Kamkeuna
Pathianin mihringte a duan dan ropui leh makzia hi chu aw. Mi thenkhat luhlul leh rilru lian tak tak an awm laiin, thenkhat erawh thinnem tak an awm bawk a. Mihring mize hrang hrang leh, nihphung hrang hrang hi kei chuan ka sawi seng lo’ng.
Kei ngei pawh hian ka nunah engemaw bik riau tawn hi ka ngah ve khawp mai a, sawi vek chi pawh a ni lem lo mai thei. Tuna ka rawn sawilan te erawh primary sikul ka kal lai, chinchang ka hriatthiam ve tawh laia ka tawn thenkhatte an ni.
1. Ka pi kutphah thap hrip hrep – ka pumna chhawktu
Zo hnathawk tih takah kum tluanin hlo leh hriam tin reng hamin an hmanhlel a. Thingtlang naupang nafam chuan, thil thianghlim vak lo leh thei rah eng eng emaw ei tawk kan neih fo avangin, a khat tawkin ka pum a na fo. Khatia ka pum a nat chang khan, ka pi kuhtphah thap hrip hrepin ka pum a’n zut hauh hauh khan, pumna a dam huaiin ka hre thin!
2. Ka pa puak (nen-nen) ngei – ka tan damna
Thosilen zar mumal lova mut mai mai kan chin avangin kum tinin sikserh veiin ka na deuh ziah a. Tawrh nat chang phei chuan luak leh luna nen fawmin, chhungte beidawn rap rap chang a awm fo. Thingtlang atanga neih theih tawk Chloroquine leh Magadol kan ei a, dam hun a awm ve leh mai bawk. Hetia ka dam loh nikhua hian, ka nu emaw ka u te min puak aiin, ka pa min puak khan ka natna a kiang deuh huaiin ka hre thin.
3. Ka nu ina a awm ni – ka thla a muang
Pathian ni leh khawtlang awmnikham ni a nih mai loh chuan ka nu kha inah a awm khat hle. A dam that loh emaw, puanthui tur a neih tam deuh changin inah a awm mai thin. Ka nu ina a awm ve chang chuan, engemaw ti tak hian ka thla a muang em em thin a. Mipa naupang lenglam rual ni mah ila; ka nu ina a awm ni chuan, a puanthuina bul veleh ka tawlh nileng fo nia!
Bonus
Nula ka * tawkin min seihkhum hian – danglamna ropui tak ka chang thin!
A ruktea duh leh hmeltha tih em em maiin, rin loh tak maia ka lam a rawn hawi a; eng vang tak nge pawh hriatpui kher lohva, mi’n seih khum hian, danglamna mak tak, ka sawifiah thiam mai si loh hian min tlakbuak thin. Ka chhipvir atanga, ka mit, ka beng, ka hnar, ka ke ler thlenga tiza chuai thei mai hi, eng tak ni ang maw?! 
A BVT hle mai. PIC chu a hmuhnawmin...
August 2nd, 2012 at 8:41 pm
nen-nen
va lunglènthlâk ve…!
A ngaihnawm leh viau mai.
Report this comment
August 2nd, 2012 at 8:58 pm
kum 5 vel han misualdotcom la chuan bialnu te pawh FB ah zawng leh zel tho la, lo duh tu che chu i tawng ve nulh mai thei, mahse Ui-nu/pui ngaina lutuk lo la Dr.Labrador Mahminga akekeke
Report this comment
August 2nd, 2012 at 9:02 pm
A hun lai tur awm ang ka feel thiam m
ai.
Report this comment
August 2nd, 2012 at 9:40 pm
Nula lampang ri zing ta lutuk hi fiamthu mahnise beng a tithlep ta mah mah e.
Report this comment
August 2nd, 2012 at 10:11 pm
A ni vek mai. I ziak chhuak thiam a, ziakchhuak ve thiamlo pawn a dik zia kan chhiarin kan hrethiam
Report this comment
August 2nd, 2012 at 10:17 pm
tha e
Report this comment
August 2nd, 2012 at 10:45 pm
Min duat em em tu ka pi mitthlaah alo lang, ka va’n ngai tak em… tinge hetiang i rawn phawrh mai le aw…. thinlai muhil hnu i kaitho e… theih nise (Pathian rem tih) ka pi thih ni khan zui ve ka thlang ngei ang!
Report this comment
August 2nd, 2012 at 11:07 pm
Kan taksain a mamawh emem, thinlung ngaihtuahna duhai samtlingzo khawpa, Nula hmeltha takmai, hanhmuh meuh hichuan, mipa hriseltha vehvawh tanchuan, tekchhuai lohnakah, Kanpu, ADAMA meuh pawhkhan, a kawppuitur hmeichhia a hanhmuh khachuh! a tek chhuaichhuai in, a buai phili ve ruaimai, a niber lawmni? Nangmah, titek chhuai tungeichu, han bawhzui thuaila, i hlawhtling mial meithei asin.
Report this comment
August 2nd, 2012 at 11:35 pm
Sikul ban ah in kan han thleng a nu te hmuh tur awm lo a unaute leh midang chauh an lo awm kha chuan ri nuaih mah ila a ruak huai tho thin.
Mahse an mahni chauh pawn lo awm se nu te an nih miau kha chuan sawi hleih theih loh tlamuanna kha awm tlat a ni.
Post tha khawp mai.
