A tir in Pathian in lei leh van a siam a.Mi zawng zawng Pa ni turin Pathian in Adam-a a siam bawk.Bible thiamte chhut dan in Adam apian hun hi BC 4004 vel a ni awm e. Pathian in Adam a kawppui turin Evi a siam leh a. Anni pahnih hian tu leh fa tam tak nei in khawvel hi an luah a ni. Khatia nuamsa taka khawvel an luah lai in Noa hunah hian mihring te sualin Pathian an hawisan avangin Pathian in tuilet a thlen tir ta a. No ate chhungkua chauh mi fel an awm avangin rannung kawpkim nen chhanchhuah an nit a. Noa hian fapa pathum Shem, Ham leh Japheth a nei a ni. Anthropolist ho chhui dan ah chuan Shem a thlahte chu Asia mi niin an vung rawng pawh a eng(yellow) bik a ni. Ham-a thlahte chu Africa mi ni in an vunrawng a dum(black) bik a ni. Japheth a thlahte chu Europe mi niin a vun a var(white) thung.
Shema thlahte chu Asia continent; Tibet, Mongolia leh China ah an awm hmasa a.Kan pi leh pute thawnthu ah chuan China ah hian Khul Puk(cave) a awm a. Chuta tang chuan mihringte an lo chhuak a ni awm e. Tihian hla in an lo phuah nghe nghe a ni:
[a] “Eiteng khawlkhawm a tuam omlo,
Vannuai cipeuh Khul a piang,
Tuunsung khat pan piang hi ngeingei e.
[b] Tuunsung khat pan piang hi ngeingei ,
Sanggam suahpih laigui zawngkhawm hi ngeingei e”.
Translation:
[a] Mihrang kan awm nem maw
Vanhnuai tupawh Khul a piang
Chuun khat hrin kan lo ni e.
[b] Chun khat hrin kan lo ni e
Chhul khat kual kan ni e
China ramah Zo lalram (Yo Dynasty) kum BC 1027 – 256 bawr vel ah a ding a. Hmanlai ka pi leh pute China ramah an lo cheng tawh a ni awm e. Chung hun laia Lal ten chhiah (tax) an lak tam theih em avangin mipui an lungawi lo nasa a. Bakah Great Wall of China sakna ah nasa taka hnathawk si in hlawh an hmuh that loh avangin kan pi leh put e Kawlram(Burma) ah an lut ta a ni.Kum 80-1474 AD lai vel khan Shanho lalna Pong Dynasty hi a awm a. China, Vietnam leh Kawlram thenkhat a huam a ni. An Lalte chuan Thailand atangin an awp daih thung. Pong Kingdom ah hian State 10 leh district 9 a awm a. Chung zinga state 9 na kha Zo Province tih ani. Zo Province ah hian district 4 a awm leh a chungte chu Khangsei, Kathe Meitei, Kalay leh Khampat te an ni. Khampat phei chu khawthlang lama Centre deuh ber a ni nghe nghe.
Kan pi leh pute Kawlram chhung Tintwe, Hanlin, Pagan Popa etc. a an chen kual hnu ah Chindwin vel ah an khawsa leh a. Kalaywa a an khawsak lai an mahni aia tamzawk ral an hnehloh avangin hmun hnihah an inthen phah ta a ni. A then Salengyi, Aunglan, Thayet, Minbu, Mague, Taungdwingyi, Myindung, Ngaphe, Pinmana, Pyi, Delta, Sitohtara, Kyaukpyu leh Rakhine ram thlengin an tlandarh a. Heng kan unaute hian anmahni in tawng leh lehkha te nei hrang ve bawk mahse, tunah chuan Kawltawng an hmang nasa zawk tawh a ni. A then vet hung chu Kalemyo lamah tlanchho in Kalemyo ah hian khua an din a. Mahse hmelma in an tih buai leh avangin tuna Chin State kan tihah an luh phah ta a ni.
