Archive for the ‘Fiction’ Category

Phuba Latu Phir Unau – I

Thursday, July 26th, 2012

THUHMA: Tawi te in a story lo pian dan leh ka ngaih pawimawh te kan zep ve khanglang teh ang. He story hi a tak a thleng (True Story) a ni lova, phuahchawp (fiction) mai a ni. Chuvangin Hming leh Nihna te hi phuahchawp vek a ni a, Khaw Hming te erawh a tak a awm a ni a, amaherawhchu ka duhdan angin ka hmang chawp ve mai a ni, thutak khuk a khuk pui chi a ni lo. He ka thuziak ah hian mi rilru hliam palh theihna thil thailan ka nei anih chuan in mi ngaihdamna ka ngen nghal e. . . Tukin zing dar1 ah mut tum a laikhum thlehnem ka belh laiin he thu hi ka ngaihtuahna ah a rawn lang ve a.

Engpawh nise tiin thuziak mite angin thiam ve lo mah ila a thawnthu kalhmang leh ruangam tur te chu ka suangtuahna khawvel in a tin-zawn thiam dan ang tawkin ka’n duang ve khanglang a, a chanve vel ka thlen chuan mutsan mai ka tum a, mahse mutmawh-hnarmawh ah ka hmang ta tlat mai, dar5:40 vel thleng ka thiam ang tawk a ka suangtuahna hmang a ka cheibawl hnu chuan a tawp chu engngemaw ti ti in ka thleng ve ta hram a.

Ka tuihal in fridge kawngkhar ban pah a tukverh lam ka hawichhuak chu khua a lo var der tawh.. He sentence ka ziah mek lai hian dar6:30 a ri tawh. Awle, thuhma ah ringawt pawh kan tui dawn tlat, thupui lamah zuang lut nghal ang aw. . .

(more…)

RCa

Tuesday, July 24th, 2012

A hmel en reng reng pawh a south indian ani tih hriat, hang , meng fiah kalh mai chuan chiang fek fawk hian, “Lalrinchhana and Johny, how many times have i told you not to talk in the class. Get out”

Class room boruak chu vawi lehkhatah chhum zingin van boruak thiang tak a rawn hliahkhuh ang mai hian inthlak nghalin, naupang zawng zawng chuan a hnung lampanga mipa naupang 2 te lam chu hawi let thapin, chu mipa naupang 2 te inthlahrung taka an chhuah lai pawh chuan tumah reng an tawng ngam silo. Nia, Mary mount school teacher ah chuan Miss Jessica i hi a strict berin a class a lo tawng palh chu a hlauhawm reng ani. Mahse, naupang dang te ang bawkin chu mipa naupang 2 te pawh chuan a hnu lawkah minute tam la dinglo mahse an hma lawka an miss hauhna leh tuna pawna an din chhan te chu an thlunglu lairil a luahlo tih hriat takin an inbe ru sa sa in, insum takin an nui a, eng eng emaw sawiin class room chhungah an thianten an zirlai an zirsan tih lam an ngaihtuah tawh lo.

Mipa naupang an hrem tak pakhat zawk Chhana, Rc ti a an koh bawk hi naupang harh vang tak, ninhlei thawkhat leh naupang rilru tluang tak, pawl 5 zirlai a niin a rualpui te zingah pawh a tha za pawl leh thawveng tak, zirna lamah pawh thiam em em lo, homework tilo pawla tel ve ziah, exam na ah pawh fail lo tawk chiah chiah niin thiante zingah erawh a hnawk pawl leh suahsual bawl pawl ani thung hauh silo. Tuna an school kalna Mary mount school hi a Mizorama School hlun leh tha pawl, zirlai naupang pawh sang chuang awmna leh a naupang lut te pawh mi pangngai tak tak leh Mizo ah chuan chungkaw pangngai tak tak fate anni tlangpui thin. Lunch break te hi chung naupang rilru thianghlim tak tak te chuan a thlakhlelhawm thinin an intihthawvenna hun leh infiamna hun, an tiffin te eia thiante nen hlim taka chaw an fakna hun aniin thawm pawh a tha thei thin hle tih chu a bawr vela cheng te pawhin an hre awm e.

(more…)

Nunrawng Hmeltha

Monday, July 23rd, 2012

Up leh thup tuma rei tak ka lo hup tawh, An sawi an sel leh an sâwtna tawngkam chhe tinrengin bang lova min buak bawrh bawrh chung pawha sairil hnang ang maia ka lairil phuar tlat tu- Phuloh Tha hmingliani, ui tak chunga ka chân tak chanchin hi zêp lovin ka rawn zep ve leh mai mai ang e.

