Isua Pathian a ni lo

April 29th, 2011 10:00 am by Hnam sakhua

Chung Khuanu chu pakhat chauh a awm a. Kan hmuh theih leh hmuh theih loh, thil awm zawng zawng hi Amah atanga lo awm vek a ni.

Chung Khuanuin he khawvel a din tirh ni aţang leh vawiin leh hun lo awm tur zawng zawngah pawh Pathian dang a din belh ngai lova, a din belh dawn bawk hek lo. Thil engkim mai hi Ama aiawha a hmante hi Amah Pathian anga biak leh rin tur an awm rêng rêng lo, eng hunah mah an awm dawn bawk hek lo.

Hmeichhe chhul keuva lo piang zingah Pathian anga biak leh rin tur an awm reng reng lo. Mihring aţanga lo piang chhuak rêng rêng hi mihring vek an ni a, thiltihtheihna nasa tak pawh nei mah se Pathian anga biak tur an ni chuang lo. Pathianin a thiltihtheihna a hmantir mai zawk a ni.

Isua pawh Pathian a ni lo a, Mari fapa mihring Isua tho a ni. Judaho zinga rawngbawltu a ni a, mihring dang aia danglamna reng reng a nei lo. Kristiante’n Isua an rin dan te, Hindu-in Rama an rin dan te, Muslim-in Mohammed-a an rin dan te, Buddhist-te’n Buddha an rin dan te hi mihring pangngai aia danglam bik, Pathiana chhuak ni bik, anmahnia Pathian nihna awm bik tlata ngaihna an nei ţheuh a, an inpawmsak lo ţheuh a, an za hian keimahni ang mihring pangngai vek an ni a. Pathian anga cheibawl tur an ni lo.

Isua pian hmaa mihring zawng zawng te khan anmahni siamtu Khuanu nunna chu an nun nan an hmang vek a. Evi leh Adamate hun hmaa mihring thi tawh zawng zawng pawh khan Pathian nunna chu an nun nan an hmang vek a ni. Kan pi leh pu te, Isua leh Bible reng an hriat hmaa thi tawh zawng zawng pawh khan anmahni siamtu Pathian nunna chu an nun nan an hmangin khawvel an lo hmang ral tawh a. Isua pawh khan amah siamtu Pathian nunna a chan bak nunna dang a nei chuang reng reng lova, mihring dangin Pa aţanga chhuak nunna an dawn ang bawk a dawng ve tho a ni.

Kristiante bumtu ţawngkam lian ber chu hei hi a ni;”Kei hi kawng leh thutak leh nunna ka ni. Keimaha kal lo chu tumah Pa hnen an thleng ngai lo” tih Isua sawi hi a ni.

He ţawngkam avang hian Isua chu ring a, amah chu pawm a, amah vuantute chuan Pathian khawpui, vanram kal tur niin an inring a. Pawm lova, ring bawk lotu chu hremhmunah an kal dawn a ni an ti hial a ni.

Amah Isua hi kawng a ni lova, thutak a ni lova, nunna a ni bawk hek lo. Amah vekin vawi tam tak a sawi a,”Mihring fapa ka ni a, engmah ka tithei lo. Pa chu keimahah a nung a, a thil a ti zawk ţhin a ni” a ti a.Pa nunna amaha awm hi kawng leh thutak leh nunna chu a ni a, Pa nunna, Pain mihringte min pek hi Isua te nena kan vân kalna kawng chu a ni.”Keimahin engmah ka tithei lo. Pa keimaha nung reng chuan thil a ti zawk ţhin a ni’ a ti a. Mahnia engmah tithei lo kha kawng a ni thei lo a, thutak a ni thei lo a, nunna a ni thei hek lo.

Pathian, Khuanu chauh hi chatuana nung chu a ni a, Amaha chhuak nun neitute chauh hi chatuan nun neitute kan ni. Nangmah ngei pawh kha Khuanu siam i ni a, a nunna chu nangmah a pe che a (Isua hre mah la, hre lo mah la) nangmaha chhuak nung awm chu i tan kawng leh thutak leh nunna chu a ni si a.

Mizoramah Mizo niin i lo piang a, i ram chu Mizoram a ni a, i mihring chu Mizo niin i awm a, nangmah siamtu Chungkhuanu chuan Amah aţanga chhuak nunna hlu tak chu Mizoramah, Mizo hnenah a pe che a. Nang leh Pathian chu pumkhat niin in inzawm reng tawh a. Isua te, Rama te, Buddha te hmanga Pathian biak a ngai reng reng lo. Zana i muthilh lai te, hna rim taka i thawh lai te, Office i kal lai te, i infiam lai te; englai pawhin Chung Khuanu chu i hnenah a awm reng a, koh chawp a ngai lova, Amah chuan engkim hmang hian min be reng zawk a ni.

Chung Khaunu chu leilung pian tirh aţangin a nunna hmangin kan hnam Zofate hnenah a awm reng a, englai mahin min kiansan lo.

Hnama min dintu, chênna tur ram min petu chunga mi Chung Khuanu chauh chu biak leh rin tur chu a ni e. Amah lo chu Pathian dang reng reng an awm lo.

Sources-Mizo hnam mipui hnena lehkhathawn

148 Responses to “Isua Pathian a ni lo”

1
Soberboy Says:
April 29th, 2011 at 10:07 am
Hnam sakhua bok chu! I reh char char a.Rawn lang leh thut thin. Kan chhiar phot nge
2
lalhmingzaua Says:
April 29th, 2011 at 10:09 am
Tawngtai sak i mamawh hle mai a
3
Soberboy Says:
April 29th, 2011 at 10:15 am
Tawngtai pui teh ang u misual ho hian! A bo emm mai
4
Ars Renthlei Says:
April 29th, 2011 at 10:19 am
Hrelo ve khawp mai a….Uluk taka tawngtaipui chu i mamawh a nih hi…
5
grady Says:
April 29th, 2011 at 10:20 am
I chhut nasa ve hle mai,i ngaihsanawm khawp mai. Mahse i chhutna (reasoning) ah i innghat a, RINNA (faith) erawh i la hlat hle a nih hi.
6
H.Vangchhia Says:
April 29th, 2011 at 10:21 am
Khuanu tih tawngkam hi mak tak maiin Mizo hmeichhe lehkhathiam tak tak, feminist inti ta ho thenkhat hian “Pathian” aiah hman an tum fo ta mai. Khuanu tih hi Pathian tih aia nu deuh zawk (feminine) deuha an ngaih vang ani mahna.

Khuanu chu Pathian nen danglam daih a ni tih kan hriat a pawimawh. English a “Mother Earth” tih emaw, “Spirit of Nature” tih hian a sawi fuh chiah loh pawhin a sawi fuh thuak ang. Spirit of Nature hi chu primitive deuh mahse, tunlai takah pawh “mother Nature” hi chu “Khuanu” anga hman ala ni reng.

Adang khi chu keimah in tlawmngaiin rawn hrilhfiah thei sela ka ti mange… a hahthlak, thinlung a ti changel hmun e.
7
Soberboy Says:
April 29th, 2011 at 10:24 am
Khawngaih thlak ka tih pawl tak ani!Hawh u tawngtai rual ang u! A poi mang e hetiang rilru pu tamtak an awm ka ring tlat
8
chawnghilh Says:
April 29th, 2011 at 10:32 am
Isua hi Pathian ni chiang e. Pathian fapa chu Pathian a ni –Sailo fapa chu Sailo a ni ngei ang bawkin. Pathian tih hi hming a ni lova, TITLE a ni a. Mahse, Isua hian Pathian a la nei ve leh a, “Ka Pa, in Pa, ka Pathian, in Pathian hnenah ka lawn chho dawn …” Johana 20:17

Tin, Hebrai Mite hnena Lehkhathawnah pawh hian, ” … Pathian, i Pathian chuan …” tih kan chhiar a. —Hebrai 1:9

Pathian tia sawi hmasak zawk khi ISUA a ni a; “i Pathian chuan” a tih thung khi “Pa Pathian Yahweh” sawina a ni thung. ELOHIM tih pawh hi Pa leh Fapa Pathianna sawi kawpna TITLE a ni ngai e. Sawi belh tur a la tam, chintawk awm rih mai se!

