Sakhua hi enge?
‘Religere’ ti zawnga sawifiah ka tum lo, Bible pawh ka lam lo vang…ring chuang lo hnenah a tul lo ve. Mihring hian a aia ropui leh thiltithei(supernatural being) a awm hi hmasang ata tawh a ring hmiah a. Finna leh thiamna leh chhan hrang hrang avangin chu ngaihdan chu a dal tial tial niin a ngaih theih thung. Amaherawhchu Pathian a awm tih rinna leh hriatna hi a awm lo tih rinna ai chuan pawmnahawm tak a ni a(sakhua ngen ngun lo pawhin) a chhan chu thilsiam kan hmuh zozai leh roreltu a awm tih kan tawnhriatna hi a ni; chhungrila a awm tih kan hriat engkim chunga roreltu tana kan inserhna leh kan zahna hi sakhua chu a ni, ti ila tawi zawngin.
Sakhua chu engvanga awm nge?
Mihring chakna, hriselna, theihna, nunna etc. hian tawpchin a neih avangin nghen tur a mamawh ( hei hi atheist tam takin sakhua an beihna pakhat a ni a, dikna chin a awm ve tho). Pathian chu fel leh thianghlim a ni a, mihring erawh chu bawlhhlawh kan ni(hei hi kan unauten an pawm lo va, khawvel sakhaw pangngai erawh chuan an pawm deuh thum mai) amah nena inzawmna nei tur chuan sakhuana hian inthen thianghlimna tur kawng min kawhhmuh a ni. Nausen lo thang lian hi mahni hmasial tura zirtir a tul lo, a thiam sa, sual lam kawnga lut sa a nih avangin felna kawnga kal tur chuan kawhhmuhtu a mamawh. Thih hnu nun kan ngaihtuahna hian dam laiin min inbuatsaihtir ve bawk a…sawi tur a tam ang.
Pathian chu kan hre tlang vek.
Pathianin leilung leh a chhunga awm zawng zawng a din a, a siam a..chumi hmang chuan Pathian chu kan lo hre tlang ta vek a. Chu Pathian chu kawng(sakhua) hrang hrangin kan pan theuh va, a awm ngei tih kan hria a, kan pan dan erawh a inang ta lo nuaih a, a hming kan pek lah a inang hek lo. Ruah a rawn sur a, keimahni Pathian surtirah theuh kan ngai a; a surtirtu chu Pathian a ni reng a. Mihring rilrua dinhmun sang ber luahtu chu…Pathian a awm kan ring a nih chuan Pathian a ni lo thei lo. Kristian niin muslimah inlet pawh ni ila kan rilrua Pathian dinhmuna kha a ngai reng ang a sang tak a ni reng ang a, Pathian kan dah ropui dan kha keimahnin kan han thlak pawh a ni chuang lo va…ka sawi nawn leh e..kan rilrua hmun sang ber luahtu chu Pathian tho a la ni. Kan ngaihsak em em.
Pathian chu kan pawh tur angin kan pawh thei lo
“Mi thianghlim ka ni”, tiin awchhang ruau khawpin au mahila kan bawlhhlawh zia puanna mai a ni. Keimahnia sual awm hi thinthlak tum mahila kan theih zia a ni lo, a bei nghet em mai. Duham, awt, thik, itsik, mahni hmasial, phuba, etc hi mihring nihna zia chu a ni a. Mi dang laka thil sual kan tih leh kan tihsual zawng zawng hi chhunglam nun atanga irh chhuak vek a ni a, chumi nen chuan Pathian hnen hi a thlen theih loh hul huala ngaih a ni. Kristian zirtirna chu lo dah tha hmiah pawh ni ila, tlen fai hauh lova Pathian kan hnaih thei dawn a nih chuan Pathian bawlhhlawh a ni dawn si a. Tin, thiamchanna tura tih ve tur lam awm miah lo va kan nih ang anga Pathian inpawmtir tumna hi sakhaw pangngai zia a ni lo hrim hrim. Mizo sakhaw hluiah pawh Pialral kal kha a awlsam lo.