A tleirawl chhuah tirh atanga siphnip thana thang, a uar deuh te phei chuan Tlâng sum ti hiala an sawi duh kha a ni a. Kan Lal Isua khan Jakoba tuichhunchhuah bulah khan han hmu ve se la chuan, “Pasal pahnih I nei tawh, tun a mi hi I pasal tak a ni lo reng a ni..” a tih ve mai tur chi kha a ni reng lah tak a.

Mahse han en mai chuan pawisawi lo leh kimki cheih cheih awm tak hi a ni reuh a, a hmel te lah kha ti sen nei mang lo, Changkha lei dep kan tih ang chi, len deng ke thiah an sawi ang mai a dang var pap mai, mit meng lian leh chiang kak mai, “A pu hi vai a nia..” pawh ti se, “Ka ring reng a..” tih tur chi, nuthlawi sa pan leh fu ke zen thlarh mai a nih vang te pawh kha a ni fa hmiang, ka fin vangah ngai lui tlat mah ila, min lo bual â hneh hle zawng alo nih dawn kha.

(more…)

Hmangaihzuali

Wednesday, July 4th, 2012

Nupui fanau mut rehah pawnah Chair la chhuakin ka thu a, chunglam ka thlir a, Arsite chu an phe neuh neuh a.
Engtia rei nge ka thut tawh ka hre lova, engvanga pawn khaw vawta thu ta reng nge ka nih ka hre hek lo. Ka hriat chhun chu ‘Zan hi a ral lek lek tawh a, khua a var har tawh vak lovang’ tih chauh a ni. Zaninah hian tunge ka nih chiah pawh ka chiang ngam lo. Hei erawh ka chiang — Zaninah hian kum tam tak liam ta a Sialsuk khaw tleirawl Hmangaihzuali ta ka ni. Ni e, a piancham a lo thlen dawn hi chuan ka he ti ziah.

Thla eng hual vela chhum pan te te zam chiaiah chuan a nui hmel ka hmu a, huihchhuk thli rawn thaw heuh heuhah te chuan a rimtui hman thin rim ngei mai kha a rawn nam nawn leh a.

Nunhlui ngai leh lunglenna thlarau chuan min tham kang lawp lawp a, nunhlui ramah min thlawh kir puiin Mission vengthlanga mi inhnuai chep thim rik rekah khan min thlawh luhpui leh ta.

Kha tleirawl te kha a hmel thatzia sawi ka tum lo, tum mah ila vantirhkoh tawng tea kan sawi thiam a nih ngawt loh chuan, mihring tawng hian a puangchhuak zo dawn chuang lo. Sawi a fiah chi a ni lova, sawi loh lahin a chiang chuang der lo. Hmeltha reuh tak a ni tih hi ka sawi thiam dan ber a ni mai.
(more…)

Sawi niah nuah!

Wednesday, June 27th, 2012

Bawkbawn case:

India ram aá¹­anga ramdang a chhuak ta, Bawkbawn hi English a koh dan a mak hlawm ngawt a nia. India ramah hian English angin “Brinjal” tiin kan sawi mai á¹­hin. English ho chuan “Aubergine” an ti daih thung. “Aubergine” chu French á¹­awng ani leh lawi si! American ho ve thung erawh chuan English tak siin, “Eggplant” anti hlauh lawi a! British ho English dictionary ah chuan “Aubergine is the fruit of an Eggplant,” a inti ve hlauh bawk a… a mak hlawm teh e.

Mizo á¹­heuh á¹­heuhah pawh Lusei á¹­awng hmang hovin Bawkbawn kan tih laiin Lai holh (Pawi á¹­awng) hmangte chuan “Bawnbawk” an ti leh hlauh thung a. Hmar, Ralte, Paite ten-in “Manta” an tih laiin Mara (Lakher) ho lah chuan “Babao” anlo ti leh heu bawk a. Bawkbawn hi alo bawkbawn em a ni e hairehai :P

Thâu liangluang case:

Khawvelah hian mihring thau tak tak an tam tehlul nen, khawvel a mihring thau chuangbang tam zawk hi America (USA) ah hian a awm roh pek a. UN leh WHO lamin an tarchhuah danin khawvel ah hian 17 million tons vel chu thau uchuak (overweight) a ni an ti mauh mai. America hian khawvel mihring 6% zat chauh hen mahse, thau zawng zawng hmun thum a á¹­hen a hmun khat a chang lawi si a ni. Hahdam tawh lutuk vang niberin puh mithiam zingah an tam hle.

