Archive for the ‘Luangliam’ Category

A che che sih hlawkah!

Monday, August 13th, 2012

Hun rei tak chhung chu misual silent reader ka lo ni tawh á¹­hin a. Article pahnih khat lek chu ka post ve tawh a, comment pawh ka pe vak lo. Mahse tun á¹­um chu puak chhuak ve phawng teh ang. A che che sih hlawkah kan ti ang a, a inngaihbel apiang chu ka sawi chhan tihna a ni mai!

Tluang takin misual.com pawh a kal zel a, thu ngaihnawm tak tak a awm á¹­hin avang leh thu leh hla thawhtute pawh mi puitling tak an (in) nih hlawm avangin a ni telin Mizo mipuite hian kan hlut telh telh niin a lang a. Hetah tak hian kan fimkhur zual a ngai hle mai. A hmasa ber atana ka sawi duh chu– Keimahni á¹­heuh hi hre ber emaw intih tlat loh tur! Mifing leh ril tam tak kan zingah hian in awm ngei mai, Amaherawhchu kan thil sawi á¹­henkhat hi keini aia hrechiang zawk, sawi chhuak lem lote pawh an awm á¹­euh tih hi ihria ang u (sawi loh tur tihna lam a ni lo a nia)

A dawt leh atan chuan- I thil sawi tur ngun takin ngaihtuah hmasa rawh. Misual.com-ah hian Mizoram chanchin kan thlir tlangpui a, kan inkaihhruai dan dik tawk lote, kawng á¹­henkhata system felfai kan neih loh thute, moral reformation kan mamawh thu leh thil dang tam tak kan tarlangin kan sawiho va, kan sel tlâng a. Keini aia fing leh changkang zawkte tihdan nen kan khaikhin chang pawh a awm á¹­hin. Hengte hi ram leh hnam kan hmangaih vang leh Mizo society tana á¹­hahnem kan ngaih vang a ni á¹­hin a; thil á¹­ha tak chu a ni ngei mai. Mahse (ka’n ti hram ang e) Keini Mizote/Mizoram hi hnamdang/ramdang nen kawng engkimah khaikhin chi kan ni lo. Culture hran nei, nundan danglam tak tak kan nih avangin ram danga á¹­ha kha Mizoramah a á¹­ha ve kher lo thei a. Tin, hnam dangte tihdan kan sawilan á¹­hin á¹­henkhat (a zavai chuan a ni lo) hi chu kan society hian a zo ve lo!

A pathum nan- I á¹­anna lam I sawi mawi duh a nih pawhin midangte ngaihdan kher tel vak vak kher lova tihdan ngaihtuah rawh. Kan hriat dan chauh hi a dik ber emaw tih tlat loh tur a ni a, rilru zau tak put tur a ni. Hemi bik hi chu a hnuaia ka sawi lan tur nen sawi kawp a rem tho avangin hemi chinah hian duhtawk phawt ang.
(more…)

MIN DER LE.

Monday, August 13th, 2012

Hun rei tak la nilo mahse, hman han tih tur chu a ni ve tawh mai ang chu. Intihmualpho na leh insawitheihna lam nilovin, nang nen a hun kan lo hman tawh te kha ka’n sawi ve reng reng teh ang. Min la then dawn tih hre reng chung si khan, keimah chauh i tan a awm ni awm takin, “nanglo chu ka Hmangaih che ka la ti miah lo; engtik lai pawh hian ka rilru ah i awm reng thin a sin; ka ngai lutuk thin che” engtin nge min lo tih theih zawk le.

Kei chu ri phawng phawng chi ka nih kha, thil han thup mawi vel hi ka thiam der silo a. Mi huai famta Pu Tluangtea Hnamte thukhawchang takin, ka thil hmuh leh hriat te hi sawi lo in ka awm theilo mai ni lo in ka ziak kher zel leh nghal a. A pawi ngawt a nia kei kher kher min bum hi chu. Ka ngaihsan thin teh reng che nen hetiang mai mai a nun hmang tur hi chu i nilo a sin maw le, hero atangin Zero ah i insiam a ni ringawt alawm, i nun danin engmahlo ah a siam ta che a ni e.

Diktak chuan, induh em em in, inthlahlel viau thin mahila, nang nen meuh han inngaihzawn chu kawng tin rengah mahni insit a na duh in, ka chan palh mai ang che tih ka hlau thin a, hlim leh inthlahlel tak a kan len dun lai te pawh khan, ka thla hi a phang ru viau thin a sin. Min lo thlauhthla ta la engtin nge ka dam khawchhuah theih ang tih te, ka nun hman zel dan tur pawh hi ka suangtuah ngam ngai lo va. Mahse, tihngaihna dang awm der lo a min han then takah chuan engtia han sawi fiah tur nge ka hre thiam chiah lo a, thlahlel viau chung si che a hlauhthawn rukna te leh hahthlak riau te kha zuk bo daih a. A tawi zawngin a thawventhlak a nih ber chu. Kei kher kher min lo tawng hi chu a pawi teh zawng a ni e.

