Hun rei tak chhung chu misual silent reader ka lo ni tawh ṭhin a. Article pahnih khat lek chu ka post ve tawh a, comment pawh ka pe vak lo. Mahse tun ṭum chu puak chhuak ve phawng teh ang. A che che sih hlawkah kan ti ang a, a inngaihbel apiang chu ka sawi chhan tihna a ni mai!
Tluang takin misual.com pawh a kal zel a, thu ngaihnawm tak tak a awm ṭhin avang leh thu leh hla thawhtute pawh mi puitling tak an (in) nih hlawm avangin a ni telin Mizo mipuite hian kan hlut telh telh niin a lang a. Hetah tak hian kan fimkhur zual a ngai hle mai. A hmasa ber atana ka sawi duh chu– Keimahni ṭheuh hi hre ber emaw intih tlat loh tur! Mifing leh ril tam tak kan zingah hian in awm ngei mai, Amaherawhchu kan thil sawi ṭhenkhat hi keini aia hrechiang zawk, sawi chhuak lem lote pawh an awm ṭeuh tih hi ihria ang u (sawi loh tur tihna lam a ni lo a nia)
A dawt leh atan chuan- I thil sawi tur ngun takin ngaihtuah hmasa rawh. Misual.com-ah hian Mizoram chanchin kan thlir tlangpui a, kan inkaihhruai dan dik tawk lote, kawng ṭhenkhata system felfai kan neih loh thute, moral reformation kan mamawh thu leh thil dang tam tak kan tarlangin kan sawiho va, kan sel tlâng a. Keini aia fing leh changkang zawkte tihdan nen kan khaikhin chang pawh a awm ṭhin. Hengte hi ram leh hnam kan hmangaih vang leh Mizo society tana ṭhahnem kan ngaih vang a ni ṭhin a; thil ṭha tak chu a ni ngei mai. Mahse (ka’n ti hram ang e) Keini Mizote/Mizoram hi hnamdang/ramdang nen kawng engkimah khaikhin chi kan ni lo. Culture hran nei, nundan danglam tak tak kan nih avangin ram danga ṭha kha Mizoramah a ṭha ve kher lo thei a. Tin, hnam dangte tihdan kan sawilan ṭhin ṭhenkhat (a zavai chuan a ni lo) hi chu kan society hian a zo ve lo!
A pathum nan- I ṭanna lam I sawi mawi duh a nih pawhin midangte ngaihdan kher tel vak vak kher lova tihdan ngaihtuah rawh. Kan hriat dan chauh hi a dik ber emaw tih tlat loh tur a ni a, rilru zau tak put tur a ni. Hemi bik hi chu a hnuaia ka sawi lan tur nen sawi kawp a rem tho avangin hemi chinah hian duhtawk phawt ang.
A tawp berah chuan- Thil hre chiang mang si lovin huai tak taka thil sawi chin loh tur! Entirnan: Mizoramah hian Kohhran hrang hrang kan awm a, kan thu pawm dan leh lâk dan pawh a inang lo. Piantharna chungchang a ni emaw, thil dang pawh ni rawh se, kan pawlin kan pawm dan a nih loh avanga pawl dangte nekna remchang atana lo hman hleuh hi zah nachang hriat tur! Hetiang thil hian misual.com hi a ti-uih deuh tlat!
Sawi zel dawn chuan kan insawi tui lutuk dawn tlat, hemi chinah hian duhtawk daih ang. Hei erawh hriat reng tur: He post hi mimal ngaihdan liau liau a ni a. A duh chuan support a, a duh lo chuan support loh mai tur a ni. A duh apiang tan sawisel thiang! Alo inngaihbel apiang chu…. in ni mai! A che che sih hlawkah!
Similar Posts:
- Taxi Ka Hmang Ve a
- In zahder hram hram ang u
- Mizo tawng hi!
- AMEN Vrs UM
- Ram dang mi Mizoram a chengte
August 13th, 2012 at 12:37 pm
Kei chu ka che miah lo ania aw.