“Isua CHAUH hi Pathian” tih erawh hi chu Bible atanga tehin a dik thei lo, hei hi “Oneness of God” lamin an uar hle si!
9
Lersia Says:
April 29th, 2011 at 10:32 am
” mihring dang aia danglamna reng reng a nei lo” Chhut nugun a va ngai em…. a siam dan a tang tawh zawkin a lawm mawnile a danglam bik le. Mipa pawl loh a piang hi eng zat tak awm ve i maw?
10
mr.Duhlova Says:
April 29th, 2011 at 10:32 am
Bible hian chhang che rawh se……kei chuan Bible ka ring/pawm thlap. Chhandam ka ni, Pathian ropuina ka hmu nitin bawk….

Tita thu khawchang….

Chu thu hriattir chu a dik a ni. Chuvang chuan Judaho thawnthute leh thutak hawisan thinte thupekte chu ngaihsak lovin, rinnaah chuan an dik theihna turin na takin zilhhau rawh.Mi thianghlimte tan chuan engkim a thianghlim thin; nimahsela mi bawlhhlawh leh ring lote tan chuan engmah thianghlim reng a awm thin lo, an rilru leh an chhia leh tha hriatna reng pawh a bawlhhlawh tawh a.Pathian hria an inti a, tenawm te, thu awih lo te, thil tha tinreng tih kawnga Pathian duh lohzawngte an ni, (an thiltihin an phatsan si.(Tita. 1:14-15))

Rin hran nei mi chu vawi hnih khat zilh hnu chuan zilh duh tawh suh;chutiang mi chu a kal pengin a sual a ni tih in hria e, amah leh amah thiam loh inchantir a ni si a. (Tita 3:10-11)

Petera thu khawchang

Kan Lalpa Isua Krista thiltihtheihzia leh a lo kal lehna thu chu ka hriattir lai che u khan, thawnthu fing taka ngaihtuah chhuah maite zawm kan ni lo va, a ropuina hmutute kan ni zawk asin.Ani chuan Pa Pathian hnen ata chawimawina leh ropuina a hmu a, chu mi lai chuan ropuina nasa tak atang chuan hetiang aw hi a hnenah a lo thleng a: “Hei hi ka Fapa duh tak, ka lawm em ema chu a ni,” tiin.Tin, tlang thianghlimah chuan a hnena kan awm lai khan chu aw chu van atangin a lo chhuak keimahni ngeiin kan hria a ni. (2 Pe. 1:16-18)

Johana thu khawchang

Mihring hriattirna mah kan pawm chuan Pathian hriattirna chu a ropui zawk si a; Pathian hriattirna chu hei hi a ni, “Ka Fapa chanchin ka hriattir tawh,” tih hi a ni si a.

Pathian Fapa ringtu chuan mahniah hriatna a nei a ni, Pathian ring lo tu chuan amah chu dawtheiah a siam a ni, Pathianin a Fapa chanchin a hriattir a rin loh avangin.

Hriattirna chu hei hi a ni, Pathianin chatuana nunna min pe a, chu mi nunna chu a Fapaah a awm a ni.Fapa chu neitu chuan nunna chu a nei; Pathian Fapa nei lotu chuan nunna chu a nei lo.Chatuana nunna in nei tih in inhriat theih nan nangni Pathian Fapa hming ringtute hnenah heng thu hi ka ziak a ni. (I Jn.5:9-12)
11
Ultraviolet Says:
April 29th, 2011 at 10:34 am
Emmanuel = God is with us.

Heng Bible chang te hi lo ennawn leh teh. Isaia 9:6, Hebrai 1:8-10, Exodus 3:14, Johana 8:58, Matthaia 1:23..
12
zoho Says:
April 29th, 2011 at 10:35 am
Hairehai….mother goddess lam maw? nature worshiping lam maw? sak sak mai a, eng thlarau nge i chan tak? I rindan hian Indus valley, 2500 BC hmalam kha min ngaihtuah chhuah tir daih mai.

Nia, nature worshipping hi a rawn lar leh tan mek bawk, eastern mysticism peng pakhat. Hei hi tluksanna sawhkhawk kal dan tur ze khat chu a ni e. ACT FAST.
13
chawnghilh Says:
April 29th, 2011 at 10:44 am
Awi thaw, ‘goddess’ lam a ni lo! ‘Khuanu’ chu animists kan nih hun laia mi tawh kha a ni e! Kan nem liamna pawh kum za chuang a ni tawh!
14
H.Vangchhia Says:
April 29th, 2011 at 10:48 am
zoho #12 keimah min sawi ka ringlo ngawt. A post tu in a ziah KHUANU khi a awmzia kan hrilhfiah anih khi.
15
Soberboy Says:
April 29th, 2011 at 10:49 am
Amah lah hian a comment duh der si lo a.Han sawi khawm ila tha tur nia
16
Sangpuiipa Says:
April 29th, 2011 at 10:51 am
Ka nuih a ti za tlat he post chu.
17
gold_flake Says:
April 29th, 2011 at 10:52 am
tiang ang hi chu a.. chhiar poh ka chhiar zo peih lo…..lalchhungkua te i ni hnial lo maw ti ta mai2 ila…tawngtai ngai toh lo tih te vel..kei chu sawi ngaihna vak ka hre bik lo e…i tawngtai pui ang u khai …tiang ang rinna ringot mai hi chu..ka misual pui te ho ACT FAST!!!!
18
zozo vangchhia Says:
April 29th, 2011 at 10:52 am
Hahai..he post chu lal chhungkaw lam rawng kai post ni awm tak anih hi..
19
Sangpuiipa Says:
April 29th, 2011 at 10:54 am
A ho mai mai e. I rin dan hi ramsa te rin dan ni awm a ni. Setana betu i ni hial lo maw?
20
zoho Says:
April 29th, 2011 at 10:55 am
#8 chawnghilh x100

Trinity (hrilhfiahna) hi ka ring lo mai pawh a ni lo, a diklo tawp a ni zawk, 99% in an ring a nih pawh in 99% chuan an ring diklo tihna ani lehnghal bawk. Mahse Isua chu pathian ni teh meuh mai, ALMIGHTY GOD, a pa YaHuWaH erawh a ni lo a, a tluklo bawk.

Tin, a leihring nun(kum 33.5) chhung kha i rawn uar dawn a nih chuan Isua kha mihring diktak(perfect adam), Pathianna 1% pawh awmlo a sacrificial lamb atan liau liau a rawn piang chu ni chiang e.

He lai hi i hmufuh a nih chuan, i post thupui khi ka pawm thei. A big picture ah erawh Isua kha perfect adam, perfect eliohim, perfect theos, perfect god a ni e. Chu chu exaggerate a Trinity a hampuar erawh a offside leh bawk.

Unity chu ka sawi peih lo.
21
katukhumkahmu Says:
April 29th, 2011 at 10:57 am
Thil dang daih… misual.com a coment vel hi ka email ah a lut zel a, engtia DEACTVATE tur nge?
22
zoho Says:
April 29th, 2011 at 10:58 am
#14 HV, nangmah nilove, i comment ka chhiar hma.
23
H.Vangchhia Says:
April 29th, 2011 at 10:58 am
Kan khua a thim mip mep mange. Hetiang vang hian ania theologian te emaw inzir chhuak te chauh hian Pathian thu midang hrilh hi phal ni sela tha a ka rin fo na chhan chu. Rindan leh ngaihdan fahrah te te kan nei ve a, mahniin Bible kan chhut a, kan buai zo thin.

Zu leh Drugs abuse ang thoin Pathian thu pawh kan abuse zo ta. Kan engti zo ta nge?!!!!!!! Engkim mai hi a lutuk chu thalo lam min hruai thei ani fo reng a ni.
24
Fakawma Says:
April 29th, 2011 at 11:00 am
Pathian chuan awmpui mawlh che rawh se.. Thlarau Thianghlim pawlna tanglo chuan kan bible thute hi hrilhfiah leh puanzar ngawt chi ami n dawn.. Ka lo tawngtaipui ag che..
25
Mr. Sangte Says:
April 29th, 2011 at 11:00 am

Chung Khuanuin he khawvel a din tirh ni aţang leh vawiin leh hun lo awm tur zawng zawngah pawh Pathian dang a din belh ngai lova, a din belh dawn bawk hek lo.

‘Khuanu’ nen hian in in kawmngaih hmel ka ti. Hetiang te thleng thlengin a lo hrilh vek bik che a.

