Khawvela President hausa ber

November 15th, 2012 7:35 pm by James Bond

Jose Mujica: The world’s ‘poorest’ president … hei hi BBC report ah ka hmu a, hmanni Zonet Fakselna ah “USA ah politicante chu an lal rei tial tial a, an cher tial tial a, Mizoram ah chuan an thau tial tial”, tih leh a hma lawka “Ram dangah chuan pawisa hmangin kawng an siam a, kan ramah chuan kawng hmangin pawisa an siam”, tia thiam taka kan ram nawm bik zia an sawi min ti hrechhuak uar uar mai. Uruguay ram President His Excellency Mr. Jose Mujica hian a thlakhat hlawh $12,000 atanga 90 vel lai charity atan a sem ral a, thla khata a kuta hman ral chu Uruguay rama thla khat chhung per capita share of GDP (per capita income, tih hi a dik lo nasa mai ania, khawi ramah mah GDP inzat thlapin an sem ral lo) $775 aia tam deuh awrh chauh ani. 2010 khan a asset a declare chu $1800 chiah, ama ta ve Vokswagen Beetle, 1987 model man.
A hlawh ah a lungawi hle aniang, sawma pakua lawih midang tanpui nana a hmang. Hetiang hi kan ramah an awm ve nual ka ring, Kristian tamna ram ani si a.

11 Responses to “Khawvela President hausa ber”

1
VaiVa Says:
November 15th, 2012 at 7:48 pm
Sawm a pakhat pek a har nen maw!!!!!

Report this comment
2
James Bond Says:
November 15th, 2012 at 7:55 pm
Jose Mijica hi head of state level pun khawmna ah pawh a thu an ngaithla ngun hle ani awm e. Hetiang mi hian ngaihsan an hlawh duh chawk. Concrete in lian pui pui sak aiin ka ngai hlu zawk.

Report this comment
3
H.Vangchhia Says:
November 15th, 2012 at 8:07 pm
Mizoram hruaitute hi an zahpuiawm ṭhin bik ngawt mai. Mipui lah hian kan hire peih reng mai chu ani si a le!

Report this comment
4
sheldon Says:
November 15th, 2012 at 8:27 pm
A va ngaihsanawm tehlul ve. Vaiva sawi ang khian sawm a pakhat pek pawh a har nen!!!

Report this comment
5
Awmtea Khiangte Says:
November 15th, 2012 at 11:00 pm
A chhuanawm teh e. Kan ram hruaituteah ka hmeh bel mai dawn lo, keimahah hian ka teh teh ang. Ka va tluk lo em! Amah atang hian zir tur tam tak ka nei a ni. Post-tupa, midang chuan lo ti lo pawh ni se, keimahah chuan ngaihtuahna thar min siam a, change a siam ngei ka beisei

Report this comment
6
Lamji Says:
November 15th, 2012 at 11:28 pm
Kan thenawm.. Triipura/Manipur ah khan ti ve deuh kha an awm em kha? Keini zawng zirtirtu hna te,ram hruai hna te,public transportation lam te hi sum siamna pangngai ah kan ngai zo ta si. Hna dang aia inpek a ngaih zia te,a hahthlak a a ropui bik zia te hi hrethiam pha ve ila aw.

Report this comment
7
el-ar Says:
November 16th, 2012 at 12:15 am
Ropui hle mai. Ih, per capita income tih a dik loh dan khi aia sawifiah zawk dan a awm em le?

Report this comment
8
James Bond Says:
November 16th, 2012 at 1:15 am
Per capita share of GDP ka ti kher thin. Chu pawh chu a la accurate lo. A dik tak chuan Total GDP (or GNP) divided equally by number of people (population). Inzat thlapin insem ila chuan Mizoram budget (Rs. 7000 crore) hi nuaih 10 ten, nausen pawh tiam vekin) insem rual ta ila cheng 70,000 theuh kan chang ang. Mahse chuti chuan kan insem rual chiah si lo niawm tak ani.

Report this comment
9
suaka Says:
November 16th, 2012 at 6:12 am
‘Sem sem dam dam, ei bil thi thi ‘ tih te, Mahatma Gandhi sawi thin ‘Simple living and high thinking’ tih te hi a takin hmang in nunpui thei ila chu a tha mawle.
Sunday ah, he lei hi kumhlun tur a ni lo tih kan in zirtir a. Mahse kan awmhmun kan sawh nghet sauh sauh lawi si a. Mihring rilru hi mak ve deuh mai a lo ni.

Report this comment
10
kiddo Says:
November 16th, 2012 at 9:00 am
A va entawn tlak bik em.. Hotu lu ho hian hetiang mi entawn tlak hi an hre lo (hre lo der)leh emaw kha ni ang a..

Report this comment
11
century child Says:
November 16th, 2012 at 10:41 am
Ngaihsanawm khawp mai.

Report this comment