Thufing chuan , “Mi hlawhtlingte phenah Hmeichhe fel an awm thin” a ti a. Hnial rual lohvin a dik zia kan pawm theuh awm e. History kan thlir chuan hmeichhiate vangin khawvelah buaina a chhuaka ,hmeichhiate vang vekin remna a thleng bawk thin. Mizo History -ah pawh chhak leh thlang indo chhan chu ‘nula inchuh’ vang. Helen of Troy vangin Grik ho leh Trojan ho an indo mup mup a nih kha. Kumpinu Lalfapa ‘ Prince Edward’ khan nitla seng lova roreltu nih ai chuan nuthawi tangnem bela tlai nilen a thlang zawk a sin! Bible- ah Lalnu fing Estheri vang in Juda- te thah-chimih vekna tur thupek sut leh a ni tih kan hmu.
Kan pi leh pute nunah khan tlangvalte’n mi huaisen , pasaltha leh tlawmngai nih an tum thin. An nula ten chutiang mi chu, hnamchawm tlangval pawh ni se an nga sanga, an faka, an star rawn luih luih thin ti ila kan sawi sual awm lo ve. Tu tlangvalin nge chutiang mi nih chu duh lovang ?!. A ni, mipate hian nulate’n min fak se , fel min ti se, min ngaisang em em mai se tih kan duh vek tih hi zep tum eng ang mah ila zep rual a ni lo. I bialpa kha , “Tlangval Tlawmngai ‘” I ngaihsan thu han hrilh zauh teh, in vengah mitthi awm se a ti zek zek mai ang.
A tlaivar anga, bawngtuthlawh leh suahdur lian tha tha puin thlan lai turin a a liam thla nghal vawn vawn mai ang. Nula te u, tlangval taima, mahni kut kea ding thei in duh chuan mahnia intodelh tumin kan phe suau suau mai ang. Thianpa thu sawi ka hre reng thin. “Duh ber ten, ‘ka tan darkar khat tal han zir leh hram la’ an tih hnap tawh chinah hi chuan chauh tawh lamah pawh ni se lehkhabu keuvin kan zir nui vun vun thin a sin” a ti a. A dik. Lehkhathiam in ngaihsan hian thiam kan chaka, zaithiam in ngaihsan hian zaithiam kan chak thin a.
Khawlai gas bur pu in hmusit loh hian mipate’n put kan zak lo a sin!. Zu in lo, damdawi ti lo, meizial zu lo, kuhva pawh ei lo in ngaihsan hian lo ti thin tawh pawh nise mipa hian mittui nen chungte chu thalhliam tak a nap thin a sin.”Pub” a kal in duh tlat loh chuan tu nge a pa hlangin zankhaw tairek thleng thleng lam peih ang le?!
An sawi thin India rama officer tam tak eirukna chhan pakhat chu an nupuite vang an ti. Mizoramah pawh a dikna chin a awm ngei ang. Nu tam tak chuan an pasalte hlawh phu lovin thawmhnaw man to, thi leh tlereuh an inbel a. Chutiang bawkin an fa te pawh Hollywood fashion nen an thuam thin . Chhungkaw mamawh baka in lak milen nan thil tul lovah sum tam tak an khawh ral thin.
Chu chuan chhungkaw economy a ti chhia a, pa ber hlawhin a tlin tak si lovah chuan eirukah tuanin, chu chuan kan ram economy a van ti chhe nasa tak em! . “ Mate-a pa , eiru lovin kan chan tawkah hian lungawi mai ila, kan mamawh chu Pathianin a tawk tein min pe ve mai ang” ti thei chhungkaw nu hi he ram hian a mawmawh a ni.
Hmeichhiate hian ram rorelna fawng in va chelh thui tak em! Kan CM nupui Pi Rii zing tho fuh lo hi a tuar tu chu mipui te kan ni daih thei . A bula awm hnai ber a pasal bulah a tuan ngei ang a. Pu Hawla a lo tum ve bur bawk anga, chhuna a office dawrtu tan chuan lungtum biak ang hlauh a ni thei.