Adang la chhiar duh tan hetah hian chhiar tur a la awm e.
26
Soberboy Says:
April 29th, 2011 at 11:03 am
23 HV ngaihdan khi ka tawmpui e a dik khawp mai! A poi ani tu tu emaw chu a hruai kawi nual toh hian ka ring
27
Krista Says:
April 29th, 2011 at 11:05 am
Mak thei ngei mai….Misual site hi comment miah lo a chhiar thuak thuak ka tum ringawt pawh hian ka lo comment leh thin.

I believe God as a triune Being,having three personalities-father,son and holy spirit a ni tawp mai keichu.

Duh tawk teh,Thlarau Thianhlim iti lungnilo palh ang e.

@Fakawm: A dik a ni i sawi khi. Mahni duhthu hian an interpret vak vak zel a. Diklo tlat.
28
varung Says:
April 29th, 2011 at 11:06 am
A kal khat khat khawp mai i thu chu, Isua i rin loh chuan Pathian pawh i ring chuang lo ang ka ring, thurin hran chu kan nei ngei mai, mase isua nihna leh thiltih theihna sawi bo khawpa rinni chu tawngtaipui an mamawh tlangpui…..
29
chhana Says:
April 29th, 2011 at 11:08 am
Isua hi Pathian a ni
January 29th, 2010 9:30 pm by chhana
UPC ka ni lova mahse Isua hi Pathian a nih ringtu ka ni. Khawvelah hian sakhaw hrang hrang betu tamtak kan awm. Jehova/Adonay/Pu Vana hi Pathiana pawm lemlova milem leh mahni mihring puite ngei be tlat tu an awm bawk. Hengho zawng zawng leh Pathian nung betu intite zingah pawh hian Isua hi Pathiana ngailotu tamtak an awm bawk.

Isua hi Pathianah kan pawm emaw pawm lo emaw, milem bia pawh ni ila, Pathian awm ringlo (Atheist) kan nite a nih ngawt loh chuan hnamtin/sakhaw tin hi kan tawngtai fo ngei ang, hetianga kan tawngtaina lo dawngsawng thintu chu Isua, Pathian nung fapa, Pa nih fawmtu hi a ni tlat.Chuvangin mi zawng zawng Pathian chu Isua hi a ni.
(mi)sual.comer ho zingah hian atheist chu kan awm em lovanga, Isua Pathiana ngai lemlo chu kan awm maithei. Juda-te chuan an pawmlo tih kan hria. Kristian intite zingah rau rau pawh hian Pathiana ngai lemlo kan awm nual mai. Enge kan ngaihdan/pawmdan kan intihchaktawn theih takin I sawiho teh ang u.
30
Fakawma Says:
April 29th, 2011 at 11:09 am
#23
31
chhana Says:
April 29th, 2011 at 11:11 am
. Zana i muthilh lai te, hna rim taka i thawh lai te, Office i kal lai te, i infiam lai te; englai pawhin Chung Khuanu chu i hnenah a awm reng a, koh chawp a ngai lova, Amah chuan engkim hmang hian min be reng zawk
Tawngtai a ngailo i tihna emni?
32
Ultraviolet Says:
April 29th, 2011 at 11:16 am
Exodus 3:14
God said to Moses, “I AM WHO I AM. This is what you are to say to the Israelites : I AM has sent me to you”

John 8:58
“I tell you the truth,” Jesus answered, “before Abraham was born, I AM!”

Judaten I AM atih avang anih kha thah an tumna chhan. Ka buai ltk, hman chuan ka rawn chhang tha leh ang che.
33
Soledad Says:
April 29th, 2011 at 11:17 am
UPC ka nia..keini chuan ISUA hi Pathian min chhandam tura mihringa lo changah kan pawm a..I rin dan poh hi i thlirna atang chuan dik ve hmel tho mai
34
PimPom Says:
April 29th, 2011 at 11:20 am
A hahthlak lam deuh chu a ni e. Tawngtai i mamawh a ni. Ka lo tawngtaipui ang che.
35
zoho Says:
April 29th, 2011 at 11:23 am
23 HV – nia tiraw, mahse Roman Catholic in medieval leh dark age hunlai a an tihdikloh nasat a nasat zia kha han ngaihtuah teh. Hei pawh hi a him chuang lo.

Tin, university leh seminary a inzirchhuak leh theologian te hi anointed anni tihna a ni lul si lo.(sawi tur a tam)

Bible ziaktute hi mi naran deuh vek anni a, Isua chanchintha pu darh tute pawh mi naran vek, confine hi chu ka support leh si lo. Pathian in mi naran hnen a sawi tur mi naran kaltlang a a puan hi mi naran hian kan hrethiam tur a ni hrim hrim. Hrilhfiah dan inanglo nasa hi chu deception leh deceptors vang a ni zawk.

@all misual- Hrilhfiah dan inanglo thah 10 a awm chuan 9 an diklo a, 1 a dik tihna. RINNA a dingtlat in, THLARAU THIANGHLIM atanga FINNA dilzel in, min pektawhsa CLEAR CONSCIENCE leh chumi product logic leh reasoning hmang in, THATCHHE lovin, kan conscience alo nu tawh a nih chuan min tihnawk thei a piang, tradition and customs, pre-judge-mind leh CHAPONA hlip thla in TUNLAI hi Pathian leh a thu lam hawi na kum hnuhnung chu a ni e.
36
chhana Says:
April 29th, 2011 at 11:27 am
OT, Pending page-a a chunglam pahnihte khi a paih daih theih loh maw? Mit men a ti nuamlo. In publish hmel chuangin a lang silova…
37
H.Vangchhia Says:
April 29th, 2011 at 11:30 am
Ka tawng tun hawlo sela, khawthlang ram ah hian UPC pawh hi kohhran ang ni lovin, cult angin an ngai fur asin. A chhan chu Trinity an rinloh vang ani awm e.

Cult anni ka tihna a ni ve kherlo.

https://www.eaec.org/cults/unitedpentecostal.htm
38
dawntliang Says:
April 29th, 2011 at 11:32 am
He post hi chu a manganthlak hle mai. Hetiang ngaihdan nei tan chuan BIBLE thianghlim hian awmzia reng reng a nei lo. Lal Isua kher kher hi chu hmeichhe chhul keuva rawn piang tih lam anga ngaih chi a ni lo. Sawifiah dawn chuan a thui bawk si. Counselling mamawh tak chu a nih hi.

Thuthlunghlui lama Zawlneiten hnam tin damna tura naupang lo piang tur an lo sawi lawk hi Pathian remruat dan a ni a, chuvang chuan chhandamna kan lo nei thei chauh. A pian laia a hming Vantirhkoh kaltlang rawn sak ‘Emmanuela’ tih pawh ‘Kan hnena Pathian awm’ tihna a ni a. Isua ngei chu kan hnena Pathian awm chu a nia lawm. Chiang em?

Isuan, ‘kawng leh thutak leh nunna ka ni’ a tih hi a dik, pawm tur a ni. Amaha kal dan tur pawh min hrilh leh vek bawk. A zirtir zinga mi Thoma’n ‘Pa chu min hmuhtir rawh’ a tih khan Isuan ‘Hei leh chen hi in hnena ka awm chung pawhin mi hre lo maw. Kei mi hmu chu pa hmu a ni’ tiin Amahah khan PA (Pathian) a awm nghal thu a sawi. (Joh. 14).

Kalvari tlanga rawn thi, thihna hneha tholeh Isua hi kan rin tur a ni a, Amaha kan kalin a hnen kan thleng dawn a ni tih hi Kristiante innghahna chu a ni.

Post tu hian tawngtaisak a mamawh hle mai.
39
H.Vangchhia Says:
April 29th, 2011 at 11:33 am
zoho #35 Catholic a kal diklo ni lovin, khami laia an hruaitu te kha an kalsual anih hmel e. Mihring an nia, an kohhran rinna a sual ni lovin an hruaitu te zawk anih hmel. Protestant ah pawh pastor in sawn thlak sela, kha denomination kha a kalsual tihna ani lova, a pastor kha a kalsual mai a ni. Hrethiam em?

