Kan veng KTP chanchinbu chhutna Computer a chhe thut mai a, an thu neih sa a chhe nual mai a, a karawl hnawhkhah nan ‘Nang han ti mai teh’ min tia, kan ti ve chhin a. he lamah ka lo share ve a ni e.
Kristianna hi enge a nih chiah I ngaihtuah ngai em?. A awlsam zawng chuan Krista zuitu tihna mai a ni. Ka thalaipui duhtakte u, engvanga Kristian lo ni ngawt nge I nih I ngaihtuah ngai em?. I nu leh pa leh I chhûngte Kristian an nih avangin, Kristian chhungkuaa piang leh sei lian I nih vâng maia Kristian I ni em?.
Sakhaw dang, duhthlan tur dang awm miah lovin, I duh emaw duh lo emaw I sei lenna chhungkua leh khawtlangin an barhluih vang mai che a Kristian em ni I nih?. Thlang-kawr-vai zingah, Hindu chhungkuaah, Hindu Society-a piang leh sei lian ni ta la, Kristian I ni tho ang em?.
A nih loh leh khawchhak lamah Buddhist chhungkuaah piang ta la Kristian I ni tho ang em?. Chhhia leh tha I hriat hma atangin Kristian thurin leh Isua chanchina chawm len I ni a, sakhaw dang hi a dik leh dik loh pawh I ngaihtuah chhin ngai reng reng lo. Naupangchhia mai I la ni a, a âwm tho e. Mahse, tunah chuan Pathian leh khawvel ngaihah mahnia chhia leh tha hriatna hmang thei Puitling I lo ni ve ta. Engtin nge ni ta ang le?. Nangma chhia leh tha hriatna thiang hmanga I duhthlanna kha hmang lovin I naupan lai atanga barhluih Kristianna kha em ni I la chhawm zel dawn?.
Mahni chhia leh tha hriatna leh ngaihtuahna, thinlung chhungril ber atanga duhthlanna tak tak hmang lo leh duhthlan tur dang neih loh vanga kan beng maia kan lo hriat thin, kan naupan tet atanga barhluih Kristianna chhawm chho mai mai kan tam vang hi em ni ang mizo Kristian-te hi kan ngheh loh em em?. Mission Compound-a piang leh seilian, Kohhran Sikul chhuak, Kan Synod puipate leh kan Pastor Senior ten an rinthu mai ni lova, William Barclaya-te hrilhfiahna atanga an chawm sei len, KTP Bêl-ah sam khuih pial thân khawpa chhum hmin pawh kan ni mai thei. A nih loh leh, MHIP Committee kohna leh KTP Branch Committee kohna dawng kawp thei khawpa nula fel leh dam rei pawh kan ni mai thei.
Mahse ka’n ti teh ang. Joba ang khan “Benga hriatna mai zawngin ka hre tawh che a, mahse tunah zawng ka hmu ta che. Chuvang tak chuan ka inten a, vut leh vaivuta thuin ka sim ta eâ€. tih ngai kan lo ni ve reng lo maw?. Fel leh ti tha ve thawkhata kan inhriatna lai tak hi a ni sim tura min duh. Timothea hi Bible-ah a pianthar dan chiangtaka an ziah lan loh vang maiin, Naupan lai atanga sual lian tham khawih lo leh mahni mihring that thata tha chho ve mai-ho hian Timothea-te huanga inkhung mai an ching thin. Mahse ka hrilh a che.
Nang zawng, I thinlung pindan chhungril berah lut la, I chhia leh tha hriatna thiang hmanga duhthlanna dik tak nen, Kristianna hi enge anih chiah a, Krista zuitu tak tak nihna hi engchiah hi nge a nih tih ngaihtuah chungin Pathian hnenah inhlan thar rawh le.
July 3rd, 2011 at 9:03 am
1st ve em aw
July 3rd, 2011 at 9:07 am
Ngaihtuah a ti thui khawp mai.. Kei ngei pawh hi “mission compound”-a seilian ka ni si…
July 3rd, 2011 at 9:12 am
Ngaihtuahna a va ti thui tak ve!
July 3rd, 2011 at 9:13 am
A va’n tha tak em!
July 3rd, 2011 at 9:24 am
Saint sammoo i ti tha e. Ka fapa upa ber pawh hi a pian hma atanga Pathian thu zira Full time a Pathian rawngbawl tura kan hlan a ni a. Tunah kum 14 ani tawh a, min chen der tawh a, a nung chang lah zirtirtu leh naupang dangten an fak rawn luai luai a ni bawk a. Piantharna dik tak, chiang kelh kawlh nei silo hian BD a zir palh mai ang tih hi ka hlauh thawn ruk a ni.
July 3rd, 2011 at 9:27 am
Barhluih tih lai tak khi…..ngaihtuah ti thui khawp mai
July 3rd, 2011 at 9:29 am
Muslim chhungkua atanga seilian chu muslim a ni ve mai a, Hindu chhungkua atanga sei lian pawh hindu an ni ve mai. An puitlin hnu ah erawh an duh duh kawng an zawh thei a, an duh chuan sakhaw dang an vuan thei tho. Keini pawh Christian chhungkua atanga sei lian kan ni a, chumi avang maiin kristian kan ni satliah mai lo. Thil tam tak kan zir alawm. Puitling tawh tan chuan, Krista zuitu nih aia Muslim ni duh an awm anih pawhin tuman an dal lovang. Zalen kan ni e.
