Zan khat chu Rosy-i chuan mumang mak tak mai hi a nei a. A mumangah chuan meidil alh so but but mai chu chiang em em maiin a lo hmu a. Chu meialh so but but leh khu rum rum mai karah chuan pa pakhat hi a zuk hmu a.
Chu pa chuan a kutah hian lehkhathawn pakhat hi a hum a. Chu pa chuan Mei dil, hremhmun hual a luang sau but but te chu kanin kawngkar zaupui mai in hawng lam chu a pan a. Chu kawngka atang chuan khawvel kal pawh theihna leihlawn hi a lo awm a.
Chu pa lehkha ken chu ata tur ni tlat hian a hria a. Rosy-i chuan a hlau rilru hle mai a. Tichuan, Rosy-i mumangah chuan meidil atanga lo kal pa chuan an in chu a rawn pan ding nghal chawt a. An kawngka chu a rawn hawng a, Rosy-i chu a lehkha hum lai chu pein hremhmuna a thian tha tak pakhatin a thawn a nih thu a hrilh bawk a.
Rosy-i chuan kut khur hlawh hlawk chungin lehkha chu a la a. He thu hi lehkhaah chuan a lo inziak a :
“ Ka Thian,
Tunah hian vanah rorelna ka hmachhawn mek a,
Thiam loh chantir ka nih chuan nang hi ka mawh ve ngei ang che.
Leia kan awmlai kha nitin ka rualin I kal ve thin a,
Pathian thu nung leh thudik chu nang chuan I hria a,
Mahse nang chuan vawi khat pawh kawng dik chu min kawhhmuh ngai lo.
Khatih lai khan ka hriatna te kha a hniamin a tlem hle a,
Nang chuan kawng dikah chuan min hruai reng thei a ni.
Leia kan chen ho lai khan Piahtharna thu vawikhat mah min hrilh ngai lo va,
Tunah chuan thiam loh chan tirin ka awm ta a ni.
A chhan chu nang chuan min chhandamtu chanchin min hrilh ngai lo a ni.
Thudik leh tha tak tak vawi tam tak min hrilh thin a,
Kha vang khan keipawhin ‘ka thian’ ti hlirin ka ko thin che anih kha,
Mahse, tunah chuan a tlai zo tawh a ni.
Nang khan he hun thleng lo tur hian min chhanchhuak thei reng si a!
A ni, leiah kha chuan ‘ka thian’ tiin ka ko thin che a,
Nuih ni leh tahni pawhin nang aia rin ka nei ngai lo a nih kha…
Mahse, tuna ka hun tawp a lo thlen takah chuan,
‘Ka thian’ tia koh che hi harsa ka ti tawh a ni.
- Joyce”
Lehkha a chhiar zawh chuan Rosy-i chu a har nghal a.
A mumang chuan a thauah manin a ngaihtuah zui nghal a. A hlauh em avangin a thlan te pawh chu December thlasik boruak hnuaiah chuan an luang zawih zawih a. A mumang chuan ngaihtuahna tam tak a neih tir nghal a.
Ringtu a nih anga a hnathawk tur tam tak alo tih lohte chu ngaihtuah letin a zak ru hle a. Pathian thuin la hre ngai lo te hnena A thu puangchhuak tura a tih laia engmah thawk lova alo awm thinna te chuan lu a dawm kun tir ngawih ngawih a. Chu thu a ngaihtuah mek lai chuan, a tuk khua a var veleh a thiannu Joyce-i chu inkhawm ve tura a sawm tan tawh tur thu a in tiam nghal a.
A tuk khua a lo var chuan Rosy-i chuan a thiannu chu a phone ta a :
Joyce-i phone chu a unaupa’n a lo chhansak a.
“Hello, Bill Joyce-i a awm em?”
“Rosy I la hre ve lo em ni?”
“Eng chu maw?”
“Joyce-i chu nizan khan motor eksiden avangin a thi tawh a ni(a inhnit faih faih a). I lo hriat daih tawh ka ring asin…”
January 10th, 2013 at 5:20 am
Ngaituah ava ti thui ve. Paws awmze nei tak a ni.
Report this comment
January 10th, 2013 at 7:16 am
Tukchhuah nuam vek u le
Post erawh hman veleh a chhiar ah.
Report this comment
January 10th, 2013 at 8:53 am
A van tha leh pek ve aw… Mahse, lehkhathawn khi, a tir lamah ‘rorelna ka hmachhawn mek a, thiam loh chantir ka nih chuan…’ tih a ni a, a tawp lamah ‘thiam loh chantir ka ni ta’ tih a awm leh a. Lehkhathawn rang leh update tak a niin ka hria.
Zirtir a nei tha leh pek khawp mai. Mahni hlimnaa lungawi mai a tawk lo, midangte tana luang chhuak tur kan nihzia a va lang chiang em! Eng emaw hleka ‘an nun alawm, an duh dan danin an awm ang chu’ tih nen chuan inpersan tak a ni. Han post zel teh khai.
Tukchhuah nuam vek u.
Report this comment
January 10th, 2013 at 9:46 am
Tha leh pek e
Tuk chhuah nuam ule
Report this comment
January 10th, 2013 at 10:34 am
Tha leh pek e. Pathian thilsiam hi chu hman tam poh leh a hriam ting mai a, han chhunzawm zel rawh, i hriam tulh tulh mai ang.
Report this comment