A hmasa berah chuan Sakung phun hi Mizote tan chuan Pathian biakna, Pathianin amah biakna tura min pek a ni tih kan hriat a pawimawh. Mizo hnamah chuan sakhua hi a huhoa hman luih luih chi leh Pathian hi a huau huau ang zawnga biak a ni ve vak lo. Pathian biakna leh sakhaw hman reng reng chu mimal, chhungkua, khawtlang leh hnam thila hman vek a ni a, kohhran hrang hrang, rin dan hrang hrang a awm ve lo a, Mizo a nih chuan a tawk a, hnam khat an nih chuan a tawk a, chhungkaw khat an nih chuan a tawk mai a ni. Keimahni leh kan ram leh hnamah hian Pathian thu chu a awm famkim vek a ni. Tuna kan sawi tum Sakung phun pawh hi Mizo nih chuan a hman vek theih a, a hmanrua pawh kan ram chhungah a awm vek a, kan hnam thil ngei hman tur a ni a, chhungkuaa hman chi a ni.
Mipa fa chuan a pa inchhung a\anga in hrang changa chhungkua a din hian awmze nei takin Pathian thuin, sakhua takin a indang \hin a. chu an sakhaw serh sang hman chu an chi(hnam) a zir leh an \awng hman a zirin a hming an vuah dan a in ang lo a, Lusei chi ho chuan, ‘Sakung phun,’ an ti a, hei hi hman tlanglawn ber a nih avangin a hming kan sawi pawhin ‘Sakung phun’ kan ti zel mai ang. Amaherawhchu a kalphung leh a tum erawh chu a in ang vek a ni. Tin, miin Sakung phun a ngam tawh anih chuan Mizo chhungkaw dik tak; intodelh chhungkua, midangte tan pawha thlamuanna tling leh chhungkaw zahzawm a din thei tawh tihna a ni a. sakhaw serh leh sang dang pawh ama hmingin a ti thei tawh tihna a ni.
Mizo kan nih chuan kan hnam kalphung leh ze \ha kan neih ang ang hman chhunzawm zel hi Pathian thu, Pathian min ruat dan a ni. Amaherawh chu kan kalphung leh zia reng reng hi hmanlai anga a ngial a ngana hman leh tum ngawt emaw hi a theih loh a, a \ha ber lem lo. Kan khawsak phung mil zawng zela a zepui hloh loa her rem zel hi kan than chhoh dan tur a ni. Hnam kalphung reng reng hi mi tihdan laka kalphung siam hi a nghet ngai lo a, pi leh pu a\anga hnamin a lo ken tawh \han chhoh tir zel hi a nghet a, chu chuan hnam nun nghet leh \ha a siam \hin a ni. Chuvangin Sakung phun pawh hi kan hnam kalphung kan chhunzawm ngei atana \ha anih rual hian a hman dan erawh chu a zepui hloh si loa kan khawsak phung nena inrem zawnga kan buatsaih thiam hi a pawimawh hle a ni. Sakung kan phun dawna kan hriat ngei ngei tura pawimawh nia langte chu;
1. Sakung phun hi Mizo mipa fa chuan a tih ngei ngei tur a ni a, mahse inchhung khawsakna kawng hrang hrangah chhungkaw puitling, intodelh chhungkua, tu leh fate leh midangte tan pawha nu leh pa nih tling mihring anih hunah chauh sakung chu a phun thei si a ni. A awmzia chu Mizo chhungkua chu chhungkaw puitling, chhungkaw intodelh, midangte tan pawha malsawmna tling chhungkua a ni tur a ni tihna a ni. Ram leh hnam tundinna kawng a kawk daih a ni. Chuvangin Zofa mipa fa chuan chhungkua a din ang a, a chhungkua chu a enkawl zo ngei ngei tur a ni tihna a ni.
2. Mizo hnamah chuan Pathian thu chu thiltih, a tak hmuh theih ngei a biak tur a ni a, kohhran hrang hrang emaw hmanga be loin Mizo nihnain, chi khat kan nihnain, chhungkua kan nihnain, mihring puitling kan nihnain biak tur a ni. Chu chu Pathianin Mizote a din dan a ni. Kohhran hi chu chu kawng kawhhmuh tur leh chu hmun hruai thleng tura pawl ding a ni mai tur a ni.
A tawp berah chuan Zofate hian kan hnam thilte chu rei tak kan lo hlamchhiah tawh a, kan hnam ziate chu ramhuai biak dan niawm takin kan lo ngai tawh a. Pathian pawi hi nasa takin kan lo khawih tawh a, chumi rah chu kan ram hian kan seng mek bawk a, kan ram chu tuarnain a la khat rih a nih hi. Kan hnam zepui pawimawhte hi kan tun din a, kan hnam zia ngeiah hnam min dintu Pathian kan biak famkim theih hunah kan hnam chu a dam leh ang. Chumi atan chuan bul kan \an mek a nih hi. Kan la khawr khawp mai.
