Mumang (Dreams) leh a tak nun (Real Life) hian inkungkaihna a nei ang em le? Mumang hi hrilhlawkna ani thei reng em le? Kan thianpa pakhat, kan thian zingah pawh dawt sawi ngailo ber nia kan hriat chuan “Ka mangah Choák dum ka hmuh tawh chuan kan chhungkua, kan thlahte zing-ah thihna a thleng ngei ngei…” a ti ve tlat. Ani lo pawh hetiang lam hawia mang nei thin nia insawi ka hre nual. An la thutak thei phian lehnghal.
Mumang mai mai… te hi kan han ti ngawt thin tak na-a, ‘Mang chhawr’ kan tih hote hi chuan an sawi dik ve châwk a nia. Kum 5 kal ta khan ka thianpa naute Picnic tur chu atuk khua alo var a, a pa (ka thianpa pa) chuan “Nizan ka mang a tha lo tlat, chetsualna a then ngei ka ring, I nau hi kal ve lo mai rawh se.” a ti ta tlat mai a. An thiante chu an Picnic ta ngei a, an chesual ta ngei a, mi 2 laiin nunna an chan phah hial a.
Hetiang thute han hriat hi chuan mumang leh kan nun, a tak ram hian inkungkaihna a nei ve deuh reuh emawni chu aw…? Mumang hi hrilhlawkna chikhat a nia’ng a…? tih mai te pawh hi a awm ve tho mai ka ti. Nge, an mang chhia leh chhiatna lo thleng tur kha a intawng fuh palh mai mai zawk?
Ka ngaihdan chuan Mumang leh kan nun, kan hun tawn tur hian inkungkaihna chhe tè mah a neih ka ringlo a, hmalam hun hrilhlawkna a nih ka ring hek lo. Mahse, mumang avanga thil lo thleng tur Risk dik thei deuh deuh te erawh ‘Mak’ ka ti thin!
Nang, mumang atanga thil engemaw hriat lawk theihna i nei ve em? I nu leh pa, i pi leh pu, i thiante zingah hetiang mi, ‘Mang chhawr’ kan tih ang ho hi an awm ve em? Mak i ti ve thin em? Mumang mai mai hi i han khel te’ng u a… :lol:
May 12th, 2010 at 9:11 am
ben: inva lo hre hlawm ve, ka message dawn chu a kum zat a diklo nimaw.. kum 40 em em kha chu a tar tawh awm mange kalo ti mais in. hehehe
May 12th, 2010 at 9:11 am
Josefa chanchin tingaihnawm zualtu kha a mumang a ni phawt; Nebukadnezzar-a mumang leh hmasang Babulon, Media-Persia, Grik, Rome leh Tunlai Khawvel hun inher zel hi a la dik zui zel, tunah phei chuan Milim kephah, bellei hlum leh thir inpawlhah kan khawsa mek a. Krista lo kal lehna a hnai tepter ta hle.
Mizote chuan “mawng ek i thiar fai lo a nih chu,” intihkhum kan hrat viau! “Kelchang mangman” an tih hi a awm ve thei bawk.
May 12th, 2010 at 2:57 pm
Bible-a kan hmuh thenkhat mumang hi mumang satliah ni lovin inlarna lam thil deuh a ni lo maw aw? Awmze nei tak, hrilhfiah ngai a ni bawk nen.
May 12th, 2010 at 5:21 pm
Mumang a inhmuh te pawh hi a hunlai chuan nuam ve tak a ni.Khawvel khawihmunah pawh ringtu leh ringlo zingah pawh vawiin thlengin mumang hian ngaihven a la hlawh tho va.mumang hrilhfiahna bu te hi hralh kal lehkhabu an la ni hlawm vek.
Kei chu mumanga chakai ka man chang hian ka hritlang ve ziah in ka hria !!!
“Mumang chhawngthum neih chu an harh chhuak tawh lo” tiin naupan laiin min tihthaih thin.mumang chhawng hnih ka mang tawh…
May 12th, 2010 at 5:33 pm
Is a dream a lie if it don’t come true. Or is it something worse…. a ti bruce springsteen an … totally unrelated
May 12th, 2010 at 5:54 pm
@ 53 fonz…worse than a lie…worse than a f$^&^$&G lie
May 12th, 2010 at 6:25 pm
Mumang hi chu kan mutthilh lai hian kan nei deuh berin ka hria…a diklo viau em??
May 12th, 2010 at 6:41 pm
Kanu leh paten bike lei anphalloh em em ka leiluih kha,kamumang ah ka hmuh chuan chetsualna katawng ziah mak kati ve khawp mai.
May 12th, 2010 at 7:06 pm
Mumang ka nei khat ta deuh a ni, Mumanga hmeichhe zahmawh hmuh hi a tak a inhliamna ti tawk te pawh an awm!
Tunhma, kan tleirawl zual ve deuh lai khan ka damlo han dam leh tur vel hian ka mumang ah Rul hi ka that ziah thin, mak ve mai mai khawp mai.
May 12th, 2010 at 9:19 pm
Hmanah ka mumangah nula ka lo ti pek a, a tuk zanah ka bialnu tih kan tum a min tlawh zek mawle.