A nih loh leh Isua Krista hi?
A chunga kan sawi zawng zawng ‘Pathian’ atanga kan ngaih hran tlat avangin kan hmu fiah thei lo a ni. Sual avanga inkawm/inpawh thei tawh lo inkar khi chu mihring siam that rual a ni lo. Pathian rilrua riak reng mihringte suala awm mek chuan chhanchhuah kan ngai a, kan ngai tih pawh inhre lo khawpa bote kan ni. Tichuan Pathian rilru ‘Thu’ hmangaihna hlawm hlak chu tisaah lo changin sual hremna chu a rawn phur ta zawk a…khawvela danah pawh sual chu hrem tur a nih laiin Pathian thianghlim danah phei chuan hrem tur a ni lo thei lo.
Engvanga Juda hnam rawn thlang nge?
Mizo hnam tlan tur hian engvangin nge Juda hnam a rawn thlan? Duhthlanna hi a thlangtu thu a ni. Mihringa lo chang tur chuan eng hnam ber emaw a zawm a tul, tin kawng dang pawh a awm tho ang…kan chhut phak loh khawpa ril pawh. Mahse hei erawh kan hria, THLANTE(elected) mawhphurhna hi enjoyment tur thil a ni lo, mawhphurhna a ni zawk. Mihring famkim ni ngei tura kawng rawn zawhtu khan hnam pakhat a rawn bel a, chu a hnam belhte mawhphurhna chu a rih em avangin an zo lo va, hnam dang zawng aiin hrem lah an tawk nasa.
Ropui takin ‘ngahnge a intarlan loh, Pathian ni si?
Nang leh kei hi kan ropui lo em a; a hniam ber dinhmun rawn hauh tanin mi chapote hmuh thiam ve ngai loh tur Lalram letling/Lalram linglet chu a rawn din a, chutah chuan hnam thlan thar-Israel Thar Amah ringtute chu a rawn din ta zawk a, Pathian fate nih theihna tur a pe…a hming ringtute chu. Vawiin thlenga la hai, hnam thlan hluite kha chuan an la nghak ta reng chu a nih hi.
Isua Tlanna kha engtiangin kan tan a hlut ve ang?
Pathian thinurna kuta misual awm mihringte kan ni a. Sual kai lo, sual nei lo leh tlan ngai lo ang pawhin inngai mahila kan chhungril nun tenawm zia hretu chu kan mihringpuite leh Pathian a ni a, sakhaw dang aia kan danna chu min chhandam turin Pathianin hna min thawhsak a, keini thawhchhuah rual a ni lo. Isua Krista chunga hremna kha mihring zawng zawng aiawh zo hremna a ni a, mahse kha Isua thihna kha ‘ka thihna’ a thawhlehna ‘ka thawhlehna’ tia pawm lo tan chuan aiawhin thawk tawh mahse a famkim thei lo va, kan “Inruat” a tul a ni. Tichuan Lal isua hnathawh chu hnamtin tana chhandamna tling a ni.
Isua hi Pathian tak a ni tih engtin nge kan hriat ang?
A ring duh lote tan hriat rual a ni lo. Amah ring duhtute tan chuan a nung a ni tih phat rual a ni lo va, Pathian a ni tih hnawl rual a ni hek lo. Juda tlangval anga mi tamtakin an hmuh avangin Pathian a ni tih an hai fo va; A zirtirna danglamna chu a tha liam mai lo va a nung tlat hi a ni. Kan unaute hian he lai hi ngaihtuah ngun teh se…sakhua kan neia Pathian nena kan inpawl a nih chuan a nung tur a ni. Kum 2000 zet Kristianna kal tawhah hian rin hranna lo awm bawk thin mahse Krista Lalram chu tundin mek zel a la ni. A thu a nun avang leh chenpuitu Thlarau Thianghlim avangin kohhran ropui tak a la ding zel a, hmun khatah lo chau mahse hmun dangah din thar a ni leh zel thin. A zuitu nunah thlarauva inpawlna a awm avangin mahni hlimpui leh ngaihdana hnuh mai a leng lo va, tute sakhaw rin dan zula kaih mai a rem ve hek lo. A hming avangin mi tam takin nunna chan an huam zak reng a, thihna hlim kawrruam zawh lai pawha chenpui thintu thlarau chuan hahdamna thuruk a pe thin.