Kan pi leh pute Chin state an luh hnu a khaw pawimawh hmasa ber chu Ciimnuai hi a ni. He khua atangin Geeltui khua te din belh leh in hmun hrang hrang ah an inthendarh ta a. Chuan inkohna chi hrang hrang Zo, Sihzang, Saizang etc. pawh an awmhmun a zir in a lo pian phah ta a ni. A then phei chu thlangtla zel in Mizoram leh Manipur mai bakah Tripura leh Assam te an zuk thlengthla a ni. Zo hnahthlakho zawng zawng hi kan thlahtu bul ber chu pu Zo a ni. Major T.H Lewin a chuan Dzo tiin a ziak thung. A spelling in ang chiah lo mahse a lamdan a thuhmun tho a ni. Pu Zo’an fapa Cin Hil a nei a, Cin Hil an fapa Doel a nei leh a. Do El a fapa te chu Munluah,Zil-om leh Naulak te an ni.
British sawrkar in India leh Burma an han awp a Zofate hnamdang nen kan han in chiahpiah hian kan hming nilo hnamdang in min kohna hming a lo piang nual mai a:
CHIN – Chin tih thumal hi Kawltawng a ni a ’bawm” tihna a ni.Kan pi leh pu ten Bawm hmang a thil an phurh thin avangin Kawlho in” Hei, Bawm phurpa” ti in an ko thin. Chumi kal zel avang chuan Chin tih hming kan lo puta a ni. Burma ah hnamdang in kan pi leh pute an lo hriat hmasakna a ni ber mai.
KUKI-Kuki chu India rama Zohnahthlak a bikin Thadou ho hnamdangin an kohna hming a ni.
KHANG – Kan unau Kachinho min kohna a ni.
CHIANG -Yaw, Rakhin leh Shan ho min kohna a ni.
CHAW -Kayin ho min kohna a ni.
Hei lo pawh kan hming diktak ni chiah si lo hnamdangin min kohna hming tam tak a la awm mai thei.
Hnamdang in hming hrang hrangin min vuah mahse kei ni nihna diktak chu Zo People(Zomi) a ni. Heng “Chin” tih leh “Kuki” tih thumal hian Zohnahthlak tawngah awmzia(meaning) a nei lem lo. Zoram hmunsang a cheng kan nih avang mai in Zomi kan nilova minthlahtu (ancestor) Zo anih avang zawk in Zomi kan ni. Zomi chu kan nihna Zo hnahthlak hnam hrang hrang te min phuarkhawmtu kan identity a ni. Zomi chu tribe ni lovin Nation a ni bawk.Heng Mizo, Hmar, Mara, Kuki etc. erawh chu Nation ni lovin Tribe a ni. A chhan chu heng hnam hming hian India ramah Tribal Certificate a siam theih tlat. Zomi chu heng hnam hrang hrangte phuarkhawmtu a ni. Keimahni inkohna hrang te chu hnam hming a tlin loh bakah a huamzau tawk lo. Lusei tih te hi tawngkam mawi a ni lo. Midang hnenah, khai a! nang chu i lu a va sei pet put ve ? va ti ngawt ila an thinrim mai ang. Hmar tih pawh hi lam(direction) sawina a ni zawk. Kei chu North hnam ka ni emaw kei chu south hnam ka ni tuman an ti ngawt ngai lo. Chuvangin Zohnahthlak zawng zawng min phuarkhawm thei tu chu Zomi hi a ni. Zomi chu historically leh grammatically pawh in a dik ber awm e.
Khawvel hmundang tamtakah hian hnam leh khaw hming hnamdangin an phuah a awm nual. Chung neitute an rawn harh chhuah chuan anihna diktak in an thlak ta thin a ni. India rama khawpui thenkhat pawh hming thlak a awm nual mai. Tun hma a Calcutta ni thin kha tunah chuan Kolkata a nit a. Bombay pawh Mumbai tia thlak ni in Madras pawh Chennai tia thlak a ni tawh bawk. Keini pawh in tlema kan thanharh hnu ah Kuki emaw Chin kan nih lohzia leh Zomi kan nih zawk zia kan hre chhuak thei ta chauh a ni. Zomi hi hman ata tawh kan identity nimahsela hman lar a nih takna chu a la rei lo hle. Zo hnahtlak huap thei hnam hming atana hman ah chuan a funkim ber leh a latest ber pawh a ni hial awm e.
