Khawnge, ti khat tawh bawk a, a kuh mum rei ta bawk a, par han chhuah chhap mai teh ang.
Ka veina hi a rei tawh a, he thu hi. Kei aia dai hriat leh tawnhriat ngah zawk leh miril zawkte lahin rawn chipchhuah in tum si lo; mi thenkhat umzui luai huam ranin mi thenkhat ngaihdan pal rawn thiat teh ang.
Ka thiannu duhtak mai, engkim min hrilh a, a dinhmun leh nuna harsatna a neih zawng zawng min hrilh a ka tanpui a, ka harsatnaa min pui thin tu hi nuthlawi a ni a. A dinhmun harsatzia te hi min hrilh ve fo thin a, a chang phei chuan nun beidawn rum rumna rilru te pawh a pu hial thin. Amaherawhchu, theihtawpin kan infuih ve a, tha tak chuan a paltlang ve thei mai thin a.
Ani hi Aizawla chhim lam veng hlun tak mai pakhata awma khawsa a ni a. Khawtlang en dan tur chu kan hrethiam mai anga; tunhnai deuh atang khan khawtlang hruaitu pakhat hian khawlai leh mipui zingah….aaaaa…a ni mai lo…an inchhung ngeiah pawh…midang awm pawh ngaihtuah lem lo hian(midang hriat tura a ti chu a ang zawk mah) “Khawnge kan nuthlawi chu” “Hei hi nuthlawi tharlam ania”…adt tia tawngkam chuangliam taka lo tawngkhum hi a ching riau mai a.
Kei, mi chimawm hi min rawn hrilh chuan ka sa ta phat mai a. “Ummm.. Ngawi tak rawh, a chhan dan tur ka hrilh ang che” ka ti ta a. Nimin zingah khawlaiah a lo tawng chaltlai khum leh ta pek a. Chutah le, ” Ka pu chu, I tawngkam chu a va YMA lo ve, khawtlang hruaitu tawngkam atan chuan a mawi lo mange; Kristian chu i ni ve tho si amaw??” a tih khum ta sak a. Chupa chu tlaiah an inah lengin, a U chauh lo awm hnenah chuan, a nau a fiam thu leh, a thinrim a rinthu nen, Nuthlawi chu fiam an dawl thinzia a la sawi ngam anih chu!!!!!
Kan khawtlang hruaitu hlun leh mi challang zingah pawh hetiang khawpa mawl an la awm anih chuan, Mizo mipuite hian nuthlawi dinhmun kan lo dahhniam viau hi a lo mak hranpa hauh lo mai.
Miin enge an tawn, enge an chungah thleng a, an nunah harsatna enge thleng tih pawh ngaihtuah lem lova a ‘thlawi’ zawng zawng kan en tleu ngawt hi kan sim a hun ta hle mai. Tin, he thilah chauh pawh ni lova, mi nuna inrawlh kan ching lutuk ta hi chu Mizo hmel min tibaltu a la ni zel dawn anih hmel hle, I sim teh ang u.
Thlawi tura piang hi an awm ka ring lova, Thlawi duh vang hrim hrima thlawi lui ta phei chu an awm ka ring lo lehzual; akhaihhh… mi zawng zawng fiam hlawh tura ‘thlawi’ nih tum ngar ngar phei chu mi pangai zingah hian hmuh tur an vang pharhin ka ring tlat. Chuvangin, kan chhungte, kan farnu, kan nu, kan ngaihzawngte chunga thleng tura kan duh loh tur ang hi chuan midang hmusit kan chin hi kan sim a hun ta hle mai.
Mi ramah “Single Mom” te an zaha, an tuam hlawm a, chuti chunga fa tha tak tak nei phei chu khawtlangin a ngaisang thin a ni a; keini ve chu, an “single” tan dek dek a, hmusit en takin kan han en a, tawngkam chaltlai leh dengkhawng tak tak kan la namliam khum hi chu sim a hun takzet e.
Aw ka thian, mi harsatna hmuthiamtu ni la, harsatna tawk mihring diriamtu ni lovin khaidingtu ni la; mi ropuite leh mi chunga leng khawpa midangte’n an chawimawi thinte hi midangte hnuaia inphah hmasa thin, mahni aia midangte dah pawimawh thinna avanga midangte’n chung ena an en takte an ni thin tih hrenawn fo ang che.