Kum 2000 chhung khan lalram tam takin tharum nen nuai chimih an lo tum tawh a, Philosophy hmangin nasa takin an run a, zirtirna hrang hrang hmangin an bei reng a, sakhaw hrang hrang ep rawn a hlawh tawh a; a zuitute chimih mang tumin nasa takin tan an lo la tawh a mahse Krista Lalram chuan zauh lam a pan zel a, tihduhdahna hnuaiah hlei hlei an pung chak thin. A thu leh hlaa thlarauva kan inpawh tawnna hmangin Thlarauin min chhem alh tawn a, sahawk leh hlim phulna naran piaha thinlung inpekna thuk tak chu miin a chang thei thin.
Christ The Pasaltha
Mizo nuna vantlang ngaihhlut ber chu pasalthate kha an ni. Thingserh sat a, huai no dawmtute kha mitin zah an ni a, an ropui thlawt mai. Lal khua leh tui tana an nun thap ngam an ni a, ngaihnep chi an ni lo. Heti hian theologise ta ila, Isua Krista kha Mizote Pathian tur dik a lo ni, Pasaltha dik tak khua leh tuite tana nun hlan thaktu…huai no, mahni thisen entirna a zuitute intirtu…a khua leh tuiten chhandam an nih theihna tura thingserhah ngei tihhlum thlang, kha mi ngei kha kan Pathian tan hian a duhawm hliah hliah a sin. Vawiin thleng hian amah zuitute chuan a ram tan kan inpe ve e tih entirna turin huai no(sacrament) kan dawm thin reng a ni. Lal Isua kha ram dang Pathianni lovin Mizo Pathian, ‘Ka zeltluang lo chhang ang che’ tia ka inthawi bur bur lai pawha min lo chuam tlattu…a ni a, Juda tlangval naran a ni lo ve. Hawh teh u, sel lovin han tem chhin ve teh reng u.
Similar Posts:
- Hnam Sakhua: Ka chhiar ve e!
- HNAM ROLUNG
- Kristian sakhua leh Mizo hnam sakhua danglamna
- Isua hi Pathian a ni
- MIZO HNAM SAKHAW DIK PHOCHHUAHNA ~ I
(G) 
August 7th, 2012 at 7:23 am
ti tha hle mai
Report this comment
August 7th, 2012 at 7:34 am
Mi pangngai tan chuan ngun taka mahni inenletna tura thuziak ropui tak a ni. Logical argument tha tak a ni; a copy siama, HS member zawng zawng pek atan ka it hle mai
Report this comment
August 7th, 2012 at 7:38 am
ka hma a mi chu va huat awmve. hnam sakhua lalchhungkua ho chuan Arsite, Thlate, Nite leh khawvel hi kan siam anti. Engtin tak siam ang maw???? ha ha ha ha.
Report this comment
August 7th, 2012 at 7:39 am
Exellent post. Pu Vakul-a nge nge, ziak tha khawp mai.
Report this comment
August 7th, 2012 at 7:56 am
1) Pathian a awm.
2) Pathian thianghlim a ni.
3) Mihring a thianghlim lo.
Thutlukna:
1) Mihring chu Pathian a ni thei lo.
2) Mihring pathianna sakhua chu dawt mai a ni.