Chin state ah chuan Baptist hi kohhran lian ber a ni a. Kum 1952 October thla ah Chin State Baptist ah ethnic based association lian pathum; Tedim Baptist Association(TBA), Falam Baptist Association(FBA) leh Haka Baptist Association(HBA) te a lo piang a. Heng organization lian pathumte phuar khawmtu tur association pakhat din an tum a. Association tin atangin mi 10 kalkhawmin Falam khua ah “Constitution Drafting Committee” an nei a ni. Chu thurelna ah chuan Rev. S.T Hau Go –a chuan Chin state hnampum huamzo tur in association hmingah Zomi Baptist Association(ZBC) ni rawh se tiin rawtna a siam a. Chu veleh Haka atanga palai lo kal pu Heng Cin-a chuan Zomi kan duh lo Lai kan duh a ti a. Hau Go-a chuan,” Hmun tam takah inthenhrangin kan tawng pawh in ang tawh lo hial mahse, a tirah chuan hnam khat vek kan ni. Hmun hrang hrang a kan han awm darh hian in kalpawhna te a harsat avangin kan tawngte pawh dang lam tial tial in a rei deuh hnu ah phei chuan kan in hre pawh ta lo hial a ni. Tawng chauh ni lovin hnam hming in koh dan pawh a danglam zo ta. Chhak lam ho hi zo kan inti a, Lusei ramah Mizo, Falam ramah Laizo, Hakha ho in Lai, Matu ho Zotung/Zophei/Zokhua te an inti a ni. Mindat leh Kanpalet lamho Jo/Cho an inti bawk. Paletwa ramah Khomi/Kemee, Pakoku, Gangaw lama om ho chu Zau, Kawlho erawh chuan Yaw an ti vethung. Kawlrama awm Salai leh Mai tih hmangho chu Asho an inti bawk. Hming hrang hrang richhuak mahse a bulpui ber chu Zo atangin a ni si a. Chuvang chuan kan hnam hming dik ber chu Zo a ni tih sawi ka duh a ni” a ti a. Chumi hnu ah Haka Pastor upa leh zah kai ber Rev. Sang Ling rawn ding chhuak in, “Kan tet lai atang tawh in kan pi leh pu ten, Zotung a piang kan ni a Zo kan ni an ti thin. Lai chu kan hming ni lovin Haka khua ten mi khual leh tualchhung mi thenhran nan Lai tih an hmang mai a ni” ti in Rev. S.T. Hau Go a thusawi a thlawp ta a. Rev. Sang Fen rawn ding chhuak leh in,” Zo chu kan hnam hming dik ber a ni. Kei Ngei pawh Zokhua Pastor ka ni e” ti in a thlawp leh ta a. Kha tia Hakha lam atanga Upa leh zahkai Pastor pahnih in an thlawp tak si ah chuan tuman hnial tawh lovin Zomi Baptist Convention(ZBC) chu a lo ding ta a ni. March ni 5 – 7 1953 chhung khan Thantlang Township huam chhung a awm Saikah ah Meeting an nei a. Mi 3000 vel kalkhawmte chuan Hnam hming atan Zomi an nemnghet a ni. Khami hnu a kum 30 na 1983 ah Thantlang ah khawmpui lian an nei leh a. Palai 434 zinga 424 chuan Zomi hman chhunzawm zel tha an ti a ni.
Burma sawrkar pawh in kum 1988 khan Zomi hi official in a recognised a ni. Zomi National Congress pawh sawrkar hriatpui political party pakhat a ni ve nghal a. Mahse ni kum 2012 khan Zomi Congress for Democracy tiin a hming thlak a nita. Manipur ah chuan kum 1971 ah Zomi National Congress hi Daizang khua ah din a ni.Kum 1997 a hnam inkar buai hnuah Zomi Council din leh ni in Zomi Council(ZC) hnuai ah hian Zohnahthlak hnam hrang hrang ten Representative an nei hlawm. Mizoram ah pawh 19-21 May, 1988 khan Champhai ah First World Zomi Convention neih a ni.
Khawvel ah Zomi kan thang ve tial tial a. Kan inpui nghaktu ber Mizote inch khat in rawn tawlh phei leh hlek phei se la chuan kan lian leh zual ang. Kan vai in Zomi vek kan nitho si a!
Similar Posts:
- Zomi leh Mizo chungchang
- Chin hi eng tawng nge?
- Luseiho chauh hi em ni Mizo?
- Peaceful Protest Against Ethnic Cleansing Policy of Burmese Government
- Zomi Baptist Church website
January 18th, 2013 at 8:43 pm
Ka ning
Report this comment
January 18th, 2013 at 9:04 pm
Chhangteval…LOLZ..
