Mohandas Karamchand Gandhi a kha ni lo ngat se chuan India ram zalenna tur khan thisen tam tak, indona leh in thenhranna mai piah lamah zalenna kha tlai zawk takah kan hmu ngei ang le.
Hindu Political group hrang hrang hruaitu lawk lawk te khan ‘Tharum chu tharum vekin’ , ‘ngulhnam chu ngulhnam bawkin’ tih policy chu hmang turin Gandhi a nawr chiam mahse chutiang thil reng reng chu a dodal tlat a “Tharum tello leh zalenna” (Non- Violence and Peace) kawng chu na taka kalpuiin chung ho pawh chu a hmin thei ta kha a ni a. Chu ngei chu Gandhi a ralthuam pawimawh ber – rim taka zir chhuak leh ralthuam famkim nen a inthuam sipai te a beih letna hmanraw tha ber leh hlawhlting tak ani tain nang leh kei hian zalenna kan lo nei thei ta a nih chu !!
Khawvel mihring tungchhova kal zingah Gandhi ropuia kha a ropui thlawt e ti rawh maw?? A nun zia mai nilo, a ngaihtuahna te leh mipui te thuchah a pek a tang te reng mai khan ngaihsan a hlawh lo thei lo a ni.
Hindu chu a ni teh meuh mai. Gandhi a kha Kristianna nen inlai chinna thuk tak neiin Lal Isua kha angai sang tak zet a. Mathaia ziaka Lal Isua tlang chung a thusawi phei kha chu vawi duailo a chham chhuak thin a sin.
Missionary E.Stanley Jones chuan Gandhi a kha,”Mr. Gandhhi, Isua chanhin te i sawi i sawi chung si hian A mah zuitu nih chu i duh hauh lo ni hian a lang lawi si a,: tia a zawhna chu,”Mai mai a, Krista hi ka hmangaih a sin. Kristian tam tak te hian Isua Krista in zui hi in ang lo em zawk ani,” a ti thlawt mai zu nia. Chu mai chu duh tawk lovin,” BIble a kan hmuh ang hian Kristian te hi Krista zirtirna ang hian awmin zawm ni ula chuan vawiinah hian India mipui te hi Kristian an ni fai vek tawh ang,” a la ti ta deuh deuh.
Kristianna lam a hnaih tan tirhna hi chu South Africa ram a Dan lam (Law) a zirlai, a tleirawl chhuah tirh te atang daih tawh khan a ni nghe nghe a. Kristianna chung chang hi a tuipui em em mai piah lamah Bible hi tihtak zetin a zira (keinin peih leh peih lo chupawhin a huhova Bible kan chhiar chhuak ang hi ni lo deuhvin) Lal Isua zirtirna te chu a atchilh hi a ni ber mai a. Chu mai piah lamah Kristian nih theih dan tur nasa taka zirin chu chuan a awmna lai vela mite inkhawmna Biak In ahmuh chhuah tir ta nge nge a. Kristian nih duhna chuan a nawr et et mai si a, chu Biak In a inkhawm a Kristian nih tumna lamah chi inthliarna bu chu ava tawng baw ta hlauh mai le!! Chutia a va kal ve da da chu Sap Upa 1 chuan kawngkharah lo dangin,”Khawia kal tur nge ni a i in hriat chu le, mihangpa (Kaffir) ,” tiin thupe aw leh hmusit tak maiin a lo ti erh mai. Ani lah chuan tha takin,”He Biak In ah hian inkhawm ve ka duh a ni,” ti a a chhang chu,”Rang takin thlawk bo nghal rawh, he Biak Inah hian mihang (Kaffir) tan hmun a awm lo; i kal bo nghal loh chuan nangmah step a paih thla tur che mi ka ko dawn ania,” tia a vau thawm a hriat atang chuan Kristian a inlet a tumna chu Bui lung tawk iangin a in lam let hmaka. Mahse Kriatianna atang a a chhar chu ataka nunpuiin Krista nun mawi tak chu a nunah a chhawm nung reng thung si ani.
He a thinlunga Bible zirtirna thu tha deuh deuh te chuan India zalenna a tan a lo tang kai ta hle thung chu a nih si hi.
Ringtu inti te hian Gandhi a nunah hian zir tur kan va’n ngat em!!!
