«
»

Sawi niah nuah!

June 27th, 2012 7:00 am by Henry Vangchhia

Bawkbawn case:

India ram aṭanga ramdang a chhuak ta, Bawkbawn hi English a koh dan a mak hlawm ngawt a nia. India ramah hian English angin “Brinjal” tiin kan sawi mai ṭhin. English ho chuan “Aubergine” an ti daih thung. “Aubergine” chu French ṭawng ani leh lawi si! American ho ve thung erawh chuan English tak siin, “Eggplant” anti hlauh lawi a! British ho English dictionary ah chuan “Aubergine is the fruit of an Eggplant,” a inti ve hlauh bawk a… a mak hlawm teh e.

Mizo ṭheuh ṭheuhah pawh Lusei ṭawng hmang hovin Bawkbawn kan tih laiin Lai holh (Pawi ṭawng) hmangte chuan “Bawnbawk” an ti leh hlauh thung a. Hmar, Ralte, Paite ten-in “Manta” an tih laiin Mara (Lakher) ho lah chuan “Babao” anlo ti leh heu bawk a. Bawkbawn hi alo bawkbawn em a ni e hairehai :P

Thâu liangluang case:

Khawvelah hian mihring thau tak tak an tam tehlul nen, khawvel a mihring thau chuangbang tam zawk hi America (USA) ah hian a awm roh pek a. UN leh WHO lamin an tarchhuah danin khawvel ah hian 17 million tons vel chu thau uchuak (overweight) a ni an ti mauh mai. America hian khawvel mihring 6% zat chauh hen mahse, thau zawng zawng hmun thum a ṭhen a hmun khat a chang lawi si a ni. Hahdam tawh lutuk vang niberin puh mithiam zingah an tam hle.

Ho ve tak case:

Khawvel hi a mah lawng chuan ton 6,600,000,000,000,000,000,000 vel ani an ti a. A chhung a cheng mihringte hian ton 287 million kan bûk e an ti bawk a. Tichuan, khawvel pangah lei-hîpna (gravity) vangin van thenreng (space) an kan darh chum chum lo chu a nisi a. Chutiang a kan beh thap avang leh khawvel alo mum kher kher avang chuan engti kawng pawhin mihringte hi tam belhin emaw, rih belh mah ila, khawvel hian a tih tur ie: ni hel kual leh a virdan a vir (axis leh revolves na)a tibuai lovang an ti.

Thil mum pangah inrihhleih tak tak han bel vêl ta la, chumi chu nge vir tluangtlam a i rin, inrihhleih vak loh thil mum. Entirnan: silaimu mum ṭha nge kal ngil silaimu sah-khem? Silaimu sah-khem chu a vir buai nuaih ṭhin tih .22 rifle hmangṭhang chuan inhre ngeiin ka ring. Chutiang deuh chuan khawvel-ah pawh hian ram lian leh te, mipui tam lam inanglo tak tak kan awm hlawm. Kan tam zual hnuah hian a virdan a khaihlak ang a a vir lohna turah hian kan vir daih mai ang e! hairehai :P ;)

Similar Posts:

Recent Posts:

This entry was posted on Wednesday, June 27th, 2012 at 7:00 am and is filed under Fiction, HAHAHA, Information, Whatever. You can follow any responses to this entry through the RSS 2.0 feed. You can leave a response, or trackback from your own site.

27 Responses to “Sawi niah nuah!”

  1. 1
    sheldon Says:
    June 27th, 2012 at 7:46 am

    Tukchhuah nuam vek u le (L)

    Bawkbawn – Brinjal leh Eggplant tih chiah ka lo hre ve, ‘Aubergine’ ka vawikhat hriatna.

    Thenkhat an thau lutuk laiin thenkhat in thau ve deuh kan lo duh a, a buaithlak hlawm e.

    Kan chenna khawvel a mum tih hi kan pi leh pu te kha chuan pawm har an ti ngawt ang.