August 13th, 2012 at 12:39 pm
Dik hlawm fu mai…zawm ngei ngei chi
August 13th, 2012 at 12:40 pm
Comment ve ulaaa 😉
August 13th, 2012 at 12:45 pm
i sawi chhan te ka hre thei vek 😛 Admin thar em ni chhekeh hi 😀
August 13th, 2012 at 12:49 pm
vawithum che hi ka sik teh ang 🙂
A dik khawp mai. A bikin comment inhnial hi kan thiam lo, thu inchuh emaw ngaihdan inang lo ah hian a ‘thu’ lam aiin a mihringah kan ‘in-kap’ ta thin a. Kan thu inchuh theihnghilh vek khawp te pawn inhnial zui mai changte pawh a awm 😀
Nuam ve zel tho thin mahse in sum deuh hi chu a tha..Fiamthu erawh chuan a pawi hauh lo, ti tak ren run lutuk a online hi a khat ve a 🙂
August 13th, 2012 at 1:02 pm
I rawn chhawpchhûak ṭha hlë mai. Rawn chhunzawm zël teh (Y) (Y) (Y)
August 13th, 2012 at 1:04 pm
#4 Admin lo nasa, member zingah pawh a thu lo ber pawl ka ni 😛
August 13th, 2012 at 1:20 pm
kei chu che lo nia 😛
August 13th, 2012 at 1:26 pm
Aihah!! min sik
August 13th, 2012 at 1:38 pm
Ni e 😀 (Y)
August 13th, 2012 at 1:40 pm
KA KOMEN LEH POST HI KA THU THU…
Ti pawl hi kan tam a.h.
August 13th, 2012 at 2:07 pm
^ nia
August 13th, 2012 at 2:10 pm
Tha lutuk tlat (Y)
August 13th, 2012 at 2:28 pm
(Y)
August 13th, 2012 at 2:41 pm
A CHUNG A POST COMMENTS OFF SAW Admin TEN COMMENTS ON LO HRAM SE!!
August 13th, 2012 at 2:42 pm
Engatinge Rinzova thuziahah hian sawizui phalna in khàr bîk ziah chu le…! Rawn hawng vat teh u!
August 13th, 2012 at 2:52 pm
# A chunga “Rinzova Khawlhring Lalhnam” post saw comment off tlang parh ni hram teh se. Luak a chhuak ta bawk e.
August 13th, 2012 at 3:00 pm
Kala che hman rihlo tlat.
August 13th, 2012 at 3:04 pm
Admin khan han ON tawh teh u
August 13th, 2012 at 3:08 pm
@19..an hrilh an hrilh che a..i awih duh lo vel a..i hetih vang anih hi 🙂
August 13th, 2012 at 3:08 pm
ON suh u. (N)
August 13th, 2012 at 3:09 pm
E
August 13th, 2012 at 3:11 pm
Nimin khan Admin pakhat chu ka lo sawipui tawh a, an off sak fo tawh maithei e.
August 13th, 2012 at 3:11 pm
@rinzova -post i submit tawh chuan khawih zui tawh suh.. Kan ti lawm lawm a, ti nge i va edit leh dawk dawk.. Pending/schedule tawh hnuah i khawih leh chuan ti khian a in off daih thei a nia..
Thu awih ve mai rawh. Noi
August 13th, 2012 at 3:12 pm
@Rinzova, Haha!! I nick a Lalhnam hi paih la comment off tawh lovang…hihi
August 13th, 2012 at 3:14 pm
A dik a ni, zawm theuh ang u…..
August 13th, 2012 at 3:14 pm
^^ Ka khawih zui ngailo asin…. Mak thei e mai!
CFL# Comment-ah ka paste pawp pawp ang a a ni mai alawm
August 13th, 2012 at 3:15 pm
Hetiang thu lam hi tlem chuan a hne awm deuh ani e..thlahnih dan velah emaw te chuan nise ok deuh a..darkar bi zawng chuan!!..Pu Rinzova te an zahawm rual rualin..lutuk hi chu a awm ve a.. !