Nangmah hre tu zawng zawngin fel leh tha an ti che a. Chutiang mi in ka tih hmasak pawh nilo a min han duh mai chu ka tan chuan mak tih loh rual a nilo a, kei chang ka lawm a nilo a, ka thiantha te paw’n min lawmpui ve khawp a sin. Khawtlang, Kohhran leh i nun hrim hrim tun an hai silo. Ni e, nangmah vang hian ka chan phakloh tur tam tak ka chang a, thil tha tam tak i hnen atangin ka zir a, ka chan phak loh tur pawh ka chan hial tak kha.
(more…)

Shot full of love – Don Williams

Sunday, August 12th, 2012

Zanin chu min lo hrethiam teh u… Ka lung a leng em a ni…

(more…)

Putar Great Britain?

Sunday, August 12th, 2012

Zawlnei Daniela chuan heti hian a lo sawi a: “Pathian hming chu kumkhaw tlaitluanin fakin awm rawh se; Finna leh thiltihtheihna a ta a ni si a: Hunte leh hunbite a tidanglam a; Lalte a sawn bova, Lalte a tungding a” tiin (Daniela 2:20-21). Tin, bung 4:32 ah chuan, “Chungnungbera chuan mihringte lalna ram chungah thu a nei a, a duhsak apiang hnenah a pe thin a ni” a ti bawk.

Ram nitla seng lova rorel thin; Great Britain pawh hi, Khawvela Krista Chanchintha meichher pu darhtu ni thinin, an Lalna ramah ni a tla theilo hial khawpin khawvelah Colony an lo ngah tawh thin a. Amaherawhchu,tunah zet chuan, Great Britain meuh pawh a tha a thumin a lo tar ve tak tak ta niin a lang.

Khawvel map kan thlir chuan, thliarkar te reuh te hi a ni mai a. Amaherawhchu, hmakhawsang ata tawh, Fuat hi an nei a, Indona meipui vawi duailo lo paltlang tawhin; ram leh Sawrkar chak tak takte nen an lo indo tawh thin a. A tir lamah bet deuhvin han lang thin mahse, a tawpah chuan hnehna hlado chhamtu zawkah an tang leh nge nge thin. Spanish Armada te, Napoleon-a te an lo tuktlawm tawh a, Indopui pakhatnaah, Germany an tuk tlawm hnuah Hitler-a hnuaia Germany alo din thar leh khan, Great Britain tan meuh pawh huphurhawm tak anlo ni ta a, Khatihlaia Khawvela khawmual sipai nei ropui ber ang hiala an lo sawi thin, France sipai pawl ropui te kha, chawlhkar khat emaw lek chhungin a chhu tlawm titih deuh der ta mai si a.

(more…)

Letter to Taylor Swift

Sunday, August 12th, 2012

Duhtak Taylor Swift,

“Duhtak” kan ti ve mai che hi tlangnel khaw lo lua ah min ngaih phah em lo ang chu tiraw?

Kum liam ta kum 2011 daih tawh a, “World tour — Speak Now” kha ka lo en ve chiah a. Ni e, ka en chiah tak tak a ni. Vanglaini phek hlaiahte chuan ka lo hre thawi ve tawh tho na, hetiang ang deuh rup hi chun tun hi ka en ve na chauh a ni.

I hnenah lehkha tawi tê rawn thawn ka duh a, mahse khawi Dâk Inah nge ka dah ang a, tu Dâkpu nge ka rawn thawn ang tih ka ngaihtuah a, Sipai bang ve hlei lo hi ka bo map mai. Kan khaw Bazar Bus Conductor hi ka rawn thawn tawp mai dawn em ni? Ziah ngei chu ka duh si.

Ti hian lo ziak ta ang ila;

(more…)

Kum thum tang tawh a vun chhah lai…

Sunday, August 12th, 2012

Uisa boruak a reh a, ka han tlip dawn ang e.

 

Uisa duh laileng kha chuan uitang vun kha tui an ti tak tak a ni awm e, hmanlai deuh kha chuan. Sa râwp nat vang ve hrim hrim nge ni… Chûvang te pawh chu a ni mahna, hë hla hi a lo piang ta a ni:

 

Ui rawt party-ah tel i duh chuan,
Duli thawh la vawi thum lam la,
Ui sa ui sa tia au chung zelin,
Vengtin kil tin fang zel ang che,

Ui sa ui sa, lenghmaser taivawn,
Sa zawng laiah i tui chuang e,
I khu ngawt pawh chhungkaw tinreng tan,
Puar leh fanna a tling awm e.

(more…)

Ka nuna thusawitu S.Malsawmtluanga

Friday, August 10th, 2012

(He thuziak tlawm tak hi, August ni 10, 2012 a a pain a boralsan tak S.Malsawmtluanga tan ka hlan e).

