Khatia ka nute hnena, “Lehkha a zir duh chuan kan hnenah lo awm rawh se” a tih takah chuan Zawlkhawpui lam panin ka inak chhuak ve ta hnak hnak kha a ni a. Ka tan chuan khawpui nun chu a danglamin Ka pite in pawh chu ropui ka ti hle mai. Khawsak phung a danglamin kan tawng thluk thlengin a inang lo nual a, zah ruk chem chem chan pawh ka ngah khawp mai.
Ka pi chu mi tawng duh tak, a rilrua awm apiang sawi chhuak phawng mai thin hi a ni a. A hmel lam aiin a rih zawng sawi ila kan mithla thiam zawk ka ring. 80-85kg in kar vel awm tur hi a ni a, nu lian, thau, dul kiar a ni. Ka pu erawh pate lam, tawng tlem leh dam diai mai te hi a ni reuh va.
Ka pu hi sawrkar hna sang tak thawk a ni a. Zing karahte hian amah hmu duh an rawn kal fova, Ka pi chuan kei tak emaw inti hian a lo chhang ve zung zung a, ‘Chungte chu a theih lovang, sawrkar an inthlak tawh a..’ te hi a han ti thla ve ngawt zel a. Zing thawh fuh leh fuh loh tum a nei a, a thawh fuh loh tuma, kan awmpui ‘Burma nula’ a han hau zet kha zawng khawpui a ri dur dur a ni ber e.
Mawipui chuang hauh si lo hian thawmhnaw hi a duh ve em em a. Man to pui pui rawn lek chhuakin, “Hei hi ka thiannu Hong Kong kalin a rawn hawn a nia, Insatallment-in ka la ringawt, nalh ka ti lutuk a” a han ti a. A ha chhin a, inhmeh lo mahse, a inhmehthu fak der a han ngai a. Fiamthute a han thawh ve a, a nuihzatthlak si loh nuih luih ngai tlat site kha, tunhnu ka ngaihtuah let leh hian ka nuih hi a za zawk. Peih lo chung paw’n Korean film enpui a ngai a, chutah en mai duh tawk lovin a tukah ‘review’ neih pui a ngai leh thinte kha a va’n hahthlak thin tak em!
Thenawmte’n an fate Bangalore-ah an dah, an fate pahnih Delhi-ah a han dah ve nghal zat a. In lengte awm laiin a ring thei ang berin “Puja chawlh in rawn hmang dawn em?, Delhi chu a lum em?” tiin a fate a han be ngei a. Pawisa singtel thawn a ngaih thu leh an zirna atan chuan eng zat pawh a inhuam thu-in a han tlip zat a.
A thiannute’n Car thar an lei a, chu chu hre ranin Car thar lei a duh ve leh tlat a. Ka pu chuan, phaia an fate awm nen, a hlawh atang ringawt chuan a harsat thu a sawi a, Ka pi Sumkungi erawhin ‘office lam atanga thai bo dan tur a awm mai lawm ni?’ tiin thiam takin Ka pu a han kar a, ka pu chuan a ‘aw’ leh nge nge thin.
Mak deuh mai chu sawma pakhat pek leh buhfai tham a ngaipawimawh ve leh tlat hi a ni. Kohhran hmeichhe feh chhuahna leh remchangah Pathian thu, Sawma pakhat pek chungchang hi a dawn thar a ni ziah bawk. Kohhrana sum an chhun hnemziate chu a ti ti tui ber a ni a, mahse a thinlung erawh sawma pakhat hi Pathian hnenah a pe ngut ang em aw? ka ti thin. Chutihlaiin, Kohhrana hlimna a awmin ‘Haleluia Amen’ ring ring a ni a, Chawlhni tuka hnuk ulh teuhva a tawngtai thei leh maite kha a fakawm letling hian ka hre thin! Mahse, a sim theih loh thenawmte rel leh an fate sualna sawi chu nuam a tiin, ka bulah leh kan awmpui burma nula bul thleng mai hian thenawmte zu rel peih a!