Ziah tur lah a tam si a, a thui lutuk zawngin a lo ninawm dah ange. Entirna dang pawh a tul anih chuan comments lamah kan la vawmbei dawn nia..
Similar Posts:
- Nuthlawi te dinhmun hi
- Nuthlawi nge Hmeithai?
- Nuthlawi Vs Hmeithai
- Thlawi Fakna…! (Ka Ṭhianpa Pual)
- Vanduai vannei!!
Isua thlalak chu ka...
August 10th, 2012 at 9:39 am
1st
Report this comment
August 10th, 2012 at 11:07 am
A va tha ve le,heti lam zawng hian ngaihdan ka lo la siam ngai lo va. Hetih rual hian tukin 10/8/12 vanglaini a chhiartute huangah khan nuthlawi pakhat thu hla niawm tak a rawn tel bawk a,heng thu te hi hriat reng atan a tha mange..
Report this comment
August 10th, 2012 at 11:12 am
Nuthlawi tih tawngkam hian derogatory meaning a nei tawh sa hrim hrima, tin nuthlawi tih nena kan hmehbel thil tam tak hi a negative lam zawngin a ni bawk. Khawtlang hruaitu mawl leh hawizim takin a fiam dan khi hun rei tak nuthlawi tih kan lo conceptualize tawh dan lanchhuahna (manifestation) pakhat a ni.
Kan khawtlanga nuthlawi tih thumal kan stigmatise tlatna chhanah hi chuan mipaten mawhphurhna tam zawk in nei. A chhan chu mipate hi nuthlawi iaitu, chhaih (nawmnah) tu, fiama bawlzantu, inhrikthlak mai mai nana ngaizawng duhtu, nupuia neia zahawm taka siam theitu, zah taka treata hmeichhe dang nena en hrang ngai lo theitu, faka fuih kal theitu etc in ni. Hmeichhia leh hmeichhia hi chu nuthlawi tiin kan inhmusit khat khawp, inhuatna sa engemaw kan nei te anih ngawt loh chuan.
Chuvangin mizo hmeichhiate dinhmun a tha bla bla kan tih apiang hian tunlai aizawl nula chhelo tak tak duh duh thing theite dinhmun chauh ni lovin veng changkang tak tak atanga thingtlang kilkhawr ber thlenga kan ‘nuthlawi’ leh ‘hmeithaite’ dinhmun hi kan chhut sak tel ve fo a tha.
PS: this is the reality of our so-called liberalised mizo society…what a shame
Report this comment
August 10th, 2012 at 11:16 am
Chemtea nge2.. Iva reh ve
Report this comment
August 10th, 2012 at 11:53 am
Vawiin Vanglaini-ah pawh heti ang lampang chu an rawn ziah kha. A ngaihnawm bakah a tha khawp mai
Report this comment
August 10th, 2012 at 11:54 am
Nuthlawi zahawm tak, kawppui pawh zawng hran tawh lo leh nuthlawi za deuh zar, pasal/ngaihzawng zawng chung te category khata dah a, kan en tleu tlat hi chu fair lo ka lo tih sak deuh thin. Midang te an nungchang zira en i zir ang u khai!
Report this comment
August 10th, 2012 at 12:04 pm
bmw..rawn lang hlawl mai..
nuthlawi…nula tlangval senior deu thin hnam kan ni. nuthlawi erawh chu thlawitirtu dinhmun kha a pawimawh. ler leh herh vang a awm thei…kan entleu deuh a nih pawn mi dangte ven nan a tha ve tho a.
nuthlawi dan vanduaina thil leh nupa tang then nen erawh bawm khata dah chi a ni lo.
nupa tang thenah pawh uire vanfa inthena nuthlawite category a hniam leh ang.
a pumpuiah mi dangte chunga kan tih hi zahawm se…a fuih zawk ngei ang.