July 3rd, 2011 at 9:34 am
Amen…
July 3rd, 2011 at 9:37 am
Kristian nih hi Vanram kaina ni tawp maise kei ni Pu shailendra te tan hi chuan a hahdamthlak mai tur ani 🙂
July 3rd, 2011 at 9:44 am
Tha khop mai..
July 3rd, 2011 at 9:56 am
Good post.
OT: Post tupa chu ka buaina ang chiah i rawn tawng ve a nih hi. ‘i’ hi a hranga type ka tuma space ka hmeh velah a rawn ‘I’ ta thin a. Mahse ‘i’ dawtah shift ka hmet a. Chumi dawtah space. A dik zaih mai. Ka va OT nasa ve aw. Sorry.
July 3rd, 2011 at 9:58 am
Kan duhthlanna hi Pathian hian alo dahlal khawp mai, fak lo theilo te fak ah lawmna a nei tam lova, chuti nise angel tamtak anei alawm. Mahse amah pawl thei leh a lawmzawng a awmthei chu duh a faklo thei ni si, an duhthlanna tak hmang a amah be tu te hi Pathian in a duh tlat avangin mihring te hi a siam ani. Chhia leh tha hriatna fim tak hmang a Lal leh chhandamtua kan pawm hi a lawmzawk em em ang. Amaherawh chu kan Bible in chhungkua a tu emaw avangin an chhungkua chu chhandamin an awm thei tih min hrilh hi chu i hre thar leh ang u.
July 3rd, 2011 at 10:31 am
Christian by birth nih hi a that rual in born again(piangthar) nih hi a that zawk hmel. (Y) (Y)
July 3rd, 2011 at 11:29 am
post tha khop mai, nia, hei hi chu kan vanneihna ah i ngai ang, harsa tak a mi ten Lal Isua an thlanna kong ah hliam an torh laiin,keini zawng,malsawmna kan dawng ropui bik e…
July 3rd, 2011 at 12:08 pm
A thupui leh a chhungthu hi a inmil lem lovin ka van hre em. Barhluih kan ni hleinem..Barhluih awmzia i hre thelh deuh hlekin ka hria. Barhluih ngai lovin kan pianpui a, kan seilen pui a, a tur rengah kan ngai ni zawkin ka hria. Hei vang hian Kristian nundan dik pawh kan harsat a. Engkim mai hi tet te atanga ngaia kan neih vang a ni pakhat. Tawngtai, inkhawm, thawhlawm thawh etc thleng hian kan nun peng pakhat leh kan tihturah kan ngai nghet hmiah mai a. A nihna tak, thinlung taka zuk pawha hrethiam kan tlemna chhan chu barhluih kan nih vang ni lovin, tette atanga kan seilenpui, ngaia kan neih thil a nih vang ni zawkin ka hria.
July 3rd, 2011 at 12:14 pm
comment a ngaihmawm e.
July 3rd, 2011 at 4:50 pm
A tha khawp mai….barluih ni lova bybirth a Kristian ka ni hi chu ka lawm khawp mai… Mahse bybirth kristian nih hi alo tawk lo khawp mai.
July 3rd, 2011 at 6:26 pm
Ngaihtuah a ti thui khawp mai. Sakhaw dangah han inlet dawn pawh ni ila,an rin dan hriat chian kan nei hlawm lo niin ka hria. Sakhaw dang lehkhabu kan tawnga chhiar turte hi awm ve nual se,Kristianna lo that bik zia emaw that bik vak loh dan emawte pawh kan hre thei tur a ni a. Sakhaw dang rin dan chiah hi kan hre tlem em a, kan mithiamte hian heti lamah hian tan han la se la a tha ang.(Y)
July 3rd, 2011 at 9:34 pm
Barhluih awmzia i hre fuh lo niin ka ring. Barhluih kristianna chu a saptawngin forced christianity a ni turah ka ngai a. India ram runtu Muslim-ho kha chuan hindu-ho kha By force-in an Muslimnised ngei a, Muslim ni ve lo tan Jazia tax pawh an chawitir a nih kha. Chutiang taka barhluih vanga kristian lo ni ta chu an awm ngei ang-khawvel khawiemaw laiah chuan.Zoramah erawh hi chuan ka ring lo viau.
Naute kan nih lai khan kan nu & pa te khan chaw(buh/rice)-in min hrai thin a, a chang chuan min barhlui fo ta ve ang. Mahse, vawiin thleng hian chaw hi ka la thlah phal phah hauh lo; a that loh em em awm pawh ka hre lo. Junk food leh Tofu te an rawn chhuah tawh hnu ah meuh pawh hian CHAW ka tih chu BUH/RICE ngei hi a la ni fan.
Chutiang bawk chuan Kristianna pawh hi………………..