August 13th, 2012 at 3:18 pm
# 27, Hmel Zawngsen, mawlmuk lutuk lo teh aw. I e-mail lam atangin ka block hlen hmiah mai tur che a nia aw. 😛
August 13th, 2012 at 3:21 pm
A tawp br khi a va dik ve.. A dang pawh a tha lutuk.. (Y)
August 13th, 2012 at 3:23 pm
‘Keini aia fing leh changkang zawkte tihdan nen kan khaikhin chang pawh a awm ṭhin. Hengte hi ram leh hnam kan hmangaih vang leh Mizo society tanaṭhahnem kan ngaih vang a ni ṭhin a; thil ṭha tak chu a ni ngei mai. Mahse (ka’n ti hram ang e) Keini Mizote/Mizoram hi hnamdang/ramdang nen kawng engkimah khaikhin chi kan ni lo. Culture hran nei, nundan danglam tak tak kan nih avangin ram danga ṭha kha Mizoramah a ṭha ve kher lo thei a. Tin, hnam dangte tihdan kan sawilan ṭhin ṭhenkhat(a zavai chuan a ni lo) hi chu kan society hian a zo ve lo!’
Keini aia changkang te atanga kan zir loh in tute atangin nge kan zir chuang ang? Kan hmaih thin nia ka hriat mai mai chu,ho te a an Manner and etiquette zir chian a entawn aiin an culture anga awm ve kher kan tum thin hi a hahthlak!
August 13th, 2012 at 3:35 pm
Tlemte hriat vanga engkim hre vek emaw intih hi alo awl te pawh a ni ang e, inzir theuh kan ngai a ni. Chuan mimal zawnga intih chu a tha ka ti lo khawp mai…a uchuak zualte kan inkhap liam liam hi chu thuhran a nia, a chunga mite ang khian hehe
August 13th, 2012 at 4:24 pm
#31 (Y) i sawi dik, ka hnial lo che. Mahse ka rawn sawi tak zawk chu chiang deuhin han chhiar nawn leh ta la, ‘kawng engkimah…’ ka ti mai chauh a ni e. A tul a nih chuan kan intehkhin tur a ni a, mahse eng topic-ah pawh, ‘chumi ramah chuan…/ chung ho chuan…’ lo tih bik ziah hi a fuh ber lo ka tihna chauh a ni e.
August 13th, 2012 at 4:26 pm
Sik hlawk em ni 😉
August 13th, 2012 at 4:34 pm
#33 chhekeh, H.Va`n US of A ah chuan lo tichhen suh se itihna mi akekeke 😛 😀
@Rinzova post khi admin ten comments ON lo hram ru, duh leh karleh ah in on dawn nia 🙂
August 13th, 2012 at 4:34 pm
Kan post leh kawmen dan tur zawng zawng rel feltu tur i ni em ni? Kan duh duh kan post ang a, kan duh duhin kan kawmen ang. I ngaihdan kha, kan ngaihdan a ni vek lo. Mihring mize inang lo tak tak tlakhawm hi, huang khatah min khungkhawm tum lo la, i thawveng ta ve ang. 😛
August 13th, 2012 at 4:42 pm
Mimal ngaihdan, a duh apiang tan hnial theih….
#36, heti chung pawh hian ka la thawveng em em tho 😀
August 13th, 2012 at 4:50 pm
#37, che suh ka sik dawn che :-S
August 13th, 2012 at 5:14 pm
a post tupa ber chu i che hmasa ber anih hi. I ngaihdanin public forum ah rorel i tum a, an duh duh lo sawi ang hmiang, miin hre ber an intih lohvin midang hre ber an ti dawn em ni. COnfidence level hniam nge nge hi chu hetiang level ah chuan an rawn lang khat pharh maithei..
Kudos to all Misual.commers. (Y)
August 13th, 2012 at 5:14 pm
A ni ve thei tho mai.
OT : The M Book khi a chhiar theih tawh miah lo mawle. :-S
tren tren
August 13th, 2012 at 5:23 pm
#39, rorel ka lo tum a ni maw? 😀 Mimal ngaihdan, a duh lo chuan support loh theih, hnial thiang vek tih pawh ka ziahlan ve bawk khi mawle… Order a ni lo a nia, a category pawh ‘opinion’ (dah mai a) 😀
August 13th, 2012 at 5:26 pm
@40, Hetah hian a la chhiar theih hlauh e. (H)
http://www.misual.com/2012/02/01/the-m-book-2/
tren tren
August 13th, 2012 at 6:23 pm
misual.com hi thuziah zir nan te, debate zir nan te a ṭangkai viauin ka hria.
