Ram leh hnam tana thawhpui duhtak, ahmasain Ram leh Hnam tana hma i laknaah tluang taka i kal zelna turin; Khuanu malsawmna i chungah lo thleng zel turin ka duhsakna sangber ka hlan a che.
Central Young Mizo Association-in kum 2012-2013 kumpuan atana ‘RAM LEH HNAM HUMHALH’ in thlang hi ka lawmin ka thlawp takzet che u a ni. Kan ram leh hnam chimrala kan awm mek zel hi; chimral hlena kan awmlohna tura hmalak hi a pawimawhin khua a la tlailo a ni.
He Central YMA kumpuan “RAM LEH HNAM HUMHALH” chungchangah hian Mizorama mizo hnahthlak ten Mizoram khua leh tui nihna diktak, chanvo neia chimrala kan awm lohna tura Mizo hnathlak diktak chauh Electoral Roll-a thun hi duhthusam chu a ni. Nimahsela, a harsa tawh si a nih hi. Chutihrual chuan, kum 1950 hma lama hnamdang Mizorama lo inbengbel (hnamdang,foreigner ie, Nepali, vai etc.) te chu telh theiha; kum 1950 hnu lama hnamdang(foreigner, ie, Nepali, vai etc.) rawn pem lutte chu Electoral Roll-a lo awm tawh pawh ni sela, object theih turin resolution pass niin ka lo hriaa. Hemi chungchangah hian in hmalak tumdan hi ka lawmin ka thlawp takzet che u a ni.
Amaherawh chu Central YMA lam chuan nasa takin bei mah ula, in Branch hrang hrang te hmalak dan hi in hmuhpui si lova. Heng hnamdang mite hi, Mizorama lo awm tlangnel tawh leh khawtlang, kohhranah leh pawl hrang hrangah pawh nihna chelhin; a kul-ataia lo inhmanga tangkai em em leh tlawmngai em em te an ni hlawma. Heti anga an inhman em emna chhan hi chu, kan ram Mizoram khua leh tui nihna neih theih nana kan thinlung hneh an tum vang a ni a; an hnam rilru tak tak an paih chuang lo ani. Veng thenkhatah chuan thenawmte(Mizo) nena hun engemaw chen lo inthenawma, inpawh em ema lo khawsa ho leh lo innela lo inthlahlel ngawih ngawih te, chawhmeh leh eiturah te pawh lo insuaha lo inhmui thin te pawh an ni hlawm ngei ang. Heti ang avangte hian khaw thenkhat(Branch) hruaitute chuan OBJECT hrehna chen neiin Object ngamlo hial te pawh an awm ngei a rinawm a ni. Mi thenkhat(Mizo zingah) chuan “…a…object kher an ngai hlei nem, an mahni pawh an inti mizo em em a, heng kan Tlawmngaihna thuah te pawh hian Mizo tamtak aiin a tlawmngai leh phusa em em te an ni a, chubakah KRISTIAN an ni tho bawk sia object kher a ngai hlei nem” tiin ngaihdan te pawh an nei ngei ang. Heti ang avangte hian Kumpuan hian a hlawhtlinna tur kawng a zawh theilo dawn niin ka hria a, in branch tinte hmalakna hi enzui thei vek ula a tha khawp ang.
Heti anga kan rama hnamdang khawsate hi an inti Mizoin; Mizo rilru an pu tho alawm tia, kan ram khua leh tui nihna pek ngawt hian Mizo an nih phah chuang lova, hnam ‘chimral’ tur kan nihna lamtluang kan zawh zawk a ni. He thu hi uluk takin lo ngaihtuah la, ram leh hnam humhalh duhna tak tak rilru pu i nih chuan Branch tinte hmalak dan pawh hi i enzui ve ngei ka ring a ni. Kei pawhin hemi thilah hian thil fello a awm leh awmloh ka lo thlithlai ve reng ang e.