Presbyterian ka nia aw
40
zoho Says:
April 29th, 2011 at 11:45 am
39 HV – nia an hruaitute. Mitlemte a inconfine thatlohzia. Democracy nge i duh dictatorship tih ang vel a ni ber e. THA tak tak hi he khawvel ah hian a awmlo a ni e.
41
Kawlri Says:
April 29th, 2011 at 11:46 am
Ziaktupa chu leh… Tawngtaipui i ngai hle mai ka ti, kei tehlul pawh hian..
42
Soledad Says:
April 29th, 2011 at 11:48 am
Rilru zau tak hi pu ila kan in hrethiam tlang a ni mai…hahah…
43
H.Vangchhia Says:
April 29th, 2011 at 11:49 am
zoh, a lutuk chin chu thalam aiin thalo lam zel
44
The_Chhamanator Says:
April 29th, 2011 at 11:58 am
I ngaihdan chu i ngaihdan a ni mai a. I chhuina pawh i chhuina. Mahse miin an sakhuaa Pathian biaka an biak sawisel leh dah hniam hi an sakhaw sawiselna a ni ber a, dan pawhin a phal loh thil a ni. Hetianga public forum-a rawn sawisel fo hi sim daih la a tha ngawt ang a. Khawhar in velah hetiang lam i sawi hi an khapsak tawh che a, internet lamah i rawn truan emawni zawk ni..
45
Soledad Says:
April 29th, 2011 at 11:59 am
A lutuk poh hi a tehna a zir a ni ve tho mai
46
Kezungpui Says:
April 29th, 2011 at 11:59 am
A khawngaih thlak hle mai.A hmasa berah cuan he post ka chhiarlai hian ka rilru ana hle mai.ka dim dawn lo.RAMHUAI,A HRING A HRANA LO.CHANG ti ila ka sawi sual tam lo ang.ka ti ltk mah2 em o…..ka rilru ava na em!!!!!!ISUA HI PATHIAN A NI.ISUA HI PATHIAN ANI…..Unau,khawngaihin pawm rawh.i chantur a rapthlak e mai Lalpa lam i hawi anih loh chuan.
47
jackman Says:
April 29th, 2011 at 12:01 pm
“Mi fing mihrinna hianin, A ngaihtuah chhuak zo lo va che, Ka Chhandamtu, i thuruk hi” tiin kan hla phuahtu te pawhin an sawi a.. Kan Pathian ropui tak hi mihring finna ngawt a zawn chhuah mai chi niin a lang lo…
48
majESTY_YTSEjam Says:
April 29th, 2011 at 12:02 pm
Keichu “Pathianah chuan mi nung pathum-Pa leh Fapa leh Thlarau Thianghlim an awm a, an pathum hian Pathian pakhat an ni a, nihna thuhmun, thiltihtheihna leh ropuinaa intluk an ni” tih ah hian ka chiang em em a ani mai. A bak khi chu ka sawi peih vel lo e a……
49
Turu^lo Says:
April 29th, 2011 at 12:05 pm
Khawvel tawp kan hnaihtawh zia tichiangtu anih khi. Mizo zingah hian ‘Atheist’ te pawh an awm nual tawh sin. Kei ngei pawhin ka hria
50
april Says:
April 29th, 2011 at 12:06 pm
#23 & #35

Bahai kantih ho rindan bu ami i ron translate chu ani lomo? Aizawlah hian an awm nual.. an fate bahai ho support a phai a school kal poh ka hria.

Hmanah hetiang hi ka ngaihtuah vak toh..A Isua chu sawiloh, Pathian poh hi a awm meuh em ni le… te ka tia, rei thawkhat tak chu ka buai.

Thil pakhat pawimawh deuh ka tih chu, kristian te zingah hian kan rin Pathian pawh ngaihtuah chiang ngai lemlo,a nawlpui rual a kal ve mawp mawp kan tam. Pathian hi a mimal in kan zawng taktak lo ka ti..Zawng rawh u, tichuan in hmu ang. Kik rawh u, tichuan an hawnsak ang che u.

A chunga comment tu tamtak zingah khian, a post tu aia thleng sang chuanglo tur an awm maithei. Kan dinhmun kan in enchian loh chuan, hetiang rindan hian minla len duak lovang tih a sawi theihloh.

51
Soledad Says:
April 29th, 2011 at 12:06 pm
3=1 🙂
52
vuaia Says:
April 29th, 2011 at 12:16 pm
hei chu leh…ka fianrial hunah ka lo tawngtaipui ngei ang che…Isua hi Pathian tak leh mihring tak ani tih lo hria la, Pa leh Fapa leh Thlarau Thianghlim hi ropuina leh thiltihtheihnaa intluk an ni tih kha lo hre bawk ang che… Ka’n vawm bei ve thlawrh e a voi1na atan:-)
53
piu_piu Says:
April 29th, 2011 at 12:35 pm
hetiang thuziak hi a ninawm tawh khawp mai..
54
chawnghilh Says:
April 29th, 2011 at 12:43 pm
Deity of Christ hi Pathian thu hre fu William Barclay khan a sawi fiah thiam hle. Johnana 1:1-a Isua Pathianna leh Pa Pathian Pathianna kha Isua Pathianna kha theos tia ziak min kawhhmuh laiin, Pa Yahweh Pathianna erawh kha chu ho theos tiin min kawhhmuh thung.
55
chawnghilh Says:
April 29th, 2011 at 12:46 pm
Hetiang thuziak hi ninawma la lovin, thutak tak khel-ho nan a tangkai tho alawm!

Gnostic-ho avang khan Hmangaih Johana te pawhin min hrilh chian lehzual phah tho bawk a. A hlawkthlak zawnga hman a tha ngai e.

Mahni pawm dan ni lo hi heresy lama puh ngawt chi a ni bawk lo, tehfung berah Bible thu hman zel a tha.
56
Sangpuiipa Says:
April 29th, 2011 at 12:48 pm
A sawi hi a lo dik tak tak roh mai angah. Kan hawi lel lel mai ang.
57
CyberThug Says:
April 29th, 2011 at 1:04 pm
Hetiang post, kohhran leh khawtlanga inhmuhthiamlohna thlen thei ang chi hi chu paih mai a tha lo maw ka ti…
58
Chemtatrawta Says:
April 29th, 2011 at 1:06 pm
Hnam sakhua says,
1) Amah vekin vawi tam tak a sawi a,”Mihring fapa ka ni a, engmah ka tithei lo. Pa chu keimahah a nung a, a thil a ti zawk Å£hin a ni” a ti a.
Q–Vawi tamtak a sawina lai chu khawi2ah nge??

2) Mizoramah Mizo niin i lo piang a, i ram chu Mizoram a ni a, i mihring chu Mizo niin i awm a, nangmah siamtu Chungkhuanu chuan Amah aÅ£anga chhuak nunna hlu tak chu Mizoramah, Mizo hnenah a pe che a. Nang leh Pathian chu pumkhat niin in inzawm reng tawh a. Isua te, Rama te, Buddha te hmanga Pathian biak a ngai reng reng lo. Zana i muthilh lai te, hna rim taka i thawh lai te, Office i kal lai te, i infiam lai te; englai pawhin Chung Khuanu chu i hnenah a awm reng a, koh chawp a ngai lova, Amah chuan engkim hmang hian min be reng zawk a ni.
Q–Mizo te chauh hi chhandam kan ni dawn tihna em ni???
Q– Pathian chuan a be zawk che tihna maw??.. A va ropui em..
Q– Anih leh, ‘Mizote’ i tih hian kan zohnahthlak unau, Mizo inte ve lo te pawh hi a huam tel em??

3) Hnam anga min dintu………..Sources-Mizo hnam mipui hnena lehkhathawn
Q– Mizo hnam chu enge?? Mizo tih concept chhuah hmaa kan pi leh pu thi ta zawng zawngte kha engtin nge an awm ang??

A tawp nan, i post i vil ngam loh danah hian helaiah hian fiamthu thawh mai mai tur angin i rawn lut anih hmel.. But, you don’t know that you are playing with fire..

Admins te pawh kha, hetiang post duk dak lo lutuk a post tu pawhin debate pui dawna a vil ngam loh tur ang chi hi chu chhuahloh emaw paih daih mai chi a ni lovem ni??
59
april Says:
April 29th, 2011 at 1:06 pm
#55 (Y)
60
Ultraviolet Says:
April 29th, 2011 at 1:11 pm
55
chawnghilh Says:
April 29th, 2011 at 12:46 pm
Hetiang thuziak hi ninawma la lovin, thutak tak khel-ho nan a tangkai tho alawm!