Chumai a la nihleinem, ram hmasawnna atana Assembly House- in a pass tawh mai tur pawh a ti thuanawp vek thei a sin! Hydel project te, Stadium tha te ,kan neih theih lohna chhan hi Pi Roneihsangpui te , Pi Rii te bai thak luat vang leh zing thawh fuh loh vang a ni daih thei a sin! Ni e, chhungkaw nu a dik hian chhungkua a dika, Pa a lawma, Ram a kal dik thin. Chutiang zelin,nulate’n tlagval in ngaihsan zawng a dik hian mipate kan dika, that kan chhuaha,chu chuan khawtlang ah rah tha a chhuaha, kohhhran a hlima, ram a kal dik thin a ni tih hi …AW NULA, LO DAWN VE TEH!.
April 15th, 2010 at 12:10 am
1st,ziak tha hle mai,nula ho khan dawn chiang ula commet zung zung teh un
Report this comment
April 15th, 2010 at 12:24 am
ka ngaihdan chiah ani. primary school kal lai atangin kan tar thleng hmeichhe mit la, lawm zawng, ngaihsan zawng leh an duh tithei a awm kan chak thin. Pathianin adama anchhia a lawh khan hei hi alo lawh tel pawh ani maithei asin. Mahse kan hmeicia te hian zu inthei mai te, tlema dan pel deuh a che zeuh2 ngam te hi an ngaisang leh tlat thin si. Lehkhabu pakhat ka chhiar ah chuan ‘hmeichhia te hian zu in thei mai te, meizial zu mi leh sual kawng zawh awlsam tak tlangvalte hi ngaihzawngah an duh a, pasal atan chuan a opposite an duh hlauh an ti.’ mipate tan hi chuan awm ngaihna ava vang thin em
I ziak tha e
Report this comment
April 15th, 2010 at 12:25 am
3rd, Tha thei dup dup khop mai… Nula ho chuan chang sang an in ti ang chu aw…hihihi.
Report this comment
April 15th, 2010 at 12:28 am
A va han tha kher em ve…..belh ka tum ve zong2 poh a kim biai alom le khi….chhiar a nuam hah2 hle mai…..
Report this comment
April 15th, 2010 at 12:29 am
A dik lutuk!
Report this comment
April 15th, 2010 at 12:34 am
“Kan CM nupui Pi Rii zing tho fuh lo hi a tuar tu chu mipui te kan ni daih thei . A bula awm hnai ber a pasal bulah a tuan ngei ang a. Pu Hawla a lo tum ve bur bawk anga, chhuna a office dawrtu tan chuan lungtum biak ang hlauh a ni thei.” hei hi ka DUH lutuk. :lol:
Nula/hmeichhia ni map lo hian ka dawn ka dawn a, a dik ka ti hle mai! Nula/hmeichhia chu ni ila ka intithei sawt ang.
Report this comment
April 15th, 2010 at 12:39 am
I post chu UNIVARSAL TRUTH a ni bon top. Sawi tur ka ngah mai, mahse.. Inkhel an tan ta tlat mai!!!!
Report this comment
April 15th, 2010 at 12:52 am
Amen Amen Aaaaamen.!
@Rosanga_D..i ti tha em em bawk..mipa te hi kan lai duh khawp mai..
Report this comment
April 15th, 2010 at 1:26 am
@Evergreen says Bible-ah Lalnu fing Estheri vang in Juda-te thah-chimih vekna tur thupek sut …
Persia lal thupek tawhsa kha SUT theih a ni ngai lo. Estheri pawh khan a suttir thei lo. Remchang dang a thara Judaten an lo in-defend mial dan tur dap theihna a inhawng ta zawk a nih kha.
Adar thla ni 13-na leh 14-naa thil thleng zui ta azarah PURIM KUT an tih chu vawiin thlengin kha thil thleng hriat rengna atan hman zui a ni ta thung. Khatih hun lai khan Juda-te kha THAH CHIMIH ni ta se, Isua Krista khawvela a rawn pian theihna tur kawng a kaw lo. Khawvel hian kan chan rapthlak teuh viau lawi asin!