Report this comment
August 7th, 2012 at 8:06 am
Va tha dap dap ve le! Amaherawhchu thurawn dawngtu tur berte hi thurawn ngaisang em em lo an nih ka va hlau em! Chhiar pawh nise rilru inhawng taka chhiar lovin an thurin vuak bel sa atanga hnialna tur ringawt ngaihtuah chungin an chhiar ang tih ka hlau deuh. Thu dik pawh hi ngaithla duh lo tan chuan vawk hmaa lunghlu paih ang chuah a ni thin!
Report this comment
August 7th, 2012 at 8:16 am
A tha thlarh thlarh mang e. Ka rilrua a chian ang hian in rilruah chiang ve tak maw? Lalpa Thlarau chuan chhiartu zawng zawngte rilruah hriatthiamna pe sela, an thinlungah chinung angin tuh rawh se.
Report this comment
August 7th, 2012 at 8:21 am
A tha khawp mai, mahse, beidawnna khur a tang, in enfiah a,’kan lo tisual a ni e’tih tlawm a la laklawh tawh, hnialhrat a tang laklawh an nia, harhchhuahna khawp thu tha chu an dawng tawh a, an dawng mek zel chu a nih hi.
Kristiante tihduhdahna leh tawrhna ang kha tawk ve se, an rem hma ngawt ang.An hotupa ber hian pawldang a din leh mai awm e, Thuihruaite tan a nunhlan te chu an hlat viau in ka ring.
Kristian te chu, hotu pa in beramte tan nun a hlan a, beramte lah in, hotu ber tana nunhlan huam thup mai bawk….kan in ang lo teh e…Isua nen level khatah la in dah ve khanglang leh nghal.
Good post, vakul..KZP
Report this comment
August 7th, 2012 at 8:23 am
Bible a lehkhathawnte pawh an address-a te ni miah lo tan a hluin a pawimawh em em ang bawkin, he thurawn chu ka tan a ni hauh lo na a, ka tan tak hian a thain a hlawkthlak hle mai.
tren tren
Report this comment
August 7th, 2012 at 8:39 am
Comment phawt ila, hman veleh uluk takin la chhiar teh ang.
Report this comment
August 7th, 2012 at 8:42 am
Ni e Pu Rinzo, uluk tak khan han chhiar teh khai
Report this comment
August 7th, 2012 at 9:18 am
Haudinga pawh khan chhiar se a tha ang
Report this comment
August 7th, 2012 at 9:53 am
Report this comment
August 7th, 2012 at 10:17 am
haudinga..haha..
Chhiar mawlh teh se..
A tawngkam te hi a duhtui lo ve thei sia…
Report this comment
August 7th, 2012 at 10:20 am
leh loks..
Hnam sakhua tih leh lalhnam tih hi thuhmun a ni.
Eg. Biakmawia pawl tih leh kohhran thianghlim.. Tih ang vel a ni awm e.
Report this comment
August 7th, 2012 at 10:30 am
A va han tha thuai thaui ve mawle. Home minister vangin rei tak comment vel pawh hnutchhiah thei tawh lo niin ka lo ngai ngawt a. Mahse hei, ropui takin a lo COME BACK leh e!
Pu HS-a te pawn ngun lehzualin han chhiar ta sela kan zavai tan hlawkna a ni mai.
Tin, thiante sawi angin Haudengzika pawh chuan chik leh zualin lo chhiar sela. Sakhua lo awm dante pawh lo sawi sela, a tawng tlakhawlh leh viau chuan a tha lo ang. Ani kha Hnam Sakhua pawh ni lem chuang lo a tam lam lam do ching a ni tawpin ka hria…
Report this comment
August 7th, 2012 at 11:25 am
Thelmai pa…an sakhua ai mahin a headingah khian misuala ka hmelhriat danin ka address chauh.