Gandhiji a piancham hman nuam vek ule, ka lawm e.
Jai Hind!!
Similar Posts:
- Tunge ‘Tu emaw’ chu?
- Lazydog’s “KRISTIAN RAM ANI SI A”
- Barhluih Kristianna
- Kristian ka ni em?
- Lal Isua Zui Tan Tawrh Tur A Awm!
(Y)
October 3rd, 2012 at 12:42 am
First em aw…?
Report this comment
October 3rd, 2012 at 12:52 am
^^—MUP Tlangau ah ngai mi
Report this comment
October 3rd, 2012 at 12:53 am
lushai..i link hi ka lo chhiar tawh a, mak ka ti rura mawle..ka sawi chhuak duh lem lo va…hei lo pawh ka la hre rin ran a, mahse belhchian a dawl em ka hre chiah lo va, a tang na phian mai dik ve thei tak chu a ni…
Ignatia..khan a lu a hmuam palh ang e…hehe. kap zeuh zeuh tawh dawn a tawng duhthawh viau vei a…lu hmuampa ti ila a tha ang.
fiamthu
Report this comment
October 3rd, 2012 at 12:56 am
aw //i first in ka hria
Report this comment
October 3rd, 2012 at 1:19 am
In va han ngaisang over mai mai e aw.’Non violence’ policy hmanga zalenna a sual chhuak kha chu a pawimawh khawp mai..(mahse kha mi piah a indo pui 2 na lo chhuak nen, Bristish mangangin inremna an siam pui dan te kha lo zir chiang leh ula) Hepa hian independence hnu khan India ram hi hruai zui se la, a hraui khaw lo vek ngei ang..theoritically a tha lutuk, practically a theih miah loh kha a tam ve ania aw.
Report this comment
October 3rd, 2012 at 1:25 am
Ka hmalamah khian an lo sawilovin ka hria a, Gandhi a thih kum kha 1948 a ni e.
Mahatma Gandhi kha a ngaihsanawm khawp mai. Mahse view hran a kan thlir chuan non-violence khan inpumkhAT aiin inthendarhna a hring tih hi a ngaihtuah thiam tan chuan a hriattheihin ka hria. Subhash Chandra Bose khan lo sualchhuak ta zawk sela chuan Muslim leh Hindu te kha inngeih takin socialist ramah kan awm ka ring a ni. A ngaihsanawm rualin a thutlukna diklo avanga Nehru chhungkua in ro an relna avanga thi zat hi han ngaihtuah chuan a tam rem rem khawp mai. Heng Naga uprising, MNF, Sikh te laka tharum an thawhna te hi Non violence hrinchhuah a ni e kan ti thei ang.
Report this comment
October 3rd, 2012 at 1:31 am
@Vakul : Kei pawh ka la hria, hmanah ka comment zauh tawh a…! Mizoram India rama kan behna chhan pawh hi version dang ka hria
Report this comment
October 3rd, 2012 at 1:35 am
doc_lib #55 awmzia a awm hmel khawp mai
A ngaihsanawm alawm, mahse a hleihluak mah mahin ka hmu ve. 
Report this comment
October 3rd, 2012 at 7:43 am
Tukchhuah nuam vek u le
@Pu Hv, muttui le
Report this comment
October 3rd, 2012 at 7:45 am
#59 hairehai
Report this comment
October 3rd, 2012 at 9:42 am
Mohandas Karamchand Gandhi(Oct 2 1869 – 30th 01 1930)????????????????????????????????????????? A va zialo deuh ve. Kum 1948, January ni 30 ah a nih kha a thih.
Report this comment
October 3rd, 2012 at 10:22 am
Sihte: Keimah kher min lo zawt a ni maw? Kallenbach nena lehkhathawnna eng eng emaw an hmuh atanga bisexual ve ta mai anga anga ngaihna kha ka lo hre ve e. In close em em a, mi hriat miah loh tur thil tamtak lehkhathawn hmangin an ziak a nih kha. Tunah hian i phone-a message i dawn tawh zawng zawng kha check tha leh dawn ta ila ngaih that lohna tur chu an nei ve chiang ang.
Isua Krista meuh pawh hi mak tak taka puhna a ngah e!