Report this comment
August 10th, 2012 at 12:15 pm
@vakul: nia ka misual khat deuh tunlai chu. Mahse in thil ziah leh comments ka chhiar ziah tho a nia
Pu PK, Ignatia, Dr John leh nangmah hi ka lo tran thei ltuuk che u!! hahaha
Report this comment
August 10th, 2012 at 12:19 pm
Nuthlawite kan categorise dawn rau rau anih chuan age group ang zawnga tih a fuh ka ring. Thenkhatte chu kum 17/18 lekah pasal an neia, reiloteah an inthen leha nuthlawi an ni zui ta maia, hengte tan hi chuan kawppui leh tur zawnga zat deuh zar pawh a awm hliah hliah ka ti. (zan khat lek inru te pawh nuthlawi kan ti ani lawm ni khah? )
Nuthhlawi kum 40 chung lam, lerh leh nunphung pangai zawhlo, mipa tleirawl te te bum thluk phet tumte nen emaw phei chuan huang khata dah chi an niin ka hrelo. Mahse kum 40 chuang pawh ni raw sek sek, an mimal nun a ni a, kawppui an duh leh phawt chuan an ngaihven thiang khawp mai.
Tin, nuthlawi an nih vanga lerh leh awm herh deuh tura kan assume nghal ringawt pawh hi prejudice diktak a ni. Hetiang vang hi alawm hmeichhe tam tak ‘nuthlawi’ an lo nihin ‘self-esteem’ an hloh phaha, an awmdan, thiltih, tawngkam leh rilru put dan thlengin nuthlawi tihdan/tawngdan etc awm tawk lekah kan ngaihsaka, chu chu a ni kan stigmatise ka tih nachhan kha.
Zahawm taka nun pawh duh se an tan a harsa thin (post a kan hmuh ang khian) mipui lamin ngaihdan sa leh treat dan sa kan neih tlat thin avangin.
Report this comment
August 10th, 2012 at 12:36 pm
^ above————– wow
Report this comment
August 10th, 2012 at 12:45 pm
nuthlawi e thlawi lo e..
Report this comment
August 10th, 2012 at 12:54 pm
Tunlai chu nuthlawi thukhawchang a lar khawp mai; vawiin Vanglainiah chhûak bawk, tün thla Lengzemah chhuak bawk…
A ṭha a ni. An dinhmun hi kan lo hriatthiampui ngai lo va, an lo khawngaihthlâk takzet.
I rawn ti ṭha e, Chemtatrawta pawh
Report this comment
August 10th, 2012 at 12:57 pm
#9 Charice hahaha_mizo pawh a sawi ṭha lehpek khawp mai, dup dup mai a’na…
Report this comment
August 10th, 2012 at 1:18 pm
Charice hahaha_mizo comments chu dictionary han open zeuh zeuh lo chuan ka understanding thei mang lo, zolish em ni
Nuthlawi te i look-down lo ang u
Report this comment
August 10th, 2012 at 1:19 pm
Chemtea, i post tha e
Kan ramah hian ‘nuthlawi’ han tih mai hian kan ngaihdan hi a hniam nghal ringawt mai hi a tha lo takzet. Engvanga nuthlawi dinhmuna ding nge a nih thlir tel a pawimawh. Pasal te an boral or mipa fel vak lo vang te, hmeichhe lam thiam lohna awm miah lo ah pawh nuthlawi a nih theih si a.
Report this comment
August 10th, 2012 at 1:34 pm
Tunlaiah a thlawi apiang hi an zei tawh zawk an tia lawm
Report this comment
August 10th, 2012 at 1:36 pm
Sheldon, hei tak hi ania rawn sawi ka tum ber chu. Mi dinhmun leh harsatna an tawn ngaihtuahsak miah lova mi dinhmun tleu ‘advantage’ a lo lak a, chhaih nawmnah leh hmusit diriamna tawngkam chelek nana kan lo hmang thla zen hi a fuh lo riau ka ti. Mi thenkhat ‘thlawi’ phei hi chu la induh ngawih ngawih, an pahnih inkara harsatna engmah awm lo, chhungte avang pawha ‘thlawi’ te pawh a awm theih ang. Case hran hran a awm thei a, lo en tleu vek hi a Kristian zia lo em a, ka rawn ziak lang hram a ni
Report this comment
August 10th, 2012 at 2:02 pm
vawiin kan sawi dawn chuan hmanlai a tel lo thei lo va..vantlangin an endawng chhan chu nuthlawi hi sawn pawm sawina a nih vang a nia. pasal nei thih san ang hi chu nuthlawi an ti zen lo…inneih zawha indang an nih mai avangin…hmeithai an ni fo. hmeithai chu an endawng hran lo…an khaichhuak fo thin.
