Aizawl leh District khawpui vêng tinin ‘information mike’ hi an nei ṭheuhin a rinawm a. Thingtlâng lamah erawh an nei ve vek kher lo maithei. Khawtlâng tâna hriat tùr pawimawh (thihna, gas, ration, khawtlâng hnatlâng, adt.) puan a ni ṭhinin hmanraw ṭangkai tak pawh a ni ngei e. Amaherawhchu, tùnlai hian kohhran hnatlâng, inkhel en tùra sawmna leh thil ṭùl lêm lo vêng ṭhenkhatin puan an ching ta riau mai. Thenkhat phei chuan thu ngai hi vawi thum te zuk puang ṭhin a. Inrinni phei chuan Aizawl leh khawpui dang hi a ri chuah chuah ṭhin nia! Tin, zîng kârah hian thil puan a tam a, bengchheng a tlingin ka hria. Tin, kohhran ṭhalaiin Bible chhiar chhuah programme an buatsaih a, loud speaker pâwna an dah kher hi a ṭùlna ka hre lo. A farisai êm mai. A chunga thâwm kan sawi zawng zawng khi ‘noise pollution’ dik takah ka ngai.
Tùna Aizawl SP ni lai mêk sawi dân chuan US-a training an neih laiin khawtlâng hriattùr pawimawh hi mike-ah an puang ve ngai lo. A mawhphurtuten telephone-in an hrilh darh mai ṭhin a, mipuiin an tihtùr dik tak an hriain an ti chat chat ṭhin a ti. Mizoramah ve thung chuan a mawhphurtu (VC, LC, YMA, kohhran)-ten kan au ûl ûl a, kan au tam ang hu-in a zâwmtu lam erawh kan ṭhahnem lutuk lêm si lo. Mahni hamṭhatna tùrah erawh kan ṭuan a ṭha hle thung si a ni lo’m ni?
Similar Posts:
- Pawngsual (RAPE) rate atangin, “MLTP hian kan khawtlâng hi hmeichhia leh naupang tân a ti him” tih chi a la ni em?
- HRW Report chungchang hi CYMA leh hruaitu te hnenah a thlen theih ang em?
- MIZORAM CHU AIZAWL (Aizawl Khawpui zauh a tul kher em?)
- Church Denomination leh Mizo Kristiante
- Tuifinriat thar a awm dawn!
.. Ka...
November 14th, 2012 at 1:27 pm
An au ring thei khawp mai
Report this comment
November 14th, 2012 at 1:31 pm
Nia vai ram ah pawh Mosolman ho hi zing dar nga ah an tawngtai thin a, an mosque bul a awm chuan a ninawm thei khawp mai. Hindu ho chuan zing dar 6 tang zai an tiri a, an festival ah chuan, nileng in. A bengchheng khawp. Mahse zan dar 10 vel ah chuan a reh vek thin. Bible chhiar pawh nileng zankhua a ngaihthlak chu ninawm lam ah a kal thei.
Report this comment
November 14th, 2012 at 1:35 pm
E he, Lalhnam chungchang post a chhuak dawn emaw ka tia! Ka lang zawn tlat mai, a inthlahrunawm ngei mai a
Report this comment
November 14th, 2012 at 2:52 pm
O ho…
Report this comment
November 14th, 2012 at 3:07 pm
inthlan dawna public meeting a mike a thu an sawi vak vak hi a ninawm duh khawpmai. Tunah pawh an uar leh tan tawh lo maw.
Report this comment
November 14th, 2012 at 4:56 pm
kohhran ṭhalaiin Bible chhiar chhuah programme an buatsaih a, loud speaker pâwna an dah kher hi a ṭùlna ka hre lo. A farisai êm mai. ‘noise pollution’ ani chiang khawp mai. Vantlang tan a pawimawh tak (ie., gas a lo thleng e etc.) puan na’n a hman hi chu kei leh ka chhungte tan khan alo pawimawh thin khawp mai tih ka hria. Tunah hian a pawimawh dawn ta lo tihna a nihna erawh ka hre lo. Kan naupan lai a, curfew a nih dawn a, siren ri riai ruai te nen, khan ka mitthla kir vawng vawng. Curfew hun tur puan na’n an hmang thin anih kha!
Report this comment
November 14th, 2012 at 6:48 pm
Ni e….i sawi dik khawp mai.