Ruahmanna hi a ngah thei thin khawp mai a. In chung zawlah vawk vulh ang a ti a, kan han vulh ta cheng a. A chaw a hautak, a hlawk lo a ti a. Chutah Broiler vulh ang a ti a,a hnuah layer-in kan thlak leh a, a engamah chu tih puitlin tak tak awmchuang si lo. Chutah, a thiante’n Anthurium a hlawk thu leh Australia, UAE, etc. thlenga an thawnchhuah thu alo hre ve leh a. Anthurium-ah bul kan tan tha ve leh a. Karei! Australia-a thawnchhuah chu sawi loh kan kawta Anthur ka phun ai pawhin Anthurium kha kan chhawr tangkai lo zawk.
Krismas a lo hnai a, thingtlang atangin ka pu chhungte ‘Bazar’ turin an rawn zin ve a. Ka pi chuan a fate thawmhnaw hak hlui a khawm a, satha ipah a khung khawm a, inti fel fa hran hian a hawn tir teuhva. Ama chhungte erawh Tv, Frigde,etc. thlengin a lei sak a, kan hriat bakah pawh engtin tak tanpui thin ang maw..? Ka pute chhung erawh chuan thawmhnaw hlui bak an chang si lo.
Ni e, Ka pi Sumkungi zet zawng, kha leh chen kan chen ho chhung khan a zia tur awm ang reng reng hi ka hre thei lo. In chhungah a ang bawrh bawrh emaw tihlaiin thenawmte inah a lo va nui thler leh ang duai duaia. Vawiina a ruahmanna hi naktukah a duh lo leh a , Nu danglam tak zawng a ni ngei e, amah ang hi kan khawpui nute zingah hian awm ve tak ang maw?
October 1st, 2012 at 8:04 pm
Comment ka hawng e.
Report this comment
October 1st, 2012 at 8:14 pm
Hmeichhe tam tak mizia i rawn phawk chhuak ni berin a lang.
I ziak thiam e.
Report this comment
October 1st, 2012 at 8:46 pm
Haha…i va ziak thiam tak. Anih hmel thlup mai. Hetiang mize pu hi mizo hmeichhia ah tlem a zawng an awm ngei ang le!
Report this comment
October 1st, 2012 at 9:02 pm
Hetiang vanga corrupt ta pawh hi an tam ang a
Report this comment
October 1st, 2012 at 9:34 pm
I ziak thiam lutuk a tak tak emaw ka´n tih chu le…
Report this comment
October 1st, 2012 at 10:04 pm
sheldy..an tam fu lo maw …hehe. khitiang lampang khi.
i post a flow a go…tha hle mai.
Report this comment
October 1st, 2012 at 10:54 pm
Kan Sheldoni te hi chu, Pi Sumkungi ah a chang ve em lovang chu maw.
Pi Sumkungi te ho hi lawm, Eden huan a tang tawh a, an pa sal te
ei ruk tun tun lo zirtir tu chu. Pi Sumkungi ang hi kei paw’n
ka hre ve nual mai. Nak tuk ah, Pu Duhsaka mo neih
lawm na ah, a thei thei chu kal theuh i tum ang u hmiang.
Mit leh beng a tlai viau dawn ni’a. Ka pawh a tlai ang.
Kal lo lo chu, len lai chan in ni mai.
Report this comment
October 1st, 2012 at 11:11 pm
khitiang ang deuh khi pi ka nei
Report this comment
October 1st, 2012 at 11:17 pm
@vakul & sihtea, kan milian nu ho zingah hetiang ze nei hi chu an awm fur tak ang. Misual hmeichhe ho hi chu min ngaihtuah su, a chhiar a chhiar mai hi kan duh tawk khawp hlawm ang.
Report this comment
October 2nd, 2012 at 12:39 am
Evergreen a rawn chawr no leh ta hlep hlep mai.. A ngaihnawm e.