nuthlawi hi chu tute emawa va inphalrai a sawn pawm sawina a ni a…thisen pal tawh an ni ber…tunlaia inru zawka let leh ang chi hi a tam lo khawp mai..nuthlawi huangah kan dah lo thei si lo va….
nuthlawi hi virtue tur a ni lo…khawngaih a tha a…phurawm khawpa chhan tur pawh a ni lo ve.
Report this comment
August 10th, 2012 at 2:06 pm
#14 drake
, kei also.
Report this comment
August 10th, 2012 at 2:20 pm
Pu vakul, hman leh tun chu dang tak ania aw.. He Social stigma hi chu TUN case a chhui a fuh ber maithei. Hmanlaia an tih ngai loh tunlaia tih a tam rualin, hmanlaia an tih fo tunhnua an tih tak lem loh a awm thei ang.
Entirna pakhat lek: tunlaia innei tam zawk hi chu indan tum ngha
Report this comment
August 10th, 2012 at 2:21 pm
Pu vakul, hman leh tun chu dang tak ania aw.. He Social stigma hi chu TUN case a chhui a fuh ber maithei. Hmanlaia an tih ngai loh tunlaia tih a tam rualin, hmanlaia an tih fo tunhnua an tih tak lem loh a awm thei ang.
Entirna pakhat lek: tunlaia innei tam zawk hi chu indan tum nghal hi an khat khawpin ka hria; chhungkaw thenkhata phei chuan indan deuh nghal hi an duh lo tlangpui a, hmanlai kha chuan a ni lo a.
I last para erawh khi chu
Report this comment
August 10th, 2012 at 2:46 pm
hlauh pakhat ka nei a…nuthlawi dinhmun hi a pawngapuia kan hriatthiam hluai chuan nuthlawi khawngaihthlak tak tak karah khawngaihthlak aia chimawm leh zahpuiawm an pung ve thei. khawngaih loh tur an ni lo va…a mihringah chuan..
mizo ziaa kan aware tur leh kan value tur hi positive se…drug addict kan khawngaih siak lai khan anmahni zawk khan…relapse is a way to recovery…an ti ham ham khava ngeiawm duh. sual nei lo chuan min deng rawh se…tih hi anmahni sawi tur a ni lo va…sual nei lo chuan deng rawh u…ti zawnga mipui infuihna tur a ni.
a awmzia chu an hre lutuk ang a…kan inchhuah thlawi viau thei.
Report this comment
August 10th, 2012 at 2:51 pm
Kan duat alawm,’NUTHLAWI’ tih hming,mi rilru a hmuh hniam na kha tih bo tum in,’NULA 2′ tih hming te pawh kan chher chhuah zel hi.
Nula 2 frank tak, mipa la zah thiam em em mai si te hi kawm an nuam.
Report this comment
August 10th, 2012 at 3:54 pm
#22, a dik khawp mai, chutiangin sawn pai chungchangte leh Aids awareness chungchangah te pawh hian mipuiten ‘awareness dik’ kan mamawh ka ti, awareness tih hian a pawng ataka sawimawi leh anmahni humhalh tuk ringawt lam a kawk lo, chu chuan ‘sualna*’ a ti pawngpawrh zawk.
Thil thalo leh mawilo chu dem tho ila, alo chesual palhte hmusit zui lo tur leh entleu lo turte, society a an nunkhawchhuah nana ‘equal chance’ pek ang zawngte hian sawi thin ila a tha khawp ang.
Report this comment
August 10th, 2012 at 4:04 pm
Charice, ka sawi buarchuar viau va, ka sawi awmzia i mana tha ka ti hle mai.