Ignatia..i sual thei em mai
Report this comment
August 7th, 2012 at 11:27 am
Post-tupa ka tan tawp che
Report this comment
August 7th, 2012 at 12:41 pm
Pu Vakul:
Kolkata kal leh hun chu KINGdom ni lo QUEENdom lamte pawh tlawh tum ngei ngei tawh ila a tha ang…
Pu Rinzovate thukhawchang a lo lan apianga ka hriatchhuah ve ziah chu – Mizoramin zalenna a sual dawna mipui hmaa Pu Laldenga’n thu a sawi tuma mipuii’n tah aw teuhin ‘ Kan ram hi a buai chuan a nih leh Chi (salt) hi khawi ami nge kan liah tak ang?’ tia an zawh khan Pu Ladenga khan ti hian a chhang a – ‘ Chi (salt) chu a bur ami in liak ang’ tiin. Thusawi ropui tak leh tih mai thei niawma ngaiin mizo mipui kha an lawm khawp a ni awm asin. Ram a lo buai tak taka an che thei lo nasa a nih kha…
Pu HS-a te leh a hote pawh hi chutiang deuh chu an nia. Khabe theology tak mai – logic tha leh argument fel fai tak nei chuang lo hian eng eng emaw hi an phuah kual vel a. Mizo sentimental khawih thei turin kei ni kristiante tlakchhiatna lai ber – Hnam ang zawngin min lo bei leh arh mai a… A ngaihna awm looooooooooooooo……
Report this comment
August 7th, 2012 at 12:51 pm
Ignatia…zan li tal riak turin.
an rawn lang duh lo khawp mai hei…han titiho ka chak a sin le.
Report this comment
August 7th, 2012 at 1:01 pm
Pu Vakul: Teh reng mai. Mahse a hla deuh ang. Ka lo inbuatsaih tan ang e.
An fing thiam riau alawm, Pu HS-a leh a kidte hi. Min nawr an duh hunah an lo lang teuh a. Keini’n kan tih ve deuh hian engmah hre lo awm tak hian an awm daih mai a.
Report this comment
August 7th, 2012 at 1:06 pm
Inlafing deuh deuh hian nger lam nei fé hian thil an thlir ṭhin a…! An la inla-fëkfawn ve fé zui a…! Chhiartlâk a awm lo; nger lam i nei. Mi ngiaunger tak kamchhuak tlahawlh ṭenghneng mai mai a ni e.
Engmah hriat loh chuan pawt ve duah loh tùr asin…
Report this comment
August 7th, 2012 at 1:20 pm
ka thianpa houdini hian mi han deuna tawngkam hi a nei tha…ka la hmin dawn khawp.
thiana …le…ka sawiah khian i duh loh point la chhuak la sawi dun ang le..
King James version hi i bible neih hmasak ber a ni a i chhiar nasa viau…thil pawh i hria tih ka hria…mahse Pathian tih hi finna a nih avangin chu Pathian chu i zuia zoram huapa mi finga an dah theih nan ka pui ang che.
hriatna hi mimal chan a ni a…finna erawh chu mi min hriatna dan kha a ni. mi dang hian fing taka an ngaih theih nan che Wisdom=Jesus Christ chu han pawm ve teh.
houdin…i la hre pha em.. i fing a nih chuan Isua i pawm a tul.
Report this comment
August 7th, 2012 at 1:20 pm
A khai khai zahngai zahngai @houdini
Report this comment
August 7th, 2012 at 1:25 pm
awmte..zahngai turin lo au suh u..
hetiang mi hleihluak hi Pathianin a hman vek vek chuan an thawhhlawk..petera type a nih hi.
ang buan buan se la…hnial a tul lo hrilh mial mial tur.
Report this comment
August 7th, 2012 at 1:30 pm
A ni dawn tak! Kan tawngtaipui sauh sauh dawn nia. Kei chu tawngtaisak mai hi ka theih tawk a ni.
Report this comment
August 7th, 2012 at 1:53 pm
# Haudinga.
Report this comment
August 7th, 2012 at 2:03 pm
Petera type…hehe.