    Report this comment

  2. 2
    Chhuaklinga Says:
    June 27th, 2012 at 7:59 am

    Hahaha.. A nih tak khi mawle. A bengvarthlak e. (Y)
    Bawkbawn rawh saum nen a bawl hi a tui khawp nia. :)

    tren tren

    Report this comment

  3. 3
    Dr Mahminga Sailo Says:
    June 27th, 2012 at 9:06 am

    A bengvarthlak e.. (Y)

    Tukin chu, case 3 ngawt chinfel a ngai a ni maw? :-O Han chingfel nghal law law ang hmiang… ;-)

    Case 1-na: Zo-thuk ngeia Bawkbawn rawh hmin, hmarcha nena rawt thakte; zai-lepa, artui nena kan te, sarep nena vai-paden te’n chaw ei a titui.

    Case 2-na: Thau tam zawk hian, chaw an heh bik miah lo; cher ve tak, ei thei zek an awm ve tho.. :-) Insumtheih leh mahni inthunun theih erawh a pawimawh… (Y)
    Case 3-na: Lei vir dan hi, a lo hahdam ber mai. A vir chakzawng ang hian min tuai vir ta mai se, lu a hai duh teh ang chu… :-D Siamtu Pathian ropuizia tilangtu a ni e.. (Y)

    Report this comment

  4. 4
    H.Vangchhia Says:
    June 27th, 2012 at 9:14 am

    #3 equator ah hian engkim buk (weight) a zang haih bik si a overweight a harsa awm! hairehai :-P ;-)

    Report this comment

  5. 5
    sheldon Says:
    June 27th, 2012 at 9:19 am

    Bawkbawn hi a tui em em lo na a siam dan chi hrang a tam ve a, a tha riau. Pum chhum tawp, pum chhum purun sen te nen a sawhbawl, fry, rawh hmin sawh bawl, artui a plaster, bai, vaipaden…siam dan a tam riau!

    Report this comment

  6. 6
    Dr Mahminga Sailo Says:
    June 27th, 2012 at 9:21 am

    # 4… :-D

    C.Vanlalduha (Mizo comedian) khan, ‘USA-ah chuan, keini ang tiat lek pawh hi feet 6 chuang vek an ni‘ a ti a. USA awm hi ka chak ve teh mai a nia… :-D

    Report this comment

  7. 7
    H.Vangchhia Says:
    June 27th, 2012 at 9:24 am

    #6 hairehai :P

    Report this comment

  8. 8
    H.Vangchhia Says:
    June 27th, 2012 at 9:25 am

    sheldon #1 Aubergine chu English a Bawkbawn tihna alawm, mahse French ani daih!!! :-P

    Report this comment

  9. 9
    chhangteval Says:
    June 27th, 2012 at 9:51 am

    bawngkawn :-D

    Report this comment

  10. 10
    Sangpuiipa Says:
    June 27th, 2012 at 10:56 am

    Nula pakhat pawh bazar ah a kal a, bawkbawn a hmu a, a lai vel. :-P

    Report this comment

  11. 11
    H.Vangchhia Says:
    June 27th, 2012 at 11:04 am

    Sangpuiipa #10 weinch ;-) hairehai

    Report this comment

  12. 12
    lrpa Says:
    June 27th, 2012 at 11:54 am

    BAwkkbawn hi chu ei hmiah hmiah mai tur! a tui lo ka tih pawl ani!! Samtawk chhum a tui zawk..haha :-P

    Report this comment

  13. 13
    Dr Mahminga Sailo Says:
    June 27th, 2012 at 12:15 pm

    # 10.. :-P

    @ lrp… Bawkbawn tui dan ber: Bawngsa rep nen vaipaden ila, a sa sa thlang ila… :-D

    Report this comment

  14. 14
    houdini Says:
    June 27th, 2012 at 12:21 pm

    Britishhovin bawkbawn kung hi eggplant an ti a, a rah hi aubergine an ti thung tihna a nih hmèl. Amerikan ai chuan britisi chu a hausa zâwk a ni mai em? (A kung leh a rah sawina an nei hrang. Amerikanhovin a kung hi eggplant an ti tho pek lo maw?)