Similar Posts:
- Saphun
- Ti hian ka ngaihtuah thin
- Zofate leh Hnam Sakhua-Kristianna
- Eng hi nge Mizo Fantasy?
- Mizo kungah Mizo nun a rah tur a ni
in va lut...
June 14th, 2012 at 3:07 am
[Report abuse]
June 14th, 2012 at 3:10 am
[Report abuse]
June 14th, 2012 at 3:12 am
[Report abuse]
June 14th, 2012 at 4:05 am
A va ril em…
[Report abuse]
June 14th, 2012 at 8:41 am
I sawi fuh roh mange.
[Report abuse]
June 14th, 2012 at 10:02 am
[Report abuse]
June 14th, 2012 at 10:12 am
misual ho, khawngaih takin Sakung phunpui tur min zawnpui teh u…
[Report abuse]
June 14th, 2012 at 10:32 am
Hnam sakua mizo dan hi chu a bc tlat
[Report abuse]
June 14th, 2012 at 11:18 am
Khitianga tih leh vek tur tihna anilo, hnam a thang zel anga than tir tur ani. Kristianna tel lo vin
[Report abuse]
June 14th, 2012 at 11:21 am
Tha thei riau mai a,I kohhran hi eng tak chu ni ang maw? Pathian i tih pawh khi kristiante Pathian a nih tawh ngei han beisei phawt mai ila tha awm e a. I sawi hi that viau rualin tun dinhmun atanga khitiang ang practice that leh khi chu a har fu ang, Chhangteval ngaihdan ang chiah khi a tam lutuk ringwt ang, a concept chu dik in tha viau mahse a nihna an zu hmu lutuk lovang tih rin thiam a tha. Hmanlai atang khan lo ti tawh thin in kristianna ah khan lo chhung lut ta zawk i lang chuan tunlai kan khawvel mil hian khitiang ngun lo deuh khian kan hmang tawh ngei in a rinawm e. I ngaihtuahna chu a ril khawp mai…..
[Report abuse]
June 14th, 2012 at 1:56 pm
[Report abuse]
June 14th, 2012 at 2:56 pm
I va han bo pil chiang tak em!
[Report abuse]
June 14th, 2012 at 3:02 pm
Kraws thu chu boral mekte tan chuan atna a ni si a.
[Report abuse]
June 14th, 2012 at 5:44 pm
[Report abuse]
June 14th, 2012 at 9:33 pm
Kan hnama thil thate chu kan chhawm zel tur chu a ni ngei mai. Mahse mahni hnam dana sakung phun that leh ai chuan kei huapzo Kristianna, Grik mi awm lo, Juda mi awm lo, Lal Isua thihna ring apiangte huapzo Sakhuaah hian ka lungawi e. Sakung phun tur a qualification hi a tha khawp mai, mahse, tunlai khawvel eizawnna pawh harsat tawhna khawvelah hian sakung phun tura fit lo kan tam awm. Lal Isua thihna chuan tlinglote tlingah min siam a, chakna kawng min kawh hmuh zawk a ni.
Kristianna hi universal sakhua a ni. Hnamdang sakhua a ni lova, keimah mizopa sakhua ngei, ka spirituality mil zawng taka her rem theih sakhua a ni tihah hian kei ka lungawi e.
[Report abuse]
June 15th, 2012 at 5:30 am
A chunga kan rawn sawi zingah khian zawm theih loh a awm pawh ka hre hlei nem.Kan mizo dana inneihna chuan ram leh hnam a kawk thin. Chhungte chawm tura nupui neih kan chin hi a mizo em? zofa mipa fa chuan chhungkua a din ang a, a chhungkua chu a enkawl zo ngei tur a ni.
[Report abuse]
June 15th, 2012 at 1:56 pm
A dik a lawm. A moral leh ethic hrim hrim chu hnial chi pawh a ni hlei nem. Mahse condition siam khera Sakung phun hi Kristianna eng atang chuan a tul lem ve ta lo a ni. Chungkaw sakhua emaw Mizo sakhua a hrana awm tawh lovin Universa Sakhua Kristianna hi a tha zawk daih lo em ni. Tin, hnam sakhaw bik lo neih phet tum hi inlakbingna a piantir mai mai lo em ni? Mizo sakhua chuan Vanram kai a tum ve nge Pialral a kal a tum? Vanram kai a tum a nih chuan hnamdangte nen kan kai ho thei dawn em ni? I ngaihdan hi kawng tam takah a dik chu ka ti, mahse Kristianna duh tawk lova Mizo sakhua chawi lar thar leh tumna hian hmasawn zia a keng viau dawn em ni le? Kristianna a kan in identify a universal sakhua kan nih avanga kan ram leh hnamin Pathian malsawmna kan dawn zo zaite hi hmuh hmaih chi em ni dawn chu le.
[Report abuse]