«
»

Ka Thiannu

July 11th, 2012 11:57 am by Dr Mahminga Sailo

(Thu lawilo leh ningnel zet zet ka post ve chamchi a. Thian thenkhatte tih angin, Post 50-na a ni ve ta reng mai. Khawnge, uite chanchin ka ziak ta malh malh bawk a, tun tum chu a ‘cial deuh hlek, nula chanchin post te’ng… ;-) )

A ruh lang rawtin aw niang…
Khuanu venna leh a malsawmna zarah tlangval hun hmang mekin, phak ang tawkin mahni leh chhungte tan ka hun leh theihna ka hlan ve thin. Mi pangngaia piang chhuak ve ta chuan hmel duh deuh leh ngaihzawn ve deuh te ka nei nual (teuh) tawh a. Mahse, a taka kal tlangpui erawh ka la nei lem lo. Fiamthua an sawi ang deuhin, an hriat lohvin kan nihpui a, an hriat loh vekin kan duh hun hunah kan ban ve leh mai thin tih zawng zawng kha ka nunpui a ni ber e.

Aw Hmeltha
Tlangval a pumpa tan chuan, kalna apiangah hian hmeltha tih leh thlir zui vawng vawng tur tawk hi ka hmu zel a. Mizo nula zingah, hmeltha ka tih leh ka duh ve deuh te, an nungchang, mizia leh khawsakzia te ka hriatchhian hnuin; lungtlu lo deuhva kawm ai chuan tiin ka bansan leh mai thin. Kum a tam tial tiala, chu rilru chuan min hneh tial tial emaw tih mai turin; a chang phei chuan nupui hi ka nei lo tak ngial mai ang a tih chang te pawh ka nei ve thin (tlangval senior la ni miah si lovin.. ;-) ). Thian zawng ka nei teh meuh mai, thahnem tak an ni; mahse, bialnu tur ang erawh ka van em em a, ka tan hian an vang bik riauin ka hre thin.

Nungchangtha
Mak deuh mai chu nula ka kawm tam zawk te hi an hmel ka en lutuk lem lo (bialnu tura kawm ka nih loh vangin) Mahse, ka thian thenkhat erawh an nungchang avanga min hiptu an awm zauh zauh si! Kan inkawm a, rawngbawlin hna te kan han thawh hova, engkim kan inhrilh ngam hnu hian ka thian thenkhat te hi ka hmu tha tlat zel nia! Chuti a nih chuan hmel leh pianhmang ringawt hian nula/tlangval induhna hi a lo siam bik miah lo tihna a ni mai lo em ni ang le?. Tin heti hi a ni a, a ngai tein bialnu atan ka bem lo tluang zel.. :-)

Ka thiannu
Zep thu a awm lo. Ka thiannu zet hi zawng pianphung leh sakhmelah ka lung a dum em em a. Mahse maw, a hmelthatna ka duhna hi chu nep te a ni lawi si. A nungchang leh mizia hian min va thlemthlu chiang em! Kan inkawm tan hma atangin Pathian thuin min mangtha a, Pathian thu bawkin ni hmang turin min thlah thlap thin.

Tin heti hi a ni a. Rin phak lohvin kohhran leh khawtlang rawngbawlnaah te kan inkawm chho tan ta a. Tawngtai a ngaihpawimawh zia te, Pathiana a innghah thinzia te ka hre chiang tial tial a. Khawtlang thiltihnaah ni se; a kul a taiah tangin, mawhphurhna chi hrang hrang kan hnawn chamchi a. Sawi leh sel nei miah lovin a mawhphurhna puitling tak leh fel takin a hlenchhuak thin.

Hei mai a ni lo, a hnathawhna ah hlei hlei; Pathian malsawmna dawng turin a taima a. A hna tha tak leh hlawhtling taka a thawh thin chungchanga, Pathian hnena a lawmthu min hrilh tur a nei fo. Midangte tan a nun leh hun a inpein, thian leh midang thlarau nunkawng a veiin tanpui pawh a ngah tawh mai.