    Thau sawi tâkah chuan hetiang hi thau a ni mai em? :-)

    Aubergine han sawi tâkah chuan sâp ṭawngah kum zabi 18 lai vêl khan an hmang ṭan a (ferên ṭawng làin), ferênhovin catalan ̣ṭawng alberginia tih aṭanga an lâk chhawn a ni a, catalanhovin arab ṭawng الباذنجان (al-badinjan) tih aṭanga an lâk lehchhawn a ni awm e. Ka intihre angreng hlë mai :-P

    Thuziak a ngaihnawm phian e. (Y)

    Report this comment

  15. 15
    houdini Says:
    June 27th, 2012 at 12:39 pm

    Chuan intihre chhunzawm ila, bawkbawn hi Indiaram chhûak liau liau a ni e. Vaihovin ei an chíng hmasa ber tihna.

    Report this comment

  16. 16
    lushai_er Says:
    June 27th, 2012 at 1:07 pm

    Khawvel hi a mum chiah em maw ni le ?

    Report this comment

  17. 17
    Lamji Says:
    June 27th, 2012 at 1:55 pm

    Bawkbawn chu thau lo tam in lei hipna paw’n hip lo tehreng sela,a la purple tho tho tur a ngaih ani. 3in1 answer. :D

    Report this comment

  18. 18
    hlatekhua Says:
    June 27th, 2012 at 2:34 pm

    Bawrhsaiabe pawh hi saptawngin lady’s finger leh deputycommissio-bean an ti em kha?

    Report this comment

  19. 19
    sheldon Says:
    June 27th, 2012 at 3:16 pm

    Khawnge Savawm Bawm post kha??? :-O

    Report this comment

  20. 20
    Dr Mahminga Sailo Says:
    June 27th, 2012 at 3:19 pm

    @ sheldon… Savawmin a dawlh daih a niang… :-P
    Savawm bawm a bo avangin, OT niah nuah mai ang u.. :-D

    Report this comment

  21. 21
    sheldon Says:
    June 27th, 2012 at 3:22 pm

    Hahaha :-D Pu Hv phalna in OT chhunzawm ang. Savawm bawm bona chhan kha han chhuichhuak teh u :-D

    Report this comment

  22. 22
    malsta27 Says:
    June 27th, 2012 at 3:33 pm

    A va mak niah nuah ve………..i pic dah ber kher chu a…..Hairehai :-D :-D .

    A bo tak2 nih hi :-D :-D .

    Report this comment

  23. 23
    Sangpuiipa Says:
    June 27th, 2012 at 3:35 pm

    Sazu saum siam dan ka la rawn post ang. :-P

    Report this comment

  24. 24
    H.Vangchhia Says:
    June 27th, 2012 at 4:15 pm

    Bawkbawn, Chingît, bekang, leh ang eng emaw thak têk tâwkin kan nu’n a hmarbai hluah mai a a tui rim rem mange a hairehai :-P (Y)

    Report this comment

  25. 25
    Mx Says:
    June 27th, 2012 at 4:47 pm

    Bawkbawn hi chu han pumchhum ila, chu chu rawt sawm vekin hmarcha hmui(thak si, thak lutuk silo), nghapih leh tomato leh eng engemaw nen kang leh ila a tui lutuk! (ka siam ngat phei chu duhthusamin a tui :-P ) ka sawi zawng ringawt pawh hian ka chil a puuut ;-)

    Chingit leh bekang vel nen a bai hi tui ka ti hle bawk :-D

    Report this comment

  26. 26
    houdini Says:
    June 27th, 2012 at 5:13 pm

    Are! Savawm bawm chu a lo bo daih tak tak nia!

    A va nikhua lo ve, a lo vahbo daih!

    Report this comment

  27. 27
    H.Vangchhia Says:
    June 27th, 2012 at 5:57 pm

    # 25 yay :-P hairehai

    Report this comment

Leave a Reply

You must be logged in to post a comment.