A tawp berah chuan hei hi uluk takin lo ngaihtuah la ka duh a ni: “Kristian-na hian kan ram leh hnam humhalhna kawngah hian kawng dalna chin a nei em?” tih hi.
Ram leh hnam tana i thawhpui:
Lalrinzova Khawlhring.
Similar Posts:
- Bawhzui zel rawh se
- Kum 2013 atan YMA kumpuan ‘Ram leh Hnam humhalh’
- Hnamdang ka neih chuan ka hnam ka phatsan
- Pipu sulhnu i humhalh ang u
- Mizo-na hi eng ber nge?
hahaha….
December 3rd, 2012 at 5:14 pm
chh1ar 1la
Report this comment
December 3rd, 2012 at 5:45 pm
Ka chhiar a, ka bengvar sawt. Ngaihtuah chian tlak tak a niin ka hria kei misual hian.
Ti ta daih i la, zanin hian Daduhi te chhungkua hian eng chawhmeh nge an hmeh ang le…?
Report this comment
December 3rd, 2012 at 6:14 pm
CYMA hmalakna (KRISTIAN nun dan tha ngaihsan) motto a neite hmalakna i tlawp hi a lawmawm khawp e,,,,,I OPEN LEETER hi he lai mai nilo – face book gr hrang2 a post na awmah te i post ngei ka beisei in chanchinbu lamah te pawh chhuah ngei chi ani e…nge ka lo chhuah sak zawk dawn che..thil siamtha tur chuan pawn atang nilovin a chhungah ngei luhchilh a gnai thin a nia….KRISTIAN na pawh hi diklova i hriat chuan a chhungah luh chilh la, zir chiang la …hringnun kawn gdik hre turin i tette a tangin sakhuanna ( tuna i vawn zui tak zel hian) a kai hruai che a ni ngei ang……kanu leh pa , naute zawng hi i sakhaw hnung zuitu tun thlengin an la ni…a luh chhan erawh nang ai chuan ka hre chiang ang bawkin…chutah chuan damna tak tak a awm em tih pawh ka hre ve bawk e…Sakhuana hi chuan mihring hi a ti a thei kahwp a nia…kei chuan i thlarau BORAL tur kha ka lainat tak zet……ni e ka demlona 1 che chu kan mother churches in mizoram te hian kawng tam takah tih fuhloh an nei tih ka chiang….chhuahsan a sakhaw dang vuan tur em erawh chuan tlanchhiatna tur dang a awm chuang lo…a chhungah hian RINGTU dik tak a la nih theih tlat a vangin…sawi duah lo teh ang…..Ipost that viau rualin rilru te reuh te neih a sakhuanna (KRISTIAN na i rawn kheng zauh erawh i INIHNA i hai lang det….
Report this comment
December 3rd, 2012 at 6:20 pm
Hnam Sakhua/Lalhnam leh Athiest ho hi in combi an tum vel topzz..
Report this comment
December 3rd, 2012 at 7:28 pm
Assam rama AGP angin illegal immigrant an tawng ngam dawn lo reng reng.
Chu mai pawh ani lo. YMA General Conference apiangin sorkar sum tam tawk an hman vangin sorkar policy an kalh ngam lo va, hei vang hian ania corruption an sawi chhin eih ngam loh chhan.
State sorkar aia immigration chungchanga kal thui chu sawi ngam chi anni lo. VHP emaw Shiv Sena anga ethnic based conflict an zuam anih ngawt loh chuan.
Report this comment
December 3rd, 2012 at 8:59 pm
YMA branch pakhat an venga illegals ho role a thun dilpui zawk tlat ka sawi dawn maw ni le
Report this comment
December 3rd, 2012 at 9:28 pm
“Kristian-na hian kan ram leh hnam humhalhna kawngah hian kawng dalna chin a nei em?”