(more…)

TMB Handyman thukhawchang (‘A va sei ve’ tih awih loh)

Saturday, June 23rd, 2012

Lan khatna:

 (Aizawl Police Station a room pakhat a lo lang a, chutah chuan Police Officer Uniform famkim a inthuam leh Chhuaklinga chu in hma tawnin an thu a. Police chuan penin paper-ah thil a ziak mawlh mawlh a. Chhuaklinga chu zan lamah a mu tlem tih hriat takin a meng sen ram a)

Officer:                 I Hming

Chhuaklinga:      Chhuaklinga

Officer:                 Pa hming

Chhuaklinga:      Chh………

Officer:                 Pawl engzat ngei nih?

Chhuaklinga:      …………….

Officer:                Handyman maw i nih a?

Chhuaklinga:      Aw, ni e.

Officer:                Vairengte kudam atang chuan in motor MZ-… chuan buhfai chu in phur chhuak ngei a maw?

Chhuaklinga:      Aw.

Officer:                Quintal engzat nge?

Chhuaklinga:      Ka……

Officer:                Khawi hmunah nge in un-load?

Chhuaklinga:      Zemabawk Puspak-ah.

(more…)

Ka âwm nghêngin a á¹­ap

Wednesday, June 20th, 2012

Hun kha leh chen kan inzui a, hlimni leh lungngaih ni; hlawhtlin ni leh kut bênga hâwn ni; thlasik leh nipui, vaivut khu leh ruahpui vân âwn thlengin kan lo tuar dai tawh a. Nun awmzia zir dûnin a hlimawmzia leh a runthlâkzia pawh kan zir chhuak ve ngei a nih kha. Mihringin chhûngrila thurûk kan neih á¹­hin thlengin kan inphawrhsak a, lang lo tûra thuhrûk rêng awm lovin kan inpawh a ni lo’m ni kha? Hna á¹­au lo á¹­eh a, mawng-vawm-ba ang maia kan buai dun lai te kha ‘hmân ni’ tih tham lek a la nih kha maw le. Khuanu sam suih loh zawng, duh suh ila, a phelh leh mai á¹­hin.

‘Bâkin phingphihlîp a rêp ngai lo’ ang bawkin kan hmaa ei tûr awm kan inchuh a, kan tlâk duak duak lai te kha ‘nun hlui’ chang mai tûr atân zawng a uiawm mang e! “Eng pawh tâwk ila, ka á¹­hen hauh lo vang che” tia kan inkuah vawng vawng laite kha rei tawh hle mah se, dârthlalanga inen ang maia fiahin ka la mitthla thei asin.

‘Hmangaihna’ tia mite tlâng tlirpui á¹­hin chu a pâr tlân ve dâwn mah ila, kan kuhmûmah miten pâr an chhuang si. A mawh lo ve, nang chuan hmalam hun i thlîr thiam a, kei hi ka dâwn a lo tawi lua a ni. ‘Love is blind’ an tih hi ka hre ve á¹­hin a, tûnah zawng ka tawng ta! Hmangaihna hi a mit a lo del ngei a ni tih fihfiah theia ka awm hi hmasâwnna rahbi thar ka kaina a ni.

(more…)

Hranga in a hrang a!!??

Thursday, June 14th, 2012

HRANGA IN…. 

Tin, atirin heti hi a ni a. Ka khualzinna khawvela ka mikhualna hmun champhaiah chuan Awmpui hringnun tlansanin ka thla kip hlawh tlem leh sawrkar ni 100 inhlawhna hmachhuanin hahdam taka ka lu ka nghahna tur hmun ka zawng ve a. In luahtur lah chu zawn hmuh mai a thal tui har phian lehnghal a, ka pi kan pun ta ngawt a. Ani pawh chuan tihdan mai a hriat loh avangin lungsi lo taka hmun hnih ngawt kan rauhsan leh hnuah “HRANGA IN” ah hian kan lungawi ta a, lungawi lo tak chungin!