Gnostic-ho avang khan Hmangaih Johana te pawhin min hrilh chian lehzual phah tho bawk a. A hlawkthlak zawnga hman a tha ngai e.

Mahni pawm dan ni lo hi heresy lama puh ngawt chi a ni bawk lo, tehfung berah Bible thu hman zel a tha.

(Y) (Y)
61
Soberboy Says:
April 29th, 2011 at 1:17 pm
# 58 (Y) (Y) (Y) hmanah poh a rawn post khan a rawn comment duh ngai lo re re mawle kan ngaihven hlawm teh reng nen
62
Chemtatrawta Says:
April 29th, 2011 at 1:20 pm
@soberboy, khami trum khan a inhmuchhuak hi a rawn comment lo emaw ka lo tithla rawk a, hei tunah a ai nasain a rawn beih hi..comment sak tlak pawh niin ka hre lo…
63
Benny Says:
April 29th, 2011 at 1:21 pm
Khel tham pawh a awm loh hi a! A posttupa hi hrilha hrethiam chi a nilo, tawngtaipui mai chi a ni zawk.
64
CyberThug Says:
April 29th, 2011 at 1:21 pm
Delete rawh se…
65
Sangpuiipa Says:
April 29th, 2011 at 1:22 pm
Hawh u kan comment tawh zawng zawng pawh delete leh vek ang u. A mah pawn a comment ve duh si lo. 😀
66
Soberboy Says:
April 29th, 2011 at 1:23 pm
@Chemtatrawt tawngtai pui a ngai nih hi, tawngtai naah i hre tlang ang u! engemaw pawl hotu deuh te niang a te ka ti hial 🙂
67
Chemtatrawta Says:
April 29th, 2011 at 1:23 pm
Sangpuiipa phei chu a hmel pawh thinrim tawh razz…a thren tlok2 mai.. 😛 ..i password min lo pe la lo delet sak ang che..@sangpuiipa…
OT daih ang u,..Bekang rep siam dan saawi ila.. 😉
68
Chemtatrawta Says:
April 29th, 2011 at 1:25 pm
@soberboy, ani te chu a khuanu khian a rawn be thin zawk anih hmel khi,,an inkawm lakloh aniang…lolxx
69
zoho Says:
April 29th, 2011 at 1:27 pm
A tawp nan @ hnam sakhua – Hnam lo chhuahna hi tawng a ni a, tawng lo hranna avanga hnam hrang hrang hi lo piang ve chauh a ni.Chu tawng hranna chu babel(confusion), Pathian hremna atanga lo intan a ni, hnam bil sakhua, hnam bil politics, hnam bil feeling hi Pathian hremna rahchhuah a ni bawk.

Pentikos ni ah khan Pathian in chu anchhia chu a sut ta a, tawng inhrelo kha an lo inhre pawh leh thei ta, heta tang hian hnam feeling leh thlarau thianghlim hi an kaldun thei ngailo.

I champion pui hi champion pui tlak a ni lul lo. Eng principality hnuai ah nge i awm tih pawh ka hre ruak.
70
chiap_chiap Says:
April 29th, 2011 at 1:27 pm
comment ka tum zet na chu comment leh lo mai ang
71
Soberboy Says:
April 29th, 2011 at 1:28 pm
@chemtatrawta SUPER LIKE haha (Y) (Y) tu tu emaw chu a hruai kawi ve nual tawh ang thingtlang lama kan unau tamtak awm ho hi! amah hi Pathian ah a inngai niang 😛
72
Sangpuiipa Says:
April 29th, 2011 at 1:28 pm
haha chemtatrawt, i til a kaikuang rawn cheh dan lai tak vel kha sawi zawk ang u.
73
Chemtatrawta Says:
April 29th, 2011 at 1:29 pm
Zoho pawh, a post nidanga vil thrat hmanloh nen, mawng hawlh ang zar a ni mai alawm le, he post rawn chhuak chiah chu…i hna khaihlak ange.. 😉
74
Goihkhama Says:
April 29th, 2011 at 1:30 pm
A va anti-UPC veleh!!!! a tha e, PA leh FAPA leh THLARAU THIANGHLIM te hi hmun khat, mi pakhat, thil thuhmun a ni, thuthlung hlui hun kha PA hun, thuthlung thar FAPA hun, tun hun hi THLARAU THIANGHLIM hun ani. Pathian thu lam hi chu inhnial chi ah ka ngai miah lo a, zawm mai chi zawk ani. Bible a thu awmte hi zawm pawp mai tur. I lei hausaknate kha i Vanram i kaina tur ani lo, ” Lal Isua Krista hi Lal leh Chhandamtu ah ka pawm e” i tih theih a i zawmna kha i kaipui tur ani
75
CyberThug Says:
April 29th, 2011 at 1:30 pm
Isua ngeiin kawng anih thu sawi na na na a ‘kawng a nilo’ tih tlat reng reng… A hriatchian thlak nge hriatchian loh thlak zawk pawh ka hre nek love…hehehe
76
Chemtatrawta Says:
April 29th, 2011 at 1:33 pm
@soberboy,..hetzzz…’thingtlang lama kan unau’ tih hi hmang lo ang u,mihring mihrinna hi a pianna hmun leh a awmna hmun avanga danglam a ni lo, a mihringa thatna awm azir ani zawk….thingtlang mite hi rinna ah chuan khawpui sum leh pai ina a chiah nasat tawh ai chuan Pathian thu hi an duh zawka an ngaihtuah nasa zawk mah asin… Nakinah khuanu khian a rawn biak zawhah a rawn dik dak ngam mahna..toing..
@sangpuiipa, zahmawh sawi hi i la hrat reng ka ti…lehkhabu te hi i la keu phen suah2 thin lo maw??..hahai
77
Sangpuiipa Says:
April 29th, 2011 at 1:33 pm
A post tu hi eng kohhran/sakhua nge a nih ve ang le? A nick te reng reng chuh… 😛
78
hlatekhua Says:
April 29th, 2011 at 1:35 pm
Hnam sakhua-a chu a bo thui tawh ngei mai…ngaihtuahawm ve leh chhawng e!
79
Goihkhama Says:
April 29th, 2011 at 1:35 pm
Thil pakhat leh, Khuanu tih hi chu hla thu atan chauh a hman chi ni maiin ka lo hria a, Pathian chuan ” Keimah lo chu Pathian dang reng i nei tur a ni lo” a tih kha, Khuanu dang reng a tih loh kha maw (H) Thu tluangtlam pangngai ah hi chuan hlathu hi hman loh hram tur 😉 Kel hnim pet i hmuh pawn “Mualhawih hnim pet ka hmu’ i tih chuan a dik thei lo, a hun leh a hmun a zir zelin le 🙂
80
Soberboy Says:
April 29th, 2011 at 1:37 pm
@chemtatrawt a dik tho mai ka sawi tum tak zawk chu hmuhsit lam ni lo se mawl ve tak2 an tam khop a a chhan chu naupan lai in ka awm ve thin alawm, nia tiro Khawpui mite poh kan bang chuang love
81
Ozima Says:
April 29th, 2011 at 1:41 pm
Hnial hnial lovin i tawngtai pui zawk ang u. ;-(
82
Sangpuiipa Says:
April 29th, 2011 at 1:42 pm
@chemtatrawt, tunlai tak chu ka sim deuh tawh zawk. 😀 Zahmawh hi sawi ila mi pawi kan sawilo ber. 😛
Chhura hnenah pawh pitarte dep thum chauha a interview kha.
83
mi_sual Says:
April 29th, 2011 at 1:50 pm
I chhungkaw seilenna a hriat theih ruai mai, i dinhmun rawn puang ngam la chuan tanpui thei tur che leh hruaichhuak thei tura inpe thei misual zingah hian an tam ang….

Bible hi duh lai chauh kan lak vawng vak chuan kalsualna mai a nia.

