang deuh. Santos hian Greece hi 4-5-1 formation hmangin a khelh tir tlangpui a, attack pup pup lovin fimkhur taka khelin counter attack ah an in nghah leh a rinawm a, goal keeper Sifakis an nei a, defending line ah To’sidis, Pa’poulos, K Pa’poulos leh Tzavelas te an awm thin a, an ni hian vawi duai lo an team an lo chhanhim tawh thin ani. K Pa’poulos hi zanin hian hrem tawh vangin a khel thei dawn lo va, he central defender tel lo hian an tlar hnung hi a phui tawk tho angem? Tin midfield ah pawh an captian chhuanvawr leh an team a player tangkai bera chhal ngam Giorgos Karagounis pawh yellow card hmuh vangin a khel thei dawn lo bawk a, chu mai ala ni lo an right midfielder salpingidis pawh a khel thei dawn lo cheu! Amaherawh chu samaras te an la awm a, striker ah Gekas a awm leh dawn bawk a, an ngaihtuah awm loh turah ngai ang.
Hriat ve mai mai atan..
# Germany hi Euro ah vawi 3 champion tawhin champion ngun ber an ni a, Greece hi vawi 1 an champion tawh thung.
# Greece hi Fifa World Ranking ah 15na an ni a; Germany 3na an ni thung.
# An pahniha an intum hnuhnung pariat ah germany vawi 5 chakin vawi 3 an indraw a, Greece an la chak ve lo.
# Germany hian Euro a Quarter-final ah vawi 4 an lut tawh a, an la chak vek! (72, 76,96,08)
# Greece hian vawi khat quarter-final an lut tawh a, kum 2004 khan champion lai france chu 1-0 a hnehin an champion zui a nih kha.
# Greece hian an game hnuhnung 8 ah game 1 ah goal 1 aia tam an la thun ngai lo.
# Group stage an khelh khan €8 million an dawng tawh a, quarter-final an thlen khan €2 million an dawn belh leh a, semi-final an thlen chuan €3 million an dawn belh leh ang.
Khaikhawm ang..
Hetia han en mai chuan Germany hi kawng tin rengah an chungnung niin a lang a, skill leh power ah an tha zawk ve ve a, an team an lungrual hmel bawk a, tin german ho hi chu hnam huaisen an ni hrim hrim a, chak loh an duh ngai lo. Greece vet hung erawh an first eleven 3 ngawt mai hrem tawh vangin an chhawr thei dawn lova, engtin tak tuar ang maw? Nge, an coach hian an mahni aia tha bench ah ala nei zawk? Chhiarkawp dana han chhut chuan germany hi chak tura beisei an ni a, mahse football ani miau a, chhiarkawp dan a hman ngawt theih loh avangin a chak tur zawk hre tur chuan zanin dar 12:15 han nghak leh char char phawt mai teh ang u..
PS : Kei chu Germany ka tan ah! 😛
June 22nd, 2012 at 9:41 pm
ENGLAND!
June 22nd, 2012 at 9:46 pm
I rawn sawi kual vel duh dan chuh! England ka tan phah sauh 😛
June 22nd, 2012 at 9:50 pm
Game a nia a sawi lawk theih loh, a tu zawk zawk pawh khi chak se ENGLAND an Champion dawn!
June 22nd, 2012 at 9:52 pm
Chhuaklinga chuan Greece a tan ber
Lo kal ta che u maw…..
June 22nd, 2012 at 9:53 pm
Post ho tak ani.. 😛
June 22nd, 2012 at 9:56 pm
An lo ti leh ta!! 😛
June 22nd, 2012 at 9:59 pm
Germany kan champ dawn hi a ni tawp mai 😛
June 22nd, 2012 at 10:04 pm
ENGLAND 😀
June 22nd, 2012 at 10:07 pm
ENGLAND in va tam ve 😛 kei pawh ka ni tho 😀
June 22nd, 2012 at 10:16 pm
en ve keuh teh ang zanin chu.
June 22nd, 2012 at 10:22 pm
Ka mu lawk dawn ka meng tlang zo lo palh ang
June 22nd, 2012 at 10:29 pm
lol chhangteval naupan laia worldcup final zana kan mu lawk thin min ti hrechhuak.
June 22nd, 2012 at 10:33 pm
England tan chu India tan ang vel a ni 😀
GERMANY NGAT LE
June 22nd, 2012 at 10:38 pm
Zanin atan Greece tan keuh teng…
England (Y)
June 22nd, 2012 at 10:39 pm
Vawi tam submit hlawhchham hnu ah post hi a rawn piang…post hlu tak a ni 😛
June 22nd, 2012 at 10:41 pm
Pic pawh a lang fiah khawp alawm.. 😛
June 22nd, 2012 at 10:42 pm
Zanin chu tan tur ka hre thlawt lo. Grik sipaiho hi tan leh nulh teh ang.