Tin, atirin heti hi a ni a. Chu In “Hranga In”-ah chuan mi reng reng an lo cheng tawh lo a.  Kawngka atanga thlirin a lang tur zawng zawng chu sawi loh a awm zawng zawng, thuhruk reng awm lo in a lang vek a. Tukverhte pakhat hi kil khatah chuan a awm ve ngei a mahse a thenawm In chuan a hliah vang nimaw eng pawn luh nan a hmang tha duh miah lo mai a, thlarau thianghlim phei chuan a ngainat ka ring lo thin.

(more…)

Zawhna sawm………..

Thursday, June 14th, 2012

Nikhat, thingpui dawr a ka thil tawn hi a  mak viau rualin ngaihtuah chu ti thui ve duh ang reng a, thenkhat in kan lo hlawkpui tak in kan post ve leh ngawt mai teh ang.

Chawhnu  her lam a ni tawh a, ril te pawh a tam ruih mai a, khawi nge inhnawh puar teh ang ti in ka chhuak ta a. Thingpui dawr ka thlen chuan lo thu sa hi an awm nual  a, ka han luh chuan Pa upa lam tawh tih hriat tak mai hian min lo nuih sung mai a, min hria a niang chu kan ti rilru ve ngawt pek a, ka che vel leh awm dan chu min han chik mai2 khawp a, Pa a pawh a patuai lampang lo nih nen ngaih a ti tha lo hman rum2 a. Chutia, thuthmun te kan rem a, Dawr nghaktu nu hnena thil ei tur kan lam chuh, chu pa chuan mak ti ni awm tak leh phu zawk ang mai hian min en a, a hmel lah  chu a  danglam in ramhuai hmu ang mai hian a phawk ta hru mai a. Kan thian a chu a rilru a buai a nih dawn hi a, ti rilru chung chuan ka eitur lam te chu ka ei zui ve ta mai bawk a.

Ka thil ei lai ka ei zo lam tawh tih ah chuan ka thutna hma ah tak mai chuan thinrim hmelpu hian a rawn in sawn phei ta a, engtak chu ni dawn ni maw!! ka tih rilru rauh2 a, thil zawh duh che ka nei hi a rawn ti tawl mai a, hrilh chu hai ve duh angreng khawp mai, mahse thil hriathiam loh a nei ang a ka hriat a ring deuh te pawh a nia nge ti chung chuan. Enge ni ta? Kan ti bul ve hmuk ringawt a, chuan zawhna kan in zawt tan chu a ni deuh der mai.

1. In va hausa awm ve? An ti ngawt mai a, hausa nang aw, ka hausak hmel a mi? kan tih chhunzawm ve nghal a, mi chhang ve ta lem lo chuan a ngawi leh ta vung2 ringawt a. Kan va in tham lo deuh ve ka ti deuh hman a mahse ka thian a pawh hi a lo buai ve a nih dawn hi a, ti rilru chung chuan ka khawngaih ta ang reng zawk khawp mai a.

(more…)

The Marble Statue

Wednesday, June 13th, 2012

Ni leh thlate a liam a, hunpui a rawn inher chhuak dawn nen mitin te rilru ah Christmass rawn thleng tur chu awmin atu ate pawh an buaiin mahni theih ang tawk tawkin an inhmakhua theuh hlawm a. Kei erawh ka hna lama ka buai em avangin bazar pawh kala kal hman loin ka U fate hnena an duhzawng lei kalo tiam tawh pawh kala kalpui hmanlo in min tur sek hlawm a. Zan khat chu, chaw eikham hnu vel aniang thianpa Lawma’n YMA commitee tura mi rawn sawmin ka insiam lai chu ka room ah min nghakin vawin lama a thiannu a bazarpui chungchang leh hmeichhe bazarpui a ninzia te a sawi luam a. Chutah, hrechhuak thut niawm takin,

Thianpa, vawin chu i ex ka hmu a, a fanu alo bazarpui a.

Ka nui ringawt a, ka changlo

Thingpui dawrah ania, kan titi luam a, an lo inthen ani awm e, “ I thianpa chu a ngaihawm thin ngawt mai a tih kha”.
A sawi pah chuan a nui uar uar a, ka chhan lemlo avangin thil dangah a pakai a. Ka rilru erawh chuan nunhlui a chhuikirin ka study table a, a chhawng chung bera ka dah sailungvara siam vantirhkoh lim lianvaklo chu ka han melh zauh a. Thianpa Lawma’n a hriat ka hlau nen titi chung chuan kan chhuak ta a.

(more…)