Thurawn: Mithiam thusawi te, Pathian mite (mizo kher lo) thusawi leh lehkha ziak chhiar tam la, i innghahna kha a dik vek lo thei tih hriain, mi pangngai tak bulah awm tam rawh.
84
CFL Says:
April 29th, 2011 at 1:51 pm
He post chu a SETANIC hle mai ka ti. Setana tirhkoh te pawh an rawn mi(sual).com ve ta a ni maw??? Shaala, Get out Satan.
85
Soberboy Says:
April 29th, 2011 at 1:53 pm
#84 (Y) (Y) (Y)
86
Chemtatrawta Says:
April 29th, 2011 at 1:56 pm
@sangpuiipa, hetiang ngaihdan hi chu hmeithai zinga za*g zawn ang an tih ang kha nia,dangdai ve law,,..tiro,@soberboy.. 😉
87
Goihkhama Says:
April 29th, 2011 at 1:56 pm
Post tupa chu Sacrament pawh i la ei ve lo ang a i tih dan hi? “Kei hi kawng leh thutak leh nunna chu ka ni” a tih te kha i lo awih bawk si lo a, tin, hetih lai mek hian thil chhete ka rawlruk ang che midang hriat ve theih loh turin, Thlarau thianghlim hi chu sawi chhiat tum reng reng suh aw, chutilozawng Tawpna niah a sa lo lai i zawng zuk zuk mai ang, kan Pathianin thlarau thianghlim sawichhia chiah a ngaidam thei lo, a dang chu a ngaidam thei, hre reng chunga ti lui erawh chu a tan a lu chungah thihna meichher a chhep
88
Soberboy Says:
April 29th, 2011 at 2:01 pm
@goihkhama a tha dap2 hle mai a post tu hian lo hmu se in hmuhchhuahna tham fe a hmu ang mawle tiro????
89
Lalthoimoia Says:
April 29th, 2011 at 2:06 pm
He thu pawimawh tak hi kan sawive teh ang, Bible hi kan source ber ani lotheilo a eng christian pawl pawhin cult te pawhin. Pathian thu tho hi setana pawhin a hmang anih kha. Engkim hria leh sovereign lutuk thu hi A thilsiam mihring hriatna limit hian engti kawngmahin bei mahse, amah Pathianin a hriatfiah tir anih loh chuan a fiahfai vek theilo reng reng.Trinity/Unity/Thihhnu piahlam etc.te hi mihring hian kan ngaihdan chauh kan sawi thei tih hi pawm ngam ila. Kan kohhran/Pawl/Denomination thurin leh tihdan hi Pathian thu dikber emaw ti lo ang u.Kan zawm theih leh pawm theih dan angin ka kalpui ani a,a tum ber main purpose ah erawh hi chuan kan chiang tur ani e.
90
Sangpuiipa Says:
April 29th, 2011 at 2:18 pm
He post hi Pathian thu a ni lo a, hnam sakhua-a/i thu mai mai a ni e. 😀
91
Tim Says:
April 29th, 2011 at 2:32 pm
khawvelah hian mihring mize hrang hrang leh ngaihdan hrang kan awm hi chu lawmawm ngawt mai.kan awm chhungin eng thilah pawh ngaihdan in anglo, in angte,neutral te kan ni reng dawn sia..inhnialna khawvel hi ani reng dawn tho..
a Post tupa hian a ngaihdanah chuan dik ati viau ang..a tang tlat ang..mase keini atam zawk chuan kan helh hle thung si anga..Kalo ngaihtuah ve mai2 a,tunge i Pathian ti ta se.Pathian tiin a chhang mai awm sia..Keichu Isua Krista kati ang..Chuloah ka lo ngaihtuah mai2 thin chu kan tawngtai hian Isuan ka hmingin dil thin ang che u atia..kan biak hian Pathian hi Direct in kan han bia nge,Isua hi a hming lam nan kan hmang ringawt tih hi..tuzawk hi nge kan biakle ka ti mai2 thin..Isua Krista hi kawng leh nunna leh thutak anih si chuan amah hi keichuan Direct in ka be mai..Pathian anihna a bo chuanglo..
92
Goihkhama Says:
April 29th, 2011 at 2:34 pm
Aliester Crowley Mizo Version ni ngawt lawm le 😛
Ka rin dan mai mai chuan Post tupa hian min bawl tumin a rawn post niin ka hria 😀 hetia a thil post a kan lo hnial a kan lo ri luih luih hi awmhmunah a lo vei khik in a hnar a ti chhing nasa hle chuan ka ring ta tlat 😛
93
coolsoul09 Says:
April 29th, 2011 at 2:38 pm
You’re a joker! Nang ai thlawt chuan Muslim ho pawhin an sawi ngaihnawmin, an sawi rinawm thiam zawkin ka hria..an sawi ka la ring duh chuang ta lem hlei lova..
94
D_auaChwngthu Says:
April 29th, 2011 at 2:44 pm
Kristian Doctrine kalh deuh thu post anih vanga DELETE ruuuuuuuuuuuu ..!!!!!!! Tih duai duai bik te chu a fair lo,…. !!!!!

I huaisenin i fakawm ka ti khawp mai, mahni ngaihdana dik nia hriat puangchhuak ngam ngat i nia, ka ngaisang che…. i rinna hi P-thian thu tak hmuchhuak hma tur chi rinna pakhat a niin ka hria. 😛
95
roseparvul Says:
April 29th, 2011 at 2:44 pm
hman loh hlanin he post chu a va hot ve aw, chemtatrawita pawh awmhmuunah a inspin char char ang chu. a dik hmel viau, Pathian thu hi duh dan dan a kaihher chi a ni loooooooOOOOOOOOOO
96
Atom c Says:
April 29th, 2011 at 2:50 pm
Comment chu a tam phian lawi si, ka chhiarchhuak thlap bawk..duhloh hmel tak siin kan rilru ah a awm ve deuh chu a ang,…. 😀
97
feeder Says:
April 29th, 2011 at 2:51 pm
A post tu pa thlarau hi khawiah nge akal ang le???? :-[
98
D_auaChwngthu Says:
April 29th, 2011 at 2:54 pm
98
99
D_auaChwngthu Says:
April 29th, 2011 at 2:54 pm
😀
100
D_auaChwngthu Says:
April 29th, 2011 at 2:55 pm
100 😀 😛 😀
101
D_auaChwngthu Says:
April 29th, 2011 at 2:55 pm
Phek tharah pawh hian a la sawi zel theih ania….
102
D_auaChwngthu Says:
April 29th, 2011 at 2:56 pm
2nd hram e
103
Goihkhama Says:
April 29th, 2011 at 3:06 pm
#97 feeder a duhthlanna thiang tak hmangin in nawr liam a tum a nih tak hmel hi, a sa a tih zual huna pumpui tih vawh nan hi kan pai nghe nghe ange
104
bucko Says:
April 29th, 2011 at 3:07 pm
Ho + ho = D aua…
105
Usha Fan Says:
April 29th, 2011 at 3:08 pm
HE THU RAWN ZIAKTU IN COMMENT LUIH LUIH HI A VA HAN MAWL EM EM VE AW. TUIKUK TLANGVAL MIZO TAWNG THIAM HNIAL HRAT DEUH A NI ANG.
106
rose10 parvuli Says:
April 29th, 2011 at 3:08 pm
a_aua mai mai achu
107
D_auaChwngthu Says:
April 29th, 2011 at 3:16 pm
@105 ____ Uisa… awh sorry,… Usha Fan____ i thu ziah hawrawppui khi ka hre thiam lo,….. enge a awm zia,…. ?????????????????
108
Asteric Says:
April 29th, 2011 at 3:24 pm
BC 7-na atanga hma lam zawngah khan let leh ila i ngaihdan hi a dik a ni. Isua lokal hma chuan Pathian kha Hnam Sakhua a ni a, chumi rinna pawh chu a dik a ni. Thil mak a niloa keinin Isua kan ring hi kan mak zawk a ni, chu chu tihdanglama kan awmna chu a ni. Nang chu ila danglam lo anih chu.

Bible hi uluk taka kan bih chuan Pathian mihringa lo chang hi Genenesis atanga tum lawksaa Pathian duan char char a ni, Thu tisaa chan (Incarnation) hi a Goal, a achievement a ni. Keini Kristian chuan Isua hi Thu tisaa lo chang ah chuan kan pawm taa chu chu i pawm velo a nih chu.