Report this comment
January 18th, 2013 at 9:42 pm
“Zomi chu kan nihna Zo hnahthlak hnam hrang hrang te min phuarkhawmtu kan identity a ni. Zomi chu tribe ni lovin Nation a ni bawk.”
Manipura Zomi ho khu Land tel lovin Nation an lo ni reng ani maw, eh
Report this comment
January 18th, 2013 at 9:53 pm
Sei bawka a Nation raih mai a
Report this comment
January 18th, 2013 at 9:54 pm
A Nation bawk a a, sei hle mai
Report this comment
January 18th, 2013 at 10:04 pm
A va han sei teh duah ve maw le.
Zomi nge ka nih a, Mizo
A va buai thlak teh nuaih ve aw!!!
Report this comment
January 18th, 2013 at 10:11 pm
Genesis atanga 1988 May tahrik ni 19-22 a First World Zomi Convention an neih thu a ziak alawm. Zomi a lungawi tura fuihna tlar hnih leh a chanve a la leng ta cheu ania. Han ziah chhin tum ve mah te u Bu tam fe ani maithei asin. A sei lutuk love
Report this comment
January 18th, 2013 at 11:14 pm
Zo inti hlawm ila kan lungawi ber ang a. Kan ni reng bawk a.
Report this comment
January 18th, 2013 at 11:24 pm
Tawngkam pangaiah ‘Mizo’, Hla thu velah ‘Zofa/Zomi’ nihmiang ka lo ti mai a sin. A bengvar thlak e.
Report this comment
January 18th, 2013 at 11:31 pm
@9 PKfanai
Zo mi tih chu grammar tak pon a dik a lom. Eg, Aizawl mi (dik) Mi Aizawl (dik lo)
Chhut dik dan nia ka hriat ah chuan Zo tihah ‘mi’ tih a tel angai lo. Eg. Sailo/Fanai kan ni tih ah Sailomi/Fanaimi kan ni tih ila a dik lovang.
Report this comment
January 19th, 2013 at 12:19 am
@10 SHauzelSailo
Chuti em ni? Khaimah aw:-
Mihring – Hringmi
Mipui – Puimi
Mipa -Pami
Mihuaisen – Huaisenmi
Mithat- Thatmi
Midawihzep – Dawihzepmi
Mi zumzuk – Zumzukmi
Mizo – Zomi
…
Report this comment
January 19th, 2013 at 12:34 am
E, Zo ho kan ni ti ila a dik ber hi tih min hriat chhuah tir e. eg. Sailo ho, fanai ho, etc.
Hman atrang hman dan a awm a, chu chu fundamental grammar kan ti mai em le aww, ani.
Mihring tih pawh hi species/ chi anti emaw ni hming chu ani a lom le.
Hlathu ah mai Hring mi tih ani. Hlathu ah te chuan a letling in an hman thrin avangin.
Mipui, mi (space om tur) huaisen, mi (space om tur) dawihzep etc.. te hi chu Zo tih a example atan a inzawm emaw ni le. Hnam hming te an ni ve lo tlat, crowd leh personality te an ti emawni ani zawk lom le.
A in zawm chu ka ziah tawh khi le.
Sawitawh angin khi Zo mi tih pawh hi alo dik lo anih hi mahse Zo ho tih erawh. Kan sawiho na chu va manhla e.
Lawmawm e, Ka lawm e.
Report this comment
January 19th, 2013 at 12:57 am
A bengvarthlak khawp mai.
Pu Pk, ‘zo’-a intan hi hla thu a ni vek chuang lo va, hla thua kan hmante pawh tawng upa lam rawngkai an ni hlawm a. Tawng upaa ‘zo’ a hmasak zel chuan post hi ‘dawt’ tia pawm loh ngawt theih a ni lo.
Khaw hmingah te, thil hmingah hrim hrim ‘Mizo’ tia tan a awm mang loh laiin ‘Zo’ tia intan a tam khawp mai.
KHUA/VENG.
Zote.
Zopui.
Zotlang.
Zonuam.
Zohmun…etc.
MIHRING HMING
Zoramthanga.
Zodintluang.
Zoramsangliana.
Zoliana…etc.
PAWL HMING
Zoram Drivers’ Union.
ZOFISHFED.
ZOHANDCO.
ZOHANDLOOM..etc.
TV CHANNEL/PROGRAMME
Zonet.
Zosport.
Zotalk…etc.
CHANCHINBU
Zozam Times.
Zoram Today.
