Sum lama buaina nei lo (neih loh êm vanga buai ngai lo 
) in sum chungchang hi kan thai hnawk ve leh teh ang. A tel lo a awm hleih theih loh a nih laiin a awm erawh chuan tam tak tan buaina a ni thung lawi si. Nei tlêm deuh an buai a, nei tam ho in an buai phah tho bawk a nih hi le. Amah Rev. Zosangliana Colney-in Sum chungchang a ziah thenkhat hi han chhiar i la..
“Sum hi kan duh tak a ni lo va, kan duh tak neih theihna atana hmanrua chauh a ni. A sum hlang hi in khat pawh nei ila, buhfai a lei hma chuan kan riltam a reh chuang lo. Sum hian in tha tak chu a lei thei a, mahse a chhunga cheng tur chhungkaw tha a lei tel thei lo. Inneih zungbun man tam leh mawi tak a lei thei a, mahse nupa nun hlimna chu a lei sak thei lo. Khum nuam tak pawh a lei theih a, muttuina erawh chu a lei tel thei lo. Damdawi chi tinreng lei thei mah se, nunna a lei tel thei lo. Chuvangin sum hian mihring duhthusam hi a panpui a, a tak rama hlâng chhuak tur chuan thahrui a nei lo a ni.
Thil tangkai tak a nih rual hian a hmuhna hnar lam a bawlhhlawh chuan thil ho lam atana hman a awl a, a hnathawh a chhe fe thei rêng a, a kawltu nun a ei chhe zui thin bawk. Sum hlutna sâng ber chu a lo chhuahna azir a ni fo. Sum hmang dik tur chuan kan thuhnuaia dah tlat a pawimawh. Sum hian min awp tawh chuan a hman dik theih loh, a tangkai lo mai a ni lo va, a hnawksak em em tawh zawk thin. Min neih tawh chinah chuan a chênin kan chên a, kan thuhnuaia kan dah theih chuan a hmanin kan hmang thei thin a ni. Sum hi nei teuh mah ila kan hlimpuina tak tak hi chu kan hman danah a innghat vek zawk a, a tawk chauh leh dik taka hman theihna chu Pathian tihna hnuaia enkawl a nih hunah chauh a awm thei. Pathian hmun luahtir hial khawpa sum ngaih ropuina hi mihringin a chhiatpui thin chu a ni.”
Sawi zui ve ang u hmiang. Sum hi mihring kan damchhunga thil pawimawh ber pakhat, a tel lo a kan awm hleihtheih loh chu a ni phawt mai a. A thawkchhuak turin kan phák tawk ang zelin beih pawh kan bei na sa hlawm teh e. Amaherawh chu kan thawhchhuah dan a in ang lo thei hle thung. Lak luh in ang rau rau ah a thianghlim leh thianghlim loh hian kan nun leh chhungkua a lo nghawng thei khawp mai. La lut tlém deuhin neih belh zél kan duh a, la lut tam leh mi hausa te pawn duh tawk an nei chuang lo. A pawimawh ta ber nia lang chu Sum hi kan thuhnuaia dah a, kan lakluh ang zéla hman thiam leh a tangkai zawnga hman hi a ni awm e. Lak luh dan dik lo leh hman dan dik loh avangin chhungkaw tam tak mualphona leh kehchhiatna a thlen a, ruihhlo bawihah mi tam tak a tan tir mek bawk a ni. Tun lai kan ram news te réng réng pawh hi – Bâ/ ba lo, eiru/ eiru lo, lapse/ lapse lo, suspend/ chhui chhuah hma hma… tih vel a ni reng mai a nih hi.
Sum hian kan taksa mai ni lo kan thlarau nun thleng nghawng a nei thei tlat. Chuvangin engti angin nge kan Sum hmuh chhun chhun te hi kan han vaivir ve dawn le? I lo thlir ang….. 
Bonus: Pink Floyd – Money 
.. In comment ka chhiar chhuak vek...
…. Tunlai hian...
October 18th, 2012 at 12:33 pm
Comment ka hawng dawn e, lo kal r’u…
Report this comment
October 18th, 2012 at 1:10 pm
Ni khawp mai, sum tel lo hian mihring a nun theih loh ti ila kan tisual lovang, neih chu tu duhdan vek pawh a ni anga mahse neih phak ang chin zel a lungawi thiam tluk hi a awm lem lo awm e.
Chumi piahlamah chuan kan um nasat luat avanga diklo taka a luh thung erawh chuan reilote chhung chu kan that phah maithei e. A nghawng tur thung erawh chu, kan thenawm khawvengah leh ram in a chhiat phah thung anga, chumi chuan mi a rawn nghawng hun a neilo thei thin lo an ti mithiamte’n. Ram a chhiat phak tawh chuan a nei a te pawhin an tuar lo thei thin lo a ni awm e. Sum kan um nasat luatah leh duham luatah hian mahni leh mahni kan in ti chhe vek palh ang tih chu thil hlauhawm tak ni……..khawvel dang kan hmuh theih rual hian eng chin nge ka chhungkua/ka ram in a phak chin tih hi hriatthiam chu tha khawp mai………..
Kan kawngchhia te, ei leh bara kan intodelh loh na te, power kan la neih lohna chhan te adt adt leh mirethei te tan pawh a thil tlawm/awlsam zawk a kan hmuh theihna tur ang chi ho awm ta lova hi heng kan sawi vang te hi a ni thei mai a ngem tih hi chu ngaihtuah tham tak ani…………
Report this comment
October 18th, 2012 at 1:43 pm
Tha khop mai he article chu. Sum buai in anih hi tunlai kan India ram pawh hi an lo buai ni. a crore crore in, an mutui hlom chu ka ringlo.
Report this comment
October 18th, 2012 at 2:01 pm
Thuziak hlu tak a ni. Rev. Zosangliana khian a sawi thiam khi le..
Sum chungchang sawi hi chu, insum hram hram ka duh, ka tlabal em mai..
Report this comment
October 18th, 2012 at 3:57 pm
“Money is the best Servant, but the worst master” tih hi ka vawng ve hlur mai. Rev.Zosangliana chu a sawi tha khawp mai. Ani leh Rev.Zuata te hi an chhuanawm viau mai.
Report this comment
October 18th, 2012 at 4:34 pm
Rin ai hmain ka post a lo chhuah chu le.. Sum bawiha tang lo tawkin duh huna hman khawp chu nei ila tawk teuh teuh viau ang..
Report this comment
October 19th, 2012 at 7:57 am
ti tha khawp mai
Report this comment