mi(sual).com

V/C bye-election atan hming pe an awm lo: October 18, 2012-a Aizawl district leh Kolasib district-a khaw 15-a Village Council bye-election neih tura hming pek luh theih hun chhunga hming pe lut an awm loh avangin State Election Commission-in nomination file hun a pawh sei chu nimin tlai dar 3 khan a tâwp a. Hming pe lut an la awm chuang lo. Hei vang hian V/C inthlan hun chu October 25-ah sawn hlat a ni a, nomination file hun pawh October 15 thleng pawh sei leh a ni.

State Election Commissioner, C. Ropianga chuan nimin khan thuthar thehdarhtute a kawm a; tuna inthlan a tlawlh leh a nih chuan, inthlanna atana hun remchang a van tawh thu a sawi a. V/C nomination file lo tura SMS hmanga vauna a awm thu a sawi bawk. Aizawl Addl. SP C. Lalruaia chuan “Security-ah sawrkarin problem a nei lo. An inthlan phahna tur a nih chuan security kan pe thei reng” a ti.

V/C bye-election neihna tur khua 15-te hi SHDC chhunga khuate an ni a; Aizawl district-ah – Zohawthiang, North Tinghmun, Mauchar, Zohmun, Palsang, Sakawrdai, Khawpuar, Vaitin, North Khawdungsei, Thingsat, New Vervek, Damdiai leh Lungsum te niin, Kolasib district-ah Saiphai leh Saipum te an ni. HPC(D)-te vauna avangin heng khaw 15-ah hian February 23, 2012-a Mizoram puma V/C inthlan neih rualin V/C thlan neih theih a ni lo a, SEC chuan October 18, 2012-a bye-election neih turin a ruahman a, a tlawlh a, October 25-ah a pawtsei leh a ni.

AR ram luah chhunga mi 8-te LSC man tawh: AR hotute’n Aizawl police station-a July 20, 2012-a FIR an thehluh bawhzuiin, police-te chuan nimin khan Bethlehem veng chhunga AR rama LSC nei nia sawite an enfiah a, mi pariatte LSC an man (seize)-sak. Police-te chuan FIR-a lang LSC 45 neitute chu lehkha pein, ram enfiah hunah an ramah theuh lo awm turin an hriattir a, mahse LSC neitu mi 17-te chauh an zawng chhuak thei a, mi 28-te erawh an zawng chhuak thei rih lo. Bethlehem veng Local Council aiawhte chuan “LSC nei tur chuan an awmna V/C atangin No Objection Certificate (NOC) a awm tur a ni a. Bethlehem veng V/C atangin NOC pek chhuah a ni lo. Keini chuan kan ram min ruksakah kan ngai” an ti.

Nobel Prize for Medicine: Nobel Prize for Medicine, 2012 dawng turin British scientist, John Gurdon (79) leh Japanese physician Shinya Yamanaka (50)-te chu ‘Cells programme siam danglam a, adult cell atanga stem cell-a an siam theih’ avangin chawimawina dawng tura thlan an ni. Utawk specialised cell DNA chu a no thar siamna atan a hman theih tih leh cell puitling tawh chu a tira cell awm angin a siam let leh theih tih an hmuchhuak a ni.

Romney a sang zawk: November thlaa US President thlanna neih tura Republican candidate, Mitt Romney chuan mipui ngaihdan laknaah President tanglai Barak Obama aiin US President atana duhtu a ngah zawk. Pew Research Center-in national poll a buatsaihah Romney duhtu 49% an nih laiin Obama duhtu 45% an ni thung. Hei hi major national poll buatsaiha Romney chak tum khatna a ni. Kar kalta Nilaini-a Presidential debate khan nghawng a nei tan a nih hmel a, Romney duhtu pawh an pung ta sawt a nih hi. I lo thlir zel ang u.

Similar Posts:

• Lok Sabha Poll dates puan a ni ta
• Hnahthialah district ngenin mipuiin kawng zawh
• Mr. Obama Re-Elected as President of The US
• Aizawl Municipal Council inthlanna tura candidate ten Election Commission thupek an zawm lo
• Rorelna langtlang awm tur a ni

Recent Posts:

• ‘Silai’ by Rian B. Anderson
• Zaidawh tak a zalenna dil!
• Ngaihtuahna ṭawng (Mind language)
• Nun Tihlimtu – Naupangte -II
• Mizote leh Sex (A ruh langin)

This entry was posted on Wednesday, October 10th, 2012 at 6:00 pm and is filed under News. You can follow any responses to this entry through the RSS 2.0 feed. You can leave a response, or trackback from your own site.