Mihring hian, tlinlohna leh duapkaina zawng kan nei teh meuh mai, phat rual a ni lo. Amarawhchu, Mizo nula ka kawm ve tawh zingah erawh, ka thiannu tluka fel leh hmantlak hi ka tawng tam lo khawp mai, ka hre/kawm tlem pawh a ni mahna.

Ka thiannu pasal hi chu, pasal vannei tak a ni ngei ang. Tin, pasal fel tak nei turin ka duhsak em em bawk a ni. … :-)

Note: Ka thiannu chanchin ka ziahlan bak, thudang inzawh belh awih loh… ;-)

Similar Posts:

Recent Posts:

This entry was posted on Wednesday, July 11th, 2012 at 11:57 am and is filed under Luangliam, More than words. You can follow any responses to this entry through the RSS 2.0 feed. You can leave a response, or trackback from your own site.

74 Responses to “Ka Thiannu”

Pages: « 1 [2] Show All

  1. 51
    ZerO Says:
    July 11th, 2012 at 7:19 pm

    Phek thar ka hawng e…ka thiannu

    Report this comment

  2. 52
    Dr Mahminga Sailo Says:
    July 11th, 2012 at 7:19 pm

    a hlimawm ta phian mai. Luck loh hre lek lovin nui leh kur kur mai ang aw., :-D
    @ saint.. Lol. Ka insum deuh a ngai dawn ta a nih hi.. :-P
    @ sheldon.. Tap deuh pur, intithu phian si hiam ka nileng ve ngawt ang tih ka hlauhlel love a.. :-D

    Report this comment

  3. 53
    mamboihi Says:
    July 11th, 2012 at 7:20 pm

    Mahminga half century post ah hian a lawmnan phek thar hawng ang :-D Misual ber Award dawng rawh se!

    Report this comment

  4. 54
    doc_lib Says:
    July 11th, 2012 at 7:56 pm

    Kan OT tawk. Tunlai chu eng site pawh hi boring ka ti vek mai. Detective thluak han ti che pha post hi a ava awm thei lo ve :-P

    Report this comment

  5. 55
    sheldon Says:
    July 11th, 2012 at 8:03 pm

    Mahminga thiannu chuan kan comment te hi a chhiar ang a a nui kur kur ang chu :-D

    Report this comment

  6. 56
    mamboihi Says:
    July 11th, 2012 at 8:06 pm

    Doc pawh hi bialnu tha deuh a mamawh ve anih hi haha…

    Report this comment

  7. 57
    covenanter Says:
    July 11th, 2012 at 8:27 pm

    @Dr Mahmingtea i thiannu hi neih tum ve mai la, midang tan a duhsak ngawt ai hi chuan a fuh zawk lovang maw ka ti ve deuh.

    Report this comment

  8. 58
    covenanter Says:
    July 11th, 2012 at 8:28 pm

    @Dr Mahmingtea i thiannu hi neih tum ve mai la, midang tan a duhsak ngawt ai hi chuan a fuh zawk lovang maw ka ti ve deuh…..

    Report this comment

  9. 59
    Awmtea Khiangte Says:
    July 11th, 2012 at 8:53 pm

    @Dr Mahming, i thiannu chu…………….. :-S

    Report this comment

  10. 60
    Atom c Says:
    July 11th, 2012 at 8:53 pm

    Ka chhiar peihlo deuh a, han chhiar takah chuan a khamawm leh lawi silo… Part 2 ah pasal fel deuh chu nei vat teh se, a changlo mai palh ang e…. ;)

    Report this comment

  11. 61
    Dr Mahminga Sailo Says:
    July 11th, 2012 at 9:03 pm

    @ sheldon.. Ka thiani hian min hmusit phah ang tih ka hlauh ve deuh rualin, chutiang rilru pu tur a ni lo tih ka chiang a, ka rawn luangliam tawp mai.. :-)
    @ Awmtea… In inhnaih viau mai thei a nia.. Ehh.. Bak chu sawi chhunzawm chi loh.. ;-)
    @ convenanter… A thian tha tak nih hi ka tan a tawk rih tlat a ni… :-D