Report this comment
August 7th, 2012 at 2:24 pm
Comment 22-na khi, TinTin-a thianpa Captain Haddock-a tawngkam han hawh i la, “¥§#€*Blistering barnicles, Thundering Typhoon*€#§¥” tihna ang vel aniang a? ;-P
Report this comment
August 7th, 2012 at 2:27 pm
Report this comment
August 7th, 2012 at 2:33 pm
kan unau hnam sakhuate chu an va reh ve sawihona hun hmang ila ka tih vei nen. kristian leh tian doctrine kikawi tetea inhnial ai chuan anni hi titipui ka thlang a sin le.
lta pawh hi khawnge zohoate kam liam changin fb lamah a thu duk a…ngaihdan phek khat daih a neih hnuah helamah a rawn bel ve leh chawr zel mai….tawpa tawpah chhan a nngai ziah a…zohoa rawn lang leh nge nge thin.
Report this comment
August 7th, 2012 at 2:50 pm
@31..vakul..zoho hi hnial peih ila chu a dang chiang thei ngawt ang
tlar hnih bak sawi tur a hre ngai miah lo ang…haha
Report this comment
August 7th, 2012 at 3:46 pm
Hnial hnial duhsuhu. An mahni angbawka, Pathian thil tih theihna nei manghleilo, nih puitur anzawng hmu zolo, mangang, an UI ke tangrak leh pawtvel maimai a nih hi.
Report this comment
August 7th, 2012 at 3:50 pm
#5 donald Thutlûkna 3-na: Chuvangin Kristian sakhua hi dâwt mai a ni. (Mihring pathianna sakhua a nih avangin)
Report this comment
August 7th, 2012 at 4:10 pm
#34 houdini haha.. tha dawn e. Tiang khan rational takin kawmen zel rawh.. Phung ang maia ri buan buan zel lo in.
I sawi tha tep.. mahse Isua hi kei Kristian inlafekfawn naran, sual viau si leh nang kei ai chuan fel daih, mahse sual ve tho si anga sual nei a ni veloa, Pathian hnen atanga lo chhuk, sual reng reng hrelo alawm.
Report this comment
August 7th, 2012 at 4:23 pm
1) Pathiang chu a thianghlim
2) ‘Ka duh a che Isu thianghlim’
3) Isua chu mihring fapa
thutlukna:
Mihring Isua chu Pathian
Report this comment
August 7th, 2012 at 4:37 pm
Pathian, mihringa lo chang, Thlahtubul ten an bawhchhiat hlima Pathianin ‘thu’ a alo tiam, Zawlnei Isaia ten an lo puanlawk leh Vantirhkoh chungnung an rawn palai zak zak na hi hriatthiam ahar ngang ania nge.
Report this comment
August 7th, 2012 at 5:12 pm
In va han fel hlawm thin em. keichu hetiang thlarau bo lutuk, bo tih pawh inhre lo, hrilh hrilh pawha duli bo a la bo ho hi chu..in nih nih ni mai teh u tih mai hi ka lo chak thin a sin
Report this comment
August 7th, 2012 at 5:30 pm
#31
vakul
Pu Vakul hi a
Mi kamliam chan hian finna tam tak a chhar theih a lawm. I sawi tam tak pawh hi zawm diak diak ka nei a nia.
Nikum tir lam khan “Pathian hmangaihna” hi question reng rengin ka agnostic hman hial a sin. Mahse ka chhuah leh dan chu Pathianin fair taka amah do tute hun a pek dan ka man hnu chuan ka kirleh chauh a lawm. Atheist/agnostic ang zawng hian tang dawn ila chuan mi tam tak hruaisual thei khawp ngaihdan leh question ka nei teuh, chumi tum ve chuan AGNOSTIC hi group-in ka siam a. Mi tam takin ka zawhna chhang theiloin ka sawi ring zawk tam tak an awm bawk. Kolkata ah khuan min hrelo an awm ang em aw ka ti thin khatih lai khan. Mahse tunah chuan YHWH hian min tanpui a, finna mn pe a, thudik ngaina turin ‘ka duhna” a tipuitlin a, tunah chuan group pawh ka deactivate tawh.
