Hmânni chu nula pakhatin “Min bazar-pui lawk la” a ti teh tlat a. Kei, vâl zawnga luck-na dawidim phul ve loh, ‘Bei nge sei rûn dung’ tia miten hlawhtlinna an hmuh thin laia la tlawngâwl ta fo chuan, ‘a ni tak alawm le’ tiin tha tho zet, mahse inthup tak siin ka bazar-pui ve ngei alawm. A rei deuh deuha a ninawm tulh tulh…!
Hmeichhia leh mipa hi danglamna tam tak kan awm a, mipa ‘ti kher kher’ tawh laklawh lah hi an khirhkhiap êm êm a. A chuti lo lam lah chuti hlauh chu. Hmeichhia hi chu ‘neuh neuh’ an ngah hrim hrim a, an neuh neuh reng mai ni. Tin, ngaihdân han siam fel ve maina âwmah pawh an kawi an kawi a, a tâwpah a tîra an ngaihdân tho kha an thu ruang zalhna a ni leh tho thin.
Lei tum nei sa, a thil lei duhna dâwr hming nên lama hre sa thlapin kan kal a. Dâwr lian takah chuan kan lût ta a, a thil duh chu luh tan tirh veilamah chuan a hmu nghâl a, “Hei hi alâwm” tiin a kâwk va a. A en anga a lei mai dâwn emaw ka tih laiin “En kual lawk ang” a ti teh tlat a, dâwr chhûng zawng zawng chu kan fang kual tan ta a le! A en kual dun dun a, a lei dâwn emaw ka tih tawh hnu-ah a dah a, a dang a en leh a. Chuti ang rêng rêng chuan a hnungah thuawihna fahrin duhawm tak chuan ka zui dat dat reng mai a ni.
Chu dâwrah tho chuan mipa pahnih hian hmeichhia an lo kalpui ve ve a. An pahnih chuan an hmeichhe kalpuite ve ve thil lei tùr – kawr, pheikhawk, T-shirt, adt. – an pawmsak tûn a. An dawhtheihna leh ngilneihna kha fak tlâkin an lantîr a ni. ‘Anni ai zawngin ka chan a tha hret e’ ti rilru chungin ka nui suk a! A awmzia takah chuan ‘trolley nunna nei’ kan ni mah zâwk âwm e!
Chutia kan kual kan kual hnu chuan, kawngka lam hnaihah kan phei leh a, a lei duh tak chu a lâktîr a; rawng chi hrang hrang a tam si, duh thlan tûrah a buai leh tan ta! “Khawi hi nge nalh ang?” tiin min han râwn leh rih thin. Mahse, hemi thu-ah hi chuan ka inzir fing tawh a, nalh ka tih zâwng pawh sawi chuang lovin “A nalh vek mai, i inhmeh vek ang, nangma thutlûkna kha a pawimawh ber” ka’n ti zaih mai a(h)! Hmeichhia-in heti ang huna min râwn rêng rêngin kan duhdân sawi miah loh tùr; a chhan chu, anmahni thil tùrah na nâ nâ chuan kan duhdân aiin an duhdân an dah lal ngei ngei thin. An mita mawi ber kha lei se buaina kan pumpelh a ni mai!
‘Chuan, rei fê a inngaihtuah hnu-ah kan luh tirha a mit la ber chu a lei ta nge nge a. Kan hun khawhral uiawmzia te kha, mahse, sawi lan chi a ni si lo. An duh tak an lei tawh hi chuan an kâ pawh zen ila min seh nachâng rêng an hre lo. “A tha ber, a mawi ber, i inhmeh lutuk tlat” han tihpui luam ila, restaurant changkâng takah eitùr tuihnai tak tak ei tùra kal nghâl a ni mai!
Similar Posts:
- Mipa leh Hmeichhia-II
- Tunlai Mizo Mipa leh Hmeichhe Dinhmun Hi
- Sam ve thung hi le..