A ril hle asin, a dang khi chu ka rawn tui hnih chiam lo mai ang e. Estheri SAWIPUINA dungthulin tun dinhmunah hian RINGTUTE hi Isua Kristan a Pa Yahweh hmaah min SAWIPUI ve leh mek bawk a ni.
Report this comment
April 15th, 2010 at 1:40 am
A van han tha tehreng em!
Report this comment
April 15th, 2010 at 1:45 am
@@Chawnghilh sawi SUT tih lai khi nia sut thei ani tawh loh avangin lo do let theina an siam mai zawk anih kha.
Tlahtu bul Adam ah pawh khan anupui Evi duh zawng or ei ang kha a ei ve mai zawk anih kha.
Kan ram milian ho te pawh khan nupui ten pa huan Sihphir dai ah siam ve ilang an tih chuan kel pal nen an thiar chho vut vut mai anih kha maw.
Officer ho lah nise an nupui ten ZEN an tihleh ZEN ani mai a Santro an tih leh chuti bawk khawi lai development tur emaw kha zen ah te santro ah te an chan tir mai zel anih hi maw.
Report this comment
April 15th, 2010 at 2:27 am
Keichu nula kanive silova kalo dawn velo mai ange.,hehe tak tak in i ziaktha thuai thuai khawp mai…Nia ,adik khawp asin,hmeichhia te hian thil anlo tithei em ani(a tamzawk hian an inhrelo mai mai a)..
Report this comment
April 15th, 2010 at 7:43 am
A tha khawp mai.
Mahse, hmeichhe ho hi hetianga dinhmun pawimawh taka ding an ni tih hriattir danah hian a chintawk thiam a ngai ve tho mai. Hmeichhe ho hi thilsiam mak tak an lo ni. Kan dah pawimawh leh lutuk chuan an over palh ve thei tlat. Hmeichhia an ni miau a.
Report this comment
April 15th, 2010 at 7:52 am
A ngaihnawm in ka rilru mitthla thiam zawng tak mai a ni e.
Nula te khan hetiang thu tha hi fuihna ah ngai thei ula, chona tha takah pawm rawh u khai, ava han tha piap piap vele.
Report this comment
April 15th, 2010 at 9:29 am
Post tha ngei mai. Hei hi ka vei ve lutuk a, ziah pawh ka tum ve thin a ka puitlin theih ngang loh ani a.@2 RosangaD, i sawi dik ka ti. Kan nula ho hian zu in mi, mei zu, thawhchhuah ni miah lova bike neithei etc an ngaisanga a tawpah mizo tlangval neihtlak an vang an ti leh si thin anih hi.
Report this comment
April 15th, 2010 at 10:41 am
Va ziak ṭha em! Nia, hmeichhia fing hi an hlu a, an hlutna mipa-ah a lan chhuah tir thiam tlat zel. Hmeichhe mawl nih duh hauh silo, fing chuang silo an va tam em!
@muantea te channa “Cabin” te pawh ka hre chhuak a lawm!
Report this comment
April 15th, 2010 at 11:21 am
Hmeichhia ho hi an fel viau a niang, misual ah hian an tlem tlat. Bike chuan nuam an ti hlawm bok si. Hetiang thu thra hi a chhiar poh chhiar peih lo hi an tam ve em a ni!
Report this comment
April 15th, 2010 at 11:29 am
Ziak tha hle mai; fakna tawngkam hi a lawmawm a, tlangval tan ngat phei chuan nulain min fak tluka lawmawm a awm lo ang. Hmeichhia hi an pawimawh vet vet em a ni.
Tlangval tam tak mum tha nelh nawlh, nula ten han fak deuh se Sai bung pawh a pu zo ang tih mai turte hi engmah ti loa awm mai mai kan tam hle awm si a.