Report this comment
August 3rd, 2012 at 12:07 am
Report this comment
August 3rd, 2012 at 1:15 am
Ni ve thin e
Report this comment
August 3rd, 2012 at 1:20 am
Ka sawi hmaih: ni ve ṭhin e, kei pawh
Report this comment
August 3rd, 2012 at 1:22 am
Amah Dr Măhminga Săĭḷŏ hi a va reh ve vawiin hi…? (thlûkna hi chu dah ve mai mai; a dik dàn pawh a ñi lò)
Report this comment
August 3rd, 2012 at 1:28 am
#13 A hming i ziahdan chu khabe hmul sei deuh te pawh a neih duh hmel khi a!
Report this comment
August 3rd, 2012 at 6:13 am
Kan taksain a mamawh emem, thinlung ngaihtuahna duhai samtlingzo khawpa, Nula hmeltha takmai, hanhmuh meuh hichuan, mipa hriseltha vehvawh tanchuan, tekchhuai lohnakah, Kanpu, ADAMA meuh pawhkhan, a kawppuitur hmeichhia a hanhmuh khachuan, a tek chhuaichhuai in, a buai phili ve ruaimai, a niber lawmni? Nangmah, titek chhuai tungeichu, han bawhzui thuaila, i hlawhtling mial meithei asin.
Report this comment
August 3rd, 2012 at 6:20 am
Tuktha chibai…
A ngaitein tukthuan eikhamah ka rawn chiauau ang che u..
ZIRTAWP NI hman nuam vek u…
Report this comment
August 3rd, 2012 at 6:54 am
#2 (nen-nen) khi a dik khawpin ka hria. Bonus phei khi chu mitin-ah a dikin a rinawm
Report this comment
August 3rd, 2012 at 8:20 am
He post chu a va han zo tha raih raih ve aw…
Nula chhelo deuh in min han seih hian ka thinrim tlat thin nia. Min bawl tumah ka ngai tlat zel a
Report this comment
August 3rd, 2012 at 9:09 am
@ houdini… Nen-nen han tih hian min duat hmel bik tlat ti raw..
Tunlai chu zanah ka mu hma deuh thin a, ka mi(sual) lo zeuh zeuh. Mi(sual) chuan duh aia rei ka meng thin a.. 
@ drake…
Chuti, Hmanhmawh lo phawt mai te’ng. 
@ CFL… A hun takah thu tha min hril a, ka lawm tak zet e..
Hei hi Mi(sual).com tangkaina ka ti ve tlat.
Sawi leh sawi hnu, fiamthu pawh hi, chintawk a awm loh chuan kan nuihpui lo fo reng a ni ti raw. Nula chanchin tlemte ka sawi zeuh zeuh tawh ang..
@ H.Vangchhia… Nute ai maha min awm tamtu, PI te hi an hlu ngawt mai ti raw.
@ Sihtea… Dik lutuk. Siamtu min duan sipsisial-zia hi..
@ Kher Kher… Chu chiah chu. Chhungkaw pa ber, hna bangin, in a thlena a zawh hmasak ber chu, khawnge i nu ? tih a ni chawk an tih thin kha.
@ donald & shailendra… Hmeltha leh kan duh inang miah si lo, kan duhte theuhte tawna kan luangliam em em vek lawi si te hi, ril ru deuh a ni ti r’u.
Report this comment
August 3rd, 2012 at 12:33 pm
Tha thin ngei mai, ka nu leh pa min ngaih zualtir mang e
Nula seih hi chu a uai a na thin khawp mai
Report this comment
August 3rd, 2012 at 2:32 pm
Kan thil hmuh leh hriatin kan tisa kar a khawih dan hi kan sawi chhawng ve leh teh ang :-
Bing : Hlauhawm tawh phut emaw thawm hriat phut emaw avanga lu leh tisa kar khawih. [Hei hi hlauhawm ni kher lovah pawh kan hmang fo mai, zahthlak deuh tawn tum pawh hian bing chum chum hmang an awm ve tlat.]
Mur : Khawsik turin taksa a rawn tham lawk hi.
Tim : Hlauh vang emaw nuam tih vang emawa tisa kar khawih.
Hmulthi ding : Kan thil khawih palh emaw hmuhin emaw a rap a rap vanga tisa khawih.
Tang vak : Thawsawi duhzawng emaw, rimawiin emaw tisa kar a khawih hi. [Chu nula zai chu ava'n thim em, ka darah tang a vak cham cham mai! ]
Bawl : Vawt tih vanga tisa khawih. Thlasik laia ni tlak hnu leh chhuah hma a inbual hian taksa a bawl duh.
Report this comment
August 3rd, 2012 at 2:34 pm
#”Ka chhipvir atanga, ka mit, ka beng, ka hnar, ka ke ler thlenga tiza chuai thei mai hi, eng tak ni ang maw?!”
I tim uaih uaih tihna a ni dawn maw ?
Report this comment
August 3rd, 2012 at 2:46 pm
# 21…
@ lushai_er… A va mak em! Ka hril thiam thei lo… tia Pi Daduhi Khiangte sak kha ka ring mai dawn…
Tawngkam thiamin a daih ngang lo.. 
Report this comment
August 3rd, 2012 at 4:52 pm
ka lung i ti leng. Ka tah i ti chhuak. Ka mittui a hnam sek mai
Report this comment
August 3rd, 2012 at 10:13 pm
Va tha leh pek em.. ka pi tak tak te ka hre ve hman lo a, mahse pi dang tam tak min duat tu kan nei. Nangmah ang deuhin ka pa puak kher ka ngen ve thin.
Ka lung a va leng em.. 
Report this comment