- Pizawn leh Puzawn Koh Dan : Ka Nu/Ka Pa or Ka Pi/Ka Pu?
- Mipa leh Hmeichhia
A va thil phal ve 
October 18th, 2012 at 3:03 pm
Bazar ila…
October 18th, 2012 at 3:55 pm
Delhi Sarojini tluk a ka nin hi ka hrelo.
October 18th, 2012 at 3:55 pm
ania sin.. chhuanlam siam hram ka tum thin kei chu a ninawm zia ka hria lawm
October 18th, 2012 at 4:01 pm
In lo ning ru ve viau thin a ni maw? Kei chauh ka lo ni lo a, ka thaw huai mai.
October 18th, 2012 at 4:04 pm
Nula bazaar-pui ka nei lo chu ka vannei zawk a ni maw?! Ka lo chak ve em em a…
Kum 2008 khan, Sarojini market-ah (New Delhi) ka thianpa pakhatin a bialnu kawr tur lei a duh a. Kan zui kan zui a, ngaihdan a siam thiam si lo. Kan vanneih a siamin; ‘Mahming dawrah va lut la, i duh ber va lei tawp rawh‘ min ti ngawt a, ka phur zawng tak a ni si. A rang a rangin ka tlan lut a. Ka duh ber ka va leisak hmak..
Kan haw hnuin kan thiante (nula) kan hmuh a, en pawh en tha vak lovin, a nalh khawp mai tiin min nuih ringawt..
October 18th, 2012 at 4:09 pm
@ Alejendro – Delhi Sarojini Market tluka bazar nuam hi ka hrelo ve thung..
@ Awmtea Khiangte – Mipa zawng zawng in inan na pakhat niin ka hria.
Nuam chiang…in (mipa ho) ning hmêl hi hmuhnawm ve lawm…hihihi!!!
October 18th, 2012 at 4:11 pm
@ redandgreen, bazaar pui ringawt hi chu ka pawi tilo an lawmna te a nih chuan. Mahse ka nin tak ber a chu, “A nalh em?” ti a min zawt ve sek hi a ni. Chutah, “I duh duh va en rawh, hetah hian ka lo thu ang” tih lahin an duh ngai bawk silo. Ka kham, ka hne. In hauhna a ni mai.
October 18th, 2012 at 4:26 pm
Kum 16 inneih hnuah pawh hian, “Ninawm, hmanhmawh over thei leh lutuk” tih khum hi kan la hlawh reng mai chu a nih hi. An nuam tih zawng ani miau a, Hmeichhe nuam tihzawng ngaihtheih leh dawhtheih hi Nupa nun hlawhtlinna thuruk chu ani bawk si.
October 18th, 2012 at 4:29 pm
dik khawp mai, ninawm tak a ni ringawt. Hmanni-ah dawr bungraw la hlawh neiin ka bazar pui-a, nikhata 500 hlawh pawn ka sim!!! min dawn hniam tir vaka, an ngamna ang chiah pawn phal se an lei duh leh lo thul.Vaiho kan chhaih kawlh a ni ber alawm le,..
October 18th, 2012 at 4:40 pm
Kan lo ning ru tlang hlawm chu ni phawt mai maw.. Kawng leh lamah chuan tiang khawpa thil an chik peih leh an en kual peih hi an fakawm
..
October 18th, 2012 at 4:45 pm
In luck hlawm em mai, a nuam lo.. A dik leh dik loh hriat nan, naktuk tlai atangin nula bazaar-pui tur hrim hrim ka’n zawng ve te’ng…
Tum loh deuhin, Aizawl bazaar atangin ka thiannu teddy bear lei nilengin ka kensak tawh. Kan inzui nileng leh si lo va, tlangvala-pumpa’n teddy bear ken then nawlh nawlh takah chuan, min en duh phian..
October 18th, 2012 at 5:16 pm
Inpuang zel ta ila, vawiin pawh darkar 1 dawn chu nula bag bajar-ah ka’n ahsak leh tak kha..