Report this comment
April 15th, 2010 at 11:36 am
Nula/Hmeichhe ngaihsan zawng a awm tum stage hi ka kal pel tawh! :twisted:
Report this comment
April 15th, 2010 at 11:47 am
@wonderboy leh kava awihlo em! Nang hi chu i ti huam lo ve hrim2 bok a. hehe
Pu VNT a’n ‘Mizo mipa te hian kan tum hi kan thlak zing lutuk a, hmasawn ngaihna a awm lo. driver nih kan chak em em a, reilo te ah sipai ah kan tang leh dual2 a, chumi zawh ah Pastor nih kan tum leh sup2. engg leh doctor in a dawt leh a, tum mumal kan neilo,’ a tih kha min ti hrechhuak. Hetia mipa ten kan tum kan thlak sek nachhan hi nula a an tlaknat vang ani zel.
Report this comment
April 15th, 2010 at 11:49 am
Sum ngah ngah hmeltha tih hlate pawh min ti hrechhuak e, duhaisam maiin a thamral leh awm si a….!
Report this comment
April 15th, 2010 at 11:55 am
ziak tha hle mai, nia! hmeichhia hi an pawimawh khawp mai!!!hehe! business lam ah phei chuan, a bikin hospitality ah hian>>> ka sawithui lo mai teh ang, kan hre vek in ka ring.
Report this comment
April 15th, 2010 at 11:55 am
@wonderboy #19 i kal tleng ve dawn chauh zawk lo maw?
“Nupui ten min han tih thiam viau chuan, an lawm zawng tleng sil, hmunphiah, nau ek suk tleng in kan ti hreh hauh lo” – mi(sual) Paho.
Report this comment
April 15th, 2010 at 1:36 pm
@ 19 wonderboy
“Nula/Hmeichhe ngaihsan zawng a awm tum stage hi ka kal pel tawh!”…mahse an umzui che nilawm ni? …he he
keicu Nula/Hmeichhe ngaihsan zawng a awm tum stage ka hel daih…hyuk3
Report this comment
April 15th, 2010 at 2:18 pm
Thakhop mai…
Report this comment
April 15th, 2010 at 6:54 pm
#19wonderboy, i kal pelh vang pawh niloin i confi tawh a nih reng kha,kha khan han ban vaih che se zawng a bul i tran thra leh hrim2
Report this comment
April 15th, 2010 at 9:35 pm
He post hi a va tha kher ve e :mrgreen:
Misual(hmeichhia)ho khan lo zawm theuh teh u.
Report this comment
April 16th, 2010 at 1:35 am
A tha reng! Hmeichhia hian an power an hre lo thin ani! chutiang bawkin mipa hian hmeichhia te hi intih lal khum mai lovin, enkawl dan thiam se, hmeichhia te chu an thu thu ani mai!
Report this comment
April 16th, 2010 at 1:15 pm
“An sawi thin India rama officer tam tak eirukna chhan pakhat chu an nupuite vang an ti”. hei hi chu an a dik vek kherlo mai thei, a chhan chu, Hmeichhe officer ai hian Mipa officer hian an eiru hnem zawk an ti a.Mipa tam zawk hian pawisa siam hi nuam anti a,an nupui ten an demand emo demand lo emo, a position ah a awm hian chuan an eiru duh bik deuh.
Report this comment
April 16th, 2010 at 10:06 pm
ka thianpa hi chu ka chhuang a nia, i va han ziak tha teh thlawt em !!!!
Report this comment
April 16th, 2010 at 11:25 pm
“Woman control man, man control world” te pawh an tih ve thin kha maw le. Dikna chen a tam khawp mai. I ziak tha in a dik ka ti lutuk…
Report this comment
April 16th, 2010 at 11:39 pm
A mam tha fu mai. Ka chhiar mai hman lova. Good post
Report this comment
April 17th, 2010 at 12:05 am
Pi Rii zing tho fuh hmel hmu tur chuan Pu Hawlan zan lamah tan lak a mamawh ve tho angem le? :twisted:
Report this comment
April 23rd, 2010 at 8:59 am
Thiana hi chu midangte’n krismas lawma kan lam mup2 laia ‘Luahloh run’ lo bel daih kha a ni bawka a thuziakte hi chhiar a manhla thin teh e….han tizel teh khai.
I post zawng2 ka la chhiar hman lova, tlai lamah ka lo chhiar zawm leh ange.
Report this comment