Bible ah hian Isua chanchin zawng hi paih ila kei chuan ‘Philosophy awm ze nei lo’ ah ka puang ngam. A chhan chu a thutiam engmah hlenna a neihloh avangin, Hinduism rinna ai pawhin a nep zawk hial ang.
I rinna hi Isua tello zawng kha a ni a ka hah pui khawp mai che, kei chu Isuaah ka chawl tawh e.
109
Argo Says:
April 29th, 2011 at 3:33 pm
He post atanga thil chiang em em mai lo lang chu a post-tupa hi UPC a ni lo tih hi a ni

H.Vangchhia…a tir lama i comment Khuanu chungchanga i concept khi ka trawmp[ui khawp mai che.
110
H.Vangchhia Says:
April 29th, 2011 at 3:35 pm
Pathian thu hi kan palzut ta hlawm lutuk a, a pawi hle mai. A zir chhuak te sawi hi ngaithla ila chumi chu vawng mai thin ila kan buai a zia mai tur. “Ka ngaihdan chuan,” lo tih ve sek hian kan buai zo ani ber awm e.
111
bucko Says:
April 29th, 2011 at 3:40 pm
#110.. like.
112
Argo Says:
April 29th, 2011 at 3:40 pm
an sawi nasa tawh hlawm bawka sawi ve vak tawh lo teh ang. A post-tupa hi Bible-in hun hnuhnunga thil awmdan tur a sawi hrang hrangte zinga mi tihlawhtlingtute zingah a tel ve…..census ai chuan heng mite hi hlauh zawk tur
113
mr.Duhlova Says:
April 29th, 2011 at 3:55 pm
93
coolsoul09 # I va reh ve..i email add anlo format tel daih a ka rawn be thei lo che, khawngaihin min lo mail lawk teh..a pawimawh fu…serious
114
lianchhiara Says:
April 29th, 2011 at 3:59 pm
A HO.
115
ZoIITian Says:
April 29th, 2011 at 4:08 pm
Mi dangdài deuh deuh hi kan awm~ah . . . han tih mai ka tum a.

Ka ngaihdàn chiah chu sawi lovin . . . ngaihtuahna lamah chuan i pángngài hmèl fú a, mahsé i chhiar tlèm hmèl deuh.

Inchhiar záu deuh la, tùna i rinnaah hian i lo nghet sauh dáwn nia!

Mahsé nang hmangaihtû che chûan engvang mahin a kalsan lo tùrah che ka ngái, a hmangaih tak tak che chuan.
116
ninja Says:
April 29th, 2011 at 4:10 pm
A thupui reng mai hi!
117
Argo Says:
April 29th, 2011 at 4:15 pm
#115 a dik….a thuziak han chhiar hi chuan thil chhut peih mi tak a ni ve tih chu a hriat a, mahse a inchhiar tlem lua deuh hi a pawi nih hi. Han chhiar zau deuhin han chhui kual zau thin deuh se zawng mi thil hre thei tak pawh ni ve fa hmiang
118
CFL Says:
April 29th, 2011 at 4:27 pm
Lehkha chhiar tam hi a tha ania.
119
keimah Says:
April 29th, 2011 at 4:30 pm
Chhan tlakah pawh ka ngai tawh lo ve. Setana, boruaka thuneitu lalpa hian thutak hre thei lo turin @Hnam sakhua-a thinlung mit hi a tidel tawh a nih hi. Mahni mitdel mai duh tawk lovin midang mit tih del hram a la tum zui a ni awm e! Hremhmunah a la inhmu chhuak ang a, mi(sual).com-a a post te hi a la hre chhuak uar uar ang chu! Khawngaihthlak khawp mai.

Bakah, a post pawh vil ngam lo, sawi belh tur hre tawh chuang lo a ni a, i ngawihsan tawh mai ang u. Kan inti hah thlawn mai mai e!
120
XaiA Says:
April 29th, 2011 at 4:45 pm
Mihring tak a ni a,Pathian tak pawh a ni e.
121
chawnghilh Says:
April 29th, 2011 at 5:01 pm
A pa kiangah Thu-a (Logos) a ni te te a, kum 33½ chhung mihring a rawn ni a, thihtheih tawh lohna changin a Pa Pathian, amah kaithotu hnenah a kir leh tawh. Kan puithiam lalber leh sawipuitu ni fawmin a awm mek a. Pa Pathian leh mihringte inkara Palai a ni. A lo kal leh thuai dawn, lalte Lal leh hotute Hotu a ni ang.
122
saitawka Says:
April 29th, 2011 at 5:37 pm
Mi pangngai ve mai mai chanchin ziahna Post ah chuan a thui pawl tak a ni awm e, Source te chu a la awm ve thlap lehnghal a! Engemaw tak zawng a ni tho tho tih a lanchian phah zual.
123
zozo vangchhia Says:
April 29th, 2011 at 6:50 pm
Pathian thu hi mihring ngaih dan a kalpui leh sawi vak vak chi ani teng tung lo..
124
misuala Says:
April 29th, 2011 at 7:24 pm
A tlai deuh tawhna kan comment ve lawk ange.Isua hi Pathian a ni a (upc ka ni lo a nia) fapa angin khawvelah a lo kal. Chu chu ka rin thiam ve dan a nia in ngaihdan a nìh loh chuan min rawn hrilhfiah ula. Tuna kan thu post tu ngaihdan hi chu ringlotu ngaidan nen enge a danglamna awm ka ti deuh kan thawhpui thenkhat hi vai kan tih te an ni hlawma pakhat phei chu muslim a ni a, Isua chungchang ka han sawi ka han sawi hian Zawlnei pakhatah chuan an pawm thei mahse Pathian ang erawh chuan an pawm thei lo chutiang vel chu niin ka hria i post awm dan hi
125
The Real Says:
April 29th, 2011 at 7:27 pm
AW HAW LE
126
Sangpuiipa Says:
April 29th, 2011 at 7:30 pm
A nick atang hi chuan rilru lam chianglo anih duh hmel.
127
mr.Duhlova Says:
April 29th, 2011 at 7:44 pm
Kan chanchin Tha hril dan leh i chanchin tha hril dan a dang.
Bible i kalh sak mai….Lal Isua i sawi chhe zui leh nghal a

lo in enfiah teh aw…..

Lal Isua hi tu nge a nih.

…..Pathianin hman laiin a Lehkha thianghlimah chuan a zawlneite kain a tiam tawh a; ani chu tisa lam thu-ah chuan Davida thlaha piang a ni a, (chu Chanchin Tha, a Fapa kan Lalpa Isua Krista thu chu, Pathianin hman laiin a Lehkha thianghlimah chuan a zawlneite kain a tiam tawh a; ani chu tisa lam thu-ah chuan Davida thlaha piang a ni a, thianghlimna thlarau lam thu-ah erawh chuan mitthi zing ata a thawhlehna chuan Pathian Fapa a nih nasa takin a hriattir a….;Ro 1: 3-4

Mi tin tan a ni.
Tin, vantirhkoh chuan an hnenah, “Hlau suh ulang, ngai rawh u, mi tin ta tur chanchin tha lawmawm em em ka rawn thlen che u a ni.Vawiinah hian in tan Davida khuaah Chhandamtu a piang ta, Lal Krista chu.Tin, hei hi in tan chhinchhiahna tur a ni; nausen puana tuam, ran chaw pekna thlenga mu in hmu ang,” a ti a. Lk 2:10

“Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan….”. Jn 3:16

Lal Isua lo kal kawng.
Thlai chi te hian lo tiak na tur hmun a mamawh a, tha taka alo tiak na turin, lei tha a ngai. A hmun a pawimawh a nih chu. Pathian Fapa he lei a alo pian chhuahna turin, (tisa a alo chan naturin) Pathianin duhtui takin, Abraham atangin- kawng alo sial tawh a (Ge.12:3,18).

Mahse, a pawimawh zawk tak a chu ‘a chi’ a ni. e.g: Sailo fa ni tur chuan,Sailo ‘chi’ a ngai. Lal Isua lo pianna ‘chi’ chu “Thlarau Thianghlim” atanga chhuak daih a ni.

Johanan “Ani chu khawvelah a awm, khawvel ama siam a ni, khawvelin amah a hre si lo. Amah a mite hnenah a lo kal a, amaha miten an lo lawm si lo.Nimahsela amah lawm apiang chu, an hnenah Pathian fate nih theihna tur a pe, a hming ringtute chu; chung mite chu thisen hrin an ni lo va, tisa duhzawnga hrin an ni hek lo, mipa duhzawng pawha hrin an ni hek lo, Pathian hrin an ni zawk e”.