Report this comment
August 10th, 2012 at 4:15 pm
Nu thlawi an nih a vangngawta, va ngaihnep ri ngawt chu a dik ka tilo. A ma e rawhchu, an thlawi chhana zir te pawh a ni angchu. Pasal neireng chungsia, mi dang kawplawr a vanga, a pasalina a maktak te chu, an hmeichhepui tengei pawhin, an en danchu, a dang thei khawpmai. Nuthlawi thenkhat te pheichu, an duailo khawpmai. Mipa duhzawng chihnih an neihbik a vanga, NULA tam takina an tlukloh hi sawitura pui atam khawpmai. Mipa duhzawng chihnih an neih miau a vangin, MCS val, kan mizo flim ster’s te (act)a.a. atamang, henghote meuhpawh, zawlthlu zo khawpa zei leh thil ti thel anni lawi si a. Nuthlawi pakhat pheichu, IN ropui neithei khawpin, a zeiviau a ni awme, a fa te hovin, a nu , lengleng tawhsuh , i rawnrui ho ziah, lehnghalh an han ti ve dekdek a le , minkhap tum rengreng suh u, he kan IN hi muchung ngata, kasak a nihhi a ti a ni awme.
Report this comment
August 10th, 2012 at 4:38 pm
Nuthlawi leh nula kar hi a hla ve ngawt mai…. Nula leng rei kan ngaihdan pawh hi maw le..:-$ .
sawi dawn chuan sawi tur a tam…in sawihona hi a tha ka ti e…:-D
Report this comment
August 10th, 2012 at 4:48 pm
Mi nun hrechiang hlei lova tawng pawp pawp ching te hi ka huat zawng tak an ni hrim hrim…thlawi fel tak tak, mi zah kai leh kohhranah meuh pawh an thlawi tih hriat loh khawpa in hmang an tam alawm!!
Bakah, a thlawia te hriata NUTHLAWI tih hman hman hi mi changkanglo thring uih let tawp te tih tawk lek ani…
Report this comment
August 10th, 2012 at 5:14 pm
Tin, nuthlawi thenkhat aia rai zing zawkte pawh nula lamah an kat nuk ang, an pai tlang lo mai chauh zawk a ni. Kan tehkhin dawn anih chuan Nuthlawi leh Pathlawi hi tehkhin ila a fuh mai ber awm e aa.
Report this comment
August 10th, 2012 at 6:30 pm
#28 i comment thu nen i inhmeh lo…nge…
i tangulh.
Report this comment
August 10th, 2012 at 7:49 pm
#6 na khi ka thlawp e.
Mimal a en thiam a pawimawhin ka hria 
I respect all, those who deserve!
Report this comment
August 10th, 2012 at 8:46 pm
Nuthlawi chang a ni lo, nula leh tlangval senior thleng thleng a fiamthu thawh na atan a kan hmang vak vak thin hi chu in enfiah kan ngai khawp mai. Nuthlawi te hi an ler huam huam vek lo a, mimal dinhmun a ni zawk. Ler vang a nuthlawi an awm rual-in vanduai vang a nuthlawi tam tak an awm bawk. Generalise vak vak kher a tul lo… Tupawh ni se, mi dinhmun leh an nihna te, an eizawnna te, fiamthu thawh na atan a hman hi a tha ka ti lo. Ka ngaihdan ve mai mai.
Report this comment
August 10th, 2012 at 9:10 pm
#9
#15…
Report this comment
August 10th, 2012 at 9:43 pm
Mizoramah hian nula aia thianghlim nuthlawi an tam fu lawng maw aw???
Report this comment
August 10th, 2012 at 9:58 pm
#34,
Dik hmel fooo ni
Report this comment
August 10th, 2012 at 10:15 pm
Sheldon-i rawn sawina engah.. “Nuthlawi ai hian ‘FA’ pai kher loh vanga thlawi ta lo Nula an tam zawk angem???”
Report this comment
August 10th, 2012 at 10:48 pm
Tunlaiah chuan nula tam tak aia nuthlawi thianghlim zawk an tam tawh mai. Eng emaw changa fiamthua han intih zeuh chu thuhran ni se; chuti ni lo a, anmahni ngainep leh deuh ang zawnga fiam chu a tih chi miah loh thung. Kan hriat phak loh vanduaina eng emaw an tawh avanga nuthlawi ta pawh an ni thei a,an rilru kan hliam palh thei a ni.