Report this comment
October 2nd, 2012 at 7:40 am
Thuziak awmze nei, ngaihnawm leh hlimpui awm bawk si, zirtir nei tha tak a ni e. Kan nu hi ka zirtir hneh khawp a, “Pathian mihriat dik tak tan, Corruption leh hlemhletna dang reng reng hian, hlawkna pakhatmah an nei lo, a hu tawk emaw, thlang dawn ila, kan thlan zawk miah loh tur emaw Patìanin min laksak ngei ngei tho ang, hrisel loh, accident, hna lama tluan loh, fate nungchang hloh,etc. te ani thei” ka ti thin a, a beng rawngah a khung fuh leh lutuk hi a ninawm zawk lek lek thin.
Report this comment
October 2nd, 2012 at 10:17 am
Ka lawm e, min fakna tawngkam ngaihthlak a nuam hle mai, ka chhiar nawn awn awn mai. Ka han chhiar nawn leh te’ng.
@PKfanai, in nu chu a fakawm hle mai, tin, ka pu khian a tluk lo hle mai che aaa….
Ka pi Sumkungi hming ang pu kan zingah emaw kan chhungte zingah an awm em? ka hre lo. Tumah, mimal ka deuhsawhna a ni lo tih in hriat loh ka duh love.
Report this comment
October 2nd, 2012 at 12:27 pm
I nupui kha, Pi Sumkungi ah a chan ve hun ah chuan,
tun ai in i hre chiang leh zual ang. Chu tik hun ah chuan,
tun ai a ngaih nawmin, i la rawn post leh ang chu.
Report this comment
October 2nd, 2012 at 12:32 pm
@Sihtea, nia tiraw, nupui tur kan hmu ve te a nih ngai chuan…
Mahse, Pu PKfanai ang khian kan zirtir ve hram ang chu. 
Report this comment
October 2nd, 2012 at 12:48 pm
I pi chu ka mitthlain ka hmu thei!
Report this comment
October 2nd, 2012 at 1:05 pm
Drirer te thu fing.
I pu tih lawm i duh chuan, i pi thu awih rawh;
a dik in ve fu, lo maw? Post tu pa pawh hi,
a pi thu a awih thin a vanga, mi hlawh tling a nih
ka ring tlat mai a. Office ba bu ho moot fuh loh fo
na chhan pawh, Pi Sumkungi te vang bawk.
Report this comment
October 2nd, 2012 at 1:11 pm
evergreen chu leh, i pi ka lo hrilh dawn e.
Tunlai thil awmzia i rawn phawrh thiam ngei e.
Report this comment
October 2nd, 2012 at 1:17 pm
Hmangaih CFL, ka pi khi a la dam
@sihtea, “Office ba bu ho moot fuh loh fo na chhan pawh, Pi Sumkungi te vang bawk”. a dik thui khawp ang. Hetiang hi hmanah ka post tawh.
https://misual.life/2010/04/.....wn-ve-teh/
Report this comment
October 2nd, 2012 at 2:58 pm
Pi Sumkungi ni thei mai awm han ngaihruat nu pahnih-khat ka nei hman a. Mahse Korean film lar hma lam ‘thil’ kha an ni tlat. Ani ang hi hman deuh atang tawh khan an awm nual reng a ni ta ber awm e.
Report this comment
October 2nd, 2012 at 4:03 pm
11 a ka comment khi lak vung lutuk tur ani lo a nia. Ka nuin min inspire fuh lutuk, ka nupui ka inspire ve leh chhawng a nia. Ka fa te pawh inspire vek chu ka duh. Amaherawhchu, mi hrisello leh bawrhsawm chhung tak te, vanduai chhungkua leh, environment-in a zir loh avanga fate drugs addict buaipuiawm tak nei te kha, hmuh khawloh mai a awm thei dawn a, mi zawng zawngah apply chi chu ani kher lo vang. Sual avanga anchhedawng khawvelah kan la chen rih hi.
Report this comment
October 2nd, 2012 at 9:12 pm
Report this comment