Zobawm.
Zoên.
Zolentu…etc.
FB GROUP.
Zoram Thlirtu.
Zoram Tan.
Zoram Khawvel…etc.
HMING DANG
Zonunmawi.
Zo-buh.
Zotuithiang.
Zonunmawi.
Zokhua.
Zo-ar.
Zozia.
Zo-bai.
Zoram.
Zohnahthlak.
Zosap…etc.
Report this comment
January 19th, 2013 at 12:59 am
Kei chu Mizo ka ni
Report this comment
January 19th, 2013 at 2:11 am
@ Chhangteval
hahaha….
Report this comment
January 19th, 2013 at 7:39 am
Personal name nilo, a huho sawi nanah leh pronoun-ah chuan mi dah hmasak ani thin a lawm. e.g. Mihring, mipui, milai, miropui, mirethei, mite, milian, mihnuaihnung, mithiltithei, mihuaisen, mipangai, midawihzep, mizumzuk, mikawlhsen, mithiam, mithinchhia, mizo, etc. Tin, post hi ka kalh chuang lo, ka thlawp reng.
Report this comment
January 19th, 2013 at 8:41 am
Tukchhuah nuam vek u le
Kei chu Mizo, chutah pawh Chhangte hnam ka nia
Report this comment
January 19th, 2013 at 8:51 am
A nih leh Pu Pk, Burma mi
kan tih te hi, Mi Burma ti-in
sawi ta ta mai i la, mi-in tawng thiam lo min ti mai lawng maw?
Report this comment
January 19th, 2013 at 8:56 am
17@sheldy Ni hman nuam le.
Keipawh MIZO Mizoram a awm ka ni e.
tren tren
Report this comment
January 19th, 2013 at 9:41 am
Sihtea, Burma tih kha complete noun ani tawha, a hma lamah mi dah a ngai tawh lo. Zo hi complete noun ah kan ngaih chuan, a hmaa mi dah angai tawh lo ang. Mahse zo hi chu noun hrilhfiahtu adjective angah kan hmang chauh si anih hi.
Report this comment
January 19th, 2013 at 1:24 pm
Zomi chu inti Mizo, Mizo hovin kan ngaih hnamdang ho hi an nia; heng ho hi Mizoten ‘Zohnahthlak’ kan tihte hi anni bawk.
Mizo leh Mizo lo (Zohnahthlak) kan teh dan ni bera lang chu an khawsa zia atang hian kan teh ni ber in ka hria.
Kan thenawmah Paihte pakhat, mawl ve tak, a sakhming Manga a awm a; kan hmu Paihte viau. Mahse, Mumbai airport-ah Paihte, a sakhming Manga tho chuan nasa takin min pui a; ka Mizo ruih mai. Boxer Zoramthanga kha khatiang khawp khan lar lo se, Paihte kan ti anga; YZTP ho pawh khi thing zaia rawn inhlawh mai mai niseng chuan kan hmi hnamdang leh ngawt ang.
Ka ngaihdan mawlmang takin ka’n rawn tarlang mai mai a ni e. Zomi leh Zohnahthlak hi rank khatah ka dah.
Ka lawm e.
Report this comment
January 19th, 2013 at 1:58 pm
Thuziak tha tak leh ngaihtuah chhunzawm ngai tak a ni. Mizorama mizo ten Zo hnahthlak zawng zawngte hi mizotawng thiam tir a, Mizo chhungkuaa khung luh vek kan duh laiin, mizo chu Lusei equivalent anga rawn hmuin A khaikhawm turin Zomi tih hi a inclusive ber e, an rawn ti ani a, a lo tha phian thei bawk. Inpumkhat theihna tur apiang hi a tha ka ti e.
Report this comment
January 19th, 2013 at 2:20 pm
Mi = People Zo = Hnam hming #18 Sihte’a
Chu vang chuan Zoram tih ani. Zoram = Zo chenna
Zo ti ah hian inhnialna atam lo ber a, a dik ber si a I pawm tlang mai ang u a.
Pa pakhat in ‘I am Israel people’ tise kan hmu lelo vek long maw le.
Anih loh leh, ‘I am (Zomi) Zo people’ ti ila ka va sawi dik awm lo em. ‘I am (Mizo) People Zo’ ti phei ila chu aaaa buaithlak viau ang a.
I am Zo, tih hi I ching vek tawh mai ang u a.