Petera’n, “..chi chhe thei lakah ni lovin, Pathian thu nung reng leh awm rengah chuan chi chhe thei lo laka piang thar in ni zawk si a..” alo tih kha…. kan piantharna Isua Krista chu ‘chi chhe theilo’ a nih chu.

Tichuan,
“Hmeichhe chhul keuva lo piang zingah Pathian anga biak leh rin tur an awm reng reng lo. Mihring aţanga lo piang chhuak rêng rêng hi mihring vek an ni a, thiltihtheihna nasa tak pawh nei mah se Pathian anga biak tur an ni chuang lo….i tih khi,….

Lal Isua kha “ Hmeichhe chhul keuva lopiang pawh chu lo ni ta se “ I nu leh Mari in an lohna i hre thiam pha em? Tu chi atanga lo piang nge i nih? tih leh, Lal Isua kha TU CHI atanga lo piang nge a nih tih hi” han thliar hrang teh le. Nge level khatah I in ngai?

He miah hian Pathian Thlarau chu in hria ang: thlarau engpawh Isua Krista tisaah alo chang tih tan chu Pathian laka mi a ni; thlarau engpawh Isua tan lo chu Pathian laka mi a ni lo ve; chu chu Krista dodaltu thlarau, lo kal tur in hriata kha a ni e; tunah pawh khawvelah a awm tawh reng a ni….i va lo hlauhawm em..

Isua chu Krista a ni tih awih lotu aliama dawthei tunge awm? Krista dodaltu chu Pa leh Fapa awih lotu hi a ni.Tupawh Fapa awih lo chuan Pa pawh a pawm chuang lo; Fapa awihtu erawh chuan Pa pawh a pawm a ni.
128
saitawka Says:
April 29th, 2011 at 8:02 pm
Lal Duhlova comment chu a va ngaihnawm teh hrep ve mawle..

A Post tupa hian nick dangin a comment ve angem aw… te ka ti rilru mai mai a. Mizo ni si, duhlian tawng pawh hmang, Juda hnam a indah chawp ngaihdan a nih duh hmel in ti ve lo maw??
129
ultimate Says:
April 29th, 2011 at 8:06 pm
Hnama chu a va bo tiah tiah ve le e! Mr Duhlova hi ka duh tlat. Kan number a in mil tlats
130
Kezungpui Says:
April 29th, 2011 at 9:16 pm
RAMHUAI A HRING HRAN CHU AMAH NGEI HI ANI.HE POST HIAN KA RILRU ATI NA A,KA THIN ATI RIM SETANA TAKHI CHU AWWWW……..LET’S PRAY 4 HIM…..
131
vakul Says:
April 29th, 2011 at 9:24 pm
Nilenga Isua vanga kan buai laiin “Isua hi Pathian a ni lo” tih thuin min lo hmuak chu- a va khal elh awlh ve le(h).

Englo a nia, a posttupa hi councelling chiam chi pawh a ni lo; a rawn post-a, a comment leh ngam si lo va- kan comment-te a chhiar a kan thinrim vel a hriat hian nuam a ti a. Hma lak dan tha ber chu comment-sak lo ila a post rei peih tawp lovang. Thenkhat lah hi eng khaw kha chhiar hawt lo hian ‘ka first’ tih ringawt buai hian kan buai a.

He pa post-a ka comment hnuhnung ber a ni e.
132
nghasih Says:
April 29th, 2011 at 9:29 pm
Administrator te u hetiang thu duk dak lo hi chu chhuah tawh teh suh u.Zoram Christian ram he ti tak hian ani maw a lo thim le??? hahthlak mep mep mang e.
133
рдпģŤіСHAЩЯ Says:
April 29th, 2011 at 9:38 pm
Kum 2011 kan kai tawh a hetiang la post te chu a,,a post tupa hi Lal chhungkua anh ka ring
134
Kezungpui Says:
April 29th, 2011 at 9:54 pm
Hnam Sakhua?????? A hming atang reng hian aaa……… Cult anih hi.hlau ru……Tlan chhe vek ruuuuuu………
135
loneeagle26016 Says:
April 29th, 2011 at 11:19 pm
Ka sawi tawh kha mawle…..hengho rinna/rindan hi chu a hinduism ruih mai, chuvang chu aniang..bhagavat gita te, ramayana etc mizo tawnga an lehlin nghe nghe hi…mahse a senso chu hindu ho tumsak an ni tlat bawk si…..Pastor Chhawna inlarna a, kawnghlui lama kal ta te a tih ho kha an nia…an khawngaih thlak lehling khop mai….
136
van damme Says:
April 30th, 2011 at 12:19 am
I khuannu chanchin chu i va hrechiang awm bik ve,eng tin nge i hriat bik a,he ti taka sawi huai tur hian enge tan chhan i neih?
137
vuaia Says:
April 30th, 2011 at 12:33 am
Art & culture ah a thawk hial lo mw?? Mr. Duhlova comment khi a tha piap2 khawp mai… Hnam sakhua..heh ramhuai te chi i ni lo maw??
138
megapixel Says:
April 30th, 2011 at 7:13 am
The Priory of Scion (‘The Da Vinci Code’ by Dan Brown) te pawh min hriatchhuahtir alawm le; eng emaw chenah chuan a influence che a nih hmel ka ti mai mai
139
xylex Says:
April 30th, 2011 at 6:27 pm
JESUS IS THE ONLY GOD
140
Darwin hp Says:
May 2nd, 2011 at 9:44 am
He thu hi tunlai khawvel puma zirtirna lar tak a ni, pawm a nuamin a dik hmel hle mai. Rilru zau tak pu ve lem lo(kristian)te tan chuan helh a awl viau mai thei a ni. Ka pawm thlap e!!!!
141
mr.Duhlova Says:
May 2nd, 2011 at 10:15 pm
Rilru lo tih zauh vak kha….a atthlak deuh e a.
142
Chengkawli Says:
May 2nd, 2011 at 10:22 pm
140
Darwin hp # Hnam sakhua a kha i ni chiang e…..sapawt tu i neih loh avangin nangmah leh nangmah i rawn i sapawt….

Comment ho khi ngun takin chhiar la… harh teh. Pu Duhlova comment phei khi chuan i ngaihdan a phet viau che a nia..
143
pibuhdeng Says:
May 2nd, 2011 at 10:28 pm
haha kan man chhuak e kan man chhuak e Darwin hp = Hnam sakhua
144
Chengkawli Says:
May 2nd, 2011 at 10:32 pm
Darwin hp = Darwin hindu pa
145
jesuslovesme Says:
May 23rd, 2011 at 10:47 pm
“Tupawh Fapa zah lo chu Pa a tirtu pawh zah lo ani” Johana 5:23
“Tupawh ka hnena lo kal chu ka hnawtchhuak tawp lovang” Johana 6:37.

@Hnamsakhua, tawngtaipui i ni e. I tan Krista Isua a inhawng reng. Chatuan Thu tak Isua i hnenah inpuangin malsawm che rawh se.
146
Zawmi Says:
June 15th, 2011 at 10:49 pm
Ka rilru i ti na,Pathian meuh pawh hlau lo a,i sawi chhiat avangin,chuan ka tawngtaipui ve peih lo che …Huiha
147
puakphura Says:
June 19th, 2011 at 1:55 am
Pathian khan mit aiah mit ha aiah ha kha mihringte tan a hlawhchham zia hria in a fapa kha a aiah a rawn tir ta zawk a chu chuan chanchin tha min rawn hlui ta a, chanchin tha in a tih var zawh loh kan lo la awm ta cheu anih hi mawle! Juda ho ngaihdan zuk pawm chawp leh in thlarau bo te zingah a zuk in kulh leh chu a nia he pa roh hi! ti hian lo iak lo iak ve se, helamah thlarau thianghlim tih var zawh loh in ka la bo chhah zual zel e ti mai se a tha zawk ang! Juda ho in a thluak an suk sak a mawl chhah sa tawh nak alaiin, a la hre ve ang chu Pathian hi tunge anih, enge a thil tum, van rorelna a tel pha ve ang ziazang a mawl tak in at huai a so vel ni!
148
Hnam sakhua Says:
December 15th, 2015 at 12:17 pm
Hetiang ka post tirh laia comment that hleih theih loh comment tur pawha nghah fe ngai thin kha tunah chuan tlemin a zia ve ta deuh.leh, thu post tur pawh khan nghah peih kha ava ngai thin tak ve aw.