Mahse hei hi lo hre rawh: inthunun tak chunga bramacharya nun lut ngam tu a nihna hi… A turu a nia aw, a namai lo khawp mai! Kan theihloh tur theite chanchin sawi hian mi tamtak hi chu an lo TER et zel a ni e!
Pu Dr John comment number 44na khi a tha khawp mai. Nangni angin in TARMIT diktak in lo vuah tawh hi chuan thil hi a danglam dawr zel a ni e. Mahse ngaihtuahna leh hriatna lama chak lo leh la hretlem deuhte in hruai kawi thei tih erawh hi chu hriat a tha thin khawp mai..
Ka thian pakhat hi Isua Krista leh a hunlaia Judate chanchin leh Rom lallai (Rom lamin an awp lai) hre hnehsawh lutuk a ni a. Isua Krista kha philosohy thiam chung chuang Phasisai, Sadukai, Zealot, ldt., aia mi rethei leh fing lo te te bula tlaktlum dan thiam lutuk angin a chhuah daih mai. Ka rilru tak chuan ka lawm lo hle a, mahse lungawihlohna lantir theihna hmunah lo chuan a sawi ngai loh avangin menah ka tlak leh thin…
Political Career hre theuh theuh – Ladenga, Thanhawla, Nelson Mandela, Lincoln, Chuchill, Gandhi, ldt., hi an inang lo zawng a ni e!
Eng angin nge mi hnenah a tha lam zawngin a thawh? enge a tha lam zawngin a nghawng? Kan nitin khawsaknaah eng tiang zawngin nge mi hnenah ngaihtuahna tha leh rilru thianghlim a siam? tih lam hi ka chhui thin ila chu chu kan tan nun khawsak kawngah min pui ngei ang.
Report this comment
October 3rd, 2012 at 11:35 am
#61 I ti lawmawm e…kan thuchah ber erawh chu a thelh phah chuang lo chu aw,,,….
A thih kum khi tih sual palh ani e…January 30, 1948 ah a thi ngei e…eng in nge min han mawlh ni..ka mawlzia ti chiang mai tu atan… ah hindu atchilh (extreme) Nathuram Godse-a’n Birla Bhavan ground Delhi-ah a tlailam tawngtai laiin a awmah a kap a a thi zui ta a nih kha….a thih dawn a a thusawi ngawt pawh kha khawvel inhnialna hrawl ber te zing a mi a la nia sin taka….”Rama, Rahim!” a ti em ni ?????
Report this comment
October 3rd, 2012 at 11:52 am
@55, tu takin rawn sawi chhuak ang maw ka lo ti ru ran ran a.
Subas-a te lah khan violence a zalenna sual kha an thupui a lo la ni zui. Tu tan emaw chuan chance chu a tha kher a sin. 
Report this comment
October 3rd, 2012 at 12:46 pm
#46..i ti tha …i chhiar fuh hle mai .ka lawm e
Report this comment
October 3rd, 2012 at 3:10 pm
When it comes to Christianity, fir hle tur hi a ni ringawt! Zir san leh thiam san vang maia hnamdang sakhua fak mawi vak vak leh an zirtirna chawkluh emaw, Kristian zirtirna thenkhat an nunah an lo sengluha Isua an lo hmelhriat ve vang ringawta Kristiana chhuah tur a ni lo bur, Kristian, piangthar, Isua Krista ringtu leh zuitu, thlarau thianghlim chang tawh zingah pawh hian vanram kai tur chu an tlem khawp ang le! kan Pathianin a duhtui zia leh duh fir zia hi theihnghilh lovang u! MI TUPAWH TUIAH LEH THLARAUVAH AN PIAN LOH CHUAN PATHIAN RAMAH AN LUT LOVANG tih hi kei chuan a chiang ka ti tawk e!
Report this comment
October 3rd, 2012 at 5:47 pm
Hei hi a mak leh khawp mai! Ka vawi 1 hriatna a ni, in lo chhiar tawh emaw? Advani further said: “I may clarify that although Mahatma Gandhi is popularly known as “Father of the Nation,” no such title was ever formally conferred on him by the government.” https://www.hindustantimes.com/.....34824.aspx
Report this comment
October 3rd, 2012 at 6:19 pm
ka chhiar ve chiah..gandhi-a kristian maw LMAO
Report this comment