June 22nd, 2012 at 10:42 pm
Ka en ve zeuh zeuh a, ka tang na em em ve vaklo. Ka mi an loh na tak a ni 😀 (Y)
June 22nd, 2012 at 10:42 pm
Zanin atan chuan Germany tan ila, mahse ENGLAND ti chung zelin 😀
June 22nd, 2012 at 10:44 pm
Greece 2 – 0 Germany 😛
June 22nd, 2012 at 10:46 pm
Jerman ho hi an tilut leh jer juar pek dawn mawni.
June 22nd, 2012 at 10:49 pm
Greece hi chuan vanneihna an keng tel ve a 😛
June 22nd, 2012 at 10:56 pm
German ho hi first round a an khelh that ang khan khel tha tawh lo se 😛
June 22nd, 2012 at 11:01 pm
A reh leh ta… Lawi Lo lamah va kal teh ang
June 22nd, 2012 at 11:10 pm
In va lawi lo hlawm tak em. Va lawi lo teh u 😀
June 22nd, 2012 at 11:11 pm
Greece hian Russian ho an hnen dan defensive line up chiah chiah kha rawn hmang leh se……. hmuhnawm ang chu awwww…. German ho mangang tur ka hmu chak tawh lutuk 😛
June 22nd, 2012 at 11:14 pm
Germany hi an chaklo ve khut thei ania 😀 Greece hi chu an vannei ve thei riau. Game ah engmah chiangsa awm theilo. Germany an chaklo ang a, kan tren tren tha thei lo ang tih a hlauhawm viau mai 😀
June 22nd, 2012 at 11:15 pm
Keipek ka hmu chak 😀
June 22nd, 2012 at 11:15 pm
@Sisen, lokir rawh, khi hat-trick i siam #22,23,24 😀
June 22nd, 2012 at 11:20 pm
Dar 12 a ri hlei theilo. Germany khel ka en duh si, comment tur pawh ka hre tawh love 😀
Coffee hi in ho ila mutchhuak a reh ang. Kha u (C) (C) (C) (C) (C) (C) (C)
Sandwich pawh a duh tan (^) (^) (^) (^) (^) (^) (^)
Hetiang pawh hi a tih theih tho bawk a (D) (D) (D) (D) (D) (D) (D)
June 22nd, 2012 at 11:21 pm
Ka tan lo ve ve nachungin an inkhel chu ka en tho ang 😉 😛
June 22nd, 2012 at 11:22 pm
German ho hi an overconfident dawn chiang 😛
June 22nd, 2012 at 11:28 pm
A post tupa hi a muhil daih mai a, a fair lo, kan kaitho ang e… CHHANGTEVAAAAL…..
June 22nd, 2012 at 11:35 pm
Sheldie, a hmaiah belmang va tat rawh
June 22nd, 2012 at 11:48 pm
GERMANY (Y)
TREN TREN
June 22nd, 2012 at 11:53 pm
A hmuhnawm tawh e…
June 22nd, 2012 at 11:57 pm
GERMANY TREN TREN TABLE LAMP
POST THA BER OF MISUAL.COM 😛 (Y)
tren tren
June 23rd, 2012 at 12:00 am
Hei kan tan dawn a nia
June 23rd, 2012 at 12:02 am
ENGLAND (Y) 😀
June 23rd, 2012 at 12:02 am
Sap ngaisang leh EPL ngawr ngawr en ho chuan England an ti tuah hum reng mai.
An champion dawn lo bawn bawk sia.
Hot tak maw.
June 23rd, 2012 at 12:05 am
An tan dawn ta
June 23rd, 2012 at 12:06 am
Tun atang a darkar hnih hnu velah chuan Chhuaklinga hian a gravatar a thlak dawn 😛
June 23rd, 2012 at 12:07 am
Greece chu chak khauh se tha ve re re mawle
June 23rd, 2012 at 12:07 am
Greece ho khian an kawr hmanthiam an ha nih khi 😛
June 23rd, 2012 at 12:08 am
“Nangma thil ropui te an sawi,
Zion kan Pathian khawpui;
A thu phelh tawh ngai lova khan,
A siam che-ama chen nan;
Chatuan Lungpuia innghat chu,
Engin nge tinghing ang che?
Chhandamna banga inhungin,
I hmelma i hlau lo vang.”
Kristian hla bu: no. 363
tren tren
June 23rd, 2012 at 12:08 am
Greece ho chu chhui darh vek ang 😛
June 23rd, 2012 at 12:09 am
Chancellor khi a thu ngui ve hnap ang chu
June 23rd, 2012 at 12:11 am
Greece ho hnam hla chu a hlui ulhkhun hmel hle mai a thluk pawh 😀
June 23rd, 2012 at 12:12 am
Chhangtevalikalos!!!! 😛
June 23rd, 2012 at 12:12 am
German player thenkhat khian hnam hla an sa thiam lo