Mike hi kan lawm deuh a ni…kan chelek mah mah. Mizoram kan lo haw lai khan..zing lam hi chu a mut theih meuh loh. Min kaitho hma mah mah thin. (Kan Polite lo deuh chu a ni)… 
Report this comment
November 14th, 2012 at 8:13 pm
Rikrum/Emergency thilah chuan hetianga han inauh khawm theih mai hi a ṭangkai khawp mai. Mahse Mizoram, a bikin Aizawlah hi chuan kan uar lutuk a, thil ho te te puan nan an hmang fo mai a, ninawm tak a ni. Ka hriat ve china mak ka tih deuh chu Venghlui (Aizawl) YMA Section pakhat committee kohna mike-ah an puang a, an au an au mai kha a ni.
Report this comment
November 14th, 2012 at 8:33 pm
Ka support e he post hi. Mi damlo te, mu rei te, lehkhazir te, mutheilo te dinhmun ngaihtuah lek lovin hnatlan tur, thlanlaih tur, ration chini leh buhfai, sports, gas chungchang, puan neuh neuh hi a tam.
Report this comment
November 14th, 2012 at 11:53 pm
Report this comment
November 14th, 2012 at 11:56 pm
Lamji #10 curfew puan tur awm tawh bawk silo tiraw?
Report this comment
November 15th, 2012 at 12:09 am
Kan veng thenawm ep chiaha veng pakhat hian an han puang kimchang thei khawp mai a “Information mike atangin Local council hriattirna, BPL leh AAY buhfai a lo thleng a, tukin dar 9 atanga sem tan tur a ni a, naktuk tlai thleng a lak theih ang, chumi hnu chuan a lak theih tawh loh ang. Mahni ration card ngeia lak tur a ni a, midang card hman phal a ni lo. Card khatah kg. chuti zat, cheng chuti zat a ni ang. Tin, MUP hriattirna kan han puang nghal ang e… Tin, chumi khami tournament-ah kan veng leh chumi veng an inkhel dawn a, mi zawng2 en turin kan sawm che u a, a en duh chu zing dar 8 ah kawn atangin bus a awm dawn a. a kal theih ang…” an ti duah a, ring takin vawi 3 ngei2, a chang chuan vawi 4 te area khatah an han au mai chuh! Ning tak ka ni. Thu dik a ni a, a veng erawh ka sawi lo mai ang
Report this comment
November 15th, 2012 at 12:45 pm
Awmtea Khiangte sawi khi kan veng ni awm tak ani
..keipawh ka vei ve fu mai..achang chuan Kohhran mal hnatlang leh thil pawimawh puan chang an la nei zui, Kohhran dang thenkhat an awm ve nual awm sia ka lo tia, ka lo inthlahrung thei khawp mai a 
Englekhawle puantur nei ngah veng chu veng hmasawnah ngai phawt mai teh ang 
Report this comment
November 15th, 2012 at 12:55 pm
Heng mike-a thupuangtu thenkhat hi chuan anmahni aw hi ngaihthlak nuam an ti ve em a ni e!!
Report this comment
November 15th, 2012 at 1:36 pm
In ti duh e. Kan khaw tlangau chu thahnem a ngai thei lutuk a, “Lo ngaithla uluk hle rawh u, ka hre lo te kha in ti leh ange” a ti hmasa kher thin.
Nia, lutuk a tel tawh hi chuan a dik hleithei tawh thin lo a ni.
Report this comment
November 15th, 2012 at 2:40 pm
Mizo te hian thil hi kan uar mah mah thin a nih hmel…
Kan sawi fo thin, zu lah kan buaipui ber a, kan khap a a reh der si lo.. 
Khawtlang tana hriattur pawimawh puan hi a sual lo, mahse kan uar mah mah a ni. In sawi tawh angin, kohhran zaipawl hla zir tur vel an puang fo mai phei hi chu, a tul lo khawp mai.. 
High sikul kan kallai khan, kan inluah chungah information mike an dah si a. Zing dar khat vela, “Rahsiveng mipuite hriattur kan han puang ang e. Tun maiah khan Pi/Pu/Nl?Tv…. chuan chatuan ram a lo pan ta a…” an han ti thin mai kha chu(h), mutthilh leh a har tawh thin khawp mai..
Report this comment
November 15th, 2012 at 3:44 pm
#12 Awmtea sawi khi ka hre reng
Gas a lo thleng dawn a, eng number in nge la thei kan la puang leh ang, tih thlengin.
Report this comment
November 15th, 2012 at 3:51 pm
Mic: Short for Microphone
Mike: Short for Michael
Comprende?
Report this comment
November 15th, 2012 at 5:43 pm
@Spider Man, in veng hming han sawi dawt kha ka hreh deuh a
Pi Aduhi pawn a lo hria a nih hi
@Alejendro, a ni reng tak a…
Report this comment