A hmasa bera ka sawi duh chu, S.Malsawmtluanga chanchin ka ziak dawn lo a, S.Malsawmtluanga’n ka nun a khawih dan chanchin ka ziak dawn a ni. Mimal nun ziak tur ka nih avangin ‘KA’ tih thumal a tam lo thei lo a ni tih min hriatsak dawn nia.

Mizo mipa i nih chuan, engtikah emaw, tuemaw chuan ‘Mama’ tiin a ko tawh ngei ang che. Mizoram leh khawvel hmun hrang hranga Mizote zingah Mama tamtak kan awm a, Mama tamtak zinga a lar ber chu S.Malsawmtluanga hi a ni ngei ang le.

Football ngaina mi i nih chuan S.Malsawmtluanga hi tunge a nih hrilh i ngai lo ang. Mizo footballer, ram pum huapa ‘star’ ti a sawi theih hmasa ber a ni hial awm e. East Bengal-a a khelh lai kha Mizo mipuiten Mama chanchin kan ngaihven lai ber ti ila kan tisual tam lo ang. Khatih hunlai hi a ni, Mizo mipa naupang tamtak ang bawka Mama ka hmelhriat á¹­anna chu.

Beidawnna ruamah

Primary leh Middle hi sawrkar sikul, Mizo medium ah ka zo a. Thingtlanga piang leh seilian ka nih avangin English kan thlahthlam a, lehkha zir aia thingtuai put, tuikhuaha chen tih vel thlahlel zawk ka ni á¹­hin. Pawl 8 ah, nu leh pate á¹­hahnemngaihna avangin Mizorama private school á¹­ha ber pakhatah ka lût a, hostel-ah ka awm zui a. A hrehawm ka va han ti á¹­hin tak em.

(more…)

Ka Nu Mittui

Friday, August 10th, 2012

Mipui vak nuai nuai karah chuan ka nu chu ka en reng a. A vaimim hem hminna meihawl thuk atanga thil sa tak lo chhuak chu hre awm pawhin a awm lo. A chal vela a thlan fim lo luang tiam tiam chu ka nunna min pe tu a ni a, chumi kara a thinlung rum, a mittui lo farin min hrilh chu ka hmuh hmaih hek lo.

Ni lah chuan ka nu chu hmusit takin a chhun bik hian ka hria a, mahse ruah a sur lahin ka nu pawisa hmuh ve theihna lah chu a tawp a ni mai dawn si. Duhthlan tur a awm lo!

Ka nu chuan ka nau kum thum mi lek chu a pua a, rem lo takin a meihawl thuk bulah chuan a thu a. Khat deuh pharha mi in a vaimim rawh an rawn en te chuan tawngkam thiam lo tak hian a man tur te a lo hrilh a, a dang a sawi belh ngai lem lo.

Sikul kan kal loh ni chuan ka nu pui turin a vaimin rawhna thuk sirah chuan ka thu nileng ve mai zel a. Vaimin rawh tur awm hun lai a nih loh chuan ka nu hian chwhmeh eng eng emaw a zuar chhawng ve thin a. Chu chu ka theih tawpin ka pui thin.

(more…)

Chhawr Loh Thlapui

Thursday, August 9th, 2012

Ṭhianpa Lexxpuia hian a thupui a ziak sual hret ani maithei!

Awmkhaw har changin ka hawi vel a
Kan hlîmlai ni ka ngai á¹­hîn thînlaiah
Min hnêmtu nang lo chu an awm lo.
Nau âng nui a kan hlîmlaite,
Ka ngai á¹­hîn thînlai-an dawn ve rawh.

Chhâwr loh thlapui a lo eng leh ta
Ka tan á¹­ahna a sei leh dawn mang e
Aw vawikhat tal min han chhang la, aw mampui
Nau âng nui a kan hlîmlaite,
Ka ngai á¹­hîn thînlai-an dawn ve rawh.

Min han hnemla, i zun ngai hi’
Theih chang sela ka lam lo hawi leh rawh
Thinlai na reng a dam ve nan, min hnem rawh.
Nau âng nui a kan hlîmlaite,
Ka ngai á¹­hîn thînlai-an dawn ve rawh.

(more…)

Mit hahdamna – I

Thursday, August 9th, 2012

Tunlai chu ‘Hnam Sakhua’, ‘Nunna Lal Chhungkua’ tih vel post a tam lutuk a, mi(sual).com fan ruhkawl pawh ka thlep hnawp hnawp fo a ni ber e. Kan chhiar leh chhiar loh pawh ngaihtuah lem lovin inthlahrunna chhete pawh awm hauh lovin an rawn post tlut tlut mai lehnghal a. Tun tumah hian mitkham chhawkna atan thlalak hluiho hi ka rawn post ve a. A tul dan angin kan post chhunzawm zel a ni ang chu.

1. Hei hi Aizawl-a Helicopter rawn tum hmasa ber a ni. Tun thla atanga Helicopter rawn service tur nen a inthlau viauin i ring em le?

.
(more…)