    Report this comment

  12. 62
    drake Says:
    July 11th, 2012 at 9:07 pm

    Ehhh! ka lai deuh, in chhangchhe pic post zo chiah a, bialnu tur hmuh loh thu sai kual leh daih si Dr.labrador mahminga chu leh!!! :-P

    Report this comment

  13. 63
    sheldon Says:
    July 11th, 2012 at 9:36 pm

    Kha…ka tih reng kha. Mahminga hian a bialnu bem nan he site hi a hmang chiang latuk :-D A comment #61 ah khian a chiangkuang ngang mai :-D

    Report this comment

  14. 64
    Dr Mahminga Sailo Says:
    July 11th, 2012 at 9:52 pm

    # 62… Dr.labrador mahminga… (Y) :-P :-D

    K’u sheldon chu(h), ti khan i ti daih a.. ;-) Nulain min bem hma chuan bialnu ka nei dawn lo hrim hrim… :-D

    Report this comment

  15. 65
    Candelas Says:
    July 11th, 2012 at 10:22 pm

    Nula lampang post hi chu comment a tam viau zel. :-D

    Dr Mahminga Sailo hi Mizo tlangval luck anih ka chiang, hrechiang duh chuan min lo zawt mai teh u :-P

    Report this comment

  16. 66
    mamboihi Says:
    July 11th, 2012 at 10:26 pm

    A luck hi a hmang thiam si lo lai hi a buaithlak!! :-P

    Report this comment

  17. 67
    Dr Mahminga Sailo Says:
    July 11th, 2012 at 10:39 pm

    @ Candelas… Kuhva ka’n lei lawk te’ng… ;-)

    @ mamboihi… Luck lo lutuk, tlangau post a nih hi… :-D

    Khi le, politics a rawn lang e. Sawi leh ngheng mai ang aw… :-P

    Report this comment

  18. 68
    Candelas Says:
    July 11th, 2012 at 10:48 pm

    He post hi a thiannu hian a lo chhiar ang a, a hmang fuh chiah ang. :-D

    Report this comment

  19. 69
    bk Says:
    July 11th, 2012 at 10:58 pm

    Luangliam te te a midang han duhsak leh daih te chu a….

    Be a man, wear Marco Polo :-) ti ve thruai…

    Report this comment

  20. 70
    Mx Says:
    July 12th, 2012 at 1:35 am

    Keipawh post tupa hi a luck phian ang ka ring :D Zeiloh lutuk vanga zei an tih ang chi hi anih duh hmel ka ti tlat :p

    Report this comment

  21. 71
    Awmtea Khiangte Says:
    July 12th, 2012 at 6:24 am

    Post-tupa Dr Mahminga hi kei chu a zei riau hi ka ring asin :-P

    Chu i thiannu pawh chu kan inhnaih viau maithei maw? Eng tin nge ni dawn aw… I keipui sa hauh hlur tih chu hre tho mah ila, han hmelhriat ve hrim hrim chu ka van duh eeeeee :-D

    Report this comment

  22. 72
    Dr Mahminga Sailo Says:
    July 12th, 2012 at 8:58 am

    @ Candelas… mi(sual) a ni ve lo, mi(tha) a ni thung a… :-D
    @ bk… Be a man, wear Marco Polo… (Y) :-D

    @ Mx… Zei loh lutuk vanga zei lo zawk ka ni zawkalawm… :-D Vawiin atangin nula ka rim nghal dawn… ;-)

    @ Awmtea Khiangte… A ziaktu’n dan ka bawhchhe hman tep mai aw. Note-ah khian ka ziah tawh khi… :-D

    Report this comment

  23. 73
    Lersia Says:
    July 12th, 2012 at 11:26 am

    a ngaihnawm hle mai … (Y)

    Report this comment

  24. 74
    The Biz Says:
    July 12th, 2012 at 11:30 am

    Hm.. Vanglaini..kan va la ngai dawn m…… :-)

    Report this comment

Pages: « 1 [2] Show All

Leave a Reply

You must be logged in to post a comment.