Chutiangin heng ho mu tanna tam tak pawh hi “Love of GOD/YHWH” tho hi a nia. Chuan kristianity fuhloh dan muhlum tak hi an man ve kur bawk si a. Bible an keulo a nilo, an thiamin an fing em em a. Thenkhat chu philosophy ril tak tak an ni a, tun thleng hian page pakhat enkawl turin minla sawm zia, mahse ka duhlo a. Pakhat chu an ngaihdan hriat ka duh hrim hrim nan ka page admin ka la ni. Engpawh nise, zoho hian ala bei hneh ber a, nakin lawkah chuan anni bei tur hian ka la chhuak ve ang..
Report this comment
August 7th, 2012 at 5:40 pm
Hmaichhanah inhrilh hlawm se, an insual duh mai law’ng maw? hairehai
Report this comment
August 7th, 2012 at 6:02 pm
Room khatah khung khawm ila a tha ang, an thawm a na mai mai ang chu aw
Report this comment
August 7th, 2012 at 6:26 pm
Kristiana leh Pathian thu tana inhnial INTIDUH lo viau si, thil danga inhnial hrat pung pung hle si te hi khawvel ti kim tu an ni ve zel e …
Kristian thuthluang, malsawmna leh chhandamna duh em em, eng nge ka pek ve ang tihlam chu ngaihtuah duh der si lo te nen.. pawnlang lama lanthat tum ve em em ringawt te pawh mawle..
Report this comment
August 7th, 2012 at 6:54 pm
Arta…i ti dik Pu HVa ten mizo chungchangah seh ngamin tuang an din a…keinin sakhuanaah…chu chu a ni vel…
houdini zek zuk lah hi fu nghet chet chawt ta lo hian bak ang maiin a leu kual a….duhdah deuh deuhin a iak reng ringawt a….Isua ring lo laklawh hi chu thutak hlatak an vaipui theih loh…pawt mai mai hi nuam an ti a…chu chu an ropuina ber pawh a ni…
an lut duh lo em mai khak ila a tha ang.
Report this comment
August 7th, 2012 at 7:02 pm
Thlamah ṭhuin Namthlak inhawng huaiin. Thlirfim rawn thaw her her dawn doh doh pahin zupui, a dâwn hmang ngeiin han khiat kiah kiah ila. Chutih pah chuan in thusawi ang ho hi titi nan hmang ila, a rau a chan theih ngawt ang le!
hairehai 
Report this comment
August 7th, 2012 at 7:27 pm
Thlam namthlak a thu chung a, sipai dawngno ngei mai a thingpui senhang thlit, a fe chhem vir muai muai kha a nuam.
Report this comment
August 7th, 2012 at 7:34 pm
Ku shai, #45 ka mitthla veng veng mai. Ṭum khat chu Dingtea, sports council truck handyman te Tuirial kam thlam ah mut ṭhep laiin rim na zet a awm a, Dingtea a ṭhu chhuak, thlam kiangah chuan thlaeng hnuaiah Kelral alo uiṭhut vung mawle hairehai.
vakul hi i chhut peih hle mai, kan thlarau nghahna khawp tur chuan kan biak Pathian chu chhui chiam hi kan RIGHT niin ka hria. Chhui dawllo tak te hikan Pathian biak dan te alo ni palh ang tihte a hlauhawm bawk nen.
Report this comment
August 7th, 2012 at 8:08 pm
#46, nuam tak a ni ringawt. Ka lung a leng…
Report this comment
August 7th, 2012 at 8:14 pm
#47 ku shai, keipawh ka lung a leng
Report this comment
August 7th, 2012 at 8:18 pm
#48, awmhmun ka sawn hnai dawn. Big Boss ten an ti deuh tlat… Mase althak dan ngaihtuah thar ngai dawn ni hi…
Report this comment
August 7th, 2012 at 8:20 pm
#48 hahahaha
Report this comment