Hriat dan leh ngaihdan hrang hrang thawh khawm hi a ṭhain min tibengvartu ṭha tak a ni. Chutih rualin mahni ngaihdan chauh hi ngaihdan dik awm chhun emaw tih tlat te, mahni thil hmuh ve chhun hi khawvel puma thil kalhmang tur emaw tih tlat te hi chu a dik ber lem lo. Ngaihdan dang neite ‘lecture’ piap piap mai te pawh hi a finthlak lem lo thei.
August 13th, 2012 at 6:28 pm
Min sik hrep mai ru 😀 😀 😀
August 13th, 2012 at 6:57 pm
Ama post pawh tih tawh nak laia post dangah pawh ‘Lalhnam lalhnam’ tih tak reng mai chu, huiiha (N)
August 13th, 2012 at 7:01 pm
I chhekeh anih mai chu. 😀 :fiamthu: (I hming hi a remchang dawn riau mai) 🙂 OT loh na’n,post tha tak,ngaihdan tha tak ani. Mahse mirual a comment chin hi chuan kan in register hma in khi’ng ho khi chu kan hre tur ah ngai ang. 😉
August 13th, 2012 at 7:03 pm
*misual*
Printing mistake. 😛
August 13th, 2012 at 7:15 pm
#41..ka ngaihdan ka sawi mai mai, engati nge i lo hnial nghal.. 😀 I sawi khi zawm rawh.. (H)
August 13th, 2012 at 8:21 pm
Chhekeh post anih vang hrim hrim in comment ve e,
post tupa hi in hriat chian leh zual duh chuan facebook a a group siamah a BIHCHIAN theih ang 😛
August 13th, 2012 at 8:22 pm
50
August 13th, 2012 at 8:24 pm
Phek tharah first
August 13th, 2012 at 8:29 pm
2nd
August 13th, 2012 at 10:03 pm
#48, hnial pawhin ka lo inhre lo va
August 13th, 2012 at 10:08 pm
Aaaaamen!
August 13th, 2012 at 10:17 pm
Sisen #49, facebook a a group siam chu enge lo sawi laa
August 13th, 2012 at 10:33 pm
Mut hma ti leh zuai ang… #55, Thup tlat a ni
Ka comment tawp nan tak tak, “He post hi mimal ngaihdan liau liau a ni a. A duh chuan support a, a duh lo chuan support loh mai tur a ni. A duh apiang tan sawisel thiang!” Mu hmeks ang, mangtha u.
August 13th, 2012 at 10:35 pm
I thu rawn post hi thudik awmsa, universal truth niin ka hria. I thu ziah ang lova khawsa thin chu kan awm thin ngei ngei mai, mizia a inang thin lova, mahse mi fing leh fel chuan ngaihdan an nei thiam mai thin. A lo ngai haw ta an awm chuan i sawi ang khian an ni mai. Amaherawhchu mi chi hrang hrang, engti kawng zawng pawh a rawl chhuah thin kan awm hi a thatna lai chu a awm ve i ti lo maw. Khawvel hi kan duhdan leh mihring te hi awmdan tur perfect kan sawi ang hian awm vek ta ila, a boring viau in ka ring ania. Chuvang chuan thil chi hrang hrangah ngaihdan hrang hrang kan au chhuah pui te hi a lehlam takah chuan a nawmna lai te hi a awm ve ania.
Post tha tak zawng ani phawt mai le, mahse post leh comment chhiar ti ngaihnawm tu chu khawvel leh midang thlir dan dawn lem lova mahni rilru ang puah chhuah pui phawng phawng te hi an nih chang a awm a nia, tin midang ten an lo khak let barh barh te hi chhiar ti nuamtu leh thil reng reng ti hot tu chu a ni ve pakhat thin in ka hria kei chuan.
August 13th, 2012 at 11:45 pm
Charice #55, https://m.facebook.com/groups/1.....1?refid=27
August 14th, 2012 at 3:00 am
A tha hle mai….misual hi ka lut khat tawh riau maia, i han ngaihhlut thiam danah lung tepawh i ti leng alawm mawle