October 18th, 2012 at 5:19 pm
@ Awmtea… Inthlahrung reng reng suh, kan tihphak ve ngai loh a nih chu i tih ni.. Chhungkaw tangrual i din thuai dawn e…
October 18th, 2012 at 5:19 pm
Mipa bazar pui loh hram ka duh thin. Sawi lo mahse an ning tih hrereng chung a hruai kual a in thlahrun awm..an fel poh leh in thlahrun a na.. Tlem a ném deuh hi hruai an nuam
October 18th, 2012 at 5:27 pm
Mipa ai hian hmeichhiate hian chance siam leh chhuanlam siam hi an thiam zawk a. An duh takte nena bazara a rei thei ang ber engthawl taka han tei kual dan te hi an thiam riau a. An duh loh zawng leh nin zawng innih chuan, short cut dan pawh an thiam lutuk tho. Chuvangin tul vak lova, an tih kual an tih kual chuan, an ning lo hle che u tihna a ni mai. Kha daih kha a sin. “You look wonderful with that…” tih mai mai te hi, i ka atanga dawn kha an bei sei thin a, an hak chhin lawr duat duat thin ni…:-)
October 18th, 2012 at 5:37 pm
A hmeichhia azir a ni mai
October 18th, 2012 at 5:44 pm
Hairehai
October 18th, 2012 at 5:45 pm
Awmte, Pu PK comment khi chhiar chiang rawh. Darkar khat zet a bag i ah sak chuan, chance a va tha emmm..
Mizoram hawna chance a sang sawt e, che vat teh.. 
October 18th, 2012 at 5:54 pm
Pu PK comment chu Hallelui pek tuar tuar tham a nih hi le
A nih chuan a lo chuti daih a ni maw hahaha
October 18th, 2012 at 6:10 pm
hahaha. Khati lam daih kha asin. Phulo ni a in inhriat, chhungkaw changkang leh zahawm tak, a rim pawh in rim that ngam loh nen khan bazar dunna hun remchang han nei chiah u la, in hmanhmawh khuruai lo vang.hehe. Joshua anga ni pawhdin theih in duh mai tur a nia.
October 18th, 2012 at 6:18 pm
Pu PK, a dik lutuk tlat. Chuti zawng chuan ka lo ngaihtuah ngai miah lo. A nih chuan thil ninawm lutuk pawh a nih dawn loh chu! Chutiang chu em ni HMANGAIHNA an tih chu?
October 18th, 2012 at 6:45 pm
chuti chu bazar pui chak deuh ka nei
October 18th, 2012 at 7:29 pm
A va Guru ve Pu Pka chu
October 18th, 2012 at 7:41 pm
Kher kher, tlangvalho khan, tul lo tawpah, nulaho in indem siak leh ringawt dawn khan ka hria a, in leng rei hlawm lutuk palh ang tih ka han hlauh pui deuh che u maw le. “Hmeichhe finin tuikhur ral a kai lo” tih te hi chu, tih mai mai maw le. An duhnaa an thluak an vawrh thiam zia te, an ngam huai zia te hi mak deuh a nia.
October 18th, 2012 at 8:38 pm
Mipa bazar pui hi ka peih lo bawn tawp, an bazar thiam si lo, an hmanhmawh thei si, an ning hma si
October 18th, 2012 at 9:27 pm
Jacka Pi, bajar ila
October 19th, 2012 at 8:51 pm
Kan nu (ka nupui) bazar pui te hi a ninawm ka ti thei khawp mai!! Pa tamtak pawh in ni ve tho ang!
Readers Digest a ka chhiar Humor pakhat ah: Pa 2 hi an thi a, heavenly gate ah an chungthu St. Paul-an a lo rela, pakhat zawk chu “I sual em mai, meidil ah kal rawh” a ti a, a dang pakhat zawk chu “nang hi I sual zawk a nih hi!! Ka hremna tur chu….dam chhuak/nung leh la, khawvel ah awm leh la, I nupui bazar-na apiangin zui zel ang che” a ti a…