Report this comment
January 19th, 2013 at 4:58 pm
Tet te atanga MIZO in tih vek tawh hnu ah, ZOMI han intih thar leh vel chu buaithlak tawh awm mange… thil in hmeh tak entir na chu a ni miah lo, mahse ka rilru ah a rawn lang ve miau sia, sawi tel tho ang. iiihhhh tunlai Sex change an tih chhen hi kan ang awm :-), nihna thlak thleng chhen
Report this comment
January 19th, 2013 at 6:10 pm
Thil pawm har deuh deuh hi confi deuh deuh hian in sawi a.
Report this comment
January 19th, 2013 at 6:20 pm
‘Mizo hi a dik lo, Mizo intih loh tur’ phei chu a ti chuang miah lo. Mizo, Chin leh Kuki zawng zawng hi Zomi-ah kan inkhung vek, a tihna ni maiin ka hria, chhiar chian chuan. Chawngthu, Hnamte, Chhangte…etc huamtu Lusei; Lusei, Ralte, Hmar, Mara…etc. huamtu Mizo; Mizo, Chin, Kuki..etc huamtu Zomi a tihna a nih khi. Han helh tur teh chiam awmin ka hre lo. Hetiang topic-ah chuan chhiar miah lova sawisel nghal bawng bawng chîng hi kan tam thin.
Report this comment
January 19th, 2013 at 6:33 pm
Post leh comments chhiar a manhla hle mai
ti ila Pipu te’n an lo lam thiam lo anih hmel tho a 
(mahni leh mahni inhnial tawk em2) 
a ni chiang ang, LOL
Alphabet-ah Y kan nei ve lo hi mak ka ti mai2, Yo ti na na na Zo lo tihsak talh chu, kan lamthiam lo pawh ni bawk si lo
Basketballer sei deuh Yo Ming pawh kha Zohminga tihna a ni thei dawnin ka hria
Report this comment
January 19th, 2013 at 7:00 pm
Hahaha… CC, Zohminga tih chu a va rem tak ve le!
Report this comment
January 19th, 2013 at 7:01 pm
#26 hmuh dan khi kan thlir dan tur a nih hmel e. A dik reng bawk a, kan awmna community (hmun leh ram etc.) a zirin kan inkoh dan a dang thei a, chu chuan mihrang min nih tir miah lo thung. Entirnan: Red Indian hnam chikhat, Navajo (Pronounced Navahaw) pawh khu, east lamah chuan Shawneee tih an ni daih. A thu hrimah India let (double size)a lianah hian hnam tam tak, an koh dan phei chuan, “Nation” engemaw zat an awm. Chi hrang mahse, hnam hrang, mihrang angin an inen lo, National Powwow (Rampui huap intawhkhawmna) an la nei kumtin thei a ni.
Hei te hi eng e Mizo/Kuki/Chin tih hrethiam lo chuan chhiar ula, in harh ve deuh mahla,… luhlul tukhum pawng ho kha
hairehai
https://en.wikipedia.org/wiki/Zomi
Report this comment
January 19th, 2013 at 8:28 pm
#28 haha, kan unaupa alo ni reng alawm maw le
Yo kha Zo ani tlat a, har3
Report this comment
January 19th, 2013 at 9:19 pm
Comment ngaihnawm viau mai, ti ve khanglang ila vawikhat zirlai insuih khawm tuma kan beih laiin Zomi tih leh mizo tih ah hian kan buai hrep tawh a. Engatinge Mizo tih a lo dah tawh zomi tih leh harsat tawh avanga kan unau manipur lam te’n MSU a awm an duh tlat lo mai kha hriatthiam har chu ka la ti reng.
.
Report this comment
January 19th, 2013 at 10:33 pm
@Malsta, Paite zirlai pawl, Siamsin Pawlpi (SSPP) Jt. Hprs. chuan Mizo Students’ Union leh Mizo Zirlai Pawl a zawm alawm.
Report this comment
January 20th, 2013 at 12:15 am
ngaihnawm ve
Report this comment
January 20th, 2013 at 9:19 am
Report this comment
January 20th, 2013 at 11:46 am
Mi tih hi telh tawh loh ve ve ni se,
ZO tih chauh ni se kan lung rual
tlang ber ang.
Report this comment
April 24th, 2013 at 2:18 am
MIZO=LUSHAI, ZOMI=PAIHTE
Report this comment