July 4th, 2011 at 1:58 am
I thinlung ah question i nei a, tuman an chhang si lo che a, emaw i duh ang thlap chhanna i hmulo a, nangmah lah nangmah i inchhang a, tha deuh in i tlip thung.I chiang meuh em?NOI. Darwin a thu khawchang min ti hrechhuak.
“Ka naupan laiin zawhna tamtak ka nei a, tuman min chhang thei si lo a, kei mah leh keimah rinthu in ka inchhang ta mai” on Theory of Evolution.
Hetah chiah hian alawm, Pa zawng zawng te tan kan rinna a kan chian fekfawk a ngaihna chu ni, keimah leh Pathian inkar a fel phawt chuan a tawk tih ngawt hi a tawk ngawt lo.
Kan fate hi kan mission anni,zawhna min zawt a, kan namliam hian an ngawi ta a, an ngawih tak hian mangan nachang hriat tur,kan convince ta tihna a ni veklo, zawh tlaklo ah min ngai tawh tihna ani daih thei, an thinlung kawngkhar an khar tawh a ni daih thei.An thinlung kawngkhar an khar tawh chuan kan chan tawh tihna a ni nghal bawk.
Kei chu ka rindan hi ka fate rindan tur chiah chiah ani, ka chian fawk chuan ka fate pawh an chiang fawk tur tihna. I chian fawk loh chuan i fate pawh an vai dawn tihna, sande sikul zirtirtute leh khawi team emaw camping na ah an lo hrilhfiah chawp tur a kan fate kan dah hi alawm ka ram mutan chu. Hei hi fatherhood responsibility a ni e. Khawvel thil dang ah hlawhtling eng ang mah ila, fatherhood ah kan hlawhchham chuan Pathian kan PA hian MI HLAWHCHHAM min ti dawn ania aw.
July 4th, 2011 at 2:51 am
He thu ah hi chuan ‘Pathian hian mihring te hi a hmangaih tak2 lo a ni ang e’ ti khawp hial in Christian chhungkuaa piang velo, he leia rethei taka khawsa te tan hian Pathian hi ka lo dawr ve tawh thin. A tawpa ka thinlunga lungawina ka hmuh chu “Vanram ah hian mi tlem te chauh an lut dawn” tih a ni.
Chanchin tha ram tina hril turin min ti a, he khawvel kalphung ah hi chuan kan hrilh hmanloha thi hi an awm ngei ngei dawn tih hi a chiang a ni. Thenkhat chu lei ah rethei takin an piang a, an rethei a ni ti pawh in hre lo khawpin an mawl a. Chutah Pathian thu hre ve lo a, “tui ah leh thlaraua piang lo chu vanram a lut lo ang” tih chuang kuau in an kai loh tur a nem nghet leh si a nih chuan Pathian rorel dan hi ava han lai lo tak em awww…ka ti thin a. Van ah rorelna hmaah an mit a var ang a, an chan chhiat bik zia leh hre hauhloa boral anni tih an inhre chhuak ang a, chutih hunah chuan Pathianin engtinnge an chungah ro a rel ang le tih zawhna hi ka in zawt fo thin.
Mihring hi kan sual em a ni tih ka hriat tawkloh vang te pawh niin ka hria. Pathian rama cheng tur hi an tlem hi ka ring ta khawp mai.
Israel chhungkua chauh a khalh bing lai khan Pathian chu hnamdang Pathian ni turin Israel chhungkuaa a cheng angin an zingah a cheng ve hauhlo. Pathian chenna bik selected family chu tha awm tak a nih laipawhin Israel fa te luhlul leh hel zia kan hriaa, Pathian chenchilh hnam nimahse khatih hun laia Israel fa te zawng zawng kha vanram an lut dawn reng reng lo. Chumai pawh nilo in lut an tlem ngawt ang, Pathian chhungkua ni chung si khan.
Pathian hian vanrama min hruailuh hi a bat a ni lo, mihring hi kan sual em a aduh an lut ang a aduhlo an lut lo ang. Pathian hian tumah sawm luih a tun hek lo, duh nise vantirhkoh sang tam tak a tir ang. Keimahni mihring te inhrilh darh a keimahni leh keimahni insawm lut turin min ti a, chuta ke kan pen chauh chuan min puih a tiam ringawt a ni.
Kristian chhungkuaa ka pian avang khan ka him kher lo, min judge na a sang ting dawn tihna animai. Chuti anihloh chuan Pathian rorel dana lungawilo tur hnam hi an tam lutuk.
Thuthlung hlui kan en chuan mihring tih riral hi Pathian khan a pawi ti reng reng lo, nunau pawh zuahloa phiahfai hmiah2 zel kha a duh. Saula chunga a lungawilohna pawh a tihrem kimloh vang a ni. Mihring zawng zawng hi Pathian mithmuh ah chuan tihrem vek tlak kan ni zawk a chuvangin Pathian hnenah hian “Engmah ka nilo a ni, tihtakzeta chibai buk tur che hi ka ni” tih hi kan inhriat deuh deuh angai.
Kan challenge a, kan cho vel a, heng ho hi chu engahmah a ti lo, minla nuairal vek dawn.