Nuthlawi zuna ka uai lai takin i rawn post bawk a,chhiar nuam ka ti khawp mai.Pawn lama lanu, chhung lam nuthlawi si chhai ai chuan e…thlawi law law chhai hi a fair ber mai..
Report this comment
August 10th, 2012 at 10:53 pm
Post ṭha khawp mai.
Report this comment
August 10th, 2012 at 11:25 pm
Nguntang, fa ti tla ve duh loh avanga thlawi tam takte hi fa ti tla duah tawh avanga nula len ot ot ho ai chuan kei ka la ngaisang tho tho..
Report this comment
August 11th, 2012 at 9:15 am
Tihian duhthuleng ka han sam vel thin a,ka thai atan nula thami,virgine ngeimai nise.sappui powder ngailo pianzei hmeltha nise,.ka tihlai in Nuthlawi zawk maw lo ni..Nuthlawi mahnila ka iailo che..
Report this comment
August 11th, 2012 at 2:19 pm
In post hi a tha khawp mai a. Mahse, nuthlawi tih hluhlangna thil a ni mai ang tih ka hlau deuh. Mi thenkhat hi chu an duh reng vang nilo, loh theih lova nuthlawi ta an ni a. Mi thenkhat erawh hi chu nuthlawi an chak vanga nuthlawi nita an awm bawk. Engpawh nise, kan Mizo nunphungah hian nuthlawi hi chu kan ngaisang teh vak lo chu anih hmel hi aaaaa.
Report this comment
August 11th, 2012 at 2:46 pm
ruatruatapa, ngaisang vak lo hlawm mah ila, va deuhsawh leh hmusit erawh tunlai kan nun nen chuan a inmil vak chuang meuh emawni le??
Report this comment
August 11th, 2012 at 3:38 pm
Mizo mipa te thinlungah nuthlawi ngaihnepna leh hmuh hniamna hi a sang hlein ka hrre thin. Chutihlaiin hmeichhe tam tak zingah an pasalte vanduaina denchhena zalen ta huaia inngai erawh an awm tho bawk. Nuthlawi chu, nula kan fiam ngam lohna tawngkam hmanga fiam theih, an lak atanga enge maw beisei theih tura ngaih tlatna te, kohhrana an inhman viau loh phei chuan zu inpui theih, fawrpui theih mai tura ngai tlat pawl an awm fo thin.
Vawikhat chu, nu pakhat, a pasalin a thihsan, a fate enkawl mek chu, a ruala bazara kal ve turin a sawm a, fiamthuin “Nuthlawi bazarah ka’n kalpui ang e” a ti ngawt mai a, chu nu chuan “Lal*****, nuthlawi ka ni reng reng lo ve, hmeithai ka nih hi. Ka hmeithai nihna hi ka pasal laka ka rinawmna anih hi. Chutin vawikhat mah min fiam tawh suh. I motor ah pawh ka chuang lovang,” a ti hmak mai chuh, chupa chuan a fiam nawn tawh lo chiang. Chu mai pawh a ni lo, chumi hnu atang chuan chu nu ka hmuh dan chu a sang tawh asin aw.
Nuthlawi kan tih nazawng hi nuthlawi tia koh ngam tur chi ni miah lo an awm a nia.
Report this comment
August 11th, 2012 at 5:19 pm
i han ti deuh hluai mai pawh a…
An dinhmun tleu avanga hmusit leh diriam taka tawng khum duh hi an awm meuh ang maw.. Midang ai chuan Fiam chu an hlawh deuh. Hmusit, diriam… Han tih chiam tur chu ni chiahin ka hre lo. Tunlai chhanah mi ang lo leh piangsual te pawh chhaih nawmnah leh hmusit taka ti duh pawh an awm tawh loh laia nuthlawi lo hmusit a lo diriam vak vak hi an awm ka lo ring mang hlei nem. Fiam satliah ni lo, I sawi anga an dinhmun tleu remchanga hmanga lo hmusit leh lo diriam em em an lo awm a nih chuan lo beng hrep rawh..haha..
Report this comment