Chhanna:“Kristian-na hian kan ram leh hnam humhalhna kawngah hian kawng dalna chin a nei lo, min humhim tha em em zawk a ni. Mizoramah hian Kristianna a hun takah lo lut lo na sela chuan, Tripuri ho ang khuan Bengali leh Chakma hovin min chimral daih tawh ang.
Tin, Khawvel Human Rights Watch dog ho leh Central sawrkar laka kan hming chhe tur leh a taka kan che tur hi kan Kristianna hian min dang hram hram a ni. A takin che buan buan thin ila chuan, Central Sawrkar hian CSDC ang te hi U.T. a pek phah daih zawk thei ang.
Report this comment
December 3rd, 2012 at 11:09 pm
# 3 nupuiipa # nie facebook group thenkhatah chuan ka post tawh bawk tho a. I duh chuan i lo chhuah chhawng thei ang; chanchinbu lamah pawh.
Report this comment
December 3rd, 2012 at 11:15 pm
Pu PKfanai, Kristian-nain min humhim i ti ringawt a; min humhim dan chu min han hrilh teh, ka bengvar lo teh mai a nia…
Report this comment
December 4th, 2012 at 8:30 am
Mut tawh hnuah zawhna alo awm ani maw. 1. Tawng: Hnam anga survive tur chuan tawng a pawimawh ber a tih theih awm e. Kan la mawl lai, nuai khat pawh kan la tlin hma khan, Bengali tawngin min chim ral theihna chance a sang lutuk. A,Aw,B, min siam sak a, bible leh hla bu min siam sak a, kan chhiar tur an theih ang angin thuziak an lo buatsaih a, mizo tawng chu a lo survive ta a ni, kan ti thei ang. 2. Chutia tawng khat hmanga keimahni tawng ngei hmanga awm a, lehkha thiam te an lo chhuah takah chuan, Y L A te dinin, Mizo Union Political Party te din alo ni chho a, Autonomous District Council te kan lo nei chho a, chuta tangin UT ah, State ah. Hindi aia English second language a min lo hmantir ringawt pawh hi, assimilation lak atanga min veng himtu tha tak a ni. 3. Sap kristian hovin, hnam tlem leh chimral tham lek kan ni tih an hria a, inner line permit an lo siam te hi min venghim tu ava ni tak em. 4. Kan depa awm, Hindu, Islam leh Buddhist te Religious assimilation lak atangin min veng him. A dang pawh sawi tur ala awm teuh mai.
Report this comment
December 5th, 2012 at 5:26 am
Kan pi leh pute hun lai khan hnam dang chimral an hlauh pawh ka va hre lo em, an ram leh hnam humhim tum khan nasa tawkin an bei a ni tih chu ka hria. Sapho khan kan ram kha thingpui huan atan an rawn vat a,kan hnam Pasaltha ten an zuk um darh darh thin a nih kha, an ram leh hnam an humhalh avangin thingpui huan enkawltu Sap pakhat an that a, a fanu an man bawk a, Chu mi avanga chuan british chuan mizoram chu rawn beiin tharum hmangin an rawn hneh ta a, chuta tang chuan kan zoram chuan tun hi kan thleng ta a nih hi. Sakhuana an rawn ken luh avangin Kan zoram chu kan buaizo ta a nih hi. Lehkhabu pakhat ring siin kohhran tam tak a lo chhuak a,thenawmpa leh thenawmpa pawh chu lehkhabu pakhat avang chuan thinrim takin kan lo inhnial phah ta a nih hi. Kohhran dangin kohhran dang kan nuihsawh a, kan innuihsawh kual vel ta mai mai a nih hi maw!Kan pi leh pute hunlai khan an ram chin chu an hriain kan ram pawh a zau a nih kha maw le. Tunah chuan a im tak em hi. tin, religious assimilation lak atangin min veng him i ti maw, min ven him loh zia chu a chiang mai lawm mi? mahni hnam sakhua bo thak khawpin min chim ral tep chu anih